Loading
འཕགས་པ་རྒྱན་སྟུག་པོ་བཀོད་པ་ཞེས་བྱ་བ་ཐེག་པ་ཅེན་པོའི་མདོ།
ཆ
not checked
༄༅༅། །རྒྱ་གར་སྐད་དུ། ཨཱཪྻ་གྷ་ན་བྱཱུ་ཧ་ནཱ་མ་མཧཱ་ཡཱ་ན་སཱུ་ཏྲ། བོད་སྐད་དུ། འཕགས་
པ་རྒྱན་སྟུག་པོ་བཀོད་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་
བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་
གཅིག་ན། བཅོམ་ལྡན་འདས་ཆོས་ཐམས་ཅད་ལ་མངའ་སྒྱུར་བ་འདོད་པ་དང༌། གཟུགས་
༄༅༅། །དང༌། གཟུགས་མེད་པ་དང༌། འདུ་ཤེས་མེད་པའི་སེམས་ཅན་རྣམས་ལས་འདས་ཏེ་།
སངས་རྒྱས་ཀྱི་ཞིང་སྟུག་པོ་ན་སྟོབས་མངའ་བ་རྣམས་དང་།རྫུ་འཕྲུལ་གྱི་རྐང་པ་རྣམས་ཀྱིས་རྣམ་པར་
འཕྲུལ་ཞིང་རྗེས་སུ་སྤྱོད་པ། བྱང་ཆུབ་སེམས་དཔའ་སེམས་དཔའ་ཆེན་པོ་རྣལ་འབྱོར་དམ་པའི་རྣལ་འབྱོར་
ཅན་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་མུར་འདུག་བྱེད་པ་ཐམས་ཅད་ཀྱི་གཞུང་རྣམ་པར་
འཇོམས་པ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོ་དང༌། བྱང་ཆུབ་སེམས་དཔའ་
སེམས་དཔའ་ཆེན་པོ་སངས་རྒྱས་ཀྱི་ཆོས་ཐམས་ཅད་ཀྱི་རྣམ་པར་དགོད་པ་ཡང་དག་པ་ཇི་ལྟ་བ་བཞིན་དུ་སྟོན་པ་དང༌། བྱང་ཆུབ་
སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་
པོ་བརྙེས་པ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་འཕྲུལ་པའི་རྒྱལ་པོ་དང༌། བྱང་ཆུབ་སེམས་དཔའ་
སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་
པོ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་གྲོལ་བའི་ཟླ་བ་དང༌། བྱང་ཆུབ་སེམས་དཔའ་སེམས་
དཔའ་ཆེན་པོ་ཤུགས་འཛིན་དང༌། དེ་དག་ལ་སོགས་པ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་བྱེ་བ་སྙེད་ཀྱི་བྱང་ཆུབ་
༄༅༅། །སེམས་དཔའ་སེམས་དཔའ་ཆེན་པོ་ཁམས་གསུམ་པའི་ཡུལ་ལས་ཡོངས་སུ་འདས་པ། སེམས་དང༌།
ཡིད་དང༌། རྣམ་པར་ཤེས་པ་དང༌། ཀུན་གཞིའི་སྤྱོད་ཡུལ་ལས་ཡོངས་སུ་འདས་པ། ཡེ་ཤེས་དང་ཡིད་ཀྱི་ལུས་སུ་གནས་གྱུར་
པ༑ སྒྱུ་མ་ལྟ་བུ་དང༌། དཔའ་བར་འགྲོ་བ་དང༌། ཆོས་ཀྱི་སྤྲིན་གྱི་ས་དང༌། ཏིང་ངེ་འཛིན་དང་ལྡན་པ། སངས་རྒྱས་དུ་མའི་ཕྱག་གི་
དབང་བསྐུར་བས་དབང་བསྐུར་བ། ཁམས་གསུམ་པའི་ཡུལ་ལས་ཤིན་ཏུ་འདས་པའི་གཞལ་མེད་ཁང་གི་པདྨོ་ཆེན་པོ་ལ་
འཁོད་པ་རྣམས་དང་ཐབས་གཅིག་ཏུ་བཞུགས་ཏེ། དེ་ན་མུར་འདུག་དང༌། ཉན་ཐོས་དང༌། རང་སངས་རྒྱས་ཐམས་ཅད་ཀྱི་རྒྱུ་
བ་མེད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐོང་བའི་
ཆོས་ལ་བདེ་བར་སྤྱོད་པ་བདག་གི་སོ་སོ་རང་གི་འཕགས་པའི་ཡེ་ཤེས་ཀྱིས་མཁྱེན་པའི་སྤྱོད་ཡུལ་བཙུན་པར་དབྱངས་འབྱིན་པ་སྣ་ཚོགས་ཀྱི་གཟུགས་དུ་མ་སྟོན་
བའི་ཏིང་ངེ་འཛིན་ལས་བཞེངས་སོ། །བཞེངས་ནས་ཀྱང་ཕོ་བྲང་འཇའ་དང་གློག་གི་འོད་ཅན་རྒྱན་དང༌། ལྟ་བ་ལྷུབ་དུ་མས་བརྒྱན་པ་ནས་མངོན་པར་བྱུང་སྟེ། ཟླ་བ་དྲི་མ་མེད་
པའི་སྙིང་པོ་ཞེས་བྱ་བའི་ཁང་སྟེང་དུ་གཤེགས་སོ། །གཤེགས་ནས་ཀྱང་སྟུག་པོའི་རིས་ཀྱི་རྒྱན་སེངྒེའི་གདན་དམ་པ་ལ་བྱང་ཆུབ་སེམས་དཔའ་དང་ཐབས་གཅིག་ཏུ་
བཞུགས་སོ། །བཞུགས་ནས་ཀྱང་བཅོམ་ལྡན་འདས་ཀྱིས་ཕྱོགས་བཞིར་གཟིགས་ཏེ་གཙུག་གི་རིན་ཆེན་འོད་ཀྱི་རྒྱན་ཅེས་བྱ་བའི་འོད་ཟེར་གྱི་ཚོགས་ཆེན་པོའི་འོད་ཟེར་
སྟོང་ཕྲག་བརྒྱའི་འཁོར་ཅན་སྨིན་མཚམས་ནས་བྱུང་སྟེ། འོད་ཟེར་གྱི་ཚོགས་དེ་བྱུང་བས་སངས་རྒྱས་ཀྱི་ཞིང་གི་རྒྱན་ཐམས་ཅད་སངས་རྒྱས་ཀྱི་རྒྱན་གཅིག་དང་འདྲ་བར་
ཡོངས་སུ་སྣང་བར་གྱུར་ཏོ། །མཆོག་ཏུ་ཕྲ་བའི་རྡུལ་གྱི་ཕྲ་བ་ཉིད་དུ་སངས་རྒྱས་ཀྱི་ཞིང་ཐམས་ཅད་ཀྱི་རང་བཞིན་ཕྲ་བ་ཉིད་ཀྱང་ཡོངས་སུ་སྣང་ངོ༌། །སངས་རྒྱས་ཀྱི་ཞིང་
སྟུག་པོའང་སངས་རྒྱས་ཀྱི་ཞིང་གཞན་གྱི་རང་བཞིན་རྡུལ་གྱི་ཕྲ་བ་ཉིད་ལས་འདས་ཏེ་གནས་སོ། །སངས་རྒྱས་ཀྱི་ཞིང་སྟུག་པོ་ནི་འོད་དང༌། གཟའ་དང༌། ཟླ་བ་སྤངས་པ་སྟེ།
༄༅། །འདུས་མ་བྱས་ཀྱི་རང་བཞིན་ཉིད་ཀྱིས་ཤིན་ཏུ་ཕྲ་བའི་རྡུལ་གྱི་ཕྲ་བ་ཉིད་དུ་མི་སྣང་གི །གཞན་དུ་མྱ་ངན་ལས་འདས་པ་དང༌། ནམ་མཁའ་
དང་མ་བརྟགས་པར་འགོག་པ་ལྟ་བུར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང༌། སངས་རྒྱས་བཅོམ་ལྡན་འདས་རྣམས་དང༌། སངས་རྒྱས་ཀྱི་
ཞིང་གཞན་དག་ན་སྤྱོད་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གཟིགས་སོ། །དེ་ནས་བཅོམ་ལྡན་འདས་ཀྱིས་སངས་རྒྱས་ཀྱི་ཞིང་གི་རྒྱན་དང༌།
སངས་རྒྱས་དང་བྱང་ཆུབ་སེམས་དཔའི་མཐུ་ཕྱུང་བ་དེ་དག་གཟིགས་ནས། སངས་རྒྱས་ཀྱི་སྤྱན་གྱིས་ཕྱོགས་བཅུར་བྱང་ཆུབ་སེམས་དཔའི་འཁོར་དང་བཅས་
པ་ལ་གཟིགས་ནས་བྱང་ཆུབ་སེམས་དཔའ་སངས་རྒྱས་ཀྱི་ཆོས་ཐམས་ཅད་རྣམ་པར་དགོད་པ་ཡང་དག་པ་ཇི་ལྟ་བ་བཞིན་དུ་སྟོན་པ་ལ་བཀའ་སྩལ་པ། རྣམ་
པར་དགོད་པ་ཡང་དག་པ་ཇི་ལྟ་བ་བཞིན་དུ་སྟོན་པ། སྟུག་པོའི་རྒྱན་ཞེས་བྱ་བའི་སངས་རྒྱས་ཀྱི་ཞིང་འདི་ན་འདོད་པ་དང༌། གཟུགས་དང༌། གཟུགས་མེད་པ་དང༌།
འདུ་ཤེས་མེད་པའི་སེམས་ཅན་དུ་གཏོགས་པའི་གཟུགས་སྲེད་པ་དང༌། མ་རིག་པ་དང༌། ཏིང་ངེ་འཛིན་གྱི་འབྲས་བུ་ཡེ་ཤེས་ཀྱི་མེས་རྣམ་པར་བསྲེགས་ཏེ་གནས་
གྱུར་པའི་ཕྱིར་ཡེ་ཤེས་ཀྱི་ཏིང་ངེ་འཛིན་དང༌། ཡིད་བཞིན་གྱི་ལུས་སྟོབས་དང༌། མངོན་པར་ཤེས་པ་དང༌། རྫུ་འཕྲུལ་གྱི་རྐང་པ་དང༌། དབང་གིས་བརྒྱན་པ། གསེབ་མེད་
པ༑ རིང་དུ་གནས་པ། ཟླ་བ་དང༌། ཉི་མ་དང༌། ནོར་བུ་དང༌། གློག་དང༌། འཇའ་དང༌། བྱུ་རུ་དང༌། བ་བླ་དང༌། ལྡོང་རོས་དང༌། མཚལ་དང༌། མགོ་ནག་གི་འབྲུ་དང༌། ཀིངྴུ་
ཀ་དང༌། ཨིནྡྲ་གོ་པ་དང༌། གསེར་དང༌། ཙམ་པ་ཀ་དང༌། པདྨོ་དང༌། དུང་དང༌། རྨ་བྱའི་མགུལ་དང༌། མདོངས་བུ་མེ་ལོང་གི་ནང་ན་འདུག་པའི་གཟུགས་བརྙན་ལྟ་བུ་ཐོབ་
ནས། ས་དང་སར་ཟག་པ་མེད་པས་སྦྱངས་པའི་རྒྱུ་ཏིང་ངེ་འཛིན་ལ་དབང་སྒྱུར་བའི་ཕྱིར་སྨོན་ལམ་གྱི་མཐར་ཕྱིན་པ་བཅུའི་བསྔོ་བས་ལུས་ཐོབ་པའི་ཁྱད་པར་ཅན་དག་
སངས་རྒྱས་ཀྱི་ཞིང་སྟུག་པོར་འོང་ངོ༌། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཆོས་ཐམས་ཅད་རྣམ་པར་དགོད་པ་ཡང་དག་པ་ཇི་ལྟ་བ་བཞིན་དུ་
སྟོན་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་
བས་ཕྱག་བཙལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་
༄༅། །ཕྱོགས་གཅིག་ཅིག་བཅོམ་ལྡན་འདས་ཀྱིས་བདག་ལ་ཞུ་བ་ཞུས་པ་ལུང་བསྟན་པའི་སླད་དུ་སྐབས་དབྱེ་བར་གནང་ན་བདག་གིས་ཞུའོ། །བཅོམ་
ལྡན་འདས་ཀྱིས་བཀའ་སྩལ་པ། རྣམ་པར་དགོད་པ་ཡང་དག་པ་ཇི་ལྟ་བ་བཞིན་དུ་སྟོན་པ་ཁྱོད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་ལ་དྲིས་ཤིག་དང༌། ངས་ཅི་དང་ཅི་འདོད་པ་དེ་དང་དེའི་དྲི་བ་དྲིས་པ་ལུང་བསྟན་པས་སེམས་མགུ་བར་བྱའི། ཁྱོད་ཀྱིས་ཇི་ལྟར་བཟོད་པ་དེ་ལྟར་སྨྲོས་ཤིག །དེ་
ནས་སངས་རྒྱས་ཀྱི་ཆོས་ཐམས་ཅད་རྣམ་པར་དགོད་པ་ཇི་ལྟ་བ་བཞིན་དུ་སྟོན་པའི་བྱང་ཆུབ་སེམས་དཔའ་སེམས་དཔའ་ཆེན་པོ། བཅོམ་ལྡན་འདས་ཀྱིས་སྐབས་
ཕྱེ་བ་དང༌། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སངས་རྒྱས་ཀྱི་ཞིང་སྟུག་པོ་འབའ་ཞིག་འདོད་པ་དང༌། གཟུགས་དང༌། གཟུགས་
མེད་པ་དང༌། འདུ་ཤེས་མེད་པའི་སེམས་ཅན་ལས་འདས་ཏེ་གནས་སམ། སངས་རྒྱས་ཀྱི་ཞིང་གཞན་དག་ཀྱང་དེ་བཞིན་ནམ་ཅི་ལགས། རིགས་ཀྱི་བུ། སངས་རྒྱས་ཀྱི་
ཞིང་སྟུག་པོ་འབའ་ཞིག་འདོད་པ་དང༌། གཟུགས་དང༌། གཟུགས་མེད་པ་དང༌། འདུ་ཤེས་མེད་པའི་སེམས་ཅན་ལས་འདས་ཏེ་གནས་པ་མ་ཡིན་གྱི། སངས་རྒྱས་ཀྱི་ཞིང་གཞན་
དག་ཀྱང་ཡོད་དོ། །རིགས་ཀྱི་བུ། འདི་ནས་ཕ་རོལ་ལ་ཤིན་ཏུའང་ཕ་རོལ་སངས་རྒྱས་ཀྱི་ཞིང་བྱེ་བ་སྟོང་ཕྲག་བརྒྱ་འདས་པའི་སྟེང་གི་ཕྱོགས་ཆ་ན་ཚངས་པའི་དབྱངས་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཞིང་དང༌། དེ་བཞིན་དུ་སཱ་ལའི་དབང་པོའི་རྒྱལ་པོ་དེ་བཞིན་གཤེགས་པ་དང༌། སྐར་མའི་རྒྱལ་པོ་དེ་
བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སངས་རྒྱས་ཀྱི་ཞིང་དང༌། དེ་བཞིན་དུ་སངས་རྒྱས་བཅོམ་ལྡན་འདས་དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཕ་རོལ་ཤིན་ཏུའང་ཕ་རོལ་ཏུ་འདས་པ་ན། སངས་རྒྱས་ཀྱི་ཞིང་བྱེ་བ་སྟོང་ཕྲག་བརྒྱ་མང་པོ་བྱང་ཆུབ་སེམས་
དཔའི་འཁོར་གྱི་ཚོགས་ཀྱིས་བརྒྱན་པ་ཤིན་ཏུ་ཡངས་ཤིང་ཆེ་བ་དག་ཡོད་དེ། སངས་རྒྱས་བཅོམ་ལྡན་འདས་དེ་དག་ཀྱང་འཁོར་གྱི་ཚོགས་དེ་དང་དེ་དག་ཏུ་བྱང་ཆུབ་སེམས་དཔའ་
སེམས་དཔའ་ཆེན་པོ་རྣམས་ལ་བདག་གི་སོ་སོ་རང་གི་འཕགས་པའི་ཡེ་ཤེས་ཀྱིས་རྟོགས་པའི་སྤྱོད་ཡུལ་གྱི་གཏམ་དང༌། མཐོང་བའི་ཆོས་ལ་བདེ་བར་གནས་པའི་ཆོས་ཚིག་
དང་རྣམ་པར་རྟོག་པའི་སྤྱོད་ཡུལ་དང༌། ཡི་གེ་དང་བྲལ་བ་དེ་བཞིན་ཉིད་དང༌། ཡང་དག་པའི་མཐའ་དང༌། མྱ་ངན་ལས་འདས་པ་ཐོབ་པར་བྱེད་པའི་ཕྱི་མའི་མཐའི་མུར་འདུག་
༄༅། །པར་སྟོན། དེ་ནི་རྣམ་པར་བཀོད་པ་ཡང་དག་པ་ཇི་ལྟ་བ་བཞིན་དུ་སྟོན་ཏེ། དེ་ནི་གང་རྣམ་པར་དགོད་པ་ཡང་དག་པ་ཇི་ལྟ་བ་བཞིན་དུ་སྟོན་པ་ཁྱོད་
ཀྱིས་འདིའི་ཕ་རོལ་ན་འཇིག་རྟེན་གཞན་དང་སངས་རྒྱས་དག་ཡོད་དམ་ཞེས་སྨྲས་པ་དེའི་ལན་དུ་ངས་འདི་སྨྲས་སོ། །རྣམ་པར་དགོད་པ་ཡང་དག་པ་ཇི་ལྟ་བ་བཞིན་དུ་
སྟོན་པ་ཁྱོད་འབའ་ཞིག་སངས་རྒྱས་ཀྱི་ཞིང་གི་རྒྱན་དང༌། བྱང་ཆུབ་སེམས་དཔའ་ལ་ལྟད་མོ་བལྟ་བར་འདོད་པའི་ཕྱིར་དེ་བཞིན་གཤེགས་པ་ལ་དྲི་བར་སེམས་པར་མ་
ཟད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་ཤུགས་འཛིན་འདིའང་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཞིང་གི་རྒྱན་དང༌། སངས་རྒྱས་
ཀྱི་སྒྲའི་དབྱངས་ཀྱི་དཀྱིལ་འཁོར་དང༌། སྤྱི་གཙུག་ཚད་མེད་པ་ལ་ལྟད་མོ་བལྟ་བར་འདོད་པའི་ཕྱིར་སངས་རྒྱས་ཀྱི་ཞིང་བྱེ་བ་སྟོང་ཕྲག་བརྒྱར་སོང་ནས་སངས་རྒྱས་
ཀྱི་ཞིང་ཆུ་བོ་གངྒཱའི་བྱེ་མ་སྙེད་དུ་རྫུ་འཕྲུལ་གྱི་མཆོག་གིས་གྱེན་དུ་སོང་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤུགས་འཛིན་འདིས་དེ་བཞིན་གཤེགས་
པ་གཅིག་ཙམ་གྱི་སངས་རྒྱས་ཀྱི་ཞིང་གི་རྒྱན་ཏམ། སངས་རྒྱས་ཀྱི་གསུང་གི་དབྱངས་ཀྱི་དཀྱིལ་འཁོར་རམ། སྤྱི་གཙུག་ཚད་མེད་པའང་མ་མཐོང་སྟེ། དེས་མ་མཐོང་
བ་དང༌། ངོ་མཚར་དུ་གྱུར་ནས་སངས་རྒྱས་ཀྱི་གསུང་གི་དབྱངས་ཀྱི་དཀྱིལ་འཁོར་དང༌། སྤྱི་གཙུག་ལྟར་ཚད་མེད་པ་བསམ་གྱིས་མི་ཁྱབ་པ་ཡང་དག་པར་རྗེས་སུ་དྲན་ཞིང་མི་
མཇེད་ཀྱི་འཇིག་རྟེན་གྱི་ཁམས་འདི་ཉིད་དུ་ཕྱིན་ནས་མཉན་དུ་ཡོད་པར་སངས་རྒྱས་བཅོམ་ལྡན་འདས་ཀྱི་སྤྱན་སྔར་འདུག་སྟེ། ཉེས་པ་ལ་ཉེས་པར་བཤགས་ནས་སངས་
རྒྱས་རྣམས་ནམ་མཁའ་དང་མཉམ་པར་ཤེས་ཏེ་མངོན་པར་བསྟོད་ནས། བདག་གི་སོ་སོ་རང་གི་འཕགས་པའི་ཡེ་ཤེས་ཀྱིས་རྟོགས་པའི་སྤྱོད་ཡུལ་ལ་མངོན་པར་
མོས་ཤིང་སངས་རྒྱས་ཀྱི་ཞིང་སྟུག་པོ་ཉིད་དུ་སོང་སྟེ་གནས་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་ས་དང་སའི་མཚན་ཉིད་
ལ་མཁས་པ་ཕྲ་བ་དང༌། དམིགས་སུ་ཕེབས་པ་དང༌། རྣམ་པར་གདོན་མི་ཟ་བའི་གཏམ་ཟློས་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་
གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེར་ཐལ་མོ་སྦྱར་བས་ཕྱག་བཙལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
འདས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱོགས་གཅིག་བཅོམ་ལྡན་འདས་ཀྱིས་བདག་ལ་ཞུ་བ་ཞུས་པ་ལུང་བསྟན་
༄༅། །པའི་སླད་དུ་སྐབས་དབྱེ་བར་གནང་ན་བདག་གིས་ཞུའོ། །བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེའི་སྙིང་པོ་ཁྱོད་ཀྱིས་དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དྲིས་ཤིག་དང༌། ངས་ཅི་དང་ཅི་འདོད་པ་དེ་དང་དེའི་དྲི་བ་དྲིས་པ་ལུང་བསྟན་པས་སེམས་མགུ་བར་
བྱའི། ཁྱོད་ཀྱིས་ཇི་ལྟར་བཟོད་པ་དེ་ལྟར་སྨྲོས་ཤིག །དེ་སྐད་ཅེས་བཀའ་སྩལ་པ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་ལ་བཅོམ་
ལྡན་འདས་ཀྱིས་སྐབས་ཕྱེ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སངས་རྒྱས་སངས་རྒྱས་ཞེས་བགྱི་བ་དང༌། འཚང་རྒྱ་
བར་བགྱི་བ་ཞེས་བྱ་བའི་དོན་ཅི་ལགས། བཅོམ་ལྡན་འདས། དོན་དམ་པ་འཕགས་པའི་ཡུལ་ཆོས་ཉིད་ཀྱི་སངས་རྒྱས་ཀྱི་རིགས་སྟོན་པ་འདས་པ་དང༌། མ་
འོངས་པ་དང༌། དེ་ལྟར་བྱུང་བའི་སྤྱོད་པའི་ས་ལ་སྤྱོད་པ་དང༌། གཟུགས་དང༌། མཚན་ཉིད་དང༌། ཡང་དག་པར་བསྡུ་བའི་ལྟ་བར་ལྟུང་བ་རྣམས་དང༌། མུར་
འདུག་གཞན་གྱི་སྨྲ་བ་ལ་མངོན་པར་ཆགས་པའི་བློའི་སྤྱོད་ཡུལ་ལ་སྤྱོད་པ་རྣམས་དང༌། རྡུལ་དང༌། གཅེས་པ་དང༌། དབང་པོ་དང༌། ཕྱོགས་དང༌། དུས་དང༌།
ནམ་མཁའ་དང༌། བདག་དང༌། ཡིད་དང༌། དབང་པོ་དང༌། དོན་ཉེ་བར་འདུ་བའི་ལྟ་བར་ལྟུང་བ་རྣམས་ཀྱི་བློ་རྣམ་པར་བཟློག་པའི་སླད་དུ་བཤད་དུ་གསོལ། བདེ་བར་
གཤེགས་པ། བསྟན་དུ་གསོལ། མ་རིག་པ་དང༌། སྲེད་པ་དང༌། ལས་དང༌། མིག་དང༌། གཟུགས་དང༌། སྣང་བ་དང༌། དེ་ལ་སྐྱེ་བའི་ཡིད་ལ་བྱེད་པ་དང༌། གསུམ་
འདུ་བའི་རྣམ་པར་རྟོག་པའི་ཤེས་པ་ཅན་དང༌། རྒྱུ་དང༌། དེ་མ་ཐག་པ་དང༌། དབང་དང༌། དམིགས་པའི་རྐྱེན་ལས་བྱུང་བའི་རྣམ་པར་ཤེས་པ་ལ་ཆགས་པར་སྤྱོད་པ་
དང༌། ཡོད་པ་དང༌། མེད་པར་སྨྲ་བའི་རྟོག་པ་ཅན་དང༌། ཆོས་འདི་པའི་ཕུང་པོ་དང༌། གང་ཟག་སྟོང་པ་ཉིད་དུ་ལྟ་བར་ལྷུང་བ་རྣམས་ཀྱིའང་བློ་རྣམ་པར་བཟློག་པའི་སླད་
དུ༑ བཅོམ་ལྡན་འདས། བསྟན་དུ་གསོལ། ཆོས་ཀྱི་དབང་པོ་ཐོབ་པར་འགྱུར་གྱི། བདེ་བར་གཤེགས་པ། བསྟན་དུ་གསོལ། །རྣམ་ཤེས་ལྔ་ཡི་རྒྱུ་ལ་སོགས། །མངའ་
བདག་དམ་པ་མ་གཏོགས་པར། །སངས་རྒྱས་བློ་དང་ཤེས་བྱ་དང༌། །ཇི་ལྟར་གང་གིས་འཚང་རྒྱ་ཞིང༌། །ཤེས་བྱ་རྣམ་པ་ལྔ་པོ་རྣམས། །ཐུགས་སུ་ཆུད་པ་སངས་
རྒྱས་ཏེ། །ཆོས་རྣམས་ཐམས་ཅད་མཁྱེན་པས་ན། །མྱ་ངན་འདས་དང་མཉམ་གཤེགས་པ། །བཅོམ་ལྡན་འདས་ཀྱིས་བཀའ་སྩལ་པ། དགེའོ། །རྡོ་རྗེའི་སྙིང་པོ། ས་བཅུ་ལ་
༄༅། །དབང་བ། རྣམ་པར་རྟོག་པའི་སྤྱོད་ཡུལ་ལས་འདས་པ། མཁས་པ་ཆོས་ཉིད་ཀྱི་སངས་རྒྱས་ཀྱི་རིགས་གྲགས་པར་བྱེད་པ་དགེའོ། །རྣལ་འབྱོར་དམ་པ་ལ་དབང་
པ། སངས་རྒྱས་དང་འཚང་རྒྱ་བར་ཡོངས་སུ་དྲི་བ་འདི་ལ་ནི་ཁྱོད་འབའ་ཞིག་ལྟད་མོ་བྱུང་བ་མ་ཡིན་གྱི། སྒྱུ་མ་བྱེད་པ་བཟང་པོ་དང༌། རྒྱལ་བའི་བུ་གཞན་དག་ཀྱང་དོན་འདི་ལ་ལྟད་
མོ་བྱུང་ཞིང་སངས་རྒྱས་ཀྱི་དངོས་པོ་འདྲི་སྟེ། དེ་བཞིན་གཤེགས་པ་ཞེས་བྱ་བའི་ཚིག་གི་དོན་འདི་ཅི་ཞིག །ཅི་གཟུགས་དེ་བཞིན་གཤེགས་པའམ། འོན་ཏེ་གཟུགས་ལས་གཞན་
ཞིག་དེ་བཞིན་གཤེགས་པའམ། དེ་བཞིན་དུ་ཕུང་པོ་དང༌། ཁམས་དང༌། སྐྱེ་མཆེད་ཀྱི་འདུ་བྱེད་ལས་ཀྱང་སྟེ། ནང་དང་ཕྱིའི་མཉམ་པ་ཉིད་ཀྱང་མི་མཐོང་ཞིང་བྱས་པའི་རྒྱུ་དང་
འཇིག་པའི་ཆོས་ཅན་གྱི་ཕྱིར་ཕུང་པོ་རྣམས་ལ་དེ་བཞིན་གཤེགས་པ་མེད་དེ། རྡུལ་ཕྲ་མོ་མེད་པ་ཐུགས་སུ་ཆུད་པའི་ཕྱིར་ཤེས་རབ་དང༌། ཡེ་ཤེས་དང༌། ཏིང་ངེ་འཛིན་གྱི་སྤྱོད་
ཡུལ་ཏེ། མཉམ་པར་བཞག་པའི་ཐུགས་ཀྱི་ཡང་དག་པར་རྗེས་སུ་མ་གཟིགས་ཤིང༌། ཕུང་པོ་རྣམས་སྐྱེས་པའི་ཕྱིར་དེ་བཞིན་གཤེགས་པའི་ཆོས་ཀྱི་སྐུ་ཡིན་པས་ན་རྟག་པ་
ཉིད་དོ་སྙམ་མོ། །ཀྱེ་རྒྱལ་བའི་བུ། ཆོས་ཀྱི་དབྱིངས་ཀྱི་ཤིན་ཏུ་ཕྱེ་བ་ལ་མཁས་པ་དེ་དགེའོ། །ཀྱེ་རྒྱལ་བའི་བུ། །དེ་བས་ན་དགེ་བར་ཤིན་ཏུ་ཉོན་ཏེ་ཡིད་ལ་གྱིས་ཤིག་དང་ངས་ཁྱོད་
བཤད་དོ། །བཅོམ་ལྡན་འདས། དགེའོ་ཞེས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་བཅོམ་ལྡན་འདས་ལས་ཕྱིར་ཉན་ཏོ། །བཅོམ་ལྡན་འདས་ཀྱིས་དེ་
ལ་བཀའ་སྩལ་པ། རིགས་ཀྱི་བུ། རྡོ་རྗེ་ལྟ་བུའི་སྙིང་པོ་ཏིང་ངེ་འཛིན་ལ་དབང་པ་རྡོ་རྗེའི་སྙིང་པོ་ཕུང་པོ་རྣམས་ནི་དེ་བཞིན་གཤེགས་པ་མ་ཡིན། ཕུང་པོ་ལས་གཞན་ན་ཡང་མེད་
དེ༑ ཕུང་པོ་ལ་གནས་པའང་མ་ཡིན། ཕུང་པོའང་གནས་མ་ཡིན། སྐྱེ་བ་དང་འཇིག་པའང་གནས་མ་ཡིན། ཤེས་པར་བྱ་བའང་མ་ཡིན། ཤེས་པའང་མ་ཡིན། དོན་ཀྱང་མ་
ཡིན༑ དབང་པོ་རྣམས་ཀྱང་མ་ཡིན་ནོ། །དེ་ཅིའི་ཕྱིར་ཞེ་ན། ཕུང་པོ་དང༌། ཁམས་དང༌། སྐྱེ་མཆེད་དང༌། ཡུལ་རྣམས་ནི་མ་ནོ་བསམ་མེད་པའི་ཕྱིར་ཏེ། དེ་བཞིན་གཤེགས་པ་
ནི་འདི་རྣམས་ལས་ནང་དམ་ཕྱིར་ཡང་མི་བལྟའོ། །གཟུགས་ནི་སྤྱོད་པ་མེད་ཅིང་སེམས་མེད་པ་སྟེ། འབྱུང་བ་མེད་པའི་ཆོས་ཅན། མཐར་འཇིག་པ། རྩྭ་དང་ཤིང་དང་པོར་རྡོ་
དང་འདྲ་བ། ཤིན་ཏུ་ཕྲ་བའི་རྡུལ་གྱི་ཚོགས་དབུ་བ་དང་འདྲ་བའོ། །ཚོར་བ་ནི་གཉིས་ཚོགས་པ་ལས་ཆུའི་ཆུ་བུར་དང་འདྲ་བར་སྐྱེའོ། །འདུ་ཤེས་ནི་བུམ་པ་དང༌། སྣམ་བུ་དང༌།
ཅོད་པན་ལ་སོགས་པའི་རྒྱུ་ལས་བྱུང་བ་སྟེ། དེའང་གཉིས་ལས་སྐྱེས་པའི་སྨིག་རྒྱུ་དང་འདྲ་བ་སྟེ། དཔེར་ན། དཔྱིད་ཀྱིས་མངོན་པར་གདུངས་པའི་ས་ལ་ཉི་མའི་འོད་ཟེར་བབ་
༄༅། །པ་གྱེན་དུ་ལངས་པ་རྣམས་ཆུའི་རླབས་ལྟ་བུར་རླབ་ཅིང་རི་དྭགས་དང་བྱ་སྐོམ་གྱིས་ཉེན་ཅིང་ཆུ་འཚོལ་བ་རྣམས་ལ་ཆུར་རྨོངས་པར་བྱ་བས་
རྨོངས་པར་བྱེད་དོ། །དེ་བཞིན་དུ་འདུ་ཤེས་ཀྱང་དེའི་བདག་ཉིད་མ་ཡིན་པ། དེའི་བདག་ཉིད་མ་ཡིན་པའི་གཟུགས་སུ་འཇུག་པ། ཡང་དག་པ་མ་ཡིན་པར་ཡོངས་སུ་
བརྟགས་པ་ལས་སྐྱེས་པ། དཔྱོད་པ་རྣམས་ཀྱིས་བརྗོད་པ་ལས་ལོགས་ཤིག་ཏུ་མི་དམིགས་པ། །བོང་བུའི་རྭ་དང༌། མོ་གཤམ་གྱི་བུ་བརྗོད་པ་ལྟར་མིང་ཙམ་དུ་ཟད་
པ་སྟེ། རྨི་ལམ་གྱི་གཟུགས་བརྗོད་པ་ལྟར་བལྟའོ། །དཔེར་ན། རྨི་ལམ་ན་གཟུགས་ཀྱི་འདུ་ཤེས་མཐོང་བ་སད་པའི་ཚེ་གཟུགས་ལ་སོགས་པ་དང༌། བུད་མེད་བཟང་
མོའང་དམིགས་སུ་མེད་དོ། །དེ་བཞིན་དུ་མི་ཤེས་པས་ལོག་པ་ན་བུད་མེད་དང་སྐྱེས་པ་ལ་སོགས་པ་མཐོང་བའང་མངོན་པར་སངས་རྒྱས་ན་མི་དམིགས་སོ། །འདུ་བྱེད་རྣམས་
ནི་ཆུ་ཤིང་གི་སྙིང་པོ་ལྟ་བུ་སྟེ་བཙལ་ན། ལུས་དང་ངག་དང་ཡིད་ལས་བྱུང་བ་གཟུགས་མེད་པ་རྣམས་རྣལ་འབྱོར་ཅན་གྱི་དཔྱོད་པ་པ་རྣམས་ཀྱིས་མི་རྙེད་དོ། །རྣམ་པར་
ཤེས་པ་ནི་སྒྱུ་མ་ལྟ་བུ་དེའི་བདག་ཉིད་མེད་པ་སྟེ། སྒྱུ་མ་བྱེད་པའམ། དེའི་སློབ་མས་ནན་ཏན་དུ་རྩྭ་དང་ཤིང་དང་བོང་རྡོ་ཙམ་ལ་བརྟེན་ཏེ། གཟུགས་ཀྱི་ཡན་ལག་དུ་མ་
ལས་མངོན་པར་བསྒྲུབས་པའི་སྒྱུ་མའི་གཟུགས་གླང་པོ་དང༌། རྟ་དང༌། ཤིང་རྟ་དང༌། མི་དང༌། རྒྱན་མ་བརྟགས་པའི་གཟུགས་ཀྱི་ཕྱོགས་གཅིག་ངོ་མཚར་དུ་བསྟན་པ་ལྟ་བུ་དང༌།
གཞན་ཡང་མཁས་པ་རྣམས་ལ་མ་ཡིན་གྱི། བུས་པའི་འགྲོ་བ་རྣམས་ལ་འདྲིད་པ་དེ་བཞིན་དུ་རྣམ་པར་ཤེས་པའང་རྣམ་པ་གཞན་དུ་འདུག་ལ། རྣམ་པ་གཞན་དུ་ཤིན་ཏུ་
བརྟགས་ཤིང་ཤིན་ཏུ་རྟོག་སྟེ། དེའང་བདག་ཉིད་ཀྱིས་བདག་ལ་འཛིན་པ་གཉིས་སུ་ཤེས་ནས། སྒྱུ་མས་མངོན་པར་གྲུབ་པའི་གཟུགས་གཅིག་པོའི་ངོ་མཚར་དང་འདྲ་བར་ཕྱིར་
ལྡོག་པ། དེ་བཞིན་གཤེགས་པ་ནི་རྟག་པ། བརྟན་པ། ཐེར་ཟུག །མི་འཇིག་པ་སྟེ། སངས་རྒྱས་རྗེས་སུ་དྲན་པ་བསྒོམ་པའི་རྣལ་འབྱོར་ཅན་རྣམས་ཀྱི་ཡུལ་ཡིན་ཏེ། དེ་བཞིན་
གཤེགས་པའི་སྙིང་པོ་ཞེས་བསྒྲགས་པ་མྱ་ངན་ལས་འདས་པའི་དབྱིངས་དང༌། ནམ་མཁའ་ལྟ་བུར་མི་འཇིག་པ་སྟེ། མྱ་ངན་ལས་འདས་པའི་སྒྲ་ཆོས་ཀྱི་དབྱིངས་ཀྱི་ཚིག་གིས་
འདས་པ་དང༌། བྱུང་བ་དང༌། འབྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་བསྟན་ཏེ། འདི་ལྟར་དེ་བཞིན་གཤེགས་པ་རྣམས་བྱུང་ཡང་རུང༌། མ་བྱུང་ཡང་རུང༌།
ཆོས་རྣམས་ཀྱི་ཆོས་ཉིད་ཆོས་ཀྱི་གནས་ཉིད་དང༌། ཆོས་ཀྱི་དབྱིངས་དང༌། ཆོས་སྐྱོན་མེད་པ་གཉིས་པ་འདི་ནི་དེ་བཞིན་གནས་པའོ། །རྡོ་རྗེའི་སྙིང་པོ། སྐྱོན་མེད་པ་ཞེས་བྱ་
༄༅། །བ་ནི་ཡང་འབྱུང་བའི་ཉེས་པ་ཐམས་ཅད་དང་བྲལ་བའོ། །རྡོ་རྗེའི་སྙིང་པོ། །སྐྱོན་མེད་པ་ནི་ཉེས་པ་ཐམས་ཅད་དང་བྲལ་བར་མ་ཟད་ཀྱི་ཏིང་ངེ་འཛིན་
ལའང་འཇུག་གོ། །སྐྱོན་མེད་པར་འདའ་བ་ནི་བྱང་ཆུབ་སེམས་དཔས་སྤང་བར་བྱ་སྟེ། དེ་ཅིའི་ཕྱིར་ཞེ་ན། འདི་ལྟར་ཏིང་ངེ་འཛིན་གྱི་སྒོ་དེ་ཉིད་དུ་མྱོས་ཏེ། སེམས་ཅན་ལ་
ལྟ་བ་མེད་པར་གྱུར་ཅིང་ཡང་དག་པའི་མཐའ་མངོན་དུ་བྱས་ནས་ལྕགས་བསྲེགས་པའི་མེ་དང་འདྲ་བར་མྱ་ངན་ལས་འདའ་བར་གྱུར་ཏེ། དེ་སེམས་ཅན་གྱི་དགོས་པ་
ལ་བརྩོན་འགྲུས་བཏང་ཞིང་སྙིང་རྗེ་ཆེན་པོ་དང༌། ཕ་རོལ་ཏུ་ཕྱིན་པ་རྣམས་དང་བྲལ་བས་སངས་རྒྱས་ཀྱི་གདུང་རྣམ་པར་ཆད་པར་བྱེད་ཅིང་ཉན་ཐོས་དང་རང་སངས་རྒྱས་
མུར་འདུག་བྱེད་པའི་ལམ་དུ་འགྲོ་སྟེ། ཏིང་ངེ་འཛིན་གྱི་འདམ་དུ་གླང་པོ་ཆེ་ཆེན་པོ་འདྲ་བར་རྣམ་པར་ཐོགས་ཏེ། རྣམ་པར་ཤེས་པའི་ཡུལ་རབ་ཏུ་ཞུམ་པས་སངས་
རྒྱས་ཀྱི་ཆོས་ཀྱི་སྐྱེ་མཆེད་ཐམས་ཅད་ཀྱིས་ཀུན་ནས་མི་གནས་ཤིང་རྫོགས་པར་མི་བྱེད་པར་འགྱུར་བའི་ཕྱིར་མངོན་དུ་མི་བྱ་ཞིང༌། མ་རེག་པ་དང༌། ཉེ་བར་མི་
བསྒྲུབ་པར་གནས་པར་བྱའོ། །དེ་ལྟར་སངས་རྒྱས་ཀྱི་ཆོས་ཀྱི་སྐུའི་རྗེས་སུ་ཞུགས་སྟེ་སངས་རྒྱས་ཀྱི་ཆེ་བ་ཉིད་ཤེས་པས་ཆོས་ཀྱི་འཁོར་ལོ་བསྐོར་བའི་སངས་རྒྱས་རྣམ་
པ་སྣ་ཚོགས་ཀྱི་ཚུལ་གྱི་ཡུལ་ལ་ཉེ་བར་སྤྱོད་པ། སྤྲུལ་པའི་ཡུལ་ཅན། དེ་བཞིན་གཤེགས་པ་རྣམས་ཀྱིས་ཏིང་ངེ་འཛིན་ལས་བསླང་བའི་སྦྱོར་བ། ས་བརྒྱད་པ་ལས་
འདས་པ། ཆོས་ཀྱི་སྤྲིན་གྱི་ས་ལ་ཤེས་པར་རབ་ཏུ་བྱས་པ། སངས་རྒྱས་ཀྱི་ཆེ་བ་ཉིད་མྱོང་ནས་དེ་བཞིན་གཤེགས་པ་བདག་གི་སོ་སོ་རང་གིས་རིག་པ་འཕགས་པའི་ཡེ་
ཤེས་ཀྱིས་རྟོགས་པའི་སྤྱོད་ཡུལ་གྱི་སར་ཞུགས་ཏེ་ཐམས་ཅད་དུ་འགྲོ་བ་མ་གཡོས་པའི་ཏིང་ངེ་འཛིན་སྤྱོད་པ། ལྷུན་གྱིས་གྲུབ་པ། རྟག་པ། ཐེར་ཟུག་པ། བརྟན་པ་སངས་རྒྱས་
ཀྱི་ཞིང་སྟུག་པོ་ན་གནས་པར་འགྱུར་ཏེ། རྡོ་རྗེའི་དབང་པོ་ས་ལ་དབང་བ་རྣམས་ལ་འཕྲུལ་པའི་འཇུག་པ་སྟོན་པར་འགྱུར་ཏེ། གནས་གྱུར་པ། ཡིད་བཞིན་གྱི་ཡེ་ཤེས་དང་ཏིང་ངེ་
འཛིན་ཅན། སྟོབས་དང༌། མངོན་པར་ཤེས་པ་དང༌། རྫུ་འཕྲུལ་གྱི་རྐང་པ་དང༌། དབང་ལ་སྤྱོད་པ། ངང་པའི་རྒྱལ་པོ་དང་འདྲ་བར་མ་ཞུགས་པའི་ཆུའི་ཟླ་བ་ལྟ་བུར་འགྲོ་སྟེ། བལྟ་བའི་
དོན་ཡོད་པ། མིའི་བདག་པོ་ཐམས་ཅད་ཀྱི་ཚོགས་ཀྱི་འཁོར་དུ་སེམས་ཅན་རྣམས་ཀྱི་བསམ་པ་ཇི་ལྟ་བུར་འདོད་པའི་གཟུགས་དག་གིས་སངས་རྒྱས་ཀྱི་ཞིང་སྟུག་པོ་བསྟན་
པའི་ཕྱིར་སེམས་ཅན་གྱི་བསམ་པ་བཞིན་དུ་འཇུག་པར་འགྱུར་རོ། །འདོད་པའི་ཁམས་ཀྱི་དབང་པོ་ཐམས་ཅད་དང༌། དབང་སྒྱུར་བའི་བྱང་ཆུབ་སེམས་དཔའ་སེམས་དཔའ་
༄༅། །ཆེན་པོ་ནོར་བུ་རིན་པོ་ཆེའི་སྙིང་པོ་ལ་སོགས་པའི་གནས་དག་ཏུ་བདེ་བ་རྣམས་མྱོང་བར་བྱས་ཏེ། སའི་རིམ་པ་རྣམས་བསྟན་ནས་ཞིང་ནས་
ཞིང་དུ་ཕུན་སུམ་བདེ་བ་རྣམས་རབ་ཏུ་སྟོན་ཅིང་ཕྱི་མའི་མཐར་ཐུག་པར་བསྐུ་བ་གྲུབ་པའི་སྔགས་འཆང་ལྟར་མི་སྣང་ཞིང༌། ཁང་ཁྱིམ་གྱི་ལྷ་ལྟར་དེ་ན་གནས་བཞིན་དུ་
མི་སྣང་བའི་གཟུགས་སུ་ཁྱིམ་ན་འདུག་པ་ལྟར་དེ་དག་སྤྲུལ་པའི་འོད་ཟེར་དང༌། འཕྲུལ་བས་སྤྲུལ་པ་ལ་སྤྱོད་ཅིང་འགྲོའོ། །སོང་ནས་ཀྱང་དེ་བཞིན་གཤེགས་པའི་སྤྲུལ་
པའི་སྐུ་ནུབ་སྟེ། དེ་བཞིན་གཤེགས་པའི་སྐུ་ལ་ཞེན་ནས་གནས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །དབང་པོ་
ཕུང་པོ་སྤྲུལ་ཡིན་ཏེ། །སྲེད་དང་མ་རིག་ལས་ཀྱང་ཡིན། །བག་ཆགས་ཀྱིས་བཅིངས་མི་བཟད་པ། །ཡུལ་དང་དབང་པོའི་རྒྱུ་ལས་བྱུང༌། །རྣམ་དཔྱོད་ཚོགས་ནི་འདོད་
ཆགས་རྣམས། །ཞགས་པ་སེམས་བསྐྱེད་དེ་ཡིན་ནོ། །ཁྲོ་བ་མེ་ལྕེ་མཉམ་པ་སྟེ། །ཞེ་སྡང་དུག་གི་དངོས་པོ་ཡིན། །ཐུབ་སྤྱོད་རྣལ་འབྱོར་བཟང་ཅན་གྱིས། །འདི་དག་
རྟག་ཏུ་རྣམ་གཞིགས་ཏེ། །ཕུང་པོ་རྣམས་ནི་དོར་བའི་ཕྱིར། །རྣལ་འབྱོར་ཅན་གྱིས་རྣལ་འབྱོར་སྤྱོད། །གཟུགས་ནི་འབྱུང་བའི་ཚོགས་ཡིན་ཏེ། །ཕུང་པོ་ལྷག་མ་གཟུགས་
མེད་པ། །ཇི་བཞིན་པར་སྣང་རི་མོ་དང༌། །གྲིབ་ལ་སྡོང་དུམ་ལ་སོགས་མེད། །མཁའ་ལ་རླུང་གཟུགས་མི་སྣང་དང༌། །བྱ་ཡི་རྗེས་རྣམས་ཇི་བཞིན་ནི། །མཁས་པས་སོ་སོ་
རང་རིག་པ། །ཡང་དག་ཉིད་དང་ཡང་དག་མཐའ། །ཚིག་གི་སྤྱོད་ཡུལ་འདས་པ་ནི། །སངས་རྒྱས་དངོས་པོ་མི་སྣང་སྟེ། །སངས་རྒྱས་སྒྲས་ནི་མྱ་ངན་འདས། །མྱ་ངན་ལས་འདས་ཀྱང་
སངས་རྒྱས་ཏེ། །རྣམ་རྟོག་རྟོག་དང་བྲལ་བས་ན། །དེ་ནི་བསྟན་དུ་མི་ནུས་པའོ། །རྒྱུ་དང་འབྲས་བུ་མེད་པ་སྟེ། །ཡོད་དང་མེད་ཀྱིས་རྣམ་པར་སྤངས། །རྔོ་བ་ཕྱེ་མར་བཏགས་པ་
ལ༑ ༑གསེར་ནི་ཡོད་པར་མི་སྣང་སྟེ། །སྦྱང་བའི་ལས་ཀྱི་ཁྱད་པར་གྱིས། །གསེར་ནི་སྣང་བར་འགྱུར་པ་ཡིན། །གཟུགས་རྣམས་རྡུལ་དུ་རྣམ་གཞིགས་ཏེ། །མཁས་པས་ཕུང་པོ་
ལྷག་མ་དང༌། །ཁམས་དང་སྐྱེ་མཆེད་ཚོགས་རྣམས་དང༌། །རྣམ་པར་ཤེས་དང་དབང་པོ་དག །གཅིག་དང་ཐ་དད་དངོས་པོ་ཡང༌། །རྡུལ་ཕྲན་རྣམ་པར་རབ་སྦྱངས་ན། །དངོས་
པོར་སངས་རྒྱས་ཡོད་པ་མིན། །སངས་རྒྱས་མེད་པའང་མ་ཡིན་ཏེ། །རྣལ་འབྱོར་ཅན་རྣམས་སངས་རྒྱས་མཐོང༌། །མཚན་རབ་སུམ་ཅུ་རྩ་གཉིས་ཅན། །གང་ན་སྡུག་བསྔལ་
དེ་ན་བདེ། །དེ་ཉིད་ལ་ནི་སྣང་བ་ཡིན། །སངས་རྒྱས་མེད་ཅེས་མི་བྱ་སྟེ། །སངས་རྒྱས་མཉམ་པར་བཞག་པ་ཡོད། །རྒྱུ་ཡི་སངས་རྒྱས་དགེ་བ་ཅན། །རྩ་བ་མཁས་པ་ཉིད་ཀྱང་
༄༅། །སྟེ༑ ༑འཇིག་རྟེན་ཀུན་གྱི་རྒྱལ་བ་དང༌། །ཡང་དག་རྫོགས་པའི་སངས་རྒྱས་དང༌། །འདི་དག་སངས་རྒྱས་ལྔར་གསུངས་སོ། །སྤྲུལ་པའི་རྒྱལ་བ་ལྷག་
མ་རྣམས། །དེ་བཞིན་གཤེགས་པའི་སྙིང་པོ་ཡོད། །མཚན་རབ་སུམ་ཅུ་རྩ་གཉིས་ཅན། །དེ་བས་སངས་རྒྱས་ཡོད་པ་སྟེ། །རྣལ་འབྱོར་ཅན་གྱི་ཐུབ་པས་མཐོང༌། ཁམས་
རྣམས་གསུམ་པོ་འདས་པ་དང༌། །རྣམ་པ་དུ་མར་སངས་རྒྱས་ཤིང༌། །དེ་བཞིན་གཤེགས་ཀྱི་ལྷ་རྫས་ཞིང༌། །རྒྱལ་སྲས་བཟང་པོས་ཀུན་ཏུ་གང༌། །དེ་ན་ཐུབ་ཆེན་སངས་
རྒྱས་བཞུགས། །མཚན་གྱིས་ཀུན་ནས་ཡོངས་སུ་རྒྱས། །རྣལ་འབྱོར་རྣལ་ལ་མཉམ་པར་བཞག །ཆོས་དང་བཅས་སུ་རྣམ་པར་མཛེས། །དེ་བཞིན་ཕན་ཚུན་བསམ་གཏན་
མཛད། །ཤེས་རབ་མ་ཤེས་ཤེས་བྱེད་ལ། །སྟུག་པོ་དེ་ན་རྣམ་པར་སྤྱོད། །སྟུག་པོ་དེ་ཡི་སེམས་ཅན་སུ། །སངས་རྒྱས་གཟུགས་ཅན་དེ་དག་ཀུན། །སྐད་ཅིག་འཇིག་
པར་ཤིན་ཏུ་འདས། །ཏིང་ངེ་འཛིན་ལ་རྟག་ཏུ་མོས། །དགའ་ལྡན་ནས་བབས་འཕྲུལ་བ་གང༌། །རྟོག་པ་ཅན་རྣམས་ཀུན་གྱིས་མཐོང༌། །སྟུག་པོ་ནས་གཤེགས་གླང་པོ་
སྟེ། །སངས་རྒྱས་གཟུགས་ནི་སྟུག་ན་བཞུགས། །སྣ་ཚོགས་རྣམ་མང་གཟུགས་ཚུལ་ཏེ། །སེམས་ཅན་བསམ་བཞིན་ཞུགས་པ་ཡིས། །དེ་བཞིན་གཤེགས་པ་མཉམ་
བཞག་པ། །ཆུ་ཡི་ཟླ་བ་བཞིན་དུ་སྣང༌། །སྣ་ཚོགས་གཟུགས་ཀྱི་ནོར་བུ་ནི། །ཚོན་གྱི་འབྱོར་ལས་རྣམ་པར་མཛེས། །དེ་བཞིན་སངས་རྒྱས་སྟུག་ཞིང་ན། །མཉམ་པར་བཞག་
པས་རྣམ་པར་མཛེས། །ཐམས་ཅད་ཆོས་ལ་གཟུགས་བརྙན་ལྟར། །གཅིག་དང་ཐ་དད་སྤངས་པར་ཏེ། །དགོས་པ་ཀུན་ལ་འཇུག་པ་ནི། །སྐྱེས་བུ་དམ་པ་ཐམས་ཅད་
མཁྱེན། །རྡུལ་ལས་མ་ཡིན་དུས་ལས་མིན། །དབང་པོ་ལས་མིན་གཅེས་ལས་མིན། །རྐྱེན་གྱིས་མ་ཡིན་འཇིག་རྟེན་དང༌། །སངས་རྒྱས་ལྡན་པར་རྣམ་མཛེས་པ། །
རྒྱུ་ཡི་ཚུལ་དུ་སངས་རྒྱས་ནི། །འབྲས་བུ་རྣམས་ལ་རྣམ་པར་མཛེས། །འཇིག་རྟེན་སྐུ་ལ་འཁོད་བྱ་སྟེ། །རྒྱ་མཚོ་རི་དང་ཤིང་དག་དང༌། །དེ་ལ་འགྲོ་བ་སྣ་ཚོགས་
བཅས། །མཉམ་པར་བཞག་པས་ཤིན་ཏུ་དགྱེས། །བྱེ་བ་ཐམས་ཅད་ཕྱི་ནང་དུ། །གཟའ་ཟླ་ལ་སོགས་མཛེས་པའི་རྣམས། །ཕྱིར་ཡང་ཕྱག་གི་མཐིལ་བཀོད་དེ། །ཡུངས་
འབྲུར་འགྲོ་བ་ཀུན་འཛུད་བ། །སངས་རྒྱས་ཐུབ་པའི་རྣལ་འབྱོར་མངའ། །ཐུབ་ཆེན་ཐུབ་པའི་དམ་པའོ། །འཇིག་རྟེན་རྣམས་ལ་བྱེད་པ་མེད། །སངས་རྒྱས་འཕྲུལ་གྱིས་སྤྲུལ་
པ་སྟེ། །འབྱུང་བ་གསུམ་པོ་འདི་དག་ཀུན། །སངས་རྒྱས་འོད་ཀྱིས་རྣམ་པར་སྤྲུལ། །རབ་རིབ་མི་ཤེས་མྱོས་ལྡོངས་པའི། །རྟོག་པ་ཅན་རྣམས་འཕྱན་པ་ཡིན། །བདག་དང་
༄༅། །བདག་མེད་ལྟ་བའི་རྣམས། །ཡོད་དང་མེད་པའི་སྨྲ་བས་བཅོམ། །འོན་ཏམ་ཐམས་ཅད་འཇིག་པ་དང༌། །ཅུང་ཟད་འཇིག་པས་སྨྲ་བ་རྣམས། །
འདི་ལ་མེད་དམ་ཅུང་ཟད་དམ། །བདག་དང་བདག་མེད་ག་ལ་ཡོད། །སངས་རྒྱས་སྣ་ཚོགས་འབྱུང་ཀུན་ན། །རྣལ་འབྱོར་མཁན་པོ་རྣམ་པར་མཛེས། །དྲི་ཟའི་གྲོང་
ལ་བྱ་བ་རྣམས། །ཇི་ལྟར་སྣང་བ་འཇིག་རྟེན་ན། །རྨི་ལམ་རྣམ་པ་སྣ་ཚོགས་གཟུགས། །རི་དྭགས་རྣམས་ལ་སྨིག་རྒྱུ་བཞིན། །དེ་བཞིན་འཇིག་རྟེན་སྣ་ཚོགས་དག །
གདེག་ལ་སོགས་པའི་ལས་རྣམས་ཀྱང༌། །རླུང་ལྡན་གསོག་པའི་ཐག་པ་བཞིན། །སངས་རྒྱས་རྣལ་འབྱོར་མཁྱེན་གྱི་མཆོག །མི་ལ་འཁྲུལ་འཁོར་བསྐོར་བ་སྟེ། །
རྒྱ་མཚོའི་སྐྱ་བ་འཛིན་པ་འདྲ། །སྟུག་པོའི་རིས་ཀྱི་ཡེ་ཤེས་ཀྱི་རྒྱན་ལས་བྱུང་བ་ཞེས་བྱ་བའི་ལེའུ་སྟེ་དང་པོའོ།། །།དེ་ནས་འཇམ་དཔལ་གཞོན་ནུར་གྱུར་
པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་ན་བ་དེ་ལོགས་སུ་ཐལ་མོ་སྦྱར་ཏེ་ཕྱག་བཙལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས། མཚམས་མེད་པ་ལྔ་བགྱིས་པ་རྣམས་དང༌། དམ་པའི་ཆོས་སྤོང་པ་རྣམས་དང༌། འཕགས་པ་སྤོང་བ་རྣམས་དང༌། མནར་མེད་པ་ལ་གཞོལ་པ་རྣམས་
དང༌། མ་དང་ཕ་ལ་སྙིང་རིང་བ་རྣམས་དང༌། ཚངས་པ་འགུམས་པ་རྣམས་དང༌། བ་ལང་དང༌། དགུམ་པ་འགུམས་པའི་སེམས་ཅན་རྣམས་ཇི་ལྟར་ཡོངས་སུ་འགྲོལ་བར་
འགྱུར། བཅོམ་ལྡན་འདས། སེམས་ཅན་དེ་དག་འཁོར་བའི་སྡུག་བསྔལ་ལས་ཇི་ལྟར་ཡོངས་སུ་འགྲོལ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ།
སྦྱིན་པ་གཉིས་བྱིན་པའི་སེམས་ཅན་རྣམས་འཁོར་བའི་སྡུག་བསྔལ་ལས་ཡོངས་སུ་འགྲོལ་བར་འགྱུར་ཏེ། དེ་འདི་ལྟར་ཆོས་ཀྱི་སྦྱིན་པ་དང༌། ཟང་ཟིང་གི་སྦྱིན་པའོ། །ཆོས་ཀྱི་
སྦྱིན་པས་ནི་སྐྱེ་བ་དྲན་པར་འགྱུར་རོ། །ཟང་ཟིང་གི་སྦྱིན་པས་ནི་སེམས་ཅན་ཐམས་ཅད་ལ་ཕན་བཏགས་པར་འགྱུར་རོ། །ཟང་ཟིང་གི་སྦྱིན་པས་ནི་བཀྲེས་པ་དང༌། སྐོམ་པའི་
སྡུག་བསྔལ་ཡོངས་སུ་སྦྱོང་ངོ༌། །ཆོས་ཀྱི་སྦྱིན་པས་ནི་སེམས་ཅན་དམྱལ་བ་དང༌། བྱོལ་སོང་གི་སྐྱེ་གནས་དང༌། གཤིན་རྗེའི་འཇིག་རྟེན་གྱི་འཁོར་བའི་སྡུག་བསྔལ་ལས་
ཡོངས་སུ་འགྲོལ་ཏོ། །འཇམ་དཔལ། སྦྱིན་པ་གཉིས་པོ་འདི་བྱིན་ན་སྦྱིན་པ་ཐམས་ཅད་འདུས་པར་འགྱུར་རོ། །འཇམ་དཔལ། གཞན་ཡང་སྦྱིན་པ་ལྔས་སྦྱིན་པ་
༄༅། །དང་ཉེ་བའི་སྦྱིན་པ་ཐམས་ཅད་འདུས་པར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བཞོན་པ་སྦྱིན་པ་དང༌། གདུགས་སྦྱིན་པ་དང༌། དར་སྦྱིན་པ་
དང༌། གོས་སྦྱིན་པ་དང༌། ཆོས་གོས་དང༌། བསོད་སྙོམས་དང༌། མལ་ཆ་དང༌། སྟན་དང༌། ནད་ཀྱི་རྐྱེན་སྨན་དང༌། ཡོ་བྱད་སྦྱིན་པ་རྣམས་ཀྱིས་སྡུག་བསྔལ་ཐམས་ཅད་
ཡོངས་སུ་སྦྱངས་པར་འགྱུར་རོ། །འཇམ་དཔལ། ཡང་སེམས་ཅན་ལ་ལ་མཚམས་མེད་པ་ལྔ་དག་གམ། དམ་པའི་ཆོས་སྤོང་བ་དག་གམ། འཕགས་པ་སྤོང་བ་དག་
གམ། མནར་མེད་པ་ལ་གཞོལ་བ་དག་གམ། བསྐལ་བར་གནས་པ་དག་གམ། སེམས་ཅན་གང་ལ་ལ་དཀོན་མཆོག་གསུམ་ལ་སྙིང་རིང་པའམ། སངས་རྒྱས་དང་
ཆོས་དང་དགེ་འདུན་ལ་གནོད་པར་བྱེད་པའམ། ཚོགས་ཀྱི་ནོར་ལ་འཕྲོག་པ་དག་གམ། ཆུང་དུ་ན་ལུག་གསོད་པ་དག་ཀྱང་རུང༌། ཕྱག་དར་བའང་རུང༌། སྨེ་ཤ་ཅན་ཡང་
རུང་སྟེ། འཇམ་དཔལ། །སུས་ཤིན་ཏུ་རྒྱས་པ་ཆེན་པོ་རྨད་དུ་བྱུང་བའི་ཆོས་སྟུག་པོའི་རྒྱན་རིན་པོ་ཆེ་འདི་ཐོས་པ་དང༌། འདྲི་བ་དང༌། འདྲིར་འཇུག་པ་དང༌། འཛིན་པ་
དང༌། ཀློག་པ་དང༌། ཀུན་ཆུབ་པར་བྱེད་པ་དང༌། གཞན་ལའང་རྒྱ་ཆེར་ཡང་དག་པར་སྟོན་པ་དང༌། ཆུང་དུ་ན་ཡི་གེ་གཅིག་ཀྱང་རུང་སྟེ་བརྗོད་པ་དང༌། སུའང་ཆོས་དེ་
སྨྲ་བ་ལ་མཆོད་ཅིང་རིམ་གྲོ་བྱེད་པ་དང༌། ནང་པར་ལངས་ནས་ངོ་ཕྲད་པར་བྱེད་ཅིང་ལྟ་བར་སྔར་སྨྲ་བ་སྦྱིན་པར་བྱེད་པ་དང༌། ལག་པས་རེག་པར་བྱེད་པའི་སེམས་ཅན་དེ་དག་
ཐམས་ཅད། འཇམ་དཔལ། སེམས་ཅན་དམྱལ་བ་དང༌། བྱོལ་སོང་གི་སྐྱེ་གནས་དང༌། གཤིན་རྗེའི་འཇིག་རྟེན་གྱི་སྡུག་བསྔལ་ཐམས་ཅད་ལས་ཡོངས་སུ་འགྲོལ་བར་
འགྱུར་རོ། །འཇམ་དཔལ། སའི་ཕྱོགས་གང་ན་ཆོས་སྨྲ་བ་འདུག་གམ། དེའི་དུར་རམ། །རོའམ། རོ་བམ་པ་ཞིག་ཡོད་ལ། དེའི་ངོ་མཐོང་ནའང་མཚམས་མེད་པའི་ལས་ལྔ་
རྣམས་བྱང་བར་འགྱུར་རོ། །འཇམ་དཔལ། །རྒྱ་མཚོ་ཆེན་པོའི་ནང་ན་ཡི་དྭགས་ལྟོ་དཔག་ཚད་བརྒྱ་སྟོང་དུ་མར་སྐྱེས་པ་ཡོད་དེ། ཡི་དྭགས་དེ་བདག་གི་ལས་ཀྱི་སྡུག་
བསྔལ་མི་བཟད་པའི་ཚོར་བ་ཡོད་དོ། །འཇམ་དཔལ། དེ་བཞིན་དུ་སེམས་ཅན་སུ་མདོ་སྡེ་ཆེན་པོ་རིན་པོ་ཆེ་འདི་སྤོང་བ་དེ་དག་ཀྱང་སྡུག་བསྔལ་མྱོང་བར་འགྱུར་
རོ༑ ༑འཇམ་དཔལ། སུས་མདོ་སྡེ་རིན་པོ་ཆེ་འདི་རིམ་གྲོར་བྱས་ཏེ། མེ་ཏོག་དང༌། བདུག་སྤོས་དང༌། མར་མེ་དང༌། སྤོས་དང༌། ཕྲེང་བ་དང༌། བྱུག་པ་དང༌། ཕྱེ་མ་དང༌།
ཆོས་གོས་དང༌། གདུགས་དང༌། རྒྱལ་མཚན་དང༌། ལྷའི་བ་དན་གྱིས་མཆོད་པ་དང༌། ཆོས་སྨྲ་བ་དེའང་མཆོད་པར་བྱ་སྟེ། ཅི་སྟེ་ཆོས་སྨྲ་བ་དེ་མཚམས་མེད་པ་ལྔ་
༄༅། །བྱེད་ནའང་འོན་ཀྱང་དེའི་སེམས་འཁྲུགས་པར་མི་བྱའོ། །ཆུང་ངུ་ན་བྱོལ་སོང་གི་སྐྱེ་གནས་སུ་གཏོགས་པའི་རི་དྭགས་དང༌། བྱ་གང་ལ་ལས་ཆོས་
སྨྲ་བ་དེ་ཤི་བའི་རོ་བམ་པ་དུར་ཁྲོད་ན་འདུག་པའི་ཤ་ཟོས་ཀྱང་དེ་དག་ཐམས་ཅད་ཕྱིར་མི་ལྡོག་པར་འགྱུར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་
འཐོབ་པར་འགྱུར་རོ། །རི་དྭགས་དང་བྱ་གཞན་པོ་དེ་དག་ཐམས་ཅད་སངས་རྒྱས་ཀྱི་ཞིང་སྟུག་པོ་འདི་ཉིད་དུ་འཐོབ་པར་འགྱུར་ཏེ། དེ་ལ་ནེམ་ནུར་དང༌། ཐེ་ཚོམ་དང༌།
ཡིད་གཉིས་མི་བྱའོ། །སེམས་ཅན་གང་ལ་ལ་སྔོན་དགེ་བའི་རྩ་བ་བསྐྱེད་པ། སྔོན་བྱང་ཆུབ་སེམས་དཔས་ཡོངས་སུ་བཟུང་བ། སྔོན་གྱི་བྱང་ཆུབ་སེམས་དཔའི་ས་
བོན་ལས་ཡོངས་སུ་མ་ཉམས་པ་དེ་དག་ཐམས་ཅད་ཕྱི་མའི་ཚེ་ཕྱི་མའི་དུས་ན་མདོ་སྡེ་རིན་པོ་ཆེ་འདི་ཐོས་པར་འགྱུར་རོ། །ཐོས་ནས་ཀྱང་མཆོད་པ་ཆེན་པོས་མཆོད་
པར་འགྱུར་རོ། །མདོ་སྡེ་ཐམས་ཅད་འདུས་པའི་རྒྱན་སྟུག་པོ་རིན་པོ་ཆེ་ལས། སྦྱིན་པའི་ལེའུ་སྟེ་གཉིས་པའོ།། །།མཐའ་ཡས་ཡུལ་ཅན་ཤིན་ཏུ་
ཕྲ༑ ༑བསམ་གཏན་མཁྱེན་པ་སྐྱེས་བུའི་མཆོག །དབང་པོ་འདས་པ་མངོན་སུམ་པ། །ཆགས་དང་དབང་པོ་རྣམ་པར་སྤངས། །བསམ་གཏན་བསམ་པ་བསམ་
གཏན་པའི། །དེ་ནི་དགོས་པའི་ཚུལ་ཡིན་ཏེ། །ཐུབ་པ་རྣལ་འབྱོར་མཁས་པའི་རྣམས། །ཀུན་གྱི་སྙིང་ལ་གནས་པ་ཡིན། །ཡོད་དང་མེད་ཀྱི་ཕྱོགས་དང་བྲལ། །སངས་རྒྱས་
ཕྱོགས་ནི་དྲི་མ་མེད། །བློ་དང་ཤེས་བྱ་བྲལ་བ་སྟེ། །ཚང་དང་དབང་པོ་སྤངས་པ་ཡིན། །སེམས་ཤེས་རྣམས་ཀྱི་ཡུལ་མ་ཡིན། །དེ་ནི་གྲོལ་བ་རྣམས་ཀྱི་ཡུལ། །མཚན་རྣམས་
ཀུན་ཀྱང་སྣང་བ་སྟེ། །དེ་བཞིན་གཤེགས་ནི་མཚན་མེད་པའང༌། །དྲེགས་ཅན་རྣམས་ཀྱི་དྲེགས་མེད་མཛད། །མཉམ་པར་བཞག་ཅིང་གོས་པ་མེད། །གཡོ་བ་མ་ཡིན་
གཡོ་མེད་མིན། །ཆགས་མེད་ལམ་ལ་གནས་པ་སྟེ། །ལྷ་ཡུལ་བྱུང་བའི་ལྷ་རྣམས་དང༌། དྲི་ཟ་ལྷ་མིན་མིའམ་ཅི། །ཐུབ་པ་རྣམས་དང་མུར་འདུག་གིས། །བསྟོད་ཀྱང་
རྟག་ཏུ་ཡོང་མི་གཡོ། །དེ་ལ་ངོ་མཚར་སྲེད་པ་མེད། །འགྲོ་བ་གང་ནའང་གཡོ་བ་མེད། །སྔོན་ནས་དག་པའི་རྣལ་འབྱོར་གྱི། །དེ་ནི་ཕ་རོལ་ཡིན་པའི་ཕྱིར། །སངས་རྒྱས་
འཕྲུལ་པའི་སྤྱོད་པ་ཡིས། །བྱ་བ་ཙམ་དུ་ལྷ་རྣམས་ཀྱིས། །མཐོང་ཡང་དེ་དང་འདི་ན་མེད། །ཇི་བཞིན་ཉི་ཟླ་དེ་དང་འདྲ། །རྣལ་འབྱོར་ཡུལ་དུ་གནས་པ་ནི། །དྲེགས་པ་མེད་
མཛད་འགྲོ་བས་མཐོང༌། །རྣམ་པར་ཐ་དད་མུར་འདུག་རྣམས། །གང་ལ་གང་གིས་དབང་གྱུར་པ། །དེ་ལ་དེ་ལྟའི་ཆོས་སྟོན་ཏེ། །རྣལ་འབྱོར་བསྐྱེད་པའི་འོད་ཟེར་གྱིས། །
༄༅། །རྣལ་འབྱོར་ཆོས་ཅན་རྣམ་ཕྱེ་ཞིང༌། །རྒྱལ་པོའི་ཚུལ་དང་གསུམ་པོ་དག །རྒྱལ་པོའམ་རྒྱལ་པོའི་འཁོར་རྣམས་དང༌། །རྒྱལ་པོའི་ཡུལ་གྱི་བྱ་
བ་དང༌། །དཀའ་ཐུབ་ཚུལ་དང་ཞིང་རྣམས་ཀྱི། །ཕུན་སུམ་ཚོགས་པ་དེ་ལས་བྱུང༌། །ལྷ་རྫས་རྣམས་དང་ནམ་མཁའ་དང༌། །རིན་ཆེན་འབྱུང་ཁུངས་རྣམ་དག་པ། །ལྷ་
ཡི་ལྷ་ཡི་མཐུ་ཡིས་ན། །ཕྱོགས་དང་ཡུལ་ན་འབར་བ་ཡིན། །འབྱུང་བ་གསུམ་གྱི་ཐབས་རྣམས་གང༌། །རྣམ་པ་སྣ་ཚོགས་མཁས་རྣམས་ཀྱིས། །གང་རྣམས་བྱེད་གཞུག་
བྱ་བ་དག །སངས་རྒྱས་ལྷུན་གྱིས་གྲུབ་འབྲས་བུ། །དེ་ནི་མདོ་འཛིན་འགྲོ་བ་ཡི། །དགོས་དང་དཀའ་ཐུབ་ཅན་རིག་དང༌། །གད་མོ་རྩེ་བའི་སྦྱོར་བ་དང༌། །གར་མཁན་
རྣམས་ལ་རྟག་ཏུའོ། །དགའ་ལྡན་གནས་བབས་འཇིག་རྟེན་གྱིས། །མཐོང་བ་བུད་མེད་འགྲོ་དང་བཅས། །འཕྲོག་ཅིང་སྦྱིན་དང་འབྲེལ་བ་དང༌། །ཅོད་པན་ཅན་དང་
ལག་ན་གཞུར། །དམ་པ་རྣམས་ཀྱིས་ཀུན་ཏུ་མཐོང༌། །སྟུག་པོ་ནས་ནི་དེ་མ་བྲལ། །ཡུལ་འདི་ཐུབ་པ་དེ་ཡིས་ཏེ། །ཐམས་ཅད་ན་ཡང་ཤིན་ཏུ་སྣང༌། །རབ་རིབ་ཅན་
གྱི་རབ་རིབ་བཞིན། །རི་དྭགས་རྣམས་ཀྱི་སྨིག་རྒྱུ་འདྲ། །འཇིག་རྟེན་རྣམས་ཀྱིས་སྒྱུ་མ་ལ། །ཇི་ལྟར་གཞན་དུ་མཐོང་བ་དང༌། །རྨི་ལམ་ན་ཡང་གཞན་དུ་བའི། །རྨི་ལམ་བཞིན་དུ་
བུས་པས་མཐོང༌། །ཁྱད་པར་རབ་ཏུ་མཐོང་བ་ནི། །རྣལ་འབྱོར་ཅན་རྣམས་ལོག་ལོང་བཞིན། །ལྷ་ཡི་ལྷ་ཡི་ཡུལ་ཡིན་ཏེ། །དེ་ཡི་སྲས་ཀྱི་དུས་ཀུན་ཏུ། །མི་སྦྱིན་གུ་ལང་ཚངས་པ་
དང༌། །ས་ནན་ཏ་དང་ས་ནན་འདའ། །ས་ནན་གཞོན་ནུ་སེར་སྐྱ་དང༌། །ནེ་ཚོ་ལ་སོགས་རྣམས་བསམས་ཀྱང༌། །དེ་ཡི་ཡུལ་ལ་རྣམ་པར་བསླད། །དེ་དག་རྣལ་འབྱོར་གྱིས་མི་
མཐོང༌། །ཐུབ་པ་གང་དག་འབྱུང་བ་དང༌། །བྱུང་དང་ད་ལྟར་གང་འཁོད་པ། །དེ་དག་ཡུལ་ན་གང་ཡང་མིན། །ལྟ་བའི་བག་ཆགས་གཡོགས་པའི་ཕྱིར། །ས་དང་སར་ནི་རྣམ་
སྤྱོད་པའི། །རྡོ་རྗེའི་སྙིང་པོ་དེ་ལ་བསྟན། །ལྷ་ཡི་ལྷས་ནི་བྱས་པ་ཡི། །སྟུག་པོའི་ཞིང་ན་ཡོད་པ་ཡིས། །འདི་དག་རྡོ་རྗེའི་སྙིང་པོ་དེ། །མཉམ་པར་བཞག་ལ་ཤིན་ཏུ་བསྟན། །
རྣལ་འབྱོར་ཅན་གྱི་རྣལ་འབྱོར་ཡུལ། །ཇི་ལྟར་གང་གིས་འབྱོར་པ་དག །དབྱིབས་དང་མདོག་དང་ཁྱད་པར་དག །བཟོ་བོར་གྱུར་པས་བྱས་པ་ནི། །གཅེས་དང་རྡུལ་ཕྲན་དག་
གི་སྟེ། །བརྟགས་པའི་དངོས་པོ་ཡོད་པ་མིན། །སྐྱེ་བ་དག་ནི་ཆོས་ཙམ་སྟེ། །ལྡོག་པར་འགྱུར་བའང་ཆོས་ཙམ་མོ། །ཀུན་ཏུ་ཕྲ་བའི་བདག་ཉིད་ཀྱི། །ཡོན་ཏན་དག་ཏུ་དངོས་ཡོད་
བརྟགས། །མར་མེ་བཞིན་དུ་གསལ་བྱེད་པ། །རྒྱུ་རྣམས་དགོས་པ་གྲུབ་པ་དག །མཚན་ཉིད་སྔ་ནས་མི་རྙེད་དེ། །འཇིག་དང་བྲལ་བས་མི་གནས་པའོ། །འདས་པ་འདས་པའི་དངོས་
༄༅། །པོར་ཡང༌། །ཡོད་པ་མ་ཡིན་འབྱུང་བ་མེད། །རྐྱེན་དུ་བྱ་རྣམས་མེད་པར་ཡང༌། །བརྟག་པའི་དངོས་པོ་གང་ཡང་མེད། །རྐྱེན་རྣམས་ཡིན་ཏེ་འདུས་པ་ལ། །
དངོས་པོ་ཡོད་པ་མ་ཡིན་ཏེ། །རྐྱེན་རྣམས་གང་གི་རྐྱེན་དུ་འགྱུར། །ཡོད་དང་མེད་པའི་དངོས་མི་སྣང༌། །མེད་པའང་སྣང་བ་ཡོད་མ་ཡིན། །ཕྲ་བའི་བདག་གིས་རྣམ་པར་བརྟགས། །
ཕུང་པོ་རྫ་མ་རས་ལ་སོགས། །རི་དྭགས་སྐོམ་གདུངས་སྨིག་རྒྱུ་བཞིན། །རྨི་ལམ་དྲི་ཟ་འདྲ་བ་སྟེ། །གཙུག་ལག་ནོར་བ་དུག་དང་བཅས། །རབ་ཏུ་སྨྲ་བ་སུམ་བརྒྱ་ཡིས། །འཇུག་པ་དག་
དང་ཕྱིར་ལྡོག་དང༌། །མྱ་ངན་འདའ་བ་གང་ཡང་མེད། །དེ་ནས་སངས་རྒྱས་ཀྱི་ཆོས་ཐམས་ཅད་རྣམ་པར་བཀོད་པ་ཡང་དག་པ་ཇི་ལྟ་བ་བཞིན་དུ་སྟོན་པ་སའི་དབང་པོ། །ལག་པའི་ཕྲེང་
བ་ཚད་མེད་པ། ལུས་དཔེ་མེད་པ། དཔུང་རྒྱན་དང༌། ཅོད་པན་དང༌། གཙུག་གི་ནོར་བུ་དང༌། སེ་མོ་དོས་ཤིན་ཏུ་ཆས་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་
པུས་མོ་གཡས་པའི་ལྷ་ང་ས་ལ་བཙུགས་ཏེ། ཐེག་པ་གསུམ་དང་འཇིག་རྟེན་དང་མི་འགལ་བ། །ལྟ་བའི་ཆོས་ལ་བདག་གི་སོ་སོ་རང་རང་གི་འཕགས་པའི་ཡེ་ཤེས་ཀྱིས་རིག་
པའི་སྤྱོད་ཡུལ་བདེ་བ་ལ་གནས་པ་རྡོ་རྗེ་སྙིང་པོའི་དབང་པོ་རྣལ་འབྱོར་ཆེན་པོའི་རྣལ་འབྱོར་ཅན། རྣལ་འབྱོར་གྱི་མཁན་པོ་ས་དང་སའི་མཚམས་ཐམས་ཅད་མི་འགལ་བར་
སྟོན་པ་ལ་འདི་སྐད་ཅེས་སྨྲས་སོ། །རྡོ་རྗེའི་དབང་པོ་ཁྱོད་སྐྱེ་བ་ཐམས་ཅད་དང༌། རྒྱལ་པོའི་འཁོར་དག་ཏུ་ཅོད་པན་དག་ལ་ཆོས་སྟོན་པ་ཡིན་ཏེ། དེའི་ཕྱིར་རྒྱལ་བའི་སྲས་ཁྱོད་ལ་
གསོལ་བ་གདབ་ཀྱི། བདག་གི་སོ་སོ་རང་གི་འཕགས་པའི་ཡེ་ཤེས་ཀྱིས་རིག་པའི་སྤྱོད་ཡུལ་ལ་བདེ་བར་གནས་པའི་ཕྱིར་འཕགས་པ་ལྟ་བའི་ཆོས་ལ་བདེ་བར་གནས་པ་གཞན་
གྱི་དྲིང་མི་འཇོག་པར་སྤྱོད་པའི་གནས་སྟོན་ཅིག །དེས་བདག་དང་ཅོད་པན་འདི་དག་གིས་བདག་མངོན་སུམ་དུ་གྱུར་པའི་སྤྱོད་ཡུལ་སངས་རྒྱས་ཀྱི་སའི་སྒོའི་བདེ་བ་ནན་ཏན་གྱིས་
རབ་ཏུ་ཐོབ་སྟེ། ཡིད་བཞིན་གྱི་ལུས་རྣམ་པ་བཅུ་ལ་དབང་སྒྱུར་ཞིང་སྟོབས་དང༌། མངོན་པར་ཤེས་པ་དང༌། རྫུ་འཕྲུལ་གྱི་རྐང་པ་དང༌། དབང་གི་གཞལ་མེད་ཁང་གི་གནས་གྱུར་ཏེ།
ཡང་དག་པའི་མཐའ་ལ་གནས་སྤངས་ཏེ། སྣ་ཚོགས་ཀྱི་ལུས་ཡིད་བཞིན་ནོར་བུ་དང་འདྲ་བའི་རང་བཞིན་དུ་གྱུར་ཏེ། རྒྱལ་པོའི་ཚོགས་ཀྱི་འཁོར་ཐམས་ཅད་དང་སྟུག་པོར་སྟུག་པོ་ན་
སྤྱོད་པ་རྣམས་ལ་ཆོས་སྣ་ཚོགས་སྟོན་པར་འགྱུར་རོ། །རྡོ་རྗེའི་སྙིང་པོས་སྨྲས་པ། རྒྱལ་པོ་སྨྲོས་ཤིག །དགེའོ་དགེའོ། །ཅོད་པན་ཅན་ལ་ཁྱད་པར་དུ། །ཆོས་ལ་འཇུག་པ་བདག་མེད་
པ༑ ༑སྟུག་པོའི་རྒྱན་ནི་རབ་སྟོན་པ། །སེམས་ཀྱི་རང་བཞིན་མཚན་ཉིད་དག །རྣམ་རྟོག་སྤྱོད་ཡུལ་ཡིན་ཤེས་ན། །རྣམ་རྟོག་དོན་ལས་ཕྱིར་ལྡོག་པ། །འགྲོ་བ་རྣམ་རྟོག་མཐོང་ནས་ཏེ། །
༄༅། །འགྲོ་བའི་རང་བཞིན་མཐོང་ནས་ཀྱང༌། །ཏིང་ངེ་འཛིན་ལ་གནས་པར་འགྱུར། །ཆོས་ཀྱི་ངོ་བོ་ཉིད་བསྟན་གྱི། །རྒྱལ་པོ་ང་ལ་དེ་ཉོན་ཅིག །དཔྱིད་ཀྱི་སྨིག་རྒྱུ་ཇི་
བཞིན་པ། །དེ་ཡི་རྣམ་པ་འགྲོ་བ་འདི། །མཚན་བཞི་མཚན་མ་རྒྱུ་རྣམས་ལས། །རྣམ་པར་རྟོག་པ་རྣམ་མི་རྟོག །བློ་དང་རྟོགས་བྱས་བསྐྱེད་པས་ཏེ། །རྟོགས་བྱ་དེ་ཡི་ཁྱད་
གྱུར་པ། །གཉེན་པོར་གྱུར་པ་གཅིག་མེད་པ། །ཉི་མ་དང་ནི་གྲིབ་ལྟར་གནས། །སེམས་མེད་ཙམ་པོའང་ཡོད་པ་མིན། །ཚད་དང་གཞལ་དང་གཉིས་ཀ་མེད། །རྣམ་པར་རྟོག་
པ་སེམས་ཙམ་སྟེ། །རྣམ་པར་རྟོག་པ་རྣམ་མི་བརྟག །ཤེས་དང་ཤེས་བྱ་རྣམ་རྟོག་པ། །སེམས་ཙམ་དེ་ལྟར་ཡིན་ན་སྟེ། །ཤེས་བྱ་སེམས་ཙམ་ཡིན་པ་སྟེ། །རྟག་ཏུ་
ཙམ་ལ་ཤེས་ཡོད་མིན། །སེམས་ཆོས་ཀྱི་ནི་ངོ་བོ་ཉིད། །གང་ཟག་དག་དང་གཡོ་བ་རྣམས། །གང་ཚེ་སེམས་ལ་རྣམ་བརྟགས་ན། །རྟོག་དང་བརྟགས་པས་སྤངས་པ་ཡིན།།
བརྒྱད་པོ་རྙེད་ནས་དག་པར་འགྱུར། །དགུ་ལ་བསམ་གཏན་སྤྱོད་ཡུལ་ཏེ། །བཅུ་ལ་སངས་རྒྱས་སངས་རྒྱས་ཀྱིས། །དབང་བསྐུར་རྒྱལ་བར་འགྱུར་བ་ཡིན། །རྒྱལ་བའི་ཡུལ་
ལ་ཆོས་རྣམས་ཀྱང༌། །མི་ཟད་ཆོས་ཀྱི་སྐུར་འགྱུར་རོ། །ནམ་མཁའི་ཟད་དང་འདྲ་བ་སྟེ། །སེམས་དང་རྣམ་ཤེས་དེ་བཞིན་ཏེ། །མི་འཇིགས་པ་ཡང་མ་ཡིན་ཞིང༌། །རྟག་ཅིང་
ཞི་བ་བདེ་བ་བརྟན། །འདུས་མ་བྱས་པའི་ཡེ་ཤེས་སྟེ། སྟུག་པོའི་ཞིང་ན་རྣམ་པར་མཛེས། །རྣམ་ཤེས་འབྱུང་གསུམ་འདས་པ་སྟེ། །སྣ་ཚོགས་གཟུགས་ཀྱི་རིན་ཆེན་བཞིན། །དེ་བཞིན་
སངས་རྒྱས་ས་བསམ་མེད། །སྟུག་བཞིན་རྒྱལ་བའི་གནས་གྱུར་པ། །ཇི་ལྟར་གྱོ་མོ་རྣམས་ཀྱི་རྒྱུ། །རྫ་མ་ཆག་པས་བསྟན་པ་བཞིན། །གྱོ་མོ་རྣམས་ཀྱང་རྡུལ་གྱི་སྟེ། །རྡུལ་ཡང་མཆོག་
ཕྲའི་དེ་བཞིན་དུ། །དངོས་པོ་རྣམས་ཀྱི་རྐྱེན་རྣམས་ལ། །རྒྱུ་རྣམས་ཇི་ལྟར་སྣང་བ་བཞིན། །ཟག་པ་མེད་པའི་ཆོས་རྣམས་ཀྱི། །རྒྱུ་ནི་དེ་བཞིན་ཟག་བཅས་པའོ། །ཇི་ལྟར་ཤིང་ལས་མེ་འབྱུང་
བ༑ ༑ཕྱིས་ཀྱང་གཞན་དུ་འབར་བར་བྱ། །དེ་བཞིན་ཡེ་ཤེས་བྱུང་བའི་མེ། །ཕྱིས་ཀྱང་གཞན་དུ་འབར་བར་བྱ། །གནས་ཀྱི་ལུས་ལས་འཕོས་གྱུར་ཅིང༌། །སེམས་དང་རྟོག་པས་རྣམ་སྤངས་
པ༑ ༑ཆགས་པ་མེད་པའི་ཡེ་ཤེས་རོ། །སྟུག་པོའི་དབུས་ན་རྣམ་པར་མཛེས། །བསྐྱེད་མེད་རྣམ་པ་སྣ་ཚོགས་གཟུགས། །ས་ལ་གནས་པ་མ་ཡིན་པ། །ལྟ་བ་ཐམས་ཅད་ཟད་བྱེད་པའི།།
བདག་མེད་ཉིད་ལ་སྐྱབས་སུ་སོང༌། །རྒྱུད་ཀྱི་རྒྱུན་རྣམས་ཆད་པའི་ཕྱིར། །འཇིག་པ་མེད་ཅིང་འབྱུང་མེད་པས། །ལྟ་བ་ཐམས་ཅད་ཟག་བྱེད་པ། །བདག་མེད་ཉིད་ལ་སྐྱབས་སུ་སོང༌། །
ཞིར་གྱུར་ཞི་བ་ཞིར་མ་བྱས། །ཞི་བས་ཞི་བ་བདེན་ཉིད་དུ། །ལྟ་བ་ཐམས་ཅད་རྣམ་དག་ཕྱིར། །བདག་མེད་ཉིད་ལ་སྐྱབས་སུ་སོང༌། །ས་རྣམས་སྣ་ཚོགས་བྱས་པ་ནི། །བདག་མེད་པ་
༄༅། །ལ་བདག་མེད་པས། །མི་རྟག་ཐོ་བས་བཅོམ་པ་དང༌། རྣམ་པར་སྟོན་པའི་མདས་ཀྱང་སྟེ། །བསྲེག་པ་ཚིག་པའི་མེ་བཞིན་དུ། །བདག་ཉིད་ཞིར་འགྱུར་དེ་ཉིད་
དུ༑ ༑དེ་བཞིན་ལྟ་བས་རྣམ་བརྟགས་ཏེ། །བདག་མེད་བསམ་གཏན་རབ་གནས་པ། །ལྟ་བའི་ཆོས་ལ་བ་དེར་གནས་ཀྱི། །སོ་སོ་རང་རིག་སྤྱོད་ཡུལ་ལ། །ཐོག་མ་མེད་ནས་ཉེས་དྲི་
མེད། །འཕགས་པ་རྣམས་ཀྱིས་ལ་གནས། །འཕགས་གནས་འཇིག་རྟེན་པས་སྤངས་ཏེ། །འཇིག་རྟེན་འདས་པའི་འཕགས་ལ་གནས། །སེམས་ཀྱི་ས་ལས་རབ་གྱུར་ཏེ། །སྟུག་
པོའི་དཀྱིལ་ན་རྣམ་པར་མཛེས། །མི་བདག་མི་བདག་དབང་པོ་རྣམས། །ཐམས་ཅད་ཀྱིས་ཀྱང་ཡང་སྨྲས་པ། །རྡོ་རྗེའི་སྙིང་པོ་སྐྱབས་དང་མགོན། །གང་ལ་སྐྱབས་སུ་མཆི་བར་
བགྱི༑ ༑སངས་རྒྱས་ཡོད་མིན་མེད་པ་མིན། །ཕུང་པོའི་སྐྱེ་ཤིང་རྣམ་བསྲེགས་ཏེ། །དཔུང་དང་བཅས་པའི་བདུད་བཅོམ་ནས། །སྟུག་པོ་སངས་རྒྱས་ས་ལ་གནས། །ཤེས་བྱ་དྲི་མེད་
ཞི་བ་ལ། །སྐྱབས་སུ་སོང་ཞིག་གྲོགས་པོ་དག །རྟག་དང་ཆད་ལས་བྲལ་བ་སྟེ། །བློ་དང་རྟོགས་བྱའི་གནས་མ་ཡིན། །སྟུག་པོའི་དཀྱིལ་བཞུགས་རྣལ་འབྱོར་ཅན། །དེ་ཡང་གྲོགས་པོ་
མགོན་སྐྱབས་སོ། །རྣལ་འབྱོར་ཅན་རྣམས་ཀུན་གྱི་ཞིང༌། །ཞིང་མཆོག་བཟང་བ་སྟུག་པའོ། །རྣལ་འབྱོར་བ་ནི་མང་པོས་གང༌། །སྟུག་པོ་དེ་ལ་སྐྱབས་སུ་སོང༌། །སྤྲོས་པ་ཀུན་དང་
བྲལ་བ་སྟེ། །ལྟ་བའི་ཉེས་པ་རྣམ་པར་སྤངས། །རི་མོའི་ཐག་ཐུག་ལྟ་བུ་དང༌། །རྨི་ལམ་མོ་གཤམ་བུ་འབྱུང་དང༌། །རྨི་ལམ་བུད་མེད་བཟང་མོ་ལྟར། །ཐུབ་པ་རྣམས་ཀྱིས་འགྲོ་བ་མཐོང༌། །
དྲི་ཟའི་གྲོང་ཁྱེར་སྤྱོད་པ་བཞིན། །སྐྲ་ཕུང་མགལ་བ་བསྐོར་བ་ལྟར། །སྨིག་རྒྱུ་རི་དྭགས་སྲེད་མཚུངས་སུ། །ཡོད་དང་མེད་པ་རྣམ་པར་སྤངས། །སྒྱུ་མའི་ལུས་གཟུགས་སྣ་ཚོགས་དང༌།།
འཕྲུལ་པའི་སྤྲུལ་པར་དེ་དག་ནི། །འཇིག་རྟེན་སྤྱོད་ཚེ་མཐོང་བ་སྟེ། །ས་དང་ས་ལ་ཐུབ་པ་རྣམས། །བསྡོར་མེད་དུ་མའི་གཟུགས་གྱུར་པ། །སྒྱུ་མའི་ཤིང་གི་འབྲས་བུ་ལྟར། །སྤྲིན་དང་དུ་བ་
གློག་ལྟར་ཡང༌། །ཐུབ་པས་རྣལ་འབྱོར་རྣམ་པར་མཐོང༌། །རྫས་ལ་སོགས་པའི་བཟོ་བཟུང་ལྟར། །འགྲོ་བ་བདག་གི་རྣམ་རྟོག་བྱུང༌། །ཡིད་དང་ཡིད་ཀྱི་རྣམ་ཤེས་དང༌། ཆོས་ལྡའི་ངོ་བོ་ཉིད་
རྣམས་དང༌། འཇུག་པའི་རྣམ་ཤེས་སྤྱོད་པ་ནི། །བདག་མེད་མི་གཉིས་བརྒྱན་པ་སྟེ། །བག་ཆགས་ཐོག་མ་མེད་པ་ཡི། །སེམས་ཀྱི་གནས་ངན་ལེན་བྱུང་ཡོད། །འོད་པའི་དབའ་རླབས་
འདྲ་བར་ནི། །ཀུན་གཞི་ས་ལ་གནས་པ་ཡིན། །རླུང་གིས་ཇི་ལྟར་འོད་པ་ལ། །ཕན་ཚུན་དག་ཏུ་བསྐྱོད་བྱས་ན། །དཔའ་རླབས་རྣམས་ལ་འཇིག་པ་མེད། །འོད་པའང་མེད་པར་མི་
འགྱུར་ཏེ། །སྔ་མེད་བག་ཆགས་གནས་ཅན་རྣམས། །འཇུག་པའི་ཡུལ་ལ་གཞོལ་བ་དག །སེམས་བརྒྱད་རྣམས་ཀྱི་འཇུག་པ་ནི། །རྣམ་པར་ཐ་དད་མ་ཡིན་ཏེ། །དུས་གཅིག་ཏུ་
༄༅། །ཡང་དེ་དག་འབྱུང༌། །བར་བར་དུ་ནི་རིམ་གྱིས་སོ། །ཐོག་མ་མེད་ནས་སེམས་འཇུག་པ། །སྐར་མ་གཟའ་ཡི་དཀྱིལ་འཁོར་དང༌། ལོ་མ་མེ་ཏོག་འབྲས་
བུ་དང༌། །རི་དང་སྡེ་དང་ཚལ་སོགས་ལ། །རྟག་ཏུ་དུས་གཅིག་འཇུག་པ་སྟེ། །རིམ་གྱིས་ཀྱང་ནི་ཤེས་པར་བྱོས། །ཡང་དག་མ་ཡིན་སྔ་མའི་ཡུལ། །མལ་ལ་གནས་བཞིན་
མཐོང་བ་ཡིན། །ལུས་ཀྱི་འཇུག་པ་རིམ་གྱིས་ཀྱང༌། །སྲོག་ལ་བརྟེན་ཅིང་འབྱུང་བ་ཡིན། །རྫས་དང་གྲངས་དང་ཆོས་རྣམས་ལ། །ཐ་དད་རིམ་གྱིས་འབྱུང་བ་སྟེ། མུར་ཞིང་
བཅའ་དང་བཟའ་རྣམས་ལ། །ཐ་དད་རིམ་གྱིས་འདའ་བ་མིན། །རོ་དང་དྲི་ཡི་རྣམ་པ་ལ། །རིམ་གྱིས་ཐ་དད་འབྱུང་བ་ཡིན། །རིམ་གྱིས་ཁ་དོག་ཁྱད་པར་གྱི། །སྣ་ཚོགས་ལ་ཡང་
དུས་གཅིག་ཏུ། །རྒྱལ་པོ་སེམས་ནི་བསམ་མི་ཁྱབ། །རྟག་ཏུ་རང་བཞིན་འོད་ཅན་ནོ། །དེ་བཞིན་གཤེགས་པའི་སྙིང་པོ་སྟེ། །རྡོ་བ་རྣམས་ཀྱི་གསེར་བཞིན་གནས། །ཡིད་ནི་
ཀུན་གྱི་གཞི་ལས་བྱུང༌། །ཡིད་ཀྱི་རྣམ་ཤེས་དེ་བཞིན་ཏེ། །རྣམ་ཤེས་དྲུག་པོ་རྣམ་པ་མང༌། །ས་ཡི་ཁྱད་པར་བྱེད་པའོ། །བག་ཆགས་སེམས་དང་ལྷན་ཅིག་ཏུ། །ས་བོན་ཀུན་
པའི་ཀུན་བཞི་ནི། །ཀུན་ནས་ཉོན་མོངས་རྣམ་དག་པའི། །རྟག་ཏུ་རང་བཞིན་འོད་ཅན་གྱིས། །དེ་ལྟར་དེ་བཞིན་གཤེགས་ཀྱི་རིགས། །ངེས་དང་མ་ངེས་དགེ་བ་ཡིན། །རྟག་
ཏུ་གནས་ལྟར་འབྱུང་བ་ནི། །རྒྱ་མཚོའི་རླབས་དག་ཇི་བཞིན་དུ། །ཐ་མ་འབྲིང་དང་རབ་རྣམས་སུ། །དེ་བཞིན་ཀུན་གཞིས་ཁྱབ་པར་བྱེད། །ས་དང་ས་ལ་རྣམ་དག་ཅིང༌། །གཞན་དུ་གྱུར་ནས་
རྣམ་པར་མཛེས། །ཡང་དག་ཇི་བཞིན་དོན་སྟོན་ལ། །རྡོ་རྗེ་སྙིང་པོས་ཡང་སྨྲས་པ། །མཐོང་ཞིང་ཐོས་ཏེ་ཤེས་པས་ན། །ས་ཆེན་བདག་པོ་ཁྱོད་ཉིད་ཀྱིས། །སྤོབས་པ་ཅན་ལ་
བསྟན་པར་གྱིས། །ཁྱད་པར་དུ་འོ་ཁྱད་པར་བདག །ཁམས་ཕྲན་རྣམས་ཀྱི་ཁམས་རྣམས་དང༌། །ས་ལ་འཁོར་ལོ་འཁོར་རྣམས་དང༌། །ཀུན་གཞི་རྣམ་པར་དག་གྱུར་ན། ས་ཡི་
རྒྱལ་པོར་འགྱུར་བ་ཡིན། །ཛམྦུའི་གླིང་ལ་དབང་བ་ཡི། །འཁོར་ལོ་འཁོར་བར་ཡང་འགྱུར་རོ། །དགའ་ལྡན་ལ་སོགས་གཞལ་མེད་དུ། །མཚེ་མ་རབ་ཀྱི་དབང་པོར་འགྱུར། །དབང་
པོའི་གནས་སུ་དབང་པོར་ཏེ། །དབང་སྒྱུར་གནས་སུ་དེ་བཞིན་ནོ། །འདོད་པའི་ཁམས་ཀྱི་དབང་པོའི་བདག །གཟུགས་ཁམས་བདག་པོའང་དེ་བཞིན་ཏེ། །གཟུགས་མེད་འདུ་ཤེས་
མེད་སེམས་ཅན། །བསམ་གཏན་བདེ་བའི་འབྲས་བུར་ཡང༌། །ཡང་དག་མངོན་བྱ་མ་ཆགས་པས། །ཡང་དག་མཐའ་ལ་མ་རེག་པར། །འཇིགས་མེད་སེངྒེའི་སྒྲ་སྒྲོག་ཅིང༌། །
དགའ་དང་ཡེ་ཤེས་ཡང་དག་ལྡན། །བསམ་གཏན་དབང་གི་བདེ་བས་ངོམས། །དེ་ནི་སྟུག་པོར་སྨོན་པ་ཡིན། །ཁམས་གསུམ་སྤྱོད་པའི་ཉེས་པ་ཡིས། །ཆགས་མེད་མཉམ་
༄༅། །པར་བཞག་པ་སྟེ། །མཐར་གྱིས་སྟུག་པོར་ཞུགས་ནས་སུ། །རྣམ་པར་སངས་རྒྱས་སངས་རྒྱས་སར། །ཆོས་ཀྱི་དབང་པོར་བདག་གྱུར་ཏེ། །རྟེན་ལས་
གཞན་དུ་གྱུར་ཅིང་བདེ། །རྟག་པ་བརྟན་པ་ཞི་བའི་ཆོས། །སྟུག་པོའི་དཀྱིལ་ན་སྲས་དང་བཅས། །ཆོས་ཀྱི་བདག་པོ་རྣམ་པར་མཛེས། །འཇིགས་པ་མེད་པ་མི་ཡི་མཆོག།
མྱ་ངན་འདས་པ་འཇིག་པ་མིན། །མུར་འདུག་རྣམས་ཀྱིས་ཇིར་བརྗོད་བཞིན། །མཆོག་དང་ཐ་མ་བར་མ་ཡི། །རྒྱལ་པོ་བཅུ་པོའི་ལས་རྣམས་ཀྱིས། །ཐེག་པ་གསུམ་དུ་
གྱུར་པ་སྟེ། །སྟུག་པོ་འཚོལ་བའི་ཁྱད་པར་ཡང༌། །རྒྱལ་པོ་ཡང་དག་སྐྱེ་བར་འགྱུར། །ས་དང་ས་ལ་གནས་པས་སོ། །འཇིག་ན་འདུས་བྱས་ཉེས་པར་འགྱུར། །འཆི་བ་རྣམས་
ལའང་དེ་བཞིན་ཏེ། །རྒྱལ་པོ་འཇིག་པ་མཐར་མ་ཡིན། །དེ་བཞིན་གཤེགས་པ་ཡེ་ཤེས་སྐུ། །སེམས་ཅན་ཟད་ཅིང་མེད་འགྱུར་བ། །དེ་སྟེ་མྱ་ངན་འདས་འཇིག་ན། །སྔོན་གྱི་
མཐའ་ཡང་འཇིག་པ་དང༌། །སེམས་ཅན་འབྱུང་བ་མེད་པར་འགྱུར། །སེམས་ཅན་ཁམས་རྣམས་ཟད་གྱུར་ན། །རྒྱལ་བའི་ཤེས་བྱ་དངོས་པོ་མེད། །མྱ་ངན་འདར་མེད་
ཤེས་བྱ་མེད། །སངས་རྒྱས་སངས་རྒྱས་ཉིད་ཀྱང་མེད། །མེ་མར་བསྲེགས་པའི་དཔེ་རྣམས་དང༌། །ས་བོན་ཚིག་པའི་དཔེ་དག་གི། །རྟོག་ཅན་ཐར་ལ་མཁས་པ་རྣམས། །
ལུས་ཅན་རྣམས་ལ་ཐར་པ་སྟོན། །ཡོད་དང་མེད་པའི་རྣམ་ཐར་གྱིས། །ཐར་པའི་བདེ་ལས་དེ་དག་རིང༌། །བསམ་གཏན་གནས་པ་ཐམས་ཅད་དེ། །ལུགས་སུ་འཇུག་དང་
བཟློག་པ་དང་།གཟུགས་མེད་འདུ་ཤེས་མེད་པ་དང༌། །མངོན་ཤེས་དབང་དང་སྟོབས་རྣམས་དང༌། །མ་ཉམས་ཉམས་པ་མེད་པ་དང༌། །ཆོས་ཀྱི་མཚན་ལ་མཁས་པ་
རྣམས། །ས་ཡི་ཁམས་ལ་མཁས་པ་དག །མི་ཡི་དབང་པོ་སྟུག་པོར་འགྲོ། །ཡོད་དང་མེད་པ་འཇིག་པས་ནི། །དེ་དག་འཁོར་ལས་མི་འབྱུང་སྟེ། །ཕྲད་པ་གསུམ་པོ་འཇིག་
མེད་ཅིང༌། །རྒྱུ་དང་དམིགས་པའི་རྐྱེན་རྣམས་དང༌། །དེ་མ་ཐག་དང་དབང་ཡང་སྟེ། །ས་རྣམས་བདག་མེད་ཕྱི་རོལ་དག །མིག་དང་གཟུགས་དག་རྒྱུར་བྱས་ཏེ། །ཕྲད་པས་གང་
རྣམས་འཇུག་གྱུར་པ། །གཟུགས་རྣམས་མངོན་བྱེད་ཡེ་ཤེས་དང༌། །དེ་དག་ཐམས་ཅད་ཞིག་པར་འགྱུར། །ཕྱི་དང་ནང་གི་ས་རྣམས་ནི། །ཕན་ཚུན་སྟོབས་ཀྱིས་བྱུང་བ་སྟེ། །ཡོད་དང་
མེད་པའི་ལྟ་བ་ལས། །དེ་སྟེ་གྲོལ་ནས་འཇིག་ན་ནི། །སེམས་དང་དམིགས་ལས་བྲལ་བའི་ཕྱིར། །རྣམ་པར་དམིགས་པས་མི་གནས་ཏེ། །མདུན་དུ་རྟོག་པ་མེད་གྱུར་ཅིང༌། །དེ་ཡི་རང་བཞིན་
མི་གནས་ལ། །གང་ཚེ་དམིགས་པ་སྤང་བ་ལ། །རྣམ་པར་རྟོག་པ་མི་གནས་ཤིང༌། །གང་ཚེ་གཉིས་ལས་རྣམ་གྲོལ་ཏེ། །རྟོག་མེད་རྟོག་པ་སྤངས་པས་ན། །དེ་ཚེ་སེམས་ནི་མཉམ་པར་
༄༅། །བཞག །འགྲོ་བ་རྣམ་རྟོག་མེད་པར་མཐོང༌། །གཟུང་དང་འཛིན་པ་མེད་པ་སྟེ། །བསམ་གྱིས་མི་ཁྱབ་ཤེས་ལ་གནས། །བརྟེན་པ་ལས་ནི་གྱུར་པ་སྟེ། །ཡེ་
ཤེས་གནས་ངན་ལེན་སྤངས། །ཡིད་བཞིན་རྣམ་པ་བཅུ་པོ་ནི། །སྣ་ཚོགས་གཟུགས་ཀྱིས་བརྒྱན་པ་སྟེ། །ས་གསུམ་རྒྱལ་པོ་རབ་བྱེད་ཅིང༌། །རྒྱལ་པོ་སྟུག་པོར་རབ་ཏུ་འགྲོ། །
གཟུགས་དང་སེམས་དང་སེམས་ལས་བྱུང༌། །མི་ལྡན་པ་དང་འདུས་མ་བྱས། །ནང་དང་ཕྱི་ཡི་ས་རྣམས་དང༌། །ཐ་དད་རྣམ་པར་རབ་མཐོང་ཞིང༌། །སོ་སོ་རང་གི་ཡེ་ཤེས་མཁས་
ལྟ་བའི་ཆོས་ལ་རྣམ་པར་གནས། །རྒྱལ་པོ་སྟུག་པོར་འདོང་བ་ནི། །ཡེ་ཤེས་མཁས་པ་རྣལ་འབྱོར་ཅན། །མཚན་མ་མིང་དང་དེ་བཞིན་ཉིད། །རྣམ་པར་རྟོག་དང་ཡེ་ཤེས་དང༌། །
ཡང་དག་མཐའ་ཡི་གནས་པ་ཡིས། །སོ་སོ་རང་རིག་སྤྱོད་ཡུལ་དུ། །རྒྱལ་པོ་དག་དང་རྒྱལ་པོའི་བུ། །རྣལ་འབྱོར་སེམས་དཔའི་རྣལ་འབྱོར་ཅན། །རྒྱལ་པོ་སྟུག་པོར་འདོང་བ་
ན༑ ༑སངས་རྒྱས་བསྟོད་པའི་ཞིང་དུའོ། །ཕྲད་པ་གསུམ་དང་རྐྱེན་སྤངས་ཏེ། །བདག་གི་ཕྱོགས་ལས་འཕགས་གྱུར་ན། །ཕྱོགས་ལས་ཉམས་པས་འཇིག་པ་ནི། །རྟོག་པ་
ཅན་དང་མཉམ་པར་འགྲོ་།མ་གྲུབ་པ་དང་ཡང་དཔེ་ཡི། །རྒྱལ་པོ་འགལ་བར་ཤིན་ཏུ་འགྱུར། །རྣམ་པར་རྟོག་དང་ཉེས་པའི་མ་ཚང༌། །དེ་དག་རྣམ་པ་སྔར་འགྱུར་རོ། །ཕྲད་པ་
གསུམ་པོ་སུན་འབྱིན་པ། །ཆུད་ཟོས་བུང་བ་ཇི་བཞིན་དུ། །དེ་བཞིན་འཇིག་རྟེན་སུན་འབྱིན་པ། །ཡང་དག་མ་ཡིན་རྟོག་པ་སྨྲ། །དེ་ལ་ཉེས་པ་རྣམ་ལྔ་སྟེ། །རྟོག་པ་བསླད་པའི་
མིག་ཅན་ལ། །འདྲ་ཆོས་མི་འདྲའི་ཆོས་སྐྱོན་ཅན། །ནོར་དང་བཟློག་པ་མེད་པ་དང༌། །བདག་གི་ཕྱོགས་ལས་ཉམས་པའི་བློ། །ཕ་རོལ་ཕྱོགས་ལ་བརྟེན་པ་དང༌། །ལྟ་བ་དེ་དག་
འབྱུང་བ་ནི། །ཐོག་མའི་མཐའ་ནི་འཇིག་བྱེད་པའོ། །སེམས་ཅན་རྣམས་ཀྱི་སྔོན་གྱི་མཐའ། །རྒྱལ་པོ་ཡོད་པ་མ་ཡིན་ཏེ། །ཀུན་ཏུ་རྒྱུག་ཅིང་འཁོར་བ་དག །འབྱུང་བ་དོག་པར་
རྒྱུག་པའོ། །དེ་དང་དེ་ཡི་ལམ་རྒྱུད་དུ་།ཐུགས་རྗེ་དབང་གིས་རྒྱལ་བ་གཤེགས། །སྤྲུལ་པའི་འོད་ཟེར་ལྷ་རྫས་ཀྱིས། །ཟླ་བ་ལྟ་བུར་རྒྱུ་ཞིང་འཁོར། །སྔ་མའི་ལས་དང་ཚུལ་
མཐུན་པར། །ཕ་སྐྱབས་ཆོས་རྣམས་སྟོན་པ་མཛད། །རྒྱུད་དང་རྒྱུད་དུ་བྱིང་རྣམས་ལ། །ཆོས་ཀྱང་བསྟན་པར་མི་འགྱུར་ཏེ། །དེ་སྟེ་མྱ་ངན་འདའ་འཇིག་རྟེན་ན། །རྒྱལ་བས་ཡོན་
ཏན་ཅི་ཞིག་བརྙེས། །དབང་སྒྱུར་གསུམ་པོ་རྣམས་དང་ཡང༌། །རྣམ་པར་ཐར་དང་བདེན་པ་མཐོང༌། །རྫུ་འཕྲུལ་རྐང་པ་བཞི་པོ་དང༌། །དྲན་པ་ཉེར་གཞག་སྟོང་པ་ཉིད། །ཐ་དད་
ཡང་དག་ཤེས་བཞི་དང༌། །འདྲི་ལ་ལུང་བསྟན་པ་རྣམས་དང༌། །དམིགས་པ་དང་ནི་དེ་མ་ཐག །རྒྱུ་དང་དབང་ཡང་དེ་བཞིན་ཏེ། །གཟུགས་མེད་པ་དང་སྤྱོད་པ་དང༌། །དབང་
༄༅། །པོ་སྟོབས་རྣམས་བཅས་པ་དང༌། །མངོན་པར་ཤེས་དང་དད་པ་རྣམས་དང༌། །རྣམ་པར་ཤེས་དང་དེ་རྒྱུ་དང༌། །འདུས་བྱས་མ་བྱས་ཆོས་རྣམས་དང༌། །
བྱང་ཆུབ་ཡན་ལག་གང་ཟག་དང༌། །རྣམ་པར་ཐར་དང་སྐྱེས་བུ་བརྒྱད། །ས་རྣམས་དག་དང་ཤེས་པ་དང༌། །ཟིལ་གྱིས་གནོན་པའི་སྐྱེ་མཆེད་དང༌། །ཡེ་ཤེས་མངོན་དུ་ཆུད་
པ་བཅུ། །སྡུག་བསྔལ་ཆོས་ཉིད་ཤེས་པ་དང༌། །སྡུག་བསྔལ་གྱིས་སུ་སོ་སོར་རྟོག །སྡུག་བསྔལ་ཉིད་ཀྱི་རྗེས་སུ་ཤེས། །འདུས་པ་རྣམས་ཀྱི་ཆོས་ཤེས་དང༌། །འདུས་
པ་ལ་ནི་ཀུན་རྟོག་དང༌། །འདུས་ལ་རྗེས་སུ་འགྲོ་ཤེས་དང༌། །འགོག་པ་དག་ལ་ཆོས་ཤེས་དང༌། །འགོག་པ་དག་ལ་རྟོག་པ་དང༌། །འགོག་ལ་རྗེས་སུ་འགྲོ་ཤེས་དང༌། །
ལམ་ལ་ཆོས་ཀྱི་ཤེས་པ་དང༌། །ལམ་ལ་སོ་སོར་རྟོག་པ་དང༌། །ལམ་ལ་རྗེས་སུ་འགྲོ་བ་ཤེས། །ཤེས་པ་རྣམས་དང་སློབ་པ་བཅུ། །བརྒྱད་པ་མང་ན་ལན་བདུན་
དང༌། །རིགས་ལས་རིགས་དང་ལན་གཅིག་འོང༌། །བར་ཆད་གཅིག་པོ་གང་ཟག་དང༌། །བར་མར་མྱ་ངན་འདའ་བ་དང༌། །གཞན་སྐྱེས་མྱ་ངན་འདའ་བ་དང༌། །མངོན་
པར་འདུ་བྱེད་མ་བྱས་དང༌། །སྟེང་མའི་རྒྱུད་ཀྱང་དེ་བཞིན་ཏེ། །རྒྱལ་པོ་དེ་དག་ཐམས་ཅད་ཀྱང༌། །ཡེ་ཤེས་སྤྱོད་ཡུལ་ཡིན་པར་གསུངས། །རྣལ་འབྱོར་ཅན་ཡུལ་
སྣ་ཚོགས་ཏེ། །ཐ་མ་མཆོག་དང་བར་མའོ། །བྱང་ཆུབ་སེམས་དཔའ་ཁྱད་པར་དུ། །མཆོག་དང་བཅས་པར་དེ་ལ་སྒོམ། །རང་སངས་རྒྱས་ནི་དབུ་མར་ཏེ། །ཉན་ཐོས་པ་ནི་ཐ་མའོ།།
བཅུ་གཅིག་པ་དང་བཅུ་གཉིས་པ། །ལྔ་གསུམ་བཅོ་ལྔ་དག་ཏུ་ཡང༌། །སེམས་ཀྱི་ཚོགས་ཀྱི་འགོག་པ་ནི། །རྣལ་འབྱོར་ཅན་རྣམས་ཤིན་ཏུ་བྱེད། །གང་འདས་དེ་ནི་འགགས་པ་
ཡིན། །སེམས་ནི་རང་བཞིན་འོད་སྣང་ཅན། །ཟག་པ་གང་ཡིན་པ་དེ་སེམས་མིན། །སེམས་དང་ལྷན་ཅིག་གནས་པའང་མེད། །མ་འོངས་པ་ནི་མ་ཕྱིན་ཏེ། །དེ་ལྟར་བྱུང་བ་གནས་
པ་མེད། །སེམས་ནི་རྐྱེན་དང་མི་ལྡན་པར། །འདི་དང་གཞན་དུའང་སྐྱེ་བ་མེད། །བསམ་གཏན་བཞི་ན་སེམས་མེད་དེ། །འབྱུང་བའི་རྒྱུ་ལ་གནོད་པ་མེད། །འབྱུང་བའི་རྒྱུ་ནི་རྣམ་
ཤེས་ཏེ། །ཡིད་དང་རྣམ་ཤེས་ལྔ་པའོ། །རང་གི་རྣམ་རྟོག་མི་ཤེས་པས། །དཔའ་རླབས་བཞིན་དུ་འབྱུང་བ་ཡིན། །བརྟག་དང་རྟོག་ལས་རྣམ་གྲོལ་བ། །ཐུབ་པ་ཀུན་གྱི་ཀུན་གཞི་
འོ༑ ༑ཡོད་དང་མེད་ལས་ལྷ་རྫས་སུ། །གཞན་འགྱུར་འཇིག་པ་མ་ཡིན་ཞིང༌། །སྟུག་པོ་དང་ནི་སྟུག་དཀྱིལ་དུ། །ཟླ་བ་ལྟ་བུར་རབ་ཏུ་མཛེས། །དེ་ནི་མི་འཇིག་བདེ་བར་གནས། །
སྟུག་པོའི་དཀྱིལ་ན་སྲས་དང་བཅས། །ཐ་དད་མ་ཡིན་མཚན་ཉིད་མཁྱེན། །ཡེ་ཤེས་རོ་གཅིག་ཉིད་དུ་གྱུར། །བསམ་ཡས་རྣལ་འབྱོར་ཡུལ་ཅན་ཏེ། །རྒྱལ་པོ་ཟླ་བ་ལྟ་བུར་སྤྱོད། །རྒྱལ་
༄༅། །པོ་ཕུན་སུམ་ཚོགས་པ་འདི། །རྣལ་འབྱོར་ཁྱེར་བ་ཐུབ་རྣམས་ཀྱི། །རྟག་པར་རྒྱལ་པོ་དེ་ཡི་ཕྱིར། །ཁྱོད་ཀྱི་ཡིད་ཀྱང་རྣལ་འབྱོར་ཤོག །འདོད་
གནས་རྣམ་པ་དྲུག་པོ་དང༌། །ཚངས་པ་དག་གི་བཅུ་གཉིས་དང༌། །གཟུགས་མེད་ཤེས་མེད་སེམས་ཅན་དུ། །རྒྱལ་པོ་ཁྱོད་ནི་དབང་པོར་གྱིས། །སྟུག་པོར་འདོད་པའང་
འཐོབ་པར་ཏེ། །བཟང་པོའི་སྟུག་པོར་སྨོན་པའི་ཕྱིར། །རྒྱལ་པོ་ཡེ་ཤེས་བཅུ་པོ་རྣམས། །བསྒོམས་ན་སྟུག་པོར་འགྲོ་བར་འགྱུར། །ཆོས་དང་རྗེས་སུ་འགྲོ་ཤེས་དང༌། །
ཕ་རོལ་སེམས་དང་ཀུན་རྫོབ་དང༌། །སྡུག་བསྔལ་འདུས་པའི་ཤེས་པ་དང༌། །འགོག་དང་ལམ་ལས་སྐྱེས་པ་དང༌། །བྱང་བའི་ཤེས་དང་མི་སྐྱེ་དང༌། །ཁོང་བཟོ་བསྒོམ་
པ་དེ་བཞིན་ཏེ། །ཤ་ཀུན་ཏ་ལའི་རྒྱལ་རིགས་དང༌། །ཨིག་ཤྭ་ཁུ་དང་སོ་མའི་རིགས། །ཡང་དག་དོན་སྟོན་རྒྱལ་པོའི་མཆོག །ཁྱོད་ཀྱི་རིགས་ནི་ཁྱད་པར་འཕགས།།
དེ་ཡི་རིགས་སུ་ཁྱོད་སྐྱེས་ཤིང༌། །ཞུམ་པ་མེད་པར་སྟུག་པོར་སོང༌། །ལྟ་བའི་ཆོས་ལ་གནས་པ་ཡི། །རྣལ་འབྱོར་ཅན་གནས་དྲི་མེད་དུ། །སྦུད་པ་བཞིན་དུ་དབུགས་རྒྱུ་
ཞིང༌། །འགྲོ་རྒྱུ་ལུག་དང་འདྲ་བ་སྟེ། །རྔ་ཕྲུག་བཞིན་དུ་ལུས་ཕྱེད་ཀྱིས། །འགྲོ་ཞིང་འོང་བ་བྱེད་པ་ནི། །ཐམས་ཅད་ལུས་ལ་ཡིད་ཡིན་ཏེ། །སྒྱུ་མའི་རི་དྭགས་བཞིན་
དུ་གནས། །སྒྱུ་མའི་ཤིང་ལྟར་ཤིན་ཏུ་སྣང༌། །ཆུ་བོའི་ནང་གི་མེ་བཞིན་དུ། །སྨིན་མ་མིག་དང་ཡན་ལག་རྣམས། །སྒྱུར་པས་རྒྱལ་པོ་བཞིན་དུ་རྩེ། །སེམས་དང་སེམས་ལས་བྱུང་
དང་ཡིད། །ཡིད་ཀྱི་རྣམ་པར་ཤེས་པ་དག། །ཆོས་རྣམས་འདི་དག་དངོས་པོ་མེད། །སྤྲིན་གྱི་ཚུལ་དུ་འབྱུང་བ་སྟེ། །ཀུན་གཞི་ཐམས་ཅད་ས་བོན་འདི། །བག་ཆགས་རྣམས་ཀྱིས་
ཡོངས་སུ་དཀྲིས། །སྣ་ཚོགས་གཟུགས་ཀྱི་ནོར་བུ་དང༌། །འཇའ་དང་གློག་རྣམ་ཇི་བཞིན་དུ། །ལུས་ཅན་རྣམས་ཀྱི་ལུས་ཀྱི་ཡུལ། །དེ་ལྟའི་གཟུགས་སུ་སྣང་བ་ཡིན། །ལུ་མའི་
པདྨོ་ལྟ་བུར་དག །དྲི་མེད་ངང་པའི་རྒྱལ་པོ་བཞིན། །གསལ་བ་གདོན་མི་ཟ་བའི་རིགས། །སངས་རྒྱས་སྤྲུལ་པ་བཞིན་དུ་གནས། །མཚན་མའི་མཐུ་ལས་མིང་འབྱུང་སྟེ། །མཚན་
མ་རྐྱེན་ལས་བྱུང་བ་ཡིན། །མཚན་མ་མིང་དང་འབྲེལ་བ་ཡིན། །རྐྱེན་རྣམས་ཀྱིས་ཀྱང་རྣམ་པར་བརྟགས། །མཚན་མའི་ཚུལ་དང་དབྱིབས་དག་ལས། །རྣམ་པར་རྟོག་པ་
ཤིན་ཏུ་འབྱུང༌། །རྣམ་པར་རྟོག་པ་བསྐྱེད་པ་ཡིས། །རྒྱུ་ལ་རྣམ་པ་གཉིས་སུ་གསུངས། །ཕྱི་རོལ་མཚན་མ་སེམས་རྣམས་དང༌། །བག་ཆགས་ཡིད་ཀྱང་དེ་བཞིན་ཏེ། །སེམས་
དང་ལྷན་ཅིག་ལྡན་པ་ནི། །ཁོང་པ་ལ་ནི་གནས་པ་ཡིན། །ཡིད་དང་དབང་པོར་ལྡན་པ་ནི། །རྣམ་ཤེས་ལྔ་མི་རྒྱུ་ཡིན་ཏེ། །རྟག་ཏུ་ཡང་དག་ཡེ་ཤེས་ཀྱིས། །འཇིག་རྟེན་རྒྱུ་ལ་
༄༅། །རྣམ་པར་ལྟ། །དེ་ལྟར་བྱེད་དང་བྱ་བ་མེད། །དེ་བཞིན་ཉིད་འདི་རྣམ་གཞན་མིན། །ཐམས་ཅད་ཆོས་ཀྱི་དེ་བཞིན་ཉིད། །ཕན་ཚུན་སྟོབས་ཀྱིས་འབྱུང་
བ་སྟེ། །རྣལ་འབྱོར་ཅན་རྣམས་དེ་ལྟར་ལྟ། །དེ་བཞིན་ཉིད་དུ་གསལ་བར་མཐོང༌། །རང་བཞིན་ཡོངས་སུ་གྲུབ་པ་ནི། །ཆོས་རྣམས་ཆོས་ཉིད་དེ་ཡིན་ཏེ། །བརྟགས་པའི་
དངོས་པོ་རང་བཞིན་དུ། །ཆོས་རྣམས་ཐམས་ཅད་མ་སྐྱེས་པ། །སྟོང་པ་ངོ་བོ་ཉིད་མེད་དེ། །ཡོད་དང་མེད་པའི་ཕྱོགས་སྤངས་པ། །སྒྱུ་མ་རྨི་ལམ་རྣམས་དང་འདྲ། །དྲི་
ཟའི་གྲོང་ཁྱེར་ལྟ་བུ་སྟེ། །སྐྲ་ཚོགས་རྣམས་དང་སྨིག་རྒྱུ་བཞིན། །དུ་བ་སྤྲིན་སྟུག་ལྟ་བུ་ནི། །མཚན་མ་ཚུལ་དང་དབྱིབས་རྣམས་ཀྱིས། །ཇི་ལྟར་མིང་དུ་འཇུག་པ་ཡི། །ཚིག་
དང་ཡི་གེ་མང་པོ་དང༌། །མིང་རྣམས་མང་པོ་ལ་ཡང་སྟེ། །ཀུན་ཏུ་བརྟགས་པའི་རང་བཞིན་ཡིན། །གཞན་གྱི་དབང་ནི་དེ་ལས་གཞན། །ཡིད་དོན་དབང་པོ་འདུས་པ་ལས། །ས་
བོན་ཀུན་ཅན་བག་ཆགས་དང༌། །ཐ་དད་མ་ཡིན་སེམས་དང་བཅས། །རྣམ་པར་ཤེས་པ་ཀུན་ཏུ་འབྱུང༌། །གཞན་གྱི་དབང་གི་རང་བཞིན་ཡང༌། །ཕན་ཚུན་སྟོབས་ཀྱི་
རྒྱུ་ལས་སོ། །སོ་སོ་རང་རིག་ཤིན་ཏུ་ཕྲ། །མཐོང་བའི་ཆོས་ལ་གནས་པ་སྟེ། །རང་བཞིན་ཡོངས་སུ་རྫོགས་པ་འདི། །འཕགས་པ་རྣམས་ཀྱི་སྤྱོད་ཡུལ་ལོ། །འཕགས་པའི་
རང་བཞིན་ཐུགས་ཆུད་པས། །སངས་རྒྱས་རྣམས་དང་སངས་རྒྱས་སྲས། །རང་བཞིན་ཡོངས་སུ་རྫོགས་པ་ནི། །ཡང་དག་མཐའ་རུ་གཟིགས་པས་ན། །སྐྱེ་བ་ཟད་ཅེས་རྣམ་པར་
གསུང༌། །ཚངས་པའི་ལམ་ཡང་ནོན་ཅེས་སོ། །བྱས་ཀྱིས་བཟོད་ཡང་བྱ་བ་མེད། །ཕྱིན་ཆད་འབྱུང་བ་མེད་དོ་ཞེས། །སྡུག་བསྔལ་ཀུན་ལས་རྣམ་པར་གྲོལ། །གཡོ་བ་ཐམས་
ཅད་ཤིན་ཏུ་བྱུང༌། །བག་ཆགས་མ་ལུས་བསྲེགས་པས་ན། །རྣམ་པར་རྟོག་པ་མི་འབྱུང་ཞིང༌། །བདག་མེད་ཤིན་ཏུ་མཐོང་བ་ནི། །ཆོས་དང་གང་ཟག་བསྒྲགས་པ་སྟེ། །ས་བོན་
རྣམས་དང་བྲལ་བས་ན། །སེམས་ཀྱི་ཚོགས་རྣམས་མི་འཇུག་གོ། །ཐོག་མ་མེད་པའི་དུས་བསགས་པའི། །ཡིད་ཀྱི་གནས་ངན་ལེན་རྟོག་པའི། །སྤྲོས་པ་ཐམས་ཅད་མངོན་
བསལ་བས། །མྱ་ངན་འདས་པ་ལྕགས་བསྲེགས་བཞིན། །ཇི་ལྟར་རབ་ཏུ་བསྲེགས་པའི་ལྕགས། །བསིལ་བར་གྱུར་ཀྱང་འཇིག་པ་མེད། །དེ་བཞིན་གྲོལ་བ་ཐམས་ཅད་ཀྱང༌།།
མེ་ཟད་བཞིན་དུ་བསིལ་བ་ཡིན། །ཟག་པ་མེད་པའི་ཆོས་དབྱིངས་སུ། །ཞུགས་པ་སྟུག་པོའི་དཀྱིལ་འཁོར་ན། །རྒྱལ་བ་རྣམས་དང་རྒྱལ་སྲས་བཅས། །ཏིང་ངེ་འཛིན་གྱི་ཟས་
གནས་པ། མཉམ་པར་བཞག་ལ་མཉམ་བཞག་ཅིང༌། །མཐོང་བའི་ཆོས་ལ་བདེ་བར་གནས། །རྒྱལ་པོ་རྣལ་འབྱོར་ཅན་གྱི་ཡུལ། །རྣལ་འབྱོར་འདི་ཡིན་བརྩམ་པར་གྱིས།།
༄༅། །དེ་སྟེ་རྒྱལ་སྲས་དགེ་བའི་གནས། །སྟུག་པོར་འགྲོ་བར་འདོད་ན་སྟེ། སངས་རྒྱས་ཐམས་ཅད་བཞུགས་པའི་གནས། །ཞིང་གི་མཆོག་ནི་སྟུག་
པོའོ༑ །དེ་ཕྱིར་རྒྱལ་པོ་དགེ་བར་རྩོམས། །རྒྱལ་པོ་རྣམས་ལའང་དགེ་བར་བགྱིས། །མིང་ནི་མཚན་མའི་མཐུ་ལས་བྱུང༌། །མཚན་མ་རྐྱེན་ལས་བྱུང་བ་སྟེ། །མཚན་
མ་ལས་ཀྱང་རྣམ་རྟོག་འབྱུང༌། །གྲུབ་པ་རྣམས་ནི་མ་གཏོགས་པར། །རྫ་ལ་སོགས་པ་དབང་པོའི་ཡུལ། །ཕུང་པོ་ཡོན་ཏན་ལྡན་པའི་རྣམས། །རྣམ་པར་རྟོག་པའི་མཚན་
མ་འདི། །སྐྱེ་བ་ལ་ནི་རྒྱུ་ཡིན་ནོ། །ཁྱད་པར་བྱེད་པ་རྣམ་རྟོག་སྟེ། །གནས་ཀྱང་རྣམ་པར་ཤེས་པར་བྱེད། །འགྲོ་དང་མི་འགྲོ་འགྲོ་བ་ཡི། །གཏི་མུག་རྣམས་ཀྱང་ཤིན་ཏུ་སྐྱེ། །རིང་
པོ་ཐུང་དུ་ཁ་དོག་དང༌། །རྩུབ་པ་དག་དང་འཇམ་པའི་རྣམས། །སྒྲ་དང་དྲི་ལ་སོགས་པའི་ཡུལ། །མངར་དང་ཁ་དང་ཚ་བ་དང༌། །ཡིད་ཀྱི་རྣམ་པར་ཤེས་པའི་ཡུལ། །ཇི་སྙེད་
དགེ་དང་མི་དགེ་དང༌། །འདུས་བྱས་ཆོས་དང་འདུས་མ་བྱས། །མྱ་ངན་འདའ་བ་ཡེ་ཤེས་ཡུལ། །སྐད་ཅིག་སྐད་ཅིག་རབ་ཏུ་འབྱུང༌། །བྱུང་ཞིང་ཕྱིར་ཡང་ལྡོག་པ་སྟེ། །དེ་ནི་
མགྱོགས་པར་ཤིན་ཏུ་འགྲོ་།རྣམ་པར་ཤེས་པ་རྒྱུ་ལས་བྱུང༌། །ཡིད་དང་ཀུན་གཞི་རབ་འབྲེལ་བས། །ཁབ་ལོང་ལྟ་བུར་ཤིན་ཏུ་འཁོར། །ཁ་གཉིས་སྤྲུལ་ནི་ཇི་བཞིན་
པ༑ ༑ཡིད་ཀྱི་སྤྱོད་པ་དེ་བཞིན་ཏེ། །ཀུན་གཞི་རྣམ་ཤེས་ཡོག་པར་བྱེད། །གཅིག་ཏུ་འོན་ཀྱང་རབ་ཏུ་འབྱུང༌། །ཡིད་ཀྱི་རྣམ་པར་ཤེས་དང་བཅས། །རྒྱུ་ཡི་དགོས་པ་བྱས་ནས་
ལྡོག། །བདག་ཏུ་དགོས་པའང་ཤིན་ཏུ་བྱེད། །བདག་གིར་བྱ་བའང་འཕེལ་བར་བྱེད། །ལུས་ལ་དྲོད་ཀྱང་སྐྱེས་པ་སྟེ། །སྣ་ཚོགས་རྣམ་པར་རབ་ཏུ་སྤྱོད། །ཟས་དང་སྐོམ་དང་ལོངས་
སྤྱོད་དང༌། གོས་དང་སྤོས་སོགས་རྣམ་སྤྱོད་དང༌། །མཆོང་བ་དག་དང་རྒྱུག་པར་ཡང༌། །མི་ཡི་ལུས་ནི་འཛིན་པ་ཡིན། །གར་དང་གད་མོ་རྩེད་མོ་དང༌། །ཡིད་ཀྱང་རྟག་ཏུ་བྱེད་
པ་སྟེ༑ །སྐྲ་ཚོགས་མགལ་པ་བསྐོར་བ་དང༌། །དྲི་ཟའི་གྲོང་ཁྱེར་རྨི་ལམ་དང༌། །སྨིག་རྒྱུ་ལའང་དེ་བཞིན་དུ། །རྣམ་པར་རྟོག་པ་ཀུན་ཏུ་འཇུག །པྲ་བབ་ཀུན་ཏུ་འཁོར་བའི་སེམས། །
བདག་སེམས་ཁོང་དུ་མི་ཆུད་པས། །ལུས་དང་སྣོད་ཀྱི་རྣམ་པར་ཡང༌། །ཕྱང་མོ་ཉུག་ལྟར་གནས་པའོ། །ཉམ་ཆུང་སྙིང་པོ་མེད་པ་སྟེ། །རྣམ་པར་རྟོག་པ་རྒྱུ་མེད་པ། །བདག་གིས་བརྟགས་
པའི་དོན་ལ་སྤྱོད། །མཐོང་ནས་གནས་པ་གཟུགས་བརྙན་བཞིན། །རྒྱལ་པོ་རྣམ་ཤེས་ས་བོན་ནི། །ལྟ་བའི་ཡུལ་དུ་གཡོ་བ་སྟེ། །བུས་པའི་ཚོགས་རྣམས་མྱོས་པར་བྱེད། །འཕགས་
པ་མ་ཡིན་ས་ཡི་བདག །རྒྱལ་པོ་རྣམ་ཤེས་གསུམ་པོ་ཡི། །འཇུག་པ་རབ་ཏུ་བསྟན་པ་སྟེ། །འདི་རྣམས་དང་བྲལ་གབ་པ་ཡི། །རང་བཞིན་ཡང་དག་ཉིད་ཡིན་ནོ། །བྱེ་བ་ཕྲག་ཞིང་ཇི་
༄༅། །སྙེད་རྣམས། །ཤུགས་འཛིན་གྱི་ནི་མཐོང་བ་དང༌། །འཕགས་པ་མོངྒལ་བུ་ཡིས་ཀྱང༌། །ལུས་དང་ལུས་ཆེ་མཛེས་པ་རྣམས། །དེ་དག་ལས་ནི་འདི་
དག་འཕགས། །སྟུག་པོའི་ཞིང་ན་ས་ཡི་བདག །ཐམས་ཅད་ཞིང་ན་ཅི་མཛེས་པ། །དེ་དག་དཔེའམ་ཆར་མི་རུང༌། །བདེ་བ་ཡོད་དང་མངོན་དགའ་དང༌། །འོག་གི་ཞིང་རྣམས་
བྱེ་བ་དག །དེ་དང་དེ་ན་གང་བཞུགས་པའི། །སངས་རྒྱས་དེ་དག་སྟུག་ལ་བསྟོད། །སྟུག་ཅེས་བྱ་ཡོད་སྔོན་མཐའ་མེད། །རང་བྱུང་འཕྲུལ་པ་དེ་ཡིན་ཏེ། །ཟག་པ་མེད་པའི་སངས་
རྒྱས་སོ། །འབྱུང་བ་གསུམ་ལས་འདས་ཏེ་གནས། །དེ་ནི་བདེ་བ་ཉེར་ལེན་མེད། །ཁྱོད་དང་ང་ཡིར་སྤྱོད་དང་བྲལ། །ཐེར་ཟུག་མཆོག་ཏུ་རྟག་པ་སྟེ། །བརྟན་པ་སྟུག་པོར་
འདུས་མ་བྱས། །ཡང་དག་སངས་རྒྱས་བྱང་ཆུབ་ཏུ། །འཚང་རྒྱ་འོག་མིན་གནས་མཆོག་ཏུ། །སངས་རྒྱས་མ་གྱུར་འདོད་ཁམས་སུ། །སངས་རྒྱས་མཛད་པ་མི་མཛད་
དེ༑ ༑དེ་དག་སྟུག་པོའི་ཞིང་གཤེགས་ནས། །སངས་རྒྱས་སྤྲུལ་པ་བྱེ་བ་ཡིས། །རྟག་ཏུ་རྣལ་འབྱོར་མཉམ་པར་བཞག །སྤྲུལ་པ་དག་དང་ཐབས་གཅིག་རོལ། །ཐམས་ཅད་
ཞིང་དུ་ཟླ་བ་ལྟར། །གང་ལ་གང་གིས་དབང་འགྱུར་པ། །དེ་ལ་དེ་ལྟར་འབྱུང་བ་སྟེ། །འཕྲུལ་པའི་སྤྲུལ་པ་དག་གིས་ཀྱང༌། །ས་བཅུ་པ་ཡི་མདོ་མཆོག་དང༌། སྡོང་པོས་
བརྒྱན་དང་དྲུ་མ་ཡི། །གང་ཡང་རྣམ་པར་སྤྲུལ་པའི་མདོ། །དཔལ་གྱི་ཕྲེང་བ་ལ་བཤད་དང༌། །རྣམ་པར་སྣང་བའི་མདོ་སྡེ་དང༌། སྒྱུ་མ་དཔལ་ལས་འགྲོ་བ་སོགས། །མདོ་སྡེ་
རྣམ་པ་སྣ་ཚོགས་དག །སྟུག་པོའི་རྒྱན་ནས་རྣམ་པར་འབྱུང༌། །སྟུག་པོའི་རྒྱན་གྱི་མདོ་སྡེ་འདི། །མདོ་སྡེ་ཀུན་ལས་འཕགས་པ་ཡིན། །རྒྱལ་པོ་འདི་ལ་རིམ་གྲོང་ཡང༌། །
རྒྱལ་པོ་རྣམས་དང་བཅས་པས་གྱིས། །གཟུགས་མེད་འདོད་དང་གཟུགས་རྣམས་དང༌། །འདུ་ཤེས་མེད་པ་དེ་བཞིན་ཏེ། །གནས་ལས་འདས་ཏེ་སངས་རྒྱས་དཔང༌། །
བཞུགས་སོ་སྟུག་པོའི་དཀྱིལ་འཁོར་ན། །པདྨོ་འདྲ་བའི་གཞལ་མེད་ཁང༌། །གཟུགས་མང་རྣམ་པ་སྣ་ཚོགས་ན། །ལྷ་རྫས་སྨད་ཀྱི་ཡེ་ཤེས་ཏེ། །དེ་བཞིན་གཤེགས་
པའི་རྣམ་དག་གིས། །རྣམ་གྲོལ་རྣལ་འབྱོར་ཅན་རྣམས་དང༌། །དེ་ན་བཅོམ་ལྡན་ཐབས་གཅིག་བཞུགས། །སྟུག་པོའི་དཀྱིལ་བཞུགས་བསམ་གཏན་ཞུགས། །སངས་
རྒྱས་ས་མཆོག་རྣམ་བཞི་ལ། །དེ་ན་བཞུགས་ཤིང་གཟུགས་འཛིན་པ། །རྣལ་འབྱོར་མཁས་པ་ཉིད་ཚུལ་གྱིས། །དེ་ཡི་མཐའ་མ་མི་གཟིགས་པས། །གཟུགས་རྣམས་
དང་ནི་ཡུལ་རྣམས་ཀྱི། །ཐུབ་པ་རྣལ་འབྱོར་མཁས་པའི་རྣམས། །གཟུགས་ཀྱི་རྣམ་པ་སྣ་ཚོགས་ཀྱང༌། །སྟུག་པོའི་དཀྱིལ་ན་རྣམ་བཞུགས་ཤིང༌། །ཐམས་ཅད་རྣལ་འབྱོར་
༄༅། །ཅན་གྱིས་བསྟན། །བ་བླ་གསེར་དང་ཟླ་འོད་ཙམྤ་ཀ །རྨ་བྱའི་མགྲིན་པ་པདྨོ་འདྲ། །དེ་ཡི་ས་ལ་བཞུགས་པའི་ལྷ། །ལྷ་ཡི་གཟུགས་ནི་རྣམ་པར་
མཛེས་པ་སྟེ། །དེ་གཟུགས་ལྷ་རྒྱལ་གོ་པ་ཀ་དག་གློག་དང་འོལ་མ་བྱུ་རུའི་འོད་བཞིན་དུ། །ལ་ལས་བལ་ཆུང་སྐུ་དང་ན་བཟའ་ལོ་མ་རྩྭ་ལ་སོགས་པའི་མལ་བཞུགས་
པར༑ ༑མཐོང་ངོ་ཉི་མ་སྟོང་ལྟར་ཤིན་ཏུ་རྣམ་པར་འབར་བའི་སྐུ་གཟུགས་མངའ་བ་ལ། །ཐུབ་ཅན་ལ་ལས་རྣལ་འབྱོར་དབང་ལ་སྟུག་དབུས་ཆུ་སྐྱེས་རེ་རེར་བཞུགས་
པར་མཐོང༌། །ཐུབ་པའི་ཐོར་ཚུགས་ཚོགས་ནི་ལག་གིས་འགྲོ་བ་ཡི་མགོ་བོ་ཀླད་པ་བཞིན་དུ་སྟེ། །ལ་ལར་གཟུགས་ནི་རྡོ་རྗེ་ཨནད་རྙིལ་གྱིས་སྤྲས་པའི་ཅོད་པན་བརྒྱན་
པར་རོ། །ལ་ལས་ལ་ལར་ཐུབ་པ་དེ་ལ་འཁོར་ལོ་རི་མོ་ཉ་དུང་བཅས་པར་མཐོང༌། །ལ་ལས་ཇི་ལྟར་ནམ་མཁའི་རྒྱུ་པའི་ལམ་ལ་འཇའ་ཟུག་བཞིན་དུ་ཐུབ་པ་མཐོང༌། །
ལྷ་རྫས་ཕྱག་སོར་ཅན་གྱི་སྣ་ཚོགས་ཡུལ་ཅན་རི་རབ་ཕྱག་ཏུ་རབ་གཞོག་ཅིང༌། །ཁམས་གསུམ་ཆུ་སྲིན་གནས་དང་ཆུ་གནས་དེ་བཞིན་བ་ལང་མིག་པར་ཤོང་
བར་མཛད། །སྦྱིན་པའི་ཤུགས་ཀྱིས་མི་ཡི་བདག་པོའི་གཙུག་གི་ཅོད་པན་རྣམས་ཀྱིས་རབ་མཆོད་ཅིང༌། །ལ་ལ་དག་ན་རྒྱལ་དང་རྒྱལ་པོའི་འཁོར་ན་དགོས་པ་རྣམས་
ན་མཁས་གྱུར་ཅིང༌། །ཆད་པས་གཅོད་པར་སྣང་ངོ་སྟུག་པོའི་དབུས་ན་གཞན་དུ་རྣམ་པར་སྣང་བ་ནི། །ཐུབ་པ་རྣལ་འབྱོར་མཁས་པའི་ཡེ་ཤེས་རྣལ་འབྱོར་ཤིན་ཏུ་བྱེད་པ་རྣམས་
ལ་སྟེ། །རང་གི་ཡུལ་རྣམས་སྔོན་གྱི་རྒྱལ་བས་གསུངས་པ་དེ་དག་རྣལ་འབྱོར་གྱིས་སྟོན་ཅིང༌། །ལ་ལས་གནས་དང་ལྟ་བ་ཡིད་དང་བློ་རྣམས་ཤིན་ཏུ་གཞན་དུ་གྱུར་པ་དང༌། །
དབང་དང་ཡེ་ཤེས་རྣམ་པ་སྣ་ཚོགས་ཏིང་ངེ་འཛིན་དང་ཡིད་བཞིན་སྐུ་མངའ་བར། །ལ་ལས་ཡུལ་ལ་ཆགས་མེད་སྤྱོད་ཡུལ་རིག་པའི་བློ་ཡི་བྱ་བ་གཅོད་པར་ཏེ། །འདི་དང་གཞན་
མེད་སྲེག་མེད་གྱུར་པས་ཚིག་བྱ་མེད་ཕྱིར་མྱ་ངན་འདས་པར་རོ། །སྣུམ་དང་འོད་འཕྲོ་མེད་པས་ཇི་ལྟར་འཇིག་རྟེན་འདི་ན་མེ་བཞིན་ཤིན་ཏུ་མྱ་ངན་འདས། །ལ་ལས་ཕ་རོལ་ཕྱིན་
པའི་མཆོད་སྦྱིན་མཆོད་བཅུག་མཆོད་སྦྱིན་བྱེད་པ་དག་ཏུ་སྟེ། །སྦྱིན་དང་མཆོད་དང་ཐུབ་པ་དག་ཀྱང་རྣམ་པ་ཚུལ་བཞིན་མཛད་པ་ཤིན་ཏུ་མཐོང༌། །བདེ་བ་ཡོད་ཅེས་བྱ་བའི་
ཞིང་མཆོག་དེ་ན་སྐྱེས་བུ་ཡོད་པ་དེ་དག་ནི། །མངལ་ནས་སྐྱེས་པ་མ་ཡིན་བདེ་བར་འབར་བའི་འོད་ཀྱི་དཀྱིལ་འཁོར་ཅན་དག་སྟེ། །ལྷ་རྫས་གསེར་ལྟར་འབར་བ་ཟླ་བ་ལྟ་བུའི་
ལུས་འཆད་རྣལ་འབྱོར་ཅན་གྱི་བདག །ལྷ་རྫས་འོད་བཟང་དེ་དང་གང་ཡང་མི་ན་བརྣལ་འབྱོར་ཅན་གྱི་དབང་པོའི་ཡུལ། །དེ་དག་བརྒྱ་ཆར་མི་ཕོད་རྣལ་འབྱོར་ཅན་གྱི་དབང་ཕོ་
༄༅། །དག་གི་དེ་བདེ་ལ། །གཞན་དུ་བདག་ཅག་ཉིད་ཀྱིས་བཤམས་པའི་ལོངས་སྤྱོད་པ་ཡི་ཞིང་གི་མི་དེ་དག །མཐའ་ཡས་འོད་ཀྱི་བདེ་བ་ཅན་ན་རྒྱལ་བའི་
སྲས་རྣམས་ལྷ་རྫས་འོད་འཁོར་ཅན། །རྣལ་འབྱོར་ཡང་དག་ཉིད་མོས་ཐུབ་དབང་ཁྱུ་མཆོག་བསམ་གཏན་བདུད་རྩི་མྱོང་བྱེད་དང༌། །རྣམ་པ་ཐ་དད་སྣ་ཚོགས་རིན་པོ་
ཆེ་དག་ཡལ་ག་དཔྱངས་པའི་གནས་ཚལ་ཞིང༌། །ལྷ་རྫས་གསེར་ཕྱེའི་ཁམས་ལས་བསགས་པའི་ཞིང་གི་མཆོག་དེ་ཤིན་ཏུ་རྣམ་པར་མཛེས། །གསེར་དང་རིན་ཆེན་
སྣ་ཚོགས་མེ་ཏོག་པདྨོ་དེ་ནི་མཆོག་ཏུ་རབ་ཏུ་བརྒྱན། །འདི་ནི་སངས་རྒྱས་ཞིང་གི་གཏེར་ཡིན་དཔེ་མེད་དེ་ཀུན་མི་ཡང་པདྨོ་སྐྱེས། །ཐུབ་པ་དེ་ལ་དད་ཅིང་བསམ་གཏན་
མཁས་ལ་སངས་རྒྱས་ལ་ནི་རབ་ཏུ་སྨོས། །བདག་གི་སྟོན་པ་ལ་ནི་བདག་བསྟན་ཡིད་ཅན་པདྨོ་དག་ལས་སྐྱེ་བ་སྟེ། །སངས་རྒྱས་ཞིང་གི་མཆོག་ན་གནས་པའི་མི་
ནི་བཟང་པོའི་མཚན་གྱིས་ཀུན་ནས་བརྒྱན། །དཔེ་བྱད་བཟང་པོ་བཅས་པས་རྨད་དུ་འབར་བའི་ལུས་ཅན་དཔལ་གྱི་བེའུ་དང་བཅས། །ཡོད་དང་མེད་པའི་རྣམ་རྟོག་རྟོག་
པ་མེད་པས་དྲི་མེད་རྫུབ་པ་དག་གོ། །དེ་ལྟར་ན་འདི་དག་རྣམ་པར་བསྟན་ནས་རྡོ་རྗེ་ཁྱུ་མཆོག་མཐེ་བོ་ཙམ་དུ་གྱུར། །སྲོ་མ་རྡུལ་ཕྲན་ཤིན་ཏུ་ཕྲ་བའི་སྐྲ་ཡི་བརྒྱད་ཆའི་
གཟུགས་སུའང་དེ་བཞིན་གྱུར། །ལ་ལར་བ་དེ་གཤེགས་རང་རྒྱལ་ཉན་ཐོས་གཟུགས་དང་དེ་བཞིན་སྣ་ཚོགས་གཞན་དག་ཀྱང༌། །གང་དང་གང་ལ་སེམས་ཀྱི་སྤྱོད་པ་ཇི་
བཞིན་དེ་འདྲའི་གཟུགས་ཀྱི་ཁྱད་པར་དག །རྣལ་འབྱོར་མཁས་པ་རྡོ་རྗེ་ཞེས་བྱས་མཚད་མེད་གཟུགས་ཀྱི་ཡུལ་དག་རྣམ་པར་སྤངས། །དེ་སྐད་བཤད་ནས་ཡང་སྨྲས་པ།
སྣ་ཚོགས་གཟུགས་ཆ་རྒྱལ་བའི་སྲས། །ས་རྣམས་དེ་བཞིན་དབང་རྣམས་དང༌། །མ་ཉམས་མངོན་པར་ཤེས་པ་དང༌། །སྒྱུ་མ་ལྟ་བུའི་ཏིང་ངེ་འཛིན་དང༌། དེ་ལྟར་ཡིད་བཞིན་
ལུས་ཀྱང་སྟེ། །གཟུངས་དང་རྫུ་འཕྲུལ་རྐང་པ་དང༌། །རྣམ་ཐར་ཐ་དད་ཡང་དག་རིག །སྟོབས་དང་འཇིགས་པ་མེད་པ་དང༌། །ཕུང་པོ་ཁམས་རྣམས་ཟག་མེད་པ། །འདི་དག་
གཞན་དུ་གྱུར་ནས་འཐོབ། །རྟག་པའི་སངས་རྒྱས་ས་ཡང་ངོ༌། །ཆོས་རྣམས་ལྔ་ཡི་རང་བཞིན་དང༌། །རྣམ་པར་ཤེས་པ་བརྒྱད་རྣམས་དང༌། །བདག་མེད་གཉིས་པོ་རབ་རྟོགས་
ནས༑ ༑གཞན་དུ་འགྱུར་བ་འབྱུང་བར་འགྱུར། །ཡིད་བཞིན་ལུས་ནི་བཅུ་པོ་དག །སྒྱུ་མ་དཔའ་བར་འགྲོ་བས་བསྐོར། །མི་ཟད་སྨོན་ལམ་བཅུ་པོ་དང༌། །ལམ་གྱི་རྣམས་ཀྱིས་
ཤིན་ཏུ་སྤྲུལ། །རྨི་ལམ་མེ་ལོང་གཟུགས་བརྙན་ནམ། །ཆུ་ཡི་ཟླ་བ་བཞིན་དུ་མཐོང༌། །རྣལ་འབྱོར་ལམ་ལ་ཐུབ་པའི་རྣམས། །སངས་རྒྱས་ལ་ཞུགས་པ་དང༌། །རྒྱལ་བ་
༄༅། །པདྨོའི་གདན་བཞུགས་པ། །རྒྱལ་བའི་སྲས་ཀྱིས་མདུན་དུ་བྱས། །ཡོད་དང་མེད་པ་ཕྱོགས་བྲལ་པ། །རྡུལ་ཕྲན་རྣམ་པར་འཇིག་རྣམས་ཀྱིས། །
དྲི་ཟ་གྲུབ་པའི་རྒྱལ་པོ་དང༌། །ལྷ་ཡི་གནས་ན་འཁོད་པའི་ཚོགས། །རི་རབས་ལ་འདོང་རྒྱུ་ཞིང༌། །ནམ་མཁའི་དཀྱིལ་ནས་འདོད་སྤྱོད་ཀྱང༌། །ཇི་ལྟར་སྣང་བར་མ་གྱུར་བ། །དེ་
བཞིན་རྒྱལ་སྲས་བཅས་པའི་རྣམས། །རྣལ་འབྱོར་མེད་པས་མི་མཐོང་ངོ༌། །རྣམ་པ་སྣ་ཚོགས་གཟུགས་དང་ལྡན། །ས་དང་ཞིང་རྣམས་བྱེ་བ་ན། །རྒྱལ་བ་མཆོད་ལ་མངོན་
པར་མོས། །སྨོན་དབང་ལ་གནས་པའི་རྣམས། །པདྨོའི་ཁང་པར་རབ་ཏུ་སྐྱེ། །དབང་དང་བསམ་གཏན་སེམས་པ་དག །ཞིང་དང་ཞིང་དུ་མྱ་ངན་འདའ། །ཏིང་ངེ་
འཛིན་ལས་སྐྱེས་པ་སྟོན། །ལྷུན་གྱིས་གྲུབ་པར་ཐམས་ཅད་དུ། །ཆུར་བྱུང་ཟླ་བ་འདྲ་བར་ཏེ། །ཉི་མ་ལྟ་བུར་ཁྱད་མེད་པ། །སྣང་བ་སེམས་ཅན་སྤྱོད་ཡུལ་དུ། །ཡང་དག་མཐའ་
ལ་མི་རེག་པར། །ཏིང་ངེ་འཛིན་ལ་རབ་ཏུ་ལྡོག །གྲུ་ལ་གནས་པའི་བུད་པ་དག །གངས་ཆེན་མཚོ་ལ་འགྲོ་བ་བཞིན། །གང་དུ་གྲུ་འགྲོ་དེར་རྒྱུག་སྟེ། །དཔག་ཚེད་ཤིན་ཏུ་མང་བར་
ཡང༌། །ཐུགས་རྗེས་ཉོན་མོངས་དམའ་པའི་ལུས། །སྡུག་བསྔལ་ཅན་གཟིགས་དེ་བཞིན་དུ། །དེ་དག་འབྱུང་བར་རབ་ཏུ་སྟོན། །ཕྱིར་ལྡོག་བདག་མེད་པ་ཡང་སྟེ། །འཇིག་པ་དག་
ཀྱང་རྣམ་མཁྱེན་ནས། །ཟད་པའི་དུས་སུ་མི་གནས་པ། །གཟུང་དང་འཛིན་གྱིས་འཕངས་པའི་རྣམས། །གཟུང་དང་འཛིན་ལ་སྤྱོད་པའི་རྣམས། །གཟུང་དང་འཛིན་གྱིས་བསྐྱེད་པས་
ན༑ ༑མཚན་མའི་གཞི་མེད་མཚན་ཉིད་མེད། །འཁོར་བའི་རྒྱུན་གྱིས་ཁྱེར་བའི་རྣམས། །ཡང་དང་ཡང་ཞིང་སྐྱེ་བ་ཡིན། །བཅགས་མེད་མཚོ་ཡི་གཏེར་གྱུར་ལ། །གཅིག་ལ་
གཅིག་འཇུའི་སྤྲེའུ་ལྟར་ཡང༌། །བྱེད་པ་གྲུ་ལ་གནས་ཀྱིས་མཐོང༌། །འཇུ་བའི་གནས་དང་རྟེན་མེད་པར། །དེ་བཞིན་རྒྱལ་བ་རྒྱལ་སྲས་རྣམས། །སྲེད་པས་རྣམ་པར་དཀྲུགས་པ་
ཡི༑ ༑རྣམ་རྟོག་སྡུག་བསྔལ་གནས་པའི་རྣམས། །ས་ཡི་གནས་ནས་ཉོན་མོངས་ཕྱིར། །རབ་ཏུ་འབྱུང་དང་ཕྱིར་ལྡོག་དང༌། །སྦྱིན་དང་མཆོད་པ་དག་ཀྱང་འབྱུང༌། །འདི་འདྲ་རྣལ་
འབྱོར་ཅན་གྱིས་ཆོས། །རྣམ་པ་སྣ་ཚོགས་བསྒོམ་པར་གྱིས།། །།འཕགས་པ་རྒྱན་སྟུག་པོ། །བམ་པོ་གཉིས་པ། ཀུན་ཏུ་བཟང་པོ་མི་ཡི་བདག །གཟི་བརྗིད་ཆེན་
པོ་སྣ་ཚོགས་གཟུགས། །བྱང་ཆུབ་སེམས་དཔའ་སེམས་དཔའ་ཆེས། །རྡོ་རྗེའི་སྙིང་པོ་ལ་སྨྲས་པ། །མཐུན་པ་དག་ལ་དབང་བྱེད་དང༌། །ལྷ་གནས་འཁོད་པ་གཞན་དག་དང༌། །
རིན་ཆེན་ཁང་པ་སྣ་ཚོགས་དང་།གང་ཡང་སྟུག་པོའི་དཀྱིལ་འཁོར་པའི། །རྒྱལ་སྲས་རྣལ་འབྱོར་ལྡན་པ་དག །གང་གིས་སྟུག་ཅེས་བྱ་ཐོས་ཏེ། །ཐོས་ནས་ནན་ཏན་བྱེད་པའི་རྣམས་
༄༅། །གཞན་དུ་འགྱུར་ལ་གཞོལ་བ་དག །གཞན་དུ་འགྱུར་བའི་ཚུལ་ཐོས་ཤིང༌། །ཏིང་འཛིན་དེ་ཡི་ཚུལ་སོང་བ། །སྟུག་པར་རིང་བོར་མི་ཐོགས་འགྲོ། །
སངས་རྒྱས་ཡང་དག་འགྲོ་ལ་མོས། །འགྲོ་བ་འཛིན་དང་ཤུགས་འཛིན་དང༌། །འཇམ་དཔལ་རྣམ་པར་འཕྲུལ་བ་དང༌། །མཐུ་ཆེན་འཕགས་པ་འཇིག་རྟེན་དབང༌། །ཟླ་བ་ལ་སོགས་
གཟུགས་དབང་རྒྱལ། །བློ་གྲོས་ཤིན་ཏུ་ཞེ་བ་དང༌། །ལྟེ་བ་རྡོ་རྗེ་རྣལ་འབྱོར་རིག །དྲུ་མ་ནམ་མཁའི་བདག་པོ་དང༌། །ཕྱག་ན་རྡོ་རྗེ་བློ་ཆེན་དང༌། །རྣལ་འབྱོར་ཅན་དང་རྒྱལ་སྲས་
རྣམས། །གང་ཡང་བྱེ་བའི་ཞིང་དག་ནས། །ཆོས་མཉན་ཕྱིར་ནི་འོངས་པའི་རྣམས། །སྟུག་པོའི་རྒྱལ་ལ་གཞོལ་བ་དག །རྒྱལ་བ་མ་འོངས་མཐོང་ནས་ཀྱང༌། །ཁོང་ནས་
སྙིང་རྗེ་སྙིང་བརྩེ་སྟེ། །རྣལ་འབྱོར་ལྡན་ཅན་དབང་པོའི་གཙོ། །སྣ་ཚོགས་གཟུགས་ལ་རབ་ཏུ་སྨྲས། །རྣལ་འབྱོར་ཅན་གྱི་གཙོ་ལ་དྲིས། །འཇིགས་མེད་རྡོ་རྗེ་སྙིང་པོ་ལ། །རིན་
ཆེན་ཁང་པ་སྣ་ཚོགས་དང༌། །དབང་སྒྱུར་ཁང་པ་བཟང་པོར་ཡང༌། །ཇི་ལྟར་གང་གིས་སྣ་ཚོགས་བྱས། །སྣ་ཚོགས་གཟུགས་ཅན་ཁྱོད་ཀྱིས་སྨྲོས། །དངོས་པོ་ཀུན་གྱི་སྣ་
ཚོགས་ཉིད། །འགྲོ་བ་དག་གི་ཡང་རབ་འབྱུང༌། །རྫ་ལ་སོགས་པའི་དངོས་པོ་དག །ཇི་ལྟར་ཆུ་འཇིམ་ཐལ་སྦྱར་ལས། །ལས་སུ་བྱ་བ་ཐམས་ཅད་བསྐྱེད། །འགྲོ་བ་འདི་
དག་དེ་བཞིན་བྱས། །རྔ་དང་པི་ཝང་སྒྲ་ལ་སོགས། །ལས་སུ་བསྐྱེད་ལས་དབྱངས་འབྱིན་ཏེ། །དེ་བཞིན་འཇིག་རྟེན་འདི་ཡང་ཅི། །བསྐྱོད་པའི་ལས་ལས་ཀུན་འབྱུང་ངམ། །རང་བཞིན་
གསུམ་པོ་ཇི་བཞིན་དུ། །དངོས་པོ་གཅིག་ལ་ཀུན་ཏུ་གནས། །ས་རྣམས་འདི་ལྟར་ཐམས་ཅད་དུ། །དངོས་དང་དངོས་ལ་རབ་ཏུ་གནས། །དེ་བཞིན་འདི་དག་ཀུན་ཀྱང་ཅི། །དངོས་པོ་
གཅིག་ལ་རབ་གནས་སམ། །གང་ཕྱིར་འདི་ལྟར་རྒྱན་དག་སྣང༌། །ཁམས་གསུམ་གཡོ་དང་མི་གཡོར་བཅས། །དགའ་ལྡན་མཚེ་མ་རབ་རྣམས་དང༌། །དབང་སྒྱུར་རྣམས་ཀྱིས་
བྱས་སམ་ཅི། །མི་འམ་ཅི་དང་དྲུ་མ་དང༌། །གྱ་ནོམ་སྣང་བས་བྱས་སམ་ཅི། །འོག་མིན་ཐོར་ཚུགས་ཅན་གྱིས་སམ། །འོན་ཏམ་གཟུགས་མེད་རྣམས་ཀྱིས་བྱས། །ལྷ་རྣམས་བདག་
པོ་ཐམས་ཅད་ཀྱིས། །གཅིག་ཏུ་འདུས་ཏེ་འདི་བྱས་སམ། །འཕྲུལ་བའི་སྤྲུལ་པ་དག་གིས་སམ། །རྒྱལ་བ་ཁྱུ་མཆོག་གིས་མཛད་དམ། །འོན་ཏམ་རྒྱལ་བ་རྒྱལ་སྲས་རྣམས།།
ཞིང་གཞན་རྣམ་པར་བཞུགས་པས་སམ། །རྣལ་འབྱོར་ལ་མཁས་རྣལ་འབྱོར་ཅན། །སངས་རྒྱས་ཞིང་དུ་ཞུགས་རྣམས་ཀྱིས། །ས་རྣམས་ཐམས་ཅད་བྱས་སམ་ཅི། །
གང་ལ་ནོར་པ་རབ་ཏུ་གནས། །གང་འདི་ནོར་པ་སྣང་བ་དག །སྨིག་རྒྱུ་རྣམས་ལ་ཆུ་བཞིན་ཏེ། །རྫ་མའི་ཕྱོགས་ལ་ཡོན་ཏན་བཞིན། །འགྲོ་བ་གང་གི་ཕྱོགས་ལ་གནས། །ཡོན་
༄༅། །ཏན་མི་འབྲལ་ཡོན་ཏན་ཅན། །ཡོན་ཏན་མེད་དང་ཡོན་ཏན་གནས། །མ་ཡིན་ཕན་ཚུན་འབྲེལ་བས་ན། །ཡོན་ཏན་ཚོགས་སུ་རྣམ་པར་གནས།།
ནོར་པ་སྣ་ཚོགས་དེ་བཞིན་དུ། །ག་ལའང་དེ་བཞིན་གནས་ཡིན་ནམ། །འགྲོ་བ་རྣམ་པ་སྣ་ཚོགས་རྣམས། །ས་རྣམས་ལ་ནི་གང་སྣང་བ། །འོན་ཏམ་ཚངས་པས་ཕྱུང་
བའམ། །འགྲོ་བ་མཐུ་བོ་ཆེ་ཡིས་སམ། །ཁྱུ་མཆོག་གིས་སམ་སྤུན་ཟས་སམ། །སེར་སྐྱ་ཡིས་སམ་རང་གིས་སམ། །གཅེས་པའི་རྐྱེན་གྱིས་བྱས་སམ་པ། །རང་བཞིན་
གྱིས་སམ་དབང་པོས་སམ། །དུས་དང་ཕྱོགས་ཀྱིས་བསྐྱེད་པའམ། །འོན་ཏམ་མ་རིག་སྲེད་པས་སམ། །ལྷ་ཡི་དྲང་སྲོང་ཐེ་ཚོམ་ཟ། །ལྷ་ཡི་ཚོགས་ཀྱང་དེ་བཞིན་
ཏེ༑ ༑གྲུབ་དང་དྲི་ཟའི་རྒྱལ་པོ་རྣམས། །ས་ལ་གནས་པའི་རྣལ་འབྱོར་ཅན། །འོན་ཏམ་འདི་དག་མིག་འཕྲུལ་ལམ། །འགྲོ་བ་དྲི་ཟ་འདྲ་ཞིག་གམ། །རྨི་ལམ་ཡིན་ནམ་
སྨིག་རྒྱུའམ། །སྔོན་མེད་རྣམ་པར་རྟོག་ཡིན་ནམ། །གཟུང་དང་འཛིན་པའི་དངོས་པོར་ཡང༌། །ཁ་གཉིས་སྤྲུལ་བཞིན་གནས་པའམ། །འོན་ཏམ་རང་བཞིན་འདི་མེད་
དམ། །འཁྲུལ་འཁོར་རོ་ལངས་བཞིན་གནས་སམ། །མགལ་པ་བསྐོར་བ་འདྲ་བའམ། །འོན་ཏམ་སྐྲའི་ཚོགས་ལྟ་བུའམ། །བྱེད་དང་ལས་ཀྱིས་མ་བྱས་ཤིང༌། །དབང་པོ་
ཀུ་བེ་རས་མ་བྱས། །མཆོད་སྦྱིན་སྦྱིན་སྲེག་མཆོད་འབྲས་སམ། །སྨྲང་གི་གཞུང་གི་ལམ་གྱིས་སམ། །རྒྱུ་རྣམས་ཤིན་ཏུ་ཕལ་ཆེ་བས། །ནན་ཏན་རྟག་པ་མ་ཡིན་ཏེ། །འགྲོ་བ་
འཛིན་པ་མེད་པའང་མིན། །རྒྱུ་རྣམས་ཀྱི་ཡང་རྒྱུ་དག་སྟེ། །འགྲོ་བ་ངོ་བོ་ཉིད་ཀྱིས་གྲུབ། །ལས་ཀྱི་བག་ཆགས་རྣམས་ལས་བྱུང༌། །རྣམ་ཤེས་བརྒྱད་པོའི་སྐྱེས་བུ་ནི། །ཀུན་གཞི་
ཞེས་ཀྱང་བྱ་བ་སྟེ། །དེས་ནི་སྣ་ཚོགས་འདི་དག་ཀུན། །རྫ་མའི་འཁྲུལ་འཁོར་བཞིན་དུ་བསྐོར། །ཏིལ་བཀྲུམ་ཏིལ་མར་ཇི་བཞིན་དུ། །ལན་ཚྭའི་ཚ་བྲོ་ཇི་ལྟ་བར། །གཟུགས་ལ་
མི་རྟག་ཉིད་ཇི་བཞིན། །སྐྱེས་བུ་འདི་ཡང་དེ་བཞིན་གནས། །ཇི་ལྟར་བསུང་ལ་སོགས་ལས་དྲི། །ཡོན་ཏན་རྣམས་ལ་ཡོན་ཏན་མཚན། །ཉི་ཟླ་གཉིས་ཀྱི་འོད་ཟེར་བཞིན། །དེ་
ལྟར་སྐྱེས་བུ་གནས་པ་ཡིན། །དགོས་དང་བྱེད་པ་མེད་པ་སྟེ། །ཡོད་དང་མེད་ཀྱི་ཕྱོགས་ཀྱིས་སྤངས། །གཅིག་དང་ཐ་དད་མེད་པ་སྟེ། །མུར་འདུག་ཕྱོགས་ཀྱིས་རྣམ་པར་
སྤངས། །རྗེས་སུ་འགྲོ་བའི་ཤེས་པ་མེད། །ནམ་ཡང་རྣམ་པར་མི་བརྟག་སྟེ། །གྲོལ་བའི་སོ་སོ་རང་རིག་པ། །སངས་རྒྱས་སར་སྐྱེས་ཐུབ་ཅན་གྱི། །གཟུང་དང་འཛིན་པ་མེད་པ་
སྟེ། །སྔ་མེད་སེམས་དང་སེམས་བྱུང་གིས། །རྣམ་ཤེས་བརྒྱད་དང་བྲལ་བ་སྟེ། །ནམ་ཡང་རྣམ་པར་མི་བརྟག་པའོ། །དེ་ལ་གནས་པ་ཆུ་རླབས་བཞིན། །ཕན་ཚུན་མཚན་
༄༅། །ཉིད་ཐ་མི་དད། །འབྱུང་ཞིང་ཕྱིར་ཡང་ལྡོག་པ་སྟེ། །དེ་ཡི་ལྡན་པ་རིག་པ་མིན། །ཇི་ལྟར་ཐུབ་པའི་རྣལ་འབྱོར་དང༌། །རྫུ་འཕྲུལ་ཅན་གྱི་རྫུ་འཕྲུལ་
བཞིན༑ ༑མཉམ་པར་བཞག་པས་རབ་ཏུ་མཐོང༌། །རྣལ་འབྱོར་འགྲོ་བ་གཞན་གྱིས་མིན། །དེ་བཞིན་འཇུག་པའི་རྣམ་ཤེས་རྣམས། །དེ་དག་ཀུན་གཞི་ལྷན་ཅིག་གནས། །
རྣལ་འབྱོར་ཅན་གྱིས་རྟག་ཏུ་མཐོང༌། །སངས་རྒྱས་སངས་རྒྱས་སྲས་དེ་བཞིན། །དེས་ནི་འདི་དག་ཐམས་ཅད་ཀྱང༌། །ཇི་ལྟར་ནོར་བུ་ཕུག་པ་རྣམས། །སྐུད་ལ་བརྒྱུས་དང་
འཁོར་ལོ་བཞིན། །ལས་ཀྱི་རླུང་གིས་སྐོར་བྱེད་པ། །ཇི་ལྟར་རྫ་མཁན་འཁོར་ལོ་དང༌། །ལག་དང་ཐལ་སྦྱོར་བསྐོར་བ་ཡིས། །ཀུན་ཏུ་བསྐོར་ཅིང་སྣོད་བྱེད་པ། །ཡོན་ཏན་སྣ་
ཚོགས་རྣམ་པར་ལྡན། །དེ་བཞིན་རྣམ་ཤེས་བརྒྱད་ཀྱི་མི། །ཁམས་ཀྱི་གཟུགས་བརྙན་ལྷན་ཅིག་ཏུ། །ས་ནི་རྣམ་པར་བྱེད་པ་སྟེ། །ཕྱི་ནང་རྒྱུ་བའི་འགྲོ་བ་རྣམས། །གང་ལ་
འཇིག་རྟེན་འདི་དག་ཀུན། །ནམ་མཁའ་སྐར་ཚོགས་ཇི་བཞིན་དུ། །གནས་ཤིང་རྣམ་པ་སྣ་ཚོགས་གནས། །རླུང་གི་རྟ་ཡིས་ཤིན་ཏུ་བསྐོར། །ཇི་ལྟར་མཁའ་ལ་བྱ་རྣམས་
ཀྱི༑ ༑རྗེས་ནི་སྣང་བ་མ་ཡིན་ཏེ། །བར་སྣང་ཡོད་པ་མ་ཡིན་ནའང༌། །བྱ་རྣམས་རྒྱུ་བའི་བྱེད་པ་མེད། །དེ་བཞིན་རྣམ་པར་ཤེས་པའི་མི། །བདག་ཡོད་མ་ཡིན་གཞན་མེད་མིན།།
རྣམ་དག་པར་སྣང་འདྲ་བ་དང༌། །དཔའ་རླབས་བཞིན་དུ་རབ་ཏུ་འབྱུང༌། །བག་ཆགས་རྣམ་པའི་ཉེས་པ་ཡིས། །མི་ཆགས་པདྨོའི་ཟླ་བ་བཞིན། །པདྨོ་ལ་ནི་ཆུ་མེད་མིན། །ཆུ་ལ་
ཟླ་གཟུགས་མེད་པ་ཡང༌། །ཆུ་སོང་ཟླ་བ་ཡོད་པ་སྟེ། །པདྨོའི་འདབ་ལ་དེ་བཞིན་ཆུ། །མིག་ལ་བུད་མེད་གཞོན་ནུ་དག །མིག་གིས་མཐོང་བ་ཇིར་མི་འགྱུར། །དེ་བཞིན་ཀུན་
གཞི་རྣམ་པར་ཤེས། །ལས་རྣམས་ཅིག་ཅར་བྱེད་པ་སྟེ། །འགྲོ་བ་དག་གི་ལུས་ལ་ནི། །ཁྱབ་གནས་ས་བོན་ཀུན་ཅན་ནོ། །སྟུག་པོའི་སྤྲིན་དང་འདྲ་བར་ཡང༌། །ས་རྣམས་ཡོག་
པར་ཤིན་ཏུ་གནས། །ཚེ་དང་རྣམ་ཤེས་ཀུན་ནས་ཡོག །དྲོད་ཀྱང་དེ་བཞིན་སྟོབས་ཆེན་གྱིས། །སྣ་ཚོགས་གཟུགས་ཀྱི་ལུས་ཅན་གྱི། །རྣམ་པ་སྣ་ཚོགས་གཟུགས་ཀྱང་
སྟོན། །རྫ་མཁན་ཇི་ལྟར་ས་སྣོད་ལ། །སྤྱོད་པ་ཇི་བཞིན་དེ་ལྟའོ། །བ་ལང་སོགས་པའི་རྭ་མཐོང་ཞིང༌། །བོང་བུ་རྭ་ནི་མེད་པ་སྟེ། །མ་མཐོང་བར་ནི་མེད་པ་མེད། །བ་ལང་
རྭ་ཡི་མེད་པ་ཡང༌། །ཕྱིན་ཅི་ལོག་ཏུ་དམིགས་པས་མེད། །ཕྱིན་ཅི་ལོག་ཏུ་མནར་སེམས་ལ། །ཤིན་ཏུ་ཕྲ་བའི་རྡུལ་གཤིག་ན། །ཡོད་པ་དེ་དག་མེད་པར་འགྲོ། །མེད་པ་
ཡོད་པའི་རྒྱུ་ལས་ཏེ། །མེད་པ་ཡོད་ཅེས་རྟོག་པ་ནི། །ཡོད་པ་མེད་ལས་བལྟོས་པ་སྟེ། །ཕན་ཚུན་ལྟོས་པའི་རྒྱུ་ལས་སོ། །བློ་དང་རྟོགས་བྱ་མེད་པ་སྟེ། །ཁོང་དུ་ཆུད་པ་སྐྱེ་
༄༅། །མེད། །མགལ་བའི་འཁོར་ལོ་འཁོར་ལོ་མིན། །ཇི་ལྟར་སྐྲ་ཚོགས་མཐོང་བ་བཞིན། །དྲི་ཟའི་གྲོང་ཁྱེར་སྒྱུ་མ་དག །ཅི་ཞིག་མཐོང་ནས་འབྱུང་བ་
བཞིན། །བློ་ཡི་འབྱུང་བ་རྒྱུ་མེད་པར། །ཡོད་པ་མ་ཡིན་རྣམ་རྟོག་པ། །རྟོག་བྱ་རྣམ་པར་རྟོག་པས་བསྐྱེད། །ལུས་ཅན་རྣམས་ཀྱི་ཡིད་སྐྱེས་ཏེ། །མིང་དང་འདུ་ཤེས་
འབྲེལ་བ་དང༌། །རང་བཞིན་གཉིས་ཀྱི་བག་ཆགས་ཀྱི། །མི་ཡི་སེམས་ནི་རབ་ཏུ་འབྱུང༌། །གྲུབ་པའི་དོན་ནི་མི་སྐྱེའོ། །ཐོག་མ་མེད་པའི་དུས་ན་བསགས། །གནས་ངན་
ལེན་གྱི་ཡུལ་ལས་བྱུང༌། །རབ་ཏུ་སྤྲོས་པས་བསྒོས་ཡིད་ལས། །སེམས་ཀྱི་ཚོགས་ནི་འབྱུང་བར་འགྱུར། །གཟུང་དང་འཛིན་པའི་དངོས་པོར་ཡང༌། །ཀུན་ཏུ་སྐྱེ་བ་མི་ཡི་
སེམས། །རྫ་ལ་སོགས་པའི་གཟུགས་ཀྱི་དབྱིབས། །སྣང་བ་གཞན་ཡོད་མ་ཡིན་ཏེ། །འདི་དག་ཐམས་ཅད་བློ་ཙམ་པས། །རྟོགས་བྱའི་དངོས་པོ་ཡོད་པ་མིན། །བློ་དང་རྟོགས་
བྱའི་དངོས་པོར་ནི། །བདག་ཉིད་རབ་ཏུ་འཇུག་པ་སྟེ། །བྱིས་པ་རྣམས་ཀྱིས་མི་རིགས་པ། །བག་ཆགས་རྣམས་ཀྱིས་སེམས་མྱོས་རྣམས། །རྣམ་པ་བརྒྱད་དང་རྣམ་
བདུན་དང༌། །དུས་གཅིག་ཏུ་ཡང་འབྱུང་བར་འགྱུར། །སྔོན་མེད་བག་ཆགས་ལྡན་པས་ན། །ཀུན་གཞི་ས་བོན་ཐམས་ཅད་ཅན། །རྒྱ་མཚོའི་དབའ་རླབས་ཇི་བཞིན་དུ། །
རླུང་གི་རྐྱེན་གྱིས་བསྐྱོད་པ་ལྟར། །གར་བྱེད་ཅིང་ནི་རབ་ཏུ་འབྱུང༌། །རྣམ་པར་རྒྱུན་ཀྱང་མི་འཆད་དོ། །བློ་ཡི་འོད་པ་དེ་བཞིན་རྟག །ཡུལ་དང་རེག་པས་བསྐུལ་བའི་ཕྱིར། །སྣ་ཚོགས་
བདག་རྟོག་རྣམ་ཤེས་ཀྱིས། །བདག་ལ་བདག་གིར་འཛིན་པར་བྱེད། །ཇི་ལྟར་ས་ལ་རྣམ་རྟོག་མེད། །འགྱུར་མེད་རྣམ་པ་སྣ་ཚོགས་གཟུགས། །དགོས་པའི་རྣམ་པར་གྱུར་པ་
ནི༑ ༑དེ་འདྲ་ཀུན་གཞི་རྣམ་ཤེས་ལའོ། །ཇི་ལྟར་མི་ཞིག་ལག་པ་ཡིས། །རང་གི་ལུས་ལ་མཉེད་པ་དང༌། །ཕྱོགས་ཀྱི་གླང་པོ་བདག་ལུས་ལ། །བདག་གིས་སྣ་ཡིས་ཆུ་འཐོར་
དང༑ ༑ཇི་ལྟར་ཤེད་ཅན་ལ་ལ་དག །བདག་གི་ལུས་ལ་སོས་འདེབས་པ། །དེ་བཞིན་བློ་ནི་བརྟགས་དོན་ལ། །དོན་གཉིས་ཚུལ་དུ་འཇུག་པའོ། །བློ་ཡི་ཡུལ་དུ་བྱ་བ་འདི། །ཁམས་
གསུམ་རྣམ་པར་ཁྱབ་པར་གནས། །ཕྱི་དང་ནང་གི་བྱ་བར་ཡང༌། །རྣལ་འབྱོར་མཁས་པས་མཐོང་བ་ཡིན། །སངས་རྒྱས་རྣམས་ཀྱིས་འདི་ཀུན་གཟིགས། །ས་ལ་ཇི་
སྙེད་སྣང་བ་དག །རྣམ་པ་སྣ་ཚོགས་དབྱིབས་ཀྱི་གཟུགས། །ས་ལ་རྣམ་པ་སྣ་ཚོགས་སོ། །ཆོས་འདི་ཡང་དག་བཤད་པ་དང༌། །རྡོ་རྗེ་སྙིང་པོ་འཇིགས་མེད་པ། །མི་སྨྲའི་
དངོས་ལ་དག་རྒྱུར་ཏེ། །བསམ་གྱིས་མི་ཁྱབ་ཆོས་དབྱིངས་ཀྱི། །ལྷ་ཡི་བསམ་གཏན་མི་གཡོ་བ། །སངས་རྒྱས་སྤྱོད་ཡུལ་ཞུགས་པ་དང༌། །སྟུག་པོ་ནས་ནི་འོངས་པའི་
༄༅། །གཟུགས། །མཐོང་ནས་རྣལ་འབྱོར་ལམ་གནས་པ། །ཐུབ་པ་དེ་ཡི་ལྷ་རྫས་ལུས། །རྣལ་འབྱོར་བཏང་སྟེ་ཡང་གནས་སོ། །འདོད་དང་གཟུག་
དང་གཟུགས་མེད་དང༌། །འདུ་ཤེས་མེད་པའི་གནས་རྣམས་ཀྱི། །མུན་པའི་ཚོགས་ནས་ཕྱིར་བྱུང་སྟེ། །སྟུག་པོ་དེ་ནས་འདིར་འོངས་སོ། །སངས་རྒྱས་རྣམས་ཀྱི་བཞུགས་
པའི་གནས། །སངས་རྒྱས་ཞིང་ནི་མཆོག་རབ་ནས། །གཟུགས་ཀྱི་རྣམ་པ་དུ་མ་ཡི། །སངས་རྒྱས་སྐུ་ཡང་རྣམ་བྱུང་ནས། །མི་ཡི་ཁམས་ན་རྣམ་པར་འཕྲུལ། །སུ་བློ་ཅི་
འདོད་ཕན་པར་རོ། །སྟུག་པོ་ཡི་ནི་མིང་ཕྱུང་ནས། །རྒྱལ་བའི་སྲས་པོ་ཐམས་ཅད་ཀྱང༌། །ཕན་ཚུན་གཅིག་ལ་གཅིག་བལྟས་ཏེ། །གཅིག་ལ་གཅིག་ནི་རབ་སྨྲས་པ། །
སྟུག་པོ་དྲི་མེད་བསོད་ནམས་ཏེ། །སྡིག་པ་ཐམས་ཅད་འཇིག་པར་བྱེད། །རྣལ་འབྱོར་ཅན་གྱི་གནས་ཀྱི་མཆོག །སངས་རྒྱས་ཞིང་གི་དམ་པ་ཕུལ། །ཡུ་བུས་དེ་ཡི་སྒྲ་
ཐོས་ཏེ། །ཐོས་ནས་བདག་ཅག་དགའ་བའི་ཡིད། །སྟུག་པོ་རྣལ་འབྱོར་ཅན་གནས་ཀྱི། །བརྟན་ལམ་བདག་ཅག་ཐོབ་པར་བྱ། འོག་མིན་ཚངས་པ་ཐོར་ཚུགས་ཅན། །
གཙང་མའི་གནས་ཀྱིས་རྣམ་སྤངས་པ། །ཞིང་གི་ངོ་མཚར་ལྟད་མོ་དང༌། །སངས་རྒྱས་རྒྱལ་བའི་སྲས་ཀྱི་ཡབ། །ཚངས་པས་དེ་ཚེ་གསོལ་ནས་སུ། །གཙང་མའི་
གནས་ཀྱི་འཇིགས་མེད་རྣམས། །དེ་དག་ཐམས་ཅད་སེམས་པ་ནི། །ཚངས་པ་སྟུག་པོར་འགྲོ་མི་འགྲོ། །ཚངས་པ་རྣལ་འབྱོར་ཆེན་པོ་ཅན། །མུན་པས་དེ་དག་བསླད་པར་
གྱུར༑ ༑ཐུབ་པ་མི་ཤེས་ཐུབ་རིག་གི། ཇི་ལྟར་གནས་ནི་ཐོབ་པར་འགྱུར། །ཚངས་པ་དེ་ན་ཀུན་ཏུ་སེམས། །བློ་ཡིས་ཚངས་པར་རིག་པའི་མཆོག །འདོད་དང་གཟུགས་ཀྱི་
བདག་པོ་དག །རྒྱུ་བ་དེ་ན་མེད་པ་སྟེ། །ནམ་མཁའ་ཁང་པ་གནས་རྣམས་དང༌། འདུ་ཤེས་མེད་པ་དེ་བཞིན་ཏེ། །མུར་འདུག་གཞན་ལ་གྲགས་པ་ཡི། །རྣལ་འབྱོར་ཅན་
རྣམས་དེར་མི་འགྲོ། །བདག་གིས་བྱ་བ་བྱས་སམ་ཅི། །བསམས་ཏེ་འདིར་ཡང་འོངས་པར་གྱུར། །བདག་འགྲོའང་བརྟན་ཞིང་རྟག་པ་ཡི། །ཐེར་ཟུག་འདུས་མ་བྱས་སྟུག་
ཏུ༑ ༑གལ་ཏེ་ཡང་ན་ཐུབ་པ་དེ། །རྣལ་འབྱོར་མངའ་བ་ལྷའི་ཡང་ལྷའི། །མཐུ་ཡིས་རྣལ་འབྱོར་མཁྱེན་རྣམས་ཀྱི། །ཕོ་བྲང་སྟུག་པོ་དེར་འགྲོའམ། །ཐུབ་པ་དེ་ལ་ཕྱག་
འཚལ་ལོ། །དེ་སྐད་སྨྲས་ནས་ཐོར་ཚུགས་ཅན། །མཐོང་བ་ཤིན་ཏུ་འབར་བ་ཡི། །སངས་རྒྱས་ལམ་ན་བཞུགས་པ་རྣམས། །གསུངས་ཤིག་གསུངས་ཤིག་ཐུབ་པའི་
རྣམས། །ཁྱེད་ལ་རྩི་འཚལ་ཅི་གྱིས་ཤིག །སངས་རྒྱས་དབང་པོ་བཀའ་སྩལ་གསོལ། །སྟུག་པོ་ཇི་ལྟར་འཐོབ་པར་འགྱུར། །གཟུགས་ཡུལ་འདི་ལས་ཕྱིར་ལོག་གཅིག་
༄༅། །དེར་འགྲོ་མེད་པ་གཟུགས་ཅན་རྣམས། །སྟུག་པོ་དེ་ནི་ཐུབ་ཆེན་ཡུལ། །བླ་ན་མེད་པའི་སངས་རྒྱས་ཞིང༌། །འདུ་ཤེས་མེད་པས་མི་འཐོབ་
སྟེ༑ ༑དེ་བཞིན་འདོད་པའི་ཁམས་དབང་གི །མུར་འདུག་གཞན་ན་གྲགས་པས་ཀྱང༌། །རྣལ་འབྱོར་རིག་ལམ་སྟུག་མི་འཐོབ། །ཚངས་པ་ཉིད་ཀྱིས་དེ་གསུང་ཐོས། །
མཆོད་སྦྱིན་གསོལ་བའི་ཞལ་ན་སྟེ། །དེ་ནི་དེ་ནས་ཕྱིར་ལོག་སྟེ། །ཚངས་པའི་གནས་སུ་ཡང་སོང་ངོ༌། །དེ་ཡི་ཕྱིར་ན་དེར་འགྲོ་བ། །ཚངས་པ་ཡིས་ཀྱང་མི་ཐོབ་པས། །
གཟུགས་མེད་འདོད་དང་གཟུགས་ཅན་རྣམས། །དེར་འགྲོ་ཡོད་པ་ཡོད་མ་ཡིན། །ཅི་ཕྱིར་དད་པ་འདི་འདྲ་རྙེད། །སྟུག་པོའི་དཀྱིལ་འཁོར་མཐོང་བ་ཡང༌། །རྣལ་འབྱོར་ཅན་
གྱི་གནས་ཀྱི་མཆོག །དེ་ཕྱིར་ངོ་མཚར་ཐོབ་པར་གྱུར། །སྒྱུ་མའི་ཏིང་ངེ་འཛིན་གྱི་ཡུལ། །རྣལ་འབྱོར་ཅན་གནས་སྟུག་པོ་དེ། །འདི་ནི་གཅིག་ནས་གཅིག་ཏུ་ཐོས། །དེ་ནས་
བྱུང་བས་རྣམ་པར་བསྙད། །སྣ་ཚོགས་ཚིག་འདི་ཐོས་པ་ནི། །ཐུབ་ཅན་རྡོ་རྗེ་སྙིང་པོ་ཡི། །རྒྱལ་སྲས་ཁྱོད་ཀྱིས་སྨྲ་བར་གྱིས། །རྒྱལ་བའི་སྲས་རྣམས་ཉན་པར་འདོད། །
དབང་སྒྱུར་རྒྱལ་པོ་དེ་བཞིན་གྱིས། །གཟི་བརྗིད་ཆེན་པོ་མ་ཐོགས་ཤིག །མཚེ་མ་རབ་དང་དགའ་ལྡན་དང༌། །གཙང་གནས་འཇིགས་པ་མེད་པའི་རྣམས། །ཐུབ་པའི་
བཀའ་ནི་མ་ལུས་པར། །སྨྲ་བར་སུ་ཞིག་ནུས་པ་ཡོད། །གཞན་དུ་ཁྱོད་དང་སངས་རྒྱས་རྣམས། །ཐུབ་ཆེན་ཐུབ་པ་བསྣམས་པ་དག །སངས་རྒྱས་ཡུལ་ནི་བསམ་མི་ཁྱབ། །
མཆོག་གི་གཙོ་བོས་སངས་རྒྱས་ཀྱི། །རྣལ་འབྱོར་རྣལ་འབྱོར་མེད་པ་ལ། །སུ་ཡིས་ཇི་ལྟར་བསྟན་པར་ནུས། །མཚེ་མ་རབ་དང་ཤུགས་འཛིན་དང༌། །དབང་སྒྱུར་རྒྱལ་
བའི་སྲས་པོ་དག །གཅིག་པའི་དབྱངས་སུ་ཡང་སྨྲས་ཏེ། །གསུངས་ཤིག་གསུངས་ཤིག་རྒྱལ་བའི་སྲས། །རྣམ་པར་འཕྲུལ་དང་འཇམ་དཔལ་དང༌། །བྱམས་པ་མིའམ་
ཅི་ཡི་བདག །རྣལ་འབྱོར་ཅན་གཞན་གང་དེ་ནི། །དེ་དག་སྨྲ་བ་སྨྲོས་ཤིག་སྒྲོགས། །ནམ་མཁའ་ལས་ཀྱང་སྒྲ་བྱུང་སྟེ། །ལྷ་དང་སྔགས་འཆང་རྣམས་ཀྱིས་ཀྱང༌། །དེ་ནས་
ཤིན་ཏུ་རྔ་བརྡུངས་པ། །གསུངས་ཤིག་གསུངས་ཤིག་རྒྱལ་བའི་སྲས། །དེ་དག་དེ་སྐད་སྨྲ་བ་ན། །ཐོར་ཚུགས་ཅན་གྱི་ཚངས་པ་འོངས། །ས་འཁོད་ཀུན་ལས་སྨྲས་པ་ནི། །
སྟན་གྱི་མཆོག་ལ་འདུག་ནས་དེ། །ངོ་མཚར་ལྷ་རྫས་འདི་ཅི་ཞིག །ཐུབ་པ་རྣམས་ཀྱི་ཚོགས་འཁོར་ན། །རྣལ་འབྱོར་དབང་པོ་ཐམས་ཅད་དང༌། །སློབ་མ་མཁས་པ་
དེ་དག་ཀྱང༌། །ཁྱུ་མཆོག་ཐུབ་ལ་འདྲི་བར་འདོད། །རྒྱལ་སྲས་རྡོ་རྗེ་དབང་པོ་ལ། །སྐབས་འདི་ཇི་ཞིག་སུ་ཞིག་ལ། །རྒྱལ་བའི་སྲས་ཀྱིས་གསུངས་པ་ཡིན། །ཀུ་རུའི་བུ་
༄༅། །དང་དི་ལི་པ། །འཁོར་ལོ་འཁོར་བ་མན་མཐའ་སྟེ། །ཡང་ན་ཡོ་བ་ན་ཤྭ་ལ། །ལྷ་རྫས་མི་ཡི་གཏམ་བརྗོད་དམ། །གཉི་བུ་ཨིག་ཤྭ་ཀུ་ལའམ། །
དེ་བཞིན་གཞུ་སྟོང་བདོག་པ་ལའམ། །འོན་ཏམ་གནས་སྲུང་པོ་ལའམ། །འཁོར་ལོ་འཁོར་བ་གཞན་དག་ལའམ། །འདོད་དང་གཟུགས་དང་གཟུགས་མེད་ལའམ། །
འདུ་ཤེས་མེད་གནས་གནས་པ་ལའམ། །ནམ་མཁའ་མཐའ་ཡས་རྣམ་ཤེས་སམ། །འོན་ཏེ་ཅུང་ཟད་མེད་པ་དག །ཐུབ་ཆེན་རང་སངས་རྒྱས་དག་ལའམ། །ཉན་ཐོས་
རྒྱལ་བའི་སྲས་ལ་འམ། །སངས་རྒྱས་ས་ལ་ཞུགས་པ་ཡི། །རྒྱལ་དབང་རྣམས་ལ་གཏམ་འདི་འམ། །འདི་ཅི་ལྷ་མིན་ལྷ་རྫས་སམ། །འོན་ཏེ་སྐར་མའི་དེ་བཞིན་ནམ། །
ཇི་ལྟར་གྱུར་བ་ཁྱོད་ཀྱིས་གསུངས། །བདག་ཅག་སློབ་མ་ཕྱོགས་སུ་ཉན། །བླ་མའི་ཚིག་ནི་ཐོས་ནས་ཀྱང༌། །རྒྱལ་བའི་སྲས་པོ་ཐམས་ཅད་དག །ཕན་ཚུན་ཤིན་ཏུ་དཔྱོད་
པར་བྱེད། །དེ་ཡི་ཏིང་འཛིན་འགྲོ་སོང་རྣམས། །རྒྱལ་བའི་སྲས་རྣམས་ཚིག་ཐོས་པ། །ཐོར་ཚུགས་ཅན་ལས་མངོན་དུ་སྟེ། །སློབ་མ་བཅས་པར་ཉན་འདོད་པ། །གཙང་
གནས་བདག་པོ་ཉིད་ཀྱང་ཡིན། །ཐར་ཟླ་བློ་གྲོས་མི་ཟད་དང༌། །ནམ་མཁའི་དབང་པོ་འགྲོ་བ་འཛིན། །མཐུ་ཆེན་སྤྱན་རས་གཟིགས་དབང་དང༌། །རྣལ་འབྱོར་ཤེས་པ་
གཟུངས་ཀྱི་དབང༌། །ལྷ་ཡི་ཅོད་པན་རྣལ་འབྱོར་དབང༌། །གཙུག་ན་རིན་ཆེན་བློ་གྲོས་ཤིང༌། །ལག་ན་རྡོ་རྗེ་ཞི་བའི་བློ། །ལག་ན་རིན་ཆེན་བློ་ཆེན་དང༌། །འདི་དག་རྒྱལ་སྲས་གཞན་དག་
ཀྱང༌། །བྱེ་བའི་ཞིང་རྣམས་ཀུན་ནས་འོངས། །རྡོ་རྗེའི་སྙིང་པོ་བློ་ཅན་ལ། །དེ་དག་ཀུན་གྱིས་རྣམ་བལྟས་ནས། །པདྨོའི་སྟན་ལ་འཁོད་པའི་རྣམས། །རྒྱལ་བའི་སྲས་ལ་གསོལ་བ་
འདེབས། །བློ་ཆེན་རབ་ཏུ་བཤད་པར་གྱིས། །རྒྱལ་བའི་སྲས་རྣམས་ཉན་པར་འདོད། །འདས་པ་དག་དང་མ་འོངས་ཚུལ། །ད་ལྟར་བྱུང་བའི་གང་ཚིག་ཀྱང༌། །རྒྱུ་དང་དཔེ་ཡིས་རབ་
གསལ་བར། །ཁྱོད་ཀྱི་ཞལ་ནས་བྱུང་བ་རྣམས། །གདོན་མི་ཟ་བའི་ཚིག་འདི་ཡང༌། །ཁྱོད་ཀྱིས་རྒྱལ་བ་དེ་ཞལ་ནས། །ཐམས་ཅད་མ་ལུས་ཐོས་པ་སྟེ། །སྐྱོན་མེད་དེ་བཞིན་གཤེགས་
པའི་མཁྱེན། །ཏིང་འཛིན་དབང་སྒྱུར་རྒྱལ་པོ་ཡིས། །ཐམས་ཅད་བློ་གྲོས་རྣམ་བལྟས་ནས། །རྡོ་རྗེ་སྙིང་པོ་འཇིགས་མེད་ཀྱིས། །རྣལ་འབྱོར་ཅན་ལ་ཚིག་སྨྲས་པ། །རྒྱལ་བའི་
གསུང་རབ་མ་ལུས་པར། །སྨྲ་བར་སུས་ཀྱང་ནུས་པ་མེད། །དེ་ཡི་བྱིན་རླབས་མ་གཏོགས་པར། །སངས་རྒྱས་རྣམས་དང་རྒྱལ་སྲས་ཀྱི། །སངས་རྒྱས་ཀུན་ལ་ཕྱག་འཚལ་
ཏེ༑ ༑སངས་རྒྱས་བྱིན་གྱིས་བརླབས་པ་དག །ནོར་བུ་རིན་ཆེན་སྣ་ཚོགས་ཁང༌། །དབང་སྒྱུར་གནས་བཟང་འཁོད་རྣམས་ལའང༌། །ཡེ་ཤེས་དད་པས་སྨྲ་བར་བྱ། །སངས་
༄༅། །རྒྱས་རིགས་བྱེད་ཚུལ་ཡིན་ཏེ། །ང་ལས་འདི་དག་ཐམས་ཅད་ཉོན། །དེ་བཞིན་གཤེགས་ཀྱི་ཡེ་ཤེས་དགེ །རྒྱལ་པོ་རྣམས་ལ་གཏམ་འདི་
མིན། །མི་བདག་མཆོག་རྣམས་འདས་པ་ཡང༌། །འདི་ནི་སངས་རྒྱས་རིགས་ཀྱི་གཏམ། །སྟུག་དཀྱིལ་ཕུན་སུམ་ཚོགས་རྣམས་ཀྱི། །རྣལ་འབྱོར་ཅན་གྱི་རྣལ་འབྱོར་
ཡུལ། །སངས་རྒྱས་ཀུན་གྱི་ཕུན་སུམ་ཚོགས། །དེ་བཞིན་གཤེགས་ཀྱི་ཡེ་ཤེས་ཕྲ། །རྟོག་མེད་རྟོག་པ་སྤངས་པ་སྟེ། །སོ་སོ་རང་རིག་མཁས་པའི་ཡུལ། །བརྗོད་པ་
དང་ནི་རྣམ་པར་བྲལ། །དེ་ནི་སྨྲ་བར་དད་པ་མེད། །བདག་གིས་དེ་ཡི་མཐུ་ཐོས་པ། །ལྷ་རྫས་ཀྱི་ནི་ཡེ་ཤེས་དང༌། །ཏིང་ངེ་འཛིན་གྱི་མེ་ཏོག་གིས། །རྫོགས་པའི་སངས་
རྒྱས་གསུངས་པ་ནི། །སྟུག་པོའི་དཀྱིལ་དུ་མཉམ་བཞག་པས། །ཐམས་ཅད་ཕྱོགས་ལས་རྣམ་གྲོལ་ཞིང༌། །ཡོད་དང་མེད་པའི་ཕྱོགས་སྤངས་པ། །ཡོད་དང་མེད་པའི་
ཕྱོགས་དང་བྲལ། །དབུ་མའི་ལམ་ནི་དགེ་བ་སྟེ། གཞན་དུ་འགྱུར་བའི་ལྷ་རྫས་ཚུལ། །སངས་རྒྱས་ས་ལ་འཇུག་པར་བྱེད། །དབུ་མའི་ལམ་པོ་དེ་ཉིད་ཀྱང༌། །མཐའ་བཞི་
རྣམ་པར་སྤངས་པ་སྟེ། །རྣམ་པར་རྟོག་མེད་དམིགས་མེད་པ། །སྟུག་ན་གནས་པས་ཤིན་ཏུ་མཐོང༌། །ཐུབ་ཆེན་དེ་ཉིད་ལ་མ་ཤེས་པ། །བདག་མེད་ཡེ་ཤེས་མཁས་རྣམས་
ཀྱིས། །བླ་མའི་ཚིག་འདི་ཐོབ་པ་དང༌། །རྣལ་འབྱོར་ཅན་རྣམས་ཐམས་ཅད་ཀྱང༌། །རྐང་པ་གཉིས་ལ་མཉམ་བཏུད་ནས། །རྡོ་རྗེ་ཞེས་ལ་སྨྲས་པ་ནི། །རྣལ་འབྱོར་ཅན་རྣམས་ཉན་
པར་བརྩོན། །སྐོམ་པ་རྣམས་ནི་ཆུ་འཚོལ་བཞིན། །ཁྱོད་ཀྱི་ཞལ་ནས་བཏུང་འདོད་པ། །ཚིག་གི་སྤྲང་རྩི་བུང་བ་བཞིན། །རྣལ་འབྱོར་དབང་པོ་ཡང་དག་གསུངས། །རྒྱལ་བའི་
སྲས་རྣམས་ཤིན་ཏུ་ཉན། །རྣལ་འབྱོར་ཅན་རྣམས་རྣལ་འབྱོར་བློ། །ཡེ་ཤེས་དབང་པོ་འཕྲུལ་ཆེན་རྣམས། །ཞིང་གི་བདག་པོ་རྒྱལ་ཆེན་རྣམས། །རྣལ་འབྱོར་ལམ་ལ་རྟོག་
བྱེད་པ། །བདེ་གཤེགས་བཀའ་ནི་ཉན་པར་རོ། །ཁྱོད་ཀྱི་ཞལ་ནས་རྣམ་བྱུང་བ། །རྣམ་པ་སྣ་ཚོགས་དཀའ་བའི་སྒྲ། །ཁོང་དུ་ཆུད་བྱེད་མཚན་བཟང་དང༌། །ཚངས་པའི་ཡང་དག་
གཤེགས་པ་དང༌། །དབང་པོའི་དོན་གྲགས་ཁྱད་པར་དུའོ། །སྣ་ཚོགས་ཐུབ་པ་དེ་ཡི་གསུང༌། །སྒྲ་ཡི་དོན་ལ་མཁས་པ་ཡི། །དེ་ཕྱིར་བདག་ནི་སྨྲས་མ་མོས། །བརྟག་བྱ་རྟོག་
པ་རྣམ་པར་སྤངས། །པར་སྣང་རི་མོ་ཇི་བཞིན་དང༌། །གྲིབ་མ་སྟོང་ལ་སོགས་པས་སྤངས། །དེ་སྟེ་སྣང་ན་རྨད་དུ་རུང༌། །དེ་བཞིན་གཤེགས་པ་ཐུབ་པའི་བཀའ། །མཁའ་ལ་
བྱ་རྗེས་ཇི་བཞིན་དུ། །བལྟ་བར་ཤིན་ཏུ་དཀོན་པ་བཞིན། །དེ་བཞིན་གཤེགས་པ་ཐུབ་པའི་བཀའ། །དེ་ནི་བསྟན་པར་མི་ནུས་སོ། །ས་རྣམས་གསུམ་དུ་མཁས་པ་ཡིས། །དཔེ་
༄༅། །ཡིས་ཀུན་ཏུ་རབ་བསྟན་གྱིས། །དཔེ་དང་བྲལ་བའི་དེ་བཞིན་ཉིད། །ཐུབ་པའི་ཞལ་ནས་རྣམ་པར་བྱུང༌། །དེ་ཡི་ཚིག་ལ་དཔེ་མེད་དེ། །རྨི་ལམ་ལྟ་བུར་
བདག་ལ་སྣང༌། །རབ་རིབ་མགལ་པ་བསྐོར་བ་དང༌། །སྐྲ་ཡི་ཚོགས་དང་ཇི་བཞིན་འདྲ། །ཇི་ལྟར་སྒྱུ་མའི་གྲོང་ཁྱེར་དང༌། །རླུང་ནི་ཤིན་ཏུ་བལྟ་དཀའ་དང༌། །སྒྱུ་མ་སྨིག་རྒྱུ་
འདྲ་བ་སྟེ། །རྣམ་རྟོག་གཉིས་པོ་རབ་ཏུ་སྤངས། །འོན་ཏམ་རྣལ་འབྱོར་སྣ་ཚོགས་པ། །ཐུབ་པའི་གསུང་ནི་དེ་བཞིན་ཏེ། །བདག་གིས་རྣལ་འབྱོར་ཅན་དབུས་སུ། །བཤད་པར་
དེ་ཕྱིར་དད་པ་མེད། །འདི་དག་ཐམས་ཅད་མཁས་པ་སྟེ། །དེ་བཞིན་ཉིད་བློ་ཤེས་པའི་རྣམས། །སངས་རྒྱས་སྤྱོད་ཡུལ་བསམ་ཡས་པ། །དེ་ཕྱིར་སྨྲ་བར་དད་པ་མེད། །
འོན་ཀྱང་བརྗོད་དོ་ཐུབ་པའི་རྣལ་འབྱོར་གྱིས། །དེ་རིང་བདག་ལས་ཉོན་ཅིག་རྒྱལ་སྲས་རྣམས། །སྣ་ཚོགས་ཚིག་གི་དོན་ལྡན་ཐུབ་པའི་བཀའ། །དཔེ་མེད་སེམས་དང་
ཡིད་ལས་རྣམ་པར་འདས། །ཇི་ལྟར་བུང་བས་མེ་ཏོག་རོ་འཐུངས་ཤིང༌། །ལྷག་མ་གཞན་དག་འཐུང་བར་བྱེད་པ་བཞིན། །སྙིང་ཁུ་ཐུབ་པའི་མཆོག་རྣམས་ཀྱིས་འཐུངས་
ཏེ༑ ༑དེ་ཡི་འཐུངས་ལྷག་བདག་གིས་དེ་རིང་བཤད། །དེ་ནི་ཡིད་དང་ཚིག་གིས་ཀྱང༌། །བསྟན་པར་ནུས་པ་མ་ཡིན་ལ། །ལྷ་ཡི་ལྷ་ཡི་ཡུལ་ཡིན་ཏེ། །མཁས་རྣམས་དགེ་བ་
འཕེལ་བར་བྱེད། །མི་ཡི་གཟུགས་སུ་བྱས་ནས་སུ། །སངས་རྒྱས་ཞེས་ནི་མཚན་ལྡན་པ། །ཅོད་པན་ཅན་དང་གཞན་ལ་སྣང༌། །གཞན་མེད་ཁང་གནས་གཞན་ལ་ཡང༌།
འོད་ཀྱི་དཀྱིལ་འཁོར་འཁོར་ལོ་དང༌། །མཚན་བཟང་རྣམ་པ་སྣ་ཚོགས་སུ། །ས་ལ་སྣ་ཚོགས་སྣང་བ་ནི། །མུར་འདུག་འདུས་པའི་དྲེགས་པ་སེལ། །དུས་རྣམས་བཞི་པོ་
ཐམས་ཅད་དུ། །སངས་རྒྱས་རྣམས་ཀྱི་དུས་དུས་ལ། །སྟུག་ན་བཞུགས་པས་དུས་སྤྲུལ་ཏེ། །རྣམ་པར་ཕྱེ་བ་རབ་ཏུ་མཛད། །བཟང་དུས་དེ་བཞིན་གསུམ་པ་དང༌། །གཉིས་
ཀྱི་ཕ་རོལ་དུས་ངན་དང༌། །དེ་དག་ཏུ་ཡང་ཅི་དགོས་པ། །ས་ལ་ལུས་ཅན་རྣམས་ཀྱིས་ཏེ། །ལྡན་པ་དེ་དག་ཐམས་ཅད་མཛད། །སྟུག་པོའི་དཀྱིལ་ན་བཞུགས་ཤིང་སྟེ། །
སྟུག་པོ་དེ་ནི་དྲི་མེད་གནས། །སྦྱོར་ཆེན་རྣམས་ཀྱི་བདེ་བའི་གཞི། །ངན་དང་གཉིས་ཀྱི་ཕ་རོལ་མཚམས། །ཐུབ་པ་གཟུགས་ནི་རྣམ་བཟུང་ནས། །དྲི་མེད་སྟུག་ན་རྣལ་
འབྱོར་ལྡན། །ཟླ་བ་བཞིན་དུ་འགྲོ་ལ་སྣང༌། །སྣ་ཚོགས་འགྲོ་བ་གང་ཤེས་ཀྱིས། །སྣ་ཚོགས་གཟུགས་སུ་མཛེས་པ་ནི། །གང་ལ་གང་སྣང་གང་གིས་ཀྱང༌། །ཇི་ལྟར་གང་ལ་
དེ་བ་དེ་བ། །དེ་དག་དེ་ལ་ཐམས་ཅད་དུ། །དེ་ཕྱིར་ཆ་ཡིས་མིག་ལ་གནས། །ཤེས་ཅན་ཡུལ་ཅན་ཐུབ་པ་ནི། །རྣལ་འབྱོར་མཁྱེན་པ་ཤེས་པས་སྣང༌། །དབང་པོ་ཆེ་གཟུགས་
༄༅། །གཞན་དག་དང༌། །འཇུག་འདོད་ཀྱི་དང་དེ་བཞིན་གཞན། །སེར་སྐྱ་ཡི་ཡང་གཟུགས་སུ་སྟེ། །ཐུབ་པ་ལ་ལར་མཁའ་བཞུགས་པ། །ཤེས་བྱེད་ཤེས་
ལ་ཡང་དག་སྣང༌། །ས་ནད་ས་ནན་ད་ན་ལ། །ས་ནད་གཞོན་ནུ་མེ་དག་དང༌། །སྒྲ་གཅན་མི་ཅི་ཏུམ་བུ་རུ། །ཨིག་ཤྭ་ཀུ་དང༌། ཟླ་བའི་རིགས། །ཐམས་ཅད་ས་ཡི་རྒྱལ་པོ་ལ། །
ཐམས་ཅད་ས་ཡང་མཆོད་པ་སྟེ། །སྐུ་ནི་སུ་སུ་ཅི་འདོད་བཞིན། ལ་ལར་མུར་འདུག་སྤྱོད་སྤྲུལ་ཏེ། །སྟོན་པ་འགྲོ་བ་རྣམས་ཀྱིས་མཐོང༌། །ཚུལ་གྱི་གཙུག་ལག་སྟོན་པར་
ཡང༌། །ཅི་བཞིན་རིགས་པར་རབ་སྟོན་ཅིང༌། །རྡོ་རྗེ་དངུལ་དང་གསེར་དག་དང༌། །ཟངས་དང་ལྕགས་ཀྱི་འབྱུང་ཁུངས་དང༌། །རོ་ཉེ་ཞ་ཉེ་མུ་ཏིག་དང༌། །པདྨ་རཱ་དང་ཨནད་རྙིལ། །
བཻ་ཌཱུ་ཪྻ་དང་ཤེལ་དག་དང༌། །ཨ་སྨ་གརྦ་མུ་ས་ར། །ཚུལ་དང་རྟག་པ་ཐམས་ཅད་ལྡན། །མཁན་པོ་བླ་མ་ཀུན་འགྲོ་དང༌། །གང་གིས་ལུས་ཅན་སུ་སུ་ཅིར། །ས་ལ་བདེ་བ་
སྐྱེ་བ་བཞིན། །དེ་ལ་དེ་བདེ་ཐམས་ཅད་དུ། །ཐུབ་པའི་རྣལ་འབྱོར་རབ་ལས་བྱུང༌། ལྷ་ཡི་བུ་མོས་མི་སྤྱོད་དོ། །དེ་བཞིན་དྲི་ཟའི་བུད་མེད་ཀྱིས། །འདོད་ཁམས་དབང་པོའི་
བུད་མེད་དང༌། །དེ་བཞིན་ཀླུ་ཡི་བུད་མེད་ཀྱིས། །མི་ཅི་ལྷ་མིན་བུ་མོ་དང༌། །གནོད་སྦྱིན་བུ་མོས་དེ་བཞིན་ནོ། །དེ་ནི་འདོད་པའི་ཡུལ་ལས་རྒྱལ། །གཟུགས་ཅན་རྣམས་
ཀྱི་ཡུལ་དེ་བཞིན། །ནམ་མཁའ་རྣམ་ཤེས་མཐའ་ཡས་དང༌། །ཅུང་ཟད་མེད་པའང་དེ་བཞིན་ཏེ། །འདུ་ཤེས་ཡོད་མི་ན་མ་ཡིན་གྱི། །གནས་ན་རྣམ་པར་རྨོངས་པ་མེད། །ཀུན་ཏུ་ལ་
སོགས་འདི་དག་ལམ། །རྣལ་འབྱོར་ཅན་གྱི་འཆིང་བའི་དངོས། །མ་ཞི་མི་དགེ་གཞན་དག་ཀྱང༌། །སྲོག་ཆགས་རྣམས་ཀྱི་ས་ཡོད་པ། །ལུས་ཅན་རྣམས་ཀྱི་ལུས་ཀྱི་ཡུལ། །སྟུག་
ཀྱི་ཞིང་རབ་སྟེ། །སྟུག་པོ་དེ་ནི་ཡུན་དུ་རྟག །མངའ་རྣམས་བཅུ་པོ་དེ་དག་དང༌། །སྟོབས་དང་མངོན་མཁྱེན་ཏིང་ངེ་འཛིན། །ཡིད་ཀྱི་རྒྱུ་ལས་བྱུང་བའི་སྐུས། །སངས་རྒྱས་དེ་ན་རྣམ་
པར་མཛེས། །ས་རྣམས་བཅུ་པོ་ཀུན་བསྒོམས་ཏེ། །རྣམ་ཐར་བདེན་པ་སྟོང་པ་ཉིད། །མཚན་མེད་སྨོན་པ་མེད་པ་དང༌། །ཕ་རོལ་ཕྱིན་དྲུག་དེ་བཞིན་ཏེ། །བསྒོམ་དང་སྦྱིན་དང་
ཚུལ་ཁྲིམས་དང༌། །ཤེས་རབ་རྣམས་ཀྱིས་དེ་སྐུ་འཐོབ། །ཡན་ལག་གཟུགས་ཀུན་མེ་ཏོག་གི །འདུས་མ་བྱས་པ་སངས་རྒྱས་སྐུའོ། །རྟོག་མེད་རྟོག་དང་བྲལ་བ་སྟེ། །བདག་
མེད་ཡིད་དང་དབང་པོ་རྣམས། །ཤེས་རབ་དབང་པོའི་སྒོར་ལྡན་ཞིང༌། །མཚན་གྱིས་ཀུན་ནས་ཤིན་ཏུ་བསགས། །སྦྱིན་དང་ཚུལ་ཁྲིམས་ལ་སོགས་ཀྱི། །དཀར་པོའི་ལས་རྣམས་
༄༅། །བྱས་པས་ན། །སངས་རྒྱས་སྐུ་ཡི་གནས་ཀྱི་མཆོག །སྟུག་པོའི་རིས་སུ་འཐོབ་པར་འགྱུར། །དེ་བཞིན་གཤེགས་པའི་ལྷ་རྫས་གནས། །ཉི་ཟླ་རྣམ་
པར་སྤངས་པ་སྟེ། །རྒྱུ་སྐར་སྐར་ཕྲན་སྣང་བ་དང༌། །ཟླ་བ་དུས་དང་ལྟད་མོ་མེད། །རྣལ་འབྱོར་ཅན་གྱི་འོད་འཆར་དང༌། །སངས་རྒྱས་རྣམས་ཀྱི་འོད་ཀྱིས་ཀྱང༌། །ཀུན་ནས་
བཟང་པོའི་སྟུག་པོ་དེ། །ཉི་མ་བཞིན་དུ་ཀུན་ནས་སྣང༌། །དུས་ཀྱི་འབྲི་བ་དེ་ན་མེད། །ནད་རྣམས་གང་ཡང་ཡོད་པ་མིན། །འཆི་རྒ་མེད་པའི་གནས་ཡིན་ཏེ། །སྟུག་པོ་དེ་ནི་
ཞིང་གི་མཆོག །ཐམས་ཅད་གཟུགས་ལྡན་ཞི་བའི་གནས། །དྲི་མེད་མཐོང་བའི་ཆོས་ཅན་གྱི། །སངས་རྒྱས་ཞིང་སྟུག་བསོད་ནམས་ཏེ། །ལྷ་རྣམས་ཀུན་གྱིས་སྨོན་པར་བྱ། །
རྣལ་འབྱོར་ཅན་རྣམས་ཁྱད་པར་དུ། །ས་དང་ས་ལ་གནས་པ་དག །སེམས་ཙམ་རང་བཞིན་དངོས་པོ་རྣམས། །གང་ཕྱིར་རབ་ཏུ་བསྟན་པས་ན། །ཡིད་དང་སེམས་དང་
ཀུན་གཞིའི་ཚུལ། །རང་བཞིན་གསུམ་པོ་དེ་བཞིན་ཏེ། །ཆོས་ལ་བདག་མེད་རང་བཞིན་ཅན། །གནས་ནི་གཞན་དུ་འགྱུར་པ་སྟེ། །ལུས་ནི་ཤིན་ཏུ་གནས་གྱུར་པས། །
ཐུབ་པ་རྣམས་ནི་དེར་འདོང་སྟེ། །རྣལ་འབྱོར་ཅན་གྱི་གནས་ཀྱི་མཆོག །སྟུག་པོ་ཞིང་རབ་དམ་པར་རོ། །སྟུག་པོར་འཇུག་པ་ཞེས་བྱ་བ་སྟེ་ལེའུ་གསུམ་པའོ།། །།
ལུས་ནི་རྫས་དགུའི་རང་བཞིན་ཅན། །འདུས་བྱས་རྡུལ་ཕྲན་ཚོགས་ཡིན་ཏེ། །ཡོན་ཏན་ཚོགས་ཀྱིས་རྣམ་སྣ་ཚོགས། །འབྱུང་དང་འབྱུང་གནས་ཚོགས་ཡིན་ཏེ། །ཁུ་ཆུ་ཁྲག་
ལས་ཀུན་འབྱུང་བ། །སྔོན་མེད་རྣམ་པར་འཕེལ་པ་སྟེ། །སྟོང་གཟུགས་འོག་ཏུ་འགྲོ་བ་ཡིན། །སྡུག་བསྔལ་འཁྲུལ་འཁོར་ཐོག་མ་མེད། །ལས་ཀྱི་རྣམ་པ་བརྒྱས་ཀྱང་གཡོག །
དུག་གི་ཤིང་གིས་ས་བཞིན་དུ། །དཔའ་དང་རྡུལ་གྱིས་དེ་བཞིན་དུ། །མུན་པས་ཀྱང་ནི་གསོས་པ་སྟེ། །ལམ་རྒྱུད་དོག་པར་ཤིན་ཏུ་འཕྱན། །དུས་ཀྱིས་བསྐུལ་ཅིང་རབ་ཏུ་སྐྱེ། །
ཡོན་ཏན་ལས་ཀྱིས་འདའ་བ་ནི། །ཕྱུགས་དང་མི་ཡི་མངལ་སྐྱེས་པས། །ཀླུ་དང་ཡི་དྭགས་ཤ་ཟ་དང༌། །འབར་བ་ལྷ་ཡི་ནང་དུ་ཡང༌། །སྐྱེ་འམ་ལྷ་མིན་འཇིག་རྟེན་ནམ། །སྔགས་
འཆང་རིགས་སུ་དེ་བཞིན་ཏེ། །འོན་ཏམ་རྣལ་འབྱོར་ཅན་དབུས་སུ། །བསམ་གཏན་ཞིག་ཅིང་མངོན་སྐྱེ་བ། །འཁོར་ལོ་འཁོར་རིགས་དམ་པར་ཡང༌། །བར་བར་དུ་ནི་སྐྱེ་བར་
འགྱུར། །སྐྱེས་ནས་རིག་པ་འཛིན་པ་ནི། །གང་ཚེ་དབང་པོ་འཕེལ་བ་ན། །སུ་ཡི་གང་གི་གང་ཚེ་ལས། །ལྷན་ཅིག་སྐྱེས་པ་རབ་བྱུང་ཞིང༌། །ལྷན་ཅིག་སྐྱེས་པའི་ལས་ཚུལ་
གྱིས། །ལམ་དང་ལམ་དུ་རབ་ཏུ་འཇུག །བརྟག་མེད་རྟོག་དང་བྲལ་བ་ཡི། །གང་ཚེ་ཆོས་ནི་མངོན་རྟོགས་ན། །ཐར་པ་རྣམས་ཀྱི་ཐར་གསུམ་སྟེ། །ཡི་གེ་ཡི་གེ་མེད་བྱས་
༄༅། །པའོ། །འབྱུང་བ་ཐམས་ཅད་རྒྱུ་ཡི་ཚོགས། །དེ་ནི་འོད་སྣང་མཆོག་ཡིན་ཏེ། །ཡང་དག་བླ་ནས་བླར་སྦྱངས་པ། །སྟུག་པོའི་དཀྱིལ་ན་རྣམ་
པར་གནས། །བྱེ་བའི་ཞིང་དང་མཉམ་ལུས་ཀྱིས། །སྤྲུལ་པས་ཁྱབ་པར་བྱས་ཤིང་གནས། །དེ་སྟེ་དེ་ཤེས་ཡོད་ན་ནི། །དོག་པའི་ལམ་ནས་འགྲོལ་བར་འགྱུར། །དེ་ལྟའི་
སྐྱེས་བུ་སྐྱེས་པ་ནི། །ཁྱད་པར་ཤེས་ཞེས་རྣམ་པར་བརྗོད། །ལྷ་ཡི་ལྷ་ཡིས་ཡང་དག་གསུངས། །རྒྱལ་བའི་སྲས་ཀྱིས་མདུན་བྱས་ཤིང༌། །མངལ་གྱི་སྐྱེ་བ་འབྱུང་བ་
ནི༑ ༑བྱས་པ་ཡིན་ནོ་མི་རྣམས་ཀྱི། །མ་རིག་སྲེད་དང་ལས་སྐྱེས་མིན། །ཉོན་མོངས་ལས་ལས་ཤིན་ཏུ་བྱུང༌། །མཚན་མ་མེད་པ་མངོན་གྱུར་ཅིང༌། །མཚན་མ་མེད་ལས་
རབ་འདས་ཏེ། །ཡི་གེ་མེད་པ་དེ་བྱུང་ནས། །སྤྲོས་པ་ཐམས་ཅད་རབ་བྲལ་ཞིང༌། །སྟུག་པོའི་དཀྱིལ་དུ་རབ་ཏུ་འགྲོ། །དམིགས་ལས་སེམས་ཞིག་འགྱུར་བ་ནི། །རྣལ་འབྱོར་
ཅན་གྱི་སྒྲ་རྨོངས་པས། །རྩེད་མོ་ལ་སོགས་ལྷ་རྫས་དང༌། །མཐོ་རིས་བུད་མེད་བསྟེན་རྨོངས་ཀྱིས། །གང་ཚེ་ཐུབ་ཆེན་མ་འདུག་པ། །དེ་ཚེ་སེམས་ནི་འབྱུང་བ་སྟེ། །ལམ་
ལས་སྐྱོད་ཅེས་བྱ་བ་ཡི། །ཏིང་འཛིན་འདོད་པའི་ཁམས་སྐྱེས་པ། །གཟུགས་དང་གཟུགས་མེད་འགྲོ་བ་ན། །ཏིང་ངེ་འཛིན་ནི་རབ་ཏུ་སྐྱེ། །སེམས་ཅན་འདུ་ཤེས་མེད་སོང་
ན༑ ༑ཏིང་ངེ་འཛིན་ལས་བྲལ་བར་འགྱུར། །ནམ་མཁའ་རྣམ་ཤེས་མཐའ་ཡས་ཀྱི། །ཏིང་ངེ་འཛིན་ལ་དབང་མེད་འགྱུར། །རྒྱས་ལ་གང་ཚེ་ཐུབ་དབང་གྱུར། །གཉིས་དང་
བྲལ་བས་བྱང་བ་ཡི། །སེམས་ནི་མངོན་པར་མི་འབྱུང་ངོ༌། །དེ་བདེན་དེ་ནི་རྣལ་འབྱོར་ཏེ། །བསམ་གཏན་པ་ཡི་བསམ་གཏན་ཡིན། །བསམ་གཏན་རྟག་ཏུ་བསམ་གཏན་བྱ། །
དེ་སྟེ་སྟུག་དཀྱིལ་འདོད་ནའོ། །མངལ་གྱི་སྐྱེ་བ་འབྱུང་བ་ཞེས་བྱ་བ་སྟེ་ལེའུ་བཞི་པའོ།། །།རྣམ་བརྒྱད་རྣམ་པ་དགུ་ཡི་སེམས། །མ་རིག་འཇིག་རྟེན་རྒྱུ་ཡིན་
ཏེ༑ ༑འདི་ནི་སེམས་དང་སེམས་འབྱུང་མཐུ། །གང་གནས་རྣམ་པ་སྣ་ཚོགས་པའོ། །དེ་ཡི་མཐུས་ཀྱང་འཇུག་པ་ནི། །རྣམ་ཤེས་རྣམས་དང་དབང་པོ་རྣམས། །མ་རིག་ལ་སོགས་
རྣམ་པ་འདི། །རྩ་བའི་སེམས་ནི་བརྟན་གནས་པ། །ཡན་ལག་བཅུ་གཉིས་ཐམས་ཅད་དང༌། །འབྱུང་བ་རྣམས་དང་འབྱུང་གནས་དང༌། །ཡུལ་དང་དབང་པོ་འཇིག་རྟེན་
དང༌། །སྐད་ཅིག་འཇིག་པའི་རྒྱུ་ཡིན་ནོ། །ཐུབ་པ་ལྷ་ཡི་ལྷས་གསུངས་པ། །རྒྱུ་དང་འབྲས་བུ་སྤངས་པ་སྟེ། །ཚངས་པའི་འཇིག་རྟེན་མཐར་ཐུག་གི། འགྲོ་བ་དབང་པོར་
བཅས་པ་འདི། །འཇིག་རྟེན་བཙལ་བས་མ་བསྐྱེད་དེ། །བདག་ཉིད་རྫ་མ་བཞིན་འཇིག་པ། །ནང་དང་ཕྱི་དག་རྟག་པར་ཏེ། །འགྲོ་བ་གནས་དང་གཡོ་བ་དག །ལྷ་ཡི་ལྷ་ཡི་ཡུལ་
༄༅། །ཡིན་ཏེ། །ས་ལ་སུས་ཀྱང་མི་མཐོང་བ། །མུར་འདུག་གྲགས་པ་གཞན་དག་སྟེ། །ཐུབ་གྲགས་མཚན་མ་ཅན་གྱིས་སོ། །ཕན་ཚུན་བཅིངས་པས་བཅིངས་
པ་ནི། །སྲེད་པ་སྣ་ཚོགས་རྣམ་པས་ཏེ། །རྣམ་ཤེས་མྱུར་དུ་འགྲོ་བས་ན། །སེམས་ཀྱི་རྣམ་པར་མི་རྟོགས་སོ། །ལོ་སྟོང་མཐའ་རུ་ཐུག་པ་ཡི། །མཆོད་སྦྱིན་རྣམས་ཀྱིས་ཚངས་
པའི་ཐབས། །ཐོབ་ནས་སླར་དུ་ལྡོག་པ་ནི། །ས་མ་ཡ་རུ་རིགས་སེམས་པ། །འདོད་སྦྱོར་བཀག་སྲོག་འབྲས་བུ་དང༌། །གང་ཡང་ཟླ་བའི་འབྲས་བུ་དང༌། །མེར་གཞུག་
པ་ཡི་འབྲས་བུ་དང༌། །གང་གཞན་མཆོད་སྦྱིན་འབྲས་བུ་དང༌། །ཕྱུགས་བཅིང་བ་ཡི་འབྲས་བུ་ཡང༌། །ཚངས་པའི་འཇིག་རྟེན་ནས་ལྡོག་གོ། །ཆོས་གསུམ་ཅན་གྱི་འགྲོ་བ་
དག །ཅི་ཉེས་མི་རིག་ཐོར་ཚུགས་ཅན། །ཡོན་ཏན་གསུམ་གྱི་འབྲུ་འབྲེལ་བ། །ཆུ་སྐྱེས་བཞིན་དུ་སྙིང་པོ་མེད། །འདི་ཡིས་ཐར་པ་མི་རྙེད་པ། །སྟུག་པོ་དེ་བཞིན་གཤེགས་
པའི་གནས། །དེ་ནི་རྣལ་འབྱོར་གྱིས་འཐོབ་སྟེ། །སྟུག་པོ་རྣལ་འབྱོར་རིག་པའི་གནས། །དེ་བས་ཚུལ་གཅིག་ཚངས་པའི་བདག །རྣལ་འབྱོར་ཅན་རྣམས་འཇུག་བརྩོན་
པར། །འདི་ལ་བདག་གཉེན་གང་དག་ཀྱང༌། །སྐྱེ་ཞིང་འཆི་བ་ཡོང་མེད་དེ། །མི་ཆོད་གཞིག་ཏུ་མེད་པ་ནི། །ལུས་ཅན་ཀུན་གྱི་རྣམ་པར་ཤེས། །བག་ཆགས་ཀྱིས་ནི་མི་གོས་
པ༑ ༑སྔོན་མེད་དུས་ནས་བྱུང་བས་སོ། །ཡིད་ཀྱི་གནས་ངན་ལེན་བསགས་པའི། །སྤྲོས་པས་ཀྱང་ངོ་ཅིར་མི་འཇུག །ཇི་ལྟར་ལྷ་རྫས་ཆུ་སྐྱེས་དང༌། །ནམ་མཁའ་ལ་ཡང་ཕྱག་དར་
དང༌། །སྤྲིན་གྱི་དྲི་མས་ཉི་ཟླ་ལ། །དེ་བཞིན་མི་གོས་རྣལ་འབྱོར་ཅན། །མ་བཤོལ་རབ་ཏུ་བརྩོན་པར་གྱིས། །ཐམས་ཅད་སངས་རྒྱས་བྱིན་གྱིས་བརླབས། །རྣལ་འབྱོར་བདེ་གཤེགས་
ལྷ་ཡི་རྫས། །རྣལ་འབྱོར་ཅན་གྱི་ཚུལ་བསྐྱེད་པ། །ཚུལ་ཁྲིམས་ཅན་གྱི་ཚུལ་འཐུངས་ཏེ། །ཡེ་ཤེས་ཅན་གྱིས་ཤེས་འཐུངས་ཤིང༌། །མཆོག་གི་ཡེ་ཤེས་འཐུངས་ནས་ཀྱང༌། །འཁོར་
བ་ལས་ནི་འདའ་བར་གྱིས། །འདི་ལ་ཁམས་རྣམས་གང་ཡང་མེད། །ཕུང་པོ་ལྔ་དང་རྣམ་ཤེས་ཀྱང༌། །མིང་དང་གཟུགས་དག་རྒྱུར་བྱས་ཤིང༌། །ལུས་ཅན་རྣམས་ཀྱི་ཡིད་ཀྱང་
སྐྱེ༑ ༑ཇི་ལྟར་མེ་ནི་ཤིང་དབང་གིས། །འབར་ཏེ་འབར་བར་རྟོག་པ་མེད། །དེ་བཞིན་ཕུང་པོ་ཤིང་རྟ་སྟོང༌། །ཅི་ཕྱིར་རྣལ་འབྱོར་འཇུག་མི་བྱ། །རི་དྭགས་སྲེད་དང་དྲི་ཟ་ཡི། །གནས་
དང་སྐྲ་ཚོགས་སྣང་བ་རུ། །རི་དྭགས་བུས་པ་ལ་སོགས་མཐོང༌། །ཡང་དག་མ་ཡིན་ལྟས་བསླད་པས། །དེ་བཞིན་ཡུལ་ལས་བྱུང་བའི་སེམས། །ཁབ་ལོང་ལྟ་བུར་འཁོར་བ་སྟེ། །
གང་ཡང་འདི་ལ་དངོས་མེད་པ། །འབྱུང་བ་རྣམས་དང་འབྱུང་བ་ཡོ། །གཡོ་བ་དྲོ་བ་བཤེར་སྲ་བར། །བུས་པ་རྣམས་ནི་རྟག་ཏུ་རྟོག །འབྱུང་བ་སེམས་ཀྱི་ཚོགས་ལས་ན། །
༄༅། །ཅི་ཕྱིར་རྣལ་འབྱོར་འཇུག་མི་བྱ། །ཇི་ཙམ་མ་ཞིག་ལུས་ཡོད་དང༌། །ཇི་ཙམ་དུ་ནི་བློ་འབྱུང་བ། །དེ་བར་རྣལ་འབྱོར་ཡེ་ཤེས་ལ། །མ་བཤོལ་བསམ་
གཏན་རབ་ཏུ་གྱིས། །ཐམས་ཅད་སྒྱུ་མ་རྨི་ལམ་ལྟར། །འབྱུང་བ་གསུམ་ཀུན་རབ་ཏུ་ལྟོས། །སྨིག་རྒྱུ་ཆུ་ཟླ་ལྟ་བུ་ནི། །ཅི་ཕྱིར་རྣལ་འབྱོར་འཇུག་མི་བྱ། །ཇི་བཞིན་དྲི་ཟའི་
གྲོང་ཁྱེར་ན། །འགྲོ་བའི་སྤྱོད་པ་རྣམ་པར་སྣང༌། །དེ་བཞིན་ལུས་ལ་ཕུང་པོའི་སྤྱོད། །ཅི་ཕྱིར་རྣལ་འབྱོར་འཇུག་མི་བྱ། །རྨི་ལམ་དག་ན་འགྲོ་བའི་ཚོགས། །ཇི་ལྟར་རྨི་ལམ་
རྨི་བས་མཐོང༌། །དེ་བཞིན་ཕུང་པོའི་གནས་ཡིན་ན། །ཅི་ཕྱིར་རྣལ་འབྱོར་འཇུག་མི་བྱ། །ས་འདི་ས་ལ་སོགས་པའི་ཚོགས། །འདུས་པ་རྡུལ་གྱི་ཕུང་པོ་ཡིན། །འདི་སེམས་
སེམས་བྱུང་ཚོགས་ཡིན་པར། །རྒྱལ་བའི་སྲས་རྣམས་ཀུན་ལྟོས་ཤིག །འབྱུང་བ་ཆེན་པོ་བཞི་པོ་རྣམས། །ཕན་ཚུན་ཀུན་ནས་འདུས་པ་སྟེ། །གདེག་པ་ལ་སོགས་
ལྡན་པ་ཡིན། །ཅི་ཕྱིར་རྣལ་འབྱོར་འཇུག་མི་བྱ། །འདི་ནི་རླུང་དང་མཁྲིས་པས་མྱོས། །རོ་བསླས་ལྟ་བུར་གནས་པ་སྟེ། །བྱེད་པ་གང་ཡང་ཡོད་པ་མིན། །ཅི་ཕྱིར་རྣལ་འབྱོར་
འཇུག་མི་བྱ། །དབུ་བའི་གོང་བུ་ལྟ་བུ་ཀུན། །འགྲོ་བ་གནས་ཤིང་གཡོ་བའི་རྣམས། །སྨིག་རྒྱུ་འདྲ་བའི་འདུ་ཤེས་སུ། །རྫ་ལ་སོགས་པ་ཤིན་ཏུ་རྟོགས། །ཚོར་བ་ཆུ་བུར་ལྟ་བུ་
སྟེ༑ །བདེ་དང་མི་བདེར་རྟོག་པ་ཡིན། །ཆུ་ཤིང་འདྲ་བའི་འདུ་བྱེད་རྣམས། །ཞིག་པ་གྲུགས་པ་སྙིང་པོ་མེད། །རྣམ་པར་ཤེས་པར་སྒྱུ་མ་འདྲ། །དེ་ཡི་དངོས་ལ་གནས་པ་མེད། །རྩྭ་
ཤིང་གནས་པ་ཇི་བཞིན་ཏེ། །ཅི་ཕྱིར་རྣལ་འབྱོར་འཇུག་མི་བྱ། །འདི་ནི་རྨི་ལམ་རྣམ་མྱོས་འདི། །འདི་ནི་སྒྱུ་མ་བུས་པ་འདྲིད། །འདི་དག་ཐམས་ཅད་སྨིག་རྒྱུ་སྟེ། །དེ་བཞིན་དྲི་ཟའི་
གྲོང་ཁྱེར་རོ། །གང་རྒྱན་འདི་དག་སྣང་བ་ཡི། །ཁམས་གསུམ་འགྲོ་དང་མི་འགྲོ་བ། །དེ་ཀུན་བློ་ཡིས་རྟོགས་བྱ་བ། །འཇིགས་མེད་རྒྱལ་བའི་སྲས་རྣམས་ཀྱིས། །ཉེས་པའི་རྐྱེན་
ནི་རྩྭ་དང་བཅས། །ཡེ་ཤེས་མེ་ཡིས་རབ་བསྲེགས་ན། །ལྷ་རྫས་བདེ་བ་ཡོད་པར་འགྲོ། །རྣལ་འབྱོར་ཅན་གནས་སྟུག་པོར་ཡང༌། །འཇིགས་མེད་འདི་ནི་མཚན་མ་མེད། །མཚན་
མ་བཅིངས་པའི་ངོ་བོ་ཅན། །མཚན་མ་མེད་པ་རྟག་ཏུ་བདེ། །མཚན་མ་སེམས་ཀྱི་སྤྱོད་ཡུལ་ལོ། །སེམས་ཀྱི་སྤྱོད་ཡུལ་བདེན་པ་མིན། །བདེན་པ་བློ་གྲོས་སྤྱོད་ཡུལ་ཏེ། །
སེམས་ནི་ཤེས་རབ་སྤྱོད་ཡུལ་ཏེ། །མཚན་མར་གནས་པ་མེད་པའོ། །ཀྱེ་མ་མཚན་མ་འདི་ཀུན་ཡིན། །གནས་གསུམ་ཚངས་པར་བསྒྲགས་པ་སྟེ། །མཚན་མ་མིང་དང་ཡུལ་
རྣམས་དང༌། །སྒྲ་ལ་སོགས་པ་ཀུན་བརྗོད་པའོ། །དབང་པོ་ཀུན་གྱི་ཡུལ་རྣམས་ནི། །ལུས་ཅན་རྣམས་ཀྱི་འཆིང་བའི་རྒྱུ། །འཆིང་བར་བྱ་དང་འཆིང་དང་རྒྱུ། །གང་འགྲོལ་གང་
༄༅། །གིས་འགྲོལ་བ་དང༌། །ཐར་དང་ཐར་བའི་བདེ་བ་དང༌། མཐོང་པའི་ཆོས་ལ་གནས་པ་དང༌། །བདག་མེད་པ་རུ་ཤེས་ཉིད་ཀྱང༌། །འདོད་ཆགས་བཅོམ་
པར་གྱུར་པ་ནའོ། །དེ་ནས་མི་བདག་རིན་ཆེན་གཙུག །བློ་ཆེན་བྱང་ཆུབ་སེམས་དཔའ་ཡིས། །རྣལ་འབྱོར་ཅན་ཀུན་དབང་ལ་སྨྲས། །རྡོ་རྗེའི་སྙིང་པོ་འཇིགས་མེད་ལ། །
བྱ་བའི་ཞིང་རྣམས་ཐམས་ཅད་ལ། །རྒྱལ་སྲས་ཁྱོད་ནི་བརྩོན་པ་སྟེ། །རྒྱལ་བ་རྣམས་ལ་ཁྱོད་ཚད་དེ། །རྣལ་འབྱོར་ཅན་ལ་ཉེ་བར་གནས། །རྣལ་འབྱོར་ཐེ་ཚོམ་བཅད་པ་
སྟེ༑ ༑དཔེ་རྣམས་གྲུབ་པར་བྱ་བའི་ཕྱིར། །བརྟག་བྱ་ཡན་ལག་ཐམས་ཅད་དག །ལུས་ཅན་རྣམས་ཀྱི་ལུས་སྐྱེས་པ། །ཚུལ་ནི་སྒྲ་ཡིས་བརྗོད་པར་མཛོད། །ཚིག་ཏུ་བརྗོད་
པར་ཅིར་མི་བགྱི། །གནད་དང་ཟུང་གིས་རྣམ་པར་མཛོད། །མི་ཟིན་པ་ཡི་རྒྱུ་རྣམས་དང༌། །བགབ་ཟུངས་ནོར་གྱིས་གཞོམ་པར་གྱིས། །ཕུང་པོའི་རྒྱུ་རྣམས་བསལ་བར་
མཛོད། །ཡང་དག་འགྱུར་བ་མེད་པ་དང༌། །དགེ་བ་ཡིས་ཀྱང་མཁས་པས་སོ། །རིང་པོ་མི་ཐོགས་ཐར་པ་འཐོབ། །ཕུང་པོའི་རྒྱུ་རྣམས་བསྲེགས་ནས་སུ། །ཆོས་མིན་
ཆོས་ཀྱི་ཚེ་འབྱུང་སྟེ། །འདི་དང་གཞན་དུའང་འཐོབ་པར་འགྱུར། །ཤེས་པས་སྡུག་བསྔལ་རྣམས་ལས་འགྲོལ། །སྲེད་པ་ཡིས་ནི་རྟག་ཏུ་བཅིངས། །མི་ཤེས་ལས་དང་
སྲེད་པ་ཡིས། །ལུས་ཅན་རྒྱ་ཆེར་ཤིན་ཏུ་བྱས། །གཟུགས་དང་སྣང་བ་ཡིད་བྱེད་དང༌། །རྣམ་ཤེས་ཡུལ་ལ་མངོན་གྱུར་པས། །མྱུར་ཕྱིར་ཁོང་དུ་མི་ཆུད་པ། །སྤྱོད་ཡུལ་
དུ་ནི་སེམས་རྒྱུ་བའོ། །ཡིད་སྔོན་འགྲོ་བ་ཆོས་རྣམས་ཏེ། །ལུས་ཅན་ཀུན་གྱི་དེ་བཞིན་ནོ། །ཡིད་འགྲོ་ཡིད་ནི་གཅེས་པ་དག། ཡིད་དུ་འོང་བས་ཅིར་མི་བཤད། །གང་དང་གང་
གི་རྫས་ཀྱིས་སུ། །མི་རྣམས་སྟུག་པོར་འགྲུབ་པ་ཡི། །དེས་ནི་དེ་ཡི་དངོས་འགྱུར་པ། །སྣ་ཚོགས་གཟུགས་ཀྱི་ནོར་བུ་བཞིན། །ཇི་ལྟར་ནོར་བུ་སྣ་ཚོགས་གཟུགས། །ཚོན་
དང་འབྱོར་ན་རྣམ་པར་མཛེས། །རྣལ་འབྱོར་ཅན་དབུས་ཁྱོད་དེ་བཞིན། །དེ་བཞིན་གཤེགས་གཟུགས་སྣ་ཚོགས་ཀྱིས། །དབང་སྒྱུར་པོ་བྲང་དགེ་བ་ན། །ཐམས་ཅད་དག་ན་
སྣང་བ་ནི། །རྒྱལ་བའི་སྲས་ཀྱི་མདུན་དུ་བྱས། །མྱ་ངན་འདའ་དང་མྱ་ངན་འདས། །སྟུག་པོ་མཐར་མཆོག་ཡེ་ཤེས་ཏེ། །ཆོས་ཀྱི་དབྱིངས་དང་རྫུ་འཕྲུལ་ཡང༌། །སྟུག་པོ་རྣལ་
འབྱོར་ཅན་གྱི་གནས། །དེ་ནི་མཚོན་གྱིས་མི་ཆོད་དེ། །དེ་ནི་མེས་ཀྱང་མི་ཚིག་པ། །མི་ཆོད་པ་དང་མི་ཕྱེད་པ། །དེ་ནི་ཡུལ་གནས་རྟག་པའོ། །དེ་ནི་ཆུས་ཀྱང་མི་གཤེར་
ཏེ། །རླུང་གིས་ཀྱང་ནི་མི་སྐམ་མོ། །དེ་ནི་རྫ་ལྟར་འཇིག་པ་དང༌། །ནན་ཏན་བྱས་ཤེས་བྱུང་བ་མིན། །རྟག་པ་བརྟན་པ་མི་འཇིག་པ། །སྐྱེ་ཅན་ཀུན་གྱི་རྣམ་པར་ཤེས། །རྒྱུ་
༄༅། །ཡིས་སུན་དབྱུང་མ་ཡིན་པ། །འདྲ་དང་མི་འདྲ་རྣམས་ཀྱི་སྟེ། །དམ་བཅས་ཡན་ལག་རྣམས་ཀྱི་ཡང༌། །མཐའ་མ་ཐུག་པ་མེད་པར་འགྱུར། །དམ་
བཅས་པ་ཡི་དམ་བཅའ་དང༌། །རྒྱུ་ཡི་ཁྱད་པར་རྒྱུ་དག་སྟེ། །དེ་བས་དེ་ལ་རྒལ་དུ་མེད། །རྟོག་པ་ཅན་གྱི་སྤྱོད་ཡུལ་མིན། །རྣམ་པར་ཤེས་པ་གཞན་གྱུར་ན། །དེ་ནི་སྟུག་པོ་
སེམས་སྤངས་པའོ། །རྟོག་ཅན་རྣམས་ཀྱི་ཡུལ་མ་ཡིན། །དེ་བཞིན་གཤེགས་པའི་ཕོ་བྲང་སྟུག །མ་སྐྱེས་སྔོན་དང་ཐ་མ་མེད། །ལྷུན་གྱིས་གྲུབ་པའི་སྟོབས་ལས་
བྱུང༌། །རྒྱུ་མེད་པ་དང་ལས་སྐྱེས་མིན། །དབང་པོ་ཆེན་པོས་བྱས་པའང་མིན། །གཟུགས་མེད་གཟུགས་དང་འདོད་པ་ལས། །ཡང་དག་འདས་ཏེ་གནས་པ་ཡིན། །
འདོད་པའི་ཁམས་ལས་འདས་ནས་སུ། །གཟུགས་དང་གཟུགས་མེད་འདུ་ཤེས་མེད། །མུན་པའི་རྒྱུ་ལས་རབ་འདས་ནས། །སྟུག་པོའི་ཞིང་ནི་རྣམ་པར་མཛེས། །
ཕྱོགས་འདི་མཁའ་ལས་གྲུབ་པ་སྟེ། །རྒྱུ་ཅན་རྣམས་ཀྱི་སྤྱོད་ཡུལ་མིན། །ཡོད་དང་མེད་པའི་ཕྱོགས་དང་བྲལ། །གཅིག་དང་གཞན་པ་སྤངས་པའོ། །གཅེས་པ་དང་
ནི་རང་བཞིན་མིན། །འདོད་རྒྱལ་དང་ཡང་དབང་པོ་མིན། །ཁྱུ་མཆོག་གི་ཡང་ཕྱོགས་མ་ཡིན། །དེ་བཞིན་རིག་ཅན་གསུམ་གྱི་ཡང༌། །རྡུལ་གྱི་རྐྱེན་ལས་བྱུང་མ་ཡིན། །
སྒྲ་རྣམས་ཀྱིས་ཀྱང་བརྗོད་དུ་མེད། །ངོ་བོ་ཉིད་ཀྱིས་བསྐྱེད་པ་མིན། །འདོད་རྒྱལ་གྱིས་ཀྱང་མི་རྙེད་དོ། །མ་རིག་ལས་དང་སྲེད་པས་མིན། །མི་ཤེས་ལས་ཀྱང་སྨོས་པ་མིན། །
ཁུར་མེད་ཁུར་གྱི་ཡུལ་ཡིན་ཏེ། །འདི་ནི་སངས་རྒྱས་རྣམས་ཀྱི་ཡུལ། །ལྷ་རྫས་དེ་བཞིན་གཤེགས་ཀྱིས་མཁྱེན། །ས་བཅུ་དག་ཏུ་རྣམ་པར་སྦྱངས། །རྣལ་འབྱོར་ཅན་
གྱི་སྣ་ཚོགས་ཡུལ། །དོན་གྱི་དམ་པ་སྟོན་པའོ། །ལས་ཅི་ལས་མིན་གང་ཞེས་ཏེ། །བྱིས་པ་རྣམས་ནི་མྱོས་པར་གྱུར། །ལས་དང་ལས་མིན་བཤད་པ་ནི། །རྣལ་འབྱོར་ཅན་
རྣམས་བདེར་གྱུར་པ། །སྣ་ཚོགས་སྣང་བ་རང་སེམས་ཏེ། །ལུས་ཅན་རྣམས་ཀྱི་བདག་ཉིད་གཉིས། །ཕྱི་དང་ནང་དང་ཐམས་ཅད་དུ། །གཟུང་དང་འཛིན་པ་ལྟ་བུར་གནས།
སེམས་ཀྱིས་སེམས་ནི་མཐོང་ཡིན་ཡང༌། །ཁོང་དུ་མི་ཆུད་བུས་པ་རྣམས། །ཁ་གཉིས་སེམས་དེ་ལུས་ཅན་གྱི། །ཡིན་ཀྱང་ཤེས་པར་མ་གྱུར་པ། །བདག་གི་བྱེད་པའང་
དེ་བཞིན་བྱེད། །ཡུལ་ལྟ་བུར་ཡང་རབ་ཏུ་སྣང༌། །རྫ་མ་ལ་སོགས་གཟུགས་སུ་གནས། །རྫལ་སོགས་པའང་ཡོད་པ་མིན། །འདི་ཡི་དོན་ལ་ཐུབ་པ་དག །རྣལ་འབྱོར་
ཉམ་ཆུང་རྣམ་པར་མྱོས། །རྣལ་འབྱོར་དེ་ཡང་མི་རྟོགས་པ། །བདག་གི་རྣམ་རྟོག་ལམ་གནས་པས། །སེམས་འདི་གཉིས་ཀའི་བདག་ཉིད་དེ། །མེ་ལོང་ཟླ་བ་བཞིན་
༄༅། །དུ་གནས། །ཇི་ལྟར་རབ་རིབ་རབ་རིབ་ཅན། །སྐྲ་ཚོགས་ལྟོས་ཤིག་ལྟོས་ཤིག་ཀྱེ། །ཕན་ཚུན་དག་ཏུ་སྟོན་མོད་ཀྱི། །བདག་ཉེས་དབང་པོ་
ཞན་བྱུང་གི །འདི་ན་གང་ཡང་སྐྲ་ཚོགས་མེད། །རྒྱན་དང་ནོར་བུ་དག་ཀྱང་ངོ༌། །ཡོད་དང་མེད་པའི་དངོས་པོ་ལྟར། །དབང་པོའི་ཉེས་པས་མཐོང་བ་ཡིན། །དེ་བཞིན་
རྟོག་ཅན་དབང་གིས་འདི། །བདག་གི་བློ་ནི་ཇི་ལྟར་གནས། །ཚངས་ལ་སོགས་པའི་གནས་ཐུབ་པར། །རྟོག་པ་མེད་པས་རབ་ཏུ་འཛིན། །གང་འདི་མང་པོ་སྣང་བ་
དག །སྣ་ཚོགས་ཚངས་ལ་སོགས་པའི་མཚན། །སྣ་ཚོགས་ཐམས་ཅད་བདག་གི་སེམས། །རྫ་ལ་སོགས་པའི་ཡོན་ཏན་མཚན། །ནང་དུ་གྱུར་པའི་གཟུགས་
རྣམས་དང༌། །མཐོ་རིས་གནས་པའི་གནས་རྣམས་དང༌། །གང་འདི་ཕྱི་ནང་བྱ་བ་རྣམས། །ཐམས་ཅད་སེམས་ལས་བྱུང་བའོ། །རྒྱན་སྟུག་རྣལ་འབྱོར་གང་ཡིན་
པ། །དེ་ནི་གུད་ན་ཡོད་པ་མིན། །རྣལ་འབྱོར་ཅན་གྱི་བསོད་ནམས་ཀྱིས། །ཞུགས་པ་འདི་ལ་བསླབ་པར་གྱིས། །དབང་སྒྱུར་ལྷ་རྫས་གནས་དག་དང༌། །ཡང་ན་
གཟུགས་ཅན་རྣམས་གནས་དང༌། །འདུ་ཤེས་མེད་པའི་གནས་སུའམ། །འོག་མ་ཡིན་པའི་གནས་སུ་ཡང༌། །ཅུང་ཟད་མེད་དང་རྣམ་ཤེས་དང༌། །འདུ་ཤེས་ཡོད་པ་མ་ཡིན་དང༌།།
སྣ་ཚོགས་ཀྱི་ནི་གནས་དག་ཏུ། །འདོད་ཆགས་ཀྱི་ནི་ཕྱོགས་བཤིག་ན། །ཁྱོད་ནི་མྱུར་དུ་དེར་གནས་པ། །སྟུག་པོ་རྣལ་འབྱོར་ཅན་གནས་སུ། །རྒྱལ་བའི་སྲས་ཀྱིས་མདུན་བྱས་ཏེ། །
སྟུག་པོ་དེར་ནི་འགྲོ་བར་གྱིས། །རྣལ་འབྱོར་དེ་ལ་སྤྱད་པར་གྱིས། །བདག་གི་གཉེན་གྱིས་ཅི་ཞིག་བྱ། །བདག་གི་གཉེན་ནི་རྟག་ཏུ་འཆིང༌། །འཁོར་བའི་ལམ་རྒྱུད་རྒྱུ་ཡང་ཡིན། །དབང་
པོ་རྣམས་ནི་གཡོ་བ་སྟེ། །བུད་མེད་རྣམས་ལའང་བློ་འཁྲུལ་པས། །ཁུ་ཆུ་ཁྲག་མནམ་མི་ཞིམ་པའི། །འཇི་བར་སྲིན་བུ་སྐྱེས་གྱུར་པ། །དགུ་འམ་བཅུ་ཞིག་པ་དང་ཡང༌། །ཁུ་ཆུ་སྨིན་
ནས་མངོན་བར་སྐྱེ། །དབང་པོ་རྣམས་ཀྱིས་ཀུན་ཡོག་པ། །སྲིན་བུ་གཡོ་བ་ཇི་བཞིན་ཏེ། །རིམ་པ་དེ་ཡི་ཚུལ་གྱིས་ན། །ཇི་སྲིད་སེམས་ཅན་གནས་པར་དུའོ། །ལུས་ཅན་རྣམས་ཀྱི་
སྐྱེ་ལ་ལྟོས། །ཚེ་ཚེར་དེ་དག་བྱུང་བ་སྟེ། །ཕ་དང་མ་ནི་སྟོང་དག་དང༌། །བུ་དང་ཆུང་མ་བརྒྱ་དག་ཀྱང༌། །ཐམས་ཅད་གནས་སུ་རྙེད་པ་ནི། །ལུས་ཅན་སྐྱེ་ལ་གནས་པའོ། །རྨི་ལམ་དག་ན་བུ་
མེད་པའི། །མོ་གཤམ་བུ་འབྱུང་ཇི་བཞིན་དུ། །བུ་རྙེད་པ་ཡི་དགའ་བ་དང༌། །རྨི་ལམ་རྨི་ཚེ་དེ་ཉིད་ལྡན། །དེ་ནི་ཤིར་གྱུར་དེ་ནས་དེ། །རྨི་ལམ་ཤེས་ནས་སད་པ་དང༌། །རྨི་ལམ་གྱི་ནི་བུ་ཤི་
མེད། །གང་ཡང་སྐྱེ་བ་ཡོད་པ་མིན། །ཆུ་བོ་རབ་ཚལ་བུ་དང་ནི། །གྲོང་ཁྱེར་དག་དང་རི་རྣམས་དང༌། །གྲོང་དང་ཚོང་འདུས་ཕྱུགས་ལྷས་དང༌། །དཀའ་ཐུབ་ཚལ་བུའི་གནས་རྣམས་དང༌། །
༄༅། །འགྲོ་བ་དག་གིས་རྒྱས་པའི་ཡུལ། །ཞིང་དང་བ་ལང་ལུག་གིས་གང༌། །འཇིག་རྟེན་གྱི་ནི་ལོངས་སྤྱོད་ཀྱང༌། །དེ་དང་འདི་དང་གཞན་དུའང་སྣང༌། །ཇི་ལྟར་
འཇིག་རྟེན་འདིར་རྒྱུག་པ། །རྨི་ལམ་རྒྱུག་པ་དེ་བཞིན་ཏེ། །གདེག་དང་བསྐུམ་ལ་སོགས་པ་ཡང༌། །དེ་དང་འདིར་ཡང་སྣང་བ་ཡིན། །མཁས་པས་རྨི་ལམ་གང་མཐོང་བ། །
སྐྱེ་བ་མེད་ཅིང་འཆི་མེད་པར། །སླར་སད་ནས་སུ་སེམས་པ་ནི། །བུ་མོ་མཁས་པ་དག་ཡིན་ནོ། །ཇི་ལྟར་རི་དང་དེའུ་རྣམས་ཀྱི། །གྲིབ་མ་ཀུན་ཏུ་སྣང་བ་བཞིན། །དེ་ལྟར་འཇིག་
རྟེན་རྨི་ལམ་ཡང༌། །མཁས་པ་རྣམས་ནི་དེ་བཞིན་བསམ། །ཇི་ལྟར་སྐྱེས་བུ་ཉལ་བ་ཞིག །བུད་མེད་ལྷན་ཅིག་རྩེ་དགའ་རྨི། །སྣ་ཚོགས་ཡིད་དུ་འོང་བ་དང༌། །ལྷ་རབ་བཙུན་
མོ་མཉམ་པ་དང༌། །གཞན་ཡང་སྣ་ཚོགས་དངོས་པོས་ཏེ། །སད་ནས་རྣམ་པར་སེམས་པ་ནི། །ཅི་ཞིག་བདེན་ནམ་རྨི་ལམ་ཡིན། །རྨི་ལམ་བུད་མེད་ལྷན་ཅིག་ཏུ། །རྩེས་ནས་
ཕྱིར་ནི་བདག་སད་དེ། །འདི་རྫུན་བུས་པ་སླུ་བ་ཡིན། །དེ་བཞིན་བདག་གི་གཉེན་པ་ཀུན། །རྒྱལ་སྲིད་སྟོབས་ཀྱང་དེ་བཞིན་ནོ། །དམག་པ་གྱོས་པོ་བུ་དག་དང༌། །མ་དང་ཕུ་ནུ་
ཕོ་དག་ཀྱང༌། །རྨི་ལམ་ལྟ་བུར་རིག་བྱ་སྟེ། །རྣལ་འབྱོར་སྦྱར་བར་ཇིར་མི་བྱ། །དཀའ་ཐུབ་ཚལ་དང་ཞིང་རྣམས་དང༌། །རི་དང་རི་ཡི་སྨན་གཤོང་དང༌། །འོ་མ་འབྱུང་དང་མ་ལ་
ཡ༑ ༑ལྷུན་པོ་བྱིན་དང་དབང་ཆེན་དང༌། །གདངས་ཀྱི་རི་དང་ཀཻ་ལ་ས། །ཆར་འབབ་ལ་ཡང་གང་གནས་དང༌། །ཛམྦུ་འབྲས་བུའི་ཁུ་བ་དང༌། །གང་དག་བདུད་རྩི་ཟ་བ་དང༌། །ཕན་དུ་
ཀམ་པམ་པར་ཡ་ཏྲ། །ཀོ་བི་དར་ན་གང་འཁོད་དང༌། །རི་རབ་ནང་ན་གང་གནས་དང༌། །དཔག་བསམ་ཤིང་ལ་གནས་པ་དང༌། །རང་རྒྱལ་རྒྱལ་བའི་སྲས་རྣམས་དང༌། །ཉན་ཐོས་
རྫུ་འཕྲུལ་ཆེན་པོ་དང༌། །ཐམས་ཅད་ཀྱི་ནི་རྣལ་འབྱོར་འདི། །གང་འབྱུང་འབྱུང་བ་རྣམས་ཀྱི་སྟེ། །པདྨོའི་གནས་སུ་བརྟན་བཅས་ཏེ། །སྐྱིལ་མོ་ཀྲུང་དུ་མཉམ་གཞག་ཅིང༌། །རྟག་ཏུ་རྣལ་
འབྱོར་སྦྱར་བར་གྱིས། །འདོད་དང་བདེ་ལས་རྣམ་པར་དཔེན། །དབང་པོ་དབང་པོའི་དོན་གྱི་རྣམས། །ཐམས་ཅད་ལས་ཀྱང་ཕྱིར་བཟློག་ཅིང༌། །ལྕགས་ཀྱུས་གླང་པོ་ཇི་བཞིན་དུ། །
སེམས་ནི་མཉམ་པར་བཞག་པར་གྱིས། །འཇིག་རྟེན་འཇིག་རྟེན་འདས་བསམ་གཏན། །གང་ཡང་དེ་བཞིན་གཤེགས་པའི་དགེ །འདོད་དང་དགའ་བ་དབེན་ལ་སོགས། །ཡང་
ན་ཐམས་ཅད་བསྒྲགས་པ་དང༌། །ཁྱད་པར་དུ་ཡང་གཟུགས་མེད་དང༌། །འདུ་ཤེས་མེད་པའི་བསམ་གཏན་རྣམས། །ནམ་མཁའ་རྣམ་ཤེས་མཐའ་ཡས་དང༌། །འདུ་ཤེས་ཡོད་
མིན་མེད་མིན་རྣམས། །ཉི་མ་དང་ནི་ཟླ་བའི་དབྱིབས། །པདྨོ་དང་ནི་འོད་འདྲ་ཞིང༌། །ནམ་མཁའ་རི་མོ་མེ་འདྲ་བར། །རྣལ་འབྱོར་ཞུགས་པས་རབ་ཏུ་མཐོང༌། །འདི་དག་ཐམས་
༄༅། །ཅད་སྤངས་ནས་སུ། །སྣང་བ་མེད་པར་རབ་ཏུ་གནས། །གང་ཚེ་མཚན་མེད་རྣལ་འབྱོར་ཅན། །རྣམ་པར་མི་རྟོག་ཆགས་མེད་ན། །སངས་རྒྱས་བྱེ་བ་
རྣམས་ཀྱང་མཐོང༌། །ཞིང་དང་ཞིང་ན་མཉམ་གཞག་པ། །དེ་དག་ཕྱག་གིས་དབང་བསྐུར་བར། །དེ་ཡི་སྤྱི་བོར་དབང་བསྐུར་ཏེ། །སངས་རྒྱས་ས་ལ་ཞུགས་པ་དང༌། །སྣ་ཚོགས་
གཟུགས་ནི་རབ་ཏུ་འབྱུང༌། །སྣ་ཚོགས་ཚུལ་གྱི་དངོས་ཐོབ་ནས། །ཀུན་མཁྱེན་ཐམས་ཅད་རིག་པར་འགྱུར། །སྟོབས་དང་མངོན་ཤེས་དབང་ཡང་འཐོབ། །གཟུངས་དང་ཐམས་
ཅད་ཏིང་ངེ་འཛིན། །ཐམས་ཅད་ཀྱི་ནི་འབྱུང་གནས་འགྱུར། །ཐུབ་པ་རྣལ་འབྱོར་སྐྱེད་པའི་ཡང༌། །གཟུགས་ནི་རྡུལ་དུ་རྣམ་གཞིགས་ཤིང༌། །མཆོག་རྡུལ་ཡན་ཆད་ཉིན་
དབེན་ཕྱིར། །ཡོད་ལས་མེད་པར་འགྱུར་བ་སྟེ། །བོང་བུའི་བ་ལང་རྭ་མཐོང་བཞིན། །ཆ་ཤས་མེད་ཕྱིར་ཆ་ཤས་ཅན། །ཕུང་པོ་ལས་ནི་ཕུང་ཅན་མེད། །དེ་བས་ལས་ཀྱི་
འབྲས་གྱུར་པ། །འདི་ནི་སྒྱུ་མའི་བུས་བྱས་བཞིན། །འདི་ན་ལས་མེད་འབྲས་བུ་མེད། །ལས་ཀྱི་སྒྲུབ་པའང་ཡོད་པ་མིན། །འཇིག་རྟེན་བྱེད་པས་མ་བྱས་ཏེ། །བྱེད་
པ་བྱེད་པ་མ་ཡིན་ནོ། །བྱེད་ལ་བྱེད་པ་ཡོད་ན་ནི། །འདི་རྣམས་ཐུག་པ་མེད་པར་འགྱུར། །ཐུག་མེད་བྱས་པའི་ཉེས་པ་ཡིས། །ཐུབ་པ་དྲི་མ་ཅན་དུ་གྱུར། །དེ་སྟེ་ལམ་རྒྱུད་
སྣ་ཚོགས་རྣམས། །ཆུ་དང་ནམ་མཁའ་ས་གནས་པའི། །ལུས་ཅན་ལུས་ལ་ཀུན་གནས་ཏེ། །སྐྱེ་བ་བཟང་པོ་གནས་སུ་སྟེ། །རིས་སུ་འགྲོ་བ་ཡོད་པས་ན། །ཇི་ལྟར་འདོད་པར་ལུས་
ཅན་འགྲོ་།དབང་པོ་སོ་སོ་བྱ་བ་ཡང༌། །ཇི་ལྟར་འདོད་པར་ཡུལ་འཛིན་ཏེ། །འདི་ནི་རྣམ་རྟོག་རྣམ་འགྱུར་བ། །ཞོ་མར་ཇི་ལྟར་འོ་མ་ལས། །དེ་བཞིན་སྐྱེ་དང་གནས་དང་འཇིག་
ལས་ཀྱིས་བྱས་པར་འགྱུར་སེམས་ན། །རྨི་ལམ་དྲི་ཟ་སྒྱུ་མ་སྤྲིན། །བྲག་ཅ་དང་ནི་གློག་འདྲ་བ། །སྨིག་རྒྱུ་རི་དྭགས་སྲེད་པ་ལྟར། །དངོས་པོ་རྣམས་བསྒོམས་རྣལ་འབྱོར་ཅན། །ཐོག་
མ་མེད་ནས་བསགས་པ་ཡི། །མི་ཡི་རྣམ་སྤྲོས་བག་ཆགས་ཀྱིས། །སྣ་ཚོགས་གནས་ངན་ལེན་པ་དང༌། །སྣ་ཚོགས་རྟོག་པས་ལས་སུ་བརྟགས། །དབང་པོ་སྒྱུ་མ་ལྟ་བུ་ཡིན། །
ཡུལ་རྣམས་རྨི་ལམ་འདྲ་བ་སྟེ། །བྱེད་དང་ལས་དང་བྱ་བ་ཡང༌། །རྣལ་འབྱོར་སྒྲུབ་པས་མི་བརྟག་གོ །རྟོག་པ་ཉམས་པའི་རྟོག་པ་ཅན། །རྣམ་མྱོས་ཤེས་པ་ཉམ་ཆུང་བས། །
བྱེད་པར་རབ་ཏུ་རྟོག་པ་ནི། །བྱ་བས་འགྲོ་བར་བྱས་པར་ཏེ། །འཇིག་རྟེན་གཅེས་པས་བྱས་མ་ཡིན། །རྡུལ་གྱི་རྐྱེན་ལས་བྱུང་བའང་མིན། །རྒྱུ་མེད་པས་ཀྱང་བྱས་མ་ཡིན། །
ངོ་བོ་ཉིད་ཀྱིས་བྱུང་བའང་མིན། །རྡོ་རྗེ་ལྕགས་དང་ཁབ་ལོང་དང༌། །རིན་ཆེན་ཕྲེང་བ་རྒྱན་རྣམས་ཀྱིས། །ཇི་ལྟ་བུ་ཡི་ལས་ཤིག་བྱས། །ནོར་བུ་གསེར་དུ་མིང་བཏགས་
༄༅། །པས། །བྱ་དང་རི་དྭགས་ཁྲ་བོ་དང༌། །ཚེར་མ་རྣམས་ཀྱི་རྣོ་དངོས་དང༌། །འགྲོ་བ་སྣ་ཚོགས་ངོ་མཚར་བ། །རྣམ་རྟོག་ལས་ལས་མ་སྐྱེས་སོ། །ལས་ཅི་གང་
ལས་མ་ཡིན་ཞེས། །རྟོག་ཅན་བདེན་ལ་མྱོས་པ་ནི། །བདེན་པའི་དངོས་པོར་མི་ཤེས་པ། །འདི་ནི་རྣམ་རྟོག་ལས་མིན་དུ། །འོ་མའི་ནང་ན་ཡོད་པའི་དུས། །རྗེས་སུ་མི་བདེ་
རྣམ་པར་འགྱུར། །རྣམ་པར་རྟོག་པའང་ཐམས་ཅད་དུ། །དེ་བཞིན་དངོས་པོ་རྣམས་ལ་འཇུག །དངོས་པོ་སྐྱེ་བ་མ་ཡིན་ཏེ། །དངོས་པོ་རྣམ་པར་འཇིག་པའང་མེད། །རྣམ་
རྟོག་སྣ་ཚོགས་དེ་དག་ནི། །རྟོག་པ་ཅན་གྱིས་མི་རིག་གོ། །འགྲོ་བའི་རིས་ཀྱི་དངོས་པོ་དག །རྣལ་འབྱོར་སྤྱོད་པས་རྣམ་པར་གཞིག །སྦྱར་ཞིང་རྣལ་འབྱོར་དེ་ལ་ཞུགས། །ལས་
དང་ལས་མིན་མ་སེམས་པར། །རིས་སུ་འགྲོ་བའི་དངོས་པོ་ཡིས། །ཟླ་བ་ཉི་མ་རྣམ་མཛེས་པ། །རླུང་གིས་ཤིན་ཏུ་བསྐྱོད་ནས་ཀྱང༌། །མཁའ་ལ་བརྟེན་པ་མེད་པར་འགྲོ། །ཤིན་
ཏུ་ཕྲ་ཞིང་ཤེས་དཀའི་ལས། །སྟུག་པོར་གནས་པར་རབ་ཏུ་མཐོང༌། །ལས་དེ་ཅི་ཞིག་ཡོད་པར་འགྱུར། །ཞུགས་བརྩོན་རྣལ་འབྱོར་ཅན་དག་ལ། །ཇི་ལྟར་མེ་ནི་ཤིང་གི་
རི༑ ༑ཐར་པར་བྱེད་པ་སྐད་ཅིག་ཏུ། །རྣལ་འབྱོར་ཅན་གྱི་ཐམས་ཅད་ལས། །ཡེ་ཤེས་མེས་ཚིག་སྐད་ཅིག་ཏུ། །ལས་དང་བག་ཆགས་ལྷན་ཅིག་ཏུ། །མང་པོའི་དུས་ནས་
བསགས་པ་དག །རྣལ་འབྱོར་ཡེ་ཤེས་བག་ཆགས་ཀྱིས། །ཐམས་ཅད་ཞིག་བྱེད་སྐད་ཅིག་ཏུ། །ཇི་ལྟར་སྒྲོན་མས་མུན་པའི་ཚོགས། །སྐད་ཅིག་ཏུ་ནི་བསལ་བྱེད་པ། །ཡེ་ཤེས་སྒྲོན་
མས་ཐུབ་པ་དེ། །མི་ཤེས་རྣམ་པར་སེལ་བར་བྱ། །རྒྱན་སྟུག་པོ་ཐེག་པ་ཆེན་པོའི་མདོ་ལས། བདག་གི་ལས་ཀྱི་བྱ་བ་སྤྱད་པ་ཞེས་བྱ་བ་སྟེ་ལེའུ་ལྔ་པའོ།། །།འཕགས་
པ་རྒྱན་སྟུག་པོ། བམ་པོ་གསུམ་པ། འཇིམ་པ་རྩ་མིག་ཐག་པ་ལས། །ཇི་ལྟར་གནས་པའི་ཁྱིམ་གྱི་རྣམས། །ཕན་ཚུན་ཀུན་ནས་འདུས་འབྱོར་ཅིང༌། །ས་ཡི་དབུས་ན་སྣང་བ་
ནི༑ ༑རེ་རེ་ལ་ཡང་ཁྱིམ་མེད་དེ། །རྫས་དང་དངོས་ལ་རྣམ་བརྟགས་ན། །རྫས་ཀྱི་རྣམ་པ་འདུས་པ་ལ། །ཁྱིམ་ཞེས་གདགས་ཤིང་བརྗོད་པ་སྟེ། །སོར་མོ་ཕན་ཚུན་ཀུན་འདུས་ན། །ཇི་
ལྟར་ལག་པའི་ཕུ་དུང་དུ། །ལག་པ་གཉིས་ནི་བསྡུས་ལས་འགྱུར། །ཐ་དད་པ་ལས་མི་འབྱུང་ངོ༌། །གཡུལ་དང་ཤིང་རྟ་བསྙེམས་བྲལ་ཁང༌། །གྲོང་ཁྱེར་ནགས་ཚལ་དེ་བཞིན་ཏེ། །རི་
དང་སྦྲིན་དང་དཔའ་རླབས་ཀྱང༌། །བྲག་ཅ་གློག་དང་འདྲ་བའོ། །སྨིག་རྒྱུ་ཆུ་ཟླ་སྒྱུ་འདྲ་བ། །སྣམ་བུ་རྫ་སོགས་གྲགས་པ་སྟེ། །མཁས་ལ་དངོས་པོ་ཐམས་ཅད་ཀྱང༌། །རྨི་ལམ་འདྲ་
བར་ཀུན་ཏུ་སྣང༌། །དེ་བཞིན་ལུས་ཁྱིམ་སྣ་ཚོགས་པ། །བུས་པའི་ལམ་རྒྱུད་དོག་པ་ན། །ཁམས་ཀྱིས་རི་བཞིན་གྱུར་པ་སྟེ། །ཁྱིམ་ལྟར་རྟག་ཏུ་མི་བརྟན་ལ། །འབྱུང་བ་མེད་ཅིང་
༄༅། །འཇིག་པ་མེད། །བདག་ལས་མ་ཡིན་གཞན་ལས་མིན། །རྟག་དང་ཆད་ལས་རྣམ་པར་གྲོལ། །གཟུང་དང་འཛིན་པ་ཡོངས་སུ་སྤངས། །ཇི་ལྟར་དྲི་ཟའི་གྲོང་
ཁྱེར་ནི། །མདོག་ཏུ་ཟད་ཀྱང་གྲོང་ལྟར་སྣང༌། །དེ་བཞིན་རང་རྟོག་རྣམ་བརྟགས་པའི། །དངོས་པོ་རྣམས་ཀྱང་རབ་ཏུ་འབྱུང༌། །ཆོས་རྣམས་སྨིག་རྒྱུ་ལྟ་བུ་སྟེ། །ཡོད་མེད་རྣམ་བྲལ་དགེ་བ་
ཡིན། །རྨི་ལམ་སྤྲིན་ལྟར་སྣང་བ་སྟེ། །རྩིག་ངོས་རི་མོའི་ཕུག་ལྟ་བུའོ། །ཞ་བོ་ལོང་བ་འདྲ་བ་ནི། །དངོས་ཀུན་གཅིག་གིས་གཅིག་རྒྱུ་བ། །རང་བཞིན་རྟོགས་པར་མི་རུང་སྟེ། །རྣལ་འབྱོར་ཅན་
གྱིས་ཡང་དག་མཐོང༌། །རྡུལ་ཕྲན་རྣམ་པར་གཞིགས་པ་དང༌། །རྡུལ་གྱི་དངོས་པོ་མི་གནས་ཏེ། །རང་བཞིན་ཀུན་གྱི་མཆོག་ཡིན་པས། །རྡུལ་ཕྲན་མཆོག་ཅེས་དེ་ཕྱིར་བརྗོད། །དེ་ཕྱིར་
བློ་ནི་ཕྱིར་ལྡོག་སྟེ། །སྒྲ་ལ་སོགས་པའི་ཡོན་ཏན་སྤངས། །རྣལ་འབྱོར་མཁས་པའི་རྣལ་འབྱོར་ཅན། །དེ་ཚེ་ངལ་བསོའི་ཡིད་དུ་འགྱུར། །ངལ་བསོའི་ཡིད་ལྡན་རྣལ་འབྱོར་ཅན། །བཅིངས་
པ་ཀུན་ལས་གྲོལ་བས་ན། །འདི་དང་ཕ་བིར་མི་སྐྱེ་སྟེ། །བསམ་གཏན་ཚུལ་ལ་མོས་པ་རྣམས། །སྣ་ཚོགས་རིན་ཆེན་སྙིང་པོ་ཡི། །གནས་ན་དབང་ཅན་དེ་དག་རྩེ། །ཡོན་ཏན་དབང་བྱུང་
ཉེས་པ་མེད། །རིག་འཛིན་བུད་མེད་མང་པོ་དང༌། །ཐུབ་པ་རྣམས་ཀྱིས་རབ་མཆོད་ཅིང༌། །རྨི་ལམ་བཞིན་དུ་གནས་པ་ཡིན། །འདི་ན་གནས་ཀྱང་ཚངས་པ་དང༌། །ཐུབ་དང་ཐུབ་པའི་བུ་རྣམས་
དང༑ ༑རིག་འཛིན་ཚོགས་ཀྱིས་དེ་བཞིན་ཏེ། སྤྱི་གཙུག་བལྟ་བར་མི་ནུས་སོ། །འདི་ཡི་ཐུབ་པའི་རྣལ་འབྱོར་ཡུལ། །དེ་བས་བསམ་གཏན་བརྩོན་པར་གྱིས། །འདི་ནི་ཀུན་གྱི་ཡུལ་མ་ཡིན། །དེ་ཕྱིར་
གྲོགས་པོ་བསྟན་པར་གྱིས། །བརྟན་པ་ས་རྣམས་སྣ་ཚོགས་དང༌། །འོད་ཅན་རྣམས་ཀྱི་གནས་སུ་ཡང༌། །འདོད་ཆགས་ཕྱོགས་དང་བཅས་པ་དང༌། །གཏི་མུག་ཞེ་སྡང་དེ་བཞིན་དུ། །བཅོམ་
སྟེ་སྟུག་པོ་རབ་ཡངས་པ། །ཡིད་བཞིན་ཞི་བའི་གནས་སུ་འགྲོ། །དེ་ནི་འཆི་བདག་ཡུལ་མ་ཡིན། །རྣམ་ཤེས་སྤྱོད་ཡུལ་དེ་བཞིན་མིན། །མཚན་མ་མེད་པའི་གནས་ཡིན་ཏེ། །རྟོག་པས་དེ་
བསྒྲུབ་མ་ཡིན་ནོ། །འདི་ནི་ལྷ་རྫས་གནས་ཡིན་ཏེ། །ཐུབ་པ་རྣལ་འབྱོར་ལྡན་པ་ཡི། །དེ་བས་ཞིང་མཆོག་དེ་འདོད་ན། །ཐུབ་པས་བསམ་གཏན་དེ་ལ་གྱིས། །འདོད་ཆགས་ཞེ་སྡང་རྣམ་བཅོམ་
སྟེ༑ ༑ང་མེད་ང་ཡི་འགྲོ་མེད་དུ། །འདོད་ཆགས་ཞེ་སྡང་མི་བསམ་པར། །བསམ་གཏན་མཆོག་ལ་བསྒོམ་པར་གྱིས། །ཕན་ཚུན་ཡུལ་ལ་འཛིན་པའི་ཕྱིར། །གཉིས་ཀྱི་བློ་ནི་རབ་ཏུ་འབྱུང༌། །ཡོད་
མེད་རྟོག་པས་དེ་བཞིན་དུ། །རྣམ་ཤེས་རྣམས་ལ་ཀུན་གཞིའོ། །བུད་མེད་རོ་སྨད་ཤས་རྒྱས་ཤིང༌། །སྐྲ་བཟང་མིག་ཀྱང་མཛེས་པ་དང༌། །སྣ་ལེགས་དཔྲལ་བའི་དབྱིབས་སྡུག་ལ། །སྨིན་
མ་སྟུག་ཅིང་བལྟ་མཛེས་པ། །ཇི་ལྟར་ལ་ལ་དེར་ཆགས་པའི། །ཡིད་ཀྱིས་རྣམ་པར་མྱོས་པའི་སེམས། །ལྟ་ཞིང་རྣམ་པར་རྟོག་པའི་ཚེ། །མཁས་མིན་དེ་ལ་ཤིན་ཏུ་མྱོས། །འགྲོ་འདུག་
༄༅། །འགྲེང་ཡང་དེ་བཞིན་ཏེ། །སྣོམ་ཟ་གཉིད་ཀྱིས་ལོག་ནའང༌། །འདོད་ཅན་གཞན་དུ་མི་སེམས་ཏེ། །འདོད་པ་ཅན་མོ་ཡིད་ལ་བྱེད། །དེ་བཞིན་ཁྱོད་བློ་རྙོག་པ་ཅན།།
རྣམ་པ་ཀུན་ཏུ་ཡིད་ལ་གནས། །རྫབ་ཡུལ་རྙོག་དང་ལྡན་པ་ཡི། །བཅིངས་པའི་དབང་དུ་མ་འགྲོ་ཞིག །ཇི་ལྟར་ལ་ལ་རྟོག་པ་ཅན། །བློ་ཡི་སྤྱོད་ཡུལ་རྣམ་འཁྲུལ་པ། །མ་ཧེ་དག་དང་
བལ་གླང་དང༌། །གླང་པོ་དག་དང་བསེ་རྣམས་དང༌། །རང་ག་ཀྲྀསྣ་ས་ར་དང༌། །ཤ་ར་བྷ་དང་སུ་ར་དང༌། །གཉན་དང་གཡག་ཀྱང་དེ་བཞིན་ཏེ། །མགོ་དཀར་རྣ་དང་ཁྱུ་མཆོག་གི། །རུ་ཆེན་
རྣམ་པར་མཐོང་བ་དང༌། །འདི་བདེན་གཞན་དུ་མི་འགྱུར་ཞེས། །སེང་སྟག་བོང་བུ་སོགས་པ་ཡི། །རྭ་རྣམས་ལ་ནི་མེད་ཅེས་ཏེ། །ཡོད་དང་མེད་པའི་ལྟ་བ་ཡང༌། །མི་མཁས་རྣམས་
ལ་རབ་ཏུ་འབྱུང༌། །དེ་ལྟར་གཞན་གྱི་རྭ་མཐོང་ཞིང༌། །བོང་བུའི་མེད་ཅེས་རྣམ་རྟོག་འབྱུང༌། །ཅི་སྟེ་གཞན་གྱི་མ་མཐོང་ན། །བོང་རྭ་མེད་སྙམ་དེ་མི་འབྱུང༌། །ལོག་པར་དམིགས་པའི་རྒྱུ་ཡི་
ཕྱིར། །འདི་ན་མེད་ཅེས་རྟོག་པ་འབྱུང༌། །དེ་ལ་དམིགས་པ་མེད་པས་ཀྱང༌། །གདོན་མི་ཟ་བར་མེད་ལ་བརྟེན། །རྙོག་ཅན་ང་རྒྱལ་རྟོག་ཡུལ་ལ། །བློ་གྲོས་སྤྱོད་ཡུལ་མ་རྟོན་ཅིག །བ་ལང་
བ་མེན་མ་ཧེ་རྣམས། །རྟོག་པས་བརྟགས་པ་ཇི་བཞིན་ཏེ། །དེ་ལྟར་ཁྱོད་ཀྱིས་སེམས་སྤྱོད་དང༌། །ཕུང་པོ་སྐྱེ་མཆེད་སྤྱོད་ཡུལ་དག། །མངོན་སུམ་ཚད་མ་དག་གིས་སམ། །ཤེས་རབ་ཀྱིས་
ཀྱང་རྣམ་པར་ལྟོས། །རྣམ་གྲོལ་མཐོ་རིས་འགྲོ་བའམ། །ཇི་ལྟར་འདོད་པ་བཞིན་དུའང་འགྱུར། །ཚངས་པའི་གནས་སུ་ཚངས་པར་རམ། །མཚེ་མ་རབ་དང་གནས་དབེན་དང༌། །རིན་ཆེན་
སྣ་ཚོགས་གནས་སུ་ཡང༌། །དབང་སྒྱུར་རྣམ་པར་མཛེས་པར་འགྱུར། །འོད་ཆུང་རྒྱས་པ་དག་ཏུའམ། །འདོད་ཁམས་བདག་པོ་དབང་ཅན་ནམ། །ཉི་ཟླ་བདག་བདག་གནས་སུའམ། །
གཞན་ཡང་འོད་འབར་གཟེར་ཡང་རུང༌། །སུམ་ཅུ་རྩ་གསུམ་རྒྱལ་ཆེན་དང༌། །འཕྲུལ་ལ་དགའ་བའི་གནས་སུ་ཡང༌། །ཚངས་གནས་བཅུ་དང་ལྡན་པ་ཡི། །རྣལ་འབྱོར་ཅན་ནི་རྣམ་པར་
མཛེས། །གྱ་ནོམ་སྣང་དང་ཤིན་ཏུ་མཐོང༌། །འདོད་མེད་མི་དྲོས་དེ་བཞིན་ཏེ། །འོག་མིན་གནས་ཀྱི་ལྷ་རྫས་ན། །འོག་མིན་ཤིན་ཏུ་རྣམ་པར་མཛེས། །ཅུང་ཟད་མེད་མཁའ་རྣམ་ཤེས་དང༌།།
འདུ་ཤེས་ཡོད་མེད་མ་ཡིན་དང༌། །དེ་བཞིན་འཕྲུལ་གྱི་བདེ་ཅན་དང༌། །ཞིང་བཟང་གཞན་དུ་དེ་བཞིན་ཏེ། །མཁའ་ལ་འགྲོ་དང་སྤོབས་པ་བཞིན། །འཁོར་ལོ་འཁོར་བའི་རིགས་སུ་གནས། །
གྲོལ་བ་རྣམས་ཀྱི་གྲོལ་ཡུལ་ལ། །སུ་གནས་དེ་དག་རྣལ་འབྱོར་ཅན། །འདོད་ཆགས་སྟོབས་ལས་སྔོན་རྒྱལ་བ། །དེ་དག་བཟང་པོའི་ས་ལ་གནས། །འདི་ལྟའི་རྣལ་འབྱོར་ལྡན་པས་
ན༑ ༑རྣལ་འབྱོར་ལ་ནི་ཐུབ་པར་རྩེ། །རྫ་མ་འཇིག་པའི་གྱོ་མོ་ཡི། །ཇི་ལྟར་རྒྱུར་ཡང་འགྱུར་བ་དང༌། །སྐད་ཅིག་འཇིག་ལ་སྐད་ཅིག་སྟེ། །མི་རྟག་ཉིད་ཀྱང་རྟག་པ་ཡི། །ས་བོན་ཇི་བཞིན་མྱུ་གུ་
༄༅། །ལ༑ ༑རྒྱུ་རྣམས་དེ་དག་འདྲ་བ་ཡིན། །མྱུ་གུ་གཞན་མིན་ས་བོན་ལས། །ས་བོན་ཉིད་ཀྱང་མྱུ་གུ་མིན། །ས་སྣར་རྣམས་ལས་རྫ་སྣར་འབྱུང༌། །ཚོས་
དམ་དམར་རུར་མངོན་པར་འབྱུང༌། །གནག་དང་སྣར་དང་འདྲེས་པ་དང༌། །གྲོ་བོ་དམར་པོ་དག་ཀྱང་སྟེ། །འདམ་བུ་ལས་ནི་སྒོག་པར་འགྱུར། །རྭ་ལས་ལན་ཚར་དེ་བཞིན་ཏེ། །མི་
གཙང་སྦྲང་བུ་དག་ལས་ཀྱང༌། །སྲིན་བུར་འགྱུར་གཞན་མི་འདྲ་མང༌། །རྒྱུ་དང་འདྲ་བའི་འབྲས་བུ་ནི། །ས་རྣམས་གང་ནའང་ཡོད་པ་མིན། །གྱུར་པའི་རྒྱུ་ལས་འབྲས་བུ་འབྱུང༌། །རྡུལ་
ཕྲན་གང་དག་རྒྱུར་འགྱུར་ནི། །དངོས་པོ་འཇིག་པ་མེད་པར་ཏེ། །རྣམ་པར་རྟོག་ལ་མི་རྟོག་ཅིང༌། །རྒྱུ་ཡི་བདག་དང་ནང་གི་བདག། བདག་གི་མཆོག་ཀྱང་མེད་པ་སྟེ། །བདག་དང་
དབང་པོ་ཡིད་དང་དོན། །འདུས་པའི་རྒྱུ་ནི་མ་ཡིན་ཏེ། །ཕྲད་ལས་འབྱུང་དང་རྣམ་ཤེས་དང༌། །རྐྱེན་རྣམས་ཡོད་པ་མ་ཡིན་ནོ། །ཤེས་ཅན་ཤེས་པས་ཡུལ་རྣམས་ལ། །མཁས་པའི་
སྟོབས་དང་ལྡན་པས་ནི། །སྡེ་དཔུང་སྟོབས་དང་བཞོན་བཅས་པའི། །ཉོན་མོངས་བདུད་རྣམས་གདུལ་བར་བྱ། །སྲེད་པ་འཇིག་རྟེན་དམའ་བར་བྱེད། །སྦྲང་རྩིས་བད་ཀན་མང་
པོ་བཞིན། །སྲེད་པ་བཅོམ་ཞིང་ཐུབ་པའི་རྣམས། །རྣམ་པ་མང་ལས་རྣམ་པར་གྲོལ། །སྲེད་པས་རྣམ་པར་དཀྲུགས་པ་ན། །འཁོར་ལས་རྣམ་པར་མི་འགྲོལ་ཏེ། །སྲེད་དང་རྣམ་བྲལ་
འཐར་པར་འགྱུར། །དེ་བས་རྣལ་འབྱོར་སྦྱར་བར་གྱིས། །ཡུན་རིང་ཡོད་པའི་བག་ཆགས་ནི། །སྤྲུལ་གདུག་ཁྲོས་པ་ཇི་བཞིན་ཡང༌། །འདི་དང་ཕ་བིར་འདྲིད་པ་ནི། །འཁོར་བའི་ལམ་རྒྱུད་དོག་པ་
པར་རོ། །འཕགས་པ་རྒྱན་སྟུག་པོ་ལས། །རྣལ་འབྱོར་རྣམ་པར་ཕྱེ་བའི་སྦྱོར་བ་ཞེས་བྱ་བའི་ལེའུ་སྟེ་དྲུག་པའོ།། །།སངས་རྒྱས་རྣལ་འབྱོར་རྣམ་ཕྱེ་དང༌། །བདག་ལྡན་དེ་ཡི་
བྱིན་གྱིས་བརླབས། །རྒྱལ་བ་དག་དང་རྒྱལ་བའི་སྲས། །བྱེ་བའི་ཞིང་ན་བཞུགས་པ་དང༌། །ཁམས་གསུམ་གནས་པ་ཐམས་ཅད་དང༌། །ས་གནས་རྣལ་འབྱོར་ལྡན་པ་དང༌། །བདེ་ཡོད་ཞིང་དང་
སྟུག་པོ་སྟེ། །རྣལ་འབྱོར་ཅན་གྱི་ཞིང་མཆོག་དང༌། །སངས་རྒྱས་པདྨོའི་དབུས་བཞུགས་པ། །རྡུལ་ཕྲན་བཞིན་བཞུགས་བདག་གིས་མཐོང༌། །རྣལ་འབྱོར་དེ་ལས་བདག་ལངས་ནས། །ས་
ལ་རྒྱལ་བ་དེ་དག་ནི། །སྟུག་པོའི་ཞིང་ན་བདག་བཞུགས་ཤིང༌། །རྒྱལ་སྲས་ཐབས་གཅིག་བཞུགས་པ་དག །མེ་ཏོག་ཨ་ཏ་སི་འདྲ་བའི། །མཁའ་ལ་ཟླ་འདྲ་བཞིན་བཞུགས་མཐོང༌། །
མཐེ་བོའི་ཚོགས་དང་རབ་འདྲ་བ། །ས་རྣམས་དགེ་ལ་རབ་སྦྱོར་བའི། །རྣམ་གྲོལ་སྙིང་པོ་བདག་གིས་མཐོང༌། །འདི་ན་བུ་ཁྱོད་སུ་ཞིག་ཅེས། །སྙིང་པོ་དེ་ལྟར་སེམས་གྱུར་ཏེ། །ཐུབ་པའི་
འདི་ནི་གཅིག་ཅིག་སྙམ། །དེ་ཚེ་སྐུ་རུ་ཞུགས་པར་གྱུར། །འགྲོ་བ་རྣམས་ཀྱང་སྐུར་ཞུགས་ནས། །ཐུབ་པ་པདྨོའི་སྙིང་པོ་ཡིས། །སངས་རྒྱས་རྣམས་ཀྱི་ལོངས་སྤྱོད་དང༌། །ཁམས་གསུམ་ཀུན་
༄༅། །ན་གནས་པར་ཡང༌། །གང་ཚེ་མཐོང་བ་དེ་དུས་ན། །ཀྱེ་མ་མཚར་ཅེས་བསམ་པ་དང༌། །དེ་ཚེ་ཐུབ་པ་ལྷ་ཡི་ལྷས། །རྣལ་འབྱོར་ཡུལ་ནི་རབ་བསྡུས་ཏེ། །ཐུབ་པས་
སྔོན་བཞིན་བཞག་པར་གྱུར། །ཀྱེ་མ་བསམ་ཡས་ལྷ་རྫས་འདི། །རྣལ་འབྱོར་ཅན་གྱི་སྣ་ཚོགས་གཟུགས། །སངས་རྒྱས་ལྷ་ཡི་ཡུལ་ཡིན་ཏེ། །བསམ་གྱིས་མི་ཁྱབ་བདག་གིས་མཐོང༌།།
ཆོས་ཀྱི་སྤྲིན་གྱི་ཏིང་འཛིན་དང༌། །དགའ་དང་མི་གཡོ་དེ་བཞིན་ཏེ། །རིང་སོང་མངོན་དུ་གྱུར་པ་དང༌། །འོད་བྱེད་པ་ཡི་མ་ལུས་པར། །སྒྱུ་མ་དཔའ་བར་འགྲོ་ལ་སོགས། །གཟི་བརྗིད་ཅན་
ཡང་མ་ལུས་པར། །གཟུགས་རྣམས་ཀྱི་ཡང་ཡུལ་ཡིན་ཏེ། །འོག་མིན་ཐབས་ལས་བྱུང་བའོ། །དེ་ནི་ཡིད་བཞིན་འགྱུར་སྐུ་ཡིན། །དབང་གི་ཡོན་ཏན་བརྒྱད་པོ་རྣམས། །ཕྲ་ཚོགས་ཆེ་
བའི་ཡོན་ཏན་དང༌། །འཐོབ་དང་འདོད་འབྱོར་བསྒྲགས་པ་དང༌། །བདག་པོ་དབང་དང་ལྡན་པ་དང༌། །ཇི་ལྟར་འདོད་པར་རུང་བའི་རྣམས། །ཐོབ་ནས་སྟུག་པོའི་དབུས་ཡུལ་ན། །རྣམ་
པར་གནས་ཤིང་རབ་ཏུ་རྩེ། །སྤྲུལ་པའི་ལྷ་རྫས་སྟུག་པོ་ནས། །ཕྱིན་པ་དགེ་བ་དེ་དག་ཀྱང༌། །ལྷུན་གྱིས་གྲུབ་པ་སངས་རྒྱས་ཀྱི། །འཕྲུལ་པ་རྣམས་ནི་རབ་ཏུ་འགྱེད། །རྒྱལ་བ་
རྣམས་དང་རྒྱལ་སྲས་སུ། །ཐབས་གཅིག་བཞུགས་པར་ཀུན་ན་སྣང༌། །དེ་ལྟར་ས་འདི་སྣ་ཚོགས་པ། ངང་གི་གཟུགས་ལྡན་རྣམས་ཀྱང་འདྲེས། །ཆ་ལས་ཕྱིར་ལྡོག་དེ་ཡི་ཚེ། །བྱ་
བ་བྱས་པས་སྟུག་པོའི་གཞི། །ཤེས་པས་བཅད་ཅིང་མཁས་པའི་རྣམས། །ཐུབ་པ་དག་གིས་སྟུག་པོ་མཐོང༌། །གཞལ་མེད་པདྨོ་འདྲ་བ་ན། །མེ་ལྟར་རབ་ཏུ་འབར་བ་ཡིན། །ཐུབ་པ་རྣལ་
འབྱོར་བདེ་མོས་པ། །རྣལ་འབྱོར་ཅན་དང་ལྷན་ཅིག་གནས། །དཔལ་བེའུ་མཚན་དང་ཐམས་ཅད་ལྡན། །ཕྲ་བའི་ལུས་ཅན་རང་གི་འོད། །དེ་དག་དབུས་སུ་ཐུབ་པའི་དབང༌། །ཁྱོད་ནི་གནས་
པར་རབ་ཏུ་འགྱུར། །ལྟོས་ཤིག་ལྷ་ཡི་ཅོད་པན་དང༌། །དྲུ་མ་འམ་ཅི་ཡི་བདག །གཞལ་མེད་དབྱེ་བ་མང་པོ་ཡིས། །ཟླ་བ་བཞིན་དུ་རབ་ཏུ་འབར། །ཐུབ་པ་རྣམས་དང་རྒྱལ་བའི་སྲས། །
དགའ་ལྡན་ལ་སོགས་ལྷ་ཡི་མཆོག །ཨ་ཏ་སི་ཡི་མེ་ཏོག་འདྲ། །ཤེས་རབ་བཟང་ཞིང་མཚན་མང་བ། །ཕྲེང་བ་ཅོད་པན་ཐོགས་པའི་རྣམས། །གཞལ་མེད་མང་པོས་གནས་པ་སྟེ། །ལུས་
ནི་རབ་ཏུ་འབར་བ་དང༌། །ཀུན་མཁྱེན་ཐམས་ཅད་མངོན་གྱུར་པ། །ཐོགས་པ་མེད་པའི་སྤོབས་པ་དང༌། །ཀུན་ཏུ་བཟང་པོ་སྟོབས་ཆེན་ཏེ། །ཟླ་བ་འདྲ་བའི་གཞལ་མེད་ཀྱིས། །སྟུག་པོའི་གངས་
ཆེན་མཚོ་ལ་གནས། །རྣམ་པ་དུ་མར་ཐམས་ཅད་ནས། །ཐུབ་པ་རྣམས་ཀྱིས་བསྟོད་པ་སྟེ། །ཆགས་མེད་ཚངས་པའི་ཁྱུ་མཆོག་དང༌། །གྲུབ་དང་དྲི་ཟ་ཚོགས་རྣམས་དང༌། །མཁས་དང་ངེས་
པར་ལྡན་པ་ཡི། །སྐྱེས་བུའི་ཚོགས་ཀྱི་བདག་པོ་དང༌། །རྒྱལ་བའི་སྲས་ཀྱིས་མདུན་དུ་བྱས། །རྣལ་འབྱོར་སྤྱོད་པས་ཁྱད་པར་དུ། །གཟིམས་པ་ལྟ་བུར་མཐོང་བ་ནི། །དེ་དག་ལེ་ལོ་བྲལ་བས་
༄༅། །ཏེ༑ ༑གཉིད་དང་སྙོམས་སོགས་བསྲབས་པ་ཡིས། །སངས་རྒྱས་ལྷ་ཡི་རྗེས་སུ་འབྲང༌། །མུར་འདུག་ཀུན་གྱིས་མཐོང་གྱུར་ཅིང༌། །དེ་བཞིན་ལྷ་དང་ཚངས་
ལ་སོགས། །འཛམ་གླིང་པ་དང་འོག་མིན་དང༌། །འཕྲུལ་གྱིས་སྤྲུལ་པས་ཐུབ་མཐོང་བ། །འགྲོ་བས་སྣ་ཚོགས་ཀུན་གཟུགས་སུ། །ས་ལ་ཀུན་ནས་བཞུགས་པར་ཏེ། །ཆོ་འཕྲུལ་
རྣམ་པ་མང་པོ་ཡིས། །མགོན་པོ་ཤིན་ཏུ་རྣམ་པར་མཛེས། །ལ་ལ་ཉལ་ཞིང་རབ་ཏུ་འབར། །དེ་བཞིན་གཞན་དག་ཕན་ཚུན་འཆག །ལ་ལ་གཡེན་སྤྱོ་བྲེལ་ཞིང་སྒོམ། །དེ་
བཞིན་གཞན་ཡང་མྱ་ངན་འདའ། །ལ་ལ་མངལ་དུ་འཇུག་པ་དང༌། །སྐྱེ་དང་འབྱུང་དང་དཀའ་སྤྱོད་དང༌། །བྱང་ཆུབ་རྣམ་པར་འཚང་རྒྱ་ཞིང༌། །ཆོས་ཀྱི་འཁོར་ལོ་བསྐོར་
བར་རོ། །སངས་རྒྱས་ཉིད་དང་སངས་རྒྱས་ཡུལ། །སངས་རྒྱས་ཡེ་ཤེས་བླ་ན་མེད། །རྒྱལ་བའི་སྲས་པོ་འཇིགས་མེད་པ། །དེ་དག་ཀུན་གྱིས་འཐོབ་འགྱུར་ཏེ། །ཐུབ་པ་
ཤཱཀྱའི་སེང་གེ་ཡིས། །ཇི་ལྟར་བརྙེས་བཞིན་གྲོགས་པོ་རྣམས། །རྒྱལ་སྲས་འཇིགས་པ་མེད་པ་ཡིས། །འདི་དག་ཀུན་ལ་ཡིད་ཆེས་ཀྱིས། །ཡིད་ཆེས་གྱུར་ན་སངས་
རྒྱས་སམ། །ཐར་པར་འགྱུར་པ་ཐེ་ཚོམ་མེད། །འཁོར་ལོ་འཁོར་བའི་རྒྱལ་པོར་འགྱུར། །སྤོབས་ཅན་ཁམས་ཀྱི་བདག་པོ་དང༌། །ཚངས་ལ་སོགས་པའི་གནས་སུ་ཡང༌།།
གནས་འགྱུར་འཁོར་གྱི་བདག་པོར་འགྱུར། །དྲི་མེད་ཞིང་གི་པདྨོ་ལ། །ཐུབ་པའི་དབུས་སུ་སྐྱེ་བར་འགྱུར། །པདྨོའི་དབུས་སུ་སྐྱེ་བ་ཡང༌། །བརྩོན་འགྲུས་ལྡན་པའི་སྲས་ཀྱིས་འཐོབ། །
བརྩོན་པས་བདུད་ལས་རྒྱལ་བར་འགྱུར། །བག་ཆགས་འདོད་པའི་རྒྱུ་ལས་ཀྱང༌། །འདོད་བདག་བདག་པོ་ཕམ་བྱས་ཤིང༌། །ཐེག་པ་གཅིག་ལ་རབ་ཏུ་འཇུག །བརྩོན་འགྲུས་ལྡན་ཞིང་ཞི་མེད་
པའི། །རིགས་ཀྱང་ཐུབ་པ་རབ་ཏུ་སྟོན། །སྲས་པོ་ཡངས་པའི་རིགས་གྱུར་ཅིང༌། །ཞིང་དང་ཞིང་དུ་བདག་པོར་འགྱུར། །སངས་རྒྱས་ཉིད་དུ་སྨོན་སེམས་ན། །སངས་རྒྱས་རིགས་ནི་རྣམ་པར་
དག །རྣམ་དག་རིགས་ཅན་སྲས་དེ་ནི། །སངས་རྒྱས་རྣམས་ཀྱིས་ལུང་བསྟན་ཏེ། །མྱུར་དུ་སངས་རྒྱས་ཅི་འདྲ་བ། །དེ་བཞིན་ཐུབ་པ་འཚང་རྒྱའོ། །རྣམ་སངས་རྒྱས་ནས་ཉེར་འཚོ་
བ༑ ༑ཚངས་ལ་སོགས་དང་རྣལ་འབྱོར་ཅན། །ས་ལྟར་རྟག་པའི་དུས་སུ་ཡང༌། །ལུས་ཅན་རྣམས་ལ་ཉེ་བར་གནས། །ཐམས་ཅད་སྨན་གྱི་རྣལ་འབྱོར་ཅན། །ཇི་ལྟར་གྲོང་དང་གྲོང་
གནས་པ། །ནད་རྣམས་རབ་ཏུ་སེལ་བ་ལྟར། །རབ་ཏུ་མཁས་པ་དེ་བྱེད་པ། །རྣམ་རྟོག་མེད་པའི་ཡིད་ཀྱིས་ཏེ། །བཅད་ཀྱང་གཡོ་ཞིང་འགུལ་བ་མེད། །འདི་ནི་རྣམ་པར་རིག་པ་ཙམ།།
ཡིད་ནི་ནང་དང་ཕྱི་ཡང་སྤྱོད། །བདག་དང་བདག་གི་མེད་པ་སྟེ། །ནོར་བ་མཐོང་ཞིང་མི་གཡོའོ། །ཡིད་ཀྱི་རྣམ་ཤེས་ཡུལ་ཅན་གྱི། །ཀུན་གཞི་ཀུན་ནས་གནས་པ་སྟེ། །བཅད་དང་
༄༅། །གཅོད་པར་བྱེད་པ་དང༌། །དེ་ཉིད་གཅད་བྱ་གཅོད་པའང་ཡིན། །ལུས་ཅན་ཀུན་གྱི་ཀུན་གཞི་ནི། །ལས་ཀྱི་བག་ཆགས་རྣམས་ཀྱིས་ཡོག །ཁར་བ་ནོར་བུ་ཉི་མ་
དག །ལྡན་ལས་མེ་འབྱུང་ཇི་བཞིན་ཏེ། །གཙུབ་མ་གཙུབ་སྟན་འདུས་ལས་མིན། །མིས་ཀྱང་བྱས་པ་མ་ཡིན་ནོ། །དེ་བཞིན་སེམས་ཡིད་རྣམ་ཤེས་དང༌། །དབང་པོ་དོན་དང་
ཡིད་དང་ལས། །སེམས་རྣམས་རབ་ཏུ་སྐྱེར་གྱུར་པ། །རྒྱ་མཚོའི་དབའ་རླབས་ཇི་བཞིན་ནོ། །སྨིག་རྒྱུ་ནམ་མཁའ་སྒྱུ་མ་དང༌། །རྨི་ལམ་མ་ཡིན་ནོར་པའང་མིན། །སྦལ་པ་རུས་
སྦལ་སྤུ་དག་དང༌། །རི་བོང་རྭ་དང་མཉམ་པའང་མིན། །མེ་ནི་ཤིང་ལས་སྐྱེ་བར་འགྱུར། །གློག་ནི་དེ་བཞིན་སྤྲིན་ལས་སོ། །མེ་ལ་སྐྱེད་པ་སུ་ཡང་མེད། །རྫ་སོགས་རྫ་མཁན་ལྟ་
བུའོ། །ཇི་ལྟར་རྩྭ་དང་ཤིང་དག་ལ། །བརྟེན་ཅིང་ལྷན་ཅིག་སྒྱུ་འབྱུང་བ། །དེ་བཞིན་མོས་ལ་སོགས་པ་ཀུན། །སེམས་དང་སེམས་བྱུང་ལྷན་ཅིག་གནས། །སེམས་ཀྱི་ཡུལ་
ནི་བསམ་དུ་མེད། །སྟུག་ན་གནས་པས་ལེགས་པར་མཐོང༌། །ལྷ་རྫས་སྔོན་མེད་ལྷན་ཅིག་སྐྱེས། །མྱ་ངན་འདས་དང་ནམ་མཁའ་བཞིན། །སོ་སོར་མ་བརྟགས་འགོག་པ་ལྟར། །
དུས་གསུམ་རྣམ་པར་སྤངས་པ་སྟེ། །འོད་ཅན་རྟག་ཏུ་དག་པ་ནི། །ལུས་ཅན་ཀུན་གྱི་ཀུན་གཞིའོ། །དང་པོ་ཚེས་པའི་ཟླ་མདོག་ལྟར། །བྱེ་བའི་ཞིང་དུ་སྣང་བ་སྟེ། །རི་རབ་གནས་ཤིང་
འཁོར་བ་ཡང༌། །དངོས་པོ་འཇིག་པ་མ་ཡིན་ནོ། །དེ་བཞིན་ཡིད་སེམས་རྣམ་པར་ཤེས། །སེམས་ཅན་ཁམས་ན་འཁོར་མོད་ཀྱི། །དེ་ལ་འཕེལ་ཞིང་འབྲི་མེད་དེ། །རྟག་ཏུ་རང་བཞིན་
འོད་སྣང་བའོ། །ཇི་ལྟར་ཟླ་བ་སྐྱེ་འབྲི་བར། །མི་ཤེས་འགྲོ་བ་རྣམ་རྟོག་པ། །སྐྱེ་འབྲི་ཟླ་ལ་ཡོད་པ་མིན། །གླིང་དང་གླིང་དུའང་རབ་ཏུ་སྣང༌། །དེ་བཞིན་ཀུན་གཞི་རྣམ་ཤེས་ལ། །བྱིས་པ་
མི་ཤེས་འགྲོ་རྣམས་ཀྱང༌། །རྟག་ཏུ་སྐྱེ་བྲིར་རྣམ་རྟོག་སྟེ། །དེ་ནི་ཟག་མེད་སངས་རྒྱས་སོ། །ཀུན་གཞི་འདི་ལ་ཇི་ལྟར་ཡང༌། །འབྱུང་བས་ཐ་དད་མི་འགྱུར་ཏེ། །འཇུག་པའི་རྣམ་ཤེས་སོང་
གནས་པ། །བག་ཆགས་ཀྱིས་ནི་ཟླ་བ་བཞིན། །ཆུ་ཀླུང་དབུས་ཀྱི་ཤིང་ལྟ་བུར། །ཆུ་བོའི་ཀླུང་དང་འགྲོགས་མོད་ཀྱི། །ཐ་དད་མཚན་དུའང་རབ་ཏུ་གྲུབ། །རྒྱ་མཚོ་ཆེན་པོར་དེ་བཞིན་འགྲོ།
དེ་ལྟར་ཀུན་གཞི་རྣམ་ཤེས་ཀྱང༌། །རྟག་ཏུ་བག་ཆགས་ལྡན་འགྱུར་བ། །རྣམ་པར་ཤེས་པ་བདུན་པོ་དང༌། །འགྲོགས་ཀྱང་འདྲེ་བ་མེད་པ་སྟེ། །ཀུན་ནས་ཉོན་མོངས་རྣམ་བྱང་དང༌། །
རྣམ་པར་དག་པའི་རྒྱུ་ཡང་དེ། །ཆོས་མཐོང་འཕགས་པ་རྣམས་ཀྱི་ཡང༌། །དེ་ནི་རྣལ་འབྱོར་མཉམ་གཞག་པ། །བྱོལ་སོང་མི་དང་ལྷར་སྐྱེས་དང༌། །ཤ་ཟ་ལྟོ་འཕྱེ་ཡི་དྭགས་དང༌། །ལྷ་
མིན་དྲི་ཟ་འབར་བ་ཡི། །ལམ་རྒྱུད་ཀུན་ཀྱང་དེ་ཡི་དབང༌། །སངས་རྒྱས་ཀུན་གྱི་ཞིང་མཛེས་ལའང༌། །དེ་ཉིད་རྒྱུར་ནི་གྱུར་པ་སྟེ། །དེ་རྟོགས་ནས་ནི་སངས་རྒྱས་དང༌། །རིགས་དང་ཐེག་པ་
༄༅། །གཞན་མིན་འགྱུར། །ཐམས་ཅད་ལུས་ལ་རྟག་ཏུ་གནས། །སྤྱོད་འོས་ཡོད་ལ་རྣམ་པར་འདུག །དཔལ་དང་ལྡན་ལ་ཁྱད་པར་དུ། །ཐམས་ཅད་ཀུན་ཀྱང་རབ་ཏུ་གནས། །
རབ་དང་འབྲིང་དང་ཐ་མ་ལའང༌། །འགྲོ་བ་དོག་པ་ཐམས་ཅད་ན། །དེ་ནི་ཀུན་ཏུ་གནས་པ་སྟེ། །ལུས་ཅན་རྣམས་ཀྱི་ལུས་ལ་རྟེན། །འབྲས་བུའི་བདག་དང་རྒྱུ་ཡི་བདག །ནང་གི་བདག་ཀྱང་
དེ་ཉིད་ལ། །བྱིས་པ་རྣམས་ཀྱིས་ཁོར་ཟུག་བརྟག །དེ་ཡི་དབྱིངས་ལ་ཐོག་མ་མེད། །གནས་ངན་ལེན་དང་ལས་ཀྱིས་བསྐྱེད། །བག་ཆགས་ཐོག་མ་མེད་པས་བསགས། །འཚོ་ཞིང་
གསོ་བར་བྱེད་པ་ནི། །རྣམ་པར་ཤེས་པ་བདུན་པོ་སྟེ། །ཡིད་ནི་རྟག་ཏུ་རླུང་དང་མཉམ། །གཡོ་ཞིང་མྱུར་བར་རབ་ཏུ་འཇུག །ལུས་ཅན་རྣམས་ཀྱི་ལུས་གནས་ཤིང༌། །ཁམས་ཀྱི་
གོང་ལ་གནས་པའོ། །ལས་ཀྱི་རླུང་གིས་བསྐྱོད་པ་ནི། །དབང་པོ་རྣམས་ལ་ཁྱབ་པར་གནས། །རྣམ་ཤེས་བདུན་དང་ལྷན་ཅིག་ཏུ། །དབའ་རླབས་བཞིན་དུ་རྒྱུ་བ་སྟེ། །རྡུལ་ཕྲན་དུས་དང་
གཙོ་བོ་དང༌། །དེ་བཞིན་སྐྱེས་བུ་དབང་བཅས་སུ། །ཀུན་གཞི་གཅིག་པུ་དགེ་བ་དེ། །རྟོག་པ་ཅན་གྱིས་ཐེར་ཟུག་བརྟག །རྟག་ཏུ་སྣ་ཚོགས་རྣམ་པའི་གཟུགས། །གཡོ་ཞིང་མྱུར་
འབྱུང་བྱེད་པ་སྟེ། །ཀུན་གཞི་ས་རྣམས་ཐམས་ཅད་དུ། །ཕྱི་ནང་བཅས་པར་གནས་པ་ཡིན། །དེ་ནི་ས་ཡི་རྒྱུ་ཡིན་པར། །རྒྱུ་ཅན་རྣམས་ཀྱིས་བརྟག་པ་སྟེ། །དེ་ཡི་འགྲོ་བ་ཤིན་ཏུ་
ཕྲ༑ ༑རྟོག་པ་ཅན་རྣམས་མྱོས་པར་བྱེད། །བདག་དོན་དབང་པོ་ཡིད་མོས་པའི། །ཡང་དག་མ་མཐོང་མྱོས་པར་འགྱུར། །སྔོན་གྱི་ལས་ཀྱིས་བསྐྱོད་པ་ཡི། །རྣམ་པར་ཤེས་པ་སྲེད་པའི་
རྒྱུ༑ ༑སྣ་ཚོགས་གཟུགས་ཅན་འགྲོ་བ་དང༌། །མི་རྣམས་ཀྱི་ཡང་རྒྱུ་ཡིན་ནོ། །འཇིགས་མེད་རྒྱལ་བའི་སྲས་རྣམས་ལ། །རྡོ་རྗེའི་སྙིང་པོས་ཡང་སྨྲས་པ། །ཀུན་གཞི་ངང་ལུགས་དགེ་བ་
ནི༑ ༑རྒྱལ་སྲས་རྣམས་ཀྱིས་མཐོང་ཐོས་ཏེ། །ཀུན་གཞིའི་མཆོག་ཏུ་དགེ་བ་ནི། །ཐམས་ཅད་ལུས་ལ་ཞེན་པ་སྟེ། །སུམ་ཅུ་རྩ་གཉིས་མཚན་ལྡན་ཞིང༌། །རྣམ་པ་སྣ་ཚོགས་གཟུགས་
མངའ་བའི། །རྒྱལ་བ་འཁོར་ལོ་འཁོར་བར་ཡང༌། །ས་རྣམས་ལ་ལར་འགྲོ་བས་མཐོང༌། །ཇི་ལྟར་ཟླ་བ་སྐར་ཚོགས་དང༌། །ལྷན་ཅིག་མཁའ་ལ་གནས་པ་ལྟར། །རྣམ་ཤེས་རྣམས་
དང་ཀུན་གཞི་ཡང༌། །དེ་བཞིན་ལྷན་ཅིག་ལུས་ལ་གནས། །ཇི་ལྟར་དབང་གིས་སྒྱུར་བའི་ལྷ། །ལྷ་ཡི་བུ་མོས་བདུན་བདར་ཅིང༌། །རིན་ཆེན་དབུས་ན་རྣམ་མཛེས་པ། །དེ་བཞིན་ཀུན་
གཞི་ས་རྣམས་ལ། །ཇི་ལྟར་ཆུ་དབང་ཆུ་ཡི་ལྷ། །ཆུ་ཀླུང་རྒྱ་མཚོ་མཆིང་རྣམས་ལ། །ཇི་བཞིན་སྐྱེ་ལྡན་ས་ཡང་སྟེ། །དེ་བཞིན་སེམས་ནི་རྣམ་པར་མཛེས། །ཇི་ལྟར་གཞལ་མེད་གནས་
པའི་ཉི། །རི་རབ་ལོགས་ན་རྣམ་པར་མཛེས། །ལྷ་རྣམས་ཀྱིས་ནི་ཕྱག་ཀྱང་བྱ། །དེ་བཞིན་ཀུན་གཞི་སངས་རྒྱས་སར། །ས་བཅུ་དག་ལ་ལྷན་ཅིག་ཏུ། །སྤྱད་པ་སྤྱོད་པ་རྒྱལ་བའི་
༄༅། །སྲས། །ཐེག་པ་ཆེན་པོས་ཕྱུང་བ་སྟེ། །ལུས་ལ་གནས་པ་རྣམ་པར་མཛེས། །བརྗོད་པའི་ཞལ་གྱིས་རྟག་པར་ཡང༌། །རྒྱལ་བ་རྣམས་ནི་ཀུན་ནས་བསྟོད། །
ཉན་ཐོས་རྣམས་དང་རང་རྒྱལ་དང༌། །རྒྱལ་བའི་སྲས་རྣམས་ཁྱད་པར་དུ། །ས་དང་ས་ལ་རྣམ་དག་པ། །རྒྱལ་བའི་སྲས་ཞེས་མངོན་བསྒྲགས་དང༌། །རྒྱལ་བ་དག་དང་རྒྱལ་བའི་སྲས།།
དེ་དག་ཀུན་གཞི་འདི་ལ་བརྗོད། །ལུང་སྟོན་ལུང་བསྟན་འགྱུར་བ་ཡི། །རྒྱལ་སྲས་རྒྱལ་བ་དེ་བཞིན་ཏེ། །ཀུན་གཞི་དྲི་མེད་བསོད་ནམས་ཀྱིས། །དེ་བཞིན་གཤེགས་པར་འགྱུར་
བ་ཡིན། །འདི་ལྟ་བུ་ཡི་ཀུན་གཞིའི་ཡུལ། །སྟུག་ན་གནས་པའི་རྣལ་འབྱོར་ཅན། །ཐུབ་བརྩོན་རྣལ་འབྱོར་སྤྱོད་པ་ཡིས། །རབ་ཏུ་མཐོང་ཞིང་རྣལ་འབྱོར་གྱིས། །སངས་རྒྱས་དག་
དང་རང་སངས་རྒྱས། །ཉན་ཐོས་རྣམས་དང་མུར་འདུག་གཞན། །དེ་ཉིད་རྟོགས་ནས་མཐོང་བ་ནི། །རྣལ་འབྱོར་འཇིགས་མེད་རྣལ་འབྱོར་རོ། །རྣམ་པར་ཤེས་པའི་སྤྱོད་ཡུལ་
གང༌། །འདི་ལྟར་སྣང་བ་ཅི་ཡང་རུང༌། །རྣམ་པར་ཤེས་པར་གྱུར་པ་སྟེ། །རྫ་ལ་སོགས་པ་ས་མ་ཡིན། །འདི་ལྟར་ནོར་པ་གང་སྣང་བ། །སྣ་ཚོགས་རྫ་གྲགས་ཅི་ཡང་རུང༌། །དེ་ནི་ཀུན་
གཞི་གྱུར་པ་སྟེ། །སྣང་བ་ནོར་བའི་མཚན་ཉིད་དོ། །ཀུན་གཞི་ཆུ་ཀླུང་དེ་བཞིན་དུ། །སྣ་ཚོགས་སྣང་མངོན་འགྲོ་བས་མཐོང༌། །བག་ཆགས་རྣམས་ཀྱིས་བསྒོས་པའི་སེམས། །
གཟུང་དང་འཛིན་པ་རབ་ཏུ་འཁོར། །དངོས་པོ་སྒྱུ་འདྲ་མ་ཡིན་ཏེ། །སྐྲ་ཡི་ཚོགས་དང་སྨིག་རྒྱུ་མིན། །སྐྱེས་དང་མ་སྐྱེས་མ་ཡིན་ཏེ། །སྟོང་དང་མི་སྟོང་རྣམ་པར་སྤངས། །དངོས་སུ་
གཅིག་མེད་མི་འགྱུར་ཏེ། །རིང་དང་ཐུང་ལ་སོགས་པ་བཞིན། །སྒྱུ་མའི་རང་བཞིན་སྐྱེས་པ་ནི། །གང་ན་ཅི་ཡང་ཡོད་པ་མིན། །དེ་ནི་རིག་སྔགས་སྒྱུ་མ་སྟེ། །སྐྱེས་བུ་རྣམས་ལ་རབ་ཏུ་
སྣང༌། །སྨིག་རྒྱུ་སྐྲ་ལ་སོགས་པའི་ཚོགས། །གཉིས་ལས་ཉེ་བར་མངོན་པ་སྟེ། །གཅིག་མེད་པར་ནི་གཉིས་པོ་ཡང༌། །མ་བྱུང་འབྱུང་བར་མི་འགྱུར་ཏེ། །སྒྱུ་ལ་སོགས་པ་རྣམ་བརྟགས་
པ༑ ༑འདི་ནི་རྣམ་ཤེས་གྱུར་པའོ། །སྒྱུ་མེད་སྒྱུ་ཞེས་བྱ་བ་ཡི། །དངོས་པོ་གང་དང་གང་ཡང་མེད། །ཅི་ཡང་རུང་སྟེ། གང་ཡོད་པ། །སྒྱུ་མས་བྱས་པའང་ཡོད་པ་ཡིན། །མྱོས་པར་བྱེད་པར་
འཇིག་རྟེན་ན། །སེམས་ལ་དབང་མེད་རྣམས་ལ་ཡོད། །སྒྱུ་མ་དག་གམ་གྱོ་མོ་དག །སྣ་ཚོགས་སྒྱུ་མས་མ་བྱས་ཏེ། །གཡོ་བ་གང་དག་ཅི་ཡང་རུང༌། །དེ་ནི་སྣང་མིན་སུས་མི་མཐོང༌།།
འདི་ལ་རྣམ་རྟོག་གཡོ་བ་ནི། །ཁབ་ལེན་དག་ལ་ལྕགས་བཞིན་ཏེ། །སེམས་ཅན་མེད་ལ་མི་རྟོག་པའི། །ཤེལ་སྒོང་ནོར་བུ་ཇི་བཞིན་ནོ། །ཀུན་གཞི་ཀུན་ནས་སྣ་ཚོགས་པ། །བྱེད་པ་
བཞིན་དུ་སྣང་བ་སྟེ། །སྐྱེ་ཞིང་འཆི་བར་འགྱུར་མོད་ཀྱི། །འཁོར་བ་པོ་ནི་གང་ཡང་མེད། །རྨི་ལམ་འདྲ་བར་སྐྱེ་ཤི་དག། །རབ་ཏུ་མཐོང་ན་རྣམ་པར་འགྲོལ། །ཐུབ་པ་གང་ཚེ་གྱུར་པ་
༄༅། །ན༑ ༑གྲོལ་བ་ཞེས་ནི་བརྗོད་པ་སྟེ། །རིགས་དང་གཞུང་གིས་བརྟན་པ་ནི། །སངས་རྒྱས་ཁྱུ་མཆོག་དེ་ཡིན་ནོ། །ཐམས་ཅད་ཆོས་ལ་མེ་ལོང་བཞིན། །
སྲང་ཡིན་དེ་བཞིན་ཚད་མ་སྟེ། །དངོས་པོ་ཀུན་ལ་སྒྲོན་མ་བཞིན། །ཁབ་བླང་བ་ཡི་རྡོ་ལྟར་གནས། །རྣལ་འབྱོར་ལམ་གྱི་མཚན་ཉིད་དེ། །འཇིག་པ་རྣམས་ཀྱང་རྣམ་པར་
བཟློག །བསམ་གཏན་པ་ཡི་བསམ་གཏན་མཆོག །རྣམ་པར་བྱང་བའི་རྒྱུ་ཡིན་ནོ། །ཀུན་ནས་ཉོན་མོངས་ཟད་པར་བྱེད། །ལམ་ཡང་རྣམ་པར་སྦྱོང་བའོ། །དམ་པའི་
དོན་གྱི་སྤྱོད་ཡུལ་ཏེ། །འགྱུར་བ་རབ་ཏུ་སྟོན་པའོ། །འཕགས་པ་རྒྱན་སྟུག་པོ་ལས་ལེའུ་བདུན་པའོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་
པོ་རྡོ་རྗེའི་སྙིང་པོས་ཕྱོགས་བཅུར་བལྟས་ཏེ། གཙུག་གི་རིན་པོ་ཆེའི་འོད་ཟེར་གྱིས་འཇིག་རྟེན་གྱི་ཁམས་ཐམས་ཅད་དང༌། དབང་བྱེད་ཀྱི་གནས་དང༌། ནོར་བུ་རིན་པོ་ཆེའི་
སྙིང་པོའི་ཕོ་བྲང་ན་གནས་པའི་རྒྱལ་བའི་སྲས་རྣམས་ལའང་སྣང་བར་བྱས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དག་པ་ཇི་ལྟ་བ་བཞིན་དུ་འགོད་
པ་སྟོན་པ་ལ་སྨྲས་པ། ཡང་དག་པ་ཇི་ལྟ་བ་བཞིན་དུ་འགོད་པ་སྟོན་པ། ཁ་བ་ཡོད་པའི་ངོས་ལ་རི་དྭགས་ཐམས་ཅད་གསོད་པ་ཞེས་བྱ་བའི་རི་དྭགས་ཀྱི་རིགས་ཤིག་
ཡོད་དེ། །དེ་ནི་གཅོམ་སྒྱུ་བརྒྱ་སྟོང་གིས་རི་དྭགས་མང་པོ་ཉེ་བར་བྲིད་ཅིང་ཐབས་ལ་བབ་པའི་རི་དྭགས་རྣམས་བསད་ཅིང་ཟའོ། །རི་དྭགས་དྲུས་མ་ཕྲུ་གུ་དང་བཅས་པ་མཐོང་
ནའང་ཕྲུ་གུའི་སྐད་དུ་འབོད་དོ། །རི་དྭགས་རྭ་ཅན་མཐོང་ནའང་རྭ་དེ་དང་འདྲ་བར་བསྒྱུར་ཏེ་གན་དུ་འགྲོའོ། །དེ་ནས་དེ་དག་དེ་ལ་བག་རྟོན་པ་དང༌། དེས་དེ་དག་བག་རྟོན་པར་རིག་
ནས་བསད་ཅིང་བསད་ཅིང་ཟའོ། །རྭ་མཐོང་ནའང་རྭའི་གཟུགས་སུ་བསྟན་ཏེ། དེ་དག་བག་ཕབ་ནས་ཇི་ལྟར་འདོད་པར་བསད་ཅིང་བསད་ཅིང་ཟ་སྟེ། ཇི་ལྟར་རི་དྭགས་ཞེ་
གཏུམ་པའི་ངང་ཚུལ་ཅན་དེ་རྣམ་པ་སྣ་ཚོགས་ཀྱིས་རི་དྭགས་གསོད་པ་དེ་བཞིན་དུ་ཀུན་གཞི་རྣམ་པར་ཤེས་པའང་ཕས་ཀྱི་རྒོལ་བ་མུར་འདུག་བདག་ཏུ་སྨྲ་བ་ལ་མངོན་པར་
ཞེན་པ། བདག་གི་ཆོས་ཉིད་ཀྱི་རྣམ་པར་གནས་པ། འཛིན་པ་དེ་དང་དེ་དག་གིས་བཅིངས་པ་དེ་དང་དེ་དག་ལ་དེ་ལྟ་དེ་ལྟ་བུའི་རང་བཞིན་གྱི་བདག་ཉིད་ཀྱིས་བདག་ཏུ་སྨྲ་
བ་ཡོངས་སུ་རྟོག་ཅིང་རྡུལ་ཕྲ་མོ་ཡན་ཆད་དུ་རབ་ཏུ་ཤེས་པར་བྱེད་པ་དེ་དག་ལ་དེའི་བདག་ཏུ་འཛིན་པ་ཉིད་དུ་གནས་པ་ནི་གཞན་དུ་རྣམ་པར་ཤེས་པ་ཙམ་དུ་མི་གནས་པའི་
བར་དུ་སྟེ། བདག་ཡོངས་སུ་རྟགས་པར་བྱེད་པ་རྣམས་ཀྱིས་ནི་ཡིད་དང་དབང་པོ་དང་དོན་དུ་ལྡན་པ་ལས་ཤེས་པ་སྐྱེ་བ་མཐོང་གི། བདག་དང༌། ཡིད་དང༌། དབང་པོ་དང༌།
༄༅། །དོན་འདུས་པའི་རྒྱུ་ལས་ནི་མ་ཡིན་ནོ། །དཔེར་ན། མེ་ཏོག་དང་གོས་སུ་ཕྲད་ན་བསུང་གི་ཁྱད་པར་དུ་འགྱུར་གྱི། མ་ཕྲད་པར་ནི་བསུང་དམིགས་པར་མི་འགྱུར་རོ། །
དེ་བཞིན་དུ་སེམས་དང༌། སེམས་ལས་བྱུང་བ་དང༌། ཡིད་དང་རྣམ་པར་ཤེས་པ་རྣམས་མ་གཏོགས་པར་དོན་དེ་མ་ཡིན་པར་གྱུར་པ་སྣོད་དང་བ་དར་ལྟ་བུའམ། མེ་མར་དང་རྫ་ལྟ་བུའམ།
སྨིག་ལོ་དང་ཨི་ཤི་ཀ་ལྟ་བུ་གཞན་ནི་གང་ཡང་མེད་དེ། རྒྱུ་དང་རྐྱེན་ལས་སེམས་དང་སེམས་ལས་བྱུང་བའི་ཚོགས་རབ་ཏུ་འབྱུང་ཞིང་བདག་མེད་ལ་ཕྲ་བ་དང༌། བསྐྱེད་དུ་མི་རུང་བ་དང༌།
ཆ་མེད་པ་དང༌། དག་ཅིང་ཐོག་མ་ནས་འོད་སྣང་བ་དང༌། ཡུལ་རྣམ་པར་རིག་པའི་རྣལ་འབྱོར་ཅན་རྣམས་ཀྱི་འཕགས་པ་སོ་སོ་རང་གིས་རིག་པའི་སྤྱོད་ཡུལ་མ་གཏོགས་པར་རྟོགས་
པར་བྱེད་པ་རྣམས་ཀྱིས་མི་དམིགས་སོ། །འདི་ཉིད་ནི་རི་དྭགས་ཀྱི་གཅན་གཟན་ཞེ་གཏུམ་པོ་ལྟ་བུར་འཇིག་རྟེན་རྣམས་ལ་ཡོད་པ་དང༌། མེད་པ་དང༌། གཅིག་པ་དང༌། མང་པོ་དང་
ཐམས་ཅད་དང༌། ཐམས་ཅད་མ་ཡིན་པའི་ལྟ་བ་སྐྱེད་པར་བྱེད་པ་སྟེ། ལུས་ཅན་རྣམ་པར་རིག་པ་ཙམ་དུ་ཁོང་དུ་མ་ཆུད་པའི་རྣམས་བདག་དང་བདག་གིར་སྨྲ་བ་ལ་མངོན་པར་
ཞེན་པར་ཡང་ལྟུང་བར་བྱེད་དོ། །མི་ཤེས་པའི་ཕྱིར་ཆོས་ཁོང་དུ་ཆུད་པར་འདོད་པའི་བློས་འཁོར་བའི་རྒྱུད་ཀྱི་འཁོར་ལོ་ལ་ཞོན་ཞིང་འདི་དང་ཕ་བི་ནས་རབ་ཏུ་རྒྱུག་སྟེ། དགེ་བའི་
བཤེས་གཉེན་སངས་རྒྱས་དང་བྱང་ཆུབ་སེམས་དཔའ་དང་བྲལ་བ། རང་གི་ཕྱོགས་ལས་རིང་བ་བས་ཀྱང་ཆེས་རིང་བར་ཉམས་པའི་བློ་ཅན། འཕགས་པའི་ལམ་གྱི་ཡན་ལག་བརྒྱད་ཐོབ་
པར་མི་ནུས་པ། ཐེག་པ་གསུམ་ལས་འགའ་ཙམ་ལའང་མི་འཇུག་པའི་རྣམ་པ་འཛིན་པ་ལས་རྣམ་པར་ཕྱིར་ལྡོག་པ་མ་སྐྱེས་ཀྱི་བར་དུ་འཕགས་པའི་བདེན་པ་མི་མཐོང་བས། སྟུག་པོའི་
དཀྱིལ་འཁོར་གྱི་སྐལ་བ་ཅན་རྣམས་ཀྱང་སྟུག་པོའམ་སྟུག་པོའི་སྒྲའང་མི་ཐོས་སོ། །ཡང་དག་པ་ཇི་ལྟ་བ་བཞིན་དུ་འགོད་པ་སྟོན་པ། །འདི་ནི་རྣལ་འབྱོར་ཅན་རྣམས་ཀྱི་ལྟ་བ་ཡོངས་
སུ་སྦྱང་བ་སྟེ། འདི་ལ་ཁྱོད་དང་བྱང་ཆུབ་སེམས་དཔའ་གཞན་གྱིས་ཀྱང་བརྩོན་པར་གྱིས་ཤིག །སངས་རྒྱས་ཀྱི་ཞིང་སྟུག་པོར་འཇུག་པའི་གཏམ་གྱི་ཚུལ་ཡང་རྣལ་འབྱོར་ཅན་རྣམས་
ལ་སྟོན་ཅིག །རང་གི་རྣམ་པར་རིག་པའི་ཡུལ་ཞེས་བྱ་བ་སྟེ་ལེའུ་བརྒྱད་པའོ།། །།ཁབ་ལོང་རྡོ་ལ་ཇི་ལྟར་ལྕགས། །ཡོངས་ཀྱིས་ཀུན་ཏུ་རབ་འཁོར་བ། །དེ་བཞིན་ཕུང་པོའི་
ཤིང་རྟ་སྟེ། །སྟོང་ཞིང་བག་ཆགས་བྱུང་བ་འཁོར། །རྩྭ་དང་འཇིམ་པ་ཤིང་སྨིག་དང༌། །ཐེག་པ་རྣམས་སུ་འདུས་ཚོགས་ལས། །ཁྱིམ་དུ་ཇི་ལྟར་སྣང་གྱུར་པ། །དེ་བཞིན་ཕུང་པོའི་གཟུགས་
འདིའོ། །ལྕགས་དང་ཁས་[?] ལོང་རོ་ལངས་ལ། །སེམས་ཅན་ཉེ་བར་དམིགས་མེད་ཀྱང༌། །ཐམས་ཅད་སེམས་ཅན་ལྟ་བུར་གཡོ། །དེ་བཞིན་ཕུང་པོ་བདག་མེད་པའོ། །རྒྱལ་སྲས་ཕྱག་ན་
༄༅། །རིན་ཆེན་གྱིས། །གཟུགས་མང་རྒྱལ་མཆོག་ལ་སྨྲས་པ། །མཉམ་གཞག་རྡོ་རྗེའི་སྙིང་པོ་ལ། །རྒྱལ་པོ་ཁྱོད་ཀྱིས་དྲི་བར་བྱས། །རྒྱལ་སྲས་འཇིགས་མེད་
མཁས་པའི་རྣམས། །ཀུན་གྱིས་ཐོས་པར་འགྱུར་བ་ནི། །བརྟག་བྲལ་བརྟག་པར་མི་ནུས་པ། །བརྗོད་པས་རྣམ་པར་སྤངས་པ་སྟེ། །མིང་དང་མིང་ཅན་རྣམ་བྲལ་བ། །འོན་ཀྱང་འདུ་བ་དེ་
བཞིན་ཏེ། །སྣ་ཚོགས་གྱུར་པའི་ས་འདི་ཡི། །རང་བཞིན་ཅི་དང་ཅིར་གནས་པ། །དེ་ནས་གཟུགས་མང་རྒྱལ་པོ་ཡིས། །རྡོ་རྗེ་སྙིང་པོ་འཇིགས་མེད་ལ། །རྗེས་སུ་འབྲེལ་པའི་སྐབས་དྲིས་པ། །
དངོས་པོ་དོན་གཞན་བརྟག་པ་སྟེ། །རྡོ་རྗེའི་དབང་པོའི་དངོས་པོ་གང༌། །ལ་ལ་རབ་ཏུ་བརྟག་བྱ་བ། །མིང་དང་འདུ་ཤེས་སོགས་པའི་ཡུལ། །ཡོད་དམ་རྡོ་རྗེ་སྙིང་པོས་སྨྲོས། །མིང་རྣམས་སུས་བྱས་
ཇི་ལྟ་བུ། །མིང་ནི་ཅི་ལ་རབ་ཏུ་གནས། །མི་མགོན་ཚིག་ནི་ཐོས་པ་དང༌། །རྡོ་རྗེའི་སྙིང་པོས་དེ་ལ་སྨྲས། །འདི་དག་ཐམས་ཅད་མིང་ཙམ་སྟེ། །འདུ་ཤེས་ཙམ་ལ་རབ་ཏུ་གནས། །བརྗོད་ལས་ཐ་
དད་གྱུར་པ་ཡི། །བརྗོད་པར་བྱ་བ་ཡོད་པ་མིན། །ཕུང་པོ་བཞི་པོ་མིང་ཡིན་ཏེ། །གཟུགས་ཀྱང་ཙམ་ཞེས་རྣམ་པར་བརྟག། །ཙམ་ལ་མིང་དུ་བཏགས་པ་ནི། །སྐྱེས་བུ་འདི་ཞེས་བྱ་བ་སྟེ། །ཙམ་
ལ་མཚན་མ་ཞེས་བྱ་བར། །རྒྱལ་བ་རྒྱལ་སྲས་དག་གིས་གསུངས། །མཚན་མ་མེད་པར་མིང་དུ་མི། །དེ་དག་རྣམ་པར་རྟོག་མི་ནུས། །ད་བས་མཚན་མ་རྟེན་བྱས་ཤིང༌། །མིང་དུ་ཀུན་
ནས་བརྟག་པ་ཡིན། །ཇི་ལྟར་ལྡིང་དང་ལྔ་བྱིད་དང༌། །བར་པ་དེ་ཡང་ཡོད་པ་མིན། །མཚན་མ་མེད་པར་ཅི་ཡང་རུང༌། །བྱིས་པས་དེ་ལ་རྣམ་མི་བརྟག །དེ་བཞིན་ས་འདི་ཐམས་ཅད་ཀྱང༌།།
མཚན་མ་མེད་པར་ཡོད་པ་མིན། །ཅི་ཡང་མཚན་མར་མི་རྟོག་པ། །མཚན་མ་ཡོད་ན་རྣམ་པར་བརྟག །རྫ་དང་སྣམ་བུ་ཤིང་རྟ་དག །གཟུགས་ཡོད་པ་ལ་རྣམ་པར་བརྗོད། །འཇིག་
རྟེན་འདི་ནི་འདི་ཙམ་སྟེ། །གཟུགས་ཙམ་རྣམ་པ་གཞན་མི་འགྱུར། །ཙམ་ལ་མིང་དུ་བཏགས་པ་སྟེ། །འདི་ལ་ཡང་དག་མིང་ཡོད་མིན། །མིང་མེད་རྣམ་པར་བྲལ་བར་ཡང༌། །ས་
རྣམས་ཐུབ་པས་མཐོང་བ་ན། །རྣམ་པར་རྟོག་པ་རབ་ཏུ་འཇུག །རྣམ་རྟོག་མེད་པ་མི་སྐྱེའོ། །ཚོར་སྐྱེ་མེད་པ་གཞན་གྱུར་པ། །མི་ཟད་དེ་ལ་སྐྱེ་བར་འགྱུར། །རྒྱུ་མེད་ཕྱིར་ན་མིང་མེད་
དེ༑ ༑འདུ་ཤེས་ཙམ་ལ་རྣམ་པར་རྟོག །དེ་བས་རྒྱལ་པོས་རྟག་པར་ཡང༌། །འདུ་ཤེས་མ་ཡིན་འདུ་ཤེས་སྒོམས། །འདི་དག་ཐམས་ཅད་འདི་ཙམ་སྟེ། །ཐམས་ཅད་ལས་ནི་གཞན་
མེད་དོ། །ཙམ་ནི་གཟུགས་སུ་ཤེས་པར་བྱ། །དེ་བཞིན་ལུས་དང་གཟུགས་དང་དབྱིབས། །ཆ་ལུགས་རིང་དང་སྐུ་ཡངས་ཏེ། །མཚན་མ་དང་ནི་རྣམ་གྲངས་གཅིག །འདུ་ཤེས་
མིང་དང་རྣམ་རྟོག་དང༌། །བརྗོད་དང་ཁྱད་པར་ལྷན་ཅིག་སྟེ། །ཙམ་དང་མཚན་མ་འདུ་ཤེས་སུ། །སྤྱོད་པར་རབ་ཏུ་གདགས་པ་སྟེ། །ཙམ་ལ་གནས་དེ་མིང་རྣམས་ཀྱང༌། །ཀུན་
༄༅། །རྫོབ་དོན་དུ་རྣམ་པར་བརྟགས། །བརྗོད་པ་མེད་པར་དངོས་པོ་ནི། །མ་བྱུང་འབྱུང་བར་མི་འགྱུར་ཏེ། །རྣམ་ཤེས་རྣམས་ཀྱི་འབྱུང་བ་ཡང༌། །རྟོགས་
བྱ་མེད་པར་ཡོད་པ་མིན། །རྟོགས་བྱ་མིང་དང་ཙམ་པོ་ནི། །ས་རྣམས་ཐམས་ཅད་དེ་ཉིད་དེ། །དངོས་པོ་གང་ལ་གང་མིང་གིས། །བརྟག་པར་བྱ་བ་དེ་བཞིན་མེད། །འདི་ནི་ཆོས་
རྣམས་ཆོས་ཉིད་དེ། །བརྟགས་ན་གནས་པ་མེད་པའོ། །འདི་དག་ཐམས་ཅད་མིང་ཙམ་སྟེ། །འདུ་ཤེས་ཅན་གྱི་དངོས་པོ་མེད། །དེ་མེད་པས་ན་མིང་མེད་དེ། །མིང་མེད་པས་
ན་རྣམ་མི་བརྟག །རྣམ་པར་མི་རྟོག་ཞིང་འགྱུར་བ། །བསྲེག་པ་ཚིག་པའི་མེ་བཞིན་ཏེ། །ཁུར་ཙས་ཇི་ལྟར་ཁུར་བཀུར་བ། །དེ་དང་ཐ་དད་མཚན་ཅན་ཏེ། །དེ་བཞིན་ཙམ་ནི་
མིང་གི་ཁུར། །དེ་དང་ཐ་དད་མཚན་ཉིད་ཁྱེར། །སེམས་ལ་ཙམ་ཞེས་རྣམ་པར་བརྟགས། །མིང་གིས་ཙམ་དུ་སེམས་ཙམ་གྱིས། །འདི་ནི་སྐྱེས་བུ་སྡོང་པོ་ཞེས། །ཅི་ཡང་རུང་
སྟེ་མིང་ཙམ་བརྟག །འབྱུང་བ་རྣམས་དང་འདུས་པ་དང༌། །ཙམ་ཡང་གཟུགས་ལ་རྣམ་པར་བརྟག །ཙམ་པོ་མེད་པར་འབྱུང་བ་ཡི། །ཙམ་ཞེས་བྱ་བ་མི་དམིགས་ཏེ། །བུམ་
པའི་ངོས་ལ་ཡོན་ཏན་ལྟར། །ཙམ་ལ་མིང་ནི་རྣམ་པར་གནས། །བུམ་པ་བུམ་པའི་དངོས་པོ་ཡིས། །རྣམ་པར་དབེན་ཞིང་མིང་དང་བྲལ། །བུམ་པ་བུམ་པའི་དངོས་པོར་རམ།།
མིང་ཡང་མིང་དུ་གནས་པ་མེད། །རྣལ་འབྱོར་ཅན་གྱིས་གང་གི་ཚེ། །མིང་ཙམ་གཡོ་བ་མེད་པ་དང༌། །རྣམ་རྟོག་གཉིས་དང་འབྲེལ་བ་ཡི། །མིང་ཙམ་ཡོད་མེད་མཐོང་བ་ན། །ཇི་ལྟར་
མེ་ལྡན་ལྕགས་རྣམས་དང༌། །སྤྲ་ཚིལ་དག་ཀྱང་རྒྱ་སྐྱེགས་ཀྱང༌། །ཆུ་དང་མཉམ་པར་ཁུ་བར་འགྱུར། །འོན་ཀྱང་ཆུ་ཡི་ཡོན་ཏན་མེད། །དེ་བཞིན་ཀུན་གཞི་རྣམ་ཤེས་པ། །
རྣམ་ཤེས་བདུན་དང་ལྷན་ཅིག་ཏུ། །རྟག་ཏུ་ལུས་སུ་འཇུག་པར་བྱེད། །རྣམ་པར་ཤེས་པས་ཡུན་དུ་སྤངས། །ཁབ་ལོང་རྡོ་ལས་རྟེན་བྱས་ཤིང༌། །ལྕགས་ནི་སེམས་ཅན་བཞིན་
འཁོར་ཡང༌། །དེ་དག་གཉིས་ཀ་བྱེད་པ་མེད། །སེམས་ཅན་གསོན་པོ་བཞིན་དུ་གཡོ། །སེམས་ནི་བདུན་ཞེས་བགྲང་བ་ཡིན། །ཀུན་གཞི་བརྒྱད་པོ་དེ་བཞིན་ནོ། །བག་ཆགས་
སྲད་བུས་བརྒྱུས་པས་ན། །སེམས་ཅན་བཞིན་གཡོ་སེམས་ཅན་མེད། །ལུས་ནི་ཀུན་ཏུ་རྒྱས་པར་འདུག །འགྲོ་བ་དོག་པར་འཁོར་བ་སྟེ། །གཅིག་ལས་གཅིག་གིས་མི་ཤེས་
པ༑ ༑བྱེད་མེད་ལྕགས་དང་ཁབ་ལོང་བཞིན། །མགོ་བོ་དུ་མ་ལྕེ་མང་པོ། །ཁ་མང་ལག་པ་དུ་མ་དང༌། །ལུས་ཀྱང་དུ་མར་རབ་བསྒྱུར་ཅིང༌། །དེ་བཞིན་གཤེགས་ལ་མཆོད་བྱེད་པ།།
ཤིན་ཏུ་མང་བའི་ཞིང་[?] གི་རྣམས། །ཚད་མེད་སྟོང་དུ་འགྲོ་བྱས་ཤིང༌། །དེ་དང་དེར་ཡང་མགོན་པོའི་རྣམས། །དེ་དག་ཀུན་ལ་རྟག་མཆོད་བྱེད། །རི་རབ་རི་དང་མཉམ་པ་ཡི། །མེ་ཏོག་
༄༅། །ན་བཟའ་ཆར་མང་པོ། །སྣ་ཚོགས་རྣམ་པ་ཐ་དད་པས། །དེ་དག་མཆོད་པ་རབ་ཏུ་བྱེད། །ཕྲེང་བ་ཕྲེང་བྱེད་ཅོད་པན་དང༌། །རིན་ཆེན་བརྒྱན་པ་སྣ་ཚོགས་
ཀྱིས། །ཐམས་ཅད་མཁྱེན་དང་རྒྱལ་སྲས་ལ། །རྟག་པར་མཆོད་པ་རབ་ཏུ་བྱེད། །སྤྲིན་ལྟ་བུ་ཡི་གཞལ་མེད་ཁང༌། །སྣ་ཚོགས་མང་པོའི་གཟུགས་འགྱུར་པ། །མཐའ་མ་ནམ་
མཁའི་མུ་དང་མཉམ། །གཞན་ཡང་རྡུལ་ཕྲན་རྡུལ་སྙེད་ཀྱི། །སྤྲུལ་མང་ལྷ་ཡི་བུ་མོ་ཡིས། །རོལ་མོ་སིལ་སྙན་རབ་བསྒྲགས་ཏེ། །གཞལ་མེད་དག་ལ་མངོན་གནས་ནས། །དེ་
བཞིན་གཤེགས་ལ་མཆོད་པར་བྱེད། །སྟོབས་དང་མངོན་ཤེས་དབང་ཐོབ་ཅིང༌། །དོག་པའི་ས་ནས་མ་ཉམས་པ། །ཆོས་ཀྱི་སྤྲིན་ལས་འཐོན་གྱུར་ནས། །སངས་རྒྱས་ས་
ལ་ཞུགས་པའི་རྣམས། །སྒྱུ་མ་དཔའ་བར་འགྲོ་ལ་སོགས། །ཏིང་ངེ་འཛིན་ལ་མཉམ་བཞག་སྟེ། །གཟུངས་ལ་མཁས་པར་གྱུར་པའི་རྣམས། །དེ་བཞིན་གཤེགས་ལ་
མཆོད་པ་བྱེད། །སངས་རྒྱས་ཡང་དག་བརྗོད་མོས་རྣམས། །མཐའ་ཡས་ཞིང་དུ་འགྲོ་བྱས་ཤིང༌། །ཡང་དག་ཡོན་ཏན་ལྡན་པ་དག །སངས་རྒྱས་ཡོན་ཏན་རབ་ཏུ་བརྗོད། །དཔུང་
དང་བཅས་པའི་བདུད་བཅོམ་སྟེ། །རྒྱལ་བ་དག་དང་ཐབས་གཅིག་ཏུ། །རྒྱལ་སྲས་སོ་སོ་རང་རིག་པའི། །རྟོགས་པར་བྱ་བའི་ཏིང་འཛིན་སྒོམ། །གནས་གཞན་གྱུར་པའི་ཡོན་
ཏན་ཅན། །ཆོས་ལ་བདག་མེད་སྟོན་པའི་རྣམས། །སྤྲོས་པ་ཐམས་ཅད་རྒྱུན་བཅད་ཅིང༌། །དམ་པའི་དོན་ལ་རྣམ་སྒོམ་པ། །ཆོས་ལྔ་རྣམས་ཀྱི་རང་བཞིན་དང༌། །རྣམ་ཤེས་བརྒྱད་
ལའང་དེ་བཞིན་ཏེ། །མཁས་པ་བྱས་པར་རྟག་གྱུར་ཅིང༌། །མཉམ་པར་བཞག་རྣམས་མཆོད་པར་བྱེད། །ཤིན་ཏུ་ཕྲ་བའི་རྡུལ་འདྲ་དང༌། །དེ་བཞིན་ཆེན་པོའི་ལུས་ཀྱིས་ཀྱང༌། །སྣ་
ཚོགས་པ་ཡི་གཟུགས་གྱུར་ནས། །དེ་བཞིན་གཤེགས་ལ་མཆོད་པ་བྱེད། །ས་རྣམས་ཀུན་ཀོ་བདག་ལུས་དང༌། །ཡུངས་ཀར་འབྲུར་ཡང་རབ་འཛུད་བྱེད། །རྒྱ་མཚོ་བ་ལང་རྗེས་སུ་
བྱེད། །བ་ལང་རྗེས་ཀྱང་གངས་ཆེན་མཚོར། །སྤུ་གཅིག་རྩེ་མོར་བརྟན་གཡོ་བའི། །འགྲོ་བ་རབ་ཏུ་འཛུད་བྱེད་ཀྱང༌། །གནོད་པར་བྱེད་པ་མ་ཡིན་ཏེ། །འགྲོ་བ་དག་ན་རྣམ་པར་སྤྱོད། །
ལོངས་སྤྱོད་ཅན་གྱི་སྐྱིད་ལོངས་ཡུལ། །ཉི་ཟླ་ས་དང་མཉམ་པ་སྟེ། །འཚིག་མེད་ས་དང་འདྲ་བར་ཡང༌། །རྣམ་པ་ཀུན་གྱིས་ཕན་འདོགས་ཤིང༌། །མེ་དང་རླུང་དག་འདྲ་བ་སྟེ། །རྟག་
ཏུ་ཆུ་དང་སྨན་འདྲ་བ། །རིན་ཆེན་ཁམས་ཀྱི་འབྱུང་ཁུངས་ལྟར། །སེམས་ཅན་ཀུན་ཀྱང་ཉེ་བར་འཚོ། །སྐྱེས་པ་མེད་ཅིང་འགགས་པ་མེད། །མ་ཆད་རྟག་པའང་མེད་པ་སྟེ། །ཐ་དད་
དོན་མིན་དོན་གཅིག་མིན། །འགྲོ་མེད་འོང་བ་མེད་པའི་རྣམས། །རྣམ་པར་བརྟགས་པའི་མིང་དག་དང༌། །ཀུན་ཏུ་བརྟགས་པའི་རང་བཞིན་གྱིས། །སེམས་ཅན་རྣམས་ཀྱི་དོན་བྱེད་པ། །
༄༅། །མིང་དང་མིང་མེད་རྣམ་སྤངས་དག །སྒྱུ་མ་ལྟ་བུ་རྨི་ལམ་འདྲ། །དྲི་ཟའི་གྲོང་ཁྱེར་དཔེ་བཞིན་ཏེ། །སྨིག་རྒྱུ་ཆུ་ཡི་ཟླ་བ་འདྲ། །རང་བཞིན་ཀུན་ཏུ་བརྟགས་པ་དག།
གློག་དང་སྤྲིན་དང་དུ་བ་དང༌། །མགལ་པའི་འཁོར་ལོ་སྨིག་རྒྱུ་འདྲ། །འདི་ཚུལ་བརྟགས་པའི་ཆོས་རྣམས་ནི། །རང་བཞིན་ཀུན་ཏུ་བརྟགས་པ་སྟེ། །གང་དང་གང་གི་མིང་རྣམས་ཀྱིས་
ཆོས་རྣམས་གང་དང་གང་བརྗོད་པ། །དེ་ནི་དེ་ན་ཡོད་པ་མིན། །ཀུན་ཏུ་བརྟགས་པའི་རང་བཞིན་ནོ། །འདི་དག་ཐམས་ཅད་མིང་ཙམ་སྟེ། །འགྲོ་བ་འདི་ནི་མིང་ཙམ་མོ། །བརྗོད་པ་
དང་ནི་ཐ་དད་པ། །བརྗོད་པར་བྱ་བ་གང་ཡང་མེད། །འདི་ནི་ས་ཡི་རང་བཞིན་ཏེ། །ཀུན་ཏུ་བརྟགས་པ་རབ་ཏུ་བསྟན། །མིག་དང་གཟུགས་ལས་བརྟེན་བྱས་ཤིང༌། །གསུམ་ལས་
ཡིད་དེ་འབྱུང་བ་ཡིན། །རྔ་སྒྲ་མེ་ནི་འདུ་འཕྲོད་ལས། །མྱུ་གུ་ས་བོན་ས་ལས་རིམ། །ཁང་པ་ལ་སོགས་སྣ་ཚོགས་དང༌། །སྣམ་བུ་རྫ་ལ་སོགས་པ་དང༌། །ལུས་ཅན་རྣམས་དང་ཆོས་
རྣམས་ཀྱི། །འདི་ནི་རང་བཞིན་གཞན་དབང་ངོ༌། །དོན་རྣམས་དོར་བ་མེད་པ་དང༌། །གང་ཡང་ཟག་པ་མེད་པའི་ཆོས། །སོ་སོ་རང་རིག་རྒྱུད་རྣམས་དང༌། །ཆོས་ལ་བདག་མེད་
ཉིད་དང་ནི། །ཐམས་ཅད་ཆོས་ཀྱི་གྲུབ་པ་སྟེ། །རང་བཞིན་དུ་ནི་དེ་བརྟགས་སོ། །རང་བཞིན་གྱིས་ནི་ཆོས་ཀྱི་རྣམས། །ཐ་དད་མཚན་དུ་བསྒྲགས་པ་སྟེ། །ཆོས་རྣམས་ཐམས་
ཅད་འདྲེས་པར་ནི། །རང་བཞིན་མེད་ན་རབ་ཏུ་འགྱུར། །གཅིག་མིན་རྫས་རྣམས་འདུས་པ་ལས། །སྒྱུ་མའི་མཁན་པོས་གཅིག་མིན་གཟུགས། །རྟོགས་པར་སླ་བ་མ་ཡིན་པའི། །སྒྱུ་
མའི་རི་དྭགས་བྱས་པ་བཞིན། །དེ་ལྟར་དངོས་པོ་ཐམས་ཅད་ཀྱང༌། །རྣམ་པར་རྟོག་པས་རྣམ་པར་བརྟགས། །རྟོགས་པར་མི་རུང་མི་གཅིག་གཟུགས། །ཀུན་ཏུ་བརྟགས་པའི་རང་བཞིན་
ནོ༑ ༑སྣ་ཚོགས་ནོར་བུ་འདྲ་བ་ཡི། །རི་དྭགས་རྫས་ཀྱི་རྒྱུ་ཚོགས་ནས། །སྒྱུ་མའི་མཁན་པོས་རྣམ་བྱས་དང༌། །སེམས་ཅན་ཀུན་གྱི་གཟུགས་བཞིན་ཏེ། །དེ་ལྟར་དངོས་པོ་འདི་དག་
ཀུན། །རྣམ་པར་རྟོག་པས་རྣམ་པར་བརྟགས། །རང་བཞིན་རྟོགས་པར་དཀའ་བ་སྟེ། །ཀུན་ཏུ་བརྟགས་པའི་རང་བཞིན་ནོ། །ཇི་ལྟར་ནོར་བུ་སྣ་སོགས་གཟུགས། །ཚོན་དང་ཕྲད་ན་
རྣམ་པར་མཛེས། །དེ་བཞིན་ས་རྣམས་ཀུན་[?] སྟེ། །རྟོག་པས་རྣམ་པར་བརྟགས་བྱས་ན། །ཡོན་ཏན་དངོས་སུ་མི་གནས་ཏེ། །སྒྱུ་མ་རྨི་ལམ་སྤྲིན་དང་འདྲ། །སྨིག་རྒྱུ་ཆུ་ཟླ་ལྟ་བུ་སྟེ།།
ཀུན་ཏུ་བརྟགས་པའི་རང་བཞིན་ནོ། །ཇི་ལྟར་དྲི་ཟའི་ཁང་པ་དག །ཁང་པ་མ་ཡིན་ཁང་པར་སྣང༌། །རྒྱུ་མེད་པར་ཡང་མི་སྣང་སྟེ། །དེ་བཞིན་ས་རྣམས་སྣ་ཚོགས་ཉིད། །ཉི་ཟླ་གཞལ་
ཡས་ཁང་རྣམས་དང༌། །ཐ་མལ་རི་དང་རིན་ཆེན་རི། །དུ་བ་སྤྲིན་གྱི་གནོད་པས་ནི། །ནམ་ཡང་ཉེས་པར་མི་འགྱུར་ཏེ། །བདག་དང་གཞན་དང་གཉིས་ཀ་ལས། །རྟོག་པས་རྣམ་
༄༅། །པར་བརྟགས་བྱས་ན། །དངོས་ཉིད་མི་འགྲུབ་དངོས་རྣམས་ཀྱི། །རང་བཞིན་ཀུན་ཏུ་བརྟག་པའོ། །རྒྱུ་ལས་དངོས་པོ་མི་འབྱུང་སྟེ། །རྒྱུ་མེད་ལས་
ཀྱང་མ་ཡིན་ནོ། །རང་བཞིན་ཞེས་བྱ་རྣམ་རྟོག་སྟེ། །དངོས་དང་དངོས་མེད་རྣམ་པར་བརྟགས། །མཚན་མ་ལ་ནི་མིང་རྟེན་ཏེ། །གཉིས་ལ་རྣམ་པར་རྟོག་པ་གནས། །ཡང་དག་
ཤེས་དང་དེ་བཞིན་ཉིད། །རྣམ་པར་རྟོག་པ་ཟློག་པའོ། །སེམས་ནི་མཚན་མ་འདྲ་བ་སྟེ། །མཚན་མ་ཡིད་ལ་གནས་པ་ཡིན། །ཡིད་ལ་སེམས་རྣམས་ལྔ་པོ་ནི། །དཔའ་རླབས་
བཞིན་དུ་རབ་ཏུ་འབྱུང༌། །སེམས་ནི་བག་ཆགས་རྒྱུ་བ་སྟེ། །བག་ཆགས་རྣམས་ལ་ཐོག་མ་མེད། །ཐོག་མ་མེད་པའི་བློ་ཡི་ཡུལ། །ཡུལ་ནི་སེམས་ཀྱི་ནོར་བའོ། །སེམས་ནི་ཡུལ་
དང་འདྲ་བ་སྟེ། །ས་རྣམས་ཡུལ་ཞེས་བྱ་བ་ཡིན། །ཐམས་ཅད་ས་བོན་ཀུན་གཞི་ལ། །རྣམ་པར་ཤེས་པ་ཀུན་ཀྱང་གནས། །རྣམ་ཤེས་བདུན་པོ་ཀུན་གཞི་ལས། །རབ་ཏུ་འབྱུང་ངོ་
ཕན་ཚུན་དང༌། །སེམས་ཀྱི་རྣམས་དང་ཀུན་གཞི་ལ། །རྟག་མེད་ཆད་པའང་མེད་པ་སྟེ། །ས་རྣམས་ཐམས་ཅད་ཀུན་གཞི་ཡིན། །བར་སྣང་རྣམ་པར་གནས་པ་སྟེ། །གསུམ་
པོ་འདུས་པའི་རྐྱེན་བྱུང་བ། །བདག་དང་དབང་པོ་དག་ལས་བྱུང༌། །ལུས་ཅན་རྣམས་ཀྱི་རྣམ་ཤེས་ནི། །ཡུལ་རྣམས་རྙེད་ནས་འབྱུང་བ་སྟེ། །འདི་ནི་རྟོག་པ་ཅན་གྱི་ཚུལ། །རྒྱུ་
དང་ལས་ཀྱི་རྒྱུས་བྱུང་བ། །དབང་པོ་ས་རྣམས་ཐམས་ཅད་དང༌། །ཚངས་ལ་སོགས་པ་ཕྱི་རོལ་དང༌། །དེ་དག་ལྷ་མིན་ལས་ཀྱང་མིན། །རྡུལ་ཕྲན་གྱིས་ཀྱང་ས་མ་བྱས། །ས་རྣམས་ལྟ་བུར་ཀུན་གཞི་
ཉིད། །ལྟ་བའི་ཡུལ་དུ་གཡོ་བ་ཡིན། །རྐྱེན་རྣམས་ཀུན་གཞིས་མ་བྱས་ཏེ། །རྐྱེན་གྱིས་ཀུན་གཞི་བྱས་པ་མིན། །འདི་དག་ལ་ནི་གསུམ་འདུས་མེད། །རྣམ་ཤེས་འོན་ཀྱང་འཁོར་བ་སྟེ། །ཤེལ་
འདྲ་ཟླ་བ་བཞིན་དུ་ཡང༌། །རྣམ་ཤེས་རྣམས་དང་ལྷན་ཅིག་རྒྱུ། །བག་ཆགས་བྱུང་བའི་རྣམ་ཤེས་དང༌། །ཀུན་གཞི་རྟག་ཏུ་འགྲོགས་པ་ནི། །ཟླ་བ་སྤྱད་ཀིས་ཟིན་པ་བཞིན། །རྣམ་ཤེས་
རྣམས་དང་ལྷན་ཅིག་རྒྱུ། །བག་ཆགས་དེ་ལས་ལངས་པ་ཡིས། །རྒྱས་པར་བྱེད་དོ་ཡང་དག་ཡང༌། །རྒྱས་པ་གཞན་ཡང་རྒྱས་བྱེད་དེ། u།དེ་ལའང་གཞན་གྱིས་ཡང་དང་ཡང༌། །དེ་ལྟར་
རབ་ཏུ་འཇུག་པའི་སེམས། །མཐོང་ནས་སེམས་དེ་རྣམ་པར་ལྡོག། །མི་བརྟན་ཡུལ་ལ་ཀུན་ནས་འབྲེལ། །ཁབ་ལོང་རྡོ་ལ་ལྕགས་བཞིན་ཏེ། །ཀུན་གྱི་གཞི་ལ་སེམས་ཡོད་པ། །ཟག་བཅས་
ཟག་པ་མེད་པ་དག །བག་ཆགས་དག་གིས་བསྒོས་པའི་རྣམས། །འཇུག་དང་ཕྱིར་ལྡོག་བྱེད་པ་ཡིན། །ཇི་ལྟར་བསྲེག་ལས་མེ་བུས་ཤིང༌། །གཞན་དུ་མེ་ཡང་རབ་ཏུ་བུད། །དེ་དང་གཞན་དུ་དེ་
བཞིན་བུད། །དེ་དག་ནས་ཀྱང་སྤོ་བཞིན་དང༌། །དེ་ལྟར་ཀུན་གཞི་རྣམ་ཤེས་དང༌། །གཞན་ཡང་དེ་ལས་བྱུང་བ་རྣམས། །ཆོས་ལ་རབ་ཏུ་རྒྱུ་བ་ནི། །གཏོགས་དང་ཟག་པ་མེད་པ་དག །མཐོང་བའི་
༄༅། །ཆོས་ལ་གནས་པ་ཡི། །ཡུལ་དང་ཡུལ་ཅན་དེ་ཡིན་ཏེ། །འཕགས་པ་མཐོང་བའི་ཆོས་ཅན་གྱི། །ཏིང་ངེ་འཛིན་ཀྱང་འདི་དག་ཡིན། །འཕགས་པ་དེ་དག་དེ་ལྡན་
ཞིང༌། །སྒོམ་དང་མཐོང་བ་ལྡན་པས་ན། །ཆོས་ཀུན་དེ་བཞིན་ཉིད་ཤེས་པ། །ཞིང་ནས་ཞིང་དུ་རབ་ཏུ་འདོང༌། །ཇི་ལྟར་ཤིན་ཏུ་བཟང་བའི་གསེར། །གསེར་གྱི་དབྱིངས་ན་མི་སྣང་སྟེ། །བརྩལ་
བས་ཤིན་ཏུ་ཞིབ་བཏགས་ནས། །ཡོངས་སུ་སྦྱངས་ན་སྣང་བར་འགྱུར། །དེ་བཞིན་ཀུན་གཞི་རྣམ་ཤེས་པ། །རྣམ་པར་ཤེས་པ་བདུན་དང་བཅས། །ཏིང་ངེ་འཛིན་གྱིས་ཡོངས་
སྦྱངས་པའི། །རྣལ་འབྱོར་ཅན་གྱིས་རྟག་ཏུ་མཐོང༌། །ཇི་ལྟར་མ་བསྲུབས་ཞོ་ལ་ཡང༌། །དེ་ན་མར་ཡོད་མི་སྣང་སྟེ། །བསྲུབ་པའི་ཚུལ་གྱིས་མཐོང་བས་ན། །མཁས་པ་རྣམས་
ཀྱིས་དེ་ཕྱིར་བསྲུབ། །དེ་བཞིན་ཀུན་གཞི་རྣམ་པར་ཤེས། །རྣམ་ཤེས་བདུན་དང་ལྡན་པ་ཡང༌། །རྣམ་པར་བསྲུབས་ཤིང་སྟུག་སྤྱོད་པའི། །ཐུབ་པ་རྣམས་ཀྱིས་མཐོང་བ་ཡིན་
མ་རིག་པ་ནི་སྡུག་ཅེས་བྱ། །དཀྱིལ་འཁོར་ཡེ་ཤེས་རྣམ་གྲངས་ཏེ། །དཀྱིལ་འཁོར་འདི་ལ་བསླབས་པ་ཡི། །རྣལ་འབྱོར་ཅན་རྣམས་སྟུག་པོར་འདོང༌། །གཟུགས་མེད་གཟུགས་
ཡོད་ནམ་མཁའ་དང༌། །རྣམ་ཤེས་འདུ་ཤེས་མ་ཡོད་དག །རྣལ་འབྱོར་ཅན་གྱིས་ཡུལ་བསྒོམས་སམ། །དེ་དག་སྟུག་པོའི་ཞིང་དུ་འདོང༌། །ཉི་མ་ཟླ་བའི་འོད་བཞིན་དུ། །འཇིགས་པ་
མེད་པའི་རྒྱལ་བའི་སྲས། །རྣལ་འབྱོར་ཅན་གྱི་ཐུབ་སྟོན་ཅིང༌། །རྣལ་འབྱོར་སྤྱོད་པའི་ལམ་གནས་པ། །སངས་རྒྱས་ཀུན་གྱི་དབང་བསྐུར་བས། །དེ་ནི་དབང་བསྐུར་སྟུག་པོར་སོང༌། །
སངས་རྒྱས་རྣལ་འབྱོར་རྗེས་སུ་མཐོང༌། །གཞན་དུ་གྱུར་ནས་སྟུག་པོར་སོང༌། །སྟུག་ན་གནས་ཤིང་སྤྲུལ་པ་དང༌། །སྤྲུལ་པའི་སྤྲུལ་པ་དེ་དག་གིས། །གང་ན་གང་ཆོས་སུ་འདོད་པ། །དེ་ནི་
མཁའ་ལ་འདུག་ཅིང་སྟོན། །སྔོན་མེད་དུས་ཀྱི་གནས་ངན་ལེན། །བག་ཆགས་རྒྱུ་ཡིས་བསགས་པ་ཡི། །ཀུན་གཞི་རྣམ་རྟོག་བྱས་པ་ཡིས། །བཅིངས་པ་ཀུན་ཏུ་རབ་ཏུ་འབྱུང༌། །
ཇི་ལྟར་རྒྱ་མཚོའི་དབའ་རླབས་རྣམས། །རླུང་གིས་རབ་ཏུ་བསྐྱོད་པ་དག། རྒྱུན་མི་འཆད་པར་རབ་ཏུ་འབྱུང༌། །རྣམ་ཤེས་དེ་བཞིན་ཀུན་གཞི་ལ། །རྣམ་ཤེས་དེ་ནི་ངེས་བྱས་པའི། །བག་
ཆགས་རྣམས་ཀྱིས་རྒྱས་པར་འགྱུར། །འབྱུང་ཞིང་ལ་ལ་ཕྱིར་ལྡོག་སྟེ། །ཆད་མེད་རྟག་པ་མེད་པའོ། །རང་སེམས་ཁོང་དུ་མ་ཆུད་པས། །ཡུལ་ལ་གཞོལ་བའི་རྣམ་ཤེས་རྣམས།།
རབ་ཏུ་ཞུགས་ཀྱང་ཕྱིར་ལྡོག་པ། །འགྲོ་བ་རང་སེམས་མཐོང་བའི་ཚེ། །དེ་བཞིན་གཞན་དུ་གྱུར་པའི་སེམས། །མེ་དང་བསྲེག་པ་ཇི་བཞིན་ཏེ། །ཀུན་གཞི་ཡུལ་ལྟར་སྣང་བ་ཡང༌།
གཞན་དུ་གྱུར་ནས་ཟག་པ་མེད། །ཟག་མེད་འགྲོས་སུ་སོང་བ་དང༌། །འཕགས་པའི་རིགས་སུ་སྐྱེ་བར་འགྱུར། །ཀུན་གཞི་ཡུལ་ལྟར་སྣང་བ་ནི། །ས་རྣམས་ཁྱབ་པར་
༄༅། །བྱས་ཤིང་གནས། །ཡིད་ནི་བདག་ལ་བདག་ཅེས་ཏེ། །ངར་སེམས་རབ་ཏུ་འཇུག་པ་ཡིན། །རྣམ་ཤེས་ཁ་དོག་ཁྱད་པར་དང༌། །ཀུན་ཏུ་གཅོད་པ་
རབ་ཏུ་བྱེད། །སེམས་ནི་ལས་རྣམས་གསོག་པ་སྟེ། །ཡིད་ནི་ཁོང་དུ་ཆུད་པར་བྱེད། །རྣམ་པར་ཤེས་པས་རྣམ་པར་རིག །ལྔ་པོས་སྣང་བ་མཐོང་བར་འགྱུར། །རབ་རིབ་ལྡན་
པ་མྱོས་པ་ཡིས། །ཇི་ལྟར་སྐྲ་ཚོགས་མཐོང་བ་བཞིན། །གཟུགས་ལ་སོགས་པ་གཟུགས་མེད་དེ། །སེམས་ནི་གཟུགས་ལྟར་གནས་པ་ཡིན། །ཉི་མ་ཟླ་བའི་ནོར་བུ་དག །ཡོངས་
སུ་དག་པའི་མཚན་ཉིད་ཅན། །ཉི་ཟླའི་ཟེར་གྱིས་ཕོག་པ་དང༌། །དེ་དག་རང་གི་ཡོན་ཏན་འབྱིན། །དེ་བཞིན་ཀུན་གཞི་རྣམ་ཤེས་པ། །དེ་བཞིན་གཤེགས་པའི་དགེ་སྙིང་པོ། །
ཟག་མེད་ལེགས་དང་ལྡན་གྱུར་ཏེ། །གཞན་དུ་འགྱུར་ན་རབ་ཏུ་འབྱིན། །འདི་ལྟར་སྣང་བ་གང་ཡང་རུང༌། །མཚན་མ་གཟུགས་སུ་སྣང་བའི་རྣམས། །བག་ཆགས་ཡོག་པའི་
ཀུན་གཞི་སྟེ། །ས་རྣམས་ཀུན་ན་གཟུགས་ལྟར་གནས། །ཇི་ལྟར་འོ་མར་གྱུར་པ་དང༌། །ཡོན་ཏན་ཞོ་དང་དར་བར་སྣང༌། །དེ་བཞིན་ཀུན་གཞི་རྣམ་ཤེས་ཀྱང༌། །རྣམ་པར་གྱུར་ནས་
གཟུགས་ལྟར་གནས། །ཇི་ལྟར་རབ་རིབ་ལྡན་པས་སྐྲ། །མིག་གི་ཉེས་པས་རྣམ་མཐོང་བ། །དེ་བཞིན་བག་ཆགས་ཉེས་ལྡན་པའི། །ཀུན་གཞི་ལུས་ཅན་རྣམས་ཀྱི་སྟེ། །རྟག་ཏུ་མིག་
གི་ནང་སོང་བའི། །གཟུགས་ཀྱིས་སྣང་བར་རབ་ཏུ་འཇུག །འདི་དག་སྣང་བ་ཅི་ཡང་རུང༌། །སྨིག་རྒྱུ་ཆུ་ཡི་དཔེ་བཞིན་ཏེ། །གཟུགས་ནི་ཡོད་དང་མེད་ཀྱིས་སྤངས། །ཀུན་གཞི་རྗེས་སུ་མཐོང་བའོ། །
མིག་དང་གཟུགས་ལས་རྟེན་བྱས་ཤིང༌། །དེ་ནི་སྒྱུ་མ་བཞིན་དུ་འབྱུང༌། །རྟག་ཏུ་མིག་གི་ནང་སོང་བ། །སྨིག་རྒྱུ་བཞིན་དུ་རབ་ཏུ་གཡོ། །གཟུགས་ཀྱི་ཡོན་ཏན་ལྡན་པའི་གཟུགས། །ཀུན་གཞི་
གཟུགས་ལྟར་གནས་པ་སྟེ། །བྱིས་པ་ཇི་ལྟར་བརྟགས་པ་བཞིན། །གཟུགས་ནི་གུད་ན་ཡོད་པ་མིན། །བྱེད་མེད་སེམས་པའང་མེད་པ་སྟེ། །དབུ་བའི་ཕུང་པོ་བཞིན་དུ་གནས། །གཉིད་ལོག་ར་
རོ་དྲེགས་པ་དང༌། །འགྲོ་འདུག་རྣམ་པར་རྒྱུག་པ་ཡི། །བྱ་བ་གཅིག་ཅར་བྱེད་པ་ནི། །ལུས་ཅན་རྣམས་ཀྱི་ཀུན་གཞིའོ། །ཇི་ལྟར་གདུང་བས་བས་རས་ལས། །གྱེན་དུ་ལྡང་བའི་སྨིག་རྒྱུ་རྣམས། །དབྱིད་
ཀའི་ཆུ་ལྟར་རབ་ཏུ་གཡོ། །རི་དྭགས་རྣམས་ལ་སླུ་བར་བྱེད། །དེ་བཞིན་ཀུན་གཞི་རྣམ་ཤེས་ཀྱང༌། །གཟུགས་མིན་ལྟ་བའི་སྤྱོད་ཡུལ་དུ། །གཟུགས་སྣང་ཇི་ལྟར་རྟོག་ཅན་གྱིས། །བརྟགས་བཞིན་
གཟུགས་འདྲ་མ་ཡིན་ནོ། །ཇི་ལྟར་ཁབ་ལོང་མཐོང་བ་དང༌། །ལྕགས་ནི་མྱུར་བར་ཀུན་ཏུ་འཁོར། །འོན་ཀྱང་དེ་ལ་སེམས་པ་མེད། །སེམས་ལྡན་བཞིན་དུའང་རབ་ཏུ་སྣང༌། །དེ་བཞིན་ཀུན་གཞི་རྣམ་
ཤེས་ཀྱང༌། །སེམས་མེད་སེམས་ཅན་ཇི་བཞིན་དུ། །འགྲོ་དང་འོང་བར་གཡོ་བ་སྟེ། །ས་རྣམས་འབྲི་བར་རབ་ཏུ་བྱེད། །ཇི་ལྟར་རྒྱ་མཚོའི་ཛ་རུ་ནི། །སྲོག་མེད་པར་ཡང་གཡོ་འགུལ་ཏེ། །དེ་བཞིན་
༄༅། །ཀུན་གཞི་རྣམ་ཤེས་པ། །ལུས་ལ་གནས་ཤིང་གཡོ་བར་གྱུར། །གླང་པོ་གླང་པོའི་གཟུགས་བརྙན་དང༌། །ཇི་ལྟར་འཐབ་ཅིང་ཆོམས་ནས་མིན། །དེ་བཞིན་ཀུན་
གཞི་རྣམ་ཤེས་པ། །འཇུག་པ་ཆོམས་ནས་མི་རྒྱུའོ། །ཇི་ལྟར་པདྨའོ་དྲི་མེད་པ། །འདམ་གྱི་ནང་ནས་བྱུང་བ་ནི། །མི་དང་ལྷ་དང་བཙུན་ལ་འོས། །ལྷ་ཡུལ་གནས་པ་ཀུན་ཀྱང་འདོད། །དེ་
བཞིན་ཀུན་གཞི་རྣམ་པར་ཤེས། །བག་ཆགས་འདམ་ནས་བྱུང་བ་ནི། །རྣམ་དག་གཞན་དུ་གནས་གྱུར་པ། །བདག་ཉིད་ཆེ་རྣམས་འདོད་པ་ཡིན། །ཇི་ལྟར་རིན་ཆེན་རྣམ་པར་དག །རི་བྲག་
མི་ཡིས་བཅགས་བརྡུངས་ཀྱང༌། །རྒྱལ་པོའི་ཅོད་པན་དུའང་འོས། །ཅོད་པན་ལ་ཡང་གདགས་པ་ཡིན། །དེ་བཞིན་ཀུན་གཞི་རྣམ་པར་ཤེས། །བག་ཆགས་རྣམས་ཀྱིས་བཅགས་
བརྡུངས་པ། །རྣམ་དག་སངས་རྒྱས་རིགས་ཡིན་ཏེ། །སངས་རྒྱས་ཉིད་དུ་དེ་གཟུང་ངོ༌། །ཇི་ལྟར་ཆུ་གཏིང་རྡོ་བ་དག །ཉ་ལྕིབས་དག་གིས་ཡོངས་དཀྲིས་པ། །དེ་བཞིན་ཀུན་གཞི་
རྣམ་ཤེས་ཀྱང༌། །བག་ཆགས་དྲི་མ་ཅན་དུ་བྱས། །གཟུང་དང་འཛིན་པའི་གཟུགས་སུ་ཡང༌། །དངོས་པོ་གཉིས་ཀྱིས་རབ་ཏུ་འཇུག །ཇི་ལྟར་ཁ་གཉིས་ཡོད་པའི་སྦྲུལ། །
གང་དུ་འདོད་པ་དེར་འགྲོ་སྟེ། །དེ་བཞིན་ཀུན་གཞི་རྣམ་པར་ཤེས། །རིམ་དང་ཅིག་ཅར་རྒྱུ་བ་ཡིན། །རྟག་ཏུ་སྣ་ཚོགས་གཟུགས་ལྟ་བུ། །དེ་ལ་རྟོག་པས་རྣམ་པར་བརྟག།
རྟོག་ཅན་རྣམ་པར་མྱོས་འགྱུར་བ། །བདག་དང་བདག་གིར་རྣམ་རྟོག་ཅིང༌། །ཡོད་དང་མེད་ཀྱི་རྒྱུ་སྡོད་པའི། །ས་རྣམས་ལ་ཡང་རྣམ་རྟོག་སྟེ། །འགྱུར་བའི་ཡོངས་སུ་གྱུར་པ་དང༌། །ཀུན་
གཞི་ཟབ་པ་ཉིད་དག་ཀྱང༌། །བློ་ཆུང་རྣམས་ཀྱིས་མི་རིགས་པས། །སྒྱུ་མའི་རི་དྭགས་བཞིན་དུ་འཁོར། །རང་བཞིན་གཅིག་མིན་ཤེས་པར་དཀའ། །ལུས་ཅན་ཀུན་ལ་འདྲ་བ་སྟེ། །དེ་བཞིན་ཀུན་
གཞི་རྣམ་ཤེས་ཀྱང༌། །རྟག་ཏུ་སྒྱུ་མའི་རི་དྭགས་འདྲ། །སེམས་ཅན་གཅིག་མིན་ཤེས་པར་དཀའ། །ཡོད་དང་མེད་པར་རྣམ་པར་བརྟག །རྡུལ་དང་གཙོ་པོ་སྐྱེས་བུ་དང༌། །མི་གསལ་ཚངས་
པའང་དེ་ཡིན་ཏེ། །རྟོག་པས་འཁྲུལ་པའི་རྟོག་ཅན་རྣམས། །ཀུན་གཞིན་ལ་ནི་རྟག་ཏུ་རྟོག །ས་རྣམས་ལྟ་བུར་གནས་པ་ལ། །སྣ་ཚོགས་སར་ཡང་དེ་བཞིན་རྟོག །ས་ལ་གང་གིས་རྟོགས་
གྱུར་པའི། །ཡིད་ནི་ཀུན་ནས་རྟོག་ཅེས་བྱ། །ཇི་ལྟར་རི་མོ་མཐོ་དམན་དང༌། །རྣམ་པ་སྣ་ཚོགས་སྤྲིན་གྱི་གཟུགས། །འཇའ་དང་རི་དྭགས་སྲེད་བྱེད་དང༌། །སྤྲིན་སྒྲ་འབྲུག་ཀྱང་ཇི་བཞིན་
ཏེ། །རབ་རིབ་ཅན་གྱི་ཕྲེང་བ་དང༌། །བཟང་མོའི་གདོང་ཡང་དེ་བཞིན་དུ། །རྨི་ལམ་དག་ན་རྣམ་སྣ་ཚོགས། །དྲི་ཟའི་ཁང་བ་གནས་རྟེན་དང༌། །རོ་ལངས་ཆུ་ཡི་ཤིང་རྣམས་དང༌། །བྲག་ཅ་སྤྲིན་
དང་དུ་བ་དང༌། །མེ་ལོང་མིག་ལ་གཟུགས་བརྙན་དང༌། །ཆུ་ལ་ཆུ་ཡི་ཟླ་བ་དང༌། །རྣམ་རྟོག་འདི་དང་མང་པོར་ཡང༌། འགྲོ་བ་རྣམས་ནི་ཀུན་གཞི་རྟོག། གང་ཚེ་ཀུན་གཞི་འདི་འདྲ་བར། །རྣམ་པ་སྣ་
༄༅། །ཚོགས་ཀུན་མཐོང་སྟེ། །འགྲོ་བ་རང་སེམས་མཐོང་བ་དང༌། །དེའི་ཚེ་སེམས་ནི་ཕྱིར་ལྡོག་གོ། །ཆོས་རྣམས་ཐམས་ཅད་ཀུན་གྱི་གཞི། །བག་ཆགས་
སྙོམས་ལ་སོགས་པ་དང༌། །རྟོག་པས་རྙོག་པ་ཅན་དུ་བྱས། །གཞན་དུ་གྱུར་ནས་ཟག་པ་མེད། །ཟག་མེད་རང་ལུགས་རབ་ཐོབ་ནས། །དེ་དག་རྟག་ཅིང་བརྟན་པར་འགྱུར། །
ནམ་མཁའ་མྱ་ངན་འདས་དང་མཉམ། །འགོག་དང་འདྲ་བ་དེ་བཞིན་ཏེ། །མཉམ་གཞག་སེམས་དང་ལྡན་པ་ལ། །མི་ཟག་ཆོས་རྣམས་སྐྱེ་བར་འགྱུར། །རྫུ་འཕྲུལ་བསམ་
གཏན་རྣམ་ཐར་དང༌། །ཏིང་ངེ་འཛིན་དང་སྟོབས་རྣམས་དང༌། །ཐབས་དང་སྟོབས་དང་མངོན་ཤེས་དག། འབྲི་མེད་མི་ཟད་དེ་བཞིན་ཏེ། །ནམ་མཁའ་ཟད་ཀྱི་མཐར་སྙེགས་
ཤིང༌། །དབྱིངས་བློ་རྣམ་ཤེས་རྟག་པ་དང༌། །མཐར་ཕྱིན་བཅུ་ཡི་གནས་ལྡན་ཞིང༌། །ཡིད་བཞིན་ཤིན་ཏུ་བརྟན་པའི་ལུས། །རྣལ་འབྱོར་མཁས་པའི་རྣལ་འབྱོར་ཅན། །
གཞན་དུ་གྱུར་ནས་རབ་ཏུ་འཐོབ། །འཇིག་པ་མྱ་ངན་འདའ་མ་ཡིན། །སེམས་ཅན་ཡོད་མིན་སྐྱེ་བ་མེད། །འབྲི་མེད་གང་བ་མེད་པར་ཡང༌། །རྒྱལ་བ་རྣམས་ཀྱིས་འགོ་
བར་བཤད། །ཞིང་གཞན་རྣམས་དང་ཞིང་འདི་ཡི། །ཆོས་ཉིད་གཅིག་ཏུ་ཟད་པ་སྟེ། །སྐྱེས་པར་གྱུར་ཏམ་མ་སྐྱེས་ཀྱང༌། །ཆོས་རྣམས་ཆོས་ཉིད་དེ་བཞིན་གནས། །རྣལ་
འབྱོར་ལྡན་པ་གྲོལ་བ་ལ། །རྟག་མེད་ཆད་པ་མེད་པ་སྟེ། །སེམས་ཅན་ཁམས་རྣམས་ཞིག་གྱུར་ན། །ཐམས་ཅད་མཁྱེན་པ་མི་སྣང་ངོ༌། །མ་བྱོན་པ་ཡི་རྒྱལ་བ་དང༌། །འདས་དང་ད་ལྟར་
བྱུང་བ་དག །མཉམ་པ་མ་ཡིན་མཐུན་པ་མིན། །ཤེས་བྱ་ཟད་ནས་དེ་དག་འབྱུང༌། །བདུད་རྣམས་ཚར་བཅད་ལོག་པ་སྟེ། །བརྗོད་དང་བཅས་དང་བརྗོད་མེད་ཀྱང༌། །དེ་སྟེ་སེམས་ཅན་
འཇིག་ན་ནི། །སྡུག་བསྔལ་སྦུབས་ལས་མི་འགྲོལ་ལོ། །ལྕགས་ཀྱི་གར་བུ་བསྲེགས་པ་ལས། །མེ་ལས་བྱུང་སྟེ་བསིལ་གྱུར་ཅིང༌། །ལྕགས་ནི་རྟག་པར་འདུག་པ་བཞིན། །དེ་ལྟར་
རྣལ་འབྱོར་ཅན་དག་འཁོད། །ཕུང་པོའི་ཁྱིམ་དང་ངེས་བྱུང་བའི། །བག་ཆགས་རྣམས་ཀྱང་འགག་པ་དང༌། །ཐུབ་པ་རྣལ་འབྱོར་བརྩོན་པའི་རྣམས། །དེ་དག་རྟག་ཅིང་གྲོལ་བ་
ཡིན། །རྣམ་ཤེས་རྣམས་ནི་དབའ་རླབས་བཞིན། །ཀུན་གཞི་མཚོ་ལས་འབྱུང་བ་སྟེ། །ཆོས་ལྔའི་རང་བཞིན་རྣམ་ཤེས་ཀྱིས། །རབ་ཏུ་བསྐྱོད་ཅིང་ཤིན་ཏུ་རྒྱུ། །གནས་ངན་ལེན་
གྱི་སྤྲོས་པ་ཡིས། །བཅོམ་པ་གནས་མེད་དོན་གྱི་གཟུགས། །ལྟ་བའི་ཡུལ་དུ་རྣམ་པར་གཡོ། །དེ་ལྟར་ཤེས་ནས་ཕྱིར་ལོག་སྟེ། །གཞན་གྱུར་མི་བཟད་རྟག་པའི་རྣམས། །མགོན་
པོ་དག་ནི་སྟུག་པོར་འདོད། །སྟུག་ན་གནས་པ་ཟླ་བ་བཞིན། །རྟག་ཏུ་གཟུགས་བརྙན་རྣམ་པར་མཛེས། །ཕུང་པོ་སྟུག་པ་ཀུན་གཞི་སྟེ། །ཡིད་ནི་དེ་ལ་ཉེ་ཕན་ནོ། །རྣམ་པར་ཤེས་
༄༅། །པ་རྟོགས་པར་བྱེད། །གཟུགས་དང་ལས་ལ་སོགས་པའི་རྒྱུ། །རྣམ་ཤེས་ལྔ་ཡི་ཚོགས་རྣམས་ནི། །དབང་པོར་བཅས་ཤིང་ཡུལ་གཞོལ་བས། །སྣ་
ཚོགས་ཡིད་ལ་འཛིན་པར་བྱེད། །ཀུན་གཞི་ཡུལ་ཅན་མ་ཡིན་ནོ། །ཚེ་ནི་ཀུན་གཞི་རྣམ་ཤེས་ཏེ། །ཡིད་ནི་དྲོད་དུ་རབ་ཏུ་གནས། །ཡིད་ཀྱི་རྣམ་ཤེས་དེ་ན་སྟེ། །ལྷག་མ་དབང་
པོ་ལྔར་ཡང་གནས། །སེམས་དང་ཡིད་དང་རྣམ་པར་ཤེས། །ཕུང་པོའི་དཔུས་ན་རྣམ་པར་གནས། །བག་ཆགས་ལས་དང་འབྲེལ་པའི་རྣམས། །སྔོན་ཆད་བྱས་པ་རྣམས་
ཀྱིས་འབྱུང༌། །འདོད་ཆགས་སྲེད་ལས་བྱུང་བ་ཡི། །ལས་ཀྱིས་བྱ་བ་བྱེད་པ་སྟེ། །སྔོན་ཆད་དེ་དག་ལས་བྱས་པས། །རྒྱུན་དུ་ལས་རྣམས་འབྱུང་བ་ཡིན། །ལུས་ལས་ལུས་
ནི་གཞན་ལ་འགྲོ། །འཕོ་བ་སྲིན་བུ་པད་པ་བཞིན། །སེམས་དང་སེམས་བྱུང་བཅས་པའི་རྣམས། །རྒྱུན་ཆགས་པར་ནི་ཤིན་ཏུ་འདོང༌། །ཡང་ཞིང་ཕུང་པོའི་ཚོགས་རྣམས་
དང༌། །རྣམ་ཤེས་སྲིད་པ་དོག་པར་ཡང༌། །ཚོགས་ཤིང་རབ་ཏུ་འབྱུང་བ་ནི། །ལས་རྣམས་ཤིན་ཏུ་འབྱུང་བའི་ཕྱིར། །ཚེ་དང་དྲོད་དང་རྣམ་ཤེས་འདིས། །གང་ཚེ་ལུས་
ནི་བོར་གྱུར་པ། །དེ་ཚེ་ལུས་ནི་དོར་བ་སྟེ། །ཤིང་བཞིན་ཚོར་བ་མེད་པའོ། །སེམས་ནི་ཀུན་གཞི་རྣམ་པར་ཤེས། །ངར་སེམས་བདག་ཉིད་ཡིད་ཡིན་ནོ། །གང་ཞིག་ཡུལ་
ལ་འཛིན་བྱེད་པ། །དེ་ནི་རྣམ་པར་ཤེས་ཞེས་བྱ། །སེམས་ནི་ལས་རྣམས་གསོག་པ་སྟེ། །ཡིད་ནི་ཁོང་དུ་ཆུད་པར་བྱེད། །རྣམ་པར་ཤེས་པས་རྣམ་པར་རིག། །ལྔ་པོས་སྣང་བ་རྟོགས་
པར་བྱེད།། །།འཕགས་པ་རྒྱན་སྟུག་པོ། །བམ་པོ་བཞི་པ་སྟེ་ཐ་མ། ལུས་ནི་སེམས་ཀྱིས་བཟུང་བ་ཡིན། །ཡིད་ནི་ལམ་རྒྱུད་འདོད་པ་སྟེ། །རྣམ་པར་ཤེས་པས་
རྣམ་པར་རིག། སྣང་བ་གཅོད་པ་ལྔ་པའོ། །རྒྱུ་ལ་དམིགས་ཤིང་རྣམ་ཤེས་རྣམས། །སྐྱེ་སྟེ་གཞན་ནི་དེ་རྗེས་འབྲང༌། །ཡིད་ལ་དམིགས་ཤིང་གཞན་དག་ཀྱང༌། །མཐར་
ཆགས་སུ་ནི་རབ་ཏུ་འབྱུང༌། །ཡིད་རྙེད་ནས་ཀྱང་གཞན་དག་ནི། །དབང་གི་ཡོན་ཏན་རྣམས་ཀྱིས་བྱས། །དབང་ནི་ལྔ་དང་ལྷན་ཅིག་ཏུ། །རྣམ་པར་ཤེས་པ་རབ་ཏུ་བྱེད། །འདུ་བྱེད་
རྒྱུ་དང་ལྷན་ཅིག་ཏུ། །རོ་ལངས་འགྲོ་དང་འདྲ་བ་སྟེ། །སྨིག་རྒྱུ་དག་གིས་གཟུགས་དང་མཉམ། །ལོག་པ་མ་ཡིན་བདེན་པ་ཡིན། །འདི་ནི་བདག་མེད་སྟོང་པ་སྟེ། །སྲིད་པས་
ཀུན་ཏུ་འདྲ་བ་ཡིན། །འབྱུང་རྣམས་ལྷན་ཅིག་འབྱུང་བ་དག། ཐམས་ཅད་དུས་ཡིད་ལྷ་ཅིག་སྟེ། །སེམས་བྱུང་ཡིད་ཅེས་བྱ་དང༌། །ཁན་ཅིག་རྣམ་པར་ཤེས་པ་འབྱུང༌།།
རྣམ་ཤེས་ལྔ་པོ་དེ་དང༌། །ཡིད་ཀྱི་རྣམ་ཤེས་ལྷན་པ་ནི། །གནས་ངན་ལེན་དང་སེམད་བསྒོས་པ། །རྒྱུན་མི་འཆད་པར་རབ་ཏུ་འབྱུང༌། །ལུས་ཅན་ཀུན་གྒྮི་ཡང༌།།
༄༅། །སེམས་དང་སེམས་བྱུང་ལྡན་པ་འབྱུང༌། །ཀུན་གཞི་རྙེད་ནས་དེ་དག་རྒྱུ། །རྒྱུ་ནས་རྒྱས་པར་བྱེད་པ་སྟེ། །སེམས་རྣམས་ལམ་རྒྱུད་ཐམས་ཅད་དུ། །རྟག་པར་
གཅིག་ལས་གཅིག་རྒྱས་འགྱུར། །ས་འདི་རྣམ་པ་སྣ་ཚོགས་པ། །རྣམ་པར་ཤེས་པ་རྣམས་ལས་འབྱུང༌། །ཀུན་གཞི་སྣ་ཚོགས་གཟུགས་ཅན་ནི། །རྣམ་ཤེས་རྣམས་ཀྱི་གནས་
ཡིན་ནོ། །ཕན་ཚུན་རྒྱུ་ཡི་སྟོབས་ལྡན་པ། །རྣམ་ཤེས་འཁོར་ལོ་འཁོར་བ་སྟེ། །ཀུན་གཞི་མཚོ་ལ་དབའ་རླབས་བཞིན། །ས་བོན་དག་དང་མྱུ་གུའི་རྒྱུད། །ཆུ་བོའི་
རྒྱུན་ཀྱང་མཚམས་མེད་ཅིང༌། །རྒྱུན་མི་འཆད་པར་འབྱུང་མོད་ཀྱི། །ཐ་དད་བྱེ་བྲག་དག་ཀྱང་སྣང༌། །དེ་བཞིན་རྣམ་ཤེས་སྤྱོད་པ་སྟེ། །མཚམས་མེད་པ་ཡི་རྒྱུན་དུ་ཡང༌། །
རྒྱུན་མི་འཆད་པར་རབ་ཏུ་འབྱུང༌། །གསུམ་དང་ལྡན་ཞིང་གསུམ་ལས་ཡང༌། །སེམས་དང་ཡིད་དང་རྣམ་ཤེས་རྣམས། །བག་ཆགས་བདེ་བས་བསྐྱེད་པ་དང༌། །རང་སེམས་
རྣམ་པར་འཁྲུལ་པ་ཡིས། །དབའ་རླབས་བཞིན་དུ་རྟག་ཏུ་འབྱུང༌། །ཆོས་རྣམས་ཀུན་གྱི་འབྱུང་བ་དག །ཕྱི་དང་ནང་ཡང་རྣམ་བསྒོམས་ཏེ། །ཐུབ་པའི་གནས་ཀྱང་རྣམ་
བསྒོམས་ནས། །མཉམ་པར་བཞག་པར་སྟུག་པོར་འགྲོ། རྡོ་རྗེའི་སྙིང་པོ་ཁྱོད་དང་ཡང༌། །རྒྱལ་སྲས་འཇིགས་མེད་གཞན་དག་ཀྱང༌། །སྟུག་པོར་འཇུག་པ་བྱེད་པའི་ཆོས།།
ཐམས་ཅད་ཆོས་ཀྱང་རབ་སྟོན་པ། །རྒྱལ་བ་རྣམས་དང་རྒྱལ་སྲས་རྣམས། །ཐབས་གཅིག་རབ་ཏུ་རྣམ་དགོངས་ཏེ། །ཆོས་ཀྱི་མཚན་ཉིད་དཔེ་མེད་པ། །རྨད་དུ་བྱུང་བ་འདི་བསྟན་
ཏོ༑ ༑རྡོ་རྗེ་སྙིང་པོ་འཇིགས་མེད་པ། །རིན་ཆེན་སྣ་ཚོགས་ཟླ་སྙིང་གི། །སེང་གེའི་ཁྲི་ལ་རབ་འདུག་སྟེ། །ཤེས་རབ་ཆེན་པོས་རྣམ་བསྒོམས་ཀྱི། །རྒྱལ་བའི་སྲས་ཀྱིས་མདུན་བདར་
བ༑ ༑སྟུག་པོའི་རྒྱན་ལ་རྣམ་པར་བསྒོམས། །རྣམ་པར་བསྒོམས་ནས་རྟག་པར་འདི། །རྣལ་འབྱོར་ཅན་གྱི་རྣལ་འབྱོར་སྟོན། །ཟླ་དབང་རྒྱལ་བ་དེས་བསྟན་ལ། །བག་མེད་པར་
ནི་མ་བྱེད་ཅིག །ཟླ་བའི་དཔལ་གྱི་བཅོམ་ལྡན་འདས། །སྤྲུལ་པར་བྱེ་བ་མང་སྤྲུལ་ཅིང༌། །འདོད་པའི་ཁམས་ཀྱི་བསྙེངས་བྲལ་དང༌། །གཟུགས་ཅན་རྣམས་ཀྱི་གནས་སུ་ཡང༌། །
རྒྱལ་སྲས་རྣམས་ཀྱིས་ཀུན་ནས་བསྐོར། །ལྷ་རྣམས་ཀྱིས་ཀྱང་མདུན་བདར་ཅིང༌། །ཚུལ་གྱིས་དམ་པ་སྟོན་པ་ནི། །འཇིགས་མེད་སྟུག་པོའི་རྒྱན་ཡིན་ནོ། །རྣལ་འབྱོར་ཅན་གྱིས་སྤྱོད་
པའི་མཆོག། ཚུལ་བཟང་རྣལ་འབྱོར་སྤྱོད་པ་སྟེ། །སོ་སོ་རང་རིག་ཤེས་པ་ཡི། །ཏིང་ངེ་འཛིན་དང་བདེ་བའི་རྣམས། །ཡང་དག་མཐའ་ལ་མི་རིག་པར། །རྗེས་སུ་མྱོང་བར་བྱས་
ནས་ཀྱང༌། །རྣལ་འབྱོར་བདེ་ལས་མངོན་ལངས་ཤིང༌། །གཅིག་ལ་གཅིག་ནི་ཕན་ཚུན་ལྟ། །རྣལ་འབྱོར་སྤྱོད་པའི་ཚུལ་དགེ་འདི། །གང་གིས་ཤིན་ཏུ་མཐོང་བར་གྱུར། །རྣམ་
༄༅། །པ་སྣ་ཚོགས་འོས་པ་ཡི། །སྟན་གྱི་མཆོག་ལ་འཁོད་པའི་རྣམས། །ཀུན་ཀྱང་ངོ་མཚར་རབ་ཏུ་རྙེད། །བསམ་བྱེད་བསམ་གཏན་བསམ་པ་དང༌། །བསམ་
གཏན་རྣམས་ཀྱི་དགོས་པ་དག །རྒྱལ་སྲས་འཇིགས་པ་མེད་པའི་རྣམས། །ཀུན་ཀྱང་སེམས་ཤིང་རབ་ཏུ་གནས། །སྟུག་པོའི་རྒྱན་དང་རྒྱལ་པོ་ལ། །ལྟ་བ་མཉམ་པར་བཞག་
པའི་རྣམས། །མགོ་ལ་ཅོད་པན་ཐོགས་པ་དག། མཚན་རབ་སུམ་ཅུ་རྩ་གཉིས་ཀྱི། །ཡན་ལག་བྲིས་པ་དེ་དག་ཀུན། །བྱེ་བའི་ཞིང་ནས་འོངས་པ་སྟེ། །གཡོ་བ་རྣམས་དང་ཤིན་
ཏུ་བྲལ། །ཐམས་ཅད་གོས་བཟང་ཆ་ལུགས་མཛེས། །རྣལ་འབྱོར་སྤྱོད་པ་སྟོབས་ཆེན་ཏེ། །ལྟའོ་རྡོ་རྗེ་སྙིང་པོ་ལ། །རྣམ་པར་རྟོག་དང་རྣམ་དཔྱོད་ལ། །ཆོས་ལ་མོས་པ་ཡང་
དག་ཏུ། །མཐོང་སྟེ་དེ་ནས་དེ་ཀུན་དང༌། །ཕྱོགས་རྣམས་བཞི་པོར་བལྟ་བྱས་ཏེ། །འཛུམ་པ་སྔོན་དུ་རབ་བཏང་ནས། །འཇམ་ཞིང་སྙན་པའི་དབྱངས་སུ་སྨྲས། །རྒྱལ་སྲས་
མཉམ་པར་བཞག་པའི་རྣམས། །རྣལ་འབྱོར་ཅན་གྱི་རྣལ་འབྱོར་ཡུལ། །གང་ལ་རྟོག་ཅན་མྱོས་འགྱུར་བ། །དེ་དག་བདག་ལས་མཉན་པར་གྱིས། །གང་བསམ་གང་གིས་
ཇི་ལྟ་བུར། །བསམ་གཏན་བསམ་བྱེད་དགོས་པ་དག། འདོད་དང་སྡིག་པ་རྣམས་ཀྱིས་དབེན། །རྣམ་པར་རྟོག་བཅས་རྣམ་དཔྱོད་བཅས། །དགའ་བདེ་དབེན་ལས་སྐྱེས་
པར་ཡང༌། །བསམ་གཏན་དང་པོ་སྐྱེ་བ་ཡིན། །དེ་ལྟ་བུ་ཡི་རིམ་ཚུལ་དུ། །བཞི་དང་བརྒྱད་དང་དེ་བཞིན་བཅུ། །མུར་འདུག་བདག་ཏུ་སྨྲ་བ་དང༌། །བསམ་གཏན་ཅན་རྣམས་བསམ་
གཏན་བྱེད། །ཉན་ཐོས་ཐེག་པ་ཅན་རྣམས་དང༌། །རང་རྒྱལ་ཐེག་ལྡན་དེ་བཞིན་ཏེ། །ཀུན་ཀྱང་རྟག་ཏུ་བསམ་གཏན་བྱེད། །ཆོས་རྣམས་དང་ནི་ས་དག་གི། །རང་གི་མཚན་ཉིད་
རྟོགས་པ་དང༌། །ཕུང་པོ་སྐྱེ་མཆེད་ཚོགས་ཀྱི་རྣམས། །འདི་དག་ཐམས་ཅད་བདག་མེད་དེ། །བྱེད་པ་མེད་ཅིང་གཡོ་བ་མེད། །གསུམ་པོ་འདུས་ལས་རབ་ཏུ་བྱུང༌། །འཁྲུལ་འཁོར་རོ་
ལངས་འདྲ་བ་སྟེ། །བྱེད་པ་རྣམས་ཀྱིས་རྣམ་པར་སྤངས། །ཐུབ་པ་ཕྱི་རོལ་བསམ་གཏན་བྱེད། །སྟོང་པར་ལྟ་བའི་ལྟ་བ་ཅན། །ཆོས་ཀྱི་མཚན་ལ་མོས་པ་རྣམས། །ཆུད་གསོན་
མཚན་ཉིད་མ་ཡིན་ནོ། །ཕུང་པོ་བདག་མེད་མཁས་པའི་རྣམས། །བསམ་གཏན་འདི་འདྲར་བསམ་གཏན་བྱེད། །དེ་བཞིན་གཤེགས་ཀྱི་བསམ་གཏན་དག། ལྷ་རྫས་
བསོད་ནམས་ལྟ་སྦྱོང་བ། །རྣལ་འབྱོར་ཅན་དང་རྒྱལ་བའི་སྲས། །མཉམ་གཞག་རྟག་པར་བསམ་གཏན་བྱེད། །འདི་དག་ཐམས་ཅད་སེམས་ཙམ་སྟེ། །མཚན་ཅན་མཚན་
ཉིད་ཡོད་པ་མིན། །ཕུང་པོ་རྣམས་མེད་ཁམས་ཡོད་མིན། །ཐམས་ཅད་ཆོས་ལ་མཚན་ཉིད་མེད། །རྡུལ་ཕྲན་རྣམ་པར་གཞིགས་པ་དང༌། །དེ་དག་དེ་ལྟར་མི་གནས་སོ། །
༄༅། །རྟོག་པ་བསྐྱེད་པས་བརྟགས་པ་ནི། །དངོས་པོ་ས་དང་ཆུ་ལ་སོགས། །དངོས་པོའི་རང་བཞིན་མི་ཤེས་པ། །མཚན་ཉིད་དུ་ཡང་རྣམ་པར་རྟོག །ཁ་དོག་
སྡུག་དང་མི་སྡུག་དང༌། །ཁ་དོག་སྣང་བཞིན་དེ་བཞིན་ཏེ། །འཇའ་དང་ཨིནྡྲ་གོ་བ་ལྟར། །ཁ་དོག་སྣ་མང་སྤྲིན་ལྟ་བུའི། །སངས་རྒྱས་སྐུ་དང་འདྲ་བ་ཡིས། །ཐམས་ཅད་འགྲོ་བ་
ཀུན་བཀང་སྟེ། །རྒྱས་པའི་སྐྱེ་མཆེད་ཅེས་བྱ་བས། །འབྱུང་བ་རྣམས་ཀྱང་རྣམ་གཞིགས་ཏེ། །རྣལ་འབྱོར་ཤེས་པ་གཟུགས་ཅན་གྱིས། །ལུས་ལ་རྟག་ཏུ་གཟུགས་ཀྱང་
མཐོང༌། །གང་ལ་དམིགས་ཏེ་མཉམ་གཞག་པ། །དེ་ལ་དམིགས་ཤིང་རྣམ་པར་ལྡང༌། །གང་དང་གང་ལ་རྣམ་རྟོག་པ། །དེ་དང་དེ་ནི་དམིགས་པ་ཡིན། །རྣལ་འབྱོར་ཅན་
མེད་རྣལ་འབྱོར་མེད། །དེ་ལྟར་རྣམ་པར་རྟོག་པ་ནི། །རྣལ་འབྱོར་ཅན་གྱི་རྣལ་འབྱོར་ཉིད། །ཀུན་གཞིས་རྣམས་ཐམས་ཅད་དང༌། །ཐུབ་པའི་རྣལ་འབྱོར་བདེ་ལ་གནས། །
ཆོས་དང་ཆོས་ཀྱི་མཚན་ཉིད་ཀྱང༌། །རྟག་ཏུ་རབ་ཏུ་རྟོགས་བྱས་ཤིང༌། །མཉམ་པར་བཞག་པའི་ཁྱད་པར་དག། མཉམ་གཞག་ལྡན་པ་རབ་ཏུ་སྟོན། །ཆོས་ཀྱི་རང་
བཞིན་རྣམ་ཕྱེ་བས། །རྣལ་འབྱོར་ཅན་གྱི་བློ་འཁྲུག་པ། །བློ་གྲོས་ཞན་པས་རབ་ཏུ་སྐྱེ། །ཆོས་དང་བདག་ལ་འཛིན་པར་འགྱུར། །ཡིད་ཆེས་ལུང་དང་མི་ལྡན་པར། །ཆོས་
རྣམས་སྟོན་པར་བྱེད་པ་ནི། །མཚན་ཉིད་རྣམ་པར་རྟོག་པ་ཡིས། །བདག་ཀྱང་ཆུད་ཟོས་གཞན་ཆུད་གསོན། །མཚན་ཉིད་ཅན་མེད་མཚན་ཉིད་མེད། །འདྲེས་པའི་ཕྱིར་ན་རྣམ་པར་
སྣང༌། །མངར་བའི་རྣམས་ནི་མཁྲིས་པ་སེལ། །བད་ཀན་ཚ་སྐྱུར་ལན་ཚྭ་སྟེ། །མ་ཞུ་ཚ་བའི་རྣམ་པ་དང༌། །ལན་ཚྭ་ལ་སོགས་རྣམ་པས་སེལ། །མཁྲིས་པ་བད་ཀན་འཁྲུགས་པ་
ལས། །རིམས་རྣམས་སྐྱེ་བར་འགྱུར་བ་དང༌། །ལུས་ཅན་རྣམས་ཀྱི་ལུས་ཡུལ་དུ། །འདུས་པ་རླུང་ལས་བྱུང་བ་དང༌། །རིམས་དག་རྣམ་པར་གཞིག་པའི་ཕྱིར། །ཐུབ་པས་བསྡུ་
བ་བྱས་པ་ནི། །ཁ་ར་ལ་སོགས་ཡན་ལག་དྲུག། ཤ་དང་སྐོལ་མ་ཁུ་བ་དག། ཐ་དད་མཚན་གྱིས་འཇིག་འགྱུར་བ། །ལུས་ཅན་རྣམས་ཀྱི་རིམས་ཀུན་ཏོ། །རྣམ་ཤེས་རྣམས་
ནི་ཀུན་གཞི་ལ། །ཕན་ཚུན་ཐ་དད་མི་གནས་ཏེ། །གལ་ཏེ་ཆོས་ཀྱི་རང་བཞིན་ནམ། །མཚན་ཉིད་གཅིག་ནི་ཡོད་གྱུར་ན། །དེ་ཚེ་ཆོས་དང་མཚན་ཉིད་ལ། །མཚན་ཉིད་
མི་འདྲ་མེད་པར་འགྱུར། །རྫས་རྣམས་བསྡུས་པས་སེལ་མི་ནུས། །མི་ཡང་སོས་པར་མི་འགྱུར་རོ། །སོས་དང་རྣམ་པར་བསལ་བ་འདི། །མཁས་པ་རྣམས་ཀྱིས་མཐོང་བ་
སྟེ། །གཞན་དུ་ཀུན་གཞི་རྣམ་ཤེས་པ། །རྣམ་པ་མང་པོར་གནས་པ་སྟེ། །སྒྱུ་མའི་རི་དྭགས་བཞིན་འཁོར་བ། །རྣལ་འབྱོར་བརྩོན་པས་བརྟགས་པ་ཡིན། །མཚན་
༄༅། །མེད་མཚན་ཅན་མེད་པ་སྟེ། །ཕུང་པོ་རྣམས་ལས་ཕུང་པོ་ཅན། །གཞན་མེད་ཡན་ལག་ཉིད་ལག་ལས། །ཡན་ལག་ཅན་མེད་ཡན་ལག་ལ། །
འཇིག་རྟེན་རྒྱུ་ཡིས་མ་བྱས་ཏེ། །འབྲས་བུ་རྣམས་ལ་རྒྱུ་ཡང་མེད། །འཇིག་རྟེན་རྡུལ་ཕྲན་བསགས་པ་མིན། །ཕྱོགས་དང་གནས་སུ་མི་འགྲོའོ། །དེ་དག་སོར་གཉིས་སོར་
གསུམ་དུ། །ཅི་ཡང་རྩོམ་པར་མི་བྱེད་དེ། །དངོས་པོ་ཡོད་པ་ཕྲད་པའི་ཕྱིར། །རྡུལ་ཕྲན་ཐམས་ཅད་འདུ་བར་འདོད། །དེ་ཚེ་ཡོན་ཏན་ཁྱད་ཡོད་པ། །ཡོན་ཏན་རྣམས་ཀྱིས་ཡོན་
ཏན་དུ། །འཇིག་རྟེན་མ་བྱས་རང་བཞིན་གྱིས། །འཇིག་རྟེན་རྐྱེན་ལས་མ་བྱུང་སྟེ། །འདོད་རྒྱལ་དངོས་ཀྱིས་དེ་བཞིན་མིན། །ཆོས་གསུམ་པས་ཀྱང་མ་བྱས་ཏེ། །བག་ཆགས་
རྣམས་ཀྱིས་དཀྲུགས་པའི་སེམས། །རྣམ་པར་རྟོག་པ་མང་པོའི་གནས། །སྙིང་གི་ཕྱོགས་ན་གནས་པ་ཡི། །ལུས་ཅན་ཀུན་གྱི་ཀུན་གཞི་དང༌། །སེམས་དང་ཡིད་
དང་རྣམ་ཤེས་རྣམས། །འགྲོ་བ་དག་གིས་སྣ་ཚོགས་བརྟགས། །འགྲོ་བ་མ་ལུས་རབ་མནན་ཏེ། །སྒྱུ་མའི་རི་དྭགས་བཞིན་དུ་གནས། །སེམས་ཙམ་དུ་ནི་འཇུག་པ་ལས། །
གཞན་དུ་ཡོངས་སུ་གནས་འཕོ་སྟེ། །ས་ལ་སྟོང་ཞེས་བརྗོད་པར་བྱ། །སེམས་ནི་དངོས་པོའི་ཚུལ་དུ་གནས། །རྫ་ལ་སོགས་པའི་ཡུལ་མེད་དེ། །སེམས་འདི་རྫ་མ་ལྟ་བུའོ། །
ས་ལ་གཟུགས་རྣམས་ཡོད་པ་དང༌། །ལྷ་ཡུལ་གནས་པའི་ཁྱིམ་རྣམས་དང༌། །རྣམ་པ་སྣ་ཚོགས་གང་སྣང་བ། །དེ་དག་ཀུན་གཞི་སྣང་བ་ཡིན། །ཀུན་གཞི་ཀུན་ཏུ་ལག་པ་སྟེ། ཀུན་
ཏུ་ཁ་མིག་མགོ་བོ་ཡང༌། །ཅིག་ཅར་བ་དང་རིམ་གྱིས་ཀྱང༌། །ས་རྣམས་ཡོག་པར་རབ་ཏུ་གནས། །བུས་པ་རྣམ་པར་མྱོས་བྱེད་དེ། །གང་གི་སྙིང་ལ་གང་གནས་པ། །དེ་ནི་དེ་ལ་གཉིས་
ཚུལ་དུ། །ལུས་ཀུན་བཀང་སྟེ་རབ་ཏུ་གནས། །སྟོང་མིན་དངོས་པོ་གང་ཡང་མེད། །ཐོ་བས་ཇི་ལྟར་རྫ་བཞིན་དུ། །དངོས་པོ་གང་ལ་གཞོམ་བྱ་བའི། །དངོས་པོ་དངོས་སུ་ཡོད་པ་མིན། །
དེ་སྟེ་སྟོང་པའི་དངོས་ཡོད་ན། །འཇིག་མེད་མ་ཡིན་གཞིག་པར་འགྱུར། །གཞིག་བྱ་གཞིག་པར་བྱེད་པ་གང༌། །དེ་ནི་རྣམ་པར་རྟོག་པས་བརྟགས། །རི་རབ་རི་བོ་ཙམ་འགྱུར་
བའི། །བདག་ཏུ་ལྟ་བ་མི་གནོད་ཀྱི། །སྟོང་ཉིད་ལྟ་བ་གནོད་པ་ནི། །ང་རྒྱལ་མི་བདེན་བརྟགས་པའོ། །རྣལ་འབྱོར་སྤྱོད་པས་སྟོང་པ་ཉིད། །གནས་མ་ཡིན་པར་སྦྱར་
མི་བྱ། །གནས་མིན་གལ་ཏེ་སྦྱར་གྱུར་ན། །བདུད་རྩི་དུག་ཏུ་འགྱུར་བ་ཡིན། །ལྟ་བ་ཇི་སྙེད་གང་ཡང་རུང༌། །ལུས་ཅན་རྣམས་ལ་ཡོད་པ་ཡི། །ལྟ་བ་རྣམ་པར་སྤང་བའི་ཕྱིར། །
སྟོང་པ་ཉིད་ཀྱི་ཚུལ་བསྟན་ཏོ། །སྟོང་པ་ཉིད་ཀྱི་ལྟ་བྲོས་ཀྱང༌། །ལ་ལའི་ལྟ་བ་མ་ཞིག་ན། །གསོར་མི་རུང་བའི་ལྟ་ཅན་ཏེ། །སྨན་པས་གཏང་བའི་ནད་པ་བཞིན། །ཇི་ལྟར་བསྲེག་
༄༅། །པ་ཚིག་པའི་མེ། །བསྲེག་པ་མེད་པས་མི་གནས་སོ། །དེ་བཞིན་བསྲེག་བྱ་ལྟ་ཚིག་ན། །སྟོང་ཉིད་མེ་ཡང་འགག་པར་འགྱུར། །ལྟ་བས་འགོག་པའི་
དུས་སུ་ཡང༌། །ཡེ་ཤེས་ཡང་དག་མེ་འབྱུང་སྟེ། །ཉོན་མོངས་ཐམས་ཅད་སྲེག་པར་བྱེད། །ཉོན་མོངས་པ་སྲེགས་ནས་རྣམ་པར་མཛེས། །ཐུབ་པ་རྣལ་འབྱོར་ལྡན་པའི་རྣམས།།
ཡེ་ཤེས་འདི་ལྡན་ཐུབ་སྤྱོད་དག །དེ་བཞིན་གཤེགས་པའི་གནས་ཀྱི་མཆོག །སྟུག་པོ་དེར་ནི་རབ་ཏུ་འདོང༌། །རི་བོང་རྭ་ཡིས་རི་བོ་རྣམས། །མངོན་པར་གཞིག་བྱ་མ་
མཐོང་སྟེ། །འདི་ལ་མོ་གཤམ་བུ་ཡིས་ཀྱང༌། །སྲོག་ཆགས་གང་ཡང་བསད་པ་མེད། །རི་བོང་རྭ་ཡི་གཞུ་ཡིས་ཀྱང༌། །སུ་ཡང་འཐབ་མོ་མི་བྱེད་དེ། །མོ་གཤམ་བུ་ལ་སུ་
ཡང་རུང༌། །ཁྱིམ་གྱི་ལས་སུ་མི་སྐོའོ། །སྟོང་པ་ཉིད་དང་མི་རྟག་ཉིད། །རྟག་ཏུ་དངོས་དང་གཅིག་གྱུར་ཏེ། །ཡོད་དང་མེད་པའི་རང་བཞིན་ཡང༌། །དེ་བཞིན་གཅིག་པ་ཉིད་དུ་གྱུར། །
མངལ་ན་གནས་དུས་ཚུན་ཆད་ཀྱང༌། །གཟུགས་རྣམས་གཞིག་པར་བརྩོན་པ་སྟེ། །གང་ནའང་དེ་མེད་གཟུགས་ཡོད་མིན། །གཟུགས་མེད་པར་ཡང་དེ་མེད་དེ། །ཁྱད་
པར་མེད་པར་འབྱུང་བ་ནི། །མ་བསྒྲིབས་ཟླ་དང་འོད་ཟེར་བཞིན། །དེ་བཞིན་དངོས་རྣམས་སྟོང་ཉིད་དང༌། །ལྷན་ཅིག་གཅིག་ཏུ་འབྱུང་བ་སྟེ། །ཕན་ཚུན་རྣམ་པ་ཐ་དད་དུ། །
དེ་དག་དགོས་པ་མི་སྒྲུབ་བོ། །རྒྱུ་དང་རྐྱེན་རྣམས་ཚེགས་པ་ལས། །རྣལ་འབྱོར་ཅན་གྱི་ལས་སྒྲུབ་བོ། །ལུས་འདི་བདག་ཡོད་མ་ཡིན་ཏེ། །རོ་ལངས་འཁྲུལ་འཁོར་རབ་ཏུ་འདྲ། །སྲེད་
བའི་སྲད་བུས་བཅིངས་བྱས་ཤིང༌། །ཡུལ་གྱི་རྣམས་ཀྱིས་དྲང་བ་ཡིན། །ལྷ་རྫས་སྟོང་པ་ཉིད་བཤད་པ། །ལྟ་བ་ཐམས་ཅད་སྦྱོང་བ་སྟེ། །མཐའ་རྒལ་སྟོང་པ་ཉིད་ལྟ་བ། །རྒྱལ་བ་རྣམས་
ཀྱིས་ལྟ་མེད་བཤད། །སྟོང་ཉིད་ལྟ་བ་སྦྱོང་བ་ནི། །ཡོད་དང་མེད་པ་གཞིག་པའི་ཕྱིར། །བློ་ལྡན་མཉམ་པར་བཞག་པ་ཡི། །རྣལ་འབྱོར་ཅན་གྱིས་རྟག་ཏུ་བསྒོམ། །རྩྭ་དང་ཤིང་དང་
གྱོ་མོ་དག །སྒྱུ་མའི་མཁན་པོས་རྒྱུར་བྱས་ཏེ། །སྔགས་ཀྱིས་ཅི་དང་ཅིར་འདོད་པར། །གཟུགས་ཀྱི་དངོས་སུ་རབ་ཏུ་བྱེད། །གཟུགས་དང་སྣང་བ་ཡིད་བྱེད་དང༌། །སྲེད་དང་མིག་རྣམས་
རྒྱུར་བྱས་ཤིང༌། །མིག་གི་རྣམ་ཤེས་སྒྱུ་མ་བཞིན། །སྨིག་རྒྱུ་བཞིན་དུ་དེ་གཡོའོ། །གང་གི་ཡུལ་དུའང་པ་མེད། །ཡུལ་གཞན་དག་ཏུའང་འགྲོ་བ་མིན། །འདི་ལྟའི་རྣམ་ཤེས་
འབྱུང་བ་ལ། །ཡོད་དང་མེད་པར་བརྟག་མི་བྱ། །སྐྲ་ཡི་ཚོགས་དང་བོང་བུའི་རྭ། །མོ་གཤམ་བུ་དང་སྨིག་རྒྱུ་དང༌། །དྲི་ཟའི་གྲོང་ཁྱེར་རྨི་ལམ་དག །མིང་དུ་གྲག་གི་ཡོད་པ་མིན། །སྟག་
དང་གཟིག་དང་དོམ་དག་དང༌། །རྔ་རྟ་བོང་བུ་ཁྱི་རྣམས་དང༌། །གཡི་དང་[?] གསལ་[?] དང་རུས་སྦལ་ལ། །རྭ་ནི་ཡོད་པ་མ་ཡིན་ན། །ཐུབ་པ་རྩོད་པར་བརྩོན་པ་ཡིད། །དེ་དག་ཅི་ཕྱིར་མི་
༄༅། །བརྟག་ཅིང༌། །བོང་བུའི་རྭ་ལ་བརྟག་པར་བྱ། །ཅི་གོ་དེ་དག་བསྒྲུབ་ནུས་སམ། །ཤེས་རབ་ཅན་གྱིས་སར་བསྟན་པ། །དེ་དག་ཉི་ཚེ་བརྟག་པར་བྱ། །རྟོག་
པ་ཅན་རྣམས་འཁོར་བ་ནི། །བླུན་པོ་ལོང་བ་འོན་པ་འདྲ། །སྒྲོལ་བའི་ཡེ་ཤེས་དེ་ལ་མེད། །སོ་སོ་རང་རིག་ཡུལ་ཡང་མེད། །གཞན་གྱིས་བྱས་པའི་ཚུལ་དག་ལ། །རྣམ་པར་རྟོག་
པས་ཅི་ཞིག་ནུས། །སྟུག་པོར་གནས་པར་རྣམ་པར་རྟོགས། །དེ་ལ་བརྟགས་ཤིང་དགེ་བ་འཐོབ། །རྣལ་འབྱོར་མཉམ་གཞག་རྣལ་འབྱོར་ཅན། །དེ་ན་གནས་པ་བཞིན་དུ་སྣང༌། །
ལྷ་ཡུལ་གནས་པའི་བསྙེམས་བྲལ་དང༌། །ཟླ་བ་གཟའ་ལ་སོགས་པ་ཡང༌། །རླུང་གིས་རབ་ཏུ་བསྐྱོད་པའི་རྣམས། །རི་རབ་རྟེན་ཅིང་རྒྱུ་བ་ཡིན། །དེ་བཞིན་རྣམ་པར་ཤེས་པ་
བདུན། །བག་ཆགས་རྣམས་དང་ལྡན་པ་ཡི། །ཀུན་གཞི་ཀུན་གྱི་ས་བོན་ཅན། །དེ་ལ་བརྟག་ཅིང་རབ་ཏུ་རྒྱུ། །ཇི་ལྟར་ས་ལས་ཀུན་བརྟེན་ཅིང༌། །ས་སྐྱེ་ཀུན་ཀྱང་འབྱུང་བ་བཞིན།།
སེམས་ཅན་ཀུན་གྱི་གནས་ཡིན་ཏེ། །འབྱུང་ཁུངས་ཀུན་གྱི་ཁྱད་པར་དུ། །དེ་བཞིན་ཀུན་གཞི་རྣམ་ཤེས་ཀྱང༌། །རྣམ་ཤེས་རྣམས་ཀྱི་གནས་ཡིན་ཏེ། །སེམས་དང་སེམས་
ལས་བྱུང་བར་ལྡན། །དབའ་རླབས་བཞིན་དུ་རབ་ཏུ་འབྱུང༌། །ཇི་ལྟར་རྨ་བྱའི་འདབ་སྒྲོ་རྣམས། །འོད་དང་ཁ་དོག་རྣམ་མང་སྟེ། །གཙུག་ཕུད་ཅན་རྣམས་འདབ་སྒྲོ་ཡིས། །
རྨ་བྱ་མོ་དང་ལོངས་རྩེ་བ། །དེ་བཞིན་ཀུན་གཞི་རྣམ་ཤེས་ཀྱང༌། །ས་བོན་མང་ཅན་མཚོ་ལྟར་གནས། །ཐམས་ཅད་ཆོས་ཀྱི་གཞི་ཡིན་ཏེ། རྣལ་འབྱོར་ཅན་གྱིས་རྟག་ཏུ་མཐོང༌། །ཇི་ལྟར་
རྒྱ་མཚོ་ཆུ་བོ་ཡིས། །ཉིན་གཅིག་བཞིན་དུ་གང་བྱ་ཡང༌། །ཆུ་བོ་རྣམས་ནི་རྒྱུན་མི་འཆད། །རྒྱ་མཚོ་རྟོག་པར་ཡོད་མི་བྱེད། །དེ་བཞིན་ཀུན་གཞི་རྣམ་ཤེས་ཀྱང༌། །ཟབ་ཅིང་མཚོ་ལྟར་
གནས་པ་སྟེ། །རྣམ་ཤེས་རྣམས་ཀྱིས་ཉིན་གཅིག་བཞིན། །བག་ཆགས་ཆུ་བོས་རབ་ཏུ་དགང༌། །ཇི་ལྟར་རིན་ཆེན་ལྡན་པའི་ས། །སྣ་ཚོགས་ཀུན་ཏུ་ཕན་འདོགས་ཏེ། །སེམས་
ཅན་རྣམས་ཀྱང་ཉེ་བར་འཚོ། །ཡོན་ཏན་དངོས་སུ་སྟོན་པ་ཡིན། །དེ་བཞིན་ཀུན་གཞི་རྣམ་ཤེས་ཀྱང༌། །རྣམ་རྟོག་རྣམས་དང་ལྷན་ཅིག་འབྱུང༌། །དེ་ནི་འཁོར་བ་འཕེལ་བྱེད་དེ། །
གྱུར་ན་དེ་བཞིན་གཤེགས་པ་ཡིན། །དེ་བཞིན་གཤེགས་པ་སྟོབས་བཅུ་ཅན། །སྤྱོད་པ་ལེགས་སྤྱད་གཙང་བ་སྟེ། །ས་བཅུ་པ་ལས་མངོན་བྱུང་སྟེ། བདེ་བར་གཤེགས་པའི་
སར་ཞུགས་ནས། །ཡང་དག་མཐའ་ལ་རབ་གནས་པ། །སྣ་ཚོགས་སེམས་ཅན་རྣམ་སྤྲུལ་པར། །འཇིགས་པ་མེད་པར་འབྱུང་བ་ནི། །རྣམ་པར་རྟོག་མེད་ས་བཞིན་ནོ། །
སོས་ཀ་མེ་ཏོག་མང་པོའི་གཟུགས། །མི་དང་བྱ་ཡི་ཡིད་དུ་འོང༌། །དེ་བཞིན་སྣ་ཚོགས་ལེན་པའི་སེམས། །ཐུབ་ཤེས་ཡིད་འོང་མྱོས་པར་བྱེད། །ཇི་ལྟར་དོན་མཁས་རྒྱལ་
༄༅། །བའི་སྲས། །འབྱུང་ལས་བྱུང་བ་མ་ཡིན་པ། །མེད་པའི་བློ་ཅན་དེ་བཞིན་ཏེ། །ལོག་པར་སྨྲ་ལ་བརྩོན་པ་དག །ཆོས་དང་མི་མཐུན་ཕྲ་མ་ཅན། །ལྕེ་གཉིས་
ལོག་པར་ལྟ་བ་དག །རྣམ་པ་གཞན་དུ་གནས་པའི་དངོས། །རྣམ་པ་གཞན་དུ་སྟོན་པར་བྱེད། །ཇི་ལྟར་སྒྱུ་མའི་སྐྱེས་བུ་ཞིག། །འབྲས་བུ་སྣ་ཚོགས་སྟོན་བྱེད་པ། །འབྲས་བུ་མེ་
ཏོག་དེ་ན་མེད། །སྔགས་དང་ཁོང་བཟོས་ཟོ་མདོག་བདེ། །འཇིག་རྟེན་རྣམ་པ་གཞན་གནས་པ། །རྣམ་པ་གཞན་དུ་སྟོན་པར་བྱེད། །རྒྱལ་བ་རྣམས་དང་རྒྱལ་བའི་སྲས། །ཀུན་
ཀྱང་ཐབས་ཀྱི་དམིགས་ལ་མཁས། །བསྟན་པ་གཞན་ལ་ཇི་སྙེད་དུ། །བསྟན་པ་བྱས་པ་དེ་དག་ཀུན། །བདེ་གཤེགས་རྣལ་འབྱོར་མཁས་པ་ཡིས། །བསྟན་པ་སྟུག་པོའི་
རྒྱན་ལ་བསྟན། །ཁམས་རྣམས་དྲུག་དང་བཅོ་བརྒྱད་བསྟན། །སྐྱེ་མཆེད་བཅུ་དང་གཉིས་ཀྱི་མི། །ཡིད་ཀྱི་སྲད་བུས་བཏགས་པ་དག། །སེམས་ཅན་ཀུན་ཏུ་རབ་ཏུ་འཁོར། །
རྣམ་པར་ཤེས་པ་བརྒྱད་ཀྱི་ཚོགས། །ཁམས་དང་སྐྱེ་མཆེད་ཕུང་པོ་སྟེ། །ཡིད་ཀྱི་སྲད་བུས་བཅིང་བྱས་ཤིང༌། །ལུས་དང་ལུས་ལ་རབ་ཏུ་རྒྱུ། །འདི་ནི་འགྲོ་བའི་སྐྱེས་བུ་སྟེ། །
འགྲོ་བ་རྣམས་ཀྱི་དོན་དུ་བསྟན། །ལུས་ཅན་ཀུན་གྱི་སྐྱེས་བུ་ནི། །འགྲོ་ཡང་བྱུང་བ་མ་ཡིན་ཏེ། །ཁམས་རྣམས་དྲུག་པོ་སྐྱེས་བུ་ཡིན། །སྐྱེ་མཆེད་བཅུ་གཉིས་དེ་བཞིན་ཏེ། །བཅོ་
བརྒྱད་རྣམས་ལ་ཡིད་རྒྱུ་བ། །དབང་སྒྱུར་ཞེས་ནི་བྱ་བ་སྟེ། །དབང་སྒྱུར་ཕོ་བྲང་སྣ་ཚོགས་པ། །ནོར་བུ་རིན་ཆེན་གྲོང་རྡལ་དང༌། །དགའ་ལྡན་ལ་སོགས་བསྙེམས་བྲལ་དང༌། །མཚེ་མའི་གནས་
སུའང་དེ་བཞིན་བཤད། །རྡོ་རྗེ་སྙིང་པོ་དབང་ཅན་ལ། །རྒྱལ་སྲས་འཇིགས་པ་མེད་པའི་རྣམས། །དགེའོ་དགེ་ཞེས་དགའ་འབོད་ཅིང༌། །ཐམས་ཅད་མགོ་བོས་ཕྱག་འཚལ་ལོ། །ཐུབ་ལྡན་རྣལ་
འབྱོར་སྤྱོད་པ་དང༌། །རྒྱལ་བ་དག་དང་རྒྱལ་བའི་སྲས། །ཞིང་དང་ཞིང་ན་བཞུགས་པ་དང༌། །ལྷ་ཡུལ་གནས་པའི་རྒྱལ་སྲས་དང༌། །རྣལ་འབྱོར་བདག་པོ་རྣལ་འབྱོར་ཅན། །ཡེ་ཤེས་དབང་པོ་
འཕྲུལ་ཆེན་དང༌། །དབང་སྒྱུར་ལྷ་མོའི་ཚོགས་རྣམས་ཀྱང༌། །ཐལ་མོ་སྦྱར་ཏེ་གནས་པར་གྱུར། །ཕན་ཚུན་གཅིག་ལ་གཅིག་ལྟ་ཞིང༌། །རྒྱལ་བའི་སྲས་ལ་སྨྲ་བ་ནི། །འགྲོ་བའི་ལྷ་རྫས་
སྐྱེས་བུ་ཡང༌། །མུར་འདུག་བདག་སྨྲ་སྤངས་པ་སྟེ། །ཐུབ་ཅན་ཀུན་གྱི་སྐྱེས་བུ་ནི། །ཐུབ་པའི་ཁྱུ་མཆོག་ཁྱོད་ཀྱིས་བསྟན། །འདས་དང་ད་ལྟར་བྱུང་བ་ཡིས། །སྔོན་བྱས་མ་བྱས་ཐོས་པ་
ནི༑ ༑སྔོན་གྱི་རྒྱལ་བའི་སྲས་རྣམས་ཀྱིས། །ཁམས་དྲུག་སྐྱེས་བུ་དགེ་བའོ། །ཇི་ལྟར་མཁའ་ལ་བྱ་རྗེས་རྣམས། །རྣམ་པར་བཞག་པ་དེ་བཞིན་དུ། །སེམས་ཚོགས་ལྡན་པའི་ཁམས་
ཀྱི་རྣམས། །གཏན་ཚིགས་བཅས་པ་རབ་ཏུ་བསྟན། །ཇི་ལྟར་ཤིང་ལས་མེ་དག་གི །མེ་ལྕེ་གནམ་དུ་གནས་པར་འགྱུར། །བསྲེགས་པ་གཞན་ནི་མ་རྙེད་ཅིང༌། །རླུང་གིས་བབས་
༄༅། །ན་གཏན་མི་འབར། །བྱ་རྗེས་རྣམ་པར་བཞག་པ་ནི། །མཁའ་ལ་གནས་པ་མི་སྣང་སྟེ། །འཁོར་བའི་འཁོར་ལོར་འཁོར་བ་ཡི། །འགྲོ་བའི་སྐྱེས་བུ་སྣང་བ་ཡིན། །
བྱ་རྣམས་རྐང་པས་མི་འདོད་སྟེ། །དེ་དག་སྒྲོ་ཡི་ཤུགས་ཀྱིས་འདོད། །བྱ་ཡི་རྗེས་དང་འདྲ་བ་ནི། །སྐྱེས་བུའི་སྒོ་ནས་རབ་ཏུ་བསྟན། །ལས་ཀྱི་སྐྱེས་བུ་བསྟན་པ་ནི། །འཁོར་རྣམས་རྟག་
ཏུ་འཁོར་བ་སྟེ། །བདེ་དང་སྡུག་བསྔལ་མྱོང་བྱེད་པ། །བྱས་པའི་ལས་ནི་ཆུད་མི་ཟ། །ཇི་ལྟར་ཞིང་པ་རྣམས་ཀྱི་ལས། །འབྲས་བུ་མེད་པར་མི་འགྱུར་ཏེ། །དོན་དང་ལྡན་པ་དེ་དག་
ནི༑ ༑གཞན་ཡང་འོང་ཞེས་རྨོ་བ་མེད། །ལྷ་རྫས་འགྲོ་བའི་སྐྱེས་བུ་ནི། །རྣལ་འབྱོར་ཅན་ལ་རྣལ་འབྱོར་སྟོན། །ལུས་ཅན་ལུས་ཀྱི་ནང་ནས་ཞིང༌། །དེ་ནི་དགེ་བའི་ལས་བྱེད་དོ། །
འདི་དང་ཕྱི་མའི་བདེ་བ་དང༌། །ལྷ་ཡུལ་གནས་པའི་གནས་མཐོང་ཞིང༌། །འཁོར་ལོས་སངས་རྒྱས་རྒྱུར་འགྱུར་བའི། །བསོད་ནམས་རྣམས་ནི་རྟག་ཏུ་བྱེད། །ཐར་དང་ཕ་རོལ་ཕྱིན་
རྣམས་དང༌། །སངས་རྒྱས་བསམ་གཏན་སྤྱོད་ཡུལ་ཀུན། །འགྲོ་བའི་སྐྱེས་བུ་མེད་ན་ནི། །ཀུན་ཀྱང་འབྲས་བུ་མེད་པར་འགྱུར། །ལྷ་ཡི་བདེ་བ་ཐམས་ཅད་དང༌། །དབང་སྒྱུར་
རྣམས་ཀྱི་འབྲས་བུ་དང༌། །དེ་བཞིན་ཉིད་མཐོང་ཐུབ་པ་ཡི། །རྣལ་འབྱོར་རྣམས་ཀྱང་མེད་པར་འགྱུར། །ལས་དང་ལས་ཀྱི་འབྲས་བུ་མཐོང༌། །ལས་རྣམས་དོན་མེད་མ་ཡིན་
ཏེ༑ ༑འོ་དོད་འབོད་ལ་སོགས་པ་དང༌། །མནར་མེད་མཐའ་དང་ལྷ་རྣམས་ཀྱི། །ལམ་གྱི་རྒྱུད་ཀྱང་ཡོད་པ་ཡིན། །འགྲོ་བའི་སྐྱེས་བུ་དེ་ཡོད་ན། །སྲེད་པའི་འཁོར་ལོ་འཁོར་བར་འགྱུར། །
འཁོར་དང་བྲལ་ན་ཐར་པ་སྟེ། །བློ་ཞན་རྣམས་ཀྱིས་མི་ཤེས་སོ། །འཇུག་པའི་སྐྱེས་བུ་མེད་ན་ནི། །མོ་གཤམ་བུ་ཡང་འགྲོ་བར་འགྱུར། །བོང་བུའི་རྭ་ཡང་རྣོ་འགྱུར་ཏེ། །བྱེ་མ་ལས་ཀྱང་ཏི་ལ་
མར་འབྱུང༌། །ཕྱི་དང་ནང་གིས་རྣམས་ནི། །ཕན་ཚུན་སྟོབས་ཀྱིས་བྱུང་བ་སྟེ། །གང་དང་གང་དུ་འགྲོ་བ་དག །དེ་དང་དེ་དག་འགྲོགས་པ་ཡིན། །ལྷ་དང་ལྷ་ཡི་བུ་མོའི་ཚོགས། །དབང་སྒྱུར་
རྒྱལ་བའི་སྲས་རྣམས་དང༌། །དྲི་ཟ་གྲུབ་པའི་རྒྱལ་པོ་དང༌། །སྔགས་འཆད་ཆུང་མའི་ཚོགས་རྣམས་ཀྱང༌། །ཐུབ་ལ་མཆོད་པར་འོས་པ་ཡི། །རྡོ་རྗེ་སྙིང་པོ་སྲས་བཅས་ལ། །མཆོད་
དེ་གསོལ་བ་འདེབས་པར་བྱེད། །ཐམས་ཅད་དགེའོ་དགེ་ཞེས་སྨྲ། །ཉམས་པ་མེད་པའི་ཆོས་ཀྱི་ཚུལ། །རྒྱུ་དང་དཔེ་ཡིས་བརྒྱན་པ་ནི། །གཞན་གྱིས་རྒོལ་བ་འཇོམས་པ་སྟེ། །དཔའ་
པོ་ཆེན་པོ་ཁྱོད་ཀྱིས་བསྟན། །བགབ་ཟུངས་ལྟག་ཆོད་ཚར་གཅོད་པ། །བདག་གི་ཕྱོགས་ཀྱི་ཡོན་ཏན་སྟོན། །ཤེས་རབ་ཅན་གྱིས་བསྟན་དུ་གསོལ། །འགྲོ་བ་འདི་དག་ཉན་པར་
འགྱུར། །ཇི་སྙེད་རྒྱལ་བའི་སྲས་རྣམས་དང༌། །ལྷ་ཡི་རྒྱལ་པོ་ཀུན་ཀྱང་ཉོན། །ཤིན་ཏུ་དཀའ་བའི་བསམ་ཡས་རྒྱུ། །བརྟགས་འདས་རྟོག་དང་བྲལ་བ་ཡི། །རྒྱུ་དང་དཔེ་ཡི་མེ་ཏོག་
༄༅། །སྟེ༑ ༑རྣལ་འབྱོར་རྣམས་ཀྱི་ཐུབ་དགེ་བ། །སྟག་པོའི་རྒྱན་ནི་བཤད་པར་བྱ། །དེ་ནི་ཐུབ་ལ་རྣལ་འབྱོར་སྟོན། །སྟུག་པོའི་རྒྱན་དེ་སྣ་ཚོགས་ཏེ། །སྟུག་ན་
སྤྱོད་པའི་ཐུབ་པ་ཡི། །སངས་རྒྱས་རྣམས་ཀྱི་གནས་ཀྱི་མཆོག། ཐུབ་པ་ཀུན་གྱི་དམ་པའོ། །ས་སྟེང་ཐུབ་པའི་དྲུ་མ་ལ། །རྡོ་རྗེ་སྙིང་པོས་ཡང་སྨྲས་པ། །རྟག་པར་དྲུ་མར་ཁྱོད་ཀྱིས་ཀྱང༌།།
ཆོས་ཀྱི་དངོས་ཉིད་ཤེས་པར་གྱིས། །དངོས་པོ་རྣམས་ཀྱི་རང་བཞིན་ནི། །དངོས་སུ་སྟོང་དམ་རྟག་པ་ཞེས། །འདི་འདྲའི་ལྟ་དང་ལྡན་པ་ཡི། །ཐུབ་པ་རྣལ་འབྱོར་མི་འཁྲུལ་ལོ། །ཆོས་པ་
གཅིག་བུ་རྟོགས་པ་ཡིས། །ཆོས་པར་མངོན་དུ་ཤེས་པ་སྟེ། །དངོས་པོ་ཀུན་གྱི་རང་བཞིན་ཡང༌། །དངོས་པོ་གཅིག་གིས་ཤེས་པར་འགྱུར། །ཇི་ལྟར་ཇི་བཞིན་བསྲུབས་པའི་ཞོ། །སོར་
མོའི་རྩེ་མོས་མངོན་ཤེས་པ། །དེ་བཞིན་དངོས་པོ་ཐམས་ཅད་ཀྱི། །རང་བཞིན་དངོས་པོས་ཤེས་པར་འགྱུར། །དངོས་པོ་ཇི་མེད་སྟོང་པ་ཉིད། །དངོས་པོ་དངོས་པོར་ཡོད་པའང་མེད།།
འདི་དག་ཀུན་གཞི་རྣམ་པ་སྟེ། །སྟོང་ཉིད་ཀུན་གཞི་རྣམ་པའོ། །རྒྱལ་སྲས་དྲུ་མ་འཇིགས་མེད་པས། །རྡོ་རྗེའི་སྙིང་པོ་དེ་ལ་སྨྲས། །ལུས་ཅན་རྣམས་ཀྱི་ཁམས་ཀྱི་མི། །ཇི་ལྟ་བུ་
ན་སེམས་ཙམ་འགྱུར། །འབྱུང་བ་ཆེན་པོ་རྒྱུར་བྱས་ཤིང༌། །འབྱུང་ལས་འབྱུང་བའི་ཇི་ལྟ་བུ། །གཡོ་གཤེར་ཚ་དང་སྲ་བ་ཡི། །ཁམས་རྣམས་ཇི་ལྟར་འབྱུང་བར་འགྱུར། །
རྒྱལ་སྲས་རྡོ་རྗེ་སྙིང་པོ་ཡིས། །དྲུ་མའི་བདག་པོའི་ཚིག་ཐོས་ནས། །མི་འམ་ཅི་བདག་ཁྱོད་དགེ་སྟེ། །ཁྱོད་ནི་དགེའོ་ཡང་དགེའོ། །རྣལ་འབྱོར་ཅན་གྱི་སྙིང་པོའི་མཆོག། །ཡིད་འོང་བྱེད་པ་
གང་དྲིས་པ། །སེམས་ཀྱི་སྐྱེ་བུའི་ལུས་ཅན། །ཁམས་རྣམས་སྐྱེ་འགྱུར་ཇི་ལྟ་ཞེས། །དེ་ཕྱིར་དབང་སྒྱུར་རྒྱལ་སྲས་ལ། །དེ་ནི་དགེ་བ་བཤད་པར་བྱ། །དེ་བས་མི་འམ་ཅི་ཡི་བདག །པི་
ཝང་སློབ་དཔོན་བདག་ལས་ཉོན། །ཇི་ལྟར་མི་འམ་ཅི་ཡི་བདག །ཁྱོད་དང་མི་ཅི་མང་བཅས་པ། །སྙེམས་བྲལ་མང་པོ་སྣ་ཚོགས་ཀྱིས། །ནམ་མཁའ་ལས་ནི་རབ་འདོང་ཞིང༌། །རྒྱལ་བ་
ཉན་ཐོས་ཚོགས་འཁོར་དུ། །པི་ཝང་སྒྲ་དབྱངས་སྙན་བླངས་པས། །ཐུབ་པ་དྲུ་མ་ལྟོས་ཤིག་ཅེས། །ཕན་ཚུན་གཅིག་ལ་གཅིག་ཀྱང་གསུང༌། །སྙེམས་བྲལ་མང་པོ་སྣ་ཚོགས་ན།།
མི་འམ་ཅི་དང་འགྲོགས་རྩེ་ཞིང༌། །པི་ཝང་བཻཌཱུཪྻས་སྤྲ་པ། །ལེན་ཅིང་མཁའ་ལ་འགྲོ་བའི་སྟེ། །པི་ཝང་ཡིད་འོང་ཤིན་ཏུ་སྙན། །དབྱངས་ཀྱིས་ཡོངས་སུ་སྦྱང་བ་དེ། །མིའང་ཅི་ཡི་
བདག་པོ་ཡིས། །རབ་ཏུ་བླངས་པར་བྱས་པའི་ཚེ། །ཉན་ཐོས་རྣམས་ཀྱང་གར་བྱེད་དེ། །ཉན་ཐོས་དེ་དག་གྱུར་བ་དེ། །རྒྱལ་སྲས་རྣམས་ཀྱི་མཐོང་བ་དང༌། །འོད་སྲུང་རྣལ་འབྱོར་བཟང་
ཅན་དང༌། །ལྷ་ཡི་ཅོད་པན་ལ་སྨྲས་པ། །རྣམ་རྟོག་མེད་པའི་སྒྲ་དབྱངས་ཀྱི། །པི་ཝང་སྒྲ་ནི་བསྒྲགས་པ་ཡིས། །འདོད་ཆགས་བྲལ་ཅི་ཕྱིར་གར། །འོད་སྲུང་ཁྱོད་ཀྱིས་དེད་ལ་སྟོན། །
༄༅། །རྒྱལ་སྲས་སྟོབས་ཆེན་དམུ་རླུང་བཞིན། །རི་དྭགས་རྣམས་དང་འདྲ་བ་ནི། །ཉན་ཐོས་གཡོ་བའི་བློ་ཅན་རྣམས། །བག་ཆགས་འདམ་གྱི་དྲི་མ་ཅན། །ཉོན་
མོངས་རྣམ་རྟོག་བྱུང་བས་མནར། །ཡང་དག་སངས་རྒྱས་སྐུ་རྙེད་ནས། །བདག་ཆགས་དྲི་མ་ཡོངས་བསལ་ཏེ། །བདག་མེད་གཉིས་ཀྱིས་ཡོངས་དག་ཅིང༌། །ཤེས་བྱ་སྒྲིབ་པའི་དྲི་
མེད་ན། །སེམས་ཀྱི་ཁམས་ལས་གཞན་གྱུར་པ། །དེ་བཞིན་གཤེགས་པར་རབ་ཏུ་འགྱུར། །ཁྱོད་ནི་དབང་ཆེན་ཕྲ་ཡུལ་ལྡན། །ཤེས་རྒྱ་ཆེ་ཞིང་གཙུག་ལག་མཁས། །དབང་
པོ་འཇིག་རྟེན་ཕྱོལ་བ་ཡི། །གཙུག་ལག་མཚན་ལ་ཁྱོད་གནས་ཏེ། །མིའམ་ཅི་ཡི་གཙུག་ལག་ཀྱང༌། །དེ་བཞིན་གཤེགས་པའི་རྣལ་འབྱོར་དགེ། ས་ཡི་མཚན་ཉིད་མཁས་
བྱ་ལ། །བསླབ་སྟེ། ཟླ་བ་བཞིན་གནས་པ། །མི་འམ་ཅི་ཡི་དབང་པོ་ཁྱོད། །ས་དང་ཞིང་རྣམས་བྱེ་བར་མཛེས། །ཁྱོད་ནི་དེ་ལྟར་རྣམ་མཛེས་ཞིང༌། །ཐུབ་ཅན་དབང་སྒྱུར་ཚོགས་
དབུས་སུ། །ཁམས་ཀྱི་སེམས་ལས་སྐྱེས་པའི་མི། །ཁོ་བོ་ལ་ནི་སྲས་ཀྱིས་དྲིས། །མཉམ་སེམས་མཉམ་པར་བཞག་པ་ཡིས། །ཐམས་ཅད་ལྷན་ཅིག་མཉན་པར་གྱིས། །
ཁམས་རྣམས་གང་དུ་ཅི་ཚུལ་གང༌། །སེམས་སུ་གྲགས་པའི་སྐྱེས་བུ་ལ། །རྒྱུ་རྣམས་གང་གིས་འབྱུང་བ་ཡི། །དེ་ཚུལ་བདག་གིས་བསྟན་པར་བྱ། །ཆུ་ནི་རླན་རྣམས་སྐྱེད་
པར་བྱེད། །དྲོད་ནི་མེའོ་སྲ་བ་ས། །གདེག་ལ་སོགས་པའི་བྱ་བ་རྣམས། །རླུང་གི་ཁམས་ཀྱིས་ཀུན་ནས་རྩོམ། །གཟུགས་ལ་སོགས་པའི་ས་མཚམས་ནི། །ནམ་མཁའ་ཀུན་ནས་རྩོམ་
པར་བྱེད། །རྣམ་ཤེས་སྣ་ཚོགས་ཡུལ་ཅན་ནི། །བག་ཆགས་རྣམས་ཀྱིས་རབ་ཏུ་བསྐྱེད། །སྲིད་ཀྱི་མཚམས་དང་མིག་དག་གིས། །སྐྱེ་བའི་སྒོ་རྣམས་བྱེད་པ་ནི། །གཟུགས་ལ་སོགས་
པའི་ཚོགས་ཀུན་ཏེ། །རྒྱལ་པོ་མཚན་ནི་རྣམ་པ་མང༌། །ནོར་བུ་རིན་ཆེན་སྣ་ཚོགས་གནས། །དབང་སྒྱུར་ཕོ་བྲང་བཟང་པོ་ན། །རྣལ་འབྱོར་ལྡན་ཆེན་ཤུགས་འཛིན་པ། །རྒྱལ་སྲས་
རྣམས་ཀྱིས་མདུན་བདར་ཅིང༌། །སོ་སོའི་སྟན་ལས་ཀུན་ལངས་ཏེ། །ཡང་དང་ཡང་ཞིང་ཕྱག་འཚལ་ནས། །རིམ་གྲོར་རྡོ་རྗེའི་སྙིང་པོ་ལ། །མཆོད་པའི་དམ་པས་མཆོད་པ་བྱེད། །རིན་
ཆེན་དྲ་བས་སྟེང་བཀབ་ཅིང༌། །ཡང་དང་ཡང་དུ་གསོལ་བ་བྱེད། །དགེའོ་དགེའོ་ཡང་དགེ་སྟེ། །དགེ་བ་ལྡན་པ་རབ་གནས་ཞིང༌། །ཆོས་ཀྱི་སྤྲིན་གྱི་ཚུལ་རྙེད་ནས། །སངས་རྒྱས་
ས་ལ་རབ་བཞུགས་ཏེ། །དབང་སྒྱུར་རྒྱལ་བའི་སྲས་རྣམས་ལ། །སངས་རྒྱས་ཡུལ་རྣམས་རབ་ཏུ་བསྟན། །རྒྱལ་པོ་ལྷ་མོ་བཅས་པ་ཡིས། །དེ་ནས་ཡང་དུ་མཆོད་བྱས་ཏེ། རྣལ་
འབྱོར་ཆེ་ཅན་དགེའོ་དགེ། །རྡོ་རྗེའི་སྙིང་པོ་འཇིགས་མེད་པ། །ལྷ་རྫས་དེ་བཞིན་གཤེགས་པ་ཡི། །ཆོས་དེ་བདག་ལ་བསྟན་པས་ན། །ནོར་བུ་རིན་ཆེན་སྣ་ཚོགས་ནས། །
༄༅། །བཀྲ་ཤིས་གཙང་བར་རབ་ཏུ་བྱས། །ཐུབ་ལྡན་འཕགས་པ་སྤྱན་རས་གཟིགས། །བློ་གྲོས་ཆེན་པོ་བྱམས་པ་དང༌། །བློ་གྲོས་མི་ཟད་མཐུ་ཆེན་དང༌། །
འཇམ་དཔལ་རྣམ་པར་འཕྲུལ་བ་དང༌། །ལྷ་ཡི་ཅོད་པན་རྣལ་འབྱོར་བདག། ཤུགས་འཛིན་དྲུ་མ་བློ་གྲོས་དང༌། །གཟུགས་ཀྱི་དབང་པོའི་རྒྱལ་པོ་དང༌། །རིན་ཆེན་གཙུག་ཕུད་
འཕྲུལ་ཆེན་དང༌། །ཡང་དག་ཇི་བཞིན་མཐོང་བ་དང༌། །མཚེ་མའི་རབ་དང་འགྲོ་འཛིན་དང༌། །རྣལ་འབྱོར་སློབ་དཔོན་རྣལ་འབྱོར་ཆེ། །རྣལ་འབྱོར་ཅན་ལ་སེམས་སྟོན་པ། །ཐུབ་
པ་ཐམས་ཅད་དོན་གྲུབ་པ། །ཐུབ་སྲས་འཇིགས་པ་མེད་པའི་རྣམས། །འདི་དག་གཞན་ཡང་མང་པོ་སྟེ། །རྒྱལ་བའི་སྲས་པོ་འཕྲུལ་ཆེན་རྣམས། །སོ་སོའི་སྟན་ལས་ཀུན་ལངས་
ནས། །དེ་དག་གཅིག་ལ་གཅིག་བལྟས་ཏེ། །རྡོ་རྗེའི་སྙིང་པོ་དེ་ལ་སྨྲས། །ཆོས་ཀྱི་ཚུལ་ནི་བསྟན་པར་གྱིས། །ཁྱོད་ནི་རྒྱལ་དབང་བྱིན་གྱིས་བརླབས། །རྒྱལ་སྲས་རྣམས་
ཀྱིས་རབ་ཏུ་མཆོད། །ས་ཡི་མཚན་ལ་མཁས་པ་ཡང༌། །ཁྱོད་ལ་ཐམས་ཅད་ཤིན་ཏུ་གནས། །ཁྱོད་ལ་གསོལ་བ་འདེབས་པ་ནི། །རྒྱལ་སྲས་སྟོབས་ཆེན་ཐམས་ཅད་དང༌། །རྣལ་
འབྱོར་ཅན་དང་རྣལ་འབྱོར་བདག། །སྔགས་འཆང་བུད་མེད་ཐམས་ཅད་དོ། །རྒྱལ་བ་རྣམས་དང་རྒྱལ་སྲས་དང༌། །འཇིག་རྟེན་རྣམས་ཀྱི་ངོ་མཚར་གཞི། །མདོ་སྡེ་ཀུན་གྱིས་
དྲི་མེད་ཅིང༌། །བསྟན་དང་བཀླག་པ་རྣམས་སྤངས་པ། །སྟུག་པོའི་རྒྱན་འདི་བསྟན་པའི་ཕྱིར། །རྣལ་འབྱོར་བདག་ཁྱོད་སྤོབས་པར་གྱིས། །སྤྲུལ་པས་བཤད་པ་སྤངས་པ་སྟེ། །དེ་བཞིན་གཏམ་
དང་སྤྲུལ་པས་ཀྱང༌། །ཟག་པ་མེད་པའི་ཆོས་ཀྱི་དབྱིངས། །སོ་སོ་རང་རིག་སྤྱོད་པའི་ཡུལ། །ལྷ་རྫས་མཐོང་བའི་ཆོས་ལ་བདེ། །འཕགས་པ་རྣམས་ལ་དེ་སྟོན་ཅིག། ཕུང་པོ་ལྷག་མ་མ་ལུས་
པར། །གཏུགས་པའི་ཆོས་ཀྱི་དབྱིངས་སྟོན་ཅིག། ཏིང་ངེ་འཛིན་དང་གཟུངས་ཀྱི་རྣམས། །རྣམ་པར་ཐར་དང་དབང་རྣམས་དང༌། །ཡིད་བཞིན་རྣམ་པ་བཅུ་པོ་ཡི། །ལུས་ཀྱི་ཚོགས་ཀྱང་
བསྟན་པར་གྱིས། །སངས་རྒྱས་རྣམས་ཀྱི་བསམ་ཡས་དང༌། །མགོན་པོ་རྣམས་ཀྱི་ཞིང་གི་རྒྱན། །རྒྱལ་བ་རྣམས་དང་རྒྱལ་སྲས་ཀྱི། །རྡུལ་ཕྲན་བཞིན་གྱི་སྐུ་ཕྲ་དང༌། །སྐྲ་རྩེ་བརྒྱ་ཆར་ཕྲ་བ་
དག །རྒྱལ་སྲས་ཁྱོད་ཀྱིས་བཤད་པར་གྱིས། །བསྟན་དང་བཀླག་དང་རྣམ་བྲལ་ཞིང༌། །བརྗོད་པས་རྣམ་པར་སྤངས་པ་ཡི། །སྟུག་པོ་ཞིང་གི་དམ་པ་དེར། །ཅི་ནས་ཐུབ་པ་འདོང་བའི་
ཕྱིར། །རྣལ་འབྱོར་མཁས་པས་སེང་གེ་ལྟར། །ཐུབ་པས་དེ་དག་ཀུན་བལྟས་ཏེ། འགྲོ་བའི་ཚོགས་རྣམས་ཐམས་ཅད་ལ། །བརྟགས་པར་མི་ནུས་བརྟག་བྲལ་བའི། །ཆོས་ཚུལ་
རབ་ཏུ་བསྟན་པར་བྱ། །བློ་ཡི་མཐུ་ཡང་ཀུན་བརྟགས་ན། །རྣལ་འབྱོར་ཅན་དག་ཆོས་ཀྱི་ཚུལ། །སྔོན་གྱི་གཞུང་ལུགས་ཉན་ནུས་པས། །ཚངས་པའི་སྒྲ་དང་དབྱངས་སུ་སྟེ། །ཀ་ལ་པིངྐའི་
༄༅། །སྒྲ་སྐད་དུ། །རྒྱ་ཆེན་ལྕེ་ཡིས་རབ་སྙན་པར། །རྡོ་རྗེའི་སྙིང་པོས་ཤིན་ཏུ་བཤད། །སེང་གེ་རོ་སྟོད་ལུས་འཆང་བ། །མཚན་རབ་སུམ་ཆུ་རྩ་གཉིས་དང༌། །
དཔེ་པྱད་བཟང་པོས་བརྒྱན་པའི་ལུས། །རྡོ་རྗེའི་སྙིང་པྶ་ཤིན་ཏུ་བསྟན། །ཀི་མ་ཀའི་སྒྲ་ལ་མཁས་པས་ན། །སྒྲ་ཡི་མཚན་ཉིད་གྲགས་པ་ཡིས། །མདོར་ན་དེ་ཡི་ཉིས་གྱུར་ཏུ། །
རྒྱལ་སྲས་དེ་ནི་ཤིན་ཏུ་སྟོན། །སང་སང་དག་པ་དབྱངས་ལ་སོགས། །མཐོང་ཞིང་རིང་པའི་སྒྲ་སྐད་དང༌། །གན་ད་ར་དང་རན་ལྡན་པར། །རྒྱལ་བའི་སྲས་པོས་རབ་ཏུ་བསྟན། །
རྀ་ཥ་བྷ་དང་དྷེ་བ་ཏ། །ཥཌྫ་ཀེ་ཤི་ལྔ་པོ་ཡི། །སྒྲ་སྐད་མཚན་ཉིད་ལྡན་པ་ཡིན། །དབྱངས་ཀྱིས་ཐུབ་པ་རྣམ་པར་གསུངས། །རིང་དང་དལ་བ་མེད་པའི་ཚིག །ཟབ་ཅིང་སྙན་
པའི་སྒྲ་དབྱངས་ཏེ། །མཚན་ཉིད་མཁས་དང་དྲི་ཟ་ལ། །དེ་བཞིན་སིམ་པར་བྱེད་པ་ཡི། །ཚིག་གི་ཡོན་ཏན་ལྡན་པའི་ཚིག། རྡོ་རྗེ་སྙིང་པོས་བརྗོད་པ་ནི། །ལྷུན་གྱིས་
གྲུབ་པར་བྱས་པ་སྟེ། །སྤྲུལ་པའི་བཞིན་དུ་འབྱུང་བ་ཡིན། །ཐུབ་སྲས་རྡོ་རྗེའི་སྙིང་པོ་ནི། །ཅི་ཡང་བརྗོད་པར་མི་བྱེད་པར། །ཐམས་ཅད་ཡན་ལག་མཚན་གྱི་སྒྲ། །
ཡན་ལག་རྣམས་ལ་མངོན་པར་འགྱུར། །སྨིན་མ་དཔྲལ་བ་སྤྱི་བོ་དང༌། །ཕྲག་པ་སྣ་རྩེ་ཕྱིན་པ་ལས། །ཆོས་ཀྱི་ཚུལ་རྣམས་རབ་སྟེ་ན་ཅིང༌། །དགེ་བའི་སྒྲ་རྣམས་བྱུང་པར་
གྱུར། །རྡོ་རྗེ་སྙིང་པོ་ཐུབ་པ་ཡི། །སྨོན་ལམ་ལེགས་ལས་འབྱུང་བ་སྟེ། །བྲེ་མོའི་ངང་བའི་རྒྱལ་པོ་བཞིན། །རྒྱལ་བའི་སྲས་རྣམས་ཀུན་ནས་འདུས། །དབང་སྒྱུར་ཕོ་བྲང་བཟང་པོ་ན། །
ཐམས་ཅད་གཟུགས་ཀྱི་རིན་ཆེན་བཞིན། །དཔའ་ཆེན་རྡོ་རྗེའི་སྙིང་པོ་དེ། །རྣམ་པར་མཛེས་ལ་ཀུན་ལྟའོ། །སྐར་མའི་དབང་པོ་སྐར་མ་དེ། །གཟའ་ཡི་དབུས་ན་མཛེས་པ་
བཞིན། །རྡོ་རྗེའི་སྙིང་པོ་རྣལ་འབྱོར་ཅན། །དམ་པའི་སྟན་ལ་རྣམ་པར་མཛེས། །ཇི་ལྟར་སྐར་མའི་དབང་པོ་དང༌། །ཟླ་བའི་འོད་དུ་བྱེ་བྲག་མེད། །དེ་བཞིན་རྡོ་རྗེའི་སྙིང་པོ་དང༌། །
རྒྱལ་བ་རྣམས་སུ་ཁྱད་པར་མེད། །ཡང་དག་ཇི་བཞིན་དོན་མཐོང་བའི། །རྒྱལ་བའི་སྲས་པོ་སྟོབས་པོ་ཆེ། །རྣལ་འབྱོར་ཅན་དང་ཐུབ་པའི་མཆོག །རྣལ་འབྱོར་སྤྱོད་པའི་ལམ་
གནས་པ། །སྟན་ལས་ལེགས་པར་ལྡང་བྱས་ཤིང༌། །རྒྱལ་སྲས་རྣམས་ལ་མངོན་བལྟས་ནས། །ཚིག་དགེ་རྣམ་པར་སྨྲས་པ་ནི། །ཀྱེ་མ་ཐེག་ཆེན་ཐེག་པ་ནི། །སངས་རྒྱས་སྤྱོད་
ཡུལ་བསམ་མི་ཁྱབ། །དེ་ལ་གནས་ཤིང་རྒྱལ་སྲས་དང༌། །རྒྱལ་བ་བསམ་གྱིས་མི་ཁྱབ་སྟོན། །བྱེ་བའི་ཞིང་བཞུགས་རྒྱལ་བ་དང༌། །རྒྱལ་སྲས་དེ་དག་ཐམས་ཅད་ཀྱང༌། །
དྲི་མེད་བསམ་གྱིས་མི་ཁྱབ་ཆོས། །དགོངས་པས་ཕྱག་བྱ་འོས་པ་ཡིན། །ཐེག་པ་ཆེན་པོའི་ཚུལ་དགེ་ནི། །མཆོག་ཏུ་ཕྲ་ཞིང་དཀོན་པ་སྟེ། །གཞན་དུ་གྱུར་པའི་ཚུལ་གྱི་
༄༅། །མཆོག །རྟོག་པ་ཅན་གྱི་ཡུལ་མ་ཡིན། །རྣམ་པར་ཤེས་པ་བརྒྱད་ཀྱི་ཡུལ། །རང་བཞིན་རྣམས་ལ་ཁྱད་པར་བྱེད། །བདག་མེད་ཉིད་ནི་ལྔ་པོ་ཡི། །
དེ་བཞིན་ཁྱད་པར་བྱེད་པས་ན། །བག་ཆགས་སྤྲོས་པས་འཕངས་པ་དེ། །ཡུན་རིང་གནས་ངན་ལེན་པ་དང༌། །སེམས་དང་སེམས་ལས་བྱུང་ལྡན་ཞིང༌། །རྣམ་ཤེས་རྣམས་
ལས་རབ་ཏུ་བྱུང༌། །ལྷ་རྫས་ཚུལ་འདི་མཐོང་བ་དང༌། །གསེར་བཞིན་རྣམ་པར་བྱང་བར་འགྱུར། །རྣམ་དག་རིགས་ལ་གནས་པ་དག། །སངས་རྒྱས་རིགས་སུ་དེ་དག་
འགྱུར། །དེ་བཞིན་གཤེགས་པའི་ལྷ་རྫས་རིགས། །མུར་འདུག་ཉན་ཐོས་རྣམས་སྤངས་པ། །ཐོབ་ནས་སངས་རྒྱས་ཞིང་གི་མཆོག། སྟུག་པོར་དེ་བཞིན་འདོང་བར་
འགྱུར། །ཏིང་འཛིན་འདི་ཡི་ཡུལ་ནི་གང༌། །ཏིང་འཛིན་འདི་ཡི་མིང་ཡང་ཅི། །རྡོ་རྗེའི་སྙིང་པོས་གང་ཐོབ་ཕྱིར། །ཚུལ་དགེ་འདི་ནི་སྟོན་པར་འགྱུར། །རྡོ་རྗེའི་སྙིང་པོའི་
རྐང་གཉིས་ལ། །ཐུབ་པ་རྣམས་ཀྱིས་ཕྱག་བྱས་ནས། །རྡོ་རྗེའི་སྙིང་པོ་འཇིགས་མེད་ཀྱི། །རྡོ་རྗེའི་བློ་ལ་བཤད་པར་མཛོད། །ཏིང་འཛིན་ཡུལ་ནི་གང་ཞིག་ཡིན། །ཏིང་འཛིན་འདི་ཡི་མིང་
ཡང་ཅི། །གང་ལ་གནས་ཤིང་ཚུལ་འདི་ཡང༌། །རྒྱལ་སྲས་ཁྱོད་ནི་བཤད་པ་མཛད། །རྒྱལ་བའི་སྲས་རྣམས་ཉན་པར་འདོད། །དབང་སྒྱུར་བདག་ཀྱང་དེ་བཞིན་ནོ། །རྡོ་རྗེའི་སྙིང་
པོ་འཇིགས་མེད་ཀྱིས། །འཁོར་དུ་འདུས་པ་ཐམས་ཅད་དང༌། །ཚུལ་འདི་བསམ་གྱིས་མི་ཁྱབ་དང༌། །རྒྱལ་བའི་སྲས་ཀྱི་མཐུ་སྟོབས་དང༌། །བློ་ལ་འཛིན་པའི་མཐུ་ཀུན་དང༌། །ནུས་སམ་མི་
ནུས་ཞེས་བལྟས་ནས། །བློ་འཛིན་མཐུ་ལྡན་མཐོང་བ་དང༌། །རྒྱལ་སྲས་ཐམས་ཅད་མཐུ་ལྡན་གྱིས། །ཐམས་ཅད་མ་འགྱུར་མཉན་པར་བྱོས། །གཞན་དུ་གྱུར་པའི་ཚུལ་དགེ་བ། །
དབང་སྒྱུར་ལྷ་ཡུལ་གནས་པ་དང༌། །ཐུབ་པ་རྣམས་ལ་བཤད་པར་བྱ། །ཐེག་པ་ཆེན་པོ་འོད་ཅན་གྱི། །ཏིང་འཛིན་ཡུལ་ནི་འདི་ཡིན་ཏེ། །དེ་ལ་གནས་ཤིང་རྒྱལ་སྲས་རྣམས། །
ཚུལ་དགེ་རབ་ཏུ་སྟོན་པར་བྱེད། །བྱེད་བའི་ཞིང་རྣམས་རབ་ཏུ་མཐོང༌། །དེ་དག་མགོན་པོ་དེ་བཞིན་ནོ། །རྡུལ་གྱི་མཐའ་མར་ཐུག་པ་རྣམས། །དེ་དག་རང་གི་ཞལ་སྟོན་ཏོ། །
དགེའོ་དགེ་ཞེས་རབ་ཏུ་གསུང༌། །འདི་ལ་རྣལ་འབྱོར་བཟང་ལྡན་ལམ། །ལམ་འདིས་ངེད་རྣམས་ཐམས་ཅད་ཀྱང༌། །ཏིང་ངེ་འཛིན་ལ་དབང་སྒྱུར་བ། །ཐོབ་ནས་སངས་རྒྱས་
དྲི་མེད་གྱུར། །གང་ཡང་སངས་རྒྱས་ཏིང་འཛིན་སྐྱེས། །ཐེག་པ་ཆེན་པོ་སྣང་བ་ཡི། །ཏིང་ངེ་འཛིན་གྱི་ཕྲ་སེམས་པ། །དེ་ལ་གནས་ཤིང་རྒྱལ་སྲས་དང༌། །རྒྱལ་བ་བསམ་
ཡས་སྤྱོད་ཡུལ་ཅན། །སྤྲུལ་པ་བྱེ་བ་མང་པོ་ཡིས། །སོ་སོ་རང་རིག་སྤྱོད་ཡུལ་གྱིས། །ཏིང་འཛིན་སངས་རྒྱས་མཐོང་བ་ནི། །ཤིན་ཏུ་ཕྲ་བའི་རྡུལ་སྙེད་དོ། །སོ་སོ་རང་གིས་
༄༅། །རིག་ཚུལ་ནི། །གང་ལ་སངས་རྒྱས་གནས་པ་ཡིན། །ཆོས་འདི་མཚན་མ་མེད་པ་སྟེ། །སྒྲ་དང་གཟུགས་ཀྱིས་རྣམ་པར་སྤངས། །མིང་ནི་མཚན་མས་
བསྐྱེད་པ་ཡིན། །མཚན་མ་རྐྱེན་ལས་བྱུང་བ་སྟེ། །རྣམ་པར་རྟོག་པ་གཉིས་ལས་སྐྱེས། །ཆོས་རྣམས་ཀྱི་ནི་དེ་བཞིན་ཉིད། །དེ་ནི་ཡང་དག་སུས་མཐོང་བ། །དེ་ཡི་ཡེ་ཤེས་ཡང་
དག་མཚོན། །རང་བཞིན་བརྟགས་པ་མིང་ཡིན་ཏེ། །མཚན་མ་གཞན་གྱི་དབང་ལས་བྱུང༌། །མིང་དང་མཚན་མ་མེད་པ་ན། །རང་བཞིན་དོན་གྱི་དམ་པ་ནི། །ཐམས་
ཅད་ལུས་ལ་ཀུན་ནས་གནས། །ཀུན་གཞི་དེ་ཕྱིར་འབྱུང་བ་སྟེ། བག་ཆགས་རྣམས་ཀྱི་རི་ཁྲོད་གནས། །ཡིད་ཀྱི་གནས་ངན་ལེན་གྱིས་གཡོགས། །ཡིད་ཀྱི་རྣམ་ཤེས་
སྤྱོད་པ་ཡིས། །ཡིད་ནི་ཕྱིན་ཕྱོགས་རྒྱས་པར་བྱས། །རྣམ་ཤེས་ལྔ་པོ་ཡུལ་ཅན་དག། འབྱུང་ཞིང་ཕྱིར་ཡང་ལྡོག་པ་ཡིན། །རྣམ་ཤེས་ལྔ་ཡི་ཡུལ་རྣམས་ནི། །སེམས་
ཅན་བཞིན་གནས་ལུས་ཅན་ལ། །ཀུན་གཞིར་གྲགས་པའི་ཆུ་ཀླུང་ལས། །དཔའ་རླབས་བཞིན་དུ་རབ་ཏུ་འགྱུར། །རྣམ་ཤེས་ཀུན་གཞི་མཚོར་གནས་པ། །བག་ཆགས་
རྣམས་ཀྱིས་བརྙོགས་པའི་རྣམས། །ཡུལ་གྱི་རླུང་གིས་བསྐྱོད་པ་དག །རྣམ་པར་རྒྱུན་ཆད་མེད་པར་རྒྱུ། །ཆོས་ལ་བདག་མེད་མཁས་པ་ཡི། །སངས་རྒྱས་རྣམས་དང་སངས་
རྒྱས་སྲས། །བདེ་བར་གཤེགས་པའི་གནས་འཐོབ་སྟེ། །མངོན་སངས་རྒྱས་ཤིང་ཆོས་སྟོན་ཏོ། །ཕུང་པོ་གང་ཟག་བདག་མེད་པར། །རབ་ཏུ་རྣམ་ཕྱེ་མཐོང་གྱུར་ཅིང༌། །ཆོས་ཀྱི་དངོས་ཡོད་
མ་བཤིག་པར། །ཉན་ཐོས་དེ་དག་མངོན་རྟོགས་འགྱུར། །བདག་མེད་གཉིས་ལ་མཁས་པ་ཉིད། །རྒྱལ་བའི་སྲས་རྣམས་སྒོམ་པར་བྱེད། །རྣམ་པར་བསྒོམས་ཤིང་སྤོང་པ་ནི། །ཚུལ་
བཞིན་བཞིན་དུ་ཡང་དག་མཐའ། །ཡང་དག་མཐའ་ཡི་བདེ་མྱོང་ཞིང༌། །སྙིང་རྗེ་མེད་པའི་སྲས་རྣམས་ནི། །སེམས་ཅན་དགོངས་པའི་རྒྱུན་བཅད་པས། །དེ་དག་སངས་རྒྱས་མི་
འཐོབ་བོ། །བསམ་ཡས་ཀྱེ་མ་ཡེ་ཤེས་འདི། །སེམས་ཅན་རྣམས་ཀྱི་བདེ་བ་སྐྱེད། །མཁྱེན་ཅིང་རྒྱལ་བ་རྒྱལ་སྲས་རྣམས། །བློ་ཆུང་རྣམས་ལ་ཚུལ་སྟོན་ཏོ། །ཇི་ལྟར་འདམ་ལས་འབྱུང་
བ་ཡི༑ ༑དགེ་བའི་མཚན་ལྡན་པདྨོ་དག །ཐུབ་པ་རྣམས་དང་ལྷ་དག་གི། ཉེ་བའི་ལོངས་སྤྱོད་རྒྱུ་ཡིན་ནོ། །དེ་བཞིན་འཁོར་བའི་འདམ་མཚོ་ལས། །རྒྱལ་བའི་སྲས་རྣམས་འབྱུང་
བ་ནི༑ ༑སངས་རྒྱས་དྲི་མེད་རབ་རྙེད་ཅིང༌། །ལྷ་ལ་ཡིད་དུ་འོང་བ་ཡིན། །བྱང་ཆུབ་སེམས་དཔའ་མི་རྣམས་དང༌། །ལྷ་ཡི་ཁྲོད་དུ་ཁྱད་པར་དུ། །རྒྱལ་པོའི་ཁྱུ་མཆོག་འགྱུར་བ་སྟེ། །
འཁོར་ལོ་ཅན་དུ་ཁྱད་པར་དུའོ། །ལྷ་ཡུལ་གནས་པའི་བདག་པོ་དང༌། །དྲི་ཟ་རྣམས་ཀྱི་དེ་བཞིན་ཏེ། ཐེག་ཆེན་ཡོན་ཏན་ལྡན་པ་ཡི། །ལུས་ཅན་རྣམས་ཀྱིས་རྟག་ཏུ་འཐོབ། །དེ་
༄༅། །ཕྱིར་རྒྱལ་བའི་སྲས་རྣམས་ཀྱིས། །ཐེག་པ་ཆེ་ལ་བརྩོན་པར་གྱིས། །མཐར་གྱིས་བདེ་གཤེགས་གནས་རབ་དང༌། །རྒྱལ་པོ་དག་ཏུའང་འགྱུར་བར་
འོང༌། །ཀུན་ནས་ཉོན་མོངས་ཆོས་རྣམས་དང༌། །རྣམ་པར་བྱང་བའི་ཡོད་པ་ཀུན། །རྟག་ཏུ་ལུས་ཅན་ཐམས་ཅད་ཀྱི། །ས་ལ་ཀུན་གཞི་འབྱུང་བ་ཡིན། །སྤྱི་དང་རྒྱུ་རྣམས་ལྷན་
ཅིག་གམ། །འོན་ཏམ་སྤྱི་དང་དབང་པོས་ཀྱང༌། །གཙོ་བོ་རྐྱེན་དང་རྒྱུ་རྣམས་ཀྱིས། །འཇིག་རྟེན་རབ་ཏུ་བསྒྲུབ་པ་བྱས། །ཁྱད་པར་ཅན་གྱི་རྒྱུ་བརྗོད་པ། །ཅི་ནས་འབྱུང་བར་
འགྱུར་བ་སྟེ། །རྒྱུ་མེད་རང་ཡང་མེད་པར་འགྱུར། །བྱ་མེད་བྱེད་པའང་མེད་པར་འགྱུར། །རྣམ་པར་བྱང་དང་ཐ་མི་དད། །ཀུན་གཞི་ཐ་དད་འགྱུར་བ་མིན། །དེ་སྟེ་རྣམ་
བྱང་ཐ་དད་ན། །ཀུན་གཞི་རྟག་པ་མ་ཡིན་འགྱུར། །སྔོན་མེད་འཇིག་མེད་རྟག་པ་སྟེ། །མཐའ་གཞི་རྣམ་པར་སྤངས་པ་ཡིན། །དེ་བཞིན་གཤེགས་པའི་སྙིང་པོ་
དག །སྤྲུལ་པ་ཡེ་ཤེས་སྒྲར་ཡང་གྲག །ཕན་ཚུན་སྙིང་པོ་ཐ་མི་དད། །དེ་ནི་སོར་གདུབ་བཞིན་དུ་གནས། །ས་རྣམས་སྣ་ཚོགས་ཀུན་གཞི་སྟེ། །བདེ་གཤེགས་སྙིང་པོ་
དགེ་བའང་དེ། །སྙིང་པོ་དེ་ལ་ཀུན་གཞི་སྒྲས། །དེ་བཞིན་གཤེགས་པ་སྟོན་པ་མཛད། །སྙིང་པོ་ཀུན་གཞིར་བསྒྲགས་པར་ཡང༌། །བློ་ཞན་རྣམས་ཀྱིས་མི་ཤེས་སོ། །
གསེར་མགར་མཁས་པས་རྣམ་དག་གི །གསེར་ལས་སོར་གདུབ་བྱས་པ་ནི། །སོར་མོ་རྣམས་ལ་རྣམ་པར་མཛེས། །ཕན་ཚུན་ཐ་དད་མཚན་ཡིན་ཏེ། །སོར་གདུབ་ཅེས་ཀྱང་བརྗོད་
མོད་ཀྱི་།ལས་ཀྱི་མཁན་པོས་ཡོངས་བསྒྱུར་པས། །གསེར་ནི་གཟུགས་བཞིན་རབ་ཏུ་གནས། །ཆོས་མཐོང་རྣལ་འབྱོར་ལྡན་པ་ཡི། །སེམས་དང་རྣམ་པར་ཤེས་པའི་ཡུལ། །བདུན་
པའི་ས་ནི་རྙེད་པ་དང༌། །འབྱུང་བ་ལས་ཀྱང་རྣམ་པར་ལྡོག། །འཕགས་པ་མཐོང་བའི་ཆོས་ལྡན་གྱི། །སོ་སོ་རང་གིས་མཐོང་བ་དང༌། སྤྱི་དང་བདག་གི་ལེགས་འཕགས་པ། །ཐམས་
ཅད་བརྗོད་པར་མི་ནུས་སོ། །ཇི་སྙེད་ཡུལ་ཡོད་ཅི་ཡང་རུང༌། །སེམས་དང་རྣམ་ཤེས་སྤྱོད་ཡུལ་དུ། །སྣ་ཚོགས་སྣང་བ་དེ་དག་ཀྱང༌། །རྣམ་ཤེས་ཡིན་ཏེ་ཡུལ་མེད་དོ། །སེམས་ནི་
རྣམ་པ་གཉིས་དངོས་སུ། །གཟུང་དང་འཛིན་པར་སྣང་བ་སྟེ། །རྫ་ཕྲུ་སྣམ་བུ་སོགས་པ་ཡི། །ཡུལ་ནི་གང་ཡང་ཡོད་པ་མིན། །ཇི་ལྟར་རི་རབ་རྟེན་བྱས་ཤིང༌། །ཉི་ཟླ་གཟའ་ཡི་ཚོགས་
ཀྱི་རྣམས། །བྲལ་བ་མེད་པར་རྟག་ཏུ་འཁོར། །དེ་བཞིན་རྣམ་ཤེས་ཀུན་གཞི་ལ། །རྣམ་དག་འཕགས་པའི་སྤྱོད་ཡུལ་ནི། །རྟག་པར་གསེར་བཞིན་རབ་ཏུ་འབར། །ཀུན་གཞི་སྙིང་
པོར་བསྒྲགས་པ་ནི། །རྟོག་པའི་སེམས་ཀྱི་ཡུལ་མ་ཡིན། །རང་བཞིན་རྣམ་པར་བརྟགས་པ་དག །རྟོག་པར་ནུས་པ་མ་ཡིན་དང༌། །ཡོངས་སུ་བགྲུབ་པའི་རང་བཞིན་ཡང༌། །
༄༅། །རྣལ་འབྱོར་ཐུབ་ཅན་རྟག་ཏུ་མཐོང༌། །ཡིད་ཀྱི་རྣམ་ཤེས་ཡུལ་ཅན་ནི། །བུས་པ་རྣམས་ལ་འཆིང་བའི་དངོས། །སྨིག་རྒྱུ་སྐྲ་ཚོགས་བྱུང་བ་སྟེ། །འཕགས་
པ་རྣམས་ཀྱིས་དྲི་མེད་གཟིགས། །སྟོང་ཕྲག་བཅུ་གཉིས་པའི་རྒྱན་སྟུག་པོ་ལས། ཇི་སྙེད་པའི་མདོ་རྫོགས་སོ།།
Copyright © 2012 by the Asian Classics Input Project. All rights reserved.