Loading
འཕགས་པ་སྤྲིན་ཆེན་པོ་ཞེས་བྱ་བ་ཐེག་པ་ཆེན་པོའི་མདོ།
ཚ
not checked
རྒྱ་གར་སྐད་དུ། ཨཱཪྻ་མཧཱ་མེ་གྷ་ནཱ་མ་མཧཱ་ཡཱ་ན་སཱུ་ཏྲ།
བོད་སྐད་དུ། འཕགས་པ་སྤྲིན་ཆེན་པོ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང༌། བྱང་ཆུབ་སེམས་དཔའ་དང༌། འཕགས་པ་ཉན་ཐོས་དང༌། རང་
སངས་རྒྱས་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་གནས་བརྟན་འོད་སྲུང་ཆེན་
པོ་ལ་སོགས་པ་དགེ་སློང་ས་ཡ་ཕྲག་དགུ་དང་བརྒྱད་འབུམ་གྱི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། དབང་དང་ལྡན་པར་གྱུར་པ། ཉོན་མོངས་
པ་མེད་པ། ཅང་ཤེས་པ། གླང་པོ་ཆེན་པོ། །སེམས་ཤིན་ཏུ་རྣམ་པར་གྲོལ་བ། ཤེས་རབ་ཤིན་ཏུ་རྣམ་པར་གྲོལ་བ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་
ཐོབ་པ༑ ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཚུལ་ཁྲིམས་ཤིན་ཏུ་རྣམ་པར་དག་པ། སེམས་ཀྱི་དབང་ཐམས་ཅད་
ཀྱི་དམ་པའི་ཕ་རོལ་ཏུ་སོན་པ། མངོན་པར་ཤེས་པས་མངོན་པར་ཤེས་པ། མཁས་པར་མངོན་པར་ཤེས་པ། རྣམ་པར་ཐར་པ་བརྒྱད་ལ་བསམ་གཏན་པ་ཤ་སྟག་དང་ཐབས་ཅིག་ཏུ་
བཞུགས་སོ། །དེ་ནས་གནས་བརྟན་འོད་སྲུང་ཆེན་པོ་ལ་སོགས་པ་དགེ་སློང་ས་ཡ་ཕྲག་དགུ་དང་བརྒྱད་འབུམ་པོ་དེ་དག་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་
བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་
༄༅། །ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་སྐྱེ་རྒུའི་བདག་མོ་ཆེན་མོ་གཽ་ཏ་མི་ལ་སོགས་པ་དགེ་སློང་མ་
ས་ཡ་ཕྲག་དྲུག་དང་ལྔ་འབུམ་ཡང་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་
མགོ་བོས་ཕྱག་བཙལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །
ཡང་དེའི་ཚེ་སྤྲིན་ཆེན་སྙིང་པོ་ལ་སོགས་པ་བྱང་ཆུབ་སེམས་དཔའི་གཙོ་བོ་ཆེན་པོས་ཡ་ཕྲག་དྲུག་དང་བརྒྱད་འབུམ་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་
ཆེན་པོ་སྤྲིན་ཆེན་སྙིང་པོ་ཞེས་བྱ་བ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྲུང་ཞེས་བྱ་བ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་གློག་
གི་འོད་ཅེས་བྱ་བ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་འབྲུག་བསྒྲགས་དབྱངས་ཞེས་བྱ་བ་དང༌། སྤྲིན་ཆེན་བརྩོན་འགྲུས་སྲུང་ཞེས་བྱ་བ་དང༌། སྤྲིན་ཆེན་
དགའ་བྱེད་ཅན་ཞེས་བྱ་བ་དང༌། སྤྲིན་ཆེན་རབ་དགའ་ཞེས་བྱ་བ་དང༌། སྤྲིན་ཆེན་བརྩེགས་པ་ཞེས་བྱ་བ་དང༌། སྤྲིན་ཆེན་རྡོ་རྗེ་དཔལ་ཞེས་བྱ་བ་དང༌། སྤྲིན་ཆེན་ངེས་པར་སྒྲ་སྒྲོག་
ཅེས་བྱ་བ་དང༌། སྤྲིན་ཆེན་གྲོགས་ཞེས་བྱ་བ་དང༌། སྤྲིན་ཆེན་གློག་གི་འོད་ཀྱི་དྲ་བ་ཅན་ཞེས་བྱ་བ་དང༌། སྤྲིན་ཆེན་གློག་སྦྱིན་ཞེས་བྱ་བ་དང༌། སྤྲིན་ཆེན་དཔྱོད་པ་ལ་མཁས་པའི་རྒྱལ་པོ་ཞེས་བྱ་བ་
དང༌། སྤྲིན་ཆེན་རྩལ་གྱིས་འགྲོ་ཞེས་བྱ་བ་དང༌། སྤྲིན་ཆེན་སེངྒེ་སྒྲ་སྒྲོག་རྒྱལ་པོ་ཞེས་བྱ་བ་དང༌། སྤྲིན་ཆེན་ཆུ་རྒྱས་བློ་གྲོས་ཞེས་བྱ་བ་དང༌། སྤྲིན་ཆེན་བརྩོན་འགྲུས་ལྟོ་ཞེས་བྱ་བ་དང༌། སྤྲིན་ཆེན་
ལྟ་བའི་དུས་ཚོད་རྒྱལ་པོ་ཞེས་བྱ་བ་དང༌། སྤྲིན་ཆེན་རྣམ་པར་འཕྲུལ་པའི་རྒྱལ་པོ་ཞེས་བྱ་བ་དང༌། སྤྲིན་ཆེན་མངོན་པར་འཕགས་པའི་གྲགས་པ་མཐའ་ཡས་ཞེས་བྱ་བ་དང༌། སྤྲིན་ཆེན་ཡང་
དག་པར་ལྟ་བ་ཞེས་བྱ་བ་དང༌། སྤྲིན་ཆེན་མུ་སྟེགས་སུ་གྱུར་པའི་དབང་ཕྱུག་ཅེས་བྱ་བ་དང༌། སྤྲིན་ཆེན་བསོད་ནམས་ཞིང་ཞེས་བྱ་བ་དང༌། སྤྲིན་ཆེན་བསིལ་བར་གྱུར་ཅེས་བྱ་བ་དང༌། སྤྲིན་
ཆེན་ཉི་མའི་སྙིང་པོ་ཞེས་བྱ་བ་དང༌། སྤྲིན་ཆེན་ཟླ་བའི་གཟི་བརྗིད་ཅེས་བྱ་བ་དང༌། སྤྲིན་ཆེན་རིན་ཐང་མེད་པའི་བཻ་ཌཱུཪྻ་ཞེས་བྱ་བ་དང༌། སྤྲིན་ཆེན་རྟག་ཏུ་ལྟ་བ་ཞེས་བྱ་བ་དང༌། སྤྲིན་ཆེན་རྟག་པའི་
རང་བཞིན་ལ་དགའ་བ་ཞེས་བྱ་བ་དང༌། སྤྲིན་ཆེན་བློ་གྲོས་རྒྱ་མཚོ་ཞེས་བྱ་བ་དང༌། སྤྲིན་ཆེན་རྣམ་པར་རྒྱལ་བའི་སྡེ་ཞེས་བྱ་བ་དང༌། སྤྲིན་ཆེན་འོད་རྒྱས་ཞེས་བྱ་བ་དང༌། སྤྲིན་ཆེན་རྣམ་པར་
རྒྱལ་བའི་ཀླུས་བྱིན་ཞེས་བྱ་བ་དང༌། སྤྲིན་ཆེན་དགའ་བས་འཚོ་བའི་དཔལ་ཞེས་བྱ་བ་དང༌། སྤྲིན་ཆེན་དེད་དཔོན་མིག་ཅེས་བྱ་བ་དང༌། སྤྲིན་ཆེན་ཅོད་པན་གྱིས་སྤུངས་སྐྱེས་བ་ཞེས་བྱ་བ་
༄༅། །དང༌། སྤྲིན་ཆེན་སྟོན་པར་གྱུར་པ་ཞེས་བྱ་བ་དང༌། སྤྲིན་ཆེན་ས་བོན་སྲུང་ཞེས་བྱ་བ་དང༌། སྤྲིན་ཆེན་རྣམ་པར་རྒྱལ་བའི་པདྨ་དཀར་པོ་ཞེས་བྱ་བ་དང༌། སྤྲིན་ཆེན་མེ་ལྟ་
བུའི་ཡེ་ཤེས་ཀྱི་པདྨ་ཞེས་བྱ་བ་དང༌། སྤྲིན་ཆེན་བསྒོ་བས་བསྒོས་པའི་ཨུཏྤ་ལའི་དྲི་ལྡན་ཞེས་བྱ་བ་དང༌། སྤྲིན་ཆེན་སྟག་ཅེས་བྱ་བ་དང༌། སྤྲིན་ཆེན་འདྲེན་སྤྱོད་ཅེས་བྱ་བ་དང༌། སྤྲིན་
ཆེན་མི་འཇིགས་སྒྲ་ཞེས་བྱ་བ་དང༌། སྤྲིན་ཆེན་ཏ་མ་ལའི་ལོ་མ་བསིལ་བ་ཞེས་བྱ་བ་དང༌། སྤྲིན་ཆེན་རིན་ཆེན་ཙནྡན་བསིལ་བའི་ལུས་ཞེས་བྱ་བ་དང༌། སྤྲིན་ཆེན་དམ་པ་ཞེས་བྱ་བ་
དང༌། སྤྲིན་ཆེན་ཡ་མཚན་ལ་མཁས་པ་ཞེས་བྱ་བ་དང༌། སྤྲིན་ཆེན་དགའ་བ་སྲེད་མེད་ཀྱི་བུ་ཞེས་བྱ་བ་དང༌། སྤྲིན་ཆེན་སྙན་དངགས་མཁན་གྱི་ཁྱུ་མཆོག་ཅེས་བྱ་བ་དང༌། སྤྲིན་ཆེན་སྙིང་པོ་
ཕྲ་བ་ལ་འཇུག་པ་ཞེས་བྱ་བ་དང༌། སྤྲིན་ཆེན་དམ་པའི་ཆོས་མཆོག་པདྨ་དཀར་པོ་རྒྱས་པའི་གདོང་ཞེས་བྱ་བ་དང༌། སྤྲིན་ཆེན་དམ་པའི་གདོང་ཞེས་བྱ་བ་དང༌། སྤྲིན་ཆེན་དམ་
པའི་ཆོས་ཀྱི་རྒྱུན་རྟོགས་ཞེས་བྱ་བ་དང༌། སྤྲིན་ཆེན་གྲགས་པའི་བདེ་བ་ཞེས་བྱ་བ་དང༌། སྤྲིན་ཆེན་གསེར་གྱི་རི་བོའི་རྒྱལ་པོའི་དཔལ་ཞེས་བྱ་བ་དང༌། སྤྲིན་ཆེན་སྨན་ཀུན་
སྦྱིན་ཞེས་བྱ་བ་དང༌། སྤྲིན་ཆེན་སྨན་པའི་རྒྱལ་པོ་ཞེས་བྱ་བ་དང༌། སྤྲིན་ཆེན་ལུས་ཆེན་ཞེས་བྱ་བ་དང༌། སྤྲིན་ཆེན་མཁའ་ལ་མངོན་པར་འཕགས་ཞེས་བྱ་བ་དང༌། སྤྲིན་
ཆེན་སྒྲ་ལྡན་ཞེས་བྱ་བ་དང༌། སྤྲིན་ཆེན་དྲི་མ་སེལ་ཅེས་བྱ་བ་དང༌། སྤྲིན་ཆེན་སྒྲོན་མ་པདྨའི་དཔལ་ཞེས་བྱ་བ་དང༌། སྤྲིན་ཆེན་རྣམ་པར་སྒྲོག་པ་ལེན་པ་མེད་པའི་རྟོག་པ་མ་འདྲེས་པ་ཞེས་བྱ་
བ་དང༌། སྤྲིན་ཆེན་མུན་སེལ་ཅེས་བྱ་བ་དང༌། སྤྲིན་ཆེན་རིམ་པའི་ཐོག་ཏོག་སེལ་བ་ཞེས་བྱ་བ་དང༌། དེ་ལ་སོགས་པ་བྱང་ཆུབ་སེམས་དཔའ་ས་ཡ་ཕྲག་དྲུག་དང་བརྒྱད་འབུམ་ཡང་ཕྱེ་མ་རེད་
ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ལ་ལན་གསུམ་
བསྐོར་བ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་སེངྒེ་སྒྲོན་མ་ལ་སོགས་པ་ལི་ཙ་བཱི་གཞོན་ནུ་ས་ཡ་ཕྲག་ལྔ་
དང་བརྒྱད་འབུམ་ལ་འདི་ལྟ་སྟེ། ལི་ཙ་བཱི་གཞོན་ནུ་ཆོས་བྱིན་ཞེས་བྱ་བ་དང༌། ལི་ཙ་བཱི་གཞོན་ནུ་ཀླུ་མགོ་ཞེས་བྱ་བ་དང༌། ལི་ཙ་བཱི་གཞོན་ནུ་ཆོས་སྡེ་ཞེས་བྱ་བ་དང༌། ལི་ཙ་བཱི་གཞོན་ནུ་དབང་པོས་
བྱིན་ཞེས་བྱ་བ་དང༌། ལི་ཙ་བཱི་གཞོན་ནུ་དབང་པོའི་ཏོག་ཅེས་བྱ་བ་དང༌། ལི་ཙ་བཱི་གཞོན་ནུ་དབང་པོའི་རྒྱལ་མཚན་འོད་ཅེས་བྱ་བ་དང༌། ལི་ཙ་བཱི་གཞོན་ནུ་སེངྒེའི་སྒྲ་སྒྲོག་བློ་གྲོས་ཞེས་བྱ་བ་
དང༌། ལི་ཙ་བཱི་གཞོན་ནུ་རིན་ཆེན་མགྲིན་དབྱངས་ཞེས་བྱ་བ་དང༌། ལི་ཙ་བཱི་གཞོན་ནུ་རངས་བྱེད་དཔལ་ཞེས་བྱ་བ་དང༌། ལི་ཙ་བཱི་གཞོན་ནུ་ཀླུ་དཔལ་ཞེས་བྱ་བ་དང༌། ལི་ཙ་བཱི་གཞོན་
༄༅། །ནུ་རྡོ་རྗེ་ཕྲེང་ལྡན་ཞེས་བྱ་བ་དང༌། ལི་ཙ་བཱི་གཞོན་ནུ་སངས་རྒྱས་འབངས་ཞེས་བྱ་བ་དང༌། ལི་ཙ་བཱི་གཞོན་ནུ་རྒྱལ་བའི་འབངས་ཞེས་བྱ་བ་དང༌། ལི་ཙ་བཱི་གཞོན་ནུ་རྒྱལ་
བའི་ཟླ་བ་ཞེས་བྱ་བ་དང༌། ལི་ཙ་བཱི་གཞོན་ནུ་ལག་ཆེན་ཞེས་བྱ་བ་དང༌། ལི་ཙ་བཱི་གཞོན་ནུ་དཔལ་ཆེན་ཞེས་བྱ་བ་དང༌། ལི་ཙ་བཱི་གཞོན་ནུ་གངྒཱས་བྱིན་ཞེས་བྱ་བ་དང༌། ལི་ཙ་བཱི་གཞོན་
ནུ་འཇམ་དཔལ་སྙིང་པོ་ཞེས་བྱ་བ་དང༌། ལི་ཙ་བཱི་གཞོན་ནུ་ཀླུ་དགའ་སྟོབས་ཞེས་བྱ་བ་དང༌། ལི་ཙ་བཱི་གཞོན་ནུ་ཀླུས་སྐྱོང་ཞེས་བྱ་བ་དང༌། ལི་ཙ་བཱི་གཞོན་ནུ་ཆོས་སྐྱོང་ཞེས་བྱ་བ་དང༌།
ལི་ཙ་བཱི་གཞོན་ནུ་འོད་གྲགས་ཞེས་བྱ་བ་དང༌། ལི་ཙ་བཱི་གཞོན་ནུ་ནམ་མཁའ་མཛོད་ཅེས་བྱ་བ་དང༌། ལི་ཙ་བཱི་གཞོན་ནུ་གངྒཱས་སྐྱོང་ཞེས་བྱ་བ་དང༌། ལི་ཙ་བཱི་གཞོན་ནུ་སྲིན་ཕྱིས་ཀྱིས་རྣ་
ཆ་གདུབ་འཁོར་ཅན་ཞེས་བྱ་བ་དང༌། ལི་ཙ་བཱི་གཞོན་ནུ་གློག་ཕྲེང་ཅན་ཞེས་བྱ་བ་དང༌། ལི་ཙ་བཱི་གཞོན་ནུ་རྣམ་པར་དགའ་ཞེས་བྱ་བ་དང༌། ལི་ཙ་བཱི་གཞོན་ནུ་ཁྱད་པར་ཅན་གྱི་རིགས་
ཞེས་བྱ་བ་དང༌། ལི་ཙ་བཱི་གཞོན་ནུ་དྲི་མེད་འོད་གྲགས་ཞེས་བྱ་བ་དང༌། ལི་ཙ་བཱི་གཞོན་ནུ་གླིང་བུ་ཅན་གྱིས་བྱིན་ཞེས་བྱ་བ་དང༌། ལི་ཙ་བཱི་གཞོན་ནུ་སའི་དབང་ཕྱུག་ཅེས་བྱ་བ་དང༌། ལི་
ཙ་བཱི་གཞོན་ནུ་ས་སྟེང་ཕྲེང་བ་ཅན་ཞེས་བྱ་བ་དང༌། ལི་ཙ་བའི་གཞོན་ནུ་མཚུངས་པ་མེད་པའི་རྡོ་རྗེའི་སྤྲིན་ཞེས་བྱ་བ་དང༌། དེ་དག་ལ་སོགས་པ་ལི་ཙ་བཱི་གཞོན་ནུ་ས་ཡ་ཕྲག་ལྔ་དང་བརྒྱད་
འབུམ་སྟེ། ལི་ཙ་བཱི་གཞོན་ནུ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པ། ཐེག་པ་ཆེན་པོ་ལ་སེམས་རབ་ཏུ་དགའ་བ་ཤ་སྟག་སྟེ། ཕྱེ་མ་རེད་
ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ལ་ལན་གསུམ་བསྐོར་
བ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོ་ལ་སོགས་པ་ལྷའི་བུ་ས་ཡ་ཕྲག་བཞི་
དང་བཞི་འབུམ་ལ་འདི་ལྟ་སྟེ། ལྷའི་བུ་མཐོང་ན་དགའ་བའི་དྲི་ཟའི་རྒྱལ་པོ་ཞེས་བྱ་བ་དང༌། ལྷའི་བུ་དགའ་ཞིང་དད་པའི་གྲགས་པ་ཞེས་བྱ་བ་དང༌། ལྷའི་བུ་ཟླ་བའི་གཙུག་ཕུད་ཅན་ཞེས་བྱ་བ་
དང༌། ལྷའི་བུ་ཉི་མའི་མདོག་ཅེས་བྱ་བ་དང༌། ལྷའི་བུ་རྣ་འཕྱང་རྣ་ཆ་གདུབ་ཀོར་ཅན་ཞེས་བྱ་བ་དང༌། ལྷའི་བུ་རངས་བྱེད་ཀྱི་རོལ་མོའི་ས་འཛིན་ཅེས་བྱ་བ་དང༌། ལྷའི་བུ་དཔལ་ཆེན་ཞེས་བྱ་བ་
དང༌། ལྷའི་བུ་ཟབ་མོ་ཚུལ་ཆེན་པོ་ལ་འཇུག་པ་ཞེས་བྱ་བ་དང༌། ལྷའི་བུ་ནག་པོ་ཆེན་པོ་ཞེས་བྱ་བ་དང༌། ལྷའི་བུ་དཔའ་བའི་བློ་གྲོས་ཞེས་བྱ་བ་དང༌། ལྷའི་བུ་ནམ་མཁའ་ལྟར་མིག་དྲི་མ་མེད་
པ་ཞེས་བྱ་བ་དང༌། ལྷའི་བུ་དགའ་བ་ལ་རྣམ་པར་མོས་པའི་དཔལ་ཞེས་བྱ་བ་དང༌། ལྷའི་བུ་དགའ་ཕྲེང་རྒྱལ་པོ་ཞེས་བྱ་བ་དང༌། ལྷའི་བུ་དགའ་བར་གྲགས་པའི་འོད་ཅེས་བྱ་བ་དང༌། ལྷའི་བུ་
༄༅། །བཞིན་དགའ་ཞེས་བྱ་བ་དང༌། ལྷའི་བུ་ཡིད་འཕྲོག་ཅེས་བྱ་བ་དང༌། ལྷའི་བུ་བཻ་ཌཱུཪྻའི་འོད་ཅེས་བྱ་བ་དང༌། ལྷའི་བུ་བཻ་ཌཱུཪྻ་ལྟར་འོད་སྣང་བ་ཞེས་བྱ་བ་དང༌། ལྷའི་
བུ་སྐར་མ་ལ་དགའ་བ་ཞེས་བྱ་བ་དང༌། ལྷའི་བུ་འབྲལ་བ་ཟླ་གམ་ལྟར་འདུག་པ་ཞེས་བྱ་བ་དང༌། ལྷའི་བུ་ངེས་པར་སྒྲ་སྒྲོག་ཟབ་མོ་ཞེས་བྱ་བ་དང༌། ལྷའི་བུ་ཉོན་མོངས་པ་རྣམ་པར་
འཇོམས་པ་ཞེས་བྱ་བ་དང༌། ལྷའི་བུ་བརྒྱ་བྱིན་དགའ་བ་ཞེས་བྱ་བ་དང༌། ལྷའི་བུ་གཞོན་ནུ་ཡིད་དུ་འོང་བ་ཞེས་བྱ་བ་དང༌། ལྷའི་བུ་མནྡཱ་ར་བ་བརྩེགས་པ་ཞེས་བྱ་བ་དང༌། ལྷའི་
བུ་མགོ་ལ་འཁྲི་ཤིང་ཐོགས་པ་ཞེས་བྱ་བ་དང༌། ལྷའི་བུ་བུར་མ་སེལ་བའི་བློ་གྲོས་ཞེས་བྱ་བ་དང༌། ལྷའི་བུ་དམ་པའི་ཆོས་འཛིན་ཅེས་བྱ་བ་དང༌། དེ་དག་ལ་སོགས་པ་ལྷའི་བུ་
ས་ཡ་ཕྲག་བཞི་དང་བཞི་འབུམ་སྟེ། ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་སེམས་དད་ཅིང་རབ་ཏུ་དགའ་བ། དམ་པའི་ཆོས་སྲུང་བར་དགའ་བ། དམ་པའི་ཆོས་རྒྱས་པར་
དགའ་བ། ཏིང་ངེ་འཛིན་ཐམས་ཅད་གཟུང་བར་དགའ་བ་ཤ་སྟག་སྟེ། སེམས་ཅན་རྣམས་ལ་ཕན་པ་དང༌། བདེ་བའི་ཕྱིར་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་
ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ལ་ལན་སྟོང་བསྐོར་བ་བྱས་ནས་བཅོམ་ལྡན་འདས་ག་ལ་
བ་དེ་ལོགས་སུ་།ལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ཀླུའི་རྒྱལ་པོ་ས་ཡ་ཕྲག་གཉིས་དང་བརྒྱད་འབུམ་ལ་འདི་ལྟ་སྟེ། ཀླུའི་རྒྱལ་པོ་པདྨ་ཞེས་བྱ་བ་དང༌།
ཀླུའི་རྒྱལ་པོ་འཇོག་པོ་ཞེས་བྱ་བ་དང༌། ཀླུའི་རྒྱལ་པོ་རྒྱ་མཚོ་ཞེས་བྱ་བ་དང༌། ཀླུའི་རྒྱལ་པོ་མ་དྲོས་པ་ཞེས་བྱ་བ་དང༌། ཀླུའི་རྒྱལ་པོ་སྟོབས་ཀྱི་རྒྱུ་ཞེས་བྱ་བ་དང༌། ཀླུའི་རྒྱལ་པོ་མཐའ་
ཡས་ནོར་རྒྱས་ཀྱི་བུ་ཞེས་བྱ་བ་དང༌། ཀླུའི་རྒྱལ་པོ་དཔལ་འབྱོར་གནས་ཞེས་བྱ་བ་དང༌། ཀླུའི་རྒྱལ་པོ་བྱིས་པ་རྩེ་ཞེས་བྱ་བ་དང༌། ཀླུའི་རྒྱལ་པོ་མཆེ་བ་མཆོག་ཏུ་རྣོ་ཞེས་བྱ་བ་དང༌། ཀླུའི་
རྒྱལ་པོ་མང་ཁྱེར་ཞེས་བྱ་བ་དང༌། ཀླུའི་རྒྱལ་པོ་ཡན་ལག་འཆར་རི་དྭགས་མིག་ཅེས་བྱ་བ་དང༌། ཀླུའི་རྒྱལ་པོ་ཕུར་བུ་སྒྲ་རིག་ཞེས་བྱ་བ་དང༌། ཀླུའི་རྒྱལ་པོ་གསེར་མདོག་གདོང་ཞེས་
བྱ་བ་དང༌། ཀླུའི་རྒྱལ་པོ་སྟང་ཟིལ་གཙུག་ཕུད་ཅེས་བྱ་བ་དང༌། ཀླུའི་རྒྱལ་པོ་ཆུའི་ཤུགས་འཛིན་ཅེས་བྱ་བ་དང༌། ཀླུའི་རྒྱལ་པོ་ཏི་སེའི་གངས་ཐུབ་ཅེས་བྱ་བ་དང༌། ཀླུའི་རྒྱལ་པོ་སྦྱིན་
ལ་དགའ་ཞེས་བྱ་བ་དང༌། ཀླུའི་རྒྱལ་པོ་ཕྲེང་སྒྲ་སྙན་ཅེས་བྱ་བ་དང༌། ཀླུའི་རྒྱལ་པོ་ལུག་གདོང་ཞེས་བྱ་བ་དང༌། ཀླུའི་རྒྱལ་པོ་གནས་སྒྲོག་མཁས་ཞེས་བྱ་བ་དང༌། ཀླུའི་རྒྱལ་པོ་
གཟི་ཅན་ཞེས་བྱ་བ་དང༌། ཀླུའི་རྒྱལ་པོ་ནོར་རྒྱས་ཀྱི་བུ་ཞེས་བྱ་བ་དང༌། དེ་དག་ལ་སོགས་པ་ཀླུའི་རྒྱལ་པོ་ས་ཡ་ཕྲག་གཉིས་དང་བརྒྱད་འབུམ་སྟེ། ཀླུའི་རྒྱལ་པོ་དེ་དག་ཐམས་ཅད་
༄༅། །ཀྱང་ཐེག་པ་ཆེན་པོ་ཐོས་པར་འདོད་པ། ཐོས་ནས་ཀྱང་གཞན་དག་ལ་རྒྱས་པར་སྟོན་པར་འདོད་པ། དམ་པའི་ཆོས་འཆད་པར་འདོད་པ། དམ་པའི་ཆོས་ཀུན་ཏུ་སྲུང་
བར་ཡོངས་སུ་འཛིན་པའི་ངང་ཚུལ་ཅན། དམ་པའི་ཆོས་སྲུང་བའི་ཁུར་ཁྱེར་བ་ཡོངས་སུ་འཛིན་པའི་ངང་ཚུལ་ཅན་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་
བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་
འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུ་ལ་སོགས་པ་གནོད་སྦྱིན་གྱི་རྒྱལ་པོ་ས་ཡ་ཕྲག་
གསུམ་དང་དྲུག་འབུམ་ལ་འདི་ལྟ་སྟེ། གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུ་ཞེས་བྱ་བ་དང༌། གནོད་སྦྱིན་གྱི་རྒྱལ་པོ་མ་ལ་འབོད་ཞེས་བྱ་བ་དང༌། གནོད་སྦྱིན་གྱི་རྒྱལ་པོ་མ་འཛིན་
ཞེས་བྱ་བ་དང༌། གནོད་སྦྱིན་གྱི་རྒྱལ་པོ་མ་ལ་དཔལ་དུ་འཛིན་པ་ཞེས་བྱ་བ་དང༌། གནོད་སྦྱིན་གྱི་རྒྱལ་པོ་ལག་སྒེག་ཅེས་བྱ་བ་དང༌། གནོད་སྦྱིན་གྱི་རྒྱལ་པོ་འཇིགས་ཆེན་འཇིགས་བྱེད་
ཅེས་བྱ་བ་དང༌། གནོད་སྦྱིན་གྱི་རྒྱལ་པོ་ཁྲོ་གཉེར་མི་གཟུར་ཅན་ཞེས་བྱ་བ་དང༌། གནོད་སྦྱིན་གྱི་རྒྱལ་པོ་ས་སྐུལ་ཞེས་བྱ་བ་དང༌། གནོད་སྦྱིན་གྱི་རྒྱལ་པོ་ཉི་མ་རེངས་བྱེད་ཅེས་
བྱ་བ་དང༌། གནོད་སྦྱིན་གྱི་རྒྱལ་པོ་ཤེས་ལྡན་ངང་ཚུལ་ཅན་ཞེས་བྱ་བ་དང༌། གནོད་སྦྱིན་གྱི་རྒྱལ་པོ་ནོར་བུ་བཟང་ཞེས་བྱ་བ་དང༌། གནོད་སྦྱིན་གྱི་རྒྱལ་པོ་འོད་ཆགས་པདྨ་མཛོད་
ཅེས་བྱ་བ་དང༌། གནོད་སྦྱིན་གྱི་རྒྱལ་པོ་ཤིང་རྟ་གཏོང་པའི་པདྨའི་སྙིང་པོ་དཔལ་ཞེས་བྱ་བ་དང༌། གནོད་སྦྱིན་གྱི་རྒྱལ་པོ་འཐབ་མོ་ལས་རྣམ་པར་རྒྱལ་བའི་གཡུལ་གྱི་དཔལ་
ཞེས་བྱ་བ་དང༌། གནོད་སྦྱིན་གྱི་རྒྱལ་པོ་ལྔས་རྩེན་ཞེས་བྱ་བ་དང༌། གནོད་སྦྱིན་གྱི་རྒྱལ་པོ་ནོར་བུ་སྤྱོད་ཅེས་བྱ་བ་དང༌། དེ་དག་ལ་སོགས་པ་གནོད་སྦྱིན་གྱི་རྒྱལ་པོ་ས་ཡ་ཕྲག་
གསུམ་དང་དྲུག་འབུམ་སྟེ། གནོད་སྦྱིན་གྱི་རྒྱལ་པོ་དེ་དག་ཐམས་ཅད་ཀྱང་དེ་བཞིན་གཤེགས་པ་མི་འཁྲུགས་པའི་བྱང་ཆུབ་སེམས་དཔའི་སྤྱོད་པ་ལ་རྗེས་སུ་སློབ་པར་འདོད་
པ༑ དམ་པའི་ཆོས་སྲུང་བ་ཡོངས་སུ་འཛིན་པའི་ངང་ཚུལ་ཅན་ཤ་སྟག་སྟེ། ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་
ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་
བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ནམ་མཁའ་ལྡིང་གི་རྒྱལ་པོ་ས་ཡ་ཕྲག་བཞི་དང་དགུ་འབུམ་ལ་འདི་ལྟ་སྟེ། ནམ་མཁའ་ལྡིང་གི་རྒྱལ་པོ་སྤོས་ཀྱི་གླང་པོ་ཆེ་རླུང་གི་
༄༅། །གི་སྟོབས་དང་མཉམ་པའི་ཤུགས་ཅན་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་འུར་འུར་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་རྔ་པོ་ཆེ་ཅང་ཏེའུའི་
སྒྲ་ལྟར་དིར་དིར་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་ཀླུའི་སྟོབས་དང་དྲེགས་པ་འཇོམས་པ་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་སང་སང་ཞེས་བྱ་བ་དང༌། ནམ་མཁའ་ལྡིང་
གི་རྒྱལ་པོ་འོད་ཆེན་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་གཤོག་ཟེགས་བཀྲམ་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་བུང་རྒྱལ་གདོང་ཞེས་བྱ་བ་དང༌། ནམ་མཁའ་ལྡིང་གི་
རྒྱལ་པོ་རིག་སྔགས་ཀྱི་ནོར་བུའི་སིལ་སིལ་འཆང་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་ནོར་རྒྱས་ཀྱི་བུའི་རིགས་གཞིག་པར་དགའ་བ་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་
ནོར་རྒྱས་ཀྱི་བུའི་རིགས་རབ་ཏུ་འཇོམས་པར་དཀའ་བ་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་ཡང་དག་པར་མཐོང་བ་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་བྱམས་པ་ཆེན་པོའི་ཚིག་
སྙན་པར་སྒྲོག་པར་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་ཆོས་དགའ་ཞེས་བྱ་བ་དང༌། ནམ་མཁའ་ལྡིང་གི་རྒྱལ་པོ་གསེར་གྱི་གཤོག་པ་སྦྱིན་ཞེས་བྱ་བ་དང༌། དེ་དག་ལ་སོགས་པ་ནམ་
མཁའ་ལྡིང་གི་རྒྱལ་པོས་ཡ་ཕྲག་བཞི་དང་དགུ་འབུམ་སྟེ། ནམ་མཁའ་ལྡིང་གི་རྒྱལ་པོ་དེ་དག་ཐམས་ཅད་ཀྱང་དྲེགས་པ་དང༌། ང་རྒྱལ་དང༌། རྒྱགས་པ་དང་བྲལ་བ་དང༌། ཐེག་པ་ཆེན་པོ་ལ་
དད་པའི་སེམས་ཐོབ་པ། དམ་པའི་ཆོས་ཀུན་ཏུ་སྲུང་བར་གྱུར་པ་ཤ་སྟག་སྟེ། ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་
འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་དྲི་ཟའི་རྒྱལ་པོ་ས་ཡ་ཕྲག་དྲུག་དང་བརྒྱད་འབུམ་ལ་འདི་ལྟ་སྟེ། དྲི་ཟའི་རྒྱལ་པོ་དགའ་བའི་སྙིང་པོ་ཞེས་བྱ་བ་དང༌། དྲི་
ཟའི་རྒྱལ་པོ་གདངས་སྙན་ཞེས་བྱ་བ་དང༌། དྲི་ཟའི་རྒྱལ་པོ་སྟ་གོན་ལ་དགའ་བ་ཞེས་བྱ་བ་དང༌། དྲི་ཟའི་རྒྱལ་པོ་ཁྱུ་མཆོག་ལྷ་ཞེས་བྱ་བ་དང༌། དྲི་ཟའི་རྒྱལ་པོ་ཤུགས་ཀྱིས་འཁྱིག་པར་ལེན་པ་ལ་དགའ་བ་
ཞེས་བྱ་བ་དང༌། དྲི་ཟའི་རྒྱལ་པོ་ཤང་ཤང་ཏེའུའི་སྐད་འབྱིན་ཅེས་བྱ་བ་དང༌། དེ་དག་ལ་སོགས་པ་དྲི་ཟའི་རྒྱལ་པོ་ས་ཡ་ཕྲག་དྲུག་དང་བརྒྱད་འབུམ་སྟེ། དྲི་ཟའི་རྒྱལ་པོ་དེ་དག་ཐམས་ཅད་ཀྱང་དྲེགས་པ་དང༌།
ང་རྒྱལ་དང༌། རྒྱགས་པ་དང་བྲལ་བ། ཐེག་པ་ཆེན་པོ་ལ་དད་པའི་སེམས་ཐོབ་པ། དམ་པའི་ཆོས་ཀུན་ཏུ་སྲུང་བར་གྱུར་པ་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་
འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ག་ལ་དེ་ལོགས་སུ་ཐལ་མོ་སྦྱར་བ་བཏུད་ནས་ཕྱོགས་གཅིག་ཏུ་འཁོད་དོ། །ཡང་དེའི་
ཚེ་མིའམ་ཅིའི་རྒྱལ་པོ་ཆེན་པོ་ས་ཡ་ཕྲག་དགུ་དང་བརྒྱད་འབུམ་ལ་འདི་ལྟ་སྟེ། མིའམ་ཅིའི་རྒྱལ་པོ་ལེགས་མཐོང་ཡིད་འཕྲོག་ཅེས་བྱ་བ་དང༌། མིའམ་ཅིའི་རྒྱལ་པོ་ཀླུ་ཁྱེར་ཞེས་བྱ་བ་དང༌། མིའམ་ཅིའི་
༄༅། །རྒྱལ་པོ་བུད་མེད་སེམས་འཕྲོག་ཅེས་བྱ་བ་དང༌། མིའམ་ཅིའི་རྒྱལ་པོ་བུད་མེད་ཀྱི་སྙིང་དུ་སྡུག་པ་ཞེས་བྱ་བ་དང༌། མིའམ་ཅིའི་རྒྱལ་པོ་ལྷའི་བུ་མོ་ལ་འདོད་པ་ཞེས་བྱ་བ་དང༌།
མིའམ་ཅིའི་རྒྱལ་པོ་ཉོན་མོངས་པ་རྐུ་བ་ཞེས་བྱ་བ་དང༌། མིའམ་ཅིའི་རྒྱལ་པོ་དགྲ་རིག་དྲེགས་འཇོམས་གསོད་ཅེས་བྱ་བ་དང༌། མིའམ་ཅིའི་རྒྱལ་པོ་བདུད་ཀྱི་བུ་མོ་དགའ་བ་ཞེས་བྱ་བ་དང༌། མིའམ་ཅིའི་རྒྱལ་
པོ་བདུད་ཀྱི་སྡེ་འཇོམས་ཞེས་བྱ་བ་དང༌། མིའམ་ཅིའི་རྒྱལ་པོ་ཡེ་ཤེས་སྙིང་པོ་ཞེས་བྱ་བ་དང༌། མིའམ་ཅིའི་རྒྱལ་པོ་ཟབ་མོའི་ཚུལ་བསྒོས་ཞེས་བྱ་བ་དང༌། མིའམ་ཅིའི་རྒྱལ་པོ་དྲི་མ་མེད་པའི་སྣང་བའི་
དཔལ་ཞེས་བྱ་བ་དང༌། མིའམ་ཅིའི་རྒྱལ་པོ་དབང་པོ་བསྲུངས་ཞེས་བྱ་བ་དང༌། མིའམ་ཅིའི་རྒྱལ་པོ་རྒྱང་རིང་མཐོང་ཞེས་བྱ་བ་དང༌། དེ་དག་ལ་སོགས་པ་མིའམ་ཅིའི་རྒྱལ་པོ་ས་ཡ་ཕྲག་དགུ་དང་བརྒྱད་
འབུམ་སྟེ། མིའམ་ཅིའི་རྒྱལ་པོ་དེ་དག་ཐམས་ཅད་ཀྱང་དྲེགས་པ་དང༌། ང་རྒྱལ་དང༌། རྒྱགས་པ་དང་བྲལ་བ། ཐེག་པ་ཆེན་པོ་ལ་དད་པའི་སེམས་ཐོབ་པ། དམ་པའི་ཆོས་ཀུན་ཏུ་སྲུང་བར་གྱུར་པ་ཤ་
སྟག་སྟེ། ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་
དོ༑ ༑ཡང་དེའི་ཚེ་སྲིན་པོའི་རྒྱལ་པོ་ས་ཡ་དང་བརྒྱད་འབུམ་འདི་ལྟ་སྟེ། སྲིན་པོའི་རྒྱལ་པོ་འཇིགས་སུ་རུང་བ་ཞེས་བྱ་བ་དང༌། སྲིན་པོའི་རྒྱལ་པོ་རྩིབ་མ་སྲེག་ཅེས་བྱ་བ་དང༌། སྲིན་པོའི་རྒྱལ་པོ་དྲང་
སྲོང་ཟས་ལེན་སྐྲ་སེར་ཞེས་བྱ་བ་དང༌། སྲིན་པོའི་རྒྱལ་པོ་སོ་རད་རོད་ཅན་ཞེས་བྱ་བ་དང༌། སྲིན་པོའི་རྒྱལ་པོ་རྣ་བཅས་ཐོད་པ་ཅན་ཞེས་བྱ་བ་དང༌། སྲིན་པོའི་རྒྱལ་པོ་སེར་པོ་སྦྲང་རྩིའི་མདོག་ཅེས་བྱ་བ་དང༌།
སྲིན་པོའི་རྒྱལ་པོ་མགུལ་ངར་ཞེས་བྱ་བ་དང༌། སྲིན་པོའི་རྒྱལ་པོ་སྒྲ་བོ་ཆེ་ཞེས་བྱ་བ་དང༌། སྲིན་པོའི་རྒྱལ་པོ་མགོ་ཟེད་ཅེས་བྱ་བ་དང༌། སྲིན་པོའི་རྒྱལ་པོ་གྱད་ལ་སྐུལ་ཞེས་བྱ་བ་དང༌། སྲིན་པོའི་རྒྱལ་པོ་
སྐྲག་བྱེད་གཟུགས་ཅན་ཞེས་བྱ་བ་དང༌། དེ་དག་ལ་སོགས་པ་སྲིན་པོའི་རྒྱལ་པོ་ས་ཡ་དང་བརྒྱད་འབུམ་སྟེ། སྲིན་པོའི་རྒྱལ་པོ་དེ་དག་ཐམས་ཅད་ཀྱང་སྲིན་པོའི་རང་བཞིན་དང་བྲལ་བ། ཐེག་པ་ཆེན་པོས་
སེམས་དུལ་བར་གྱུར་པ། དམ་པའི་ཆོས་ཀུན་ཏུ་སྲུང་བར་གྱུར་པ་ཤ་སྟག་སྟེ། ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་
འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་གྲུལ་བུམ་གྱི་རྒྱལ་པོ་ས་ཡ་ཕྲག་བདུན་དང་བརྒྱད་འབུམ་ལ་འདི་ལྟ་སྟེ། གྲུལ་བུམ་གྱི་རྒྱལ་པོ་གླང་པོ་ཆེའི་རྣ་བ་ཅན་ཞེས་
བྱ་བ་དང༌། གྲུལ་བུམ་གྱི་རྒྱལ་པོ་སྟག་ལྟར་དྲེགས་པ་ཞེས་བྱ་བ་དང༌། གྲུལ་བུམ་གྱི་རྒྱལ་པོ་ཤིན་ཏུ་ཆེ་བ་ཞེས་བྱ་བ་དང༌། དེ་དག་ལ་སོགས་པ་གྲུལ་བུམ་གྱི་རྒྱལ་པོ་ས་ཡ་ཕྲག་བདུན་དང་བརྒྱད་འབུམ་སྟེ།
གྲུལ་བུམ་གྱི་རྒྱལ་པོ་དེ་དག་ཐམས་ཅད་ཀྱང་གྲུལ་བུམ་གྱི་རང་བཞིན་དང་བྲལ་བ། དམ་པའི་ཆོས་ཀུན་ཏུ་སྲུང་བར་གྱུར་པ་ཤ་སྟག་སྟེ། ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བཅོམ་ལྡན་འདས་ག་ལ་
༄༅། །བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་འབྱུང་པོའི་རྒྱལ་པོ་ས་ཡ་ཕྲག་གསུམ་དང་
བརྒྱད་འབུམ་ལ་འདི་ལྟ་སྟེ། འབྱུང་པོའི་རྒྱལ་པོ་གླང་པོ་ཆེའི་གདོང་ཅན་ཞེས་བྱ་བ་དང༌། འབྱུང་པོའི་རྒྱལ་པོ་མྱུ་གུ་ཞེས་བྱ་བ་དང༌། འབྱུང་པོའི་རྒྱལ་པོ་ཁྱིམ་འབིགས་རྐུན་པོ་ཞེས་བྱ་བ་དང༌།
འབྱུང་པོའི་རྒྱལ་པོ་བོད་སྐད་ཅན་ཞེས་བྱ་བ་དང༌། འབྱུང་པོའི་རྒྱལ་པོ་མེ་ཏོག་གི་རྣ་ཆ་ཅན་ཞེས་བྱ་བ་དང༌། འབྱུང་པོའི་རྒྱལ་པོ་སྦལ་ཕྲེང་སོར་རྡུབ་ཅན་ཞེས་བྱ་བ་དང༌། འབྱུང་པོའི་རྒྱལ་པོ་
བྱིས་མཛེས་ཞེས་བྱ་བ་དང༌། འབྱུང་པོའི་རྒྱལ་པོ་བྱི་ལ་འགྲོས་མཛེས་ཞེས་བྱ་བ་དང༌། འབྱུང་པོའི་རྒྱལ་པོ་སྲེ་མོ་འགྲམ་ཞེས་བྱ་བ་དང༌། འབྱུང་པོའི་རྒྱལ་པོ་སྤྲ་བཞིན་ཟླ་བ་གདོང་ཞེས་བྱ་བ་དང༌།
དེ་དག་ལ་སོགས་པ་འབྱུང་པོའི་རྒྱལ་པོ་ས་ཡ་ཕྲག་གསུམ་དང་བརྒྱད་འབུམ་སྟེ། འབྱུང་པོའི་རྒྱལ་པོ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་སེམས་དད་ཅིང་རབ་ཏུ་དགའ་བ་ཤ་སྟག་སྟེ།
གར་བྱེད་ཅིང་རོལ་མོའི་སྒྲ་སྒྲོག་ལ་སིལ་སྙན་རྣམས་རྡོབ་ཅིང་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་
ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་གཅོད་བྱེད་ཀྱི་བུའི་རྒྱལ་པོ་ས་ཡ་ཕྲག་བརྒྱད་ལ་འདི་ལྟ་སྟེ། གཅོད་བྱེད་ཀྱི་བུའི་རྒྱལ་པོ་གློག་ཞི་བྱེད་བཙུན་ཞེས་བྱ་
དང༌། གཅོད་བྱེད་ཀྱི་བུའི་རྒྱལ་པོ་སྣ་ཚོགས་སྔོ་བཙུན་ཞེས་བྱ་བ་དང༌། གཅོད་བྱེད་ཀྱི་བུའི་རྒྱལ་པོ་བྱ་མཆུ་ཅན་ཞེས་བྱ་བ་དང༌། གཅོད་བྱེད་ཀྱི་བུའི་རྒྱལ་པོ་རྒྱ་མཚོ་འཁྲུག་བྱེད་ཅེས་བྱ་བ་དང༌། དེ་དག་ལ་སོགས་
པ་གཅོད་བྱེད་ཀྱི་བུའི་རྒྱལ་པོ་ས་ཡ་ཕྲག་བརྒྱད་དེ། གཅོད་བྱེད་ཀྱི་བུའི་རྒྱལ་པོ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་པར་རྩེ་བ། ཐེག་པ་ཆེན་པོ་ལ་སེམས་མངོན་པར་རབ་ཏུ་དགའ་བ། ཐེག་
པ་ཆེན་པོ་མངོན་པར་འདོད་པ། ཐེག་པ་ཆེན་པོས་མངོན་པར་སྐོམ་པ། ཐེག་པ་ཆེན་པོ་ལ་མངོན་པར་སྲེད་པ། ཐེག་པ་ཆེན་པོ་ལ་དད་པ། ཐེག་པ་ཆེན་པོས་བཀྲེས་པ། དམ་པའི་ཆོས་ཀུན་ཏུ་སྲུང་བར་
དམ་བཅས་པ། དམ་པའི་ཆོས་ཀུན་ཏུ་སྲུང་བར་ཡོངས་སུ་འཛིན་པའི་ངང་ཚུལ་ཅན་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་
ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ལྷ་མ་ཡིན་གྱི་རྒྱལ་པོ་བྱེ་བ་ཕྲག་བརྒྱད་དང་བརྒྱད་འབུམ་ལ་འདི་ལྟ་སྟེ། ལྷ་མ་ཡིན་གྱི་རྒྱལ་
པོ་ཐག་བཟང་རིས་ཀྱི་མདུན་ན་སྒྲ་སྒྲོག་ཅེས་བྱ་བ་དང༌། ལྷ་མ་ཡིན་གྱི་རྒྱལ་པོ་ཡུལ་གྱིས་གཡེན་སྤྱོ་བ་ཞེས་བྱ་བ་དང༌། ལྷ་མ་ཡིན་གྱི་རྒྱལ་པོ་གངྒཱ་དྲི་མ་མེད་པར་འཇུག་པ་ཞེས་བྱ་བ་དང༌། ལྷ་
མ་ཡིན་གྱི་རྒྱལ་པོ་ས་སྟེང་ཞི་བྱེད་ཅེས་བྱ་བ་དང༌། ལྷ་མ་ཡིན་གྱི་རྒྱལ་པོ་བྱ་མགྲིན་ཅེས་བྱ་བ་དང༌། ལྷ་མ་ཡིན་གྱི་རྒྱལ་པོ་མདུད་རྩེ་གསུམ་པ་འཆང་ཞེས་བྱ་བ་དང༌། ལྷ་མ་ཡིན་གྱི་རྒྱལ་པོ་ཐལ་བའི་
༄༅། །གཙུག་ཕུད་ཅན་ཞེས་བྱ་བ་དང༌། ལྷ་མ་ཡིན་གྱི་རྒྱལ་པོ་གཏུམ་པོ་དྲག་ཏུ་ཕྲ་བ་ཞེས་བྱ་བ་དང༌། ལྷ་མ་ཡིན་གྱི་རྒྱལ་པོ་མིའི་གཟི་བརྗིད་ཀྱི་ཤུགས་ཅན་ཞེས་བྱ་བ་དང༌། དེ་
དག་ལ་སོགས་པ་ལྷ་མ་ཡིན་གྱི་རྒྱལ་པོ་ས་ཡ་ཕྲག་བརྒྱད་དང་བརྒྱད་འབུམ་སྟེ། ལྷ་མ་ཡིན་གྱི་རྒྱལ་པོ་དེ་དག་ཐམས་ཅད་ཀྱང་ལྷ་མ་ཡིན་གྱི་རང་བཞིན་དང་བྲལ་བ། སེམས་དུལ་བ། ཡིད་རབ་ཏུ་
བརྟན་པ་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་
གཅིག་ཏུ་འཁོད་དོ། །ཡང་དེའི་ཚེ་རིགས་སྔགས་འཆང་གི་རྒྱལ་པོ་ས་ཡ་ཕྲག་དྲུག་དང་ལྔ་འབུམ་ལ་འདི་ལྟ་སྟེ། རིག་སྔགས་འཆང་གི་རྒྱལ་པོ་རིན་ཆེན་འཆང་ཞེས་བྱ་བ་དང༌། རིག་སྔགས་འཆང་
གི་རྒྱལ་པོ་ཡོངས་སྤྱོད་མི་ཟད་འཚང་ཞེས་བྱ་བ་དང༌། དེ་དག་ལ་སོགས་པ་རིག་སྔགས་འཆང་གི་རྒྱལ་པོ་ས་ཡ་ཕྲག་དྲུག་དང་ལྔ་འབུམ་སྟེ། རིག་སྔགས་འཆང་གི་རྒྱལ་པོ་དེ་དག་ཐམས་ཅད་ཀྱང་
ཐེག་པ་ཆེན་པོ་འཆང་བ། ཏིང་ངེ་འཛིན་འདོད་པ། ཏིང་ངེ་འཛིན་ཚོལ་བར་འདོད་པ། ཐེག་པ་ཆེན་པོའི་ཏིང་ངེ་འཛིན་གྱི་སྦྱོད་པ་སྤྱད་པར་འདོད་པ། བདག་གི་ཡིད་གཉིས་བསལ་བར་འདོད་པ། དམ་
པའི་ཆོས་ཀུན་ཏུ་སྲུང་བར་ཡོངས་སུ་འཛིན་པའི་ཚུལ་ཁྲིམས་དང་བརྟུལ་ཞུགས་ཅན་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་
ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་དྲང་སྲོང་མངོན་པར་ཤེས་པ་ལྔ་ཐོབ་པ་ས་ཡ་ཕྲག་དགུ་དང་དགུ་འབུམ་ལ་འདི་ལྟ་སྟེ། དྲ་
སྲོང་མིས་བྱིན་གྱི་བུ་ཞེས་བྱ་བ་དང༌། དྲང་སྲོང་ཏེ་མ་བུ་ཀ་ཞེས་བྱ་བ་དང༌། དྲང་སྲོང་ཤིང་ཤུན་ཅན་ཞེས་བྱ་བ་དང༌། དྲང་སྲོང་དཀའ་ཐུབ་ཅན་ཞེས་བྱ་བ་དང༌། དྲང་སྲོང་ཡང་དག་སྦྱོར་ཞེས་བྱ་བ་དང༌། དྲང་སྲོང་
ཀུན་ཏུ་རྒྱལ་ཞེས་བྱ་བ་དང༌། དྲང་སྲོང་ངན་སྤོང་ཤེས་ལྡན་ཞེས་བྱ་བ་དང༌། དྲང་སྲོང་རི་བྱི་རངས་བྱེད་གཞུ་ཅན་ཞེས་བྱ་བ་དང༌། དྲང་སྲོང་མ་མ་རི་དྭགས་ཞེས་བྱ་བ་དང༌། དྲང་སྲོང་ཤ་མེད་ཟས་སྦྱིན་ཞེས་བྱ་བ་
དང༌། དྲང་སྲོང་གནས་འཇོག་སེལ་བརྩོན་ཞེས་བྱ་བ་དང༌། དྲང་སྲོང་སྒྲ་མི་སྙན་ལྔ་ལེན་རིལ་བ་ཅན་ཞེས་བྱ་བ་དང༌། དྲང་སྲོང་འདོད་པ་ལ་རྒྱབ་གྱིས་ཕྱོགས་པ་ཞེས་བྱ་བ་དང༌། དྲང་སྲོང་དུས་དང་པོ་ལ་དགའ་བ་
ཞེས་བྱ་བ་དང༌། དྲང་སྲོང་བརྒྱ་བྱིན་ལྷར་འཛིན་ཡུན་རིང་གནས་ཞེས་བྱ་བ་དང༌། དྲང་སྲོང་མཛོད་ལྡན་སྒྲ་མི་སྙན་ཅེས་བྱ་བ་དང༌། དྲང་སྲོང་བྷ་ར་དྷ་ཛ་ཤིང་ཤུན་ཅན་ཞེས་བྱ་བ་དང༌། དྲང་སྲོང་ཀླུའི་
རིལ་བ་ཅན་ཞེས་བྱ་བ་དང༌། དྲང་སྲོང་འདམ་བུས་བྱིན་ཞེས་བྱ་བ་དང༌། དེ་དག་ལ་སོགས་པ་དྲང་སྲོང་མངོན་པར་ཤེས་པ་ལྔ་ཐོབ་པས་ཡ་ཕྲག་དགུ་དང་དགུ་འབུམ་སྟེ། ཕྱེ་མ་རེད་ཀྱི་དུས་ཀྱི་ཚེ་རང་
རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ལན་གསུམ་བསྐོར་བ་བྱས་ནས་བཅོམ་ལྡན་འདས་ག་ལ་དེ་
༄༅། །ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ལྷ་རྣམས་ཀྱི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷའི་བུའི་ཚོགས་འབུམ་ཕྲག་དུ་
མ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་
ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་འཇིག་རྟེན་སྐྱོང་བ་བཞི་ལྷའི་བུ་འབུམ་ཕྲག་དུ་མས་མདུན་གྱིས་བལྟས་ཏེ་ཡོངས་སུ་
བསྐོར་ནས་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་
འཁོད་དོ། །ཡང་དེའི་ཚེ་ཡུལ་མཉན་ཡོད་ན་ཀོ་ས་ལའི་རྒྱལ་པོ་གསལ་རྒྱལ་རང་གི་བློན་པོ་ཆེན་པོ་ཐེག་པ་ཆེན་པོ་ལ་མངོན་པར་རྩེ་བ་དེ་དང་དེ་དག་རང་རང་གི་འཁོར་དང༌། དཔུང་གི་ཚོགས་
ཡན་ལག་བཞི་པ་དག་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་
ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་རབ་སྦྱིན་ལ་སོགས་པ་ཁྱིམ་བདག་འབུམ་ཕྲག་དུ་མ་བསླབ་པའི་གཞི་ལྔ་བླངས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་
ལ་ཡང་དག་པར་ཞུགས་པ་དེ་དག་ཐམས་ཅད་ཆོས་འདོད་པ་དང༌། ཆོས་དོན་དུ་གཉེར་བ་དང༌། འདི་ལྟར་བྱང་ཆུབ་ཀྱི་ཕྱོགས་སུ་གཏོགས་པའི་ཆོས་རྣམས་ཡང་དག་པར་བསྡུ་བའི་ཕྱིར་བཅོམ་
ལྡན་འདས་ཉིད་ཀྱི་ཕྱིར་འབྲང་བ་དེ་དག་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ཡུལ་བན་ཙ་ནས་རྒྱལ་ཕྲན་ཟླ་བ་སྐྱོང་ཞེས་བྱ་བ་
རང་གི་བློན་པོ་ཆེན་པོ་དང༌། གྲོང་ཁྱེར་གྱི་དཔོན་པོ་སྟོང་བསླབ་པའི་གཞི་ལྔ་བླངས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པ་དེ་དག་ཐམས་ཅད་ཆོས་འདོད་པ་
དང༌། ཆོས་དོན་དུ་གཉེར་བ་དང༌། འདི་ལྟར་བྱང་ཆུབ་ཀྱི་ཕྱོགས་སུ་གཏོགས་པའི་ཆོས་རྣམས་ཡང་དག་པར་བསྡུ་བའི་ཕྱིར་བཅོམ་ལྡན་འདས་ཉིད་ཀྱི་ཕྱིར་འབྲང་བ་དེ་དག་བཅོམ་ལྡན་འདས་ག་ལ་བ་དེ་
ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ཡུལ་ཆེན་པོ་བཅུ་དྲུག་གི་གྲོང་ཁྱེར་དང༌། ཚོང་རྡལ་བ་དང༌། ལུང་པའི་མདོ་དང༌། གྲོང་དང༌། ཡུལ་འཁོར་དང༌། རྒྱལ་པོའི་ཕོ་བྲང་
འཁོར་ཐམས་ཅད་ཀྱི་མི་རྣམས་བཅོམ་ལྡན་འདས་ལ་བལྟ་བ་དང༌། ཕྱག་བྱ་བའི་ཕྱིར་ལྷགས་ཏེ། དེ་དག་ཐམས་ཅད་ཀྱང་དམ་པའི་ཆོས་ཀུན་ཏུ་སྲུང་བ། བསླབ་པའི་གཞི་ལྔ་བླངས་པ། བླ་ན་མེད་པ་ཡང་
དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པ་ཤ་སྟག་སྟེ། ཆོས་འདོད་པ་དང༌། ཆོས་དོན་དུ་གཉེར་བ་དང༌། འདི་ལྟར་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡང་དག་པར་བསྡུ་བའི་ཕྱིར་བཅོམ་
༄༅། །ལྡན་འདས་ཉིད་ཀྱི་ཕྱིར་འབྲང་བ། བྱམས་པའི་སེམས་སྒོམ་པ་དེ་དག་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་
ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་བཙུན་མོ་ཕྲེང་ལྡན་མ་ལ་སོགས་པ་ཆུན་མའི་འཁོར་དང༌། བཙུན་མོ་ཁྲི་དྲུག་སྟོང་དང༌།
གཞན་ཡང་རང་གི་བློན་པོ་ཆེན་པོའི་བཙུན་མོ་འབུམ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་
ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་དགེ་བསྙེན་མ་ས་ག་དགེ་བསྙེན་མ་འབུམ་ཕྲག་དུ་མ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ་རང་
རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་
བྱས་ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ལྷའི་བུ་དབང་ཕྱུག་ཆེན་པོ་ལྷའི་བུ་རྫུ་འཕྲུལ་དང་སྣང་བ་ཆེན་པོ་དང་ལྡན་པ་འབུམ་ཕྲག་དུ་མ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ་
རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ལ་ལན་གསུམ་བསྐོར་
བ་བྱས་ནས་མེ་ཏོག་གི་ཕུར་མ་རི་རབ་ཙམ་དང༌། སྤོས་དང༌། མེ་ཏོག་ཕྲེང་བ་དང༌། བྱུག་པ་དག་གིས་དེ་བཞིན་གཤེགས་པ་ལ་མངོན་པར་གཏོར་ནས་བདུག་པ་དག་གིས་ཡོངས་སུ་བདུགས་ཏེ་
ཙནྡན་གྱི་ཕྱེ་མ་དག་གིས་ཡོངས་སུ་གཏོར་ནས་སིལ་སྙན་དག་བརྡུངས་ཏེ་གཞན་ཡང་ཤིང་རྟའི་འཕང་ལོ་ཙམ་གྱི་པདྨའི་སིལ་མ་དག་གིས་ཁེབས་པར་བྱས་ནས་བཅོམ་ལྡན་འདས་ག་ལ་བ་དེ་ལོགས་
སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ཚངས་པ་རིན་ཆེན་ཕྲེང་བ་འཆང་ཞེས་བྱ་བ་དང༌། ཚངས་པ་ཐོར་ཚུགས་འཆང་ཞེས་བྱ་བ་དང༌། ཚངས་པ་གཞོན་ནུ་འབུམ་ཕྲག་དུ་མ་
དང་ལྷན་ཅིག་ཏུ་རྫུ་འཕྲུལ་ཆེན་པོས་རྒྱལ་པོའི་ཁབ་དང་བཅས། བྱ་རྒོད་ཀྱི་ཕུང་པོའི་རི་དང་བཅས། འོད་མའི་ཚལ་བྱ་ཀ་ལནྟ་ཀ་གནས་པ་དང་བཅས་པ་ཐམས་ཅད་མཛེས་པར་བྱས་ཏེ་ཕྱེ་མ་རེད་ཀྱི་
དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཁོར་ཡུག་ཁེབས་པ་ཙམ་གྱི་མེ་ཏོག་སིལ་མ་
དག་གིས་དེ་བཞིན་གཤེགས་པ་ལ་མངོན་པར་གཏོར་ཏེ་སིལ་སྙན་རྣམས་བརྡུངས་ནས་ཙནྡན་གྱི་ཕྱེ་མ་དང༌། བྱུག་པ་དག་གིས་གཏོར་ཏེ། རྒྱལ་པོའི་ཁབ་དང་བཅས། བྱ་རྒོད་ཀྱི་ཕུང་པོའི་རི་དང་
བཅས༑ འོད་མའི་ཚ་ལ་བྱ་ཀ་ལནྟ་ཀ་གནས་པ་དང་བཅས་པ། བསོད་ནམས་ཆེན་པོའི་ཞིང་དུ་གྱུར་པ། དཀྱིལ་འཁོར་ཆེན་པོ་མུ་སྟེགས་ཀྱི་གནས་སུ་གྱུར་པ་ཁོ་ར་ཁོར་ཡུག་ཏུ་ལ་བ་དང༌།
༄༅། །རས་དང༌། ཟབ་དར་དང༌། ཟར་མའི་རས་འཇམ་པོ་དང༌། ལྷའི་གོས་ལྷའི་ཕྱེ་མས་བསྒོས་ཤིང་ཙནྡན་གྱིས་ཞེན་པར་བྱས་ནས་ལྷའི་བདུག་པས་བདུགས་པ་དག་
བཏིང་སྟེ་མངོན་པར་སྤྲུལ་པ་བཞིན་དུ་བྱས་ནས་མེ་ཏོག་གི་ཆར་མངོན་པར་ཕབ་ནས་ལྷའི་རིན་པོ་ཆེ་དུ་མས་ཡོངས་སུ་མཛེས་པར་བྱས་ནས་བཅོམ་ལྡན་འདས་ཀྱི་སེངྒེའི་ཁྲི་འབུམ་བཤམས་ཏེ་
ལན་ས་ཡ་ཕྲག་གསུམ་བསྐོར་བ་བྱས་ནས་རང་རང་གི་བླ་གོས་བཅོམ་ལྡན་འདས་ཀྱི་སྐུ་ལ་གསོལ་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཕྱོགས་གཅིག་ཏུ་འཁོད་
དོ༑ ༑ཡང་དེའི་ཚེ་བདུད་ཀྱི་རིས་ཀྱི་ལྷ་མོ་མངོན་པར་སྡུད་པ་ཞེས་བྱ་བ་བདུད་ཀྱི་རིས་ཀྱི་ལྷ་མོ་འབུམ་ཕྲག་དུ་མ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་
ག་ལ་བ་དེར་དོང་སྟེ་ལྷགས་ནས་རྔ་ཡབ་དང༌། རྨ་བྱའི་མདོངས་ལག་ན་ཐོགས་ཤིང༌། ལྷའི་ཕག་དང༌། གླིང་བུ་དང༌། བདུག་པ་ཐོགས་ཏེ་ལྷའི་མེ་ཏོག་སིལ་མས་དེ་བཞིན་གཤེགས་པ་ལ་མངོན་
པར་གཏོར་ནས་སིལ་སྙན་རྣམས་བརྡུངས་ཏེ་གར་བྱེད་ཅིང་གླུ་ལེན་ཏོ། །ལྷ་མོ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་སེམས་དད་ཅིང་རབ་ཏུ་དགའ་བ། ཐེག་པ་ཆེན་པོ་ལ་དད་ཅིང་ཡིད་དགེ་
བར་གྱུར་པ་ཤ་སྟག་སྟེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འཁོད་དོ། །ཡང་དེའི་
ཚེ་ལྷའི་བུ་མོ་ཆུ་ཤིང་ལྟ་དུ་ཞེས་བྱ་བ་ལ་སོགས་པ་ལྷའི་བུ་མོ་འབུམ་ཕྲག་དུ་མ་ཕྱེ་མ་རེད་ཀྱི་བུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་ལྷའི་གསེར་
གྱི་ཙོང་ཙོང་དང༌། ལྷའི་རིན་པོ་ཆེའི་ཕྲེང་བ་དང༌། ལྷའི་མེ་ཏོག་གི་ཕྲེང་བ་དག་གིས་དེ་བཞིན་གཤེགས་པ་ལ་མངོན་པར་གཏོར་ཏེ་སིལ་སྙན་རྣམས་བརྡུངས་ནས་ཙནྡན་གྱི་ཕྱེ་མ་དང༌། བྱུག་པ་དག་གིས་
ཀྱང་གཏོར་ཏོ། །ལྷའི་བུ་མོ་དེ་དག་ཐམས་ཅད་ཀྱང་བུད་མེད་ཀྱི་སེམས་ཀྱི་གཡོ་སྒྱུའི་རང་བཞིན་དང་བྲལ་བ། ཐེག་པ་ཆེན་པོ་ལ་སེམས་དད་ཅིང་རབ་ཏུ་དགའ་བ། ཐེག་པ་ཆེན་པོ་ལ་དད་ཅིང་ཡིད་དགེ་
བར་གྱུར་པ་ཤ་སྟག་སྟེ། གླུ་ལེན་ཅིང་གར་བྱེད་ལ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ག་ལ་བ་དེ་
ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་དེ་ཉིད་ཀྱིས་ཚེ་ལྗོངས་ཀྱི་ཕྱོགས་དག་ན་དགེ་སློང་ཇི་སྙེད་གནས་ཤིང་འཁོད་པ་དེ་དག་ཐམས་ཅད་རྒྱལ་
པོའི་ཁབ་དང༌། བྱ་རྒོད་ཀྱི་ཕུང་པོའི་རིག་ལ་བ་དེར་འདོང་བར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་མཛད་པ་མངོན་པར་མཛད་དོ། །དེར་ཕྱིན་ནས་ཀྱང་བཅོམ་ལྡན་འདས་ག་ལ་བ་དར་དོང་སྟེ་ལྷགས་ནས་
བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་ཡྱྰྡས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །
༄༅། །ཡང་དེའི་ཚེ་ནམ་མཁའ་ལས་སིལ་སྙན་སྟོང་གི་གླུ་དབྱངས་ལྟ་བུ་མཐུན་པ་དང་ནི་མཐུན་པའི་སྒྲ་མངོན་པར་གྲགས་སྟེ། སྟང་ཟིལ་གྱི་རི་ལྟ་བུར་འདུག་པའི་སྤྲིན་ཆེན་
པོའི་ཚོགས་ལྷའི་རིན་པོ་ཆེའི་ཆུས་ཡོངས་སུ་རྒྱས་པ་དག་ཀྱང་བཅོམ་ལྡན་འདས་སེངྒེའི་སྒྲ་ཆེན་པོ་སྒྲོག་ཅིང་ཆོས་སྟོན་པ་གནོད་པའི་ཕྱིར་བསྟོད་དོ། །ཡང་དེའི་ཚེ་རླུང་གི་རྒྱལ་པོ་ཆེན་པོ་བཞི་ལ་
འདི་ལྟ་སྟེ། རླུང་གི་རྒྱལ་པོ་ཆེན་པོ་རྣམ་པར་འཐོར་རླུང་ཞེས་བྱ་བ་དང༌། རླུང་གི་རྒྱལ་པོ་ཆེན་པོ་རྣམ་པར་འཐོར་རླུང་ཆེན་པོ་ཞེས་བྱ་བ་དང༌། རླུང་གི་རྒྱལ་པོ་ཆེན་པོ་ཤུགས་མ་ཉམས་པ་ཞེས་བྱ་བ་དང༌།
རླུང་གི་རྒྱལ་པོ་ཆེན་པོ་འཇིགས་བྱེད་ཆེན་པོ་ཞེས་བྱ་བ་རྣམས་ལྷའི་བདེ་བའི་ལོངས་སྤྱོད་དང༌། ཡོངས་སུ་སྤྱོད་པའི་དུས་ཚིགས་དྲུག་གི་བདེ་ཞིང་བསིལ་བའི་མེ་ཏོག་དང་རྣམ་པར་འདྲེས་པའི་དྲི་
བསུང་ཞིམ་པོའི་ངང་གཏོང་ཞིང༌། རླུང་གི་རྒྱལ་པོ་ཆེན་པོ་རྣམས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར་སྤྲིན་ཆེན་པོ་རབ་ཏུ་འབྱེད་དོ། །བཅོམ་ལྡན་འདས་སེངྒེའི་སྒྲ་ཆེན་པོ་སྒྲོག་ཅིང་
ཆོས་སྟོན་པ་མནོད་པའི་ཕྱིར་བསྟོད་དོ། །འཕགས་པ་སྤྲིན་ཆེན་པོའི་མདོ། བམ་པོ་གཉིས་པ། ཡང་དེའི་ཚེ་ངང་པའི་རྒྱལ་པོ་སེངྒེ་ལྟར་དཔའ་བ་ཞེས་བྱ་བ་ངང་པ་འབུམ་ཕྲག་དུ་མ་དང་
ལྷན་ཅིག་ཏུ་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་རང་རང་གི་འདབ་མ་ཐལ་མོའི་ཐབས་སུ་སྦྱར་ཏེ་བཅོམ་ལྡན་འདས་ཀྱི་
ཞབས་ལ་མགོ་བོས་ཕྱག་འཚལ་ནས་སློབ་དཔོན་དང༌། སློབ་མས་ལེགས་པས་བསྒྲུབས་པའི་སིལ་སྙན་སྟོང་གི་གླུ་དབྱངས་ལྟ་བུར་སྐད་མཐུན་པར་འབྱིན་ཅིང༌། ངང་པའི་ཚོགས་ཀྱིས་བཅོམ་ལྡན་
འདས་ལ་སྲི་ཞུ་བྱ་བའི་ཕྱིར་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་འོད་མའི་ཚལ་བྱ་ཀ་ལནྟ་ཀ་གནས་པའི་ཕྱོགས་གཅིག་ཏུ་གོ་ཁ་བཟུང་ངོ༌། །ཡང་དེའི་ཚེ་རྨ་བྱའི་རྒྱལ་པོ་བལྟ་ན་འོད་
ཆགས་ཞེས་བྱ་བ་རྨ་བྱའི་རིགས་འབུམ་ཕྲག་དུ་མ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་རང་རང་གི་འདབ་མཐལ་
མོའི་ཐབས་སུ་སྦྱར་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ལྷ་དང༌། དྲི་ཟའི་སློབ་དཔོན་དང་སློབ་མས་ལེགས་པར་བསྒྲུབས་པའི་སིལ་སྙན་སྟོང་གི་གླུ་དབྱངས་ལྟ་བུར་མགྲིན་པ་བལྟམས་
ཏེ་སྐད་སྙན་ཅིང་མཐུན་པ་འབྱིན་ཏེ། རྨ་བྱའི་ཚོགས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་འོད་མའི་ཚལ་བྱ་ཀ་ལནྟ་ཀ་གནས་པའི་ཕྱོགས་
གཅིག་ཏུ་གོ་བཟུང་ངོ༌། །ཡང་དེའི་ཚེ་ཁུ་བྱུག་གི་རྒྱལ་པོ་སྡེ་བདག་ཅེས་བྱ་བ་ཁུ་བྱུག་གི་རྒྱལ་པོ་འབུམ་ཕྲག་དུ་མ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་
ག་ལ་བ་དེར་དོང་སྟེ་ལྷགས་ནས་རང་རང་གི་འདབ་མ་ཐལ་མོའི་ཐབས་སུ་སྦྱར་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་སིལ་སྙན་སྟོང་དང་འདྲ་བའི་སྒྲ་བྱུང་སྟེ་ཅ་ཅོའི་སྒྲ་བཏོན་ནས་
༄༅། །བུང་བའི་མདོག་འདྲ་བའི་ཁུ་བྱུག་གི་ཚོགས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་འོད་མའི་ཚལ་བྱ་ཀ་ལནྟ་
ཀ་གནས་པའི་ཕྱོགས་གཅིག་ཏུ་གོ་བཟུང་ངོ༌། །ཡང་དེའི་ཚེ་གངས་ཀྱི་རི་ལ་གནས་པའི་བྱ་ཀ་ལ་པིངྐའི་རྒྱལ་པོ་པདྨའི་འདབ་མ་འདྲ་བའི་མིག་ཅེས་བྱ་བ་བྱ་ཀ་ལ་པིངྐའི་རྒྱལ་པོ་འབུམ་ཕྲག་དུ་མ་
དང་ལྷན་ཅིག་ཏུ་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་རང་རང་གི་འདབ་མ་ཐལ་མོའི་ཐབས་སུ་སྦྱར་ཏེ་བཅོམ་ལྡན་འདས་
ཀྱི་ཞབས་ལ་མགོ་བོས་ཕྱག་བཙལ་ནས་ཡིད་དུ་འོང་བའི་སྒྲ་ཕྱུང་སྟེ་ཀ་ལ་པིངྐའི་ཚོགས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་འོད་
མའི་ཚལ་བྱ་ཀ་ལནྟ་ཀ་གནས་པའི་ཕྱོགས་གཅིག་ཏུ་གོ་བཟུང་ངོ༌། །ཡང་དེའི་ཚེ་བྱའི་རྒྱལ་པོ་ཤང་ཤང་ཏེའུ་ཞེས་བྱ་བ་བྱའི་རྒྱལ་པོ་ཤང་ཤང་ཏེའུ་འབུམ་ཕྲག་དུ་མ་དང་ལྷན་ཅིག་ཏུ་ཕྱེམ་རེད་
ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་རང་རང་གི་འདབ་མ་ཐལ་མོའི་ཐབས་སུ་སྦྱར་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་
ནས་ཡིད་དུ་འོང་བའི་སྒྲ་ཕྱུང་སྟེ་ཤང་ཤང་ཏེའུའི་ཚོགས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་འོད་མའི་ཚལ་བྱ་ཀ་ལནྟ་ཀ་གནས་
པའི་ཕྱོགས་གཅིག་ཏུ་གོ་བཟུང་ངོ༌། །ཡང་དེའི་ཚེ་བྱའི་ཚོགས་ཐམས་ཅད་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་རང་རང་གི་འདབ་མ་
ཐལ་མོའི་ཐབས་སུ་སྦྱར་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཡིད་དུ་འོང་བའི་སྒྲ་འབུམ་ཕྲག་དུ་མ་ཕྱུང་སྟེ་ནམ་མཁའི་དཀྱིལ་ཡོངས་སུ་གང་བར་བྱས་ནས་བཅོམ་ལྡན་འདས་
ལ་སྲི་ཞུ་བྱ་བའི་ཕྱིར་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་འོད་མའི་ཚལ་བྱ་ཀ་ལནྟ་ཀ་གནས་པའི་ཕྱོགས་གཅིག་ཏུ་གོ་བཟུང་ངོ༌། །ཡང་དེའི་ཚེ་རིའི་རྒྱལ་པོ་རི་རབ་ཀྱི་ལྷ་རི་བཏང་བཟུང་དང༌།
བཏང་བཟུང་ཆེན་པོའི་ལྷ་འབུམ་ཕྲག་དུ་མ་དང༌། ལྷའི་བུ་འོད་ཆེན་དང་ལྷན་ཅིག་ཏུ་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་
འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་འོད་མའི་ཚལ་བྱ་ཀ་ལནྟ་ཀ་གནས་པའི་ཕྱོགས་གཅིག་ཏུ་གོ་བཟུང་ངོ༌། །ཡང་དེའི་ཚེ་གངས་ཀྱི་རི་ལ་
གནས་པའི་སྨན་གྱི་ཚོགས་ཀྱི་ལྷ་མོ་རྣམས་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་
རིའི་མཆོག་བྱ་རྒོད་ཀྱི་ཕུང་པོ་ལ་མཛེས་པར་འཁོད་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། རྒྱལ་པོའི་ཁབ་བྱ་རྒོད་ཕུང་པོའི་རི་དང་བཅས་པ་ཐམས་ཅད་སྣང་བར་བྱས་
༄༅། །ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་རྔ་དང༌། རྔ་བོ་ཆེ་དང༌། ཅང་ཏེའུ་དང༌། དུང་དང༌། ལྕགས་ཀྱི་སིལ་ཁྲོལ་དང༌། ཧིན་ཌི་མ་དང༌། འཁར་རྔ་དང༌། རྫ་རྔ་ཆེན་པོ་དང༌།
བལ་བི་ས་དང༌། པི་ཝང་དང༌། རྫ་རྔ་ཁ་གཅིག་པ་དང༌། དྲིལ་བུ་དང༌། གླིང་བུ་དང༌། ཤུ་ཀ་དང༌། ཀ་ན་ལ་ལ་སོགས་པ་མ་བརྡུངས། མ་བཅོས། མེ་བླངས་པར་སིལ་སྙན་གྱི་སྒྲ་དང༌། ཡིད་དུ་འོང་བའི་
སྒྲ་བྱུང་ངོ༌། །ཡང་དེའི་ཚེ་བཅོམ་ལྡན་འདས་ལ་སྲི་ཞུ་བྱ་བའི་ཕྱིར་ནགས་རྣམས་དུས་མ་ཡིན་པར་མེ་ཏོག་རྒྱས་ཤིང༌། དུས་མ་ཡིན་པར་འབྲས་བུ་དང༌། ལྕུག་ཕྲན་དང༌། དོག་པ་རྣམ་པ་སྣ་ཚོགས་
རབ་ཏུ་རྒྱས་པས་བྱ་རྒོད་ཀྱི་ཕུང་པོའི་རི་ལ་ཤིན་ཏུ་བཀྲམ་མོ། །ཡང་དེའི་ཚེ་གངས་ཀྱི་རི་ལ་གནས་པའི་སེངྒེའི་རྒྱལ་པོ་རིན་ཆེན་པདྨ་ཞེས་བྱ་བ་སེངྒེའི་རྒྱལ་པོ་འབུམ་ཕྲག་དུ་མ་དང་ལྷན་ཅིག་ཏུ་ཕྱེམ་
རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་གཅན་གཟན་དང༌། རི་དྭགས་ཐམས་
ཅད་ལ་བདེ་བའི་སྒྲ་སེངྒེའི་སྐད་འབྱིན་ཅིང་འཆག་ལ་ཤིན་ཏུ་རྩེ་སྟེ། བཅོམ་ལྡན་འདས་ལ་སྲི་ཞུ་བྱ་བའི་ཕྱིར་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བྱ་རྒོད་ཀྱི་ཕུང་པོའི་རིའི་ཕྱོགས་
གཅིག་ཏུ་གོ་བཟུང་ངོ༌། །ཡང་དེའི་ཚེ་སྤོས་ཀྱི་གླང་པོའི་རྒྱལ་པོ་རི་བོ་དང་སྤྲིན་ལྟ་བུ་ཞེས་བྱ་བ་དང༌། སྤོས་ཀྱི་གླང་པོའི་རྒྱལ་པོ་འབུམ་ཕྲག་དུ་མ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ་རང་རང་གི་
གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་འབྲུག་སྒྲ་ཆེན་པོ་བཞིན་དུ་སྒྲོག་ཅིང་སྐད་བྱུང་ནས་བཅོམ་ལྡན་འདས་ལ་
སྲི་ཞུ་བྱ་བའི་ཕྱིར་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བྱ་རྒོད་ཀྱི་ཕུང་པོའི་རིའི་ཕྱོགས་གཅིག་ཏུ་གོ་བཟུང་ངོ༌། །དེ་བཞིན་དུ་གཅན་གཟན་དང་རི་དྭགས་ཐམས་ཅད་ཀྱི་བར་དག་གིས་བྱ་རྒོད་ཀྱི་ཕུང་
པོའི་རིའི་ཕྱོགས་གཅིག་ཏུ་གོ་བཟུང་ངོ༌། །ཡང་དེའི་ཚེ་ཤ་སྦྲང་དང༌། སྦྲང་བུ་དང༌། ཆུ་སྲིན་དང༌། ཉ་དང༌། རུས་སྦལ་དང༌། སྡིག་པ་དང༌། སྲིན་གྱི་མེ་དང༌། བར་སུ་མི་ཀ་དང༌། ཙུན་ཙུ་ཀ་དང༌། ས་རི་ཀ་དང༌། སྲོག་
ཆགས་གདུག་པའི་རིགས་རྣམས་ཀྱིས་དུག་རྣམ་པར་སྤངས་ནས་དུག་གི་རང་བཞིན་དང་བྲལ་བར་གྱུར་ཏེ་འཁོད་དོ། །ཡང་དེའི་ཚེ་སྦྲུལ་དང༌། མྱུར་དུ་གདུག་པ་དང༌། སྦྲུལ་གཟི་གུ་དང༌། ཆུ་སྦྲུལ་དང༌།
གདུག་པ་མི་བཟད་པ་ཆེན་པོའི་རིགས་རྣམས་ཀྱིས་དུག་རྣམ་པར་སྤངས་ནས་དུག་གི་རང་བཞིན་དང་བྲལ་བར་གྱུར་ཏེ་འཁོད་དོ། །ཡང་དེའི་ཚེ་ནད་བཞི་བརྒྱ་རྩ་བཞིས་ཐེབས་པའི་སེམས་ཅན་གང་སུའང་རུང་
བ་དག་དང༌། ཡི་དྭགས་སུ་གྱུར་པ་གང་ཡིན་པ་དག་དང༌། སེམས་ཅན་དམྱལ་བའི་སྐྱེ་གནས་སུ་གྱུར་པ་གང་ཡིན་པ་དེ་དག་ཐམས་ཅད་ཟས་དང་སྐོམ་གྱིས་ཚིམ་པར་གྱུར་ཏེ་བདེ་བ་དང་བསིལ་བའི་རླུང་གི་
ཕོག་ནས་གཉིད་འོང་ཞིང་མངོན་པར་རྩེ་བར་གྱུར་ཏོ། །ཡང་དེའི་ཚེ་ལས་མི་ཟད་པ་རྣམ་པ་བཅུ་དྲུག་གིས་འཚོ་བའི་སེམས་ཅན་རྣམས་ཀྱི་ལས་མི་ཟད་པའི་རང་བཞིན་བཏང་ནས་དེ་དག་ཐམས་ཅད་ཀྱང་ཟས་
༄༅། །དང་སྐོམ་གྱིས་ཚིམ་པར་གྱུར་ཏེ། བདེ་བ་དང་བསིལ་བའི་རླུང་གིས་ཕོག་ནས་གཉིད་འོང་ཞིང་མངོན་པར་རྩེ་བར་གྱུར་ཏོ། །ཤ་ཟ་ཞིང་སྲིན་པོའི་རང་བཞིན་ལྟ་བུར་གྱུར་པའི་སེམས་
ཅན་གང་ཡིན་པ་དེ་དག་ཐམས་ཅད་ཀྱང་ཤ་ཟ་བ་སྤངས་ཏེ་ཇི་སྲིད་འཚོའི་བར་དུ་ཚུལ་ཁྲིམས་བླངས་སོ། །ཡང་དེའི་ཚེ་སེམས་ཅན་གང་དག་བྱི་བོ་བྱེད་པ་དང༌། རྐུ་འཕྲོག་ལ་ཞུགས་པ་གང་ཡིན་པ་དེ་དག་ཐམས་
ཅད་ཀྱིས་ཀྱང་ཚུལ་ཁྲིམས་བླངས་ཏེ་དུལ་བ་དང༌། ཡང་དག་པར་སྡོམ་པ་ལ་དགའ་བར་གྱུར་ཏོ། །དེ་ནས་ལས་མི་ཟད་པ་ཆེན་པོ་བཅུ་དྲུག་གིས་འཚོ་བ་དང༌། ཤ་ཟ་དང༌། བྱི་བོ་བྱེད་པ་དང༌། མ་བྱིན་པར་
ལེན་པ་ལ་ཞུགས་པའི་སེམས་ཅན་དེ་དག་གིས་རང་རང་གི་སེམས་རྗེས་སུ་དྲན་ནས་གར་བྱེད་ཅིང་གླུ་ལེན་ཏེ་སྲི་ཞུ་བྱ་བར་བརྩམས་སོ། །ཡང་དེའི་ཚེ་དེ་དག་དང༌། གཞན་ཡང་ལྷ་དང༌། ཀླུ་དང༌། གནོད་
སྦྱིན་དང༌། ནམ་མཁའ་ལྡིང་དང༌། མིའམ་ཅི་དང༌། ལྟོ་འཕྱེ་ཆེན་པོ་དང༌། དྲི་ཟ་དང༌། ལྷ་མ་ཡིན་དང༌། སྲིན་པོ་དང༌། གྲུལ་བུམ་དང༌། འབྱུང་པོ་དང༌། གཅོད་བྱེད་ཀྱི་བུ་དང༌། བརྒྱ་བྱིན་དང༌། འཇིག་རྟེན་
སྐྱོང་དང༌། ཚངས་པ་དང༌། ནགས་ཀྱི་ལྷ་དང༌། བྱ་དང༌། རིག་སྔགས་འཆང་དང༌། འདོད་རྒུར་བསྒྱུར་བའི་གཟུགས་ཅན་གྱི་ལྷ་མོའི་ཚོགས་དུ་མ་དག་ཀྱང་ཆོས་ཀྱི་འདུ་སྟོན་གྱི་མཆོག་གི་དཀྱིལ་
འཁོར་ཆེན་པོ་ཐོས་ཏེ་རབ་ཏུ་དགའ་བར་གྱུར་ནས་ཚུལ་ཁྲིམས་ཡོངས་སུ་དག་ཅིང་ཐེག་པ་ཆེན་པོ་རྒྱས་པར་བྱ་བར་འདོད་པས། མཚུངས་པ་མེད་པའི་མདོ་ཆེན་པོའི་སྒྲུབ་པ་གཟུང་བར་འདོད་པ། དམ་
པའི་ཆོས་ཀྱི་ཕྱོགས་སུ་གཏོགས་པའི་སེམས་ཅན་རྣམས་ཡུན་རིང་དུ་གནས་པར་འདོད་པ། མ་འོངས་པའི་སེམས་ཅན་བསོད་ནམས་ཆུང་ངུ་རྣམས་ཀྱི་བསོད་ནམས་ཀྱི་ཕུང་པོ་ཆེན་པོ་རྒྱ་ཆེན་པོ་སྐྱེད་པ་དང༌།
དམ་པའི་ཆོས་གནས་པར་འདོད་པ་རྣམས་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཆོས་ཀྱི་འདུ་སྟོན་ལ་མཆོད་པ་
བྱས་ཏེ་མཚན་མཐའ་ཡས་པས་ཡང་དག་པར་བརྒྱན་པ། སྟོན་ཟླ་ཐ་ཆུང་གི་ཟླ་བ་ཉ་བ་ལྟ་བུའི་རྒྱལ་བའི་ཟླ་བ་ཞབས་ལ་མགོ་བོས་ཡུན་རིང་དུ་ཕྱག་བཙལ་ནས་བཅོམ་ལྡན་འདས་ལ་ལན་གསུམ་བསྐོར་
བ་བྱས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཕྱོགས་གཅིག་ཏུ་འཁོད་དོ། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་ཞེས་བྱ་བ་སྟན་
ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བདེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་
གསོལ་ཏོ། །གལ་ཏེ་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་ལ་བདག་ཕྱོགས་འགའ་ཞིག་ཞུའོ། །དེ་སྐད་ཅེས་གསོལ་ནས་བཅོམ་ལྡན་འདས་ཀྱིས་
བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་ལ་འདི་སྐད་ཅེས་བཀའ་སྩལ་ཏོ། །སྤྲིན་ཆེན་སྙིང་པོ། ཁྱོད་དེ་བཞིན་གཤེགས་པ་ལ་ཅི་དང་ཅི་འདོད་པ་དྲིས་ཤིག་དང༌། ངས་དྲིས་པ་དེ་
༄༅། །དང་དེའི་ལུང་བསྟན་པས་ཁྱོད་ཀྱི་སེམས་རེངས་པར་བྱའོ། །དེ་སྐད་ཅེས་བཀའ་སྩལ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་བཅོམ་ལྡན་འདས་ལ་
འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་རྣམས་མདོ་གང་དང་ལྡན་ན། ཏིང་ངེ་འཛིན་གྱི་རྒྱ་མཚོར་ཡང་འགྱུར་བ་དང༌། ཏིང་ངེ་འཛིན་ཡང་དག་པར་གསོག་པར་ཡང་འགྱུར་
བ་དང༌། ཐོས་པའི་རྒྱ་མཚོར་ཡང་འགྱུར་བ་དང༌། ཐོས་པ་ཡང་དག་པར་གསོག་པར་ཡང་འགྱུར་བ་དང༌། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་འཚལ་ཞིང་ཡིད་གཉིས་མ་མཆིས་
ལ་ཐེ་ཚོམ་འཚལ་བར་ཡང་མི་འགྱུར་བ་དང༌། མི་ཁོམ་པ་རྣམས་སུ་སྐྱེ་བར་མི་འགྱུར་བ་དང༌། ཚེ་རབས་དྲན་པར་ཡང་འགྱུར་བ་དང༌། འཁོར་བའི་ལས་ཀྱི་ཞིང་གི་རྒྱ་མཚོ་ལ་སྲེད་པར་ཡང་འགྱུར་བ་དང༌། ཚེ་
རབས་ཐམས་ཅད་དུ་ཐ་ན་རྨི་ལམ་ན་ཡང་སངས་རྒྱས་མཐོང་བ་དང་འབྲལ་བར་ཡང་མི་འགྱུར་བ་དང༌། དེ་དག་གི་དགེ་བའི་ཆོས་རྣམས་ལ་བར་ཆད་བགྱི་བའི་སླད་དུ་བདུད་སྡིག་ཅན་གླགས་ལྟ་བ་དང༌།
སྐབས་ཚོལ་བས་གླགས་རྙེད་པར་ཡང་མི་འགྱུར་བ་དང༌། ང་རྒྱལ་ཆོམ་བར་ཡང་འགྱུར་བ་དང༌། གཟུངས་ཐོབ་པར་ཡང་འགྱུར་བ་དང༌། དེ་བཞིན་གཤེགས་པའི་ལྡེམ་པོ་དག་དཔྱོད་པ་ལ་མཁས་པར་
ཡང་འགྱུར་བ་དང༌། ཆོས་ཐམས་ཅད་ཀྱི་གསང་བའི་སྒོར་འཇུག་པར་ཡང་འགྱུར་བ་དང༌། དེ་བཞིན་གཤེགས་པའི་གཏེར་ཡང་དག་པར་སྟོན་པར་ཡང་འགྱུར་བ་དང༌། དེ་བཞིན་གཤེགས་པའི་ཚུལ་
ལ་འཇུག་པར་ཡང་འགྱུར་བ་དང༌། དེ་བཞིན་གཤེགས་པའི་རྒྱ་མཚོའི་ཆུ་སྲིན་དུ་ཡང་འགྱུར་བ་དང༌། དེ་བཞིན་གཤེགས་པའི་གཞུང་ལུགས་ཀྱི་ནང་དུ་ཆུད་པར་ཡང་འགྱུར་བ་དང༌། དེ་བཞིན་གཤེགས་པའི་སྒྱུ་
འཕྲུལ་གསང་བའི་སྲུང་མར་ཡང་འགྱུར་བ་དང༌། དེ་བཞིན་གཤེགས་པའི་གསུང་བརྗོད་པར་ཡང་འགྱུར་བ་དང༌། དེ་བཞིན་གཤེགས་པའི་དམིགས་པ་ལ་རྣལ་འབྱོར་པར་ཡང་འགྱུར་བ་དང༌། དེ་བཞིན་གཤེགས་
པའི་ཉི་མའི་འོད་ཟེར་དུའང་འགྱུར་བ་དང༌། དེ་བཞིན་གཤེགས་པའི་ཟླ་བའི་དཀྱིལ་འཁོར་གྱི་གཟིར་ཡང་འགྱུར་བ་དང༌། དེ་བཞིན་གཤེགས་པའི་ཏོག་གི་རྩེ་མོའི་མཆོག་ཏུའང་འགྱུར་བ་དང༌། དེ་བཞིན་
གཤེགས་པའི་མཚམས་འཛིན་པར་ཡང་འགྱུར་བ་དང༌། དེ་བཞིན་གཤེགས་པའི་འཕྲིན་ལས་ལ་བརྩོན་པར་ཡང་འགྱུར་བ་དང༌། དེ་བཞིན་གཤེགས་པའི་རྩལ་གྱི་ཤུགས་སུའང་འགྱུར་བ་དང༌། དེ་
བཞིན་གཤེགས་པའི་མུ་སྟེགས་ལ་ངེས་པའི་པདྨ་དཀར་པོར་ཡང་འགྱུར་བ་དང༌། དེ་བཞིན་གཤེགས་པའི་དགྱེས་པ་ལ་དགའ་བར་ཡང་འགྱུར་བ་དང༌། དེ་བཞིན་གཤེགས་པའི་མཛོད་ཀྱི་དཀོར་བར་
ཡང་འགྱུར་བ་དང༌། དེ་བཞིན་གཤེགས་པ་ལ་རྟག་པ་ཉིད་དུ་མཐོང་བར་ཡང་འགྱུར་བ་དང༌། དེ་བཞིན་གཤེགས་པའི་རྟག་པ་དང༌། ཐེར་ཟུག་པ་ཉིད་དུ་ཤིན་ཏུ་གསལ་བར་མཐོང་ནས་བདག་ཉིད་
བསྔགས་པ་བརྗོད་པའི་རྒྱལ་པོར་ཡང་འགྱུར་བ་དང༌། དེ་བཞིན་གཤེགས་པ་ནི། ཐེར་ཟུག་པའི་སྐུ་ཡིན་ནོ། །ཞེས་ཐེར་ཟུག་ཏུ་སྨྲ་བར་ཡང་འགྱུར་བ་དང༌། དེ་བཞིན་གཤེགས་པའི་ཞི་བའི་རང་བཞིན་
༄༅། །ལ་མངོན་པར་དགའ་བའི་ལྟ་བ་ཕུན་སུམ་ཚོགས་པར་ཡང་འགྱུར་བ་དང༌། དེ་བཞིན་གཤེགས་པ་ནི། རྟག་པ། ཐེར་ཟུག་པ་དང༌། བརྟན་པ་དང༌། ཞི་བའོ། །ཞེས་
རྣམ་པ་ཐམས་ཅད་དུ་ལྟ་བའི་རྒྱ་མཚོ་ཐམས་ཅད་དུའང་འགྱུར་བ་དང༌། དེ་བཞིན་གཤེགས་པའི་སྐུ་ནི། ཆོས་ཀྱི་སུ་ཡིན་ནོ། །ཞེས་དེ་ཁོ་ན་མཐོང་བར་ཡང་འགྱུར་བ་དང༌། དེ་བཞིན་གཤེགས་
པའི་རྡོ་རྗེའི་སྐུ་ནི། མི་ཕྱེད་པའི་སྐུ་ཡིན་ནོ། །ཞེས་ཡང་དག་པར་མཐོང་བར་ཡང་འགྱུར་བ་དང༌། དེ་བཞིན་གཤེགས་པའི་སྐུ་ནི། རུས་པ་མ་ཡིན་ཞིང་ཤ་མ་ཡིན་ལ་ཁྲག་མ་ཡིན་ཏེ་རྒྱུས་པ་མ་
ཡིན་ནོ༑ ༑ཞེས་སྟོང་པ་ཉིད་དུ་སྨྲ་བར་ཡང་འགྱུར་བ་དང༌། དེ་བཞིན་གཤེགས་པའི་ཆོས་བསྟན་པ་ནི། འབྲས་བུ་ཡོད་པ་ཡིན་ནོ། །ཞེས་འབྲས་བུ་ཡོད་པར་སྨྲ་བར་ཡང་འགྱུར་བ་དང༌། དེ་བཞིན་
གཤེགས་པའི་ཆོས་བསྟན་པ་ལ་ནི། འབྲས་བུ་མེད་པར་འགྱུར་བ་མེད་དོ། །ཞེས་མེད་པར་སྨྲ་བར་ཡང་འགྱུར་བ་དང༌། དེ་བཞིན་གཤེགས་པ་ལ་ནི། གཏན་དུ་ཡོངས་སུ་མྱ་ངན་ལས་འདས་
པར་འགྱུར་བ་མེད་དོ། །ཞེས་གསལ་བར་སྨྲ་བར་ཡང་འགྱུར་བ་དང༌། དེ་བཞིན་གཤེགས་པའི་རྗེས་སུ་རབ་ཏུ་བྱུང་བའི་སེམས་ཅན་རྣམས་ལ་ནི། ཚུལ་ཁྲིམས་ཉམས་པ་མེད་དོ། །ཞེས་
ཚུལ་ཁྲིམས་ཀྱི་བསྔགས་པ་བརྗོད་པར་ཡང་འགྱུར་བ་དང༌། དེ་བཞིན་གཤེགས་པའི་བསྟན་པ་ལ་ནི། ནུབ་པར་འགྱུར་བ་མེད་དོ། །ཞེས་ནུབ་པར་མི་འགྱུར་བའི་བསྔགས་པ་བརྗོད་པར་
ཡང་འགྱུར་བ་དང༌། དེ་བཞིན་གཤེགས་པའི་རིགས་དང༌། རྒྱུད་དག་ཅིང་ཡོངས་སུ་དག་ལ་དྲི་མ་མེད་པས་བྱང་ཆུབ་སེམས་དཔའ་ནི། ཐབས་ཀྱི་རིགས་ཀྱི་རྒྱུད་ཡིན་ནོ། །ཞེས་ལྟ་བ་ཕུན་སུམ་ཚོགས་པར་
ཡང་འགྱུར་བ་དང༌། རྟག་ཏུ་འཁོར་བ་ལ་སྡུག་པའི་སེམས་པར་ཡང་འགྱུར་བ་དང༌། འཁོར་བའི་བསྔགས་པ་བརྗོད་པར་ཡང་འགྱུར་བ་དང༌། འཁོར་བའི་ཆེད་དུ་ཐོས་པའི་རྒྱ་མཚོར་ཡང་འགྱུར་བ་དང༌། དེ་
བཞིན་གཤེགས་པའི་རིགས་ལ་དམིགས་པར་འདོད་པར་ཡང་འགྱུར་བ་དང༌། རྟག་ཏུ་ཉོན་མོངས་པ་ལ་སེམས་པར་ཡང་འགྱུར་བ་དང༌། ཉོན་མོངས་པ་ལ་སྡུག་པའི་སེམས་པར་ཡང་འགྱུར་བ་དང༌། ཉོན་
མོངས་པའི་སྒོ་རྣམ་པ་སྣ་ཚོགས་འཐོབ་པ་ལ་དད་པའི་ཐོབ་པར་ཡང་འགྱུར་བ་དང༌། སངས་རྒྱས་ཐམས་ཅད་ཀྱི་འཕྲིན་ལས་ཀྱི་ཞིང་ལ་སྨོན་ལམ་འདེབས་པའི་སེམས་སུའང་འགྱུར་བ་དང༌། ལས་ཐམས་
ཅད་ཀྱི་རྩ་བ་ནི། ཉོན་མོངས་པ་ཡིན་ནོ། །ཞེས་རྙེད་པ་ལེགས་པར་རྙེད་པ་ལྟ་བར་ཡང་འགྱུར་བ་དང༌། སངས་རྒྱས་ཀྱི་རྟག་པ་ཉིད་ལའང་སོམ་ཉི་མའི་འཚལ་ཞིང་ཡིད་གཉིས་མ་མཆིས་ལ་ཐེ་ཚོམ་མི་
འཚལ་བར་ཡང་མི་འགྱུར་བ་དང༌། འཁོར་བ་ལ་མངོན་པར་དགའ་བར་ཡང་འགྱུར་བ་དང༌། འཁོར་བ་ལ་མོས་པར་ཡང་འགྱུར་བ་དང༌། བདག་སངས་རྒྱས་སུ་འགྱུར་བར་བྱའོ། །ཞེས་རྟག་ཏུ་དད་པའི་
སེམས་སུའང་འགྱུར་བ་དང༌། བདག་གིས་ཆོས་ཀྱི་འཁོར་ལོ་བསྐོར་བར་བྱའོ། །བདག་གིས་སེམས་ཅན་རྣམས་དགྲོལ་བར་བྱའོ། །བདག་གིས་སངས་རྒྱས་ཀྱི་གདུང་མི་འཆད་པར་བྱའོ། །ཞེས་དམ་
༄༅། །བཅའ་ཞིང་སྨོན་ལམ་འདེབས་ཏེ། བྱང་ཆུབ་སེམས་དཔའ་དེད་དཔོན་དུའང་འགྱུར་བ་དང༌། བདུད་ཀྱི་སྨན་པར་ཡང་འགྱུར་བ་དང༌། འཁོར་བའི་ཉོན་མོངས་པའི་རྒྱ་
མཚོའི་སྟོན་པ་པོར་ཡང་འགྱུར་བ་དང༌། འཁོར་བའི་ཉོན་མོངས་པའི་ཚོང་རྡལ་ཐོབ་པར་ལྟ་བར་ཡང་འགྱུར་བ་དང༌། འཁོར་བའི་རྒྱ་མཚོ་ཆེན་པོ་ཐོབ་པས་སྐོམ་པར་ཡང་འགྱུར་བ་དང༌། འཁོར་
བ་ལ་སྲེད་པར་ཡང་འགྱུར་བ་དང༌། འཁོར་བ་ཐོབ་པ་ལ་རག་ལས་པའི་སེམས་སུའང་འགྱུར་བ་དང༌། འཁོར་བ་ཐོབ་པ་མི་གཏོང་བར་ཡང་འགྱུར་བ་དང༌། འཁོར་བའི་ཆུལ་པདྨའི་རྒྱལ་པོ་རྒྱས་
པར་ཡང་འགྱུར་བ་དང༌། འཁོར་བའི་ཉོན་མོངས་པའི་རྒྱ་མཚོ་བཞིར་ཡང་འགྱུར་བ་དང༌། འཁོར་བའི་ཉོན་མོངས་པ་ལ་རྟག་ཏུ་སྨོན་ལམ་འདེབས་པའི་སེམས་སུའང་འགྱུར་བ་དང༌། སེམས་ཅན་
དམྱལ་བའི་འགྲོ་བ་ལ་དགའ་བར་ཡང་འགྱུར་བ་དང༌། སེམས་ཅན་དམྱལ་བའི་འགྲོ་བ་ལ་སེམས་ཤིང་རྟག་ཏུ་བསམ་པ་གཏོང་བའི་ངང་ཚུལ་ཅན་དུའང་འགྱུར་བ་དང༌། སེམས་ཅན་དམྱལ་
བའི་ཚོང་རྡལ་གྱི་ཚོང་པར་ཡང་འགྱུར་བ་དང༌། སེམས་ཅན་དམྱལ་བ་ཐོབ་པ་མི་གཏོང་བར་ཡང་འགྱུར་བ་དང༌། སེམས་ཅན་དམྱལ་བའི་མེ་ལ་སེམས་རྒྱས་པར་ཡང་འགྱུར་བ་དང༌། སེམས་ཅན་
དམྱལ་བའི་ཉོན་མོངས་པས་ཉོན་མོངས་པར་གྱུར་པ་རྣམས་ལ་བདེ་ཞིང་བསིལ་བའི་རླུང་དུའང་འགྱུར་བ་དང༌། སེམས་ཅན་དམྱལ་བའི་མེ་དྲག་པོ་ལ་སྤྲིན་ཆེན་པོ་ལས་ཆར་ཀུན་ཏུ་འབེབས་པར་ཡང་
འགྱུར་བ་དང༌། སེམས་ཅན་དམྱལ་བའི་ཐོག་ཏོག་ཏུའང་འགྱུར་བ་དང༌། སེམས་ཅན་དམྱལ་བའི་སྟོན་པ་པོར་ཡང་འགྱུར་བ་དང༌། སེམས་ཅན་དམྱལ་བའི་རྒྱ་མཚོའི་མཉན་པ་ཆེན་པོར་ཡང་འགྱུར་བ་དང༌།
སེམས་ཅན་དམྱལ་བའི་སྨན་དུའང་འགྱུར་བ་དང༌། སེམས་ཅན་དམྱལ་བའི་ཟས་སུའང་འགྱུར་བ་དང༌། འཁོར་བའི་སྡུག་བསྔལ་དང་ཉོན་མོངས་པ་ཐམས་ཅད་ཀྱིས་ཟིན་པའི་མུན་པ་མུན་ནག་བསལ་བའི་
ཕྱིར་སྒྲོན་མ་ལྟ་བུར་ཡང་འགྱུར་བ་དང༌། སྲིད་པའི་འགྲོ་བ་སྣང་བར་བྱ་བའི་ཕྱིར་མར་མེ་ལྟ་བུར་ཡང་འགྱུར་བ་དང༌། སྲིད་པའི་འགྲོ་བ་ཐམས་ཅད་ཀྱི་ཉོན་མོངས་པ་མྱུར་དུ་གདུགས་པ་རྣམ་པ་སྣ་ཚོགས་ཀྱིས་གོས་
པར་མི་འགྱུར་བའི་ཕྱིར་བར་སྣང་ལྟ་བུར་ཡང་འགྱུར་བ་དང༌། སེམས་ནམ་མཁའ་དང་མཚུངས་པའི་ཕྱིར་མི་གནས་པར་ཡང་འགྱུར་བ་དང༌། དེ་བཞིན་གཤེགས་པའི་རྗེས་སུ་རབ་ཏུ་བྱུང་སྟེ་ཚུལ་ཁྲིམས་
དང༌། སྟོབས་དང༌། ཡེ་ཤེས་དང་ལྡན་པའི་ཕྱིར་ཁ་བའི་ཕུང་པོ་ལྟ་བུའི་ཉོན་མོངས་པ་སེལ་བའི་ཉི་མ་ལྟ་བུར་ཡང་འགྱུར་བ་དང༌། ལེགས་པར་སྨྲས་པ་ཡང་དག་པར་བླངས་པའི་ཕྱིར་གཞན་གྱི་དྲིང་མི་
འཇོག་པར་འགྱུར་བ་དང༌། ཡེ་ཤེས་རྒྱ་མཚོ་དང་ལྡན་པའི་ཕྱིར་རྒྱ་མཚོ་དུག་ཅན་ལྟ་བུར་ཡང་འགྱུར་བ་དང༌། དཀར་པོའི་ཆོས་ཡོངས་སུ་རྫོགས་པར་བྱ་བའི་ཕྱིར་ཟླ་བ་ལྟ་བུར་ཡང་འགྱུར་བ་དང༌། གཏི་
མུག་གི་མུན་པ་སེལ་བའི་ཕྱིར་ཉི་མ་ལྟ་བུར་ཡང་འགྱུར་བ་དང༌། ཉོན་མོངས་པས་འཁོར་བ་ལ་མངོན་པར་འཇུག་ཅིང་འགྲོ་བའི་ཚེ་བར་སྣང་ལྟ་བུར་ཡང་འགྱུར་བ་དང༌། དེ་དང་དེ་མངོན་པར་རྟོགས་པས་
༄༅། །པདྨ་ལྟ་བུར་གོས་པ་མེད་པར་ཡང་འགྱུར་བ་དང༌། སེམས་ཅན་ནམ་མཁའ་དང་མཚུངས་པའི་ཕྱིར་མི་གནས་པར་ཡང་འགྱུར་བ་དང༌། ཆོས་ཐམས་ཅད་ལ་ངེས་པར་
འབིགས་པའི་ཕྱིར་རྡོ་རྗེ་ལྟ་བུར་ཡང་འགྱུར་བ་དང༌། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང༌། ཐེར་ཟུག་པ་དང༌། བསྟན་པ་ཐོས་ན་མི་གཡོ་བའི་ཕྱིར་རི་ལྟ་བུར་ཡང་འགྱུར་བ་
དང༌། དེ་བཞིན་གཤེགས་པའི་རིགས་དང་རྒྱུད་ལ་ཡེ་ཤེས་རྣམ་པར་དག་པའི་ཕྱིར་བཻ་ཌཱུཪྻ་ལྟ་བུར་ཡང་འགྱུར་བ་དང༌། ཉོན་མོངས་པའི་རྙོག་པ་སེལ་བའི་ཕྱིར་རྒྱ་མཚོ་དུག་ཅན་པའི་གསེར་གྱི་
ཕ་བོང་ལྟ་བུར་ཡང་འགྱུར་བ་དང༌། དེ་བཞིན་གཤེགས་པའི་རྟག་པ་དང༌། ཐེར་ཟུག་པ་དང༌། བརྟན་པའི་རང་བཞིན་མཐོང་བའི་ཕྱིར་ཟླ་བ་ལྟ་བུར་ཡང་འགྱུར་བ་དང༌། དེ་བཞིན་གཤེགས་པའི་
ཆོས་ལས་མི་གཡོ་བའི་ཕྱིར་རི་ལྟ་བུར་ཡང་འགྱུར་བ་དང༌། དེ་བཞིན་གཤེགས་པ་གཏན་དུ་མྱ་ངན་ལས་མི་འདའ་ཞིང་ཆོས་ནུབ་པར་མི་འགྱུར་བ་ཐོས་ན་མི་གཡོ་བའི་ཕྱིར་སྒོའི་ཐེམ་པ་ལྟ་བུར་ཡང་
འགྱུར་བ་དང༌། ཡང་དག་པ་མཐོང་བའི་ཕྱིར་སེམས་བརྟན་ཞིང་གནས་པར་ཡང་འགྱུར་བ་དང༌། སེམས་མི་ཕྱེད་པའི་ཕྱིར་རྡོ་རྗེ་ལྟ་བུར་ཡང་འགྱུར་བ་དང་མངོན་སུམ་དུ་ཡོན་ཏན་མང་པོ་ཐོབ་པ་
མང་བར་ཡང་འགྱུར་བ་དང༌། ངོ་ཚ་ཤེས་པ་དང༌། ཁྲེལ་ཡོད་པ་དང་ལྡན་པར་ཡང་འགྱུར་བ་དང༌། མཛེས་པར་ཡང་འགྱུར་བ་དང༌། བལྟ་ན་སྡུག་པར་ཡང་འགྱུར་བ་དང༌། བརྐམ་པ་མེད་པར་ཡང་
འགྱུར་བ་དང༌། ལུས་ཆུང་དུར་ཡང་མི་འགྱུར་བ་དང༌། ཁ་དོག་བཟང་པོ་རྒྱས་པ་མཆོག་དང་ལྡན་པར་ཡང་འགྱུར་བ་དང༌། རིགས་མཐོན་པོར་སྐྱེ་བར་ཡང་འགྱུར་བ་དང༌། རིགས་ཆེན་པོར་སྐྱེ་བར་ཡང་
འགྱུར་བ་དང༌། འཁོར་མང་བར་ཡང་འགྱུར་བ་དང༌། འཁོར་མི་ཕྱེད་པར་ཡང་འགྱུར་བ་དང༌། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་ཉམས་པར་མི་འགྱུར་
བ་དང༌། ཁ་ཟས་ལ་བརྐམ་པར་ཡང་མི་འགྱུར་བ་དང༌། ཤའི་ཁ་ཟས་ཀྱང་རྣམ་པར་སྤོང་བར་འགྱུར་བ་དང༌། བློ་གྲོས་དང་ལྡན་པར་ཡང་འགྱུར་བ་དང༌། སྐྱེ་བོ་ཐམས་ཅད་ཀྱི་ཡིད་དུ་འོང་ཞིང་ཆེར་
བཀུར་བར་ཡང་འགྱུར་བ་དང༌། དྲན་པ་དང་ལྡན་པར་ཡང་འགྱུར་བ་དང༌། གཟི་བྱིན་དང་ལྡན་པར་ཡང་འགྱུར་བ་དང༌། ཤེས་རབ་དང་ལྡན་པར་འགྱུར་བ་དང༌། དགའ་བ་དང་ལྡན་པར་ཡང་འགྱུར་
བ་དང༌། འཇིག་རྟེན་དང་མཐུན་པར་འཇུག་པར་ཡང་འགྱུར་བ་དང༌། འཇིག་རྟེན་ལ་ཕན་པར་འདོད་པར་ཡང་འགྱུར་བ་དང༌། འཇིག་རྟེན་ལ་བདེ་བར་ཡང་འགྱུར་བ་དང༌། འཇིག་རྟེན་གྱི་ཐུ་བོ་ཡང་
འགྱུར་བ་དང༌། འཇིག་རྟེན་གྱི་གཙོ་བོར་ཡང་འགྱུར་བ་དང༌། འཇིག་རྟེན་གྱི་མཆོག་ཏུའང་འགྱུར་བ་དང༌། འཇིག་རྟེན་གྱི་རབ་ཏུའང་འགྱུར་བ་དང༌། འཇིག་རྟེན་ཐམས་ཅད་ཀྱིས་ཕྱག་བྱ་བར་འོས་པར་
ཡང་འགྱུར་བ་དང༌། འཇིག་རྟེན་ཐམས་ཅད་ཀྱི་མཆོད་པའི་གནས་སུའང་འགྱུར་བ་དང༌། སྦྱིན་བདག་ཆེན་པོར་ཡང་འགྱུར་བ་དང༌། སྟོབས་ཆེན་པོ་དང་ལྡན་པར་ཡང་འགྱུར་བ་དང༌། དཔའ་བོ་ཆེན་པོར་
༄༅། །ཡང་འགྱུར་བ་དང༌། བརྩོན་འགྲུས་ཆེན་པོ་དང་ལྡན་པར་ཡང་འགྱུར་པ་དང༌། བྱམས་པའི་སེམས་དང་ཡང་ལྡན་པར་འགྱུར་བ་དང༌། བདེན་པར་སྨྲ་བར་ཡང་འགྱུར་བ་
དང༌། བརྟུལ་ཞུགས་བརྟན་པར་ཡང་འགྱུར་བ་དང༌། བརྩོན་འགྲུས་བརྩམས་པར་ཡང་འགྱུར་བ་དང༌། བྱམས་པ་ལ་གནས་པར་ཡང་འགྱུར་བ་དང༌། སྙིང་རྗེ་ལ་གནས་པར་ཡང་འགྱུར་
བ་དང༌། དགའ་བ་ལ་ཡང་གནས་པར་འགྱུར་བ་དང༌། བཏང་སྙོམས་ལ་ཡང་གནས་པར་འགྱུར་བ་དང༌། སྟོང་པའི་ཆོས་རྣམས་ལ་སྟོང་པར་སྨྲ་བར་ཡང་འགྱུར་བ་དང༌། སྟོང་པ་མ་ལགས་
པའི་ཆོས་རྣམས་ལ་སྟོང་པ་མ་ལགས་པར་སྨྲ་བར་ཡང་འགྱུར་བ་དང༌། སངས་རྒྱས་ཀྱི་ཆོས་རྣམས་ཀྱི་དོན་རྟོགས་པར་སྨྲ་བར་ཡང་འགྱུར་བ་དང༌། སངས་རྒྱས་ཀྱི་དེ་ཁོ་ནའི་ཆོས་ཀྱི་ལྟ་བ་
སྨྲ་བར་ཡང་འགྱུར་བ་དང༌། གཙང་བར་ཡང་འགྱུར་བ་དང༌། གཙང་མས་ཕྱུག་པར་ཡང་འགྱུར་བ་དང༌། ཡོན་ཏན་གྱིས་ཕྱུག་པར་ཡང་འགྱུར་བ་དང༌། ཚུལ་ཁྲིམས་ཀྱིས་ཕྱུག་པར་ཡང་
འགྱུར་བ་དང༌། ཆོས་ཀྱིས་ཕྱུག་པར་ཡང་འགྱུར་བ་དང༌། དབྲོག་ཏུ་མ་མཆིས་པའི་རྫས་ཀྱིས་ཕྱུག་པར་ཡང་འགྱུར་བ་དང༌། སྐྱེ་བོ་དབུལ་པོ་སློང་བ་ལ་སོགས་པ་ལ་གཏེར་ལྟ་བུར་ཡང་འགྱུར་
བ་དང༌། སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེད་པའི་ཆོས་རྣམས་ཚོན་པ་ན་མི་སྐྲག་མི་དངང་ཞིང་དངང་བར་ཡང་མི་འགྱུར་བ་དང༌། སངས་རྒྱས་ཀྱི་ཞིང་གང་དང་གང་དུ་སྐྱེ་བར་
བགྱི་བས་སེམས་བསྐྱེད་པ་དེ་དང་དེར་སྐྱེ་བར་ཡང་འགྱུར་བ་དང༌། རྙེད་པ་དང༌། བཀུར་སྟི་དང༌། ཚིགས་སུ་བཅད་པ་དོན་དུ་མི་གཉེར་བར་ཡང་འགྱུར་བ་དང༌། ཚུལ་ཁྲིམས་འཆལ་བ་རྣམས་བསྡུས་ནས་དམ་
པའི་ཆོས་ལ་འགོད་པར་ཡང་འགྱུར་བ་དང༌། ཚུལ་ཁྲིམས་འཆལ་པ་གཡོ་སྒྱུ་དང་ལྡན་པ་རྣམས་ལ་ཐོག་ཏོག་ལྟ་བུར་ཡང་འགྱུར་བ་དང༌། དེ་བཞིན་གཤེགས་པ་ལ་བྱས་པ་མི་གཟོ་བ་ལ་ཡང་དག་པར་
སྦྱོར་བར་ཡང་འགྱུར་བ་དང༌། མུ་སྟེགས་ཅན་གྱི་གནས་ཐམས་ཅད་དུ་མི་འཕྲོག་པར་ཡང་འགྱུར་ཞིང་སླར་དེ་ལ་ཐབས་དང་ལྡན་པར་ཡང་འགྱུར་བ་དང༌། དགེ་སྦྱོང་དང༌། བྲམ་ཟེ་དང༌། མུ་སྟེགས་
ཅན་ཕས་ཀྱི་རྒོལ་བ་མང་པོ་དག་གིས་ཕུག་རྡུགས་སུ་མི་ཆུད་ཅིང་སླར་དེ་ལ་ཐབས་ཀྱིས་རྟོན་པར་ཡང་འགྱུར་བ་དང༌། མུ་སྟེགས་ཅན་གྱི་གནས་ཐམས་ཅད་ཀྱི་གསང་ཚིག་རྣམས་ལ་འདུན་པར་མི་
འགྱུར་ཞིང་སླར་དེ་ལ་ཐབས་ཀྱིས་འདུན་པར་བགྱིད་པར་ཡང་འགྱུར་བ་དང༌། ལྷ་དང༌། ཀླུ་དང༌། གནོད་སྦྱིན་དང༌། དྲི་ཟའི་གནས་ཐམས་ཅད་ལ་བརྟེན་པར་མི་འགྱུར་ཞིང༌། སླར་དེ་ལ་ཐབས་ཀྱིས་ཡང་
དག་པར་བརྟེན་པ་ལྟ་བུར་ཡང་འགྱུར་བ་དང༌། ལས་ལ་སྟོན་པར་འགྱུར་གྱི་བཀྲ་ཤིས་དང༌། དགེ་མཚན་ལ་རྟོན་པར་ཡང་མི་འགྱུར་བ་དང༌། སྲོག་གཅོད་པ་བགྱིད་ཀྱང་སྲོག་གཅོད་པ་སྤངས་པར་ཡང་
འགྱུར་བ་དང༌། མེ་ཏོག་ཕྲེང་བ་དང༌། སྤོས་དང༌། བྱུག་པ་དང༌། ཕྱེ་མས་གདབ་པ་དང༌། ཁྱིམ་པའི་ལོངས་སྤྱོད་དང༌། ཡོངས་སུ་སྤྱད་པ་རྣམ་པ་དུ་མ་དག་དང༌། ཆུང་མ་དང་ལྷན་ཅིག་འདོད་པའི་ཡོན་ཏན་
༄༅། །སྤྱད་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་བ་དང༌། སྲོག་གཅོད་པ་དང༌། རྐུ་འཕྲོག་བགྱིད་པ་དང༌། རྫུན་གྱི་ཚིག་དང༌། སྐྱེམས་འཚལ་བ་ལ་སོགས་པ་
ལ་བརྟེན་ཅིང་ལས་རྣམས་བགྱིད་པ་ལྟ་བུ་དང༌། ཆུང་མ་རྣམས་བསྟེན་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་བ་དང༌། དེ་བཞིན་གཤེགས་པ་ཐམས་ཅད་ཀྱི་མཆོད་པར་ཡང་
འགྱུར་པ་དང༌། དེ་བཞིན་གཤེགས་པ་ཐམས་ཅད་ཀྱིས་རྗེད་པར་ཡང་འགྱུར་བ་དང༌། དེ་བཞིན་གཤེགས་པ་ཐམས་ཅད་ཀྱིས་ཆེར་བཀུར་བར་ཡང་འགྱུར་བ་དང༌། དེ་བཞིན་གཤེགས་
པ་ཐམས་ཅད་ཀྱི་སྡུག་པར་བྱ་བའི་སྲས་སུའང་འགྱུར་བ་དང༌། དེ་བཞིན་གཤེགས་པ་ཐམས་ཅད་ལ་བྱས་པ་གཟོ་བའི་བགོ་སྐལ་ལ་སྤྱོད་པར་ཡང་འགྱུར་བ་དང༌། དེ་བཞིན་གཤེགས་
པ་ཐམས་ཅད་ཀྱི་འཕྲིན་ལས་མཚུངས་པའི་ཆོས་ཀྱི་དེ་ཁོ་ན་མ་ཐོང་བར་ཡང་འགྱུར་བ་དང༌། སངས་རྒྱས་ཐམས་ཅད་ཀྱི་ཡེ་ཤེས་ཀྱི་ཡང་དག་པར་རྟོག་པ་མཚུངས་པར་ཡང་འགྱུར་
བ་དང༌། སངས་རྒྱས་ཐམས་ཅད་ཀྱི་ཆོས་གསང་བ་རྣམ་པ་མང་པོ་ལུང་བསྟན་པའི་ཡུལ་ལ་སྤྱིས་བཙན་པའི་རྒྱལ་པོར་ཡང་འགྱུར་བ་དང༌། སངས་རྒྱས་ཐམས་ཅད་ཀྱི་གསང་བའི་
ཆོས་ཚོན་པ་རྣམ་པ་དུ་མ་བརྗོད་པར་ཡང་འགྱུར་བ་དང༌། སངས་རྒྱས་ཐམས་ཅད་ཀྱིས་བཞེད་པའི་ང་རྒྱལ་ལ་གནས་པའི་ཡུལ་ལ་མཁས་པར་ཡང་འགྱུར་བ་དང༌། སངས་རྒྱས་ཐམས་
ཅད་ཀྱི་འདོད་ཆགས་མ་མཆིས་པ་དང༌། དྲི་མ་མ་མཆིས་པ་དང༌། འཇིགས་པ་མ་མཆིས་པ་གསང་བ་རྣམ་པ་མང་པོའི་ཆོས་སྟོན་པའི་རང་བཞིན་དག་ལ་རིན་པོ་ཆེ་ལྟ་བུར་ཡང་འགྱུར་བ་དང༌། སངས་
རྒྱས་ཐམས་ཅད་ཀྱི་སེམས་ཅན་གདུལ་བའི་དབང་གིས་འདོད་ཆགས་དང༌། ཞེ་སྡང་དང༌། གཏི་མུག་དང༌། འཇིགས་པའི་ཆོས་ཀྱི་ཕྱོགས་ཐམས་ཅད་ལ་འཇུག་པ་ཡང་དག་པར་མཐོང་བར་ཡང་
འགྱུར་བ་དང༌། སངས་རྒྱས་ཐམས་ཅད་ཡུན་རིང་པོ་བསྐལ་པ་བྱེ་བ་གྲངས་པ་མང་པོ་ནས་རྒལ་ནས་ཉོན་མོངས་པའི་རྒྱ་མཚོ་ལས་གྲོལ་བར་མཛད་པའི་གསང་བ་ཐམས་ཅད་ཀྱི་དེ་ཁོ་ན་མཐོང་བར་
ཡང་འགྱུར་བ་དང༌། སངས་རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་ཉོན་མོངས་པའི་རྒྱ་མཚོར་སྐྱེ་བ་བསྟན་ཏེ་རྒལ་ནས་བསྒྲལ་བར་བྱའོ། །གྲོལ་ནས་དགྲལ་བར་བྱའོ། །སྙམ་ནས་
བསྟན་པའི་གསང་བའི་ཁྱད་པར་གྱི་སྒོའི་རང་བཞིན་དག་མཐོང་བར་ཡང་འགྱུར་བ་དང༌། སངས་རྒྱས་ཐམས་ཅད་ཀྱི་ཡུན་རིང་པོ་བསྐལ་པ་བྱེ་བ་བགྲང་བ་མང་པོ་འདས་པ་ནས་བདུད་བྱེ་བ་རབ་ཏུ་
བཅོམ་པའི་རྣམ་པ་གསང་བའི་དེ་ཁོ་ན་མཐོང་བར་ཡང་འགྱུར་བ་དང༌། སངས་རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་བྱང་ཆུབ་ཀྱི་ཤིང་དྲུང་དུ་བདུད་འདུལ་བའི་གསང་བའི་ཁྱད་པར་
གྱི་སྒོའི་རང་བཞིན་སྟོན་པ་ལྟ་བུར་བཅོས་པ་ལེགས་པར་མཐོང་བར་ཡང་འགྱུར་བ་དང༌། ཐབས་ཀྱིས་ཆོས་ཀྱི་འཁོར་ལོ་བསྐོར་བ་དང༌། ཐབས་ཀྱིས་ཡོངས་སུ་མྱ་ངན་ལས་འདས་པ་ལྟ་བུར་བཅོས་པའི་
༄༅། །དེ་ཁོ་ན་མཐོང་བར་ཡང་འགྱུར་བ་དང༌། སངས་རྒྱས་ཐམས་ཅད་རོལ་པའི་གསང་བའི་རྒྱལ་པོའི་མཆོག་ཏུའང་འགྱུར་བ་དང༌། སངས་རྒྱས་ཐམས་ཅད་ཀྱིས་ཡུལ་
བསམ་གྱིས་མི་ཁྱབ་པ། མཚུངས་པ་མ་མཆིས་པ། དཔེ་མ་མཆིས་པ། གྲངས་མ་མཆིས་པ་དང༌། དཔག་ཏུ་མ་མཆིས་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་
བའི་བྱང་ཆུབ་སེམས་དཔའི་མདོ་གང་ལགས། དེ་སྐད་ཅེས་གསོལ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྲིན་ཆེན་སྙིང་པོ་ལ་འདི་སྐད་ཅེས་བཀའ་སྩལ་ཏོ། །སྤྲིན་ཆེན་སྙིང་པོ།
ལེགས་སོ། །ལེགས་སོ། །སྤྲིན་ཆེན་སྙིང་པོ། ཁྱོད་སེམས་ཅན་ཐམས་ཅད་ལ་ཕན་པ་དང༌། བདེ་བ་དང༌། སེམས་ཅན་དམུས་ལོང་དུ་གྱུར་པ་རྣམས་ལ་དེ་བཞིན་གཤེགས་པ་ཐམས་ཅད་ཀྱིས་
ཡོན་ཏན་གྱི་ཆེ་བ་ཉིད་ཀྱི་བསྔགས་པ་བརྗོད་པའི་དེ་ཁོ་ན་ཤེས་པའི་མིག་གི་རྒྱུའི་དོན་དང༌། རྟག་ཏུ་མིག་མཐོང་བར་བྱ་བའི་དོན་དང༌། འཁོར་བའི་ཉོན་མོངས་པའི་རྒྱ་མཚོའི་ཕ་རོལ་ཏུ་
ངེས་པར་བསྒྲལ་བའི་དོན་དང༌། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའི་སྤྱོད་པ་ཡོངས་སུ་ཤེས་པར་བྱ་བའི་དོན་དང༌། འཁོར་བའི་རྒྱ་མཚོའི་ཉོན་མོངས་པའི་སྒོ་
ངའི་སྦུབས་ཡོངས་སུ་བརྟོལ་ཏེ་བྱང་ཆུབ་སེམས་དཔའི་སྤྱོད་པའི་རྗེས་སུ་ཡང་དག་པར་བསླབས་ནས་ཕྱིར་ཡང་འཁོར་བའི་རྒྱ་མཚོས་ཉོན་མོངས་པའི་སྒོ་ངའི་སྤུབས་སུ་ཐབས་ཀྱིས་འཇུག་པར་
བྱ་བའི་དོན་དང༌། མི་རྟག་པ་དང༌། སྟོང་པ་དང༌། ཡོངས་སུ་མྱ་ངན་ལས་འདའ་བ་དང༌། བདག་མེད་པའི་བསྔགས་པ་བརྗོད་པའི་སེམས་ཅན་རྣམས་ལ་སངས་རྒྱས་ཀྱི་ཡོན་ཏན་གྱི་ཆེ་བ་ཉིད་ཡོངས་སུ་
མྱ་ངན་ལས་འདས་པ་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བའི་རང་བཞིན་གྱི་བདག་ཉིད་དུ་གནས་པར་ཡོངས་སུ་བརྟན་པའི་དོན་དང༌། ཆོས་ནུབ་པར་འགྱུར་བར་སྨྲ་བའི་སེམས་ཅན་
རྣམས་ལ་དམ་པའི་ཆོས་བསྟན་པའི་རང་བཞིན་གྱི་མིག་རྣམ་པར་སྦྱང་བའི་དོན་དང༌། ལྷའི་གནས་ཀྱི་གཟུགས་ཐམས་ཅད་ལ་ལོག་པར་ལྟ་བའི་དུག་གིས་ཕོག་པའི་སེམས་ཅན་རྣམས་ལ་ཕྱིར་གསོ་
བའི་ལས་ཆེན་པོའི་ཆོ་ག་སྐྱུག་སྨན་དང༌། བཀྲུ་སྨན་གཏང་བའི་དོན་དང༌། དེ་བཞིན་གཤེགས་པའི་ལྡེམ་པོ་ངག་ལ་སེམས་ཡོངས་སུ་རྨོངས་ཤིང་རྣམ་པར་འཁྲུལ་པའི་སེམས་ཅན་རྣམས་ལ་ཡང་དག་
པའི་རིག་སྔགས་བརྗོད་ཅིང་ཆུའི་བུམ་པ་ཐོགས་པ་གསང་སྔགས་ཀྱི་སྤྱོད་པའི་ཆོ་གའི་སྨན་གནོད་སེལ་ལ་མཁས་པའི་སྨན་པ་ཆེན་པོ་ཡོངས་སུ་གཟུང་བའི་དོན་དང༌། སྤྱོད་པ་དང༌། ཀུན་ཏུ་རྒྱུ་དང༌།
གཅེར་བུ་པ་ལ་སོགས་པ་འོས་མ་ཡིན་པའི་ལྷའི་གཟུགས་རྣམས་ལ་རྟག་པ་དང༌། འོས་པའི་རང་བཞིན་དུ་འཛིན་པའི་དུག་གིས་བོག་པའི་སེམས་ཅན་རྟག་པ་དང༌། འོས་པར་སྨྲ་བ་རྣམས་ལ་དུག་
ཧ་ལ་ཧ་ལའི་ཟུག་རྡུ་དབྱུང་བའི་ཕྱིར་མི་རྟག་པ་དང༌། འོས་མ་ཡིན་པ་དང༌། ལྷ་མ་ཡིན་པའི་ལྟ་བ་མི་སྟོན་པར་བྱ་བའི་དོན་དང༌། མི་རྟག་པ་དང༌། འོས་མ་ཡིན་པ་དང༌། ལྷ་མ་ཡིན་པའི་ལྟ་བ་རྣམ་པར་
༄༅། །སྦྱང་བར་བྱ་བའི་དོན་དང༌། མི་རྟག་པ་དང༌། འོས་མ་ཡིན་པ་དང༌། ལྷ་མ་ཡིན་པའི་ལྟ་བས་བཅིངས་པ་ལས་དགྲོལ་བའི་དོན་དང༌། མི་རྟག་པ་དང༌། འོས་མ་ཡིན་པ་དང༌།
ལྷ་མ་ཡིན་པའི་ལྟ་བའི་ནད་གཞི་སྐྱུག་པ་དང༌། བཀྲུ་བའི་དོན་དང༌། མི་རྟག་པ་དང༌། འོས་མ་ཡིན་པ་དང༌། ལྷ་མ་ཡིན་པའི་ལྟ་བའི་དུག་གིས་སྐྲངས་པ་གཏོར་བའི་དོན་དང༌། མི་རྟག་པ་དང༌། འོས་
མ་ཡིན་པ་དང༌། ལྷ་མ་ཡིན་པའི་ལྟ་བའི་དུག་གིས་རྣམ་པ་འདྲེས་པའི་མིག་གི་ཤ་འཛེར་གཅད་པའི་དོན་དང༌། དེ་བཞིན་གཤེགས་པ་ཐམས་ཅད་ཀྱི་དུས་ཀྱི་རྣམ་པར་འཕྲུལ་པ་ལ་འཇུག་
པའི་གནས་དང༌། སྤྱོད་ཡུལ་དང༌། གདུང་དང༌། མཚོན་དང༌། ཞིང་དང༌། དེ་ཁོ་ན་ཉིད་མཁྱེན་པ་དང༌། རོ་དང༌། ཁ་ཟས་ཞིམ་པོ་དང༌། བདེ་བར་བྱེད་པའི་བསྙེན་བཀུར་བ་དང༌། ཆེ་བ་ལ་འོས་པའི་
མལ་སྟན་བདེ་བ་དང༌། བཏུང་བ་དང༌། ཁྲུས་དང༌། སྒོས་དང༌། མེ་ཏོག་ཕྲེང་དང༌། ཕྱེ་མས་བསྒོ་བ་དང༌། བདུག་པ་དང༌། གོས་ཀྱི་མཆོག་ཕྲ་ཞིང་ཤིན་ཏུ་ཕྲ་བ་དང༌། རབ་ཏུ་མཛེས་པ་ཡང་དག་
པར་བསྟན་པའི་དོན་དང༌། དེ་བཞིན་གཤེགས་པའི་སྐུ་ཆོས་ཀྱི་སྐུ་ཡིན་པར་ཡང་དག་པར་བསྟན་པའི་དོན་དུ་ཁྱོད་ཀྱི་ཚིག་འདི་ལེགས་པར་སྨྲས་པ་ནིའང་ལེགས་སོ། །དེ་བཞིན་གཤེགས་པའི་
སྐུ་དེའང་ཤིན་ཏུ་ཟབ་པའི་མཚན་ཏེ། མཚན་ཉིད་གཅིག་པའང་མ་ཡིན། མཚན་གྱི་གཞི་མེད་པའང་མ་ཡིན། མཚན་གྱི་གཞི་མངོན་པའང་མ་ཡིན། རྟོགས་པར་འགྱུར་བའང་མ་ཡིན། རྟོགས་
པར་མི་འགྱུར་བའང་མ་ཡིན། ཚུ་རོལ་ནའང་མ་ཡིན། ཕ་རོལ་ནའང་མ་ཡིན། བར་ནའང་མ་ཡིན། ཐོག་མའང་མ་ཡིན། ཐོག་མ་མེད་པ་ནའང་མ་ཡིན། འདི་ནའང་མ་ཡིན། གཞན་ནའང་མ་ཡིན། རྟག་
པའང་མ་ཡིན། མི་རྟག་པའང་མ་ཡིན། ཚད་མར་བྱ་བའང་མ་ཡིན། ཚད་མར་མི་བྱ་བའང་མ་ཡིན། མཚན་མོའང་མ་ཡིན། མཚན་མོ་མ་ཡིན་པའང་མ་ཡིན། ཆུང་དུའང་མ་ཡིན། ཆུང་དུ་མ་ཡིན་
པའང་མ་ཡིན། ཡང་པའང་མ་ཡིན། ཡང་བ་མ་ཡིན་པའང་མ་ཡིན། རྣམ་པར་ཤེས་པར་བྱ་བའང་མ་ཡིན། རྣམ་པར་ཤེས་པར་མི་བྱ་བའང་མ་ཡིན། རྣམ་པར་ཤེས་པས་ཤེས་པར་བྱ་བའང་མ་ཡིན།
རྣམ་པར་ཤེས་པས་ཤེས་པར་མི་བྱ་བའང་མ་ཡིན། མི་གནས་པའང་མ་ཡིན། མི་གནས་པ་མ་ཡིན་པའང་མ་ཡིན། མུན་པའང་མ་ཡིན། སྣང་བའང་མ་ཡིན། མིང་ཡང་མ་ཡིན། མཚན་མའང་མ་
ཡིན༑ མཐུ་ཆུད་བའང་མ་ཡིན། སྟོབས་དང་ལྡན་པའང་མ་ཡིན། ཡུལ་ན་གནས་པའང་མ་ཡིན། ཕྱོགས་ན་གནས་པའང་མ་ཡིན། དགེ་བའང་མ་ཡིན། མི་དགེ་བའང་མ་ཡིན། འདུས་བྱས་ཀྱང་མ་
ཡིན༑ འདུས་མ་བྱས་ཀྱང་མ་ཡིན། གཞིག་ན་ཡོད་དོ། །ཞེས་བརྗོད་དུ་རུང་བའང་མ་ཡིན། སྦྱིན་པར་ཡང་མ་ཡིན། ལེན་པར་ཡང་མ་ཡིན། ཚིག་ཏུ་བརྗོད་དུ་རུང་བའང་མ་ཡིན། ཚིག་ཏུ་བརྗོད་དུ་མི་རུང་
བའང་མ་ཡིན། བདེན་པར་ཡང་མ་ཡིན། བརྫུན་པར་ཡང་མ་ཡིན། ཡང་དག་པ་ཉིད་དུའང་མ་ཡིན། ལྟ་བར་ཡང་མ་ཡིན། ངེས་པར་འབྱུང་བར་ཡང་མ་ཡིན། ངེས་པར་མི་འབྱུང་བར་ཡང་མ་ཡིན། ཞིང་
༄༅། །དུའང་མ་ཡིན། ཞིང་མ་ཡིན་པར་ཡང་མ་ཡིན། དུས་ཀྱང་མ་ཡིན། དུས་མ་ཡིན་པར་ཡང་མ་ཡིན། སྤྱད་པར་བྱ་བའང་མ་ཡིན། སྤྱད་པར་མི་བྱ་བའང་མ་ཡིན།
གཙང་བའང་མ་ཡིན། མི་གཙང་བའང་མ་ཡིན། བྱས་པའང་མ་ཡིན། མ་བྱས་པའང་མ་ཡིན། སྐྱེས་པའང་མ་ཡིན། འགག་པའང་མ་ཡིན། ཞི་བ། རབ་ཏུ་ཞི་བ། ཉེ་བར་ཞི་བ་སྟེ། ཁམས་
ཀྱང་མ་ཡིན། ཕུང་པོའང་མ་ཡིན། སྐྱེ་མཆེད་ཀྱང་མ་ཡིན། ཁམས་ཀྱིས་བསྐྱེད་པའང་མ་ཡིན། ཕུང་པོས་བསྐྱེད་པའང་མ་ཡིན། སྐྱེ་མཆེད་ཀྱིས་བསྐྱེད་པའང་མ་ཡིན། ཉོན་མོངས་པའི་རྒྱུ་ལས་
བྱུང་བའང་མ་ཡིན། ལས་ཀྱི་རྒྱུ་ལས་བྱུང་བའང་མ་ཡིན། བསགས་པའང་མ་ཡིན། མ་བསགས་པའང་མ་ཡིན། འཆི་འཕོ་མེད་པར་འཆི་འཕོ་བ། མུ་མེད་པ། འགྲོ་བ་མེད་པར་འགྲོ་
བ༑ དཔུང་གཉེན་དུ་གྱུར་པ། ཕྱི་མའི་མཐའ་མེད་པ། འཕོ་བ་མེད་པ། དེ་ལྟར་གྱི་དུས་ན་མི་གནས་པའི་རང་བཞིན་ཅན། གཟུགས་མེད་པ། ཚོར་བ་མེད་པ། འདུ་ཤེས་མེད་པ། འདུ་བྱེད་
མེད་པ༑ རྣམ་པར་ཤེས་པ་མེད་པའི་དེ་བཞིན་ཉིད་ཀྱི་རང་བཞིན་མི་ཟད་པ། ཟད་པར་བྱར་མི་རུང་བ། ཟད་པ་དང་བྲལ་བ་དང་མི་མཉམ་པ། མི་མཉམ་པ་དང་མཉམ་པ། རྣམ་པར་ཤེས་པ་མ་ཡིན་
པ༑ ཁམས་བཞི་ལས་ཡང་དག་པར་འདས་པ། ཆོས་ཐམས་ཅད་ལ་མ་ཆགས་པའི་མཐར་ཕྱིན་པ། ཡང་དག་པའི་མཐའ་མེད་པ་དེ་བཞིན་ཉིད་དང་མཉམ་པ་སྟེ། དེ་ལྟར་དེ་བཞིན་གཤེགས་
པའི་སྐུ་ནི། ཡོན་ཏན་དཔག་ཏུ་མེད་ཅིང་གྲངས་མེད་པ་དང་ལྡན་པ་ཡིན་ནོ། །དེ་བཞིན་གཤེགས་པའི་འཕེལ་བའི་གཏམ་གྱི་མཚན་ཉིད་ནི། འདི་ལྟ་བུ་ཡིན་ཏེ། ཕྲ་བའི་ཚིག་དང༌། ཤིན་ཏུ་རྟོགས་པར་
དཀའ་བ་དང༌། ཤིན་ཏུ་བྱང་བ་དང༌། ཤིན་ཏུ་ཟབ་པ་སྟེ། ཕྱི་རོལ་པ་རྣམས་དང༌། ཉན་ཐོས་དང༌། སངས་རྒྱས་དེ་དག་གིས་སྔོན་ཚིག་དང་ཡི་གེ་གཅིག་ཀྱང་མཐོས་ཏེ་དམུས་ལོང་དུ་གྱུར་ཅིང་དུག་གི་
མངོན་དུ་གྱུར་པ་དང༌། གྲུམ་པོར་གྱུར་ཅིང་རྒས་པར་གྱུར་པ། སྲིད་པའི་སྒོ་ངའི་སྦུབས་ཀྱིས་གཡོགས་པ། གྲུ་ཞིག་པ། དུག་གིས་ཕོག་པའི་ཟུག་རྡུས་ཡོངས་སུ་མྱོས་པར་བྱས་པ། མཁྲིས་པས་
བརྒྱལ་ཞིང་སེམས་རྣམ་པར་འཕྲུལ་པར་བྱས་པས་ཉན་ཐོས་དང༌། རང་སངས་རྒྱས་ཐམས་ཅད་དང༌། སེམས་ཅན་ཐམས་ཅད་གསོ་བའི་ཆོ་ག་ཆེན་པོ་སྐྱུག་པ་དང་བཀྲུ་བའི་སྦྱོར་བ་དང༌། གསང་སྔགས་
དང༌། ཡང་དག་པའི་རིག་སྔགས་བརྗོད་ཅིང་ཆུའི་བུམ་པ་ཐོགས་ཏེ་ཧ་ལ་ཧ་ལའི་དུག་གི་ཟུག་རྡུ་དབྱུང་བའི་དོན་དང༌། ཡོངས་སུ་མྱ་ངན་ལས་འདས་པའི་སྒྲའི་བད་ཀན་དང་མཁྲིས་པ་སྙིང་ལ་ཞུགས་པ་གཅད་
པའི་དོན་དང༌། དེ་དག་གི་ལྟོ་རྣམ་པར་སྦྱང་བའི་དོན་དང༌། དེ་དག་གི་དུག་གིས་སྐྲངས་པར་གྱུར་པ་གཏར་བའི་དོན་དང༌། ཕྱེ་མ་ལེབ་དང༌། སྦུར་བུ་ལྟ་བུར་གྱུར་པ་དེ་དག་དུག་གིས་ཕོག་པ་དང་འཆི་བ་ཡོངས་
སུ་ཤེས་པར་བྱ་བའི་དོན་དང༌། དེ་བཞིན་གཤེགས་པའི་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བའི་ཡེ་ཤེས་སྣང་བའི་མར་མེ་གསལ་བར་བྱ་བའི་དོན་དང༌། དེ་བཞིན་གཤེགས་པའི་རྟག་
༄༅། །པ་དང༌། བརྟན་པ་དང༌། ཐེར་ཟུག་པའི་དེ་ཁོ་ན་མཁྱེན་པའི་ཟླ་བ་དང་ཉི་མའི་འོད་བསྐྱེད་པའི་དོན་དང༌། ཤེས་རབ་ཀྱི་རྟག་པའི་མིག་སྤེལ་བར་བྱ་བའི་དོན་དང༌། མཚུངས་པ་མེད་
པའི་ཚུལ་ཐོབ་པར་བྱ་བའི་དོན་དང༌། གཟུངས་དང༌། ཏིང་ངེ་འཛིན་གྱི་རྫས་ཀྱི་ལྟད་མོ་བསྟན་པའི་དོན་དང༌། དེ་བཞིན་གཤེགས་པའི་གཞུང་ལུགས་ཀྱི་འཕགས་པའི་ནོར་ཐོབ་པར་བྱ་བའི་དོན་དང༌། དེ་
བཞིན་གཤེགས་པའི་སྐུའི་ཡང་དག་པའི་མེ་ལོང་གི་དཀྱིལ་འཁོར་ལེགས་པར་མཐོང་བར་བྱ་བའི་དོན་དང༌། དེ་བཞིན་གཤེགས་པ་ཡོངས་སུ་མྱ་ངན་ལས་འདའོ་སྙམ་པའི་མ་རིག་པའི་དྲ་བའི་
སྒོ་ངའི་སྦུབས་བརྟོལ་བའི་དོན་དང༌། དེ་བཞིན་གཤེགས་པའི་བརྟན་པ་ནུབ་པར་འགྱུར་རོ་སྙམ་པའི་མ་རིག་པའི་རྒྱ་མཚོ་ཆེན་པོར་གྲུ་ཞིག་པའི་སེམས་ཅན་རྣམས་ཀྱི་གྲུ་བཅོས་པའི་དོན་དང༌།
དེ་བཞིན་གཤེགས་པ་ནི། མི་རྟག་གོ །ཐེར་ཟུག་མ་ཡིན་ནོ། །མི་བརྟན་ནོ། །ཞི་བ་མ་ཡིན་ནོ་སྙམ་པའི་དུག་གིས་ཕོག་པའི་ལྟ་བའི་ཟུག་རྡུ་དབྱུང་ཞིང་གསོ་བའི་ཆོ་ག་ཆེན་པོ་ཡོངས་སུ་གཟུང་བའི་
དོན་དང༑ དེ་བཞིན་གཤེགས་པ་ཐེར་ཟུག་མ་ཡིན། ཞི་བ་མ་ཡིན། བརྟན་པ་མ་ཡིན། རྟག་པ་མ་ཡིན་ནོ་སྙམ་པས་སེམས་ཡོངས་སུ་རྨོངས་པར་བྱས་ཤིང་རྣམ་པར་འཁྲུལ་པར་བྱས་པའི་
མཁྲིས་བཞི་བར་བྱ་བའི་ཕྱིར་དེ་བཞིན་གཤེགས་པ་རྣམས་ཕྱོགས་གཅིག་ཏུ་བཞུགས་ནས་དེ་བཞིན་གཤེགས་པ་ཐམས་ཅད་ཀྱི་འབེལ་བའི་གཏམ་བསམ་གྱིས་མི་ཁྱབ་པའི་རྣམ་པར་ཐར་པའི་
གསང་བའི་ཆོས་སྟོན་པའི་ཚུལ་རྣམ་པ་སྣ་ཚོགས་ཀྱི་རྩེད་མོས་རྣམ་པར་རོལ་ཏེ། རྣམ་པ་སྣ་ཚོགས་ཀྱི་ཚུལ་གྱིས་མངོན་པར་གནས་ཤིང་ཡང་དག་པར་ཞུགས་ཏེ་འབེལ་བའི་གཏམ་མཛད་དོ། །འབེལ་
བའི་གཏམ་ནི། མཚན་ཉིད་དེ་ལྟ་བུར་ཕྲ་བའི་ཚིག་དང༌། ཤིན་ཏུ་རྟོགས་པར་དཀའ་བ་དང༌། ཤིན་ཏུ་བྱུང་བ་དང༌། ཤིན་ཏུ་ཟབ་པས་བརྒྱན་པ་ཡིན་ཏེ། སྤྲིན་ཆེན་སྙིང་པོ། ཉན་ཐོས་དང༌། རང་སངས་རྒྱས་
ཐམས་ཅད་ཀྱིས་སྔོན་ཚིག་དང༌། ཡི་གེ་གཅིག་ཀྱང་མ་ཐོས་ཤིང་ཡུལ་དུ་མ་གྱུར་པ་ཞུ་བ་ལུང་བསྟན་པའི་ཕྱིར་དམ་བཅས་ཤིང་སྨོན་ལམ་བཏབ་པ་ལེགས་སོ། །ལེགས་སོ། །སེམས་ཅན་ཐམས་ཅད་ལ་ཕན་
པ་དང༌། བདེ་བའི་བདུད་རྩི་མི་ཟད་པའི་རིན་པོ་ཆེའི་གཏེར་དེ་བཞིན་གཤེགས་པ་ལ་དྲིས་པ་ཤིན་ཏུ་ལེགས་པ་བྱས་སོ། །སེམས་ཅན་ཐམས་ཅད་ཀྱི་བདུད་རྩི་མཚུངས་པ་མེད་པའི་མདོའི་རྒྱལ་པོའི་གཏེར་
དང༌། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་གཏེར་དང༌། དེ་བཞིན་གཤེགས་པ་ཐམས་ཅད་ཀྱི་ཡོན་ཏན་གྱི་ཆེ་བ་ཉིད་ཀྱི་གཏེར་དང༌། དེ་བཞིན་གཤེགས་པ་ཐམས་ཅད་ཀྱི་རྟག་པ་དང༌། ཐེར་
ཟུག་པ་དང༌། བརྟན་པ་དང༌། ཞི་བའི་ཡང་དག་པའི་ཡེ་ཤེས་ཀྱི་ལྟ་བ་བཟང་པོའི་གཏེར་དང༌། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ཀྱི་ཡོན་ཏན་རྟག་པའི་རང་བཞིན་གྱི་གཏེར་བཙུགས་ཏེ་
ཤིན་ཏུ་བརྟན་པར་བྱས་པ་ཡིན་ནོ། །སྤྲིན་ཆེན་སྙིང་པོ། ཁྱོད་དང་འཚམ་ཞིང་རྐྱེན་དུ་བབ་པར་དམ་བཅས་ཤིང་སྨོན་ལམ་བཏབ་པ་ནི། ལེགས་ཏེ། དེ་བཞིན་གཤེགས་པ་དེ་དག་ཐམས་ཅད་ཀྱང་རྗེས་
༄༅། །སུ་ཡི་རང་བ་མཛད་དོ། །དེ་སྐད་ཅེས་བཀའ་སྩལ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
བཅོམ་ལྡན་འདས། བདག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་ཞུ་བ་ལུང་བསྟན་པའི་སླད་དུ་དམ་བཅས་ཤིང་སྨོན་ལམ་བཏབ་པ་མ་
ལགས་ཀྱི། བཅོམ་ལྡན་འདས། བདག་གིས་ནི། དེ་བཞིན་གཤེགས་པའི་མཐུས་སེམས་ཅན་ཐམས་ཅད་བསོད་ནམས་གསོག་པར་བགྱི་བའི་སླད་དུ། དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་ལ་ཞུ་བ་ལུང་བསྟན་པའི་སླད་དུ་མཚུངས་པ་མ་མཆིས་པའི་མདོའི་རྒྱལ་པོའི་གཏེར་དང༌། སེམས་ཅན་ཐམས་ཅད་ཀྱི་མི་ཟད་པའི་གཏེར་གྱི་དམ་བཅས་
ཤིང་སྨོན་ལམ་བཏབ་པ་ལགས་སོ། །དམུས་ལོང་ལྟ་བུའི་སེམས་ཅན་རྣམས་ཀྱི་ཡེ་ཤེས་ཀྱི་མིག་གི་མར་མེ་བཅོམ་ལྡན་འདས་ཀྱིས་བསྟན་དུ་གསོལ། སེམས་ཅན་ཐམས་ཅད་ཀྱི་ཤེས་རབ་ཀྱི་
གཏེར་བཅོམ་ལྡན་འདས་ཀྱིས་བཤད་དུ་གསོལ། སེམས་ཅན་ཐམས་ཅད་དེ་བཞིན་གཤེགས་པའི་ཡོན་ཏན་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བ་དང༌། དམ་པའི་ཆོས་བརྟན་
པའི་གཏེར་གནས་པར་མཛད་དུ་གསོལ། །འཕགས་པ་སྤྲིན་ཆེན་པོའི་མདོ། བམ་པོ་གསུམ་པ། དེ་སྐད་ཅེས་གསོལ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་
པོ་སྤྲིན་ཆེན་སྙིང་པོ་ལ་འདི་སྐད་ཅེས་བཀའ་སྩལ་ཏོ། །སྤྲིན་ཆེན་སྙིང་པོ། ལེགས་སོ། །ལེགས་སོ། །སྤྲིན་ཆེན་སྙིང་པོ། ཁྱོད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
རྣམས་ལ་ཁྱོད་དང་འཚམ་པའི་ཚིག་གི་དོན་ཕྲ་ཞིང་ཟབ་མོའི་ཚིག་དང༌། ཡི་གེ་སྤེལ་བ་དང༌། སེམས་ཅན་ཐམས་ཅད་ཀྱི་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པའི་མཚན་ཉིད་དང༌། དམ་
པའི་ཆོས་བརྟན་པའི་གཏེར་དང༌། ཁྱོད་དང་འདྲ་བ་དག་གིས་མཚུངས་པ་མེད་པའི་མདོའི་རྒྱལ་པོའི་གཏེར་དང༌། དམ་པའི་ཆོས་བརྟན་པའི་གཏེར་དང༌། སེམས་ཅན་ཐམས་ཅད་ཀྱི་བདུད་རྩི་མི་ཟད་པའི་གཏེར་དེ་
བཞིན་གཤེགས་པ་ལ་ཞུས་པ་ལེགས་ཏེ། སེམས་ཅན་ཐམས་ཅད་ཀྱི་གཏེར་བརྟན་པར་བཞག་པ་ངས་བཤད་པར་བྱའོ། །སྤྲིན་ཆེན་སྙིང་པོ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་རྣམས་ཀྱི་སངས་རྒྱས་ཀྱི་ཡང་དག་པའི་ཡོན་ཏན་གྱི་ཆེ་བ་ཉིད་དམ་པའི་ཆོས་བརྟན་པའི་གཏེར་གྱི་ཚུལ་དེ་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བསྟན་པར་བྱ་སྟེ། སྤྲིན་
ཆེན་སྙིང་པོ། གཞན་ཡིད་ལ་མ་སེམས་ཤིག་དང་བཤད་པར་བྱའོ། །སྤྲིན་ཆེན་སྙིང་པོ། སེམས་ཅན་ཐམས་ཅད་ལ་ཕན་པ་དང༌། བདེ་བ་དང༌། སྙིང་བརྩེ་བའི་ཕྱིར་བརྟན་པའི་སེམས་ཀྱིས་ཟུངས་
ཤིག །སེམས་ཅན་ཐམས་ཅད་ངེས་པར་བསྒྲལ་བའི་སེམས་ཀྱིས་ཡིད་ལ་ཟུངས་ཤིག །སྤྲིན་ཆེན་སྙིང་པོ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སངས་
༄༅། །རྒྱས་ཀྱི་ཡོན་ཏན་གྱི་ཆེ་བ་ཉིད་ཀྱི་ཆོས་བརྟན་པའི་གཏེར་གྱི་ཚུལ་གང་གིས་སངས་རྒྱས་ཀྱི་ཡོན་ཏན་གྱི་དམ་པའི་ཆོས་བརྟན་པའི་གཏེར་གྱི་ཚུལ་དང༌། དེ་ཁོ་ན་ཤེས་པའི་ཆུས་
ཡོངས་སུ་སྨིན་པར་བྱས་པའི་དགེ་བའི་རྩ་བའི་བདུད་རྩིའི་རོ་ཞིམ་པོ་ཐོབ་པ་ཡོད་དེ། དགེ་བའི་རྩ་བ་དེས་བདུད་རྩིའི་རོ་ཞིམ་པོ་ཡོངས་སུ་སྤྱད་ནས་དེ་བཞིན་གཤེགས་པ་ཐམས་ཅད་མཛད་པ་ཐམས་
ཅད་མཛད་དོ། །ཡོངས་སུ་རྫོགས་པས་སངས་རྒྱས་ཀྱི་མཛད་བས་མངོན་པར་རོལ་པ་བདུད་རྩིའི་རོ་ཞིམ་པོ་དེའང་ཡོངས་སུ་སྤྱོད་ཅིག །སེམས་ཅན་ཐམས་ཅད་ལའང་ཡེ་ཤེས་ཆེན་པོའི་བདུད་རྩིའི་རོ་
ཞིམ་པོ་བྱིན་ཅིག །སྤྲིན་ཆེན་སྙིང་པོའི་མདོ། མཚུངས་པ་མེད་པའི་མདོའི་རྒྱལ་པོ། ཆོས་ཀྱི་རྣམ་གྲངས་ཆེན་པོ། ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་
པོ༑ ཚིག་འབྲུ་བཟང་པོ། མ་འདྲེས་པ། ཡོངས་སུ་དག་པ། ཡོངས་སུ་བྱང་བཟུངས་ཤིག། སྤྲིན་ཆེན་སྙིང་པོ། སྤྲིན་ཆེན་པོའི་མདོ། མཚུངས་པ་མེད་པའི་མདོའི་རྒྱལ་པོ། ཆོས་ཀྱི་རྣམ་གྲངས་ཆེན་
པོ་དེ༑ དེ་བཞིན་གཤེགས་པའི་ཚུལ་དམ་པའི་ཆོས་བརྟན་པའི་གཏེར་ཤོད་ཅིག །སྤྲིན་ཆེན་སྙིང་པོ། སྤྲིན་ཆེན་པོའི་མདོ། ཀུན་ཆུབ་པར་གྱིས་ཤིག །སྤྲིན་ཆེན་སྙིང་པོ། སྤྲིན་ཆེན་པོའི་གཟུངས་ཀྱི་
རྒྱ་མཚོ་ཆེན་པོ། ཏིང་ངེ་འཛིན་གྱི་རྒྱ་མཚོ། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཡོན་ཏན་གྱི་འབྱུང་གནས་ཀྱི་ཚོང་རྡལ། སྐྱེས་བུ་དམ་པའི་ཚོང་བའི་གནས་ཆེན་པོར་གྱུར་པ་རྒྱས་པར་
གྱིས་ཤིག །སྤྲིན་ཆེན་སྙིང་པོ། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཏིང་ངེ་འཛིན་དང༌། གཟུངས་ཐམས་ཅད་ཀྱི་གསང་བ་བསམ་གྱིས་མི་ཁྱབ་པའི་རྣམ་པར་འཕྲུལ་པའི་རྒྱལ་པོ། དགེ་བའི་
རྩ་བའི་འབྱུང་གནས། ཟབ་མོའི་ཚིག་གི་དོན་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བའི་རང་བཞིན་གྱི་ཕྱག་རྒྱའི་མཚན་ཉིད་བརྟན་པའི་མངོན་མཚན་གྱིས་བཏབ་པ། སྤྲིན་ཆེན་པོའི་མདོ།
མཚུངས་པ་མེད་པའི་མདོའི་རྒྱལ་པོའི་ཆོས་ཀྱི་ཚུལ་ཟུངས་ཤིག། སྤྲིན་ཆེན་སྙིང་པོ། ཤིན་ཏུ་བྱང་ཞིང་ཤིན་ཏུ་རྟོགས་པར་དཀའ་བ། རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བའི་རང་བཞིན་སངས་
རྒྱས་ཀྱི་ཡོན་ཏན་གྱི་ཆེ་བ་ཉིད་ཀྱི་སྤྲིན་ཆེན་པོའི་མདོ། མཚུངས་པ་མེད་པའི་མདོའི་རྒྱལ་པོ། དམ་པའི་ཆོས་བརྟན་པའི་གཏེར་ལ་ཡིད་ཆེས་པར་གྱིས་ཤིག །སྤྲིན་ཆེན་སྙིང་པོ། སྤྲིན་ཆེན་པོའི་མདོ། སེམས་
ཅན་ཐམས་ཅད་ཀྱི་དམ་པའི་ཆོས་བརྟན་པའི་གཏེར་དང༌། མུ་གེ་བྱུང་བའི་ཚེ་ལོངས་སྤྱོད་མི་ཟད་པར་བྱེད་པའི་ཏིང་ངེ་འཛིན་དང་གཟུངས་ཀྱི་གཏེར་དང༌། ཆར་མི་འབབ་པའི་ཚེ་དམ་པའི་ཆོས་ཀྱི་ཏིང་ངེ་འཛིན་གྱི་
གཏེར་མི་ཟད་པའི་བདུད་རྩིའི་ཆར་གྱི་ཆུས་གང་བའི་སྤྲིན་ཆེན་པོའི་ཡོན་ཏན་གྱི་རྣམ་པར་འཕྲུལ་པ་དང༌། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་
བའི་རང་བཞིན་གྱི་ཆར་ཆེན་པོ་དམ་པའི་ཆོས་བརྟན་པའི་གཏེར་དང༌། ནད་བྱུང་བའི་ཚེ་བདེ་ཞིང་བསིལ་བའི་སྨན་སྦྱར་བས་དུག་གི་མཐུ་ཐམས་ཅད་མེད་པར་བྱེད་པ་དང༌། དམ་པའི་ཆོས་ཀྱི་གཟུངས་ཐོབ་
༄༅། །པའི་ཏིང་ངེ་འཛིན་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བའི་རང་བཞིན་གྱི་དེ་བཞིན་གཤེགས་པའི་ངོ་བོ་ཉིད་ཀྱི་ཡོན་ཏན་གྱི་ཚོགས་ལ་བསྙེན་བཀུར་བྱ་བའི་
གནས་དང༌། མེ་ཏོག་ཕྲེང་དང༌། ཕྱེ་མའི་བསྒོ་བས་བསྒོས་པ་སྤྲིན་ཆེན་པོའི་མདོ་ནད་མེད་པར་བརྟེན་པའི་གཏེར་ཡི་གེར་བྲིས་ཤིག། སྤྲིན་ཆེན་སྙིང་པོ། སེམས་ཡོངས་སུ་རྨོངས་ཤིང་རྣམ་པར་འཁྲུལ་
པ་རྣམས་དེ་བཞིན་གཤེགས་པ་མི་རྟག་ཅིང་ཐར་ཟུག་པ་མ་ཡིན་ལ་མི་བརྟན་ཞིང་ནུབ་པར་འགྱུར་རོ། །ཞེས་ལོག་པར་སྨྲ་བ་རྣམས་མཁྲིས་པས་བརྒྱལ་ཞིང་དུག་གི་ཟུག་རྔུས་རྣམ་པར་བསྲེགས་
པའི་ལྟ་བའི་གཉིད་ཀྱི་མུན་པས་གནོད་པར་བྱས་པའི་ཁྱིམ་དུ་ཉལ་ནས་གཉིད་ལོག་སྟེ་རྨི་ལམ་མི་ཟད་པའི་ལྟ་བས་བསྲེགས་ནས་མྱོས་ཤིང་རྨིས་ཏེ་སྐྲག་པའི་ཉན་ཐོས་དང༌། རང་སངས་
རྒྱས་ཐམས་ཅད་དང༌། བ་རྒན་གྲུམ་མོ་དང་འདྲ་བའི་སེམས་ཅན་རྣམས་ལ་སངས་རྒྱས་ཀྱི་ཡོན་ཏན་གྱི་ཆེ་བ་ཉིད་རྟག་པའི་རང་བཞིན་ཤེས་པའི་འབྲུ་མར་དང་དེ་ཁོ་ན་རིག་པའི་སྙིང་པོ་རབ་ཏུ་
འབར་བར་གྱིས་ཤིག །དེ་བཞིན་གཤེགས་པའི་ཡོན་ཏན་གྱི་རང་བཞིན་རྟག་པའི་མར་མེ་ལ་འཇུག་པ་སྤངས་ནས་ཤཱཀྱའི་རིགས་ལ་བསྔགས་པ་མ་ཡིན་པ་བརྗོད་པའི་སེམས་ཅན་མི་ཤེས་
པའི་ལྟ་བ་མང་བ་དེ་དག་ལ་དེ་ཁོ་ན་ཤེས་པའི་ཀ་ཏ་ཀའི་འབྲས་བུའི་མིག་སྨན་གྱིས་ཕྱི་བར་གྱིས་ཤིག། དེ་བཞིན་གཤེགས་པའི་རིགས་ཀྱི་ཆེ་བ་ཉིད་ཀྱི་ཡང་དག་པའི་ཡེ་ཤེས་སྤངས་ལ། དེ་
བཞིན་གཤེགས་པའི་རྗེས་སུ་རབ་ཏུ་བྱུང་སྟེ་ཉེས་པ་རྗོད་པར་བྱེད་པ་དེ་དག་གི་ལྕེ་ཆོད་དེ་འོར་ཅིག། དེ་བཞིན་གཤེགས་པའི་ལྡེམ་པོ་ངག་ཤེས་རབ་ཀྱིས་རྟོགས་པར་བྱ་བའི་ཕྱིར་དེ་བཞིན་གཤེགས་
པའི་རྗེས་སུ་རབ་ཏུ་བྱུང་སྟེ་སངས་རྒྱས་ཀྱི་སྲས་སུ་གྱུར་པ་དེ་དག་ལ་ལྟ་བ་ཐམས་ཅད་ལ་རྣམ་པར་འཕྲུལ་བ་འདི་གཏད་བར་གྱིས་ཤིག །སྤྲིན་ཆེན་སྙིང་པོ། དེ་བཞིན་གཤེགས་པས་བཤད་པ་
ལ་འབྲས་བུ་མེད་དོ། །ཞེས་ཟེར་བའི་སེམས་ཅན་རྣམས་ལ་དེ་བཞིན་གཤེགས་པས་བཤད་པ་ལ་འབྲས་བུ་ཡོད་པར་མངོན་པར་རྟོགས་པར་བྱ་བའི་ཕྱིར་རྣམ་པར་འཕྲུལ་པར་གྱིས་ཤིག །སྤྲིན་ཆེན་སྙིང་
པོ༑ ཁྱོད་ཀྱིས་རྙེད་པ་ལེགས་པར་རྙེད་ཀྱི། མངོན་པར་དད་པར་གྱིས་ཤིག །སྤྲིན་ཆེན་སྙིང་པོ། ཉན་ཐོས་དང༌། རང་སངས་རྒྱས་ཐམས་ཅད་དང༌། སེམས་ཅན་ཐམས་ཅད་ཀྱི་ལྟ་བ་ཐམས་ཅད་སྐྱུག་པ་དང༌།
བཀྲུ་བ་དང༌། སྨན་སྨར་བླུགས་པའི་ཆོ་ག་ཆེན་པོ་ཐམས་ཅད་ཀྱིས་ནད་ཆེན་པོ་རྣམས་གཞོམ་པའི་ཕྱིར་མཚུངས་པ་མེད་པའི་མདོའི་རྒྱལ་པོ་ཆེན་པོ། མདོ་ཐམས་ཅད་ཀྱི་བདག་པོ། འཁོར་ལོ་ཐམས་
ཅད་བསྐོར་བ། དམ་པའི་ཆོས་རིན་པོ་ཆེའི་མཆོག་བརྟན་པའི་གཏེར། སེམས་ཅན་ཐམས་ཅད་ཀྱི་ཡུལ་མ་ཡིན་པ། ཟབ་མོའི་ཚིག་གི་དོན་དེ་བཞིན་གཤེགས་པ་ལ་དྲིས་ལ། དམ་པའི་ཆོས་བརྟན་པའི་
གཏེར་རབ་ཏུ་གནས་པར་གྱིས་ཤིག། སྤྲིན་ཆེན་སྙིང་པོ། སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པ་ལ་ལྟོས། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌།
༄༅། །བྱང་ཆུབ་སེམས་དཔའ་རྣམས་ཀྱི་རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པ་རིན་པོ་ཆེའི་མཛོད་ཀྱི་འབྱུང་གནས་ཀྱི་ཆོས་ཀྱི་རྣམ་པར་འཕྲུལ་བའི་རྒྱལ་པོ་ཞེས་
བྱ་བའི་ཏིང་ངེ་འཛིན་གྱི་སྒོ་བཞི་བརྒྱ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོས་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཕྱིར་མི་ཟློག་པའི་ཡེ་ཤེས་མཐའ་
ཡས་པའི་རིན་པོ་ཆེའི་འབྱུང་གནས་ལ་མངོན་པར་འཇུག་པ་ཞེས་བྱ་བའི་གཟུངས་ཀྱི་སྒོ་སུམ་ཅུ་རྩ་དྲུག་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་བསམ་གྱིས་མི་ཁྱབ་པའི་ཡུལ་
ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ལྡེམ་པོ་དག་གི་བཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ་ཅན་གྱི་ཆོས་ཀྱི་ཐབས་ཀྱི་རྒྱུན་གྱི་རྣམ་པར་ཐར་
པའི་སྒོ་ཉི་ཤུ་རྩ་གསུམ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་བསམ་གྱིས་མི་ཁྱབ་པའི་ཡུལ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་སྲིད་པར་སྐྱེ་
བས་རྩེ་བའི་རྣམ་པ་ལ་འཇུག་ཅིང་གནས་པ་བགྲོད་པའི་གསང་བ་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌།
བྱང་ཆུབ་སེམས་དཔའ་རྣམས་ཀྱི་འཁོར་བའི་ཉོན་མོངས་པའི་ཞིང་གི་ལས་ཀྱིས་ཐོབ་པར་བྱ་བའི་ཕྱིར་སེམས་ཀྱིས་ཡང་དག་པར་ལེན་པའི་རྣམ་པར་གྲོལ་བའི་སྨོན་ལམ་གསང་བ་ཞེས་བྱ་བའི་ཆོས་
ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཡེ་ཤེས་ལ་རྨོངས་པའི་སྙིང་པོ་བསམ་གྱིས་མི་ཁྱབ་པ་གཟུད་པའི་རྣམ་
པར་འཕྲུལ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཟབ་མོ་བརྟན་པ་ཐོབ་པ་
ལ་འཇུག་པའི་རྣམ་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་སྤྲིན་ཆེན་པོའི་སྙིང་པོའི་ཆར་གྱི་རྒྱུན་
བསམ་གྱིས་མི་ཁྱབ་པའི་བསོད་ནམས་ཀྱི་མཛོད་ཅེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་སྤྲིན་
ཆེན་པོའི་ཆར་གྱི་རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་རྣམ་པའི་ལམ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་
སེམས་དཔའ་རྣམས་ཀྱི་སྤྲིན་ཆེན་པོའི་ཚོགས་ནམ་མཁའ་ལས་འབྱུང་ཞིང་འདུ་བའི་རྣམ་པར་འཕྲུལ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་
གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་སྤྲིན་ཆེན་པོའི་གློག་གི་འོད་སྣང་བའི་སྒོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་
༄༅། །རྣམས་དང༌། བྱང་ཆུབ་སེམས་དཔའ་རྣམས་ཀྱི་སྤྲིན་ཆེན་པོའི་གློག་འགྱུ་བ་དང་ལྡན་པ་ལ་འཇུག་པའི་རྣམ་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ།
སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་སྤྲིན་ཆེན་པོའི་གློག་གི་སྒྱུ་འཕྲུལ་ཞེས་བྱ་བ་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་
པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཆོ་འཕྲུལ་ཆེན་པོའི་སྒྲོན་མ་སྟོན་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་
མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཆོས་ཀྱི་ཐོག་ཏོག་གི་འཕེལ་བའི་གཏམ་ལ་འཇུག་པའི་རྣམ་པར་འཕྲུལ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་
ཡོད་དོ༑ ༑སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཡེ་ཤེས་རྡོ་རྗེའི་རྣམ་པ་ལ་འཇུག་པའི་མཛོད་སྲུང་བ་ཞེས་བྱ་བའི་ཆོས་
ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ལོངས་སྤྱོད་མི་ཟད་པའི་རྣམ་པ་ལ་འཇུག་པ་རྣམ་པར་འཕྲུལ་
བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཡང་དག་པའི་ལམ་གྱི་རྣམ་
པ་མངོན་པར་མཚོན་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་[?] ལྡེང་ཟབ་པའི་
གླེང་གཞིའི་རྣམ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་སེངྒེའི་རྣམ་པར་རྩེ་
བ་ལ་དམིགས་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་མཚམས་སྦྱོར་བ་སྣ་ཚོགས་པའི་
རྣམ་པ་འཇིག་རྟེན་དང་མཐུན་པར་འཇུག་པར་བྱ་བ་ལ་འཇུག་པའི་མདོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་
དཔའ་རྣམས་ཀྱི་མངོན་པར་རྩེ་བའི་རིན་པོ་ཆེའི་མཛོད་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་
དཔའ་རྣམས་ཀྱི་ནམ་མཁའ་ལྡིང་གི་རྩལ་ཆེན་པོའི་སྟོབས་ལ་མངོན་པར་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་
ཆུབ་སེམས་དཔའ་རྣམས་ཀྱི་སྒྲ་ཆེན་པོའི་དུས་རྣམ་པར་བསྒྲུབས་པ་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌།
༄༅། །བྱང་ཆུབ་སེམས་དཔའ་རྣམས་ཀྱི་མི་འཇིགས་པ་ཆེན་པོའི་སྟོབས་ཀྱི་རྣམ་པར་འཕྲུལ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་
མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་གནས་ཀྱི་རྣམ་པ་དང་བཅས་པ་ཡངས་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་
བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པའི་ཆོ་ག་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་
གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་དམག་ཆེན་པོ་དཔའ་བའི་རྒྱལ་པོའི་སྟོབས་བཀོད་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་
བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་བཟང་པོའི་རྣམ་པར་འཕྲུལ་བའི་རྒྱལ་པོ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་
མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་རྩེ་བ་དང་བཅས་པ་ཡང་དག་པར་སྤངས་པ་སྟོན་པའི་དཔུང་ཆེ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་
ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཡེ་ཤེས་རྩོམ་པའི་ཆོ་ག་ལ་ཞུགས་པའི་རྣམ་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།།
སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཀྱི་ནོར་བསྒྲིམས་ཏེ་བསྒྲུབས་པའི་མཛོད་ཅེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་
ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཡང་དག་པའི་མཆོད་སྤྱིན་ལ་ཕན་པའི་ཆོ་ག་བཀོད་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་
ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཞིང་གི་ཡང་དག་པའི་ས་བོན་རབ་ཏུ་སྐྱེད་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །
སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་དེ་ཁོ་ནའི་ESNYING་པོའི་ཚུལ་གྱིས་མངོན་པར་རྩེ་བ་ལ་དགའ་བའི་རྒྱལ་པོའི་རྣམ་པར་འཕྲུལ་པ་ལ་
འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་ཡུལ་བསམ་གྱིས་མི་ཁྱབ་པའི་རྣམ་པའི་ཡོན་ཏན་གྱིས་ཡོངས་སུ་བརྒྱན་པ་དང༌། དེ་བཞིན་གཤེགས་པ་རྣམས་དང༌།
བྱང་ཆུབ་སེམས་དཔའ་རྣམས་ཀྱི་རིན་པོ་ཆེའི་མཛོད་ཀྱི་གཏེར་ཆེན་པོའི་ཡུལ་བསམ་གྱིས་མི་ཁྱབ་པ་དང༌། སེམས་ཅན་ཐམས་ཅད་ཀྱི་དམ་པའི་ཆོས་བརྟན་ཞིང་མི་ཟད་པའི་གཏེར་ལ་ལྟོས། སྤྲིན་ཆེན་སྙིང་
པོ༑ གཞན་ཡང་སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པ་ལ་ལྟོས། སྤྲིན་ཆེན་སྙིང་པོ། སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སང་
༄༅། །རྒྱས་རྣམས་ཀྱི་དེ་བཞིན་གཤེགས་པའི་ཚུལ་ཞེས་བྱ་བའི་གསང་བའི་ཆོས་ཀྱི་སྒོ་དག་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པ་
རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་ཟབ་མོ་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་རྣམས་ཀྱི་དེ་བཞིན་གཤེགས་པའི་རྒྱ་མཚོ་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
རྣམས་ཀྱི་དེ་བཞིན་གཤེགས་པའི་གཞུང་ལུགས་གསང་བ་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པར་སངས་
རྒྱས་རྣམས་ཀྱི་དེ་བཞིན་གཤེགས་པའི་སྲུང་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་རྣམས་ཀྱི་དེ་བཞིན་གཤེགས་པ་ཡང་དག་པར་བརྗོད་པ་གསང་བ་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་རྣམས་ཀྱི་དེ་བཞིན་གཤེགས་པའི་དམིགས་པ་གསང་བ་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་རྣམས་ཀྱི་དེ་བཞིན་གཤེགས་པའི་ཉི་མ་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་རྣམས་ཀྱི་དེ་བཞིན་གཤེགས་པའི་ཟླ་བའི་དཀྱིལ་འཁོར་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་རྣམས་ཀྱི་དེ་བཞིན་གཤེགས་པའི་ཏོག་ཅེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་རྣམས་ཀྱི་དེ་བཞིན་གཤེགས་པའི་མཚམས་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
རྣམས་ཀྱི་དེ་བཞིན་གཤེགས་པའི་ཟབ་མོ་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་
ཀྱི་དེ་བཞིན་གཤེགས་པའི་རྣམ་པར་གནོན་པ་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
རྣམས་ཀྱི་དེ་བཞིན་གཤེགས་པའི་ངེས་པའི་མུ་སྟེགས་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
༄༅། །རྣམས་ཀྱི་དེ་བཞིན་གཤེགས་པའི་དགྱེས་པ་དང་ལྡན་པ་ཞེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་དགྲ་བཅོམ་པ་ཡང་
དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་མཛོད་ཅེས་བྱ་བའི་ཆོས་ཀྱི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་ཡུལ་དེ་བཞིན་གཤེགས་པའི་དམ་པའི་ཆོས་ཀྱི་
ཚུལ་དང༌། སེམས་ཅན་ཐམས་ཅད་ཀྱི་ལོངས་སྤྱོད་མི་ཟད་པའི་གཏེར་ལ་ལྟོས། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་ཡུལ་བསམ་གྱིས་མི་ཁྱབ་པ་ལ་ལྟོས། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་
དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་བསམ་གྱིས་མི་ཁྱབ་པའི་ཡང་བསམ་གྱིས་མི་ཁྱབ་པའི་རྣམ་པར་ཐར་པའི་རྣམ་པ་དང༌། ཏིང་ངེ་འཛིན་དང༌། གཟུངས་ཐོབ་པ་བརྒྱ་སྟོང་དུ་
མ་དང༌། གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་འཇིག་རྟེན་གྱི་རྗེས་སུ་འཇུག་པའི་མཛད་པ་དུ་མ་དང༌། དེ་བཞིན་གཤེགས་པའི་གསང་བ་བྱེ་
བ་བརྒྱ་སྟོང་ཁྱོད་དང་འདྲ་བ་དག་གིས་ཀྱང་རྟོགས་པར་དཀའ་ཞིང་ཟབ་ལ་ཕྲ་སྟེ་བརྡ་ཕྲད་པར་དཀའ་བའི་ཚིག་གི་དོན་ཤིན་ཏུ་སྦས་པ་དང༌། དེ་བཞིན་གཤེགས་པའི་ཡུལ་ཤིན་ཏུ་ཕྲ་ཞིང་ཤིན་ཏུ་
བྱང་ལ་ཟབ་པའི་ཚིག་དང༌། དེ་བཞིན་གཤེགས་པའི་ལྡེམ་པོ་ངག་གི་ཚིག་ཁྱོད་ཀྱིས་ཀྱང་སྔོན་ཚིག་དང༌། ཡི་གེ་གཅིག་ཀྱང་མ་ཐོས་པའི་ཚིག་ཡོད་དེ། རིམ་བཞིན་དུ་ཕྱིས་བཤད་པར་བྱའོ། །དེ་ནས་
བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ཀྱི་ཞབས་ལ་
མགོ་བོས་ཕྱག་བཙལ་ནས་མིག་མཆི་མས་གང་བཞིན་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས། བདག་ཅག་ལ་སོགས་པ་རྣམས་དང༌། སྦྲང་བུ་དང༌། སྡིག་སྤྲུལ་
དང༌། བྱི་བ་དང༌། ལྐུག་པ་དང༌། ལོང་བ་དང༌། འོན་པ་ལྟ་བུའི་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ་སྤྲིན་ཆེན་པོའི་མདོའི་ཚིག་སྨོས་ཏེ་བཀའ་སྩལ་པ་ནི། ཀྱེ་མ་བཅོམ་ལྡན་འདས། ངོ་
མཚར་རྨད་དུ་བྱུང་བ་ལགས་སོ། །དེ་བཞིན་གཤེགས་པས་སྤྲིན་ཆེན་པོའི་མདོའི་ཚིག་སྨོས་ཤིང་གསུངས་ཏེ། བདག་ཅག་ལ་སོགས་པ་སེམས་ཅན་ཐམས་ཅད་དེ་བཞིན་གཤེགས་པའི་
ཡོན་ཏན་གྱི་ཆེ་བ་ཉིད་རྟག་པའི་གྲོང་ཁྱེར་གྱི་སྐས་ལ་འཛེག་པར་བགྱི་བའི་སླད་དུ་དེ་བཞིན་གཤེགས་པས་ཤིན་ཏུ་ལེགས་པར་བཀའ་སྩལ་པ་ལགས་ན། དེའང་བདག་ཅག་ལ་སོགས་པ་ཉན་
ཐོས་དང༌། རང་སངས་རྒྱས་ཐམས་ཅད་དང༌། གྲུམ་པོ་དང༌། ལག་རྡུམ་དང༌། དམུས་ལོང་དང༌། ལྐུག་པ་དང༌། འོན་པ་དང༌། ཡན་ལག་ཐམས་ཅད་ཉམས་པར་གྱུར་པའི་སེམས་ཅན་རྣམས་ལ་
དེ་བཞིན་གཤེགས་པས་བཟོད་པ་དང༌། བྱམས་པར་དགོངས་པ་དང༌། ཐུགས་རྗེ་ཞིང་ཐུགས་བརྩེ་བའི་སླད་དུ་བདག་ཅག་གིས་ཚིག་དང༌། ཡི་གེ་གཅིག་གི་ཐིག་ལེ་ཙམ་ཡང་སྔོན་ཆད་མ་ཐོས་པ།
༄༅། །དེ་བཞིན་གཤེགས་པའི་ཡུལ་བསམ་གྱིས་མི་ཁྱབ་པའི་མདོ། དེ་བཞིན་གཤེགས་པའི་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བ་འདི་གྲོང་ཁྱེར་གྱི་
སྐབས་དང༌། ཐེམ་སྐས་ཡོན་ཏན་གྱི་ཚོགས་ཀྱིས་ཡོངས་སུ་བརྒྱན་པ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་ལ་
འདི་སྐད་ཅེས་བཀའ་སྩལ་ཏོ། །སྤྲིན་ཆེན་སྙིང་པོ། དེ་བཞིན་གཤེགས་པའི་ལྡེམ་པོ་དག་སྨོས་པ་ཁྱོད་ཀྱིས་ཁོང་དུ་ཆུད་དེ་ཤིན་ཏུ་ལེགས་པར་རྟོགས་པ་ལེགས་སོ། །ལེགས་སོ། །སྤྲིན་ཆེན་
སྙིང་པོ༑ དེ་ལྟར་ན། སྤྲིན་ཆེན་པོའི་མདོ་དེ་བཞིན་གཤེགས་པའི་ཡུལ་ནི། བསམ་གྱིས་མི་ཁྱབ་བོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ཡུལ་བསམ་གྱིས་མི་ཁྱབ་པ་ལ་རྗེས་སུ་ཡི་རང་
བར་གྱིས་ཤིག །སྤྲིན་ཆེན་སྙིང་པོ། ཁྱོད་ཀྱིས་སྤྲིན་ཆེན་པོའི་མདོ་དང་མཐུན་པར་དམ་བཅས་ཤིང་སྨོན་ལམ་བཏབ་པ་ནི། ཁྱོད་ཡེ་ཤེས་ཟབ་མོ་དང་ལྡན་པ་ཡིན་གྱི། སྤྲིན་ཆེན་སྙིང་པོ། མ་སྐྲག་
ཅིག །སྤྲིན་ཆེན་སྙིང་པོ། མ་འཇིགས་ཤིག །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ཡུལ་བསམ་གྱིས་མི་ཁྱབ་པ་དྲན་པར་གྱིས་ཤིག །བདུད་རྩིའི་ཚིག་སྤྲིན་ཆེན་པོའི་མདོའི་ཡི་གེ་འབྲུ་ལྔའམ། དེ་
བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཟབ་པ་དང༌། མཉམ་པ་ཉིད་དང༌། རྟག་པ་དང༌། ཐེར་ཟུག་པ་དང༌། བརྟན་པ་འཆང་བའི་མདོའི་མིང་གི་དོན་ཡང་རུང་སྟེ། གང་ན་ཡང་དག་པར་གནས་པ་
དེར་ནི༑ མེའི་ལམ་གྱི་གཞི་མདོའི་དབུས་སུའང་འགྲོ་བར་བྱའོ། །སྤྲིན་ཆེན་སྙིང་པོ། གཞན་ཡང་མཉན་པའི་དོན་དང༌། བཀུར་སྟི་བྱ་བ་དང༌། རི་མོར་བྱ་བ་དང༌། མཆོད་པ་དང༌། རིམ་གྲོ་བྱ་བའི་ཕྱིར་འཇིག་རྟེན་གྱི་
ཁམས་གངྒཱའི་ཀླུང་གི་བྱེ་མ་སྙེད་མེས་ཤིན་ཏུ་གང་བའི་ནང་དུའང་ཞུགས་ཏེ་འགྲོ་བར་བྱའོ། །སྤྲིན་ཆེན་སྙིང་པོ། གཞན་ཡིད་ལ་མ་སེམས་ཤིག །ཁྱོད་ལ་དེ་བཞིན་གཤེགས་པ་རྣམས་རྗེས་སུ་ཡི་རང་སྟེ། བདེ་
བ་དང་ལྡན་ནམ། རྙེད་པ་རབ་ཏུ་རྙེད་དོ། །ཞེས་ཀྱང་བཀའ་སྩལ་པར་འགྱུར་རོ། །ཁྱོད་ཀྱིས་ཚིག་དང༌། ཡི་གེ་གཅིག་གི་ཐིག་ལེ་ལྟ་བུ་དག་ཀྱང་སྔོན་མ་ཐོས་པའི་དེ་བཞིན་གཤེགས་པའི་ཡུལ་ཟབ་ཅིང་ཕྲ་བ་ལ་དོན་
བཟང་པོ་དང༌། ཚིག་འབྲུ་བཟང་པོར་སྦྱར་བའི་ཚིག་དང་ལྡན་པ་དག་རིང་པོ་མི་ཐོགས་པར་ཐོབ་པར་འགྱུར་རོ། །ཕྲ་བའི་ཚིག་དེ་དག་རྟོགས་པར་འདོད་པ་དང༌། དེ་བཞིན་གཤེགས་པའི་རྟག་པ་དང༌། ཐེར་ཟུག་པ་
དང༌། བརྟན་པའི་ཡོན་ཏན་གྱི་ཆེ་བ་ཉིད་ཀྱི་སྤྱོད་པ་དང༌། དེ་ཁོ་ནའི་སྤྱོད་པ་རྟོགས་པར་འདོད་པས་ནི། སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པའི་སྤྱོད་པ་ལ་བརྩན་པར་བྱའོ། །དམ་པའི་ཆོས་བརྟན་པར་བྱ་བ་དང་
མཉན་པའི་ཕྱིར་དེ་བཞིན་གཤེགས་པའི་རྟག་པ་དང༌། ཐེར་ཟུག་པ་དང༌། བརྟན་པའི་ཡོན་ཏན་གྱི་ཆེ་བ་ཉིད་ཀྱང་གཞན་དག་ལ་རྒྱས་པར་བསྟན་པར་བྱའོ། །དེ་བཞིན་གཤེགས་པ་རྟག་པར་བྱ་བ་དང༌། དེ་བཞིན་
གཤེགས་པ་གཏན་དུ་མྱ་ངན་ལས་འདའ་བ་མེད་དོ། །ཞེས་བྱ་བ་དང༌། དེ་བཞིན་གཤེགས་པའི་བསྟན་པའང་ནུབ་པར་མི་འགྱུར་རོ། །ཞེས་བྱ་བ་ལ་བརྩོན་པར་བྱ་སྟེ། གཞན་དག་ལའང་རྒྱས་པར་བཤད་པའང་
༄༅། །བརྩོན་པར་བྱའོ། །དེ་ནས་དེའི་ཚེ་རྣམ་པར་འཐོར་རླུང་གི་རྒྱལ་པོ་རྣམས་ལྷའི་བདེ་བའི་ལོངས་སྤྱོད་དང༌། ཡོངས་སུ་སྤྱོད་པའི་བདེ་བ་དང༌། བསིལ་བའི་ཆུ་དང་འདྲེས་པའི་
རླུང་དུས་ཚིགས་དྲུག་གི་མེ་ཏོག་དང༌། འབྲས་བུས་རྒྱས་པ་དག་རབ་ཏུ་གཏོང་ཞིང་བཅོམ་ལྡན་འདས་ལ་སྲི་ཞུ་བྱ་བ་ལ་ཞུགས་སོ། །དེ་ནས་དེའི་ཚེ་སངས་རྒྱས་ཀྱི་མཐུས་ནམ་མཁའ་ལ་སྤྲིན་གྱི་ཚོགས་
ཆེན་པོ་སྟང་ཟིལ་གྱི་ཁ་དོག་འདྲ་ཞིང་ཆུ་རོ་མངར་བ་རྣམ་པ་བཞིས་རྒྱས་པ་དག་འབྲུག་སྒྲ་སྒྲོག་སྟེ། ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། མངོན་པར་རབ་ཏུ་ཆེམ་ཆེམ་མོ། །ཆེམ་
ནལ༑ རབ་ཏུ་ཆེམ་ནལ། ཀུན་ཏུ་རབ་ཏུ་ཆེམ་ནལ། མངོན་པར་རབ་ཏུ་ཆེམ་ནལ་ལོ། །བདུད་རྩིའི་འབྲུག་སྒྲ་སྒྲོག །རབ་ཏུ་སྒྲོག །ཀུན་ཏུ་རབ་ཏུ་སྒྲོག །མངོན་པར་རབ་ཏུ་སྒྲོག་གོ །སིལ་སྙན་དང༌།
གླུ་དབྱངས་ལྟ་བུའི་སྒྲ་སེམས་ཅན་ཐམས་ཅད་ཀྱི་ཡིད་དུ་འོང་བ་འབྱིན། རབ་ཏུ་འབྱིན། ཀུན་ཏུ་རབ་ཏུ་འབྱིན། མངོན་པར་རབ་ཏུ་འབྱིན་ཏོ། །དིར་དིར། རབ་ཏུ་དིར་དིར། ཀུན་ཏུ་རབ་ཏུ་དིར་དིར། མངོན་
པར་རབ་ཏུ་དིར་དིར་རོ། །འཕྲོ། རབ་ཏུ་འཕྲོ། ཀུན་ཏུ་རབ་ཏུ་འཕྲོ། མངོན་པར་རབ་ཏུ་འཕྲོའོ། །འཁྲུགས། རབ་ཏུ་འཁྲུགས། ཀུན་ཏུ་རབ་ཏུ་འཁྲུགས། མངོན་པར་རབ་ཏུ་འཁྲུགས་སོ། །གློངས། རབ་ཏུ་གློངས་
ཀུན་ཏུ་རབ་ཏུ་གློངས། མངོན་པར་རབ་ཏུ་གློངས་སོ། །གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། མངོན་པར་རབ་ཏུ་གཡོས་སོ། །གློག་མང་པོ་འགྱུ། རབ་ཏུ་འགྱུ། ཀུན་ཏུ་རབ་ཏུ་འགྱུ། མངོན་པར་རབ་
ཏུ་འགྱུ་སྟེ། བདག་ནི། སྲས་ལགས་སོ། །བདག་ནི། སྲས་ལགས་སོ། །ཞེས་སྒྲ་སྙན་པ་དག་གྲགས་པར་གྱུར་ཏོ། །དེ་ནས་དེའི་མདོ་ལ་སངས་རྒྱས་ཀྱི་མཐུས་ཕྱོགས་བཅུའི་འཇིག་རྟེན་དུ་སངས་རྒྱས་ཀྱི་ཞིང་
བྱེ་བ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྣམ་པ་དྲུག་ཏུ་འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། མངོན་པར་རབ་ཏུ་འགུལ་ཏོ། །གཡོས། རབ་ཏུ་གཡོས། ཀུན་ཏུ་རབ་ཏུ་
གཡོས༑ མངོན་པར་རབ་ཏུ་གཡོས་སོ། །ལྡེག །རབ་ཏུ་ལྡེག །ཀུན་ཏུ་རབ་ཏུ་ལྡེག །མངོན་པར་རབ་ཏུ་ལྡེག་གོ །འཁྲུགས། རབ་ཏུ་འཁྲུགས། ཀུན་ཏུ་རབ་ཏུ་འཁྲུགས། མངོན་པར་རབ་ཏུ་འཁྲུགས་སོ། །
ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། མངོན་པར་རབ་ཏུ་ཆེམ་ཆེམ་མོ། །འཇིག་རྟེན་གྱི་ཁམས་འདི་འགུལ་བར་མཐོང་ནས་ཡང་མྱུར་བ་མྱུར་བར་ཕན་ཚུན་འདྲེས་ཤིང་ཕན་ཚུན་དུ་སྒྲ་
འབྱིན༑ རབ་ཏུ་འབྱིན། ཀུན་ཏུ་རབ་ཏུ་འབྱིན། མངོན་པར་རབ་ཏུ་འབྱིན་ཏོ། །འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། མངོན་པར་རབ་ཏུ་འགུལ་ལོ། །ནམ་མཁའ་ཁེབས་པར་བྱེད་ཅིང་བཅུད་
ཐམས་ཅད་དང༌། རིན་པོ་ཆེ་དང༌། སྨན་ཐམས་ཅད་དང་འདྲེས་པའི་ཆར་གྱི་རྒྱུན་ཤིན་ཏུ་ཆེན་པོ་འབེབས་སོ། །སྤྲིན་གྱི་ཚོགས་ཆེའོ་ཅོག་འབྲུག་སྒྲ་སྒྲོག་ཅིང༌། འུར་འུར། ཆེམ་ཆེམ། དིར་དིར། ཏོག་ཡར་
ཏུག་ཆོམ། ཁད་ཁད། ལྷག་ལྷག་ཅིང་སེངྒེའི་སྒྲ་ཆེན་པོ་དང༌། ཀླུའི་སྒྲ་ཆེན་པོ་ཡིད་དུ་འོང་བའི་སྒྲ་མངོན་པར་སྒྲོག་གོ །རྫ་རྔའི་སྒྲ་ཆེན་པོ་ལྟ་བུར་ཆེམ་ཆེམ། དིར་དིར། ཏོག་ཡར། ཏུག་ཆོམ་སྟེ།
༄༅། །གློག་ཆེན་པོ་འབར་རབ་ཏུ་འབར་ནས་ལྗིབ་ལྗིབ་ཅིང་འདུག་གོ །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁོ་ར་ཁོར་ཡུག་ཏུ་རིན་པོ་ཆེ་ཐམས་ཅད་དང༌། རོ་
དང་ལྡན་པའི་ཆུའི་ཆར་པ་བབ་སྟེ། མངོན་པར་བབ་པར་གྱུར་ཏོ། །དེའི་ཚེ་ཛམྦུའི་གླིང་གི་ཆུ་ཀླུང་ཆེན་པོ་བརྒྱད་དང༌། ཆུ་བྲན་གྱི་ཚོགས་དུ་མ་དག་དང༌། ཕུ་ཆུ་རྣམས་མངོན་པར་སྒྲ་སྒྲོག་ཅིང་སྐད་
འབྱིན་པར་གྱུར་ཏེ། ཏུག་རིད། ཤ་ཤོ། འུར་འུར། དིར་དིར། ཤྭ་ཤྭ་ཤིང་འདུག་སྟེ། མུ་དང་ཁ་ད་ཆད་དུ་གང་བར་གྱུར་ལ་རིན་པོ་ཆེ་ཐམས་ཅད་དང༌། རོ་ཐམས་ཅད་དང་ལྡན་པའི་ཆུ་མངོན་པར་བབ་
པར་གྱུར་ཏོ། །དེ་བཞིན་དུ་མཚོ་ཕྲན་དང༌། རྫིང་དང༌། རྫིང་ཆེན་པོ་རྣམས་ཀྱང་མུ་དང་ཁ་ད་ཆུད་དུ་གང་ལ། བཅུད་ཐམས་ཅད་དང༌། རྩྭ་དང༌། ནགས་ཚལ་གྱི་སྨན་ཐམས་ཅད་དང་འདྲེས་པའི་ཆུས་
རྒྱས་པར་གྱུར་ཏོ། །དེ་ལྟ་བུའི་བཀོད་པ་ཆེན་པོ་དག་དང༌། སྤྲིན་གྱི་ཚོགས་ཆེན་པོ་གློག་གི་འོད་དང་འདྲེས་པའི་སྤྲིན་ཆེན་པོས་ཞག་བདུན་གྱི་བར་དུ་ཆར་ཤིན་ཏུ་ཕབ་བོ། །འོན་ཀྱང་ཤ་སྦྲང་དང༌། སྦྲང་
བུ་དང༌། སྡིག་སྦྲུལ་དང༌། སྐམས་ན་གནས་པ་དང༌། པི་ཚུ་ཀ་དང༌། བྱའི་ཚོགས་ལ་སོགས་པ་དུད་འགྲོར་སྐྱེས་པ་ཐམས་ཅད་དང༌། མི་རྣམས་དང༌། སྲོག་ཆགས་ཐམས་ཅད་ལའང་གནོད་པར་མ་
གྱུར་ཏོ། །གྲང་བས་སྦྲེབས་པར་ཡང་མ་གྱུར་ཏོ། །སོ་ཐམ་ཐམ་བྱེད་པར་ཡང་མ་གྱུར་ཏེ། དེ་དག་སྔོན་ཆད་ཡེ་མ་བྱུང་བའི་བདེ་བ་དང༌། དགའ་བ་ལ་རྩེ་བས་མངོན་པར་རྩེ་བར་གྱུར་ཏོ། །སྔོན་ཆད་ཡེ་
མ་བྱུང་བའི་བདེ་བ་ཐམས་ཅད་ཉམས་སུ་མྱོང་ངོ༌། །སྔོན་ཆད་ཡེ་མ་བྱུང་བའི་རོ་ཞིམ་པོ་ཐམས་ཅད་མྱོང་ངོ༌། །སྦལ་པ་དང༌། དུད་འགྲོར་སྐྱེས་པ་ཐམས་ཅད་ཀྱང་སྔོན་ཆད་ཡེ་མ་བྱུང་བའི་སྐད་མངོན་པར་
འབྱིན་པར་གྱུར་ཏོ། །དེའི་ཚེ་རྒྱལ་པོའི་ཁབ་དང༌། བྱ་རྒོད་ཀྱི་ཕུང་པོའི་རི་དང་བཅས་པ་དང༌། ཚོང་རྡལ་དང༌། ལུང་པའི་མདོ་དང་བཅས་པ་རྣམས་དང༌། ཛམྦུའི་གླིང་དང་བཅས་པར་རིན་པོ་ཆེ་ཐམས་ཅད་ཀྱི་
ས་དང༌། རིན་པོ་ཆེ་ཐམས་ཅད་ཀྱི་སྐུད་པས་ཁེབས་ཏེ་ལེགས་པར་བརྒྱན་པར་གྱུར་ཏོ། །རིན་པོ་ཆེའི་ཤིང་ལྗོན་པ་ཐམས་ཅད་དང༌། རིན་པོ་ཆེའི་འཁྲི་ཤིང་ཐམས་ཅད་ཕན་ཚུན་འཁྲི་ཤིང་སེམས་ཅན་
ཐམས་ཅད་ཀྱི་ཡིད་དུ་འཐད་པའི་སྒྲ་རབ་ཏུ་སྒྲོག་སྟེ་ཕན་ཚུན་འཁྲོལ་བར་བྱེད་དོ། །རིན་པོ་ཆེ་ཐམས་ཅད་ཀྱི་ཨུཏྤལ་དང༌། ཀུ་མུ་ཏ་དང༌། པདྨ་དཀར་པོ་རྣམས་ཀྱང་ཟླ་བ་དང༌། ཉི་མའི་གཟི་བརྗིད་ཀྱི་འོད་
རྣམས་ཀྱིས་ཕྱེ་བ་ལྟར་རྒྱས་པར་གྱུར་ཏོ། །དཔེ་མེད་པའི་སྤོས་མང་པོས་བསྒོས་ཤིང་མེ་ཏོག་གིས་གང་སྟེ་མངོན་པར་ཁེབས་པར་གྱུར་པའི་ས་གཞི་ལ་མི་མ་ཡིན་པ་རྣམས་འཆག་པར་གྱུར་ཏོ། །ཛམྦུའི་
གླིང་འདི་ན་གནས་པའི་འཁོར་ཆེན་པོ་དེ་དང༌། སེམས་ཅན་ཐམས་ཅད་ཀྱིས་ཀྱང་མེ་ལོང་གི་ངོས་ལ་ཇི་ལྟ་བ་བཞིན་དུ་འཇིག་རྟེན་གྱི་ཁམས་ཐམས་ཅད་རྒྱས་པར་མཐོང་ངོ༌། །དེ་ནས་དེའི་ཚེ་དུད་འགྲོའི་
སྐྱེ་གནས་སུ་སྐྱེས་པ་ཐམས་ཅད་ཀྱང་ཐེག་པ་ཆེན་པོ་འདོད་པའི་སེམས་དང༌། ཐེག་པ་ཆེན་པོས་སྐོམ་པའི་སེམས་དང༌། ཐེག་པ་ཆེན་པོ་ལ་དད་པའི་སེམས་དང༌། གཅིག་ལ་གཅིག་མ་དང༌། སྲིང་མོ་དང༌། བུ་
༄༅། །ཇི་ལྟ་བ་བཞིན་དུ་སེམས་ཤིན་ཏུ་སྦྱངས་ཤིང་རབ་ཏུ་བརྟན་པར་གྱུར་ནས་མངོན་པར་གར་བྱེད་ཅིང་སྐད་འབྱིན་ཏེ་བཅོམ་ལྡན་འདས་ལ་སྲི་ཞུ་བྱེད་པ་ལ་ཞུགས་སོ། །དེ་ནས་དེའི་
ཚེ་དེ་བཞིན་གཤེགས་པའི་རྣམ་པར་འཕྲུལ་པས་འཁོར་ཆེན་པོ་ལྷ་དང༌། ཀླུ་དང༌། གནོད་སྦྱིན་དང༌། ནམ་མཁའ་ལྡིང་དང༌། མིའམ་ཅི་དང༌། ལྟོ་འཕྱེ་ཆེན་པོ་དང༌། དྲི་ཟ་དང༌། ལྷ་མ་ཡིན་དང༌། སྲིན་པོ་
དང༌། གྲུལ་བུམ་དང༌། འབྱུང་པོ་དང༌། གཅོད་བྱེད་ཀྱི་བུ་དང༌། བརྒྱ་བྱིན་དང༌། འཇིག་རྟེན་སྐྱོང་བ་དང༌། ཚངས་པ་དང༌། ནགས་ཚལ་གྱི་ལྷ་དང༌། བྱ་དང༌། རིག་སྔགས་འཆང་དང༌། འདོད་རྒུར་སྒྱུར་པའི་
གཟུགས་ཅན་གྱི་ལྷ་མོའི་ཚོགས་འདྲེས་པ་དང༌། དེ་བཞིན་གཤེགས་པའི་རྣམ་པར་འཕྲུལ་པས་འཛམ་བུའི་གླིང་ཤིན་ཏུ་རྒྱས་པར་གྱུར་པ་དང༌། འཇིག་རྟེན་གྱི་ཁམས་སྤྲུལ་པ་ཐམས་ཅད་མཐོང་
ནས་ཆེད་དུ་བསམ་སྟེ་དེ་བཞིན་གཤེགས་པ་ལ་ལྷའི་མེ་ཏོག་སྤྲིན་གྱི་ཆར་མངོན་པར་ཕབ་བོ། །ལྷའི་སྤོས་ཀྱི་སྦྱིན་གྱི་ཆར་ཡང་མངོན་པར་ཕབ་བོ། །ལྷའི་ཕྱེ་མའི་སྤྲིན་གྱི་ཆར་ཡང་མངོན་པར་ཕབ་
པོ༑ ༑ལྷའི་མེ་ཏོག་ཕྲེང་གི་སྤྲིན་གྱི་ཆར་ཡང་མངོན་པར་ཕབ་བོ། །ལྷའི་རིན་པོ་ཆེའི་སྤྲིན་གྱི་ཆར་ཡང་མངོན་པར་ཕབ་བོ། །ལྷའི་གདུགས་ཀྱི་སྤྲིན་གྱི་ཆར་ཡང་མངོན་པར་ཕབ་བོ། །ལྷའི་གོས་དང༌།
རྒྱལ་མཚན་དང༌། བ་དན་གྱི་སྤྲིན་གྱི་ཆར་ཡང་མངོན་པར་ཕབ་བོ། །ལྷའི་སིལ་སྙན་དང་ཕེག་རྡོབ་པའི་སྤྲིན་གྱི་ཆར་ཡང་མངོན་པར་ཕབ་བོ། །ལྷའི་གླུ་དང་གར་དུ་ལྡན་པས་མངོན་པར་གར་བྱེད་པའི་
སྤྲིན་གྱི་ཆར་ཡང་མངོན་པར་ཕབ་སྟེ། དེ་བཞིན་གཤེགས་པའི་བསམ་གྱིས་མི་ཁྱབ་པའི་ཡུལ་གྱི་ཆོ་འཕྲུལ་ཆེན་པོའང་མངོན་སུམ་དུ་མཐོང་ལ། དེ་བཞིན་གཤེགས་པའི་ཚུལ་དམ་པའི་ཆོས་བརྟན་
པ་དང༌། ཤིན་ཏུ་རྒྱས་པ་ཆེན་པོའི་མདོའི་རྒྱལ་པོ་དང༌། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བ་དང༌། ཤཱཀྱའི་རིགས་ཀྱི་རྒྱུད་རྣམ་པར་
དག་པ་དང༌། དེ་བཞིན་གཤེགས་པའི་བསྟན་པ་འབྲས་བུ་ཡོད་པའི་ཚིག་སྨོས་པ་ཐོས་ནས་མངོན་པར་རྩེ་ཞིང་རབ་ཏུ་དགའ་བའི་སེམས་བསྐྱེད་དེ་རང་རང་གི་བླ་གོས་ཀྱིས་དེ་བཞིན་གཤེགས་པའི་སྐུ་ལ་
གསོལ་ནས་ཁ་མཐུན་པར་ཚིགས་སུ་བཅད་པ་འདི་དག་སྨྲས་སོ། །དེ་བཞིན་གཤེགས་པ་རྟག་པའི་སྐུ། །རྟག་པའི་མཚན་རྣམས་ཕུན་སུམ་ཚོགས། །ཡོན་ཏན་མཐའ་ཡས་མཚོ་མངའ་བ། །སངས་རྒྱས་
ལ་ནི་མགོས་ཕྱག་འཚལ། །བཅོམ་ལྡན་ཁྱོད་ནི་གཟི་བརྗིད་རྟག །རྟག་པའི་མཚན་ནི་མཛེས་པ་པོ། །དཔའ་བོ་ཆེན་པོ་ལྷ་ཡི་ལྷ། །བསམ་གྱིས་མི་ཁྱབ་དཔེ་མ་མཆིས། །དཔའ་བོ་ཆེན་པོ་སྐུ་རྟག་པ། །ཏིང་
འཛིན་ཡོན་ཏན་རྒྱ་མཚོ་ཆེ། །ཆོས་སྤྲིན་ཆར་པ་ཆེན་པོ་ཡི། །སྤྲིན་གྱི་མདོ་ནི་སྟོན་པ་པོ། །ཞི་བའི་སྐུ་ལྡན་ཞི་གྱུར་པ། །ཞི་བའི་སྤྲིན་ནི་སྟོན་པ་པོ། །གཟི་བརྗིད་ཞི་ཞིང་དཔལ་ཡང་ཞི། །ཕུན་སུམ་ཚོགས་པ་ཞིང་
ལ་གནས། །གནས་རྟག་ཡེ་ཤེས་རྟག་པ་སྟེ། །ཞིང་རྟག་རྟག་པའི་རྣམ་པ་ལགས། །མི་རྟག་ཚོགས་ཀྱི་མུན་སེལ་པ། །མི་རྟག་ཕྱོགས་ནི་ཟད་པར་མཛད། །ཁྱོད་ནི་ལྡེམ་ངག་མཁས་པ་སྟེ། །སེམས་ཅན་
༄༅། །ཀུན་ལ་ཐུགས་བརྩེ་ལྡན། །རྒྱལ་ཆེན་གསང་བ་མང་པོ་མངའ། །རྒྱལ་བ་ཟླ་བ་འོད་ཆེན་ལགས། །དེང་ནི་ལྷ་ཁྱོད་བཟང་བ་སྟེ། །མདོ་མཆོག་འདུ་སྟོན་སྟོན་པར་མཛད། །དེང་ནི་ལྷ་
ཁྱོད་མཛེས་གྱུར་ཏོ། །ལྷ་དང་འཇིག་རྟན་མཐུན་པར་མཛད། །འདྲེན་མཆོག་ལྷ་ཁྱོད་དེང་སྒྲོག་སྟེ། །མདོ་བསྒྲགས་མིང་བཅས་སྟོན་པར་མཛད། །རྒྱལ་པོའི་ཁབ་ནི་རི་དང་བཅས། །དེ་རིང་ཁྱོད་ཀྱིས་སྣང་
བར་མཛད། །དེ་རིང་གདན་མཆོག་མཛེས་གྱུར་ཏེ། །ནོར་བུ་རིན་ཆེན་བྱེ་མང་སྤྲས། །ཡོན་ཏན་མཐའ་ཡས་བརྒྱན་པ་ཡི། །ས་གཞི་ལྷ་ཡི་གོས་ཀྱིས་བཀབ། །བབ་ལ་ལྡོང་རོས་མུགས་མཚལ་གྱིས། །ལེགས་
བྲིས་འབྱེས་པར་བྱས་པ་ལ། །གསེར་དང་ནོར་བུ་བཻ་ཌཱུཪྻ། །ཤེལ་རྣམས་ཀྱིས་ནི་ཡོངས་སུ་སྤྲས། །བྱ་རྒོད་ཕུང་པོ་མཆོག་གྱུར་པ། །གངས་ཀྱི་རི་ཡི་རྩེ་བརྒྱ་དག །རབ་ཏུ་འབར་བས་མཛེས་པར་བྱས། །
དཔལ་དང་ལྡན་པའི་གྲོང་ཁྱེར་འདི། །ལྷ་ཡི་རིན་ཆེན་བླ་ཡི་ཚོགས། །དགྲ་ཁང་དག་ཀྱང་ལེགས་པར་བཅས། །ཁང་བཟང་གཞལ་མེད་ཁང་མང་གིས། །ཁོར་ཡུག་ནས་མཛེས་པར་གྱུར། །མཚོ་ཕྲན་དང་
བ་རྫིང་ཆེན་མཆོག །རྫིང་བུའི་ཆུས་ནི་ཡུལ་རྣམས་བརྒྱན། །བདེར་འཇུག་འབབ་སྟེགས་རྫིང་ཆེན་མང༌། །རྒྱལ་པོའི་ཁབ་ན་དེ་རིང་དུ། །ལྷ་ཡི་གྲོང་ཁྱེར་བཞིན་དུ་མཛེས། །རྔ་དང་དུང་དང་དྲིལ་བུ་དང༌།།
བི་ཝང་རྒྱུད་བཅས་མ་སྦྲེངས་པར། །སྒྲ་ཆེན་སྒྲོག་པར་འབྱུང་བ་འདི། །ངོ་མཚར་རྨད་དུ་བྱུང་བ་ལགས། །ལུས་བདེ་ཡིད་དང་འཐད་པ་ཡི། །སེར་བུ་ངད་ཀྱང་ལྡང་བར་གྱུར། །པར་སྣང་མཁའ་
ལས་འབྲུག་སྒྲ་སྒྲོག །གློག་མང་ཐམས་ཅད་རྣམ་པར་འགྱུར། །རིན་ཆེན་གང་བའི་ཆུ་རྒྱུན་འབབ། །དེ་དག་ཚུལ་གྱི་ཆར་འབབ་ཅིང༌། །སེམས་ཅན་མི་གནོད་མཐུན་པར་བསིལ། །སྲོག་ཆགས་ཕྲ་མོ་སྡིག་
སྦྲུལ་སྦྲང༌། །དེ་རིང་རབ་དགའ་མགུ་ཞིང་རྩེ། །ལེ་བརྒན་རྩི་དང་ས་ལ་དང༌། །ཨ་ཏི་མུཀྟ་ཏི་ལ་ཀ། པུཎྚ་ག་དང་ཀེ་ཏ་དང༌། ཀུ་རུ་བ་ཀ་ཀེ་ས་ར། །དྲི་ཞིམ་པ་དང་ན་ག་དང༌། །ཨ་ག་རུ་དང་དོང་ཀ་ཡིས། །འོད་
མའི་ཚལ་ནི་དེ་རིང་དུ། །ཤིན་ཏུ་སྣང་ཞིང་མཆིས་པར་བགྱིས། །བ་ཀུ་ལ་དང་ཙམྦ་ཀ །ཐང་ཤིང་པྲི་ཡང་ཀུ་ཡི་ཤིང༌། །གསེར་ཕྲོམ་དང་ནི་ཉོ་ཏི་དང༌། །སྒྲོན་ཤིང་དང་ནི་ཡོངས་འདུ་དང༌། །ཤིང་ལྗོན་
ཚོགས་ཀྱིས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། །ཨ་མྲ་ཏ་ལ་ཀ་བིད་ཐ། །པ་ན་ས་དང་ཙནྡན་དམར། །བ་མངལ་ཤིང་ནི་དྲི་ཞིམ་གྱིས། །འོད་མའི་ཚལ་ནི་དེང་སྣང་བགྱིས། །སྲ་རྩི་
ཤིང་མཆོག་པ་རངྒ། །ཨད་ཙུ་ཀ་དང་ཀེ་ས་རི། །མྱ་ངན་འཚང་དང་ཙམྤ་ཀ །དམར་སེར་གྱིས་ནི་འོད་མའི་ཚལ། །དེ་རིང་འབར་ཞིང་མཆིས་པར་བགྱིས། །རྒྱ་ཤུག་ཛམྦུ་ཀམྤ་རི། །སྐྱུ་རུ་བེལ་
ལ་སེའུ་ཤིང་ནགས། །ཏེ་ན་དུ་ཀ་དང་བ་ཀ་ས། །མངར་ཞིང་ཞིམ་པའི་ཤིང་ལྗོན་དང༌། །འབྲ་ཀོའི་ཤིང་མང་རྒུན་ཤིང་ཚོགས། །བལ་བུ་དང་ནི་ས་བརྟོལ་མང༌། །མ་ན་ཀ་ར་དོང་ཀ་དང༌། །ཤིང་ལྗོན་
ཚོགས་ཀྱིས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། །ཨ་ག་རུ་ཡི་ཤིང་དག་དང༌། །ཏ་མ་ལ་འདབ་རབ་མཛེས་དང༌། །གུར་གུམ་དང་ནི་ཕུར་མོ་དང༌། །ས་བོན་ཚོགས་ནི་མང་པོ་
༄༅། །དང༌། །གོར་ཤི་ཤ་དང་ཙེནྡན་དམར། །ལྷ་རི་ཙནྡན་དུ་མ་དང༌། །ཤིང་ལྗོན་ཚོགས་ཀྱིས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། །སྐྱེད་མོས་ཚལ་དང་
ནགས་ཚལ་དང༌། །རྫིང་བུ་མཚོ་མང་དག་ན་ཡང༌། །དུས་ཚིགས་ཀུན་གྱི་ཨཏྤལ་ཚོགས། །མེ་ཏོག་རྒྱས་པས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། །རིན་ཆེན་ཀུན་གྱི་ཤིང་ལྗོན་
དང༌། །རིན་ཆེན་འཁྲི་ཞིང་ཡོངས་སུ་འཁྲི། །རིན་ཆེན་ཀུན་གྱི་ཨུཏྤལ་གྱི། །མེ་ཏོག་ཚོགས་རྣམས་དེ་རིང་མཛེས། །སངས་རྒྱས་མཐུས་ནི་དེ་རིང་དུ། །འདི་ལྟར་ཉི་ཟླའི་དཀྱིལ་འཁོར་དག། འཇིག་
རྟེན་ཁམས་ནི་མང་པོར་ཡང༌། །དཀོན་པའི་ལས་མང་བགྱིས་པ་གདའ། །འཇིག་རྟེན་ཁམས་ནི་མང་པོ་དག །མེ་ལོང་གི་ནི་དཀྱིལ་འཁོར་ལྟར། །སེམས་ཅན་བྱེ་བ་མང་པོ་ཡི། །འདི་ན་མཆིས་
བཞིན་གསལ་བར་མཐོང༌། །ངང་པ་ཁྲུང་ཁྲུང་ངུར་བར་བཅས། །ཤང་ཤང་ཏེའུ་ནི་མང་པོ་དང༌། །ཀ་རནྟ་བ་རྨ་བྱ་དང༌། །དེ་བཞིན་ཁུ་བྱུག་ཀུན་ལ། །བུང་བ་མཐའ་ཡས་བུང་བུང་སྒྲོག །རྒྱལ་
པོའི་ཁབ་ཏུ་དེ་རིང་ནི། །བྱ་རྣམས་རྣམ་པ་དུ་མ་དག །སྐད་སྙན་འབྱིན་ཅིང་སྒྲོག་པར་བགྱིད། །ནག་པ་དང་ནི་ལྗང་ཁུའི་མདོག །མདོག་སྡུག་དང་ནི་སྔོ་བ་དང༌། །པདྨ་དཀར་པོའི་མདོག་ཅན་གྱི། །
ངང་མཆོག་གླང་ཆེན་སེངྒེ་རྣམས། །སེངྒེའི་སྒྲ་ནི་སྒྲོག་བགྱིད་ཅིང༌། །རྒྱལ་པོའི་ཁབ་ནི་དེ་རིང་མཛེས། །འཛམ་གླིང་ཡུལ་འཁོར་བཅས་པ་དང༌། །ལུང་བར་བཅས་དང་ཚོང་རྡལ་བཅས། །འབྱོར་རྒྱས་
དག་ལ་སེམས་ཅན་རྣམས། །ལྷ་ཡི་བདེ་བའི་ལོངས་སྤྱོད་སྤྱད། །སེམས་དགའ་མོས་ཤིང་རབ་ཚིམ་ནས། །སེམས་ཅན་རྣམ་པ་དུ་མ་ཡིས། །ལས་དྲག་མང་པོའི་སྡིག་སྤངས་ནས། །ཡིད་བདེ་རབ་ཏུ་དུལ་བར་
གྱུར༑ ༑དེ་རིང་ཁྱོད་ཀྱི་ཞབས་དྲུང་ལྷགས། །ཕྱག་འཚལ་ནས་ནི་དེ་རིང་དུ། །རྣམ་པ་མང་པོའི་ཚུལ་གྱིས་འཇུག །ཉེ་གནས་ཆོག་མཆོག་ལ་བཟོད། །སེམས་ཅན་ལྷ་མང་བྱེ་བ་རྣམས། །དམ་པའི་ཆོས་ཀྱི་
ཚིག་ཀྱང་སྲུང༌། །དམ་པའི་ཆོས་མཆོག་རབ་ཀྱི་ཚུལ། །ངང་ཚུལ་བཟང་བས་ཉན་པར་བགྱིད། །ཤིན་ཏུ་མི་ཟད་བདུད་ཀྱི་འཁོར། །དེ་རིང་རབ་ཏུ་གཡོས་པར་གྱུར། །དམྱལ་བའི་ཚོང་འདུས་ཕྱེ་ནས་ཀྱང༌། །དེ་
རིང་ཁྱོད་ཀྱི་ཞབས་དྲུང་ལྷགས། །གཞན་ཡང་ལྷ་མང་བྱེ་བའི་ཚོགས། །གླུ་གར་རྣམ་པ་སྣ་ཚོགས་བགྱིད། །དེ་བཞིན་དུད་འགྲོར་སྐྱེས་པ་ཡི། །སེམས་ཅན་རྣམས་ནི་ཕན་ཚུན་དུ། །མང་དུ་དགྲ་བགྱིད་
ཆགས་པའི་ཚུལ། །འཁོར་བའི་ཚུལ་སྤོངས་ཆོས་ཀྱང་ཉན། །དམྱལ་བ་ཡི་ནི་སེམས་ཅན་རྣམས། །སྡུག་བསྔལ་མང་པོ་མྱོང་བ་ཡང༌། །དེ་རིང་མེ་ཞི་ཤས་ཆེར་བསིལ། །ཟས་སྐོམ་དག་གིས་རབ་ཚིམ་
ནས༑ ༑དེ་རིང་བདེ་བར་གཉིད་ཀྱིས་ལོག །དེ་རིང་ལྷ་དང་མི་རྣམས་ཀྱིས། །དེ་འདྲའི་ལས་རྣམས་ཐོས་པ་དང༌། །སེམས་ཅན་རྣམས་ཀྱིས་དམ་ཆོས་ཚུལ། །སྒྲ་བསྒྲགས་ལ་ནི་མངོན་མཆོད་ཅིང༌། །འཇུག་པ་
འདི་ནི་ངོ་མཚར་རྨད། །བཅོམ་ལྡན་འདས་ཀྱིས་ཚིག་གཅིག་གསུངས་ན་ནི། །ཇི་ལྟར་བློ་དགའ་བཞིན་དུ་སྣ་ཚོགས་རྟོགས། །ཁྱེད་ནི་སེམས་ཅན་ཀུན་གྱིས་བདེ་མྱོང་བའི། །ཡངས་ཤིང་རྣམ་དག་ཆོས་
༄༅། །ནི་སྟོན་པ་མཛད། །སེམས་ཅན་ཐམས་ཅད་ཡིད་བདེ་རབ་དུལ་ཞིང༌། །སེམས་ཀྱང་རབ་དགའ་མཉམ་པར་བྱམས་པར་སེམས། །གཅིག་ལ་གཅིག་ནི་ནོངས་པ་བཤགས་ནས་
ཀྱང༌། །མ་དང་བུ་བཞིན་ཆོས་ནི་ཉན་པར་བགྱིད། །སེམས་ཅན་ཀུན་ཀྱང་བདག་ཉིད་གཙོར་བགྱིས་ནས། །དེ་རིང་བདག་གི་རང་བཞིན་བསམ་དགོངས་སྙམ། །བདག་ལ་ཐུགས་བརྩེས་བདག་གི་སྟན་
བཞུགས་ནས། །མི་མཆོག་དུལ་བའི་ཁ་སྒྱུར་ཆོས་སྟོན་སྙམ། །དེ་རིང་ལྷ་ཁྱོད་གདན་གཅིག་སྟེང་བཞུགས་ནས། །དམ་ཆོས་སྤྲིན་གྱི་མདོ་མཆོག་བསྟན་པར་མཛད། །དེ་རིང་ཆོས་ཚོགས་མང་ལ་བྱིན་
གྱིས་རློབས། །སྐུ་ཡང་མང་ཞིང་གཟུགས་མང་བའི། །དེ་བཞིན་གཤེགས་པ་ཆོས་ཀྱི་སྐུ། །སྟན་རྣམས་ཀུན་ལ་བཞུགས་ནས་ཀྱང༌། །ཁྱོད་ནི་ཆོས་འདི་སྟོན་པར་མཛད། །ལྷ་ཡི་ལྷ་ལ་བདག་དང་
ནས༑ ༑བདག་ཅག་དེ་རིང་སྐྱབས་སུ་མཆི། །མཁང་པར་གནས་པའི་ལྷ་ཀུན་ནི། །ཀྱེ་མ་མི་རྟག་མི་བརྟན་ནོ། །སྐྱབས་མི་མཆིས་ཤིང་མགོན་མ་མཆིས། །བསོད་ནམས་ཆུང་ཞིང་སྡིག་པར་བཅས། །ཀླུ་
རྣམས་རྒྱ་མཚོར་འདུ་བ་ལྟར། །ལྷ་རྣམས་ཐམས་ཅད་ཁྱོད་ལ་བརྟེན། །སྐྱབས་མེད་རྣམས་ཀྱི་སྐྱབས་ལགས་ཏེ། །དེ་བས་ཐུབ་ཆེན་རྟག་པ་ལགས། །མགོན་མེད་རྣམས་ཀྱི་མགོན་ཡང་ཁྱོད། །གཉེན་
མེད་རྣམས་ལ་རབ་གཉེན་པ། །བརྟན་པའི་གནས་ན་བཞུགས་པ་སྟེ། །དེ་བས་མི་གཡོ་བརྟན་པ་ལགས། །ཀུན་གྱི་རྟེན་ཆེན་གྱུར་པ་སྟེ། །སྨན་པ་ཐེར་ཟུག་བདག་ཉིད་ཆེ། །ནད་ཀྱིས་ཐེབས་པའི་སེམས་
ཅན་རྣམས། །ལེགས་སྤྱོད་ཆེ་བའི་བདག་ཉིད་ཅན། །བཅོམ་ལྡན་ལྷ་ཁྱོད་བསམ་མི་ཁྱབ། །དེ་བཞིན་གཤེགས་པ་ཐབས་ཀྱི་སྐུ། །ལྷ་ཡི་ལྷ་སྟེ་ལྷ་ཆེན་པོ། །འཇིག་རྟེན་ཀུན་དང་མཐུན་པར་འཇུག། དཔའ་བོ་ཆེན་
པོ་གསང་བའི་གསང༌། །གསང་བའི་ཆོས་ནི་རབ་སྟོན་པ། །ཏིང་འཛིན་གཟུངས་ཀྱི་རྒྱལ་པོ་སྟེ། །དེ་བཞིན་གཤེགས་པ་དེད་དཔོན་ལགས། །བྱང་ཆུབ་སེམས་དཔའ་གཟི་ཆེན་གྱིས། །མཚུངས་མེད་དཔག་གིས་མི་
ལང་བ༑ ༑རྟག་པའི་ཟླ་བ་ཡོངས་སུ་བསྐོར། །དཔེ་མེད་བསྐལ་པ་བྱེ་མང་མཛེས། །ཁྱོད་ཀྱི་ཡོན་ཏན་བགྲང་ལས་འདས། །རིན་ཆེན་འབྱུང་གནས་དེ་བཞིན་གཤེགས། །དཔལ་ཆེན་གཟི་བརྗིད་རྟག་པ་སྟེ། །བསམ་
ཡས་སྟོབས་ཀྱི་རྒྱ་མཚོ་ལགས། །སེམས་ཅན་ཀུན་ཕན་བསམ་མི་ཁྱབ། །ཀུན་ལ་བྱམས་ཤིང་ཐུགས་བརྩེ་བ། །ཐུབ་སྲས་སྒྲ་གཅན་ཟིན་བཞིན་དུ། །སེམས་ཅན་ཀུན་སྙོམས་བྱམས་པར་དགོངས། །དེ་རིང་
མཉམ་གྱུར་མཉམ་པར་གཟིགས། །མཐུ་ཆེ་སྟོབས་ཀྱང་ཆེ་བ་ལགས། །མི་ཤེས་སྲིད་པའི་མཚོ་ཆེན་ལས། །དེང་ཁྱོད་བདག་ནི་བསྒྲལ་དུ་གསོལ། །བདག་ཅག་ཀུན་གྱིས་བཟོད་པ་གསོལ། །དེ་བཞིན་གཤེགས་
པས་བཟོད་པར་མཛོད། །དམ་ཆོས་འདུ་སྟོན་ཐོས་ནས་ནི། །དེ་བཞིན་གཤེགས་པའི་ཆེ་བརྟོགས། །མ་འཚལ་བ་ནི་ཀྱེ་རེ་མཚར། །བདག་གིས་ཡུན་རིང་མི་སྙན་བགྱིས། །དེ་བཞིན་གཤེགས་རྟག་མ་འཚལ་བའི།།
སེམས་ཅན་རྣམས་ནི་ངན་འགྲོར་མཆི། །མ་འཚལ་བ་ནི་ཀྱེ་རེ་མཚར། །བདག་གིས་ཡུན་རིང་འཁོར་བ་བགྱིས། །ཡོངས་སུ་མྱ་ངན་འདའ་སྙམ་མཛད། །སེམས་ཅན་མར་མེའི་ནང་དག་ཏུ། །ཕྱེ་མ་ལེབ་ནི་མཆོང་
༄༅། །པ་བཞིན། །བཅོམ་ལྡན་འདས་ཆོས་དེ་བཞིན་དུ། །ཡོངས་སུ་མྱ་ངན་འདའ་འགྱུར་སྙམ། །དེ་ལྟར་སེམས་པར་བགྱིད་པ་ཡི། །ལྷར་བཅས་འཇིག་རྟེན་འཁོར་བར་འགྱུར། །དེང་
བདག་ཡང་དག་མཚན་མཐོང་བ། །ཀྱེ་མ་རྙེད་ཆེན་ལེགས་པར་རྙེད། །ཁྱོད་ཀྱི་ཞབས་མཆོག་གཟི་བརྗིད་ཀྱིས། །དམ་ཆོས་ཚིག་སྨོས་རྒྱ་མཚོ་ཐོས། །སྨོན་ལམ་བཏབ་ཅིང་བསྒྲུབས་པ་དེས། །དེ་རིང་བདག་
གིས་བདུད་རྩི་འཚལ། །བགྱི་བ་ཆེན་པོའི་སོ་སོའི་ལས། །དེ་རིང་བདག་གིས་བསྟོན་པར་བགྱིས། །བདག་གི་དེ་རིང་ནད་ཞི་ཞིང༌། །ནད་མེད་གནོད་པ་མ་མཆིས་ལ། །དེ་རིང་བདག་གིས་གདུངས་པ་བསྲབས།།
མཆོག་ཏུ་ཡང་ནི་བདེ་བར་འགྱུར། །འཇིག་རྟེན་ཀུན་ལ་ཐུགས་བརྩེ་བ། །བཅོམ་ལྡན་སངས་རྒྱས་བཤད་དུ་གསོལ། །སེམས་ཅན་ཀུན་གྱི་བདེ་བསྒྲུབས་པ། །སངས་རྒྱས་བཅོམ་ལྡན་འདས་པ་ཡིས།།
ནད་རྣམས་མ་ལུས་མཛད་པར་གསོལ། །དམ་ཆོས་བརྟན་པའི་ཚུལ་གྱི་གཏེར། །སེམས་ཅན་དབུལ་པོ་རྣམས་ཀྱི་ནི། །མི་ཟད་པ་ཡི་བདུད་རྩི་གཏེར། །བཅོམ་ལྡན་སངས་རྒྱས་བཤད་དུ་གསོལ། །
རྣམ་པར་སྦྱོང་བའི་ཆོ་ག་ཡི། །ལས་ཀྱི་ཚིག་ནི་སྨོས་པ་རྣམས། །བཅོམ་ལྡན་སངས་རྒྱས་རྒྱས་པར་མཛོད། །རྟག་ཅིང་བརྟན་པའི་འདུ་སྟོན་ལ། །སེམས་ཅན་མང་པོ་དགོད་པར་གསོལ། །སྤྲིན་
ཆེན་པོའི་མདོ་ལས། །ལྷ་ཐམས་ཅད་འདུས་པ་ཞེས་བྱ་སྟེ་ཕུང་པོ་དང་པོའི་ལེའུ་རྫོགས་སོ།། །།འཕགས་པའི་སྤྲིན་ཆེན་པོའི་མདོ། བམ་པོ་བཞི་པ། དེ་ནས་བཅོམ་ལྡན་འདས་
པ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་འདི་སྐད་ཅེས་གསོལ་ཏོ། །དམ་པའི་ཆོས་བསྟན་པ་སྤྲིན་ཆེན་པོའི་མདོའི་ཚིག་སྨོས་པ་བཅོམ་ལྡན་འདས་དེ་བཞིན་གཤེགས་
པས་གསུངས་པ་ནི། ཨ་ལ་ལ་ངོ་མཚར་སྨད་དུ་བྱུང་བ་ལགས་སོ། །བཅོམ་ལྡན་འདས། ཨ་ལ་ལ་སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་སྟེ། ཆོ་འཕྲུལ་ཆེན་པོའི་རྣམ་པར་འཕྲུལ་
པ་སེམས་ཅན་ཐམས་ཅད་ཀྱི་མངོན་སུམ་དུ་གྱུར་པ་ལགས་སོ། །སྤྲིན་ཆེན་པོའི་མདོ་བཤད་པ་ན་སྤྲིན་ཆེན་པོའི་ཚོགས་ཀྱིས་རིན་པོ་ཆེ་ཐམས་ཅད་དང༌། བཅུད་ཐམས་ཅད་ཀྱིས་རྒྱས་པའི་ཆར་
གྱི་རྒྱུན་གྱི་ཚོགས་བདུད་རྩིའི་སྒྲ་ལས་བྱུང་བ་རྣམས་ཀྱིས་བདུད་རྩིའི་ཆར་ཆེན་པོ་རབ་ཏུ་ཕབ་བོ། །ཨ་ལ་ལ་དེ་བཞིན་གཤེགས་པ་ནི། བསམ་གྱིས་མི་ཁྱབ་སྟེ། ཡུལ་བསམ་གྱིས་མི་ཁྱབ་པའི་
མདོ་ཤིན་ཏུ་ལེགས་པར་གསུངས་སོ། །ཨ་ལ་ལ་སེམས་ཅན་ཐམས་ཅད་ནི། བསོད་ནམས་བགྱིས་པ་ལགས་སོ། །ཨ་ལ་ལ་བསོད་ནམས་ཀྱི་རྣམ་པར་སྨིན་པ་ནི། བསམ་གྱིས་མི་ཁྱབ་སྟེ།
སེམས་ཅན་རྣམས་ལྷའི་བདེ་བའི་ལོངས་སྤྱོད་དང༌། ཡོངས་སུ་སྤྱད་པ་ལ་ཡོངས་སུ་སྤྱོད་དོ། །དེ་རིང་སེམས་ཅན་ཐམས་ཅད་ལྷ་རྣམས་དང་ལྷན་ཅིག་ཏུ་རྩེ་བར་གྱུར་ཏོ། །སྤྲིན་ཆེན་པོའི་མདོའི་གཏེར་
སེམས་ཅན་ཐམས་ཅད་ཀྱི་ལོངས་སྤྱོད་མི་ཟད་པའི་གཏེར་དུ་གྱུར་པ་བཅོམ་ལྡན་འདས་ཀྱིས་བཤད་དུ་གསོལ། །དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང༌། ཐེར་ཟུག་པ་དང༌། བརྟན་
༄༅། །པ་དང༌། ཞི་བ་དང༌། མཚན་ཉིད་མ་མཆིས་པའི་ཆར་བཅོམ་ལྡན་འདས་ཀྱིས་དེ་རིང་དབབ་ཏུ་གསོལ། སྤྲིན་ཆེན་པོའི་མདོ་ལས་ཏིང་ངེ་འཛིན་དང༌། གཟུངས་ཀྱི་ཆུས་རྒྱས་
པའི་ཆོས་ཀྱི་སྤྲིན་གྱི་ཚོགས་ཀྱི་འབྲུག་སྒྲ་འཁོར་བའི་ཉོན་མོངས་པའི་ཚོགས་ཀྱི་ནམ་མཁའི་དཀྱིལ་དུ་སྒྲོག་ཅིང་དེ་བཞིན་གཤེགས་པའི་རྟག་པའི་སྒྲའི་ཚིག་རྣམས་འབེབས་ཏེ། འུར་འུར་
ཆེམ་ཆེམ་ཞིང་མཆིས་ལ། དམ་པའི་ཆོས་ནུབ་པར་མི་འགྱུར་ཞིང་ཡོངས་སུ་མྱ་ངན་ལས་འདའ་བར་མི་འགྱུར་བ་དེ་བཞིན་གཤེགས་པའི་ལྡེམ་པོ་ངག་གི་གློག་སྟོན་ཏེ། རྟག་པའི་སྒྲའི་བཅུད་
བསིལ་བའི་དེ་ཁོ་ན་དྲག་ཅིང་མི་ཟད་པའི་རྒྱུན་གྱི་ཆར་གྱི་ཚོགས་ཀྱིས་ཉོན་མོངས་པའི་སྦུབས་ཀྱི་ལམ་རབ་ཏུ་སེལ་བའི་དམ་པའི་ཆོས་ཀྱི་ཆར་ཆེན་པོ་རབ་ཏུ་དབབ་ཏུ་གསོལ། སེམས་ཅན་
ཐམས་ཅད་མངོན་སུམ་དུ་དེ་བཞིན་གཤེགས་པའི་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བའི་སྒྲའི་ཚིག་གི་བཅུད་ཀྱི་རོ་མངར་བ་བཞིན་རོ་ཤིན་ཏུ་བདའ་བ་ཐམས་ཅད་དང་ལྡན་
པའི་ཆོས་ལ་སྤྱོད་པར་མཛད་དུ་གསོལ། །སྔར་གསུངས་པའི་ཚིག་སྨོས་པ་རྣམ་པར་སྦྱོར་བར་བགྱིད་པ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ།
སྤྲིན་ཆེན་སྙིང་པོ། ལེགས་སོ་ལེགས་སོ། །འདི་ལྟ་བུའི་སྤྲིན་ཆེན་པོ་མངར་བ་བཞི་རོ་ཐམས་ཅད་དང་འདྲེས་པའི་ཆར་རྟག་ཏུ་འབེབས་པར་འདོད་པས་ནི། སྤྲིན་ཆེན་པོ་རྡོ་རྗེའི་མདོ་གཟུང་བར་
བྱའོ༑ ༑གཞན་དག་ལ་ཡང་རྒྱ་ཆེར་བཤད་པར་བྱའོ། །ཤིན་ཏུ་དགའ་བའང་བསྐྱེད་པར་བྱའོ། །དེ་ལ་མངོན་པར་བརྩོན་པར་ཡང་བྱའོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལས་རྣམ་པར་ཐར་བ་བསམ་
གྱིས་མི་ཁྱབ་པ་ལ་གནས་པ། རིན་པོ་ཆེའི་མཛོད་ཀྱི་འབྱུང་གནས། ཆོས་ཀྱི་རྣམ་པར་འཕྲུལ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་གྱི་སྒོ་བཞི་བརྒྱ་རྒྱས་པར་ཉོན་ཅིག །སྤྲིན་ཆེན་སྙིང་པོ། སྤྲིན་ཆེན་
པོའི་མདོ་ལས་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཅེས་བྱ་བའི་ཏིང་ངེ་འཛིན་ཡོད་དོ། །ཏིང་ངེ་འཛིན་དེ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཏིང་ངེ་འཛིན་གྱི་རྒྱ་
མཚོར་ཡང་འགྱུར་རོ། །ཏིང་ངེ་འཛིན་ཡང་དག་པར་གསོག་པར་ཡང་འགྱུར་རོ། །ཐོས་པའི་རྒྱ་མཚོར་ཡང་འགྱུར་རོ། །ཐོས་པ་ཡང་དག་པར་གསོག་པར་ཡང་འགྱུར་རོ། །བླ་ན་མེད་པ་ཡང་དག་པར་
རྫོགས་པའི་བྱང་ཆུབ་ལ་སོམ་ཉི་མི་ཟ་ཞིང་ཡིད་གཉིས་མེད་པའི་ཐེ་ཚོམ་ལ་བར་མི་འགྱུར་རོ། །མི་ཁོམ་པ་རྣམས་སུ་སྐྱེ་བར་ཡང་མི་འགྱུར་རོ། །ཚེ་རབས་དྲན་པར་ཡང་འགྱུར་རོ། །འཁོར་བའི་ལས་
ཀྱི་ཞིང་གི་རྒྱ་མཚོ་ལ་སྲེད་པར་ཡང་འགྱུར་རོ། །ཚེ་རབས་ཐམས་ཅད་དུ་ཐ་མ་རྨི་ལམ་ལ་ཡང་སངས་རྒྱས་མཐོང་བ་དང་འབྲལ་བར་ཡང་མི་འགྱུར་རོ། །དེ་དག་གི་དགེ་བའི་ཆོས་རྣམས་ལ་བར་ཆད་བྱ་བའི་
ཕྱིར་བདུད་སྡིག་ཅན་གླགས་ལྟ་བ་དང་སྐབས་ཚོལ་བས་གླགས་རྙེད་པར་ཡང་མི་འགྱུར་རོ། །ང་རྒྱལ་ཆོམ་པར་ཡང་འགྱུར་རོ། །གཟུངས་ཐོབ་པར་ཡང་འགྱུར་རོ། །དེ་བཞིན་གཤེགས་པའི་ལྡེམ་པོ་དག་
༄༅། །དཔྱོད་པ་ལ་མཁས་པར་ཡང་འགྱུར་རོ། །ཆོས་ཐམས་ཅད་ཀྱི་གསང་བའི་སྒོར་འཇུག་པར་ཡང་འགྱུར་རོ། །དེ་བཞིན་གཤེགས་པའི་གཏེར་ཡང་དག་པར་སྟོན་པར་ཡང་
འགྱུར་རོ། །དེ་བཞིན་གཤེགས་པའི་ཚུལ་ལ་འཇུག་པར་ཡང་འགྱུར་རོ། །དེ་བཞིན་གཤེགས་པའི་རྒྱ་མཚོའི་ཆུ་སྲིན་དུའང་འགྱུར་རོ། །དེ་བཞིན་གཤེགས་པའི་གཞུང་ལུགས་ཀྱི་ནང་དུ་
ཆུད་པར་ཡང་འགྱུར་རོ། །དེ་བཞིན་གཤེགས་པའི་སྒྱུ་འཕྲུལ་གསང་བའི་སྲུང་མར་ཡང་འགྱུར་རོ། །དེ་བཞིན་གཤེགས་པའི་གསུང་བརྗོད་པར་ཡང་འགྱུར་རོ། །དེ་བཞིན་གཤེགས་
པའི་དམིགས་པ་ལ་རྣལ་འབྱོར་པར་ཡང་འགྱུར་རོ། །དེ་བཞིན་གཤེགས་པའི་ཉི་མའི་འོད་ཟེར་དུའང་འགྱུར་རོ། །དེ་བཞིན་གཤེགས་པའི་ཟླ་བའི་དཀྱིལ་འཁོར་གྱི་གཟིར་ཡང་འགྱུར་
རོ༑ ༑དེ་བཞིན་གཤེགས་པའི་ཏོག་གི་རྩེ་མོའི་མཆོག་ཏུའང་འགྱུར་རོ། །དེ་བཞིན་གཤེགས་པའི་མཚམས་འཛིན་པར་ཡང་འགྱུར་རོ། །དེ་བཞིན་གཤེགས་པའི་འཕྲིན་ལས་ལ་རྩོམ་པར་
ཡང་འགྱུར་རོ། །དེ་བཞིན་གཤེགས་པའི་རྩལ་གྱི་ཤུགས་སུའང་འགྱུར་རོ། །དེ་བཞིན་གཤེགས་པའི་མུ་སྟེགས་ལ་ངེས་པའི་པདྨ་དཀར་པོར་ཡང་འགྱུར་རོ། །དེ་བཞིན་གཤེགས་པའི་
དགྱེས་པ་ལ་དགའ་བར་ཡང་འགྱུར་རོ། །དེ་བཞིན་གཤེགས་པའི་མཛོད་ཀྱི་དཀོར་བར་ཡང་འགྱུར་རོ། །དེ་བཞིན་གཤེགས་པ་ལ་རྟག་པ་ཉིད་དུ་མཐོང་བར་ཡང་འགྱུར་རོ། །དེ་བཞིན་
གཤེགས་པའི་རྟག་པ་དང༌། ཐེར་ཟུག་པ་ཉིད་ཤིན་ཏུ་གསལ་བར་མཐོང་ནས་བདག་ཉིད་བསྔགས་པ་བརྗོད་པའི་རྒྱལ་པོར་ཡང་འགྱུར་རོ། །དེ་བཞིན་གཤེགས་པ་ནི། ཐེར་ཟུག་པའི་སྐུ་ཡིན་ནོ། །ཞེས་
ཐེར་ཟུག་ཏུ་སྨྲ་བར་ཡང་འགྱུར་རོ། །དེ་བཞིན་གཤེགས་པའི་ཞི་བའི་རང་བཞིན་ལ་མངོན་པར་དགའ་བའི་ལྟ་བ་ཕུན་སུམ་ཚོགས་པར་ཡང་འགྱུར་རོ། །དེ་བཞིན་གཤེགས་པའི་རྟག་པ་དང༌། ཐེར་ཟུག་
པ་དང༌། བརྟན་པ་དང༌། ཞི་བའོ། །ཞེས་རྣམ་པ་ཐམས་ཅད་དུ་ལྟ་བའི་རྒྱ་མཚོ་ཐམས་ཅད་དུའང་འགྱུར་རོ། །དེ་བཞིན་གཤེགས་པའི་སྐུ་ནི། ཆོས་ཀྱི་སྐུ་ཡིན་ནོ། །ཞེས་དེ་ཁོ་ན་མཐོང་བར་ཡང་འགྱུར་
རོ༑ ༑དེ་བཞིན་གཤེགས་པའི་རྡོ་རྗེའི་སྐུ་ནི། མི་ཕྱེད་པའི་སྐུ་ཡིན་ནོ། །ཞེས་ཡང་དག་པ་མཐོང་བར་ཡང་འགྱུར་རོ། །དེ་བཞིན་གཤེགས་པའི་སྐུ་ནི། རུས་པ་མ་ཡིན་ཞིང་ཤམ་ཡིན་ལ་ཁྲག་མ་ཡིན་ཏེ།
རྒྱུས་པ་མ་ཡིན་ནོ། །ཞེས་སྟོང་པ་ཉིད་དུ་སྨྲ་བར་ཡང་འགྱུར་རོ། །དེ་བཞིན་གཤེགས་པའི་ཆོས་བསྟན་པ་ནི། འབྲས་བུ་ཡོད་པ་ཡིན་ནོ། །ཞེས་འབྲས་བུ་ཡོད་པར་སྨྲ་བར་ཡང་འགྱུར་རོ། །དེ་བཞིན་
གཤེགས་པའི་ཆོས་བསྟན་པ་ལ་ནི། འབྲས་བུ་མེད་པར་ཡང་འགྱུར་བ་མེད་དོ། །ཞེས་མེད་པར་སྨྲ་བར་ཡང་འགྱུར་རོ། །དེ་བཞིན་གཤེགས་པ་ལ་ནི། གཏན་དུ་ཡོངས་སུ་མྱ་ངན་ལས་འདས་པར་འགྱུར་
བ་མེད་དོ། །ཞེས་གསལ་བར་སྨྲ་བར་ཡང་འགྱུར་རོ། །དེ་བཞིན་གཤེགས་པའི་རྗེས་སུ་རབ་ཏུ་བྱུང་བའི་སེམས་ཅན་རྣམས་ལ་ནི། ཚུལ་ཁྲིམས་ཉམས་པ་མེད་དོ། །ཞེས་ཚུལ་ཁྲིམས་ཀྱི་བསྔགས་པ་
༄༅། །བརྗོད་པར་ཡང་འགྱུར་རོ། །དེ་བཞིན་གཤེགས་པའི་བསྟན་པ་ལ་ནི། ནུབ་པར་འགྱུར་བ་མེད་དོ། །ཞེས་ནུབ་པར་མི་འགྱུར་བའི་བསྔགས་པ་བརྗོད་པར་ཡང་འགྱུར་རོ། །དེ་
བཞིན་གཤེགས་པའི་རིགས་དང་རྒྱུད་དག་ཅིང་ཡོངས་སུ་དག་ལ་དྲི་མ་མེད་པས་བྱང་ཆུབ་སེམས་དཔའ་ནི། ཐབས་ཀྱི་རིགས་ཀྱི་རྒྱུད་ཡིན་ནོ། །ཞེས་ལྟ་བ་ཕུན་སུམ་ཚོགས་པར་ཡང་འགྱུར་རོ། །རྟག་
ཏུ་འཁོར་བ་ལ་སྡུག་པར་སེམས་པར་ཡང་འགྱུར་རོ། །འཁོར་བའི་བསྔགས་པ་བརྗོད་པར་ཡང་འགྱུར་རོ། །འཁོར་བའི་ཆེད་དུ་ཐོས་པའི་རྒྱ་མཚོར་ཡང་འགྱུར་རོ། །དེ་བཞིན་གཤེགས་པའི་རིགས་
ལ་དམིགས་པར་འདོད་པར་ཡང་འགྱུར་རོ། །རྟག་ཏུ་ཉོན་མོངས་པ་ལ་སེམས་པར་ཡང་འགྱུར་རོ། །ཉོན་མོངས་པ་ལ་སྡུག་པར་སེམས་པར་ཡང་འགྱུར་རོ། །ཉོན་མོངས་པའི་སྒོ་རྣམ་པ་སྣ་ཚོགས་
ཐོབ་པ་ལ་དད་པ་ཐོབ་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་འཕྲིན་ལས་ཀྱི་ཞིང་ལ་སྨོན་ལམ་འདེབས་པའི་སེམས་སུའང་འགྱུར་རོ། །ལས་ཐམས་ཅད་ཀྱི་རྩ་བ་ནི། ཉོན་མོངས་པ་ཡིན་ནོ། །
ཞེས་རྙེད་པ་ལེགས་པར་རྙེད་པར་ལྟ་བར་ཡང་འགྱུར་རོ། །སངས་རྒྱས་ཀྱི་རྟག་པ་ཉིད་ལའང་སོམ་ཉི་མི་ཟ་ཞིང་ཡིད་གཉིས་མེད་ལ་ཐེ་ཚོམ་ཟ་བར་ཡང་མི་འགྱུར་རོ། །འཁོར་བ་ལ་མངོན་པར་དགའ་
བར་ཡང་འགྱུར་རོ། །འཁོར་བ་ལ་མོས་པར་ཡང་འགྱུར་རོ། །བདག་སངས་རྒྱས་སུ་འགྱུར་བར་བྱའོ། །ཞེས་རྟག་ཏུ་དད་པའི་སེམས་སུའང་འགྱུར་རོ། །བདག་གིས་ཆོས་ཀྱི་འཁོར་ལོ་བསྐོར་བར་བྱའོ། །
བདག་གིས་སེམས་ཅན་རྣམས་དགྲོལ་བར་བྱའོ། །བདག་གིས་སངས་རྒྱས་ཀྱི་གདུང་མི་གཅད་པར་བྱའོ། །ཞེས་དམ་འཆའ་ཞིང་སྨོན་ལམ་འདེབས་ཏེ། བྱང་ཆུབ་སེམས་དཔའ་དེད་དཔོན་དུའང་འགྱུར་རོ། །
བདུད་ཀྱི་སྨན་པར་ཡང་འགྱུར་རོ། །འཁོར་བའི་ཉོན་མོངས་པའི་རྒྱ་མཚོའི་སྟོན་པ་པོར་ཡང་འགྱུར་རོ། །འཁོར་བའི་ཉོན་མོངས་པའི་ཚོང་རྡལ་ཐོབ་པར་ལྟ་བར་ཡང་འགྱུར་རོ། །འཁོར་བའི་རྒྱ་མཚོ་ཆེན་པོ་ཐོབ་
པས་སྒོམ་པར་ཡང་འགྱུར་རོ། །འཁོར་བ་ལ་སྲེད་པར་ཡང་འགྱུར་རོ། །འཁོར་བ་ཐོབ་པ་ལ་རག་ལས་པའི་སེམས་སུའང་འགྱུར་རོ། །འཁོར་བ་ཐོབ་པ་མི་གཏོང་བར་ཡང་འགྱུར་རོ། །འཁོར་བའི་ཆུ་ལ་པདྨའི་རྒྱལ་
པོ་རྒྱས་པར་ཡང་འགྱུར་རོ། །འཁོར་བའི་ཉོན་མོངས་པའི་རྒྱ་མཚོའི་གཞིར་ཡང་འགྱུར་རོ། །འཁོར་བའི་ཉོན་མོངས་པ་ལ་རྟག་ཏུ་སྨོན་ལམ་འདེབས་པའི་སེམས་སུའང་འགྱུར་རོ། །སེམས་ཅན་དམྱལ་བའི་
འགྲོ་བ་ལ་དགའ་བར་ཡང་འགྱུར་རོ། །སེམས་ཅན་དམྱལ་བའི་འགྲོ་བ་ལ་སེམས་ཤིང་རྟག་ཏུ་བསམ་པ་གཏོང་བའི་ངང་ཚུལ་ཅན་དུའང་འགྱུར་རོ། །སེམས་ཅན་དམྱལ་བའི་ཚོང་རྡལ་གྱི་ཚོང་བར་ཡང་
འགྱུར་རོ། །སེམས་ཅན་དམྱལ་བ་ཐོབ་པ་མི་གཏོང་བར་ཡང་འགྱུར་རོ། །སེམས་ཅན་དམྱལ་བའི་མེ་ལ་སེམས་རྒྱས་པར་ཡང་འགྱུར་རོ། །སེམས་ཅན་དམྱལ་བའི་ཉོན་མོངས་པས་ཉོན་མོངས་པར་
འགྱུར་བ་རྣམས་ལ་བདེ་ཞིང་བསིལ་བའི་རླུང་དུའང་འགྱུར་རོ། །སེམས་ཅན་དམྱལ་བའི་མེ་དྲག་པོ་ལ་སྤྲིན་ཆེན་པོ་ལས་ཆར་ཀུན་ཏུ་འབེབས་པར་ཡང་འགྱུར་རོ། །སེམས་ཅན་དམྱལ་བའི་ཐོག་ཏོག་ཏུའང་
༄༅། །འགྱུར་རོ། །སེམས་ཅན་དམྱལ་བའི་སྟོན་པ་པོར་ཡང་འགྱུར་རོ། །སེམས་ཅན་དམྱལ་བའི་རྒྱ་མཚོའི་མཉན་པ་ཆེན་པོར་ཡང་འགྱུར་རོ། །སེམས་ཅན་དམྱལ་བའི་སྨན་པར་
ཡང་འགྱུར་རོ། །སེམས་ཅན་དམྱལ་བའི་ཟས་སུའང་འགྱུར་རོ། །འཁོར་བའི་སྡུག་བསྔལ་དང༌། ཉོན་མོངས་པ་ཐམས་ཅད་ཀྱིས་ཟིན་པའི་མུན་པ་མུན་ནག་བསལ་པའི་ཕྱིར་སྒྲོན་མེ་ལྟ་བུར་ཡང་
འགྱུར་རོ། །སྣང་བར་བྱ་བའི་ཕྱིར་མར་མེ་ལྟ་བུར་ཡང་འགྱུར་རོ། །སྲིད་པའི་འགྲོ་བ་ཐམས་ཅད་ཀྱི་ཉོན་མོངས་པ་མྱུར་དུ་གདུག་པ་རྣམ་པ་སྣ་ཚོགས་ཀྱིས་གོས་པར་མི་འགྱུར་བའི་ཕྱིར་བར་སྣང་ལྟ་
བུར་ཡང་འགྱུར་རོ། །སེམས་ནམ་མཁའ་དང་མཚུངས་པའི་ཕྱིར་མི་གནས་པར་ཡང་འགྱུར་རོ། །དེ་བཞིན་གཤེགས་པའི་རྗེས་སུ་རབ་ཏུ་བྱུང་སྟེ། ཚུལ་ཁྲིམས་དང༌། སྟོབས་དང༌། ཡེ་ཤེས་དང་
ལྡན་པའི་ཕྱིར་ཁ་བའི་ཕུང་པོ་ལྟ་བུའི་ཉོན་མོངས་སེལ་བའི་ཉི་མ་ལྟ་བུར་ཡང་འགྱུར་རོ། །ལེགས་པར་སྨྲས་པ་ཡང་དག་པར་བླང་བའི་ཕྱིར་གཞན་གྱི་དྲིང་མི་འཇོག་པར་ཡང་འགྱུར་རོ། །ཡེ་ཤེས་
རྒྱ་མཚོ་དང་ལྡན་པའི་ཕྱིར་རྒྱ་མཚོ་དུག་ཅན་ལྟ་བུར་ཡང་འགྱུར་རོ། །དཀར་པོའི་ཆོས་ཡོངས་སུ་རྫོགས་པར་བྱ་བའི་ཕྱིར་ཟླ་བ་ལྟ་བུར་ཡང་འགྱུར་རོ། །གཏི་མུག་གི་མུན་པ་སེལ་བའི་ཕྱིར་ཉི་མ་ལྟ་
བུར་ཡང་འགྱུར་རོ། །ཉོན་མོངས་པས་འཁོར་བ་ལ་མངོན་པར་འཇུག་ཅིང་འགྲོ་བའི་ཚེ་བར་སྣང་ལྟ་བུར་ཡང་འགྱུར་རོ། །དེ་དང་དེ་མངོན་པར་རྟོགས་པས་པདྨ་ལྟ་བུར་གོས་པ་མེད་པར་ཡང་འགྱུར་
རོ༑ ༑སེམས་ནམ་མཁའ་དང་མཚུངས་པའི་ཕྱིར་མི་གནས་པར་ཡང་འགྱུར་རོ། །ཆོས་ཐམས་ཅད་ལ་ངེས་པར་འབིགས་པའི་ཕྱིར་རྡོ་རྗེ་ལྟ་བུར་ཡང་འགྱུར་རོ། །དེ་བཞིན་གཤེགས་པའི་ཡོན་ཏན་
གྱི་ཆེ་བ་ཉིད་རྟག་པ་དང༌། ཐེར་ཟུག་པ་དང༌། བརྟན་པ་ཐོས་ན་མི་གཡོ་བའི་ཕྱིར་རི་ལྟ་བུར་ཡང་འགྱུར་རོ། །དེ་བཞིན་གཤེགས་པའི་རིགས་དང་རྒྱུད་ལ་ཡེ་ཤེས་རྣམ་པར་དག་པའི་ཕྱིར་བཻ་ཌཱུཪྻ་ལྟ་བུར་
ཡང་འགྱུར་རོ། །ཉོན་མོངས་པའི་རྙོག་པ་སེལ་བའི་ཕྱིར་རྒྱ་མཚོ་དུག་ཅན་པའི་གསེར་གྱི་ཕ་བོང་ལྟ་བུར་ཡང་འགྱུར་རོ། །དེ་བཞིན་གཤེགས་པའི་རྟག་པ་དང༌། ཐེར་ཟུག་པ་དང༌། བརྟན་པའི་རང་
བཞིན་མཐོང་བའི་ཕྱིར་ཟླ་བ་ལྟ་བུར་ཡང་འགྱུར་རོ། །དེ་བཞིན་གཤེགས་པའི་ཆོས་ལས་མི་གཡོ་བའི་ཕྱིར་རི་ལྟ་བུར་ཡང་འགྱུར་རོ། །དེ་བཞིན་གཤེགས་པ་གཏན་དུ་མྱ་ངན་ལས་མི་འདའ་ཞིང་ཆོས་
ནུབ་པར་མི་འགྱུར་བ་ཐོས་ནས་མི་གཡོ་བའི་ཕྱིར་སྒོའི་ཐེམ་པ་ལྟ་བུར་ཡང་འགྱུར་རོ། །ཡང་དག་པ་མཐོང་བའི་ཕྱིར་སེམས་བརྟན་ཞིང་གནས་པར་ཡང་འགྱུར་རོ། །སེམས་མི་ཕྱེད་པའི་ཕྱིར་རྡོ་རྗེ་ལྟ་བུར་
ཡང་འགྱུར་རོ། །མངོན་སུམ་དུ་ཡོན་ཏན་མང་པོ་ཐོབ་པ་མང་བར་ཡང་འགྱུར་རོ། །ངོ་ཚ་ཤེས་པ་དང་ཁྲེལ་ཡོད་པ་དང་ལྡན་པར་ཡང་འགྱུར་རོ། །མཛེས་པར་ཡང་འགྱུར་རོ། །བལྟ་ན་སྡུག་པར་ཡང་འགྱུར་
རོ༑ ༑བརྐམ་པ་མེད་པར་ཡང་འགྱུར་རོ། །ལུས་ཆུང་ངུར་ཡང་མི་འགྱུར་རོ། །ཁ་དོག་བཟང་པོ་རྒྱས་པ་མཆོག་དང་ལྡན་པར་ཡང་འགྱུར་རོ། །རིགས་མཐོན་པོར་སྐྱེ་བར་ཡང་འགྱུར་རོ། །རིགས་ཆེན་པོར་སྐྱེ་
༄༅། །པར་ཡང་འགྱུར་རོ། །འཁོར་མང་བར་ཡང་འགྱུར་རོ། །འཁོར་མི་ཕྱེད་པར་ཡང་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་མི་ཉམས་ཤིང་ཡོངས་
སུ་ཉམས་པར་ཡང་མི་འགྱུར་རོ། །ཁ་ཟས་ལ་བརྐམ་པར་ཡང་མི་འགྱུར་རོ། །ཤའི་ཁ་ཟས་ཀྱང་རྣམ་པར་སྤོང་བར་ཡང་འགྱུར་རོ། །བློ་གྲོས་དང་ལྡན་པར་ཡང་འགྱུར་རོ། །སྐྱེ་བོ་ཐམས་ཅད་ཀྱི་
ཡིད་དུ་འོང་ཞིང་ཆེར་བཀུར་བར་ཡང་འགྱུར་རོ། །དྲན་པ་དང་ལྡན་པར་འགྱུར་རོ། །གཟི་བྱིན་དང་ལྡན་པར་ཡང་འགྱུར་རོ། །ཤེས་རབ་དང་ལྡན་པར་ཡང་འགྱུར་རོ། །དགའ་བ་དང་ལྡན་པར་ཡང་
འགྱུར་རོ། །འཇིག་རྟེན་དང་མཐུན་པར་འཇུག་པར་ཡང་འགྱུར་རོ། །འཇིག་རྟེན་ལ་ཕན་པར་འདོད་པར་ཡང་འགྱུར་རོ། །འཇིག་རྟེན་ལ་བདེ་བར་ཡང་འགྱུར་རོ། །འཇིག་རྟེན་གྱི་ཐུ་བོར་ཡང་
འགྱུར་རོ། །འཇིག་རྟེན་གྱི་གཙོ་བོར་ཡང་འགྱུར་རོ། །འཇིག་རྟེན་གྱི་མཆོག་ཏུའང་འགྱུར་རོ། །འཇིག་རྟེན་གྱི་རབ་ཏུའང་འགྱུར་རོ། །འཇིག་རྟེན་ཐམས་ཅད་ཀྱིས་ཕྱག་བྱ་བར་འོས་པར་ཡང་
འགྱུར་རོ། །འཇིག་རྟེན་ཐམས་ཅད་ཀྱི་མཆོད་པའི་གནས་སུའང་འགྱུར་རོ། །སྦྱིན་བདག་ཆེན་པོར་ཡང་འགྱུར་རོ། །སྟོབས་ཆེན་པོ་དང་ལྡན་པར་ཡང་འགྱུར་རོ། །དཔའ་བོ་ཆེན་པོར་ཡང་འགྱུར་
རོ༑ ༑བརྩོན་འགྲུས་ཆེན་པོ་དང་ལྡན་པར་ཡང་འགྱུར་རོ། །བྱམས་པའི་སེམས་དང་ལྡན་པར་ཡང་འགྱུར་རོ། །བདེན་པར་སྨྲ་བར་ཡང་འགྱུར་རོ། །བརྟུལ་ཞུགས་བརྟན་པར་ཡང་འགྱུར་རོ། །བརྩོན་
འགྲུས་བརྩམས་པར་ཡང་འགྱུར་རོ། །བྱམས་པ་ལ་གནས་པར་ཡང་འགྱུར་རོ། །སྙིང་རྗེ་ལ་གནས་པར་ཡང་འགྱུར་རོ། །དགའ་བ་ལ་གནས་པར་ཡང་འགྱུར་རོ། །བཏང་སྙོམས་ལ་གནས་པར་ཡང་
འགྱུར་རོ། །སྟོང་པའི་ཆོས་རྣམས་ལ་སྟོང་པར་སྨྲ་བར་ཡང་འགྱུར་རོ། །སྟོང་པ་མ་ཡིན་པའི་ཆོས་རྣམས་ལ་སྟོང་པ་མ་ཡིན་པར་སྨྲ་བར་ཡང་འགྱུར་རོ། །སངས་རྒྱས་ཀྱི་ཆོས་ཀྱི་དོན་རྟགས་སྨྲ་བར་
ཡང་འགྱུར་རོ། །སངས་རྒྱས་ཀྱི་དེ་ཁོ་ནའི་ཆོས་ཀྱི་ལྟ་བ་སྨྲ་བར་ཡང་འགྱུར་རོ། །གཅིང་[?] བར་ཡང་འགྱུར་རོ། །གཅང་མས་ཕྱུག་པར་ཡང་འགྱུར་རོ། །ཡོན་ཏན་གྱིས་ཕྱུག་པར་ཡང་འགྱུར་རོ། །ཚུལ་
ཁྲིམས་ཀྱིས་ཕྱུག་པར་ཡང་འགྱུར་རོ། །ཆོས་ཀྱིས་ཕྱུག་པར་ཡང་འགྱུར་རོ། །དབྲོག་ཏུ་མེད་པའི་རྫས་ཀྱིས་ཕྱུག་པར་ཡང་འགྱུར་རོ། །སྐྱེ་བོ་དབུལ་པོ་སློང་པ་ལ་སོགས་པ་ལ་གཏེར་ལྟ་བུར་ཡང་
འགྱུར་རོ། །སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེད་པའི་ཆོས་རྣམས་སྟོན་པ་ན་མི་སྐྲག་མི་དངང་ཞིང་དངང་པར་ཡང་མི་འགྱུར་རོ། །སངས་རྒྱས་ཀྱི་ཞིང་གང་དང་གང་དུ་སྐྱེ་བར་བྱ་བར་
སེམས་བསྐྱེད་པ་དེ་དང་དེར་སྐྱེ་བར་ཡང་འགྱུར་རོ། །རྙེད་པ་དང༌། བཀུར་སྟི་དང༌། ཚིགས་སུ་བཅད་པ་དོན་དུ་མི་གཉེར་བར་ཡང་འགྱུར་རོ། །ཚུལ་ཁྲིམས་འཆལ་པ་རྣམས་བསྡུས་ནས་དམ་པའི་ཆོས་
ལ་དགོད་པར་ཡང་འགྱུར་རོ། །ཚུལ་ཁྲིམས་འཆལ་བ་གཡོ་སྒྱུ་དང་ལྡན་པ་རྣམས་ལ་ཐོག་ཏོག་ལྟ་བུར་ཡང་འགྱུར་རོ། །དེ་བཞིན་གཤེགས་པ་ལ་བྱས་པ་མི་གཟོ་བ་རྣམས་བྱས་པ་གཟོ་བ་ལ་ཡང་དག་
༄༅། །པར་སྦྱོར་བར་ཡང་འགྱུར་རོ། །མུ་སྟེགས་ཅན་གྱི་གནས་ཐམས་ཅད་དུ་མི་འཕྲོག་པར་ཡང་འགྱུར་ཞིང་སླར་དེ་ལ་ཐབས་དང་ལྡན་པར་ཡང་འགྱུར་རོ། །དགེ་སྦྱོང་དང༌།
བྲམ་ཟེ་དང༌། མུ་སྟེགས་ཅན་གྱི་ཕས་ཀྱི་རྒོལ་བ་མང་པོ་དག་གིས་ཕུག་རྡུགས་སུ་མི་ཆུད་ཅིང་སླར་དེ་ལ་ཐབས་ཀྱིས་རྟོན་པར་ཡང་འགྱུར་རོ། །མུ་སྟེགས་ཅན་གྱི་གནས་ཐམས་ཅད་ཀྱི་གསང་ཚིག་
རྣམས་ལ་འདུན་པར་མི་འགྱུར་ཞིང་སླར་དེ་ལ་ཐབས་ཀྱིས་འདུན་པར་བྱེད་པར་ཡང་འགྱུར་རོ། །ལྷ་དང༌། ཀླུ་དང༌། གནོད་སྦྱིན་དང༌། དྲི་ཟའི་གནས་ཐམས་ཅད་ལ་བརྟེན་པར་མི་འགྱུར་ཞིང་སླར་དེ་ལ་
ཐབས་ཀྱིས་ཡང་དག་པར་བརྟེན་པ་ལྟ་བུར་ཡང་འགྱུར་རོ། །ལས་ལ་རྟོན་པར་འགྱུར་གྱི་བཀྲ་ཤིས་དང༌། དགེ་མཚན་ལ་རྟོན་པར་ཡང་མི་འགྱུར་རོ། །སྲོག་གཅོད་པ་བྱེད་ཀྱང་སྲོག་གཅོད་པ་སྤངས་
པར་ཡང་འགྱུར་རོ། །མེ་ཏོག་ཕྲེང་བ་དང༌། སྤོས་དང༌། བྱུག་པ་དང༌། ཕྱེ་མས་གདབ་པ་དང༌། ཁྱིམ་པའི་ལོངས་སྤྱོད་ཡོངས་སུ་སྤྱད་པ་རྣམ་པ་དུ་མ་དག་དང༌། ཆུང་མ་དང་ལྷན་ཅིག་ཏུ་འདོད་པའི་ཡོན་
ཏན་སྤྱོད་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་རོ། །སྲོག་གཅོད་པ་དང༌། རྐུ་འཕྲོག་བྱེད་པ་དང༌། རྫུན་ཚིག་དང༌། ཆང་འཐུང་བ་ལ་སོགས་པ་ལ་རྟེན་ཅིང་ལས་རྣམས་བྱེད་ལ། བུ་དང༌། ཆུང་མ་
རྣམས་སྟོན་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་མཆོད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་རྗེད་པར་ཡང་འགྱུར་
རོ༑ ༑དེ་བཞིན་གཤེགས་པ་ཐམས་ཅད་ཀྱིས་ཆེར་བཀུར་བར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་སྡུག་པར་བྱ་བའི་སྲས་སུའང་འགྱུར་རོ། །དེ་བཞིན་གཤེགས་པ་ཐམས་ཅད་ལ་
བྱས་པ་གཟོ་བའི་བགོ་སྐལ་ལ་སྤྱོད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་འཕྲིན་ལས་མཚུངས་པའི་ཆོས་ཀྱི་དེ་ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་དང་
ཡེ་ཤེས་ཀྱི་ཡང་དག་པར་རྟོག་པ་མཚུངས་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་ཆོས་གསང་བ་རྣམ་པ་མང་པོ་ལུང་བསྟན་པའི་ཡུལ་ལ་སྤྱིས་བཙན་པའི་རྒྱལ་པོར་ཡང་འགྱུར་རོ། །སངས་
རྒྱས་ཐམས་ཅད་ཀྱི་གསང་བའི་ཆོས་སྟོན་པ་རྣམ་པ་དུ་མ་བརྗོད་པར་ཡང་འགྱུར་རོ། །སངས་རྒྱས་ཐམས་ཅད་ཀྱིས་བཞེད་པའི་ང་རྒྱལ་ལ་གནས་པའི་ཡུལ་ལ་གནས་པར་མཁས་པར་ཡང་འགྱུར་རོ། །
སངས་རྒྱས་ཐམས་ཅད་ཀྱི་འདོད་ཆགས་མེད་པ་དང༌། དྲི་མ་མེད་པ་དང༌། བདག་དང༌། སེམས་ཅན་མེད་པ། གསོ་བ་མེད་པ་དང༌། འཇིགས་པ་མེད་པ་གསང་བ་རྣམ་པ་མང་པོའི་ཆོས་སྟོན་པའི་རང་
བཞིན་དག་ལ་རིན་པོ་ཆེ་ལྟ་བུར་ཡང་འགྱུར་རོ། །སངས་རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་འདོད་ཆགས་དང༌། ཞེ་སྡང་དང༌། གཏི་མུག་དང༌། འཇིགས་པའི་ཆོས་ཀྱི་ཕྱོགས་
ཐམས་ཅད་ལ་འཇུག་པ་ཡང་དག་པར་མཐོང་བར་ཡང་འགྱུར་རོ། །སངས་རྒྱས་ཐམས་ཅད་ཡུན་རིང་པོ་བསྐལ་པ་བྱེ་བ་བགྲང་བ་མང་པོ་ནས་རྒལ་ནས་ཉོན་མོངས་པའི་རྒྱ་མཚོ་ལས་གྲོལ་བར་
༄༅། །མཛད་པའི་གསང་བ་ཐམས་ཅད་ཀྱི་དེ་ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་ཉོན་མོངས་པའི་རྒྱ་མཚོར་
སྐྱེ་བ་བསྟན་ཏེ་རྒལ་ནས་བསྒྲལ་བར་བྱའོ། །གྲོལ་ནས་དགྲོལ་བར་བྱའོ་སྙམ་ནས་བསྟན་པའི་གསང་བའི་ཁྱད་པར་གྱི་སྒོའི་རང་བཞིན་དག་མཐོང་བར་ཡང་འགྱུར་རོ། །སངས་རྒྱས་ཐམས་ཅད་
ཀྱི་ཡུན་རིང་པོ་བསྐལ་པ་བྱེ་བ་བགྲང་བ་མང་པོ་འདས་པ་ནས་བདུད་བྱེ་བ་རབ་ཏུ་བཅོམ་པའི་རྣམ་པ་གསང་བའི་དེ་ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་ཀྱི་སེམས་ཅན་འདུལ་
བའི་དབང་གིས་བྱང་ཆུབ་ཀྱི་ཤིང་དྲུང་དུ་བདུད་འདུལ་བའི་གསང་བའི་ཁྱད་པར་གྱི་སྒོའི་རང་བཞིན་སྟོན་པ་ལྟ་བུར་བཅོས་པ་ལེགས་པར་མཐོང་བར་ཡང་འགྱུར་རོ། །ཐབས་ཀྱིས་ཆོས་ཀྱི་འཁོར་
ལོ་བསྐོར་བ་དང༌། ཐབས་ཀྱིས་ཡོངས་སུ་མྱ་ངན་ལས་འདས་པ་ལྟ་བུར་བཅོས་པའི་དེ་ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་རོལ་བའི་གསང་བའི་རྒྱལ་པོའི་མཆོག་ཏུའང་
འགྱུར་རོ། །སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས་མེད་པ། དཔག་ཏུ་མེད་པ། བགྲངས་པ་ལས་འདས་པ་ལ་བགྲང་བའི་རྒྱལ་པོར་ཡང་
འགྱུར་ཏེ། སྤྲིན་ཆེན་སྙིང་པོ། ཏིང་ངེ་འཛིན་དང་པོ་འདི་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཏིང་ངེ་འཛིན་གྱི་རྒྱ་མཚོར་ཡང་འགྱུར་ཞིང་ཏིང་ངེ་འཛིན་ཡང་དག་པར་
གསོག་པར་ཡང་འགྱུར་རོ། །སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་
ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ། །སྤྲིན་ཆེན་སྙིང་པོ། གཞན་ཡང་སྤྲིན་ཆེན་པོའི་མདོ་ཡུལ་བསམ་གྱིས་མི་ཁྱབ་པ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་
དཔའ་རྣམས་ཀྱི་ཏིང་ངེ་འཛིན་སྨན་རྟོན་པའི་རླུང་ཟབ་མོའི་རྣམ་པར་ཐར་པ་ཞེས་བྱ་བ་ཡོད་དེ། ཏིང་ངེ་འཛིན་དེ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཏིང་ངེ་འཛིན་
གྱི་རྒྱ་མཚོར་ཡང་འགྱུར་རོ། །སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་
ལས་འདས་པ་ལ་བགྲང་བའི་རྒྱལ་པོར་ཡང་འགྱུར་ཏེ། སྤྲིན་ཆེན་སྙིང་པོ། ཏིང་ངེ་འཛིན་གཉིས་པ་འདི་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཏིང་ངེ་འཛིན་གྱི་རྒྱ་
མཚོར་ཡང་འགྱུར་རོ། །སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་ལས་
འདས་པ་ལ་བགྲང་བའི་རྒྱལ་པོར་ཡང་འགྱུར་རོ། །ཏིང་ངེ་འཛིན་ཐམས་ཅད་ལའང་དེ་བཞིན་དུ་སྦྱར་བར་བྱ་སྟེ། ཡེ་ཤེས་ཀྱི་གནས་ཟབ་མོའི་སྒོ་ཞེས་བྱ་བའི་ཏིང་ངེ་འཛིན་དང༌། སངས་རྒྱས་ཀྱི་
༄༅། །སྨན་གཤོང་ན་གནས་པའི་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང༌། དཔའ་བའི་སྟོབས་ཞེས་བྱ་བའི་ཏིང་ངེ་འཛིན་དང༌། དཔའ་བོ་རྣམ་པར་རྒྱལ་བ་ཞེས་པའི་
ཏིང་ངེ་འཛིན་དང༌། དཔའ་བའི་རྣམ་པ་ལ་དམིགས་པ་ཞེས་བྱ་བའི་ཏིང་ངེ་འཛིན་དང༌། མེ་ཏོག་གི་དྲི་ལྟར་བསུང་ཞིམ་པ་ཞེས་པའི་ཏིང་ངེ་འཛིན་དང༌། ཞི་བའི་འོད་ཟེར་ཅན་ཞེས་བྱ་བའི་ཏིང་ངེ་འཛིན་
དང༑ མཐའ་ཡས་པར་སྣང་བ་ཞེས་བྱ་བའི་ཏིང་ངེ་འཛིན་དང༌། དོན་གསང་བ་ཟབ་མོ་ཞེས་བྱ་བའི་སྒོའི་ཏིང་ངེ་འཛིན་དང༌། དོན་ལ་དགའ་བ་ཟབ་མོའི་རྣམ་པར་ཐར་པ་ཞེས་པའི་ཏིང་ངེ་
འཛིན་དང༌། དོན་གྱི་སྟོབས་ཀྱི་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང༌། ཤིང་སཱ་ལ་ཅན་འཇོམས་བྱེད་ཅེས་བྱ་བའི་ཏིང་ངེ་འཛིན་དང༌། གངྒཱའི་བྱེ་མའི་སྒོ་ཞེས་བྱ་བའི་ཏིང་ངེ་འཛིན་
དང༌། མདུད་པ་ཐམས་ཅད་ལས་གྲོལ་བར་བྱེད་པ་ཞེས་བྱ་བའི་ཏིང་ངེ་འཛིན་དང༌། ཐམས་ཅད་དང་མཚུངས་པར་བསྟན་པ་ཞེས་བྱ་བའི་ཏིང་ངེ་འཛིན་དང༌། དེ་ཁོ་ན་འཛིན་པ་ཞེས་བྱ་བའི་
ཏིང་ངེ་འཛིན་དང༌། རྒྱ་མཚོའི་དུས་ཚོད་ལས་འདས་པའི་སྟོབས་ཞེས་བྱ་བའི་ཏིང་ངེ་འཛིན་དང༌། རྩ་བའི་སྟོབས་ལས་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང༌། བདུད་བྱེ་བ་འཇོམས་
པ་ཞེས་བྱ་བའི་ཏིང་ངེ་འཛིན་དང༌། ཚུལ་ཁྲིམས་བརྟན་པར་གནས་པ་ཞེས་བྱ་བའི་ཏིང་ངེ་འཛིན་དང༌། རིའི་རྒྱལ་པོ་ལྟར་གནས་པའི་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང༌། ཚུལ་རབ་ཏུ་
བསྔགས་པ་ཞེས་བྱ་བའི་ཏིང་ངེ་འཛིན་དང༌། ནམ་མཁའ་ལྡིང་གི་ཤུགས་ཞེས་བྱ་བའི་ཏིང་ངེ་འཛིན་དང༌། ཆུ་ལྟར་འབབ་པ་ཞེས་བྱ་བའི་ཏིང་ངེ་འཛིན་དང༌། རྒྱ་མཚོ་རྣམ་པར་འཕྲུལ་བའི་རྒྱལ་པོས་བྱ་
བའི་ཏིང་ངེ་འཛིན་དང༌། དྲི་མ་མེད་པར་གནས་པ་ཞེས་བྱ་བའི་ཏིང་ངེ་འཛིན་དང༌། མི་འཇིགས་པའི་སྟོབས་ཞེས་བྱ་བའི་ཏིང་ངེ་འཛིན་དང༌། སྒྱུ་མ་མཁན་གྱིས་བུད་མེད་སྤྲུལ་པ་ལྟ་བུའི་རྣམ་པར་ཐུབ་པ་
ཞེས་བྱ་བའི་ཏིང་ངེ་འཛིན་དང༌། གློག་མཆེད་པ་ཞེས་བྱ་བའི་ཏིང་ངེ་འཛིན་དང༌། གློག་འགྱུ་བ་ཞེས་བྱ་བའི་ཏིང་ངེ་འཛིན་དང༌། གཟི་བརྗིད་ཀྱི་འོད་ཅེས་བྱ་བའི་ཏིང་ངེ་འཛིན་དང༌། བློ་གྲོས་མི་ཟད་པ་ཕྲེང་[?]
ལྡན་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ལྟར་བློ་གྲོས་མི་ཟད་པའི་ཆུ་ཞེས་བྱ་བའི་ཏིང་ངེ་འཛིན་དང༌། རྒྱུན་མང་པོའི་འོད་འཕྲོ་ཅན་ཞེས་པའི་ཏིང་ངེ་འཛིན་དང༌། ས་བོན་ལྟ་བུ་ཞེས་བྱ་བའི་ཏིང་ངེ་
འཛིན་དང༌། བློ་གྲོས་རྒྱ་མཚོའི་མཐའ་ཞེས་བྱ་བའི་ཏིང་ངེ་འཛིན་དང༌། མྱོང་བའི་ཡན་ལག་ལ་ཆགས་པ་ཞེས་བྱ་བའི་ཏིང་ངེ་འཛིན་དང༌། དད་པས་རྣམ་པར་གྲོལ་བ་ལ་གནས་པ་ཞེས་བྱ་བའི་ཏིང་ངེ་
འཛིན་དང༌། རྒྱུ་དང་རྐྱེན་དུ་ལྡན་པ་ཞེས་བྱ་བའི་ཏིང་ངེ་འཛིན་དང༌། ལས་དང་འདྲ་བ་ཞེས་བྱ་བའི་ཏིང་ངེ་འཛིན་དང༌། ནམ་མཁའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། ཆགས་པ་ལ་མཐུ་ཆེ་[?] བ་[?]
ཞེས་བྱ་བའི་ཏིང་ངེ་འཛིན་དང༌། བཻ་ཌཱུཪྻའི་རྩེ་མོའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། ལྷུན་པོའི་འོད་ཅེས་བྱ་བའི་ཏིང་ངེ་འཛིན་དང༌། སེངྒེ་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་དང༌། །
༄༅། །བདུད་རྩི་ལྟ་བུ་ཞེས་བྱ་བའི་ཏིང་ངེ་འཛིན་དང༌། ཉི་མ་འཆར་ཀ་ལྟ་བུ་ཞེས་བྱ་བའི་ཏིང་ངེ་འཛིན་དང༌། པདྨ་མེ་ལྟར་སྣང་བ་ཞེས་བྱ་བའི་ཏིང་ངེ་འཛིན་དང༌། ཡུལ་གཙོ་
བོར་བྱེད་པ་ཞེས་བྱ་བའི་ཏིང་ངེ་འཛིན་དང༌། ཐམས་ཅད་ཀྱི་ཡན་ལག་ཅེས་བྱ་བའི་ཏིང་ངེ་འཛིན་དང༌། རྒྱ་མཚོ་འཁྲུག་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སའི་སྟོབས་ཞེས་བྱ་བའི་
ཏིང་ངེ་འཛིན་དང༌། ཐམས་ཅད་ལ་ཚོད་རན་པར་འདོད་པ་ཞེས་བྱ་བའི་ཏིང་ངེ་འཛིན་དང༌། བུད་མེད་ཀྱི་གཙུག་གི་ནོར་བུ་ཞེས་བྱ་བའི་ཏིང་ངེ་འཛིན་དང༌། བུད་མེད་ཀྱི་འཁོར་ཞེས་བྱ་བའི་ཏིང་
ངེ་འཛིན་དང༌། རི་དྭགས་སྦྲེངས་པའི་འཁོར་ཞེས་བྱ་བའི་ཏིང་ངེ་འཛིན་དང༌། ཕྲ་བར་སྤྱོད་པ་ཞེས་བྱ་བའི་ཏིང་ངེ་འཛིན་དང༌། རྔའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། བློ་གྲོས་འཕགས་
སྐྱེས་ཞེས་བྱ་བའི་ཏིང་ངེ་འཛིན་དང༌། ཤུགས་འཛིན་ཅེས་བྱ་བའི་ཏིང་ངེ་འཛིན་དང༌། འབབ་ཆུའི་རྒྱུན་ཅེས་བྱ་བའི་ཏིང་ངེ་འཛིན་དང༌། སྒྲོལ་བའི་བློ་གྲོས་མང་པོ་ཞེས་བྱ་བའི་ཏིང་ངེ་འཛིན་དང༌།
སྒྲས་དགའ་བར་བྱེད་པ་ཞེས་བྱ་བའི་ཏིང་ངེ་འཛིན་དང༌། སྣང་བའི་འོད་ཅེས་བྱ་བའི་ཏིང་ངེ་འཛིན་དང༌། མུན་པ་ལས་རྣམ་པར་གྲོལ་བར་བྱེད་པའི་འོད་ཅེས་བྱ་བའི་ཏིང་ངེ་འཛིན་དང༌། རྒྱ་མཚོའི་སྙིང་
པོའི་བློ་གྲོས་ཅན་ཅེས་བྱ་བའི་ཏིང་ངེ་འཛིན་དང༌། མར་མེ་རབ་ཏུ་བསྔགས་པ་ཞེས་བྱ་བའི་ཏིང་ངེ་འཛིན་དང༌། ཏི་སེའི་གངས་ལྟ་བུའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། ད་ལྟར་བྱུང་བའི་སྣང་
བའི་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང༌། མཉམ་པའི་ཆུའི་གསང་བ་ཞེས་བྱ་བའི་ཏིང་ངེ་འཛིན་དང༌། པདྨའི་སྙིང་པོ་ཞེས་བྱ་བའི་ཏིང་ངེ་འཛིན་དང༌། འོད་ཀྱིས་རྒྱས་པ་ཞེས་བྱ་བའི་ཏིང་ངེ་འཛིན་དང༌།
མེ་ཏོག་ཁ་མ་བྱེ་བ་མཛེས་པ་ཞེས་བྱ་བའི་ཏིང་ངེ་འཛིན་དང༌། ཀ་ཤའི་མེ་ཏོག་གི་མདོག་ཅན་ཞེས་བྱ་བའི་ཏིང་ངེ་འཛིན་དང༌། ཆགས་པ་ལས་རྣམ་པར་གྲོལ་བ་ཞེས་བྱ་བའི་ཏིང་ངེ་འཛིན་དང༌། ཡང་དག་པར་
བརྗོད་པ་ཞེས་བྱ་བའི་ཏིང་ངེ་འཛིན་དང༌། དམིགས་པ་དང་བཅས་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། དཔེས་རིག་པར་བྱེད་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། ཕུང་པོ་ཐམས་ཅད་ཀྱི་
ཕྲེང་བ་ཞེས་བྱ་བའི་ཏིང་ངེ་འཛིན་དང༌། ཀླུའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྟག་ལྟར་རྣམ་པར་རྩེ་བ་ཞེས་བྱ་བའི་ཏིང་ངེ་འཛིན་དང༌། རླུང་གི་སྟོབས་དང་མཚུངས་པ་ཞེས་བྱ་བའི་ཏིང་ངེ་འཛིན་
དང༌། རླུང་གི་ཤུགས་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། ཁ་དོག་མཐའ་ཡས་པ་ཞེས་བྱ་བའི་ཏིང་ངེ་འཛིན་དང༌། ཆོས་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤོས་དྲི་ཞིམ་ཞེས་བྱ་བའི་ཏིང་ངེ་
འཛིན་དང༌། མཚན་མའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། ཁ་དོག་གི་བློ་གྲོས་ཀྱི་མདོག་ཅེས་བྱ་བའི་ཏིང་ངེ་འཛིན་དང༌། ཉེས་པ་འཇོམས་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། པདྨའི་བློ་གྲོས་
ཅན་ཞེས་བྱ་བའི་ཏིང་ངེ་འཛིན་དང༌། སྟོབས་ཀྱི་ཕྱོགས་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། གཏི་མུག་སྒྲོལ་བྱེད་གསོ་བ་ཞེས་བྱ་བའི་ཏིང་ངེ་འཛིན་དང༌། བྱང་ཆུབ་ཀྱི་ཡན་ལག་གི་མེ་ཏོག་ཅེས་བྱ་
༄༅། །བའི་ཏིང་ངེ་འཛིན་དང༌། སྤྲིན་གྱི་སྟོབས་ཞེས་བྱ་བའི་ཏིང་ངེ་འཛིན་དང༌། རིན་པོ་ཆེའི་ཆུས་རྙིས་པར་བྱེད་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤྱིས་བཙན་
པའི་སྟོབས་ཞེས་བྱ་བའི་ཏིང་ངེ་འཛིན་དང༌། ཉི་མའི་འོད་ཅེས་བྱ་བའི་ཏིང་ངེ་འཛིན་དང༌། ཟླ་བ་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང༌། རྒྱ་མཚོའི་དུས་ཚོད་མཛེས་པ་ཞེས་བྱ་བའི་ཏིང་ངེ་
འཛིན་དང༌། མི་དམིགས་པའི་དུས་ཚོད་ཅེས་བྱ་བའི་ཏིང་ངེ་འཛིན་དང༌། ཉོན་མོངས་པའི་དྲི་མ་འཇོམས་པའི་རྣམ་པ་ཞེས་བྱ་བའི་ཏིང་ངེ་འཛིན་དང༌། བསིལ་བའི་ཆར་པའི་དུས་ཚོད་འཛིན་པའི་
རྒྱལ་པོ་ཞེས་བྱ་བའི་ཏིང་ངེ་འཛིན་དང༌། ཨ་མྲའི་མེ་ཏོག་ཅེས་བྱ་བའི་ཏིང་ངེ་འཛིན་དང༌། གཞུང་ལུགས་རྣམ་པར་དག་པ་ཞེས་བྱ་བའི་ཏིང་ངེ་འཛིན་དང༌། ངང་ཚུལ་བཟང་པོ་ཞེས་བྱ་བའི་
ཏིང་ངེ་འཛིན་དང༌། དུང་གི་འོད་ཅེས་བྱ་བའི་ཏིང་ངེ་འཛིན་དང༌། དུས་ཚིགས་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། མདངས་ཤིན་ཏུ་དཀར་བ་ཞེས་བྱ་བའི་ཏིང་ངེ་འཛིན་དང༌།
མཚམས་བཟང་པོ་ཞེས་བྱ་བའི་ཏིང་ངེ་འཛིན་དང༌། རང་གིས་ན་གནས་ཤིང་རྣམ་པར་འཕྲུལ་བ་ཞེས་བྱ་བའི་ཏིང་ངེ་འཛིན་དང༌། ཆུའི་དུས་ཞེས་བྱ་བའི་ཏིང་ངེ་འཛིན་དང༌། ཨུཏྤ་
ལའི་དྲི་ལྟར་བསུང་ཞིམ་པ་ཞེས་བྱ་བའི་ཏིང་ངེ་འཛིན་དང༌། རྗེན་པའི་བཅུད་སྦྱིན་པའི་རྣམ་པར་ཐར་པའི་སྒོ་ཞེས་བྱ་བའི་ཏིང་ངེ་འཛིན་དང༌། མི་གཡོ་བ་ཞེས་བྱ་བའི་ཏིང་ངེ་འཛིན་དང༌།
མི་འགུལ་བ་ཞེས་བྱ་བའི་ཏིང་ངེ་འཛིན་དང༌། ཆུའི་སྙིང་པོ་ཞེས་བྱ་བའི་ཏིང་ངེ་འཛིན་དང༌། རྣམ་པར་དག་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། རི་བོ་ཐམས་ཅད་ཀྱི་བློ་གྲོས་ཅན་ཞེས་
བྱ་བའི་ཏིང་ངེ་འཛིན་དང༌། སྟོབས་ཀྱི་ནོར་བུའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། ངན་སྤོང་དང་ཁ་བ་ཅན་རྣམ་པར་ཐར་པར་བྱེད་པ་ཞེས་བྱ་བའི་ཏིང་ངེ་འཛིན་དང༌། རླུང་གི་རྣམ་པར་འཕྲུལ་བའི་
རྒྱལ་པོ་ཞེས་བྱ་བའི་ཏིང་ངེ་འཛིན་དང༌། མི་གནས་པ་ཞེས་བྱ་བའི་ཏིང་ངེ་འཛིན་དང༌། ནམ་མཁའ་ལ་དམིགས་པ་ཞེས་བྱ་བའི་ཏིང་ངེ་འཛིན་དང༌། སྣང་བའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། ཐོག་
ཏོག་གི་དུས་ཚོད་ཅེས་བྱ་བའི་ཏིང་ངེ་འཛིན་དང༌། རྒྱལ་པོའི་སྙིང་པོ་དྲ་བ་ཅན་གྱི་རྣམ་པར་འཕྲུལ་བ་ཞེས་བྱ་བའི་ཏིང་ངེ་འཛིན་དང༌། ཡུལ་གྱི་ནད་འཐོབ་པར་བྱེད་པའི་ཆོས་ཀྱི་སྒྲོན་མ་ཞེས་བྱ་བའི་ཏིང་ངེ་འཛིན་
དང༌། ཡུལ་གྱི་སྟོབས་ལ་འཇུག་པ་ཞེས་བྱ་བའི་ཏིང་ངེ་འཛིན་དང༌། ཆོས་ཀྱི་བཀྲ་ཤིས་ཞེས་བྱ་བའི་ཏིང་ངེ་འཛིན་དང༌། ཆོས་ཀྱི་སྟོབས་ཞེས་བྱ་བའི་ཏིང་ངེ་འཛིན་དང༌། ཆོས་ཀྱི་སྟོབས་ཅན་ཞེས་
བྱ་བའི་ཏིང་ངེ་འཛིན་དང༌། ལེགས་པའི་དོག་པ་ཞེས་བྱ་བའི་ཏིང་ངེ་འཛིན་དང༌། དགའ་བ་ཞེས་བྱ་བའི་ཏིང་ངེ་འཛིན་དང༌། རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང༌། ཡེ་ཤེས་ཀྱི་སྟོབས་ཆེ་བ་ཞེས་བྱ་
བའི་ཏིང་འཛིན་དང༌། ཀ་ཏ་ཀའི་འབྲས་བུ་ལྟ་བུ་ཞེས་བྱ་བའི་ཏིང་ངེ་འཛིན་དང༌། འགྲམ་དུ་འགྲོ་བ་ཞེས་བྱ་བའི་ཏིང་ངེ་འཛིན་དང༌། དཔའ་བར་འགྲོ་བ་སྟོན་པ་ཞེས་བྱ་བའི་ཏིང་ངེ་འཛིན་དང༌། རྣམ་པར་རྒྱ་
༄༅། །བའི་སྟོབས་ཀྱིས་འགྲོ་བ་ཞེས་བྱ་བའི་ཏིང་ངེ་འཛིན་དང༌། འོད་འཕྲོ་མཆོག་གི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྟོབས་མི་ཟད་པའི་རྣམ་པར་ཐར་
པ་ཞེས་བྱ་བའི་ཏིང་ངེ་འཛིན་དང༌། འཕགས་པའི་སྟོབས་ཞེས་བྱ་བའི་ཏིང་ངེ་འཛིན་དང༌། ལུས་སྲུང་བ་མི་ཟད་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། ལུས་སྲུང་རྨ་ཤིང་
མདོག་གི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། འཁྲི་ཤིང་རྒྱས་པ་ཞེས་བྱ་བའི་ཏིང་ངེ་འཛིན་དང༌། སྒྲ་སྙན་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། འགྲོ་བའི་འོད་ཅེས་བྱ་བའི་ཏིང་ངེ་འཛིན་དང༌།
རིན་པོ་ཆེའི་དཔལ་དུ་གྱུར་པ་ཞེས་བྱ་བའི་ཏིང་ངེ་འཛིན་དང༌། གཙང་ཞིང་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང༌། གཙང་མའི་སྙིང་པོ་མྡྔས་དཀར་བ་ཞེས་བྱ་བའི་ཏིང་ངེ་འཛིན་དང༌།
གཙང་ཞིང་གཙང་སྦྲའི་རིན་པོ་ཆེའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། དགའ་ཞིང་དང་བར་གྲགས་པ་ཞེས་བྱ་བའི་ཏིང་ངེ་འཛིན་དང༌། སེམས་ནམ་མཁའ་དང་མཉམ་པ་ཞེས་བྱ་
བའི་ཏིང་ངེ་འཛིན་དང༌། ཅོད་པ་རྣམ་པར་འཕྱང་བ་ཞེས་བྱ་བའི་ཏིང་ངེ་འཛིན་དང༌། སྟོབས་བླ་ན་མེད་པ་ཞེས་བྱ་བའི་ཏིང་ངེ་འཛིན་དང༌། རྗེས་སུ་སྲུང་བའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་
དང༌། རྗེས་སུ་ཆགས་པ་ཟབ་མོ་ཞེས་བྱ་བའི་ཏིང་ངེ་འཛིན་དང༌། སྟོབས་ཟློག་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། འོད་དལ་གྱིས་གཡོ་བ་ཞེས་བྱ་བའི་ཏིང་ངེ་འཛིན་དང༌། བརྩོན་
གྲུས་ཡིད་དུ་འོང་བ་ཞེས་བྱ་བའི་ཏིང་ངེ་འཛིན་དང༌། མ་སྐྱེས་པའི་འོད་ཟེར་ལེན་པ་ལ་གནས་པ་ཞེས་བྱ་བའི་ཏིང་ངེ་འཛིན་དང༌། དམིགས་པའི་འོད་ཟེར་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌།
དམིགས་པ་གཙང་བ་ཞེས་བྱ་བའི་ཏིང་ངེ་འཛིན་དང༌། རླུང་ལྟར་མགྱོགས་པ་ཞེས་བྱ་བའི་ཏིང་ངེ་འཛིན་དང༌། དབལ་གྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། ཀུན་ཏུ་རླུང་ཆེན་ཞེས་བྱ་བའི་
ཏིང་ངེ་འཛིན་དང༌། རྒྱ་མཚོའི་རླབས་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང༌། བདེ་བའི་སྟོབས་ཀྱི་མིག་འཛུམ་པ་ཞེས་བྱ་བའི་ཏིང་ངེ་འཛིན་དང༌། མིག་མི་འཛུམ་པའི་རྒྱལ་པོ་ཞེས་བྱ་བའི་
ཏིང་ངེ་འཛིན་དང༌། མིག་མི་འཛུམ་པར་སྣང་བའི་གནས་ཞེས་བྱ་བའི་ཏིང་ངེ་འཛིན་དང༌། གཉིད་ཐུལ་བའི་མིག་གིས་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། ངེས་པའི་རྩེ་མོའི་ཁྱད་
པར་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། འདྲེན་པའི་སྟོབས་ཀྱིས་འགྲོ་བ་ཞེས་བྱ་བའི་ཏིང་ངེ་འཛིན་དང༌། གཡོ་ཞིང་མྡྔངྶ་དཀར་བའི་རྣམ་པར་རྒྱལ་བར་འགྲོ་བ་ཞེས་བྱ་བའི་
ཏིང་ངེ་འཛིན་དང༌། ཀུ་མུ་དའི་ཟླ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། ཀུ་མུ་དའི་ཟླ་བ་ལེགས་པར་སྲུང་བ་ཞས་བྱ་བའི་ཏིང་ངེ་འཛིན་དང༌། ཙནྡན་ལྟར་བ་དེ་བཞིང་བསིལ་བའི་རླུང་གི་རྒྱལ་
པོ་ཞེས་བྱ་བའི་ཏིང་ངེ་འཛིན་དང༌། ཀེ་ཏ་ཀའི་མེ་ཏོག་རབ་ཏུ་རྒྱས་པ་ཞེས་བྱ་བའི་ཏིང་ངེ་འཛིན་དང༌། སའི་ཕྲེང་བའི་གནས་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། ད་ལྟར་བཞུགས་པའི་
༄༅། །སངས་རྒྱས་མངོན་སུམ་དུ་བཞུགས་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། དུས་ཚོད་བཟང་པོ་ལ་གནས་པ་ཞེས་བྱ་བའི་ཏིང་ངེ་འཛིན་དང༌། བདེ་འགྲོ་བརྟེན་
པའི་རྒྱ་མཚོ་ཞེས་བྱ་བའི་ཏིང་ངེ་འཛིན་དང༌། གནས་ཐམས་ཅད་ཀྱི་དུས་ལ་མཁས་པ་ཞེས་བྱ་བའི་ཏིང་ངེ་འཛིན་དང༌། གནས་ཐམས་ཅད་ལ་ཐེ་ཚོམ་མེད་པ་ཞེས་བྱ་བའི་ཏིང་ངེ་འཛིན་དང༌།
རྩི་སྨན་ཆེན་པོ་ཞེས་བྱ་བའི་ཏིང་ངེ་འཛིན་དང༌། རྩི་སྨན་ཆེན་པོའི་སྟོབས་ཞེས་བྱ་བའི་ཏིང་ངེ་འཛིན་དང༌། རྩི་སྨན་ཆེན་མོའི་ཡན་ལག་ཐམས་ཅད་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌།
བསིལ་བ་ཆེན་པོ་ཞི་བའི་རྒྱ་མཚོ་ཞེས་བྱ་བའི་ཏིང་ངེ་འཛིན་དང༌། བསིལ་ཞིང་ཞི་བའི་སྟོབས་དད་ལྡན་པ་ཞེས་བྱ་བའི་ཏིང་ངེ་འཛིན་དང༌། ཞི་བའི་སྟོབས་རྒྱས་པར་འགྲོ་བ་ཞེས་བྱ་བའི་
ཏིང་ངེ་འཛིན་དང༌། ཆུ་འབབ་པའི་ཆར་གྱི་སྟོབས་ཞེས་བྱ་བའི་ཏིང་ངེ་འཛིན་དང༌། དབང་བོའི་ཏོག་གི་རྒྱལ་མཚན་ཅན་ཞེས་བྱ་བའི་ཏིང་ངེ་འཛིན་དང༌། འོག་གི་དཔལ་གྱི་ཕྱག་རྒྱ་ཞེས་
བྱ་བའི་ཏིང་ངེ་འཛིན་དང༌། ནོར་བུའི་ཆུའི་དྲ་བ་ཞེས་བྱ་བའི་ཏིང་ངེ་འཛིན་དང༌། ལུས་ཀྱི་མཆོག་ཏུ་འགྱུར་བ་ཞེས་བྱ་བའི་ཏིང་ངེ་འཛིན་དང༌། བསམ་གཏན་གྱི་མེ་ཏོག་གི་ཁུ་བ་དང་ལྡན་པ་
ཞེས་བྱ་བའི་ཏིང་ངེ་འཛིན་དང༌། བུང་པའི་སྤོས་ཀྱི་སེར་བུའི་མེ་ཏོག་ཅེས་བྱ་བའི་ཏིང་ངེ་འཛིན་དང༌། ནགས་ཀྱི་མཚམས་མཛེས་པ་ཞེས་བྱ་བའི་ཏིང་ངེ་འཛིན་དང༌། ནགས་སུ་འགྲོ་བ་ཡིད་
དུ་འོང་བ་ཞེས་བྱ་བའི་ཏིང་ངེ་འཛིན་དང༌། ནགས་སུ་དགའ་ཞིང་ཡིད་དུ་འོང་བའི་རྒྱས་པ་ཞེས་བྱ་བའི་ཏིང་ངེ་འཛིན་དང༌། ཡེ་ཤེས་ཀྱིས་བརྒྱན་བ་ཞེས་བྱ་བའི་ཏིང་ངེ་འཛིན་དང༌། ཡེ་ཤེས་
འདོད་པ་ཞེས་བྱ་བའི་ཏིང་ངེ་འཛིན་དང༌། གསེར་ལྟར་སྣང་བ་ཞེས་བྱ་བའི་ཏིང་ངེ་འཛིན་དང༌། ཡེ་ཤེས་དག་པར་བྱེད་པའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང༌། པདྨའི་ལུས་ཞེས་བྱ་བའི་
ཏིང་ངེ་འཛིན་དང༌། ཉི་མའི་སྙིང་པོ་འདོད་པ་ཞེས་བྱ་བའི་ཏིང་ངེ་འཛིན་དང༌། ཟླ་བའི་སྙིང་པོ་འདོད་པ་ཞེས་བྱ་བའི་ཏིང་ངེ་འཛིན་དང༌། འོད་ཟེར་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། འོད་
ཟེར་ཟླུམ་པོ་ཞེས་བྱ་བའི་ཏིང་ངེ་འཛིན་དང༌། འོད་ཟེར་གྱི་ཕྲེང་བའི་འོད་ཅེས་བྱ་བའི་ཏིང་ངེ་འཛིན་དང༌། འོད་ཟེར་གྱིས་བསྲུངས་པ་ཞེས་བྱ་བའི་ཏིང་ངེ་འཛིན་དང༌། འོད་ཟེར་གྱི་གནས་ཞེས་
བྱ་བའི་ཏིང་ངེ་འཛིན་དང༌། འོད་ཟེར་གྱི་དུས་ཚོད་ཅེས་བྱ་བའི་ཏིང་ངེ་འཛིན་དང༌། འོད་ཟེར་གྱི་བརྩོན་འགྲུས་གྱི་གཟི་བརྗིད་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། ཡེ་ཤེས་ཀྱི་ལྕགས་
ཀྱོས་བསྒྱུར་བའི་སྤོས་ཀྱི་གླང་པོ་ཆེའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། ཅང་ཤེས་ཀྱི་གཙུག་ཕུད་རྣམ་པར་འཕྲུལ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། རྒྱགས་པས་དཔའ་
ཞིང་དྲག་པོའི་སྟོབས་ཀྱིས་འགྲོ་བ་ཞེས་བྱ་བའི་ཏིང་ངེ་འཛིན་དང༌། སྦྲང་རྩི་བྱེད་པའི་བུང་བསྐད་སྙན་པ་རྒྱགས་པ་ཞེས་བྱ་བའི་ཏིང་ངེ་འཛིན་དང༌། བྱའི་སྤྱོད་ཡུལ་གྱི་དུས་ཚོད་ཅེས་བྱ་བའི་
༄༅། །ཏིང་ངེ་འཛིན་དང༌། རྒྱལ་པོའི་ཡུལ་འཁོར་གྱི་སའི་རྣལ་འབྱོར་པ་ཞེས་བྱ་བའི་ཏིང་ངེ་འཛིན་དང༌། རྒྱགས་ཤིང་མྱོས་པའི་སེམས་ཀྱིས་རྣམ་པར་འཕྲུལ་བའི་རྒྱལ་
པོ་ཞེས་བྱ་བའི་ཏིང་ངེ་འཛིན་དང༌། རྩ་བའི་སྟོབས་ཀྱི་ཏོག་གི་འོད་ཅེས་བྱ་བའི་ཏིང་ངེ་འཛིན་དང༌། གྲགས་པའི་རྒྱལ་མཚན་གྱི་སྙན་བ་ཞེས་བྱ་བའི་ཏིང་ངེ་འཛིན་དང༌། ཁྱད་པར་དུ་
འཕགས་པའི་ཆོ་ག་ལ་རབ་ཏུ་སྒྲིམ་པ་ཞེས་བྱ་བའི་ཏིང་ངེ་འཛིན་དང༌། སྟག་གི་མིག་འཛུམ་པ་ཞེས་བྱ་བའི་ཏིང་ངེ་འཛིན་དང༌། ཉི་མ་དང་མེ་ལྟ་བུའི་རྣམ་པར་འཕྲུལ་བ་གཞོན་པའི་
ལུས་ཞེས་བྱ་བའི་ཏིང་ངེ་འཛིན་དང༌། དགའ་བ་རྒྱ་ཆེན་པོའི་ཁྱིམ་གྱི་གནས་ཀྱི་ཡོན་ཏན་ཞེས་བྱ་བའི་ཏིང་ངེ་འཛིན་དང༌། ཡེ་ཤེས་དྲི་མ་མེད་པའི་ལས་ཀྱི་ཆོ་གར་བྱ་བའི་རྣམ་
པར་འཕྲུལ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། དཔེར་བྱ་བ་ཀུན་ནས་བསྡུས་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྒྲོན་མ་འབར་བའི་རྒྱལ་པོ་ཞེས་བྱ་བའི་ཏིང་
ངེ་འཛིན་དང༌། སྦྱོར་བ་ལ་དམིགས་པ་ཞེས་བྱ་བའི་ཏིང་ངེ་འཛིན་དང༌། ལུས་མཆོག་ཏུ་དགའ་བ་ཞེས་བྱ་བའི་ཏིང་ངེ་འཛིན་དང༌། དྲ་བ་ཅན་གྱི་ལུས་ལ་སྦྱོར་བ་ཞེས་བྱ་བའི་ཏིང་ངེ་
འཛིན་དང༌། དྲ་བ་ཅན་གྱི་འོད་ཟེར་གྱི་རྒྱལ་པོའི་ལུས་ཞེས་བྱ་བའི་ཏིང་ངེ་འཛིན་དང༌། ཚུལ་ཁྲིམས་དང་དུལ་བ་ལ་དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་དང༌། དགའ་བ་དང་རབ་ཏུ་དགའ་བའི་
སྟོབས་ཀྱིས་འགྲོ་བ་ཞེས་བྱ་བའི་ཏིང་ངེ་འཛིན་དང༌། བྱམས་པ་ལ་དམིགས་པའི་རྒྱ་མཚོའི་དུས་ཚོད་ཅེས་བྱ་བའི་ཏིང་ངེ་འཛིན་དང༌། བཟོད་པའི་སྟོབས་ཤིན་ཏུ་མཉམ་པ་ཞེས་བྱ་བའི་ཏིང་ངེ་འཛིན་
དང༌། བརྩོན་པའི་རྣམ་པར་འཕྲུལ་བའི་རླུང་ཞེས་བྱ་བའི་ཏིང་ངེ་འཛིན་དང༌། མཐའ་མར་གྱུར་པའི་ཆོས་ལ་བརྩོན་པར་བྱ་བ་ཞེས་བྱ་བའི་ཏིང་ངེ་འཛིན་དང༌། ནམ་མཁའི་རང་བཞིན་རྣམ་པར་
དག་པའི་དུས་ཚོད་ཅེས་བྱ་བའི་ཏིང་ངེ་འཛིན་དང༌། དཔའ་བོ་ཆེན་པོའི་སྙིང་པོ་ལ་གུས་པ་ཞེས་བྱ་བའི་ཏིང་ངེ་འཛིན་དང༌། ས་བོན་ཆེན་པོ་ཞིང་ལ་གནས་པ་ཞེས་བྱ་བའི་ཏིང་ངེ་འཛིན་དང༌། ཡེ་
ཤེས་ཀྱི་མུ་སྟེགས་ཀྱི་འདུ་སྟོན་བྱ་བའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང༌། ཕྱག་རྒྱའི་ཕྲེང་པ་ཞེས་བྱ་བའི་ཏིང་ངེ་འཛིན་དང༌། བྱ་བ་འབྱུང་ན་སངས་རྒྱས་མངོན་སུམ་དུ་བཞུགས་པ་ཞེས་བྱ་བའི་
ཏིང་ངེ་འཛིན་དང༌། ཡེ་ཤེས་ཀྱི་བྱ་བ་བྱུང་ན་སངས་རྒྱས་མངོན་སུམ་དུ་བཞུགས་པ་ཞེས་བྱ་བའི་ཏིང་ངེ་འཛིན་དང༌། ཐམས་ཅད་བདེ་བཞེས་བྱ་བའི་ཏིང་ངེ་འཛིན་དང༌། བསོད་ནམས་ཐམས་ཅད་
ཀྱི་ལུས་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། བར་སྣང་གི་གནས་སུ་བྱུང་བའི་སངས་རྒྱས་ཀྱི་སྒྱུ་འཕྲུལ་ལ་གནས་པ་ཞེས་བྱ་བའི་ཏིང་ངེ་འཛིན་དང༌། བྲག་ཅའི་རྣམ་པར་འཕྲུལ་བའི་
རྒྱལ་པོ་ཞེས་བྱ་བའི་ཏིང་ངེ་འཛིན་དང༌། གཉིད་ལས་སད་པའི་སེམས་ཐོབ་པ་ལ་གནས་པའི་རྣམ་པར་འཕྲུལ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། བདག་ཉིད་ཤི་བ་ལྟ་བུའི་རྣམ་པར་
༄༅། །འཕྲུལ་བར་འགྱུར་ཅིང་ཁྱད་པར་དུ་འཕགས་པ་ཐམས་ཅད་རབ་ཏུ་སྟོན་པ་ཞེས་བྱ་བའི་ཏིང་ངེ་འཛིན་དང༌། འཇིག་རྟེན་གྱི་རྗེས་སུ་མཐུན་པའི་བྱ་བ་བྱུང་ན་སངས་རྒྱས་
མངོན་སུམ་དུ་བཞུགས་པར་རབ་ཏུ་སྟོན་པ་ཞེས་བྱ་བའི་ཏིང་ངེ་འཛིན་དང༌། རྡུལ་དང་རྡུལ་ཕན་ཐམས་ཅད་ལ་བརྩམ་པ་མེད་པ་ཞེས་བྱ་བའི་ཏིང་ངེ་འཛིན་དང༌། བདག་ཉིད་སྟོན་པའི་མར་མེ་
ཞེས་བྱ་བའི་ཏིང་ངེ་འཛིན་དང༌། རང་གི་སྐྱེ་གནས་ལ་རྨོངས་བ་ལ་བྱ་བ་བྱེད་པ་ཞེས་བྱ་བའི་ཏིང་ངེ་འཛིན་དང་སྐྱེ་གནས་ཐམས་ཅད་དུ་བསླབ་པར་བྱ་བ་ཞེས་བྱ་བའི་ཏིང་ངེ་འཛིན་དང༌།
ཆུའི་ཆུ་བུར་གྱི་སྙིང་པོ་ཞེས་བྱ་བའི་ཏིང་ངེ་འཛིན་དང༌། ཆུའི་དབུ་བ་རབ་ཏུ་སྟོན་པ་ཞེས་བྱ་བའི་ཏིང་ངེ་འཛིན་དང༌། མི་མཉམ་པ་དང་མཉམ་པའི་ཡེ་ཤེས་རྟག་ཏུ་རབ་ཏུ་སྟོན་པའི་རྣམ་པའི་སྒྲོན་
མ་སྟོན་པ་ཞེས་བྱ་བའི་ཏིང་ངེ་འཛིན་དང༌། བརྩོན་འགྲུས་ཀྱི་ཆོག་ཞོར་ལ་འབྱུང་བ་ཞེས་བྱ་བའི་ཏིང་ངེ་འཛིན་དང༌། ཡེ་ཤེས་ཀྱི་མེ་ལོང་གི་དཀྱིལ་འཁོར་དང་རབ་ཏུ་ཕྲད་པར་སྟོན་པའི་རྒྱལ་པོ་
ཞེས་བྱ་བའི་ཏིང་ངེ་འཛིན་དང༌། རིགས་དང་ལུས་ཡིད་དུ་འོང་བའི་སྒྲོན་མ་ཞེས་བྱ་བའི་ཏིང་ངེ་འཛིན་དང༌། དུད་འགྲོའི་སྐྱེ་གནས་སུ་སྨོན་པའི་སེམས་ལ་སྦྱོར་བ་ཞེས་བྱ་བའི་ཏིང་ངེ་འཛིན་དང༌།
དུད་འགྲོའི་སྐྱེ་གནས་སུ་མངོན་པར་རྩེ་བ་ཞེས་བྱ་བའི་ཏིང་ངེ་འཛིན་དང༌། དུད་འགྲོའི་སྐྱེ་གནས་སུ་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང༌། དུད་འགྲོའི་སྐྱེ་གནས་སུ་མངོན་པར་ཆགས་
པ་ཞེས་བྱ་བའི་ཏིང་ངེ་འཛིན་དང༌། དུད་འགྲོའི་སྐྱེ་གནས་ཐམས་ཅད་དུ་གོས་པ་མེད་པར་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སེམས་ཅན་དམྱལ་བ་འཇུག་པ་མངོན་པར་
བསྔགས་པ་ཞེས་བྱ་བའི་ཏིང་ངེ་འཛིན་དང༌། སེམས་ཅན་དམྱལ་བར་མངོན་པར་དགའ་ཞིང་རབ་ཏུ་མོས་པ་ཞེས་བྱ་བའི་ཏིང་ངེ་འཛིན་དང༌། སེམས་ཅན་དམྱལ་བས་གོས་པ་མེད་པར་བྱ་བ་
ལ་རྣམ་པར་འཕྲུལ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། བདེ་བླག་ཏུ་ཞི་བར་འགྲོ་བ་ཞེས་བྱ་བའི་ཏིང་ངེ་འཛིན་དང༌། ཐམས་ཅད་ཀྱི་གནས་ཀྱི་དུས་ཚད་ཅེས་བྱ་བའི་ཏིང་ངེ་འཛིན་
དང༌། བསོད་ནམས་ཀྱི་ཀླུང་འབབ་པའི་རྒྱ་མཚོ་ཞེས་བྱ་བའི་ཏིང་ངེ་འཛིན་དང༌། དག་བྱེད་ཀྱི་རླུང་ཞེས་བྱ་བའི་ཏིང་ངེ་འཛིན་དང༌། དག་བྱེད་ཀྱི་བསོད་ནམས་བསགས་པར་འགྲོ་བའི་སྟོབས་
ཞེས་བྱ་བའི་ཏིང་ངེ་འཛིན་དང༌། དག་བྱེད་ཀྱི་པདྨ་དཀར་པོ་ཞེས་བྱ་བའི་ཏིང་ངེ་འཛིན་དང༌། དག་བྱེད་ཀྱི་པདྨ་ཞེས་བྱ་བའི་ཏིང་ངེ་འཛིན་དང༌། མུ་སྟེགས་ཀྱི་བཀྲ་ཤིས་ཀྱི་གནས་ཞེས་བྱ་
བའི་ཏིང་ངེ་འཛིན་དང༌། མུ་སྟེགས་ཀྱི་བཀྲ་ཤིས་བསྔགས་པ་ཞེས་བྱ་བའི་ཏིང་ནེ་འཛིན་དང༌། མུ་སྟེགས་ཀྱི་བཀྲ་ཤིས་ཉན་པར་བྱེད་པ་ཞེས་བྱ་བའི་ཏིང་ངེ་འཛིན་དང༌། རྨི་ལམ་གྱི་བཀྲ་
ཤིས་ཐོབ་པ་ཞེས་བྱ་བའི་ཏིང་ངེ་འཛིན་དང༌། རྨི་ལམ་གྱི་བཀྲ་ཤིས་བསྔགས་པ་ཞེས་བྱ་བའི་ཏིང་ངེ་འཛིན་དང༌། རྨི་ལམ་གྱི་བཀྲ་ཤིས་ཐོབ་པ་ལ་དགའ་བ་ཞེས་བྱ་བའི་ཏིང་ངེ་འཛིན་དང༌།
༄༅། །རྨི་ལམ་བཀྲ་ཤིས་པར་བྱ་བ་ཞེས་བྱ་བའི་ཏིང་ངེ་འཛིན་དང༌། ཡང་དག་པའི་བཀྲ་ཤིས་རྒྱས་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། རྒྱས་པར་ཡངས་པ་
སྐྱེ་བ་ཤེས་པ་ལ་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང༌། རླུང་གི་མཚམས་བསྔགས་པ་ཞེས་བྱ་བའི་ཏིང་ངེ་འཛིན་དང༌། སྦྱོར་བ་བྱས་ཀྱང་རུང་མ་བྱས་ཀྱང་རུང་སྟེ་གྲུབ་པའི་
རྣམ་པར་འཕྲུལ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། ཉེ་བར་གནས་པའི་ཆོ་གའི་བརྟུལ་བཞུགས་ལ་ངེས་པར་གནས་པ་ཞེས་བྱ་བའི་ཏིང་ངེ་འཛིན་དང༌། ཉེ་བར་གནས་པ་
བསྔགས་པ་ཞེས་བྱ་བའི་ཏིང་ངེ་འཛིན་དང༌། ཉེ་བར་གནས་པ་དེ་ཁོ་ནའི་ཆོ་གའི་སྒྲོན་མ་ཞེས་བྱ་བའི་ཏིང་ངེ་འཛིན་དང༌། ཉེ་བར་གནས་པའི་དེ་ཁོ་ནའི་ཐོབ་པས་རབ་ཏུ་ཞི་བར་བྱེད་པའི་
རྒྱལ་པོ་ཞེས་བྱ་བའི་ཏིང་ངེ་འཛིན་དང༌། རྟག་ཏུ་ཉེ་བར་གནས་པ་ལ་འཇུག་པའི་གསང་བ་ཤིན་ཏུ་མཐོང་བ་ཞེས་བྱ་བའི་ཏིང་ངེ་འཛིན་དང༌། རྟག་ཏུ་ཉེ་བར་གནས་པ་ལ་མངོན་པར་ཆགས་པ་
ཞེས་བྱ་བའི་ཏིང་ངེ་འཛིན་དང༌། རྟག་ཏུ་ཉེ་བར་གནས་པ་ལ་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང༌། རྟག་ཏུ་ཉེ་བར་གནས་པའི་དགའ་བ་ལ་དགའ་བ་ཞེས་བྱ་བའི་ཏིང་ངེ་འཛིན་དང༌། རྟག་
ཏུ་ཉེ་བར་གནས་པར་ཕྱེ་མས་སླུབས་པ་ཞེས་བྱ་བའི་ཏིང་ངེ་འཛིན་དང༌། རྟག་ཏུ་ཉེས་བར་གནས་པ་ཤིན་ཏུ་བསིལ་བའི་ཏ་མ་ལའི་ལོ་མ་སྤོས་ཀྱིས་བསྒོས་པ་ཞེས་བྱ་བའི་ཏིང་ངེ་འཛིན་དང༌། རྟག་
ཏུ་ཉེ་བར་གནས་པའི་བདུག་པས་བདུགས་ཤིང་བྱུག་པའི་དད་པས་བྱུགས་པ་ཞེས་བྱ་བའི་ཏིང་ངེ་འཛིན་དང༌། སྣ་ཚོགས་སུ་མངོན་པར་རྩེ་བ་ཞེས་བྱ་བའི་ཏིང་ངེ་འཛིན་དང༌། རོ་བྲོ་བ་ཐམས་ཅད་
དང་ལྡན་པའི་མེ་ཏོག་གིས་རྒྱགས་ཤིང་མྱོས་པའི་བུང་བ་ཞེས་བྱ་བའི་ཏིང་ངེ་འཛིན་དང༌། བདུད་རྩི་ཐམས་ཅད་ཀྱི་བདེ་བའི་ལོངས་སྤྱོད་ཀྱིས་ཁྱིམ་གྱི་གནས་དགའ་བར་བྱེད་པའི་རྣམ་པར་
འཕྲུལ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། རྟག་པ་དང༌། ཐེར་ཟུག་པ་དང༌། བརྟན་པའི་ཞིང་ཚེར་མ་རྣམ་པར་བསལ་བ་དང་འདྲ་བ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་
ཆུའི་རྒྱུན་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་རྔ་སྒྲའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྦྲིན་ཆེན་པོའི་གློག་གི་འོད་ཀྱི་བརྫོན་འགྲུས་ཀྱི་རྒྱལ་པོ་ཞེས་བྱ་བའི་ཏིང་ངེ་
དང༌། སྦྲིན་ཆེན་པོའི་ཆུ་ཤུགས་འཛིན་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་གསང་བ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་གློག་གི་ཕྲང་བ་ཅན་ཞེས་བྱ་བའི་
ཏིང་ངེ་འཛིན་དང༌། སྤྲིན་ཆེན་པོའི་མཚོའི་གནས་ཞེས་བྱ་བའི་ཏིང་ངེ་འཛིན་དང༌། སྦྲིན་ཆེན་པོའི་བློ་གྲོས་ལ་མཁས་པ་ཞེས་བྱ་བའི་ཏིང་ངེ་འཛིན་དང༌། སྦྲིན་ཆེན་པོའི་བརྟན་པའི་ཆུ་ཟབ་མོའི་
རྒྱ་མཚོའི་བློ་གྲོས་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་འོད་ཟེར་གྱི་ཆུའི་རྒྱུན་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་རྒྱ་མཚོའི་དུས་ཚོད་ཅེས་བྱ་བའི་
༄༅། །ཏིང་ངེ་འཛིན་དང༌། སྤྲིན་ཆེན་པོའི་ས་བོན་གྱི་རྒྱ་མཚོའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོ་རབ་ཏུ་གཡོ་བའི་ཆུའི་རྣམ་པར་འཕྲུལ་བའི་
རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ལུས་ཀྱི་འོད་ཅེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོ་ཞི་བའི་ཆུའི་རྒྱུན་ཅེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུ་
འདོད་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོ་ཤེས་པའི་རྒྱ་མཚོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོ་རྣམ་པར་རྒྱལ་བའི་སྟོབས་ཞེས་བྱ་བའི་ཏིང་ངེ་འཛིན་དང༌། སྤྲིན་
ཆེན་པོ་སྡེའི་སྟོབས་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་དཔལ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་བསོད་ནམས་ཀྱི་རྒྱུན་ཅེས་བྱ་བའི་ཏིང་ངེ་འཛིན་དང༌། སྤྲིན་
ཆེན་པོའི་བསོད་ནམས་ཀྱི་སྟོབས་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོ་ངེས་པར་སྒྲོག་པའི་སྟོབས་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་བསོད་ནམས་ཀྱི་ཆུའི་རོས་སྐོམ་
པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་རོ་གཅིག་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་སྟོབས་ཀྱིས་ཟློག་པའི་འབྲས་བུ་ཞེས་བྱ་བའི་ཏིང་ངེ་འཛིན་དང༌།
སྤྲིན་ཆེན་པོའི་ཆུའི་བདེ་བསིལ་རྣམ་པར་འཕྲུལ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཀུ་མུ་དའི་ཟླ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་
ཡིད་དུ་འཐད་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུ་འབབ་པའི་ཤུགས་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོ་ནམ་མཁའ་ལས་སྒྲ་སྒྲོག་པ་ཡིད་དུ་འཐད་པ་ཞེས་
བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་རོས་རྒྱགས་ཤིང་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ནོར་བུའི་ལུས་ལ་ཅོད་པན་བཏགས་པས་སྤུངས་སྐྱེས་པ་ཞེས་བྱ་
བའི་ཏིང་ངེ་འཛིན་དང༌། སྤྲིན་ཆེན་པོའི་ཆུ་ཡོངས་སུ་དག་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་སྐྱབས་ཀྱི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་དྲི་མ་མེད་
པའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུ་དྲི་མ་མེད་པའི་སྙིང་པོའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ནོར་བུ་འདྲ་བའི་ཆུ་བསྔགས་པ་ཞེས་བྱ་བའི་ཏིང་
ངེ་འཛིན་དང༌། སྤྲིན་ཆེན་པོའི་ཆུ་ནད་མེད་པར་བྱེད་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་སྣོད་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུ་མི་འཁྲུགས་པའི་
རྒྱ་མཚོའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་པོའི་སྤྲིན་གྱི་ནང་ནས་ཟླ་བ་བྱུང་བའི་འོད་ཅེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་གློག་གིས་མཆོད་པའི་རྒྱལ་པོ་ཞེས་བྱ་བའི་
ཏིང་ངེ་འཛིན་དང༌། སྤྲིན་ཆེན་པོའི་སྟོབས་རྒྱས་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་མཛོད་ཀྱི་རྣམ་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུས་དབང་བསྐུར་བ་ཞེས་
༄༅། །བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་བསམ་གཏན་གྱི་མེ་ཏོག་གིས་རོས་མྱོས་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་དམིགས་པ་
དག་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་རྗེས་སུ་ཆགས་པའི་སྟོབས་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་གནས་ཀྱི་འོད་ཟེར་གྱི་བློ་གྲོས་ཅན་ཞེས་བྱ་
བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་བརྗོད་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་དགའ་བས་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུ་
ཤིན་ཏུ་བརྟན་པར་བྱ་བའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་སྨན་གྱིས་བརྟན་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་རོས་མྱོས་
པའི་སྟག་གི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོ་ཆུའི་རོས་མྱོས་པའི་སེངྒེའི་སྟབས་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་རོས་མྱོས་པའི་སྤོས་
ཀྱི་གླང་པོ་ཆེའི་མཆོག་ཅེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུ་བདེ་ཞིང་བསིལ་བའི་ཆུ་རྒྱུན་འབབ་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་འགྲོ་ཞིང་འབབ་པ་མི་
འཁྲུགས་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་བསམ་གཏན་རྫོགས་པའི་ས་བོན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་འོད་ཐོབ་པ་མི་ཟད་པའི་བློ་གྲོས་ཅན་
ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་རྒྱུན་གྱིས་ཀླུའི་སྟོབས་ཡོངས་སུ་སྤངས་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུ་ལ་དགའ་བ་ཞེས་བྱ་བའི་ཏིང་ངེ་འཛིན་དང༌། སྤྲིན་
ཆེན་པོའི་ཆུ་ཡོངས་སུ་བསྒོས་པའི་ཁྱུ་མཆོག་གི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་ཙནྡན་གྱི་ཁུ་བ་བསིལ་ཞིང་བདེ་བའི་སྨན་གྱི་བརྩོན་འགྲུས་ཀྱི་གནས་ཀྱིས་ཞི་བར་བྱེད་
པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་དུག་སྨན་གྲུབ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུས་ས་གཞི་རབ་ཏུ་ཞི་བར་བྱེད་པ་ཞེས་བྱ་བའི་ཏིང་ངེ་
འཛིན་དང༌། སྤྲིན་ཆེན་པོའི་ཆུའི་སྙིང་པོའི་དྲ་བ་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཆུའི་རིན་པོ་ཆེའི་ཆར་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོའི་སྟོབས་ཀྱི་བློ་
གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོའི་ཏོག་གི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོའི་ཆུས་ས་གཞི་ཞི་བར་བྱས་པའི་དྲི་ཞིམ་སྤོས་ཞེས་བྱ་
བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོའི་ཆུའི་སྦྱོར་བ་མཐའ་ཡས་པ་ལ་དགའ་བ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་ཁོང་བའི་ཆུའི་སྙིང་པོའི་མྱུར་བའི་བློ་གྲོས་ཅན་ཞེས་
བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོ་མདངས་དཀར་བློ་གྲོས་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོ་འདྲེན་སྤྱོད་ཅེས་བྱ་བའི་ཏིང་ངེ་འཛིན་དང༌། སྤྲིན་
༄༅། །ཆེན་པོའི་སྙིང་པོ་ཁ་དོག་གི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོའི་ཆུའི་པདྨ་འོད་མཐའ་ཡས་པར་བྱེད་པ་ཞེས་བྱ་བའི་ཏིང་ངེ་འཛིན་
དང༌། སྤྲིན་ཆེན་པོའི་སྙིང་པོའི་ཆུ་འབབ་པའི་རྒྱལ་པོའི་ཡུལ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོའི་ཆུའི་འབྱུང་གནས་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌།
སྤྲིན་ཆེན་པོའི་སྙིང་པོ་ངན་སྤོང་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོ་ཏོག་གི་འོད་ཅེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོ་སྒྲའི་གཟི་བརྗིད་
དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོ་སྤྲིན་གྱི་ཤུགས་ཅན་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོ་བརྟན་པའི་བློ་གྲོས་ཅན་ཞེས་བྱ་བའི་
ཏིང་ངེ་འཛིན་དང༌། སྤྲིན་ཆེན་པོའི་སྙིང་པོའི་ཆུའི་རྩེ་མོ་ལས་བྱུང་བ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོའི་ཆུ་ཤེས་ཉེན་ཅན་གྱི་བློ་གྲོས་ཞེས་བྱ་བའི་ཏིང་ངེ་འཛིན་
དང༌། སྤྲིན་ཆེན་པོའི་སྙིང་པོའི་ཆུ་སྲུང་བ་ཐམས་ཅད་དུ་མཉམ་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོ་སྙིང་པོའི་ཀུ་ཤ་དངར་བ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་
པོའི་སྙིང་པོ་མ་དངས་དཀར་པོ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོ་འགྲོ་བའི་གནས་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོ་ཆུའི་རྣམ་པའི་བློ་གྲོས་ཅན་
ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོ་ཆུའི་རྩེ་མོར་བསྒྲེངས་ཤིང་བརྩེགས་པ་ཞེས་བྱ་བའི་ཏིང་ངེ་འཛིན་དང༌། སྤྲིན་ཆེན་པོའི་སྙིང་པོ་ཆུ་རྒྱུ་བར་གྱུར་པའི་བློ་གྲོས་ཅན་ཞེས་བྱ་བའི་ཏིང་
ངེ་འཛིན་དང༌། སྤྲིན་ཆེན་པོའི་སྙིང་པོ་སྤྲིན་གྱི་བདེན་པའི་མཚོའི་ངང་པའི་རྒྱལ་པོའི་སྟོབས་ལེགས་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང༌། ཏིང་ངེ་འཛིན་སྔ་མ་གང་ཡིན་པ་དེ་དང་
ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཏིང་ངེ་འཛིན་གྱི་རྒྱ་མཚོར་ཡང་འགྱུར་རོ། །ཏིང་ངེ་འཛིན་ཡང་དག་པར་གསོག་པར་ཡང་འགྱུར་རོ། །ཐོས་པའི་རྒྱ་
མཚོར་ཡང་འགྱུར་རོ། །ཐོས་པ་ཡང་དག་པར་གསོག་པར་ཡང་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་ཟ་ཞིང༌། ཡིད་གཉིས་མེད་དེ། ཐེ་ཚོམ་ཟ་
བར་ཡང་མི་འགྱུར་རོ། །མི་ཁོམ་པ་རྣམས་སུ་སྐྱེ་བར་ཡང་མི་འགྱུར་རོ། །ཚེ་རབས་དྲན་པར་ཡང་འགྱུར་རོ། །འཁོར་བའི་ལས་ཀྱི་ཞིང་གི་རྒྱ་མཚོ་ལ་སྲེད་པར་ཡང་འགྱུར་རོ། །ཚེ་རབས་
ཐམས་ཅད་དུ་ཐ་ན་རྨི་ལམ་ནའང་སངས་རྒྱས་མཐོང་བ་དང་མི་འབྲལ་བར་ཡང་འགྱུར་རོ། །དེ་དག་གི་དགེ་བའི་ཆོས་རྣམས་ལ་བར་ཆད་བྱ་བའི་ཕྱིར་བདུད་སྡིག་ཅན་གླགས་ལྟ་བ་དང༌།
སྐབས་ཚོལ་བས་གླགས་རྙེད་པར་ཡང་མི་འགྱུར་རོ། །ང་རྒྱལ་ཆོམ་པར་ཡང་འགྱུར་རོ། །གཟུངས་ཐོབ་པར་ཡང་འགྱུར་རོ། །དེ་བཞིན་གཤེགས་པའི་ལྡེམ་པོ་ངག་དང་དཔྱོད་པ་ལ་མཁས་
༄༅། །པར་ཡང་འགྱུར་རོ། །ཆོས་ཐམས་ཅད་ཀྱི་གསང་བའི་སྒོར་འཇུག་པར་ཡང་འགྱུར་རོ། །དེ་བཞིན་གཤེགས་པའི་གཏེར་ཡང་དག་པར་སྟོན་པར་ཡང་འགྱུར་རོ། །
དེ་བཞིན་གཤེགས་པའི་ཚུལ་ལ་འཇུག་པར་ཡང་འགྱུར་རོ། །དེ་བཞིན་གཤེགས་པའི་རྒྱ་མཚོའི་ཆུ་སྲིན་དུའང་འགྱུར་རོ། །དེ་བཞིན་གཤེགས་པའི་གཞུང་ལུགས་ཀྱི་ནང་དུ་ཆུད་
པར་ཡང་འགྱུར་རོ། །དེ་བཞིན་གཤེགས་པའི་སྒྱུ་འཕྲུལ་གསང་བའི་སྲུང་མར་ཡང་འགྱུར་རོ། །དེ་བཞིན་གཤེགས་པའི་གསུང་བརྗོད་པར་ཡང་འགྱུར་རོ། །དེ་བཞིན་གཤེགས་
པའི་དམིགས་པ་ལ་རྣལ་འབྱོར་པར་ཡང་འགྱུར་རོ། །དེ་བཞིན་གཤེགས་པའི་ཉི་མའི་འོད་ཟེར་དུའང་འགྱུར་རོ། །དེ་བཞིན་གཤེགས་པའི་ཟླ་བའི་དཀྱིལ་འཁོར་གྱི་འོད་ཟེར་དུའང་
འགྱུར་རོ། །དེ་བཞིན་གཤེགས་པའི་ཏོག་གི་རྩེ་མོའི་མཆོག་ཏུའང་འགྱུར་རོ། །དེ་བཞིན་གཤེགས་པའི་མཚམས་འཛིན་པར་ཡང་འགྱུར་རོ། །དེ་བཞིན་གཤེགས་པའི་འཕྲིན་
ལས་ལ་རྩོམ་པར་ཡང་འགྱུར་རོ། །དེ་བཞིན་གཤེགས་པའི་རྩལ་གྱི་ཤུགས་སུའང་འགྱུར་རོ། །དེ་བཞིན་གཤེགས་པའི་མུ་སྟེགས་ལ་ངེས་པའི་པདྨ་དཀར་པོར་ཡང་འགྱུར་རོ། །
དེ་བཞིན་གཤེགས་པའི་དགྱེས་པ་ལ་དགའ་བར་ཡང་འགྱུར་རོ། །དེ་བཞིན་གཤེགས་པའི་མཛོད་ཀྱི་དཀོར་བར་ཡང་འགྱུར་རོ། །དེ་བཞིན་གཤེགས་པ་ལ་རྟག་པ་ཉིད་དུ་མཐོང་
བར་ཡང་འགྱུར་རོ། །དེ་བཞིན་གཤེགས་པའི་རྟག་པ་དང༌། ཐེར་ཟུག་པ་ཉིད་ཤིན་ཏུ་གསལ་བར་མཐོང་ནས་བདག་ཉིད་བསྔགས་པ་བརྗོད་པའི་རྒྱལ་པོར་ཡང་འགྱུར་རོ། །དེ་བཞིན་
གཤེགས་པ་ནི། ཐེར་ཟུག་པའི་སྐུ་ཡིན་ནོ། །ཞེས་ཐེར་ཟུག་ཏུ་སྨྲ་བར་ཡང་འགྱུར་རོ། །དེ་བཞིན་གཤེགས་པའི་ཞི་བའི་རང་བཞིན་ལ་མངོན་པར་དགའ་བའི་ལྟ་བ་ཕུན་སུམ་ཚོགས་
པར་ཡང་འགྱུར་རོ། །དེ་བཞིན་གཤེགས་པ་ནི། རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བའོ། །ཞེས་རྣམ་པ་ཐམས་ཅད་དུ་ལྟ་བའི་རྒྱ་མཚོ་ཐམས་ཅད་དུའང་འགྱུར་རོ། །དེ་
བཞིན་གཤེགས་པའི་སྐུ་ནི། ཆོས་ཀྱི་སྐུ་ཡིན་ནོ། །ཞེས་དེ་ཁོ་ན་མཐོང་བར་ཡང་འགྱུར་རོ། །དེ་བཞིན་གཤེགས་པའི་རྡོ་རྗེའི་སྐུ་ནི། མི་ཕྱེད་པའི་སྐུ་ཡིན་ནོ། །ཞེས་ཡང་དག་པ་མཐོང་
པར་ཡང་འགྱུར་རོ། །དེ་བཞིན་གཤེགས་པའི་སྐུ་ནི། རུས་པ་མ་ཡིན་ཞིང་ཤམ་ཡིན་ལ་ཁྲག་མ་ཡིན་ཏེ་རྒྱུས་པ་མ་ཡིན་ནོ། །ཞེས་སྟོང་པ་ཉིད་དུ་སྨྲ་བར་ཡང་འགྱུར་རོ། །དེ་བཞིན་
གཤེགས་པའི་ཆོས་བསྟན་པ་ནི། འབྲས་བུ་ཡོད་པ་ཡིན་ནོ། །ཞེས་འབྲས་བུ་ཡོད་པར་སྨྲ་བར་ཡང་འགྱུར་རོ། །དེ་བཞིན་གཤེགས་པའི་ཆོས་བསྟན་པ་ཡིན་འབྲས་བུ་མེད་པར་ཡང་
འགྱུར་བ་མེད་དེ། །ཞེས་མེད་པར་སྨྲ་བར་ཡང་འགྱུར་རོ། །དེ་བཞིན་གཤེགས་པ་ལ་ནི། གཏན་དུ་ཡོངས་སུ་མྱ་ངན་ལས་འདས་པར་འགྱུར་བ་མེད་དོ། །ཞེས་གསལ་བར་སྨྲ་བར་ཡང་འགྱུར་
༄༅། །རོ༑ ༑དེ་བཞིན་གཤེགས་པའི་རྗེས་སུ་རབ་ཏུ་བྱུང་བའི་སེམས་ཅན་རྣམས་ལ་ནི། ཚུལ་ཁྲིམས་ཉམས་པ་མེད་དོ། །ཞེས་ཚུལ་ཁྲིམས་ཀྱི་བསྔགས་པ་བརྗོད་
པར་ཡང་འགྱུར་རོ། །དེ་བཞིན་གཤེགས་པའི་བསྟན་པ་ལ་ནི། ནུབ་པར་འགྱུར་བ་མེད་དོ། །ཞེས་ནུབ་པར་མི་འགྱུར་བའི་བསྔགས་པ་བརྗོད་པར་ཡང་འགྱུར་རོ། །དེ་བཞིན་གཤེགས་
པའི་རིགས་དང་རྒྱུད་དག་ཅིང་ཡོངས་སུ་དག་ལ་དྲི་མ་མེད་པའི་བྱང་ཆུབ་སེམས་དཔའ་ནི། ཐབས་ཀྱི་རིགས་ཀྱི་རྒྱུད་ཡིན་ནོ། །ཞེས་ལྟ་བ་ཕུན་སུམ་ཚོགས་པར་ཡང་འགྱུར་རོ། །
རྟག་ཏུ་འཁོར་བ་ལ་སྡུག་པར་སེམས་པར་ཡང་འགྱུར་རོ། །འཁོར་བའི་བསྔགས་པ་བརྗོད་པར་ཡང་འགྱུར་རོ། །འཁོར་བའི་ཆེད་དུ་ཐོས་པའི་རྒྱ་མཚོར་ཡང་འགྱུར་རོ། །དེ་བཞིན་
གཤེགས་པའི་རིགས་ལ་དམིགས་པར་འདོད་པར་ཡང་འགྱུར་རོ། །རྟག་ཏུ་ཉོན་མོངས་པ་ལ་སེམས་པར་ཡང་འགྱུར་རོ། །ཉོན་མོངས་པ་ལ་སྡུག་པར་སེམས་པར་ཡང་འགྱུར་
རོ༑ ༑ཉོན་མོངས་པའི་སྒོ་རྣམ་པ་སྣ་ཚོགས་འཐོབ་པ་ལ་དད་པ་ཐོབ་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་འཕྲིན་ལས་ཀྱི་ཞིང་ལ་སྨོན་ལམ་འདེབས་པའི་སེམས་སུའང་
འགྱུར་རོ། །ལས་ཐམས་ཅད་ཀྱི་རྩ་བ་ནི། ཉོན་མོངས་པ་ཡིན་ནོ། །ཞེས་རྙེད་པ་ལེགས་པར་རྙེད་པར་ལྟ་བར་ཡང་འགྱུར་རོ། །སངས་རྒྱས་ཀྱི་རྟག་པ་ཉིད་ལའང་སོམ་ཉི་མི་ཟ་ཞིང་ཡིད་
གཉིས་མེད་ལ་ཐེ་ཚོམ་ཟ་བར་ཡང་མི་འགྱུར་རོ། །འཁོར་བའི་མངོན་པར་དགའ་བར་ཡང་འགྱུར་རོ། །འཁོར་བ་ལ་མོས་པར་ཡང་འགྱུར་རོ། །བདག་སངས་རྒྱས་སུ་འགྱུར་བར་བྱའོ། །ཞེས་རྟག་
ཏུ་དད་པའི་སེམས་སུའང་འགྱུར་རོ། །བདག་གིས་ཆོས་ཀྱི་འཁོར་ལོ་བསྐོར་བར་བྱའོ། །བདག་གིས་སེམས་ཅན་རྣམས་དགྲོལ་བར་བྱའོ། །བདག་གིས་སངས་རྒྱས་ཀྱི་གདུང་མི་འཆད་པར་བྱའོ། །
ཞེས་དམ་འཆའ་ཞིང་སྨོན་ལམ་འདེབས་ཏེ་བྱང་ཆུབ་སེམས་དཔའ་དེད་དཔོན་དུའང་འགྱུར་རོ། །བདུད་ཀྱི་སྨན་པར་ཡང་འགྱུར་རོ། །འཁོར་བའི་ཉོན་མོངས་པའི་རྒྱ་མཚོའི་སྟོན་པ་པོར་ཡང་འགྱུར་
རོ༑ ༑འཁོར་བའི་ཉོན་མོངས་པའི་ཚོང་རྡལ་འཐོབ་པར་ལྟ་བར་ཡང་འགྱུར་རོ། །འཁོར་བའི་རྒྱ་མཚོ་ཆེན་པོ་འཐོབ་པས་སྐེམ་པར་ཡང་འགྱུར་རོ། །འཁོར་བ་ལ་སྲེད་པར་ཡང་འགྱུར་རོ། །
འཁོར་བ་འཐོབ་པ་ལ་རག་ལས་པའི་སེམས་སུའང་འགྱུར་རོ། །འཁོར་བ་འཐོབ་པ་མི་གཏོང་བར་ཡང་འགྱུར་རོ། །འཁོར་བའི་ཆུ་ལ་པདྨའི་རྒྱལ་པོ་རྒྱས་པར་ཡང་འགྱུར་རོ། །འཁོར་
བའི་ཉོན་མོངས་པའི་རྒྱ་མཚོའི་གཞིར་ཡང་འགྱུར་རོ། །འཁོར་བའི་ཉོན་མོངས་པ་ལ་རྟག་ཏུ་སྨོན་ལམ་འདེབས་པའི་སེམས་སུའང་འགྱུར་རོ། །སེམས་ཅན་དམྱལ་བའི་འགྲོ་བ་ལ་དགའ་
བར་ཡང་འགྱུར་རོ། །སེམས་ཅན་དམྱལ་བའི་འགྲོ་བ་ལ་སེམས་ཤིང་རྟག་ཏུ་བསམ་པ་གཏོང་བའི་ངང་ཚུལ་ཅན་དུའང་འགྱུར་རོ། །སེམས་ཅན་དམྱལ་བའི་ཚོང་རྡལ་གྱི་ཚོང་པར་ཡན་
༄༅། །འགྱུར་རོ། །སེམས་ཅན་དམྱལ་བ་ཐོབ་པ་མི་གཏོང་བར་ཡང་འགྱུར་རོ། །སེམས་ཅན་དམྱལ་བའི་མེ་ལ་སེམས་རྒྱས་པར་ཡང་འགྱུར་རོ། །སེམས་ཅན་དམྱལ་
བའི་ཉོན་མོངས་པས་ཉོན་མོངས་པར་གྱུར་བ་རྣམས་ལ་བདེ་ཞིང་བསིལ་བའི་རླུང་དུའང་འགྱུར་རོ། །སེམས་ཅན་དམྱལ་བའི་མེ་དྲག་པོ་ལ་སྤྲིན་ཆེན་པོ་ལས་ཆར་ཀུན་ཏུ་འབེབས་པར་
ཡང་འགྱུར་རོ། །སེམས་ཅན་དམྱལ་བའི་ཐོག་ཏོག་ཏུའང་འགྱུར་རོ། །སེམས་ཅན་དམྱལ་བའི་སྟོན་པ་པོར་ཡང་འགྱུར་རོ། །སེམས་ཅན་དམྱལ་བའི་རྒྱ་མཚོའི་མཉན་པ་ཆེན་པོར་
ཡང་འགྱུར་རོ། །སེམས་ཅན་དམྱལ་བའི་སྨིན་པར་ཡང་འགྱུར་རོ། །སེམས་ཅན་དམྱལ་བའི་ཟས་སུའང་འགྱུར་རོ། །འཁོར་བའི་སྡུག་བསྔལ་དང༌། ཉོན་མོངས་པ་ཐམས་ཅད་
ཀྱིས་ཟིན་པའི་མུན་པ་མུན་ནག་བསལ་བའི་ཕྱིར་སྒྲོན་མ་ལྟ་བུར་ཡང་འགྱུར་རོ། །སྣང་བར་བྱ་བའི་ཕྱིར་མར་མེ་ལྟ་བུར་ཡང་འགྱུར་རོ། །སྲིད་པའི་འགྲོ་བ་ཐམས་ཅད་ཀྱི་ཉོན་མོངས་
པ་མྱུར་དུ་གདུག་པ་རྣམ་པ་སྣ་ཚོགས་ཀྱིས་གོས་པར་མི་འགྱུར་བའི་ཕྱིར་བར་སྣང་ལྟ་བུར་ཡང་འགྱུར་རོ། །སེམས་ནམ་མཁའ་དང་མཚུངས་པའི་ཕྱིར་མི་གནས་པར་ཡང་འགྱུར་
རོ༑ ༑དེ་བཞིན་གཤེགས་པའི་རྗེས་སུ་རབ་ཏུ་བྱུང་སྟེ་ཚུལ་ཁྲིམས་དང༌། སྟོབས་དང༌། ཡེ་ཤེས་དང་ལྡན་པའི་ཕྱིར་ཁ་བའི་ཕུང་པོ་ལྟ་བུའི་ཉོན་མོངས་སེལ་བའི་ཉི་མ་ལྟ་བུར་ཡང་འགྱུར་
རོ༑ ༑ལེགས་པར་སྨྲས་པ་ཡང་དག་པར་བླངས་པའི་ཕྱིར་གཞན་གྱི་དྲིང་མི་འཇོག་པར་ཡང་འགྱུར་རོ། །ཡེ་ཤེས་རྒྱ་མཚོ་དང་ལྡན་པའི་ཕྱིར་རྒྱ་མཚོ་དུག་ཅན་ལྟ་བུར་ཡང་འགྱུར་རོ། །དཀར་
པོའི་ཆོས་ཡོངས་སུ་རྫོགས་པར་བྱས་པའི་ཕྱིར་ཟླ་བ་ལྟ་བུར་ཡང་འགྱུར་རོ། །གཏི་མུག་གི་མུན་པ་སེལ་བའི་ཕྱིར་ཉི་མ་ལྟ་བུར་ཡང་འགྱུར་རོ། །ཉོན་མོངས་པས་འཁོར་བ་ལ་མངོན་པར་འཇུག་
ཅིང་འགྲོ་བའི་ཚེ་བར་སྣང་ལྟ་བུར་ཡང་འགྱུར་རོ། །དེ་དང་དེ་མངོན་པར་རྟོགས་པས་པདྨ་ལྟ་བུར་གོས་པ་མེད་པར་ཡང་འགྱུར་རོ། །སེམས་ནམ་མཁའ་དང་མཚུངས་པའི་ཕྱིར་མི་གནས་
པར་ཡང་འགྱུར་རོ། །ཆོས་ཐམས་ཅད་ལ་ངེས་པར་འབིགས་པའི་ཕྱིར་རྡོ་རྗེ་ལྟ་བུར་ཡང་འགྱུར་རོ། །དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང༌། ཐེར་ཟུག་པ་དང༌། བརྟན་
པ་ཐོས་ན་མི་གཡོ་བའི་ཕྱིར་རི་ལྟ་བུར་ཡང་འགྱུར་རོ། །དེ་བཞིན་གཤེགས་པའི་རིགས་དང་རྒྱུད་ལ་ཡེ་ཤེས་རྣམ་པར་དག་པའི་ཕྱིར་བཻ་ཌཱུཪྻ་ལྟ་བུར་ཡང་འགྱུར་རོ། །ཉོན་མོངས་པའི་རྙོག་པ་
སེལ་བའི་ཕྱིར་རྒྱ་མཚོ་དུག་ཅན་པའི་གསེར་གྱི་ཕ་བོང་ལྟ་བུར་ཡང་འགྱུར་རོ། །དེ་བཞིན་གཤེགས་པའི་རྟག་པ་དང༌། ཐེར་ཟུག་པ་དང༌། བརྟན་པའི་རང་བཞིན་མཐོང་བའི་ཕྱིར་ཟླ་བ་ལྟ་བུར་
ཡང་འགྱུར་རོ། །དེ་བཞིན་གཤེགས་པའི་ཆོས་ལས་མི་གཡོ་བའི་ཕྱིར་རི་ལྟ་བུར་ཡང་འགྱུར་རོ། །དེ་བཞིན་གཤེགས་པ་གཏན་དུ་མྱ་ངན་ལས་མི་འདའ་ཞིང་ཆོས་ནུབ་པར་མི་འགྱུར་བ་ཐོས་ན་
༄༅། །མི་གཡོ་བའི་ཕྱིར་སྒོའི་ཐེམ་པ་ལྟ་བུར་ཡང་འགྱུར་རོ། །ཡང་དག་པ་མཐོང་བའི་ཕྱིར་སེམས་བརྟན་ཞིང་གནས་པར་ཡང་འགྱུར་རོ། །སེམས་མི་ཕྱེད་པའི་ཕྱིར་རྡོ་
རྗེ་ལྟ་བུར་ཡང་འགྱུར་རོ། །མངོན་སུམ་དུ་ཡོན་ཏན་མང་པོ་འཐོབ་པ་མང་བར་ཡང་འགྱུར་རོ། །ངོ་ཚ་ཤེས་པ་དང་ཁྲེལ་ཡོད་པ་དང་ལྡན་པར་ཡང་འགྱུར་རོ། །མཛེས་པར་ཡང་འགྱུར་
རོ༑ ༑བལྟན་སྡུག་པར་ཡང་འགྱུར་རོ། །བརྐམ་པ་མེད་པར་ཡང་འགྱུར་རོ། །ལུས་ཆུང་ངུར་ཡང་མི་འགྱུར་རོ། །ཁ་དོག་བཟང་པོ་རྒྱས་པ་མཆོག་དང་ལྡན་པར་ཡང་འགྱུར་རོ། །རིགས་
མཐོན་པོར་སྐྱེ་བར་ཡང་འགྱུར་རོ། །རིགས་ཆེན་པོར་སྐྱེ་བར་ཡང་འགྱུར་རོ། །འཁོར་མང་བར་ཡང་འགྱུར་རོ། །འཁོར་མི་ཕྱེད་པར་ཡང་འགྱུར་རོ། །བླ་ན་མེད་པ་ཡང་དག་པར་
རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་ཉམས་པར་ཡང་མི་འགྱུར་རོ། །ཁ་ཟས་ལ་བརྐམ་པར་ཡང་མི་འགྱུར་རོ། །ཤའི་ཁ་ཟས་ཀྱང་རྣམ་པར་སྤོང་བར་ཡང་
འགྱུར་རོ། །བློ་གྲོས་དང་ལྡན་པར་ཡང་འགྱུར་རོ། །སྐྱེ་བོ་ཐམས་ཅད་ཀྱི་ཡིད་དུ་འོང་ཞིང་ཆེར་བཀུར་བར་ཡང་འགྱུར་རོ། །དྲན་པ་དང་ལྡན་པར་ཡང་འགྱུར་རོ། །གཟི་བྱིན་དང་ལྡན་
པར་ཡང་འགྱུར་རོ། །ཤེས་རབ་དང་ལྡན་པར་ཡང་འགྱུར་རོ། །དགའ་པ་དང་ལྡན་པར་ཡང་འགྱུར་རོ། །འཇིག་རྟེན་དང་མཐུན་པར་འཇུག་པར་ཡང་འགྱུར་རོ། །འཇིག་རྟེན་ལ་
ཕན་པར་འདོད་པར་ཡང་འགྱུར་རོ། །འཇིག་རྟེན་ལ་བདེ་བར་ཡང་འགྱུར་རོ། །འཇིག་རྟེན་གྱི་ཐུ་བོར་ཡང་འགྱུར་རོ། །འཇིག་རྟེན་གྱི་གཙོ་བོར་ཡང་འགྱུར་རོ། །འཇིག་རྟེན་གྱི་མཆོག་ཏུའང་འགྱུར་
རོ། །འཇིག་རྟེན་གྱི་རབ་ཏུའང་འགྱུར་རོ། །འཇིག་རྟེན་ཐམས་ཅད་ཀྱིས་ཕྱག་བྱ་བར་འོས་པར་ཡང་འགྱུར་རོ། །འཇིག་རྟེན་ཐམས་ཅད་ཀྱི་མཆོད་པའི་གནས་སུའང་འགྱུར་རོ། །སྦྱིན་བདག་
ཆེན་པོར་ཡང་འགྱུར་རོ། །སྟོབས་ཆེན་པོ་དང་ལྡན་པར་ཡང་འགྱུར་རོ། །དཔའ་པོ་ཆེན་པོར་ཡང་འགྱུར་རོ། །བརྩོན་འགྲུས་ཆེན་པོ་དང་ལྡན་པར་ཡང་འགྱུར་རོ། །བྱམས་པའི་སེམས་དང་ལྡན་པར་
ཡང་འགྱུར་རོ། །བདེན་པ་སྨྲ་བར་ཡང་འགྱུར་རོ། །བརྟུལ་ཞུགས་བརྟན་པར་ཡང་འགྱུར་རོ། །བརྩོན་འགྲུས་བརྩམས་པར་ཡང་འགྱུར་རོ། །བྱམས་པ་ལ་གནས་པར་ཡང་འགྱུར་རོ། །སྙིང་
རྗེ་ལ་གནས་པར་ཡང་འགྱུར་རོ། །དགའ་བ་ལ་གནས་པར་ཡང་འགྱུར་རོ། །བཏང་སྙོམས་ལ་གནས་པར་ཡང་འགྱུར་རོ། །སྟོང་པའི་ཆོས་རྣམས་ལ་སྟོང་པར་སྨྲ་བར་ཡང་འགྱུར་རོ། །སྟོང་པ་མ་ཡིན་
པའི་ཆོས་རྣམས་ལ་སྟོང་པ་མ་ཡིན་པར་སྨྲ་བར་ཡང་འགྱུར་རོ། །སངས་རྒྱས་ཀྱི་ཆོས་ཀྱི་དོན་རྟགས་སྨྲ་བར་ཡང་འགྱུར་རོ། །སངས་རྒྱས་ཀྱི་དེ་ཁོ་ནའི་ཆོས་ཀྱི་ལྟ་བ་སྨྲ་བར་ཡང་འགྱུར་རོ། །གཙང་
བར་ཡང་འགྱུར་རོ། །གཙང་མས་ཕྱུག་པར་ཡང་འགྱུར་རོ། །ཡོན་ཏན་གྱིས་ཕྱུག་པར་ཡང་འགྱུར་རོ། །ཚུལ་ཁྲིམས་ཀྱིས་ཕྱུག་པར་ཡང་འགྱུར་རོ། །ཆོས་ཀྱིས་ཕྱུག་པར་ཡང་འགྱུར་རོ། །
༄༅། །དབྲོག་ཏུ་མེད་པའི་རྫས་ཀྱིས་ཕྱུག་པར་ཡང་འགྱུར་རོ། །སྐྱེ་བོ་དབུལ་པོ་སློང་བ་ལ་སོགས་པ་ལ་གཏེར་ལྟ་བུར་ཡང་འགྱུར་རོ། །སྟོང་པ་ཉིད་དང༌། མཚན་མ་མེད་
པ་དང༌། སྨོན་པ་མེད་པའི་ཆོས་རྣམས་སྟོན་པ་ན་མི་སྐྲག་མི་དངང་ཞིང་དངང་བར་ཡང་མི་འགྱུར་རོ། །སངས་རྒྱས་ཀྱི་ཞིང་གང་དང་གང་དུ་སྐྱེ་བར་བྱ་བར་སེམས་བསྐྱེད་པ་དེ་དང་དེར་
སྐྱེ་བར་ཡང་འགྱུར་རོ། །རྙེད་པ་དང༌། བཀུར་སྟི་དང༌། ཚིགས་སུ་བཅད་པ་དོན་དུ་མི་གཉེར་བར་ཡང་འགྱུར་རོ། །ཚུལ་ཁྲིམས་འཆལ་བ་རྣམས་བསྡུས་ནས་དམ་པའི་ཆོས་ལ་
དགོད་པར་འགྱུར་རོ། །ཚུལ་ཁྲིམས་འཆལ་བ་གཡོ་སྒྱུ་དང་ལྡན་པ་རྣམས་ལ་ཐོག་ཏོག་ལྟ་བུར་ཡང་འགྱུར་རོ། །དེ་བཞིན་གཤེགས་པ་ལ་བྱས་པ་མི་གཟོ་བ་རྣམས་བྱས་པ་གཟོ་
བ་ལ་ཡང་དག་པར་སྤྱོད་པར་ཡང་འགྱུར་རོ། །མུ་སྟེགས་ཅན་གྱི་གནས་ཐམས་ཅད་དུ་མི་འཕྲོག་པར་ཡང་འགྱུར་ཞིང་སླར་དེ་ལ་ཐབས་དང་ལྡན་པར་ཡང་འགྱུར་རོ། །དགེ་སྦྱོང་དང༌།
བྲམ་ཟེ་དང༌། མུ་སྟེགས་ཅན་ཕས་ཀྱི་རྒོལ་བ་མང་པོ་དག་གིས་ཕུག་རྡུགས་སུ་མི་ཆུད་ཅིང་སླར་དེ་ལ་ཐབས་ཀྱིས་སྟོན་པར་ཡང་འགྱུར་རོ། །མུ་སྟེགས་ཅན་གྱི་གནས་ཐམས་ཅད་
ཀྱི་གསང་ཚིག་རྣམས་ལ་འདུན་པར་མི་འགྱུར་ཞིང་སླར་དེ་ལ་ཐབས་ཀྱིས་འདྲེན་པར་བྱེད་པར་ཡང་འགྱུར་རོ། །ལྷ་དང༌། ཀླུ་དང༌། གནོད་སྦྱིན་དང༌། དྲི་ཟའི་གནས་ཐམས་ཅད་ལ་
རྟེན་པར་མི་འགྱུར་ཞིང་སླར་དེ་ལ་ཐབས་ཀྱིས་ཡང་དག་པར་རྟེན་པ་ལྟ་བུར་ཡང་འགྱུར་རོ། །ལས་ལ་རྟེན་པར་འགྱུར་གྱི་བཀྲ་ཤིས་དང༌། དགེ་མཚན་ལ་རྟེན་པར་ཡང་མི་འགྱུར་རོ། །སྲོག་གཅོད་
པ་བྱེད་ཀྱང་སྲོག་གཅོད་པ་སྤངས་པར་འགྱུར་རོ། །མེ་ཏོག་ཕྲེང་བ་དང༌། སྤོས་དང༌། བྱུག་པ་དང༌། ཕྱེ་མས་གདབ་པ་དང༌། ཁྱིམ་པའི་ལོངས་སྤྱོད་དང༌། ཡོངས་སུ་སྤྱད་པ་རྣམ་པ་དུ་མ་དག་དང༌།
ཆུང་མ་དང་ལྷན་ཅིག་ཏུ་འདོད་པའི་ཡོན་ཏན་སྤྱོད་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་རོ། །སྲོག་གཅོད་པ་དང༌། རྐུ་འཕྲོག་བྱེད་པ་དང༌། རྫུན་ཚིག་དང༌། ཆང་འཐུང་བ་ལ་སོགས་པ་
སྟོན་ཅིང་ལས་རྣམས་བྱེད་ལ། བུ་དང༌། ཆུང་མ་རྣམས་སྟོན་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་མཆོད་པར་ཡང་འགྱུར་རོ། །དེ་
བཞིན་གཤེགས་པ་ཐམས་ཅད་ཀྱིས་རྗེད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཆེར་བཀུར་བར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་སྡུག་
པར་བྱ་བའི་སྲས་སུའང་འགྱུར་རོ། །དེ་བཞིན་གཤེགས་པ་ཐམས་ཅད་ལ་བྱས་པ་གཟོ་བའི་བགོ་སྐལ་ལ་སྤྱོད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་མཚུངས་
པའི་ཆོས་ཀྱི་དེ་ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་དང་ཡེ་ཤེས་ཀྱི་ཡང་དག་པར་རྟོག་པ་མཚུངས་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་ཆོས་གསང་བ་
༄༅། །རྣམ་པ་མང་པོ་ལུང་བསྟན་པའི་ཡུལ་ལ་སྤྱིས་བཙན་པའི་རྒྱལ་པོར་ཡང་འགྱུར་རོ། །སངས་རྒྱས་ཐམས་ཅད་ཀྱི་གསང་བའི་ཆོས་སྟོན་པ་རྣམ་པ་དུམ་རྗོད་པར་ཡང་
འགྱུར་རོ། །སངས་རྒྱས་ཐམས་ཅད་ཀྱིས་བཞེད་པའི་ང་རྒྱལ་ལ་གནས་པའི་ཡུལ་ལ་མཁས་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་འདོད་ཆགས་མེད་པ་དང༌། དྲི་མ་མེད་པ་
དང༌། བདག་དང༌། སེམས་ཅན་མེད་པ། གསོ་བ་མེད་པ། འཇིགས་པ་མེད་པ་གསང་བ་རྣམ་པ་མང་པོའི་ཆོས་སྟོན་པའི་རང་བཞིན་དག་ལ་རིན་པོ་ཆེ་ལྟ་བུར་ཡང་འགྱུར་རོ། །སངས་
རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་འདོད་ཆགས་དང༌། ཞེ་སྡང་དང༌། གཏི་མུག་དང༌། འཇིགས་པའི་ཆོས་ཀྱི་ཕྱོགས་ཐམས་ཅད་ལ་འཇུག་པ་ཡང་དག་པར་མཐོང་
པར་ཡང་འགྱུར་རོ། །སངས་རྒྱས་ཐམས་ཅད་ཡུན་རིང་པོ་བསྐལ་བ་བྱེ་བ་བགྲངས་པ་མང་པོ་ནས་རྒལ་ནས་ཉོན་མོངས་པའི་རྒྱ་མཚོ་ལས་གྲོལ་བར་མཛད་པའི་གསང་བ་ཐམས་ཅད་ཀྱི་དེ་
ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་ཉོན་མོངས་པའི་རྒྱ་མཚོར་སྐྱེ་བར་བསྟན་ཏེ། རྒལ་ནས་བསྒྲལ་བར་བྱའོ། །གྲོལ་ནས་དགྲོལ་
བར་བྱའོ་སྙམ་ནས་བསྟན་པའི་གསང་བའི་ཁྱད་པར་གྱི་སྒོའི་རང་བཞིན་དག་མཐོང་བར་ཡང་འགྱུར་རོ། །སངས་རྒྱས་ཐམས་ཅད་ཀྱིས་ཡུན་རིང་པོ་བསྐལ་བ་བྱེ་བ་བགྲངས་པ་མང་པོ་
འདས་པ་ནས་བདུད་བྱེ་བ་རབ་ཏུ་བཅོམ་པའི་རྣམ་པ་གསང་བ་འདི་ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་བྱང་ཆུབ་ཀྱི་ཤིང་དྲུང་དུ་བདུད་འདུལ་
བའི་གསང་པའི་ཁྱད་པར་གྱི་སྒོའི་རང་བཞིན་སྟོན་པ་ལྟ་བུར་བཅོས་པ་ལེགས་པར་མཐོང་བར་ཡང་འགྱུར་རོ། །ཐབས་ཀྱིས་ཆོས་ཀྱི་འཁོར་ལོ་བསྐོར་བ་དང༌། ཐབས་ཀྱིས་ཡོངས་སུ་མྱ་ངན་ལས་
འདས་པས་བུར་བཅོས་པའི་དེ་ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་རོལ་པའི་གསང་བའི་རྒྱལ་པོའི་མཆོག་ཏུའང་འགྱུར་རོ། །སངས་རྒྱས་ཐམས་ཅད་ཀྱི་ཡུལ་བསམ་
གྱིས་མི་ཁྱབ་པ། མཚུངས་པ་མེད་པ་དང༌། དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ། །སྤྲིན་ཆེན་སྙིང་པོ།
བསམ་གྱིས་མི་ཁྱབ་པར་འགྲོ་བར་འཇུག་པ་ལ་གནས་པའི་རྣམ་པར་འཕྲུལ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་གང་ཡིན་པའི་ཏིང་ངེ་འཛིན་དེ་དང་ལྡན་པའི་བྱང་ཆུབ་སེམས་དཔའ་
སེམས་དཔའ་ཆེན་པོ་རྣམས་ནི། ཏིང་ངེ་འཛིན་གྱི་རྒྱ་མཚོར་ཡང་འགྱུར་རོ། །ཏིང་ངེ་འཛིན་ཡང་དག་པར་གསོག་པར་ཡང་འགྱུར་རོ། །ཐོས་པའི་རྒྱ་མཚོར་ཡང་འགྱུར་རོ། །ཐོས་པ་ཡང་
དག་པར་གསོག་པར་ཡང་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་ཟ་ཞིང་ཡིད་གཉིས་མེད་དེ། ཐེ་ཚོམ་ཟ་བར་ཡང་མི་འགྱུར་རོ། །མི་ཁོམ་པ་རྣམས་སུ་སྐྱེ་
༄༅། །པར་ཡང་མི་འགྱུར་རོ། །ཚེ་རབས་དྲན་པར་ཡང་འགྱུར་རོ། །འཁོར་བའི་ལས་ཀྱི་ཞིང་གི་རྒྱ་མཚོ་ལ་སྲེད་པར་ཡང་མི་འགྱུར་རོ། །ཚེ་རབས་ཐམས་ཅད་དུ་ཐ་ན་
རྨི་ལམ་ན་ཡང་སངས་རྒྱས་མཐོང་བ་དང་འབྲལ་བར་ཡང་མི་འགྱུར་རོ། །སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ།
དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ། །སྤྲིན་ཆེན་སྙིང་པོ། ཏིང་ངེ་འཛིན་བཞི་བརྒྱ་པོ་འདི་དང་ལྡན་པའི་
བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཏིང་ངེ་འཛིན་གྱི་རྒྱ་མཚོར་ཡང་འགྱུར་རོ། །ཏིང་ངེ་འཛིན་ཡང་དག་པར་གསོག་པར་ཡང་འགྱུར་རོ། །ཐོས་པའི་རྒྱ་མཚོར་ཡང་
འགྱུར་རོ། །ཐོས་པ་ཡང་དག་པར་གསོག་པར་ཡང་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་ཟ་ཞིང་ཡིད་གཉིས་མེད་དེ། ཐེ་ཚོམ་མི་ཟ་བར་ཡང་འགྱུར་
རོ༑ ༑མི་ཁོམ་པ་རྣམས་སུ་སྐྱེ་བར་ཡང་མི་འགྱུར་རོ། །སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས་
མེད་པ༑ དཔག་ཏུ་མེད་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ། །སྤྲིན་ཆེན་སྙིང་པོ། ཏིང་ངེ་འཛིན་གྱི་སྒོ་བཞི་བརྒྱ་པོ་དེ་བཞིན་གཤེགས་པ་རྣམས་དང༌། བྱང་
ཆུབ་སེམས་དཔའ་རྣམས་ཀྱི་དམ་པའི་ཆོས་མི་ཟད་པའི་གཏེར་རིན་པོ་ཆེའི་ཡན་ལག་གི་སྒོ་གང་ཡིན་པ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་
གྱི་རྒྱ་མཚོར་ཡང་འགྱུར་རོ། །ཏིང་ངེ་འཛིན་ཡང་དག་པར་གསོག་པར་ཡང་འགྱུར་རོ། །ཐོས་པའི་རྒྱ་མཚོར་ཡང་འགྱུར་རོ། །ཐོས་པ་ཡང་དག་པར་གསོག་པར་འགྱུར་རོ། །བླ་ན་མེད་པ་ཡང་དག་པར་
རྫོགས་པའི་བྱང་ཆུབ་ལ་སོམ་ཉི་མི་ཟ་ཞིང་ཡིད་གཉིས་མེད་དེ། ཐེ་ཚོམ་ཟ་བར་ཡང་མི་འགྱུར་རོ། །མི་ཁོམ་པ་རྣམས་སུ་སྐྱེ་བར་ཡང་མི་འགྱུར་རོ། །སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་
ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ། །འཇིག་རྟེན་དང་མཐུན་པར་
འཇུག་པའི་ཡུལ་ཤེས་པར་ཡང་འགྱུར་རོ། །དེ་ནས་དེའི་ཚེ་འཁོར་ཆེན་པོའི་ནང་ནས་ལྷའི་བུ་དྲི་མ་མེད་པའི་འོད་ཀྱི་ཕྲེང་བ་ཅན་ཞེས་བྱ་བ་ལྷའི་བུ་ས་ཡ་དང་བརྒྱད་འབུམ་དང་ལྷན་ཅིག་ཏུ་སྟན་
ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ་བུས་མོ་གཡས་པའི་ལྷ་ང་ས་ལ་གཙུགས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ཀྱི་ཞབས་
ལ་མགོ་བོས་ཕྱག་བཙལ་ནས་ལྷའི་མེ་ཏོག་དང༌། ཙནྡན་གྱི་ཕྱེ་མས་བསྒོས་པ་དག་གིས་དེ་བཞིན་གཤེགས་པ་ལ་མངོན་པར་གཏོར་ཏེ། རང་རང་གི་བླ་གོས་བཅོམ་ལྡན་འདས་ཀྱི་སྐུ་ལ་གསོལ་
༄༅། །ནས་ཁ་མཐུན་པར་ཚིགས་སུ་བཅད་པ་འདི་སྨྲས་སོ། །ཀྱེ་མ་བཅོམ་ལྡན་སངས་རྒྱས་ནི། །བསམ་ཡས་དཔག་མེད་དེ་བཞིན་གཤེགས། །སེམས་ཅན་རྣམས་ལ་
སྨན་སླད་དུ། །ཆར་ཆེན་རྣམ་པ་སྣ་ཚོགས་འབེབས། །ཏིང་ངེ་འཛིན་གྱི་ལེའུ་ཞེས་བྱ་སྟེ། གཉིས་པའོ།། །།འཕགས་པ་སྤྲིན་ཆེན་པོའི་མདོ། བམ་པོ་ལྔ་པ། དེ་ནས་བཅོམ་
ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་འདི་སྐད་ཅེས་གསོལ་ཏེ། ཤིན་ཏུ་རྒྱས་པ་ཆེན་པོ་ལས་ཕྱི་རོལ་པ་འོན་པ་ལྟ་བུར་གྱུར་པ་རྣམས་ཀྱི་ཐེག་པ་
ཆེན་པོའི་རྣ་བའི་ཁམས་ཡོངས་སུ་རྫོགས་པར་བགྱི་བའི་སླད་དུ་བཅོམ་ལྡན་འདས་ཀྱིས་ཕྱིར་མི་ལྡོག་པའི་ཡེ་ཤེས་མཐའ་ཡས་པ་རིན་པོ་ཆེའི་འབྱུང་གནས་ལ་མངོན་པར་འཇུག་པ་ཞེས་
བགྱི་བའི་གཟུངས་ཀྱི་ཆོས་ཀྱི་སྒོའི་གཞི་སུམ་ཅུ་རྩ་དྲུག་སྔར་སྨོས་ཏེ་བཞག་པ་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། ཕྱིར་མི་ལྡོག་
པའི་ཡེ་ཤེས་མཐའ་ཡས་པ་རིན་པོ་ཆེའི་འབྱུང་གནས་ལ་མངོན་པར་འཇུག་པ་ཞེས་བྱ་བའི་གཟུངས་ཀྱི་ཆོས་ཀྱི་སྒོ་སུམ་ཅུ་རྩ་དྲུག་རྒྱ་ཆེར་ཉོན་ཅིག །སྤྲིན་ཆེན་སྙིང་པོ། སྤྲིན་ཆེན་པོའི་མདོ་
ཡུལ་བསམ་གྱིས་མི་ཁྱབ་པ་ལ་དེ་བཞིན་གཤེགས་པ་རྣམས་དང༌། བྱང་ཆུབ་སེམས་དཔའ་རྣམས་ཀྱི་ཕྱིར་མི་ལྡོག་པའི་འཁོར་ལོ་རིན་པོ་ཆེའི་མཛོད་ཅེས་བྱ་བའི་གཟུངས་དང༌། ཕྱིར་
མི་[?] ལྡོག་པའི་སྤྲིན་ཆེན་པོ་དྲི་མ་མེད་པའི་སྙིང་པོའི་ཆུ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་སྙིང་པོ་སྣང་བ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་ཆུའི་བློ་
གྲོས་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་ཆུའི་རྒྱུན་ཅེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་ཟད་མི་ཤེས་པའི་བློ་གྲོས་ཞེས་བྱ་བའི་གཟུངས་དང༌། ཕྱིར་
མི་ལྡོག་པའི་སྤྲིན་ཆེན་པོའི་གློག་གི་འོད་མྱུར་པ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་སྙིང་པོའི་གློག་གི་འོད་དཔག་ལྡན་པ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་
སྤྲིན་ཆེན་པོའི་དྲི་མ་མེད་པའི་འོད་ཅེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་ཏོག་གི་བློ་གྲོས་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་སྙིང་པོ་གཏེར་
གྱི་རྒྱལ་པོའི་འོད་འཕྲོ་བའི་བློ་གྲོས་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་གློག་གི་སྒྲ་སྒྲོག་པ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་མྱུར་བའི་
དཔལ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་ནམ་མཁའི་རྒྱལ་པོ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་སྨན་གྱི་རྒྱལ་པོ་ཆེན་པོ་ཞེས་བྱ་བའི་གཟུངས་
དང༌། ཕྱིར་མི་ལྡོག་པའི་སྤྲིན་ཆེན་པོ་ཆར་འབབ་པའི་མཚོའི་རྒྱལ་པོ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་ཀུན་ཏུ་རྒྱས་པར་བྱེད་པ་ཞེས་བྱ་བའི་གཟུངས་དང༌། ཕྱིར་མི་
༄༅། །ལྡོག་པའི་སྤྲིན་ཆེན་པོ་ཏི་སེའི་གངས་ཅན་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་ནམ་མཁའི་བློ་གྲོས་ཞེས་བྱ་བའི་གཟུངས་དང༌། ཕྱིར་མི་ལྡོག་
པའི་སྤྲིན་ཆེན་པོ་མངོན་པར་འཕགས་པའི་རྒྱལ་པོ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་དུས་ཚོད་ཀྱི་རྒྱལ་པོ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་
པོ་ངང་པ་དགའ་བའི་སྐད་འབྱིན་པ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་ཡེ་ཤེས་ཀྱི་རླུང་གི་ཕྱག་རྒྱ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་ཟབ་མོའི་
བློ་གྲོས་བརྩོན་འགྲུས་རྒྱལ་པོ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་ས་བོན་གྱི་ཆར་འབེབས་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་སའི་ཕྲེང་བ་ཅན་ཞེས་
བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་དགའ་བར་བྱེད་པའི་རླུང་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་སྣང་བའི་བློ་གྲོས་ཞེས་བྱ་བའི་གཟུངས་དང༌། ཕྱིར་
མི་ལྡོག་པའི་སྤྲིན་ཆེན་པོ་གཡོ་བར་བྱེད་པ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་སྙིང་པོ་ཚུལ་གྱིས་རྣམ་པར་བརྒྱན་པའི་རྒྱལ་པོ་ཞེས་བྱ་བའི་གཟུངས་དང༌། ཕྱིར་
མི་ལྡོག་པའི་སྤྲིན་ཆེན་པོའི་སྙིང་པོའི་མཛོད་ཅེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་སྙིང་པོའི་ཆུའི་སྟོན་པ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་
པོ་ཟད་མི་ཤེས་པའི་ཆུ་སྲུང་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་ཆུའི་ཀུ་མུ་དའི་ཟླ་བ་ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོའི་སྙིང་པོའི་གཞི་འཛིན་པ་
ཞེས་བྱ་བའི་གཟུངས་དང༌། ཕྱིར་མི་ལྡོག་པའི་སྤྲིན་ཆེན་པོ་བསམ་གྱིས་མི་ཁྱབ་པའི་བློ་གྲོས་རྒྱ་མཚོའི་རྒྱལ་པོ་ཞེས་བྱ་བའི་གཟུངས་ཡོད་དོ། སུམ་ཅུ་རྩ་དྲུག་པོ་དེ་དག་ནི། ཕྱིར་མི་ལྡོག་པའི་ཡེ་
ཤེས་མཐའ་ཡས་པ་རིན་པོ་ཆེའི་འབྱུང་གནས་ལ་མངོན་པར་འཇུག་པ་ཞེས་བྱ་བའི་གཟུངས་ཀྱི་སྒོ་སྟེ། དེ་དག་དང་ལྡན་པའི་བྱང་ཆུབ་སེམས་དཔའ་ནི། རྩིས་མཁན་གྱི་རྒྱལ་པོར་འགྱུར་རོ།།
དེ་ནས་དེའི་ཚེ་འཁོར་ཆེན་པོའི་ནང་ནས་ལྷ་མོ་རིན་པོ་ཆེའི་ཕྲེང་པའི་གཟུངས་ལ་དགའ་བ་ཞེས་བྱ་བ་ཏ་ལ་བདུན་སྲིད་ཙམ་དུ་བར་སྣང་ལ་འདུག་སྟེ་བཅོམ་ལྡན་འདས་ལ་མེ་ཏོག་གི་ཆར་རབ་ཏུ་ཕབ་
ནས་ཚིགས་སུ་བཅད་པ་འདི་དག་སྨྲས་སོ། །ཡེ་ཤེས་དཔའ་བོ་ཆེན་པོ་མི་མཉམ་མཉམ། །དེ་བཞིན་གཤེགས་པ་རྡོ་རྗེ་སྲ་བའི་སྐུ། །རིག་པའི་རྒྱལ་པོ་སྒྱུ་འཕྲུལ་ཆེན་པོ་པ། །མེ་ཡི་པདྨ་ཁྱོད་
ལ་ཕྱག་འཚལ་ལོ། །གཟུངས་སོ་ཅོག་གིས་འབྲུག་གི་སྒྲ་བསྒྲགས་ཏེ། །དེ་བཞིན་གཤེགས་པས་ཆོས་ཆར་རབ་ཏུ་ཕབ། །སེམས་ཅན་རྣམས་ལ་ཕན་པ་མཛད་སླད་དུ། །ཆོས་རྣམས་སྣ་
ཚོགས་རབ་ཏུ་སྟོན་པ་མཛད། །གཟུངས་ཀྱི་གླེང་གཞིའི་ལེའུ་ཞེས་བྱ་སྟེ། གསུམ་པའོ།། །།སྤྲིན་ཆེན་སྙིང་པོས་གསོལ་པ། སེམས་ཅན་མི་གསལ་ཞིང་གླེན་ལ་སེམས་རྟུལ་
༄༅། །བ༑ མུན་པ་ཆེན་པོར་ཞུགས་པ་རྣམས་ལ་བཅོམ་ལྡན་འདས་དེ་བཞིན་གཤེགས་པའི་ལྡེམ་པོ་དག་ཤེས་པའི་སྒྲོན་མའི་འོད་ཟེར་ཕྲ་མོ་རབ་ཏུ་དགྱེས་པར་གསོལ།
བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། ལྡེམ་པོ་ངག་གི་གཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ་ཅན་གྱི་ཆོས་ཐབས་ཀྱི་རྒྱུན་གྱི་རྣམ་པར་ཐར་པའི་སྒོ་ཉི་ཤུ་
རྩ་གསུམ་རྒྱས་པ་རབ་ཏུ་འབར་བར་གྱིས་ཤིག་སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་བདག་ཏུ་འཛིན་ཅིང་བདག་གིར་འཛིན་ལ། བདག་ཏུ་འཛིན་པ་མེད་ཅིང་བདག་གིར་འཛིན་པ་
མེད་པ་ཞེས་བྱ་བའི་ལྡེམ་པོ་དག་གམ། གཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ་ཅན་གྱི་ཆོས་ཀྱི་ཐབས་ཀྱི་རྒྱུན་གྱི་རྣམ་པར་ཐར་པའི་སྒོ་དང༌། འཇིགས་པའི་ཚུལ་དང༌།
ཕལ་བའི་ཚུལ་དུ་འཇུག་ལ་འཇིགས་པ་མེད་པ་ཞེས་བྱ་བ་དང༌། འདོད་ཆགས་ཀྱི་སྦྱོར་བ་ཡོད་ལ་འདོད་ཆགས་དང་བྲལ་བ་ཞེས་བྱ་བ་དང༌། སྐྱོན་དང་སྐྱོན་རབ་དང་ལྡན་ལ་སྐྱོན་མེད་པ་
ཞེས་བྱ་བ་དང༌། གཏི་མུག་ཅིང་རབ་ཏུ་གཏི་མུག་ཀྱང་མེད་པ་ཞེས་བྱ་བ་དང༌། འདོད་ཆགས་ཤིང་རབ་ཏུ་འདོད་ཆགས་ལ་འདོད་ཆགས་དང་བྲལ་བ་ཞེས་བྱ་བ་དང༌། ཆགས་ཤིང་ཤིན་
ཏུ་ཆགས་ལ་ཆགས་པ་མེད་པ་ཞེས་བྱ་བ་དང༌། ཞེན་ཅིང་ཤིན་ཏུ་ཞེན་ལ་ཞེན་པ་མེད་པ་ཞེས་བྱ་བ་དང༌། སྐྱོན་ཆགས་ཤིང་རབ་ཏུ་སྐྱོན་ཆགས་ལ་སྐྱོན་ཆགས་པ་མེད་པ་ཞེས་བྱ་བ་དང༌།
མུན་ནག་ཅིང་ཤིན་ཏུ་ནག་ལ་རབ་ཏུ་སྣང་བ་ཞེས་བྱ་བ་དང༌། རྟུལ་ཞིང་རབ་ཏུ་རྟུལ་ལ་ཤིན་ཏུ་རྣོ་བ་ཞེས་བྱ་བ་དང༌། གཅོད་ཅིང་འབྱེད་ལ་ཤིན་ཏུ་སྙིང་བརྩེ་བ་ཞེས་བྱ་བ་དང༌། བརླང་ཞིང་ཤིན་
ཏུ་སྡིག་བྱེད་ལ་བྱམས་པ་ལ་སོགས་པ་དང་ལྡན་པ་ཞེས་བྱ་བ་དང༌། སྦྱིན་པ་ལ་སྨོད་ཅིང་རབ་ཏུ་སྨོད་ལ་སྦྱིན་པ་བསྔགས་པར་སྐྱེད་པ་ཞེས་བྱ་བ་དང༌། སྨད་ཅིང་ཤིན་ཏུ་སྨད་ལ་སྨད་དུ་མེད་པ་
ཞེས་བྱ་བ་དང༌། རྟག་ཏུ་བདག་བསྟོད་ཅིང་གཞན་སྨོད་ལ་ལས་ཀྱང་རྣམ་པར་དག་པ་ཞེས་བྱ་བ་དང༌། ཆགས་ཤིང་རབ་ཏུ་ཆགས་ལ་ཆགས་པའང་མེད་པ་ཞེས་བྱ་བ་དང༌། མི་མཉམ་ཞིང་
ཤིན་ཏུ་མི་མཉམ་ལ་མི་མཉམ་པའང་མ་ཡིན་པ་ཞེས་བྱ་བ་དང༌། སྡུག་བསྔལ་ཞིང་མི་བདེ་ལ་བདེ་བ་ཞེས་བྱ་བ་དང༌། སྟོང་ཞིང་ཤིན་ཏུ་སྟོང་ལ་སྟོང་པ་མ་ཡིན་པ་ཞེས་བྱ་བ་དང༌། མི་རྟག་ཅིང་
ཤིན་ཏུ་མི་རྟག་ལ་ཤིན་ཏུ་རྟག་པ་ཞེས་བྱ་བ་དང༌། བདག་མེད་པར་གྱུར་ལ་ཤིན་ཏུ་བདག་ཉིད་དུ་གྱུར་པ་ཞེས་བྱ་བ་དང༌། མི་སྡུག་ཅིང་ཤིན་ཏུ་མི་སྡུག་ལ་ཤིན་ཏུ་སྡུག་པ་ཞེས་བྱ་བ་ཡོད་དེ།
ཉི་ཤུ་རྩ་གསུམ་པོ་དེ་དག་ནི། ལྡེམ་པོ་ངག་གི་གཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ་ཅན་གྱི་ཆོས་ཀྱི་ཐབས་ཀྱི་རྒྱུན་གྱི་རྣམ་པར་ཐར་པའི་སྒོ་ཡིན་ནོ། །དེ་ནས་དེའི་ཚེ་འཁོར་ཆེན་པོའི་
ནང་ནས་ལྷའི་བུ་སྐྱེ་བོ་ཐམས་ཅད་དགའ་བ་ཞེས་བྱ་བས་བཅོམ་ལྡན་འདས་ལ་ལྷའི་མཆོད་པ་ཆེན་པོ་བྱས་ནས་ཚིགས་སུ་བཅད་པ་འདི་སྨྲས་སོ། །ཀྱེ་མ་དེང་[?] ནི་ཉན་ཐོས་ཀུན། །མྱོས་པར་བྱེད་
༄༅། །པའི་རྒྱ་ཆེན་བྱུང༌། །སེམས་ཅན་རྣམས་ལ་སྨན་སླད་དུ། །ལྷ་ཆེན་མཐའ་ཡས་གཟུགས་མངའ་བ། །དེ་བཞིན་གཤེགས་པའི་ལྡེམ་པོ་དག །ཐུགས་སུ་ཆུད་ནས་
སྟོན་པ་མཛད། །ལྡེམ་པོ་ངག་གི་གླེང་གཞིའི་ལེའུ་ཞེས་བྱ་སྟེ། བཞི་པའོ།། །།སྤྲིན་ཆེན་སྙིང་པོས་གསོལ་པ། སྲིད་པར་སྐྱེ་བས་རྩེ་བའི་རྣམ་པ་ལ་འཇུག་ཅིང་གནས་པ་བགྲོད་
པའི་གསང་བ་བཀོད་པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ།
སྤྲིན་ཆེན་པོའི་མདོ་ལ་སྲིད་པར་སྐྱེ་བས་རབ་ཏུ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། སྲིད་པར་སྐྱེ་བ་ལ་འདོད་ཅིང་བློ་གྲོས་དད་པ་ཞེས་བྱ་བ་དང༌། སྲིད་པར་སྐྱེ་བ་ལ་སྲོད་པ་
ཞེས་བྱ་བ་དང༌། སྲིད་པར་སྐྱེ་བ་ལ་བརྩམ་པ་མེད་པ་ཞེས་བྱ་བ་དང༌། སྲིད་པར་སྐྱེ་བ་ལ་རབ་ཏུ་དད་པ་ཞེས་བྱ་བ་དང༌། སྲིད་པར་སྐྱེ་བར་སྨོན་པ་ལ་མཁས་པ་ཞེས་བྱ་བ་དང༌། སྲིད་
པར་སྐྱེ་བའི་བསྔགས་པ་བརྗོད་པ་ཞེས་བྱ་བ་དང༌། སྲིད་པར་སྐྱེ་བ་ལ་དམིགས་པའི་རྒྱལ་པོ་ཞེས་བྱ་བ་དང༌། སྲིད་པར་སྐྱེ་བ་ལ་མཁས་པའི་དབང་ཕྱུག་རྒྱལ་པོ་ཞེས་བྱ་བ་དང༌།
སྲིད་པར་སྐྱེ་བ་ན་མི་དགེ་བའི་ཕྱོགས་ཀྱི་ཆོས་རྣམས་ཀྱིས་མ་གོས་པར་གནས་ཤིང་འཇུག་པ་གསང་བའི་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡོད་དེ། བཅུ་པོ་དེ་དག་ནི། སྲིད་
པར་སྐྱེ་བས་རྩེ་བའི་རྣམ་པ་ལ་འཇུག་ཅིང་གནས་པ་བགྲོད་པའི་གསང་བ་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་རྒྱ་ཆེར་དགའ་བ་ཞེས་བྱ་བས་བཅོམ་ལྡན་འདས་ལ་
མཆོད་པའི་ལས་བྱས་ནས་ཚིགས་སུ་བཅད་པ་འདི་དག་སྨྲས་སོ། །མ་སྐྱེས་ཁྱོད་ལ་ཕྱག་འཚལ་ལོ། །དེ་བཞིན་གཤེགས་པ་ཐབས་ཀྱི་སྐུ། །སྲིད་པར་སྐྱེ་བ་སྣ་ཚོགས་པ། །དྲི་མེད་ཐམས་ཅད་ཐུབ་
པས་བསྟན། །དཔའ་བོ་ཆེན་པོ་རྟག་པའི་སྐུ། །སྲིད་སྐྱེའི་དགྱེས་པ་རྒྱ་མཚོར་མངའ། །གོས་པ་མེད་པའི་དེ་བཞིན་གཤེགས། །འཁོར་བ་དག་ནི་དགེ་བར་བཞེད། །སྲིད་པར་སྐྱེ་བའི་གླེང་གཞིའི་ལེའུ་
ཞེས་བྱ་སྟེ། ལྔ་པའོ།། །།སྤྲིན་ཆེན་སྙིང་པོས་གསོལ་པ། འཁོར་བའི་ཉོན་མོངས་པའི་ཞིང་གི་ལས་ཀྱིས་ཐོབ་པར་བགྱི་བའི་སླད་དུ་སེམས་ཀྱིས་ཡང་དག་པར་ལེན་པའི་རྣམ་པར་
གྲོལ་བའི་སྨོན་ལམ་གསང་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། དེ་བཞིན་གཤེགས་པས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ།
འཁོར་བའི་ཉོན་མོངས་པའི་ཞིང་གི་འབྲས་བུ་འཐོབ་པ་ཞེས་བྱ་བ་དང༌། འཁོར་བའི་ཉོན་མོངས་པའི་ཞིང་ལ་དགའ་བའི་རྒྱལ་པོ་ཞེས་བྱ་བ་དང༌། འཁོར་བའི་སྦྱོར་བ་ལ་སེམས་གནས་པ་ཞེས་
བྱ་བ་དང༌། འཁོར་བ་ལ་མཆོག་ཏུ་དགའ་བའི་གཟུངས་ཞེས་བྱ་བ་དང༌། འཁོར་བར་འགྲོ་བ་ཞེས་བྱ་བ་དང༌། འཁོར་བར་ཤིན་ཏུ་ཆར་འབེབས་པ་ཞེས་བྱ་བ་དང༌། འཁོར་བའི་རྒྱུ་མི་གཅོད་
༄༅། །པའི་རླུང་གི་རྒྱལ་པོ་ཞེས་བྱ་བ་དང༌། འཁོར་བའི་ཆོམ་རྐུན་ཞེས་བྱ་བ་དང༌། འཁོར་བའི་རྩ་བའི་སྤྱོད་ཡུལ་དྲི་མ་མེད་པ་ཞེས་བྱ་བ་དང༌། འཁོར་བ་ན་ཡུན་རིང་
དུ་གནས་པ་རྣམས་ལ་སྣང་བར་བྱེད་པ་ཞེས་བྱ་སྟེ། བཅུ་པོ་དེ་དག་ནི། འཁོར་བའི་ཉོན་མོངས་པའི་ཞིང་གི་ལས་ཀྱིས་ཐོབ་པར་བྱ་བའི་ཕྱིར་སེམས་ཀྱིས་ཡང་དག་པར་ལེན་པའི་
རྣམ་པར་གྲོལ་བའི་སྨོན་ལམ་གསང་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ཀླུའི་རྒྱལ་པོ་དུག་མེད་ཅེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་
སྨྲས་སོ། །ཉོན་མོངས་འཁོར་བ་རྙེད་པ་ཆེ། །སེམས་ཅན་རྣམས་ལ་སྨན་སླད་དུ། །འཁོར་བའི་དངོས་འདྲ་དེ་བཞིན་གཤེགས། །ཆོས་རྣམས་སྣ་ཚོགས་སྟོན་པར་མཛད། །འཁོར་
བ་ཉོན་མོངས་པའི་ཞིང་གི་ལས་ཀྱིས་འཐོབ་པའི་གླེང་གཞིའི་ལེའུ་ཞེས་བྱ་སྟེ། དྲུག་པའོ།། །།སྤྲིན་ཆེན་སྙིང་པོས་གསོལ་པ། ཡེ་ཤེས་ལ་རྨོངས་པའི་སྙིང་པོ་
བསམ་གྱིས་མི་ཁྱབ་པ་གཟུང་བའི་རྣམ་པར་འཕྲུལ་བའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ།
བདེ་བར་གཉེན་པོར་བྱ་བ་མང་བ་ཞེས་བྱ་བ་དང༌། མི་མཉམ་པ་དང་མཉམ་པའི་རྣམ་པར་འཕྲུལ་བའི་རྒྱལ་པོ་ཞེས་བྱ་བ་དང༌། མཚུངས་པ་མེད་པར་འགྲོ་བའི་སྣང་བའི་སྒོར་འཇུག་པ་
ཞེས་བྱ་བ་དང༌། གཞུང་ལུགས་གོ་བར་བྱེད་པ་ཞེས་བྱ་བ་དང༌། མཐར་བྱེད་པའི་རྟོག་ཅེས་བྱ་བ་དང༌། ཡང་དག་པར་བརྗོད་པའི་འོད་ཅེས་བྱ་བ་དང༌། ཆུ་ལས་ཤིན་ཏུ་འཕགས་པར་དམིགས་
པ་ཞེས་བྱ་བ་དང༌། སྙིང་པོ་དྲི་མ་མེད་པ་ཞེས་བྱ་བ་དང༌། ས་འཛིན་འོད་འཕྲོ་ཞེས་བྱ་བ་དང༌། མངོན་པར་འཕགས་པའི་སྣང་བའི་སྒོ་ཞེས་བྱ་བ་སྟེ། བཅུ་པ་དེ་དག་ནི། ཡེ་ཤེས་ལ་རྨོངས་
པའི་སྙིང་པོ་བསམ་གྱིས་མི་ཁྱབ་པ་ལ་གཟུང་བའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་ཕྲེང་མཛེས་ཅན་ཞེས་བྱ་བས་བཅོམ་ལྡན་འདས་ལ་
མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །སངས་རྒྱས་ཡེ་ཤེས་བསམ་མི་ཁྱབ། །ཀྱེ་མ་སེམས་ཅན་ཀུན་ཕན་ཕྱིར། །ཡེ་ཤེས་རྨོངས་པ་སྣ་ཚོགས་པ། །དེ་བཞིན་
གཤེགས་པ་སྟོན་པ་མཛད། །ཡེ་ཤེས་ལ་རྨོངས་པ་གཟུང་བའི་གླེང་གཞིའི་ལེའུ་ཞེས་བྱ་སྟེ། བདུན་པའོ།། །།སྤྲིན་ཆེན་སྙིང་པོས་གསོལ་པ། ཡེ་ཤེས་ཟབ་
མོ་བརྟན་པ་འཐོབ་པ་ལ་འཇུག་པའི་རྣམ་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་ཡངས་
བའི་སྙིང་པོ་བཅུ་ལ་གུས་པར་འཇུག་པ་ཞེས་བྱ་བ་དང༌། ནམ་མཁས་བསྲུངས་པ་ཞེས་བྱ་བ་དང༌། དུས་བཟང་ཟབ་མོ་ལ་འཇུག་པ་ཞེས་བྱ་བ་དང༌། ཕྲ་བ་ལ་དགའ་བ་ཞེས་བྱ་བ་དང༌། རྒྱ་
༄༅། །མཚོ་མི་བསྐྱོད་པ་ཞེས་བྱ་བ་དང༌། ཡེ་ཤེས་ཀྱི་འོད་འཕྲོ་བའི་འོད་ཅེས་བྱ་བ་དང༌། ངག་གི་རང་བཞིན་གཙང་བ་ལ་འཇུག་པ་ཞེས་བྱ་བ་དང༌། ཉོན་མོངས་པའི་
ཕུད་ཤིང་ཚིག་པ་དྲི་མ་མེད་པ་ལ་འཇུག་པ་ཞེས་བྱ་བ་དང༌། བློ་གྲོས་བརྟན་པ་ལ་འཇུག་པ་ཞེས་བྱ་བ་དང༌། བློ་གྲོས་དྲི་མ་མེད་པ་ཞེས་བྱ་བ་སྟེ། བཅུ་པོ་དེ་དག་ནི། ཡེ་ཤེས་ཟབ་མོ་
བརྟན་པ་འཐོབ་པ་ལ་འཇུག་པའི་རྣམ་པའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་གསེར་ལྟར་གསལ་བ་ཞེས་བྱ་བས་བཅོམ་ལྡན་འདས་ལ་མཆོད་པའི་ལས་བྱས་ནས་
ཚིགས་སུ་བཅད་པ་འདི་སྨྲས་སོ། །གསེར་གྱིས་རབ་བརྒྱན་འདྲ་བའི་དེ་བཞིན་གཤེགས། །ཡེ་ཤེས་མངའ་བས་གསེར་གྱི་རི་བོ་བཞིན། །སེམས་ཅན་རྣམས་ལ་ཕན་པ་མཛད་
སླད་དུ༑ ༑ཡེ་ཤེས་ཟབ་མོའི་གཏེར་ནི་སྟོན་པར་མཛད། །ཡེ་ཤེས་ཟབ་མོ་བརྟན་པ་འཐབ་པ་ལ་འཇུག་པའི་རྣམ་པའི་གླེང་གཞིའི་ལེའུ་ཞེས་བྱ་སྟེ། བརྒྱད་པའོ།། །།
སྤྲིན་ཆེན་སྙིང་པོས་གསོལ་བ། སྤྲིན་ཆེན་པོའི་སྙིང་པོའི་ཆར་གྱི་རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་མཛོད་ཅེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་
གསོལ༑ བཅོམ་ལྡན་འདས་ཀྱིས་བཀའ་སྩལ་པ། བྱམས་པ་ལ་དགའ་བའི་མཛོད་ཅེས་བྱ་བ་དང༌། སྙིང་རྗེ་ལ་དགའ་བའི་མཛོད་ཅེས་བྱ་བ་དང༌། དགའ་བ་ལ་དགའ་བའི་མཛོད་ཅེས་བྱ་
པ་དང༌། བཏང་སྙོམས་ལ་དགའ་བའི་མཛོད་ཅེས་བྱ་བ་དང༌། བདེན་པས་ཆུ་འབེབས་པའི་ཆུའི་མཛོད་ཅེས་བྱ་བ་དང༌། རྒྱ་མཚོ་ཉའི་འགྲོ་བར་རྒྱུ་བའི་མཛོད་ཅེས་བྱ་བ་དང༌། ཆོས་ཀྱི་སྒོའི་
མིང་དང་ལྡན་པའི་མཛོད་ཅེས་བྱ་བ་དང༌། རྒྱུན་གྱི་རྒྱལ་པོའི་ལམ་གྱི་མཛོད་ཅེས་བྱ་བ་དང༌། གཞུང་ལུགས་ལ་འཇུག་པའི་མཛོད་ཅེས་བྱ་བ་དང༌། མིང་གི་གསང་ཚིག་གསུམ་གྱི་དཀོན་མཆོག་
ལ་འཇུག་པའི་མཛོད་ཅེས་བྱ་བ་སྟེ། བཅུ་པོ་དེ་དག་ནི། སྤྲིན་ཆེན་པོའི་སྙིང་པོའི་ཆར་གྱི་རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་མཛོད་ཅེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་
ལྷའི་བུ་ཡེ་ཤེས་ལ་དགའ་བ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །བཅོམ་ལྡན་སངས་རྒྱས་བསམ་མི་ཁྱབ། །དེ་བཞིན་གཤེགས་པ་འགག་པ་
མེད༑ ༑ཀྱེ་མ་སེམས་ཅན་སྨན་སླད་དུ། །ཆོས་རྣམས་སྣ་ཚོགས་སྟོན་པ་མཛད། །རྣམ་པར་ཐར་པའི་བསོད་ནམས་ཀྱི་མཛོད་ཀྱི་གླེང་གཞིའི་ལེའུ་བཞེས་བྱ་སྟེ། དགུ་པའོ།། །།སྤྲིན་ཆེན་
སྙིང་པོས་གསོལ་པ། སྤྲིན་ཆེན་པོའི་ཆར་གྱི་རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་རྣམ་པའི་ལམ་ཞེས་བགྱི་བའི་ཆོས་ཀྱི་སྒོ་བཅོམ་ལྡན་འདས་ཀྱིས་བཤད་དུ་གསོལ། བཅོམ་
ལྡན་འདས་ཀྱིས་བཀའ་སྩལ་པ། ཆར་གྱི་དུས་ཞེས་བྱ་བ་དང༌། ཆར་གྱི་དྲ་བའི་རྒྱུན་རིན་པོ་ཆེའི་རེང་བུའི་རྒྱལ་པོ་ཞེས་བྱ་བ་དང༌། ཆར་གྱི་དྲ་བའི་སྙིང་པོའི་ཕྱག་རྒྱའི་རྒྱལ་པོ་ཞེས་བྱ་བ་དང༌། ཆར་
༄༅། །གྱི་དྲི་མ་སེལ་བ་ཞེས་བྱ་བ་དང༌། ཆར་གྱི་དྲ་བ་སྣ་ཚོགས་ཀྱི་ཆུའི་གདུག་པ་སེལ་བའི་རྒྱལ་པོ་ཞེས་བྱ་བ་དང༌། ཆར་གྱི་དྲ་བ་བདེ་བསིལ་ངོམས་པར་བྱེད་པ་ཞེས་
བྱ་བ་དང༌། ཆར་སྣ་ཚོགས་ལ་དམིགས་པ་ཡང་དག་པའི་སྤྱོད་ཡུལ་གྱི་རྒྱལ་པོ་ཞེས་བྱ་བ་དང༌། ཆར་སྣ་ཚོགས་ལ་ཡང་དག་པར་ལྟ་བ་དང་ལྷན་ཅིག་སྐྱེས་པ་ཞེས་བྱ་བ་དང༌། ཆར་སྣ་ཚོགས་
གྱི་བསོད་ནམས་ཀྱི་རྣམ་པའི་ཞིང་ལ་དབང་བྱེད་པ་ཞེས་བྱ་བ་དང༌། ཆར་གྱི་དྲ་བ་བདེ་བསིལ་སྨན་གྱི་ཆར་འབེབས་ཀླུའི་རྒྱལ་པོ་ཞེས་བྱ་བ་སྟེ། བཅུ་པོ་དེ་དག་ནི། སྤྲིན་ཆེན་པོའི་ཆར་གྱི་
རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་རྣམ་པའི་ལམ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་ནམ་མཁའ་ལ་བསྒྲགས་པ་ཞེས་བྱ་བས་བཅོམ་ལྡན་འདས་ལ་
མཆོད་པ་བྱས་ནས་ཚིགས་སུ་བཅད་པ་འདི་དག་སྨྲས་སོ། །ཁྱོད་ཀྱིས་དེ་རིང་གསང་བ་མང་པོ་རབ་ཏུ་བཤད། །ལྷ་རྣམས་སྟོང་ཕྲག་བྱེ་བར་རབ་ཏུ་གྲོལ་བར་མཛད། །སེམས་ཅན་མང་
པོ་དག་ཀྱང་ཁྱོད་ཀྱིས་གྲོལ་བར་མཛད། །རྒ་ནད་བཟློག་ཕྱིར་མྱ་ངན་འདས་པ་ཡང་དག་རྟོགས། །ཁྱོད་ནི་ལྷ་ཡི་ལྷ་མཆོག་བླ་ན་མེད་པ་ལགས། །ཁྱོད་ནི་གསང་བའི་གསང་བ་ཁྱོད་
ནི་འཇིག་རྟེན་མགོན། །ཆོས་རྣམས་རྣམ་པ་སྣ་ཚོགས་དོན་ཡོད་སྟོན་པ་མཛད། །ཡེ་ཤེས་འོད་འཕྲོ་སྒྲོན་མ་དམ་པ་རྟག་ཏུ་སྣང༌། །བསོད་ནམས་ཀྱི་རྣམ་པ་ཡོངས་སུ་བརྗོད་པའི་
གླེང་བཞིའི་ལེའུ་ཞེས་བྱ་སྟེ། བཅུ་པའོ།། །།སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་ཚོགས་ནམ་མཁའ་ལས་འབྱུང་ཞིང་འདུ་བའི་རྣམ་པར་འཕྲུལ་པའི་རྒྱལ་པོ་
ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྩ་བ་ནས་སྐྱེ་བའི་རབ་ཏུ་མགུ་བ་ལ་མཁས་པའི་རྒྱལ་པོ་
ཞེས་བྱ་བ་དང༌། རྩ་བའི་རང་བཞིན་ལེགས་པར་མཐོང་ནས་རྟག་ཏུ་བརྗོད་པ་ཞེས་བྱ་བ་དང༌། མཉམ་པ་དང་མི་མཉམ་པའི་ཡེ་ཤེས་ཤིན་ཏུ་མཐོང་བའི་རྒྱལ་པོ་ཞེས་བྱ་བ་དང༌། བརྟག་པའི་
ཕྱག་རྒྱ་ཞེས་བྱ་བ་དང༌། བློ་གྲོས་མི་ཟད་པའི་ཡང་དག་པའི་རྒྱལ་པོ་ཞེས་བྱ་བ་དང༌། བསམ་གྱིས་མི་ཁྱབ་པའི་གནས་ཞེས་བྱ་བ་དང༌། ཆགས་པ་མེད་པའི་ནན་ཏན་གྱི་རྣམ་པ་ཞེས་བྱ་བ་དང༌།
རྒྱ་མཚོ་ཟབ་མོའི་དུས་ཤིན་ཏུ་ངེས་པའི་རྒྱལ་པོ་ཞེས་བྱ་བ་དང༌། དུས་ཚིགས་ཡིད་དུ་འོང་བ་ལ་མངོན་པར་རབ་ཏུ་དགའ་བ་ཞེས་བྱ་བ་དང༌། ནམ་མཁའ་དང་མཉམ་པའི་ཡེ་ཤེས་ཀྱི་ཆར་སྤྲིན་
ཆེན་པོའི་ནམ་མཁའི་མཛོད་ཅེས་བྱ་སྟེ། བཅུ་པོ་དེ་དག་ནི། སྤྲིན་ཆེན་པོའི་ཚོགས་ནམ་མཁའ་ལས་འབྱུང་ཞིང་འདུ་བའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་
དེའི་ཚེ་ལྷ་མོ་ཚུལ་ལ་མཁས་པ་ཞེས་བྱ་བས་བཅོམ་ལྡན་འདས་ལ་མཆོད་པའི་ལས་བྱས་ནས་ཚིགས་སུ་བཅད་པ་འདི་སྨྲས་སོ། །གསང་སྲུང་དཔའ་བོ་ཆེན་པོ་སྟེ། །དེ་བཞིན་གཤེགས་པ་གསང་
༄༅། །བས་བསྲུངས། །སེམས་ཅན་རྣམས་ལ་སྨན་སླད་དུ། །གསང་བ་སྣ་ཚོགས་སྟོན་པ་མཛད། །སྤྲིན་ཆེན་པོའི་ཚོགས་ནམ་མཁའ་ལས་འབྱུང་བའི་གླེང་གཞིའི་
ལེའུ་ཞེས་བྱ་སྟེ། བཅུ་གཅིག་པའོ།། །།སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་གློག་གི་འོད་སྣང་བའི་སྒོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་
བཤད་དུ་གསོལ། བཅོམ་ལྡན་འདས་དེ་བཞིན་གཤེགས་པས་མངོན་པར་རབ་ཏུ་འབར་བར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེའི་མཛོད་ཀྱི་
འོད་ཟེར་གྱི་གློག་གི་འོད་ཅེས་བྱ་བ་དང༌། ནམ་མཁའ་ལ་བརྩོན་འགྲུས་སྣང་བའི་གློག་གི་འོད་ཅེས་བྱ་བ་དང༌། ཤིན་ཏུ་བསྲུངས་ཞེས་བྱ་བ་དང༌། མཚམས་ཀྱི་དུས་ཚོད་རྒྱལ་པོ་ཞེས་
བྱ་བ་དང༌། དཔལ་གྱིས་བསྲུངས་པའི་བློ་གྲོས་འདོད་པའི་བློའི་རྒྱལ་པོ་ཞེས་བྱ་བ་དང༌། དྲི་མ་མེད་པའི་གསེར་གྱི་གློག་གི་འོད་ཀྱི་རྒྱལ་པོ་ཞེས་བྱ་བ་དང༌། བཻཌཱུཪྻའི་སྙིང་པོའི་བློ་གྲོས་མི་
ཟད་པའི་སྣང་བའི་གློག་གི་འོད་ཅེས་བྱ་བ་དང༌། གནས་ལ་མངོན་པར་མོས་པའི་གློག་གི་འོད་ཅེས་བྱ་བ་དང༌། ཡོན་ཏན་གྱི་རྒྱ་མཚོ་ཟབ་མོ་བརྟན་པའི་གློག་གི་འོད་ཅེས་བྱ་བ་དང༌། ཡུལ་
ཆམ་དུ་འབེབས་པའི་གློག་གི་འོད་ཅེས་བྱ་བ་སྟེ། བཅུ་པོ་དེ་དག་ནི། སྤྲིན་ཆེན་པོའི་གློག་གི་འོད་སྣང་བའི་སྒོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་མངོན་པར་འཚོ་བར་བྱེད་
པ་ཞེས་བྱ་བས་བཅོམ་ལྡན་འདས་ལ་མཆོད་པའི་ལས་བྱས་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཚིགས་སུ་བཅད་པ་འདི་སྨྲས་སོ། །གློག་གི་རྒྱལ་པོ་སྐུ་ཆེ་བ། །ནམ་མཁའ་
དང་ནི་མཚུངས་འདྲ་སྟེ། །དེ་བཞིན་གཤེགས་པ་ཐབས་ཀྱི་གཟུགས། །བདག་གིས་ཅུང་ཟད་བརྗོད་མི་ནུས། །གློག་གི་འོད་ཀྱི་གླེང་གཞིའི་ལེའུ་ཞེས་བྱ་སྟེ། བཅུ་གཉིས་པའོ།། །།སྤྲིན་ཆེན་
སྙིང་པོས་གསོལ་པ། སེམས་ཅན་ཐམས་ཅད་ལ་སྨན་པ་དང་བདེ་བའི་སླད་དུ་བཅོམ་ལྡན་འདས་ཀྱིས་སངས་རྒྱས་ཀྱི་ཉི་མའི་འོད་ཟེར་ཆེན་པོ་མཐའ་ཡས་པ་རབ་ཏུ་དགྱེ་པར་གསོལ། སྤྲིན་ཆེན་པོའི་
གློག་འགྱུར་པ་དང་ལྡན་པ་ལ་འཇུག་པའི་རྣམ་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། རླུང་གི་མཐུ་དང་མཉམ་པའི་
ཤུགས་ཀྱི་གློག་གི་འོད་འགྱུར་བའི་རྒྱལ་པོ་ཞེས་བྱ་བ་དང༌། ཡེ་ཤེས་ཤིན་ཏུ་རྣོ་བ་ཞེས་བྱ་བ་དང༌། ཡེ་ཤེས་མངོན་པར་གཏེན་ལ་འབེབས་པའི་རྒྱལ་པོ་ཞེས་བྱ་བ་དང༌། ལྷན་ཅིག་འཇུག་པའི་
ཤུགས་ཀྱིས་སྒྲབ་བསྒྲགས་པའི་རྒྱལ་པོ་ཞེས་བྱ་བ་དང༌། རྒྱུ་མཚོའི་རླབས་གཡོ་བ་ལ་མཁས་པའི་རྒྱལ་པོ་ཞེས་བྱ་བ་དང༌། ཆོས་འདོད་ཅིང་རབ་ཏུ་བསྲུངས་པ་ཞེས་བྱ་བ་དང༌། ནོར་གྱིས་རྒྱལ་བའི་མཚམས་
སྦྱོར་བ་ལ་མཁས་པའི་རྒྱལ་པོ་ཞེས་བྱ་བ་དང༌། ཆོས་ཀྱི་རྔ་བོ་ཆེ་དུག་གནོན་པའི་སྨན་གྱི་རྒྱལ་པོ་ཞེས་བྱ་བ་དང༌། ཤིན་ཏུ་མཛེས་པས་སྟོན་པ་སྟོབས་དང་ལྡན་པར་བྱེད་པ་ཞེས་བྱ་བ་དང༌། མུན་པ་དང་
༄༅། །ཆབ་རོམ་ལྟ་བུའི་ཉོན་མོངས་པའི་རྩ་བ་རྣམ་པར་སྒྲོག་པ་ལ་རྣམ་པར་འཕྲུལ་པའི་རྒྱལ་པོ་ཞེས་བྱ་བ་སྟེ། བཅུ་པོ་དེ་དག་ནི། སྤྲིན་ཆེན་པོའི་གློག་འགྱུར་བ་དང་ལྡན་པ་
ལ་འཇུག་པའི་རྣམ་པར་འཕྲུལ་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་ཤུགས་ལྡན་མ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་དག་
སྨྲས་སོ༑ ༑ང་རྒྱལ་མི་མངའ་བསྙེངས་མི་མངའ། །ཐུགས་རྗེར་ལྡན་ཞིང་སྐྱོན་མི་མངའ། །དཔའ་བོ་ཐབས་ལ་མཁས་པ་སྟེ། །འཇིག་རྟེན་ཀུན་དང་མཐུན་པར་འཇུག །དེ་རིང་ཁྱོད་ཀྱི་གཟི་བརྗིད་
ཀྱིས༑ ༑འཇིག་རྟེན་མཐུན་པ་བདག་གིས་བརླབས། །བསམ་གྱིས་མི་ཁྱབ་བསམ་ཡས་ལྷ། །དེ་བཞིན་གཤེགས་པ་མཚུངས་མེད་མཚུངས། །སེམས་ཅན་རྣམས་ལ་སྨན་སླད་དུ། །
ཆོས་རྣམས་སྣ་ཚོགས་སྟོན་པ་མཛད། །སྤྲིན་ཆེན་པོའི་གློག་འགྱུར་བ་དང་ལྡན་ཞིང་མུན་པ་འཇོམས་པའི་གླེང་གཞིའི་ལེའུ་ཞེས་བྱ་སྟེ། བཅུ་གསུམ་པའོ།། །།སྤྲིན་ཆེན་སྙིང་པོས་
གསོལ་པ། སྤྲིན་ཆེན་པོའི་གློག་གི་སྒྱུ་འཕྲུལ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། རྟག་ཏུ་བརྗོད་པ་ཞེས་བྱ་
བ་དང༌། སྤྲིན་ཆེན་པོའི་གློག་གི་སྒྱུ་འཕྲུལ་རྟག་ཏུ་མངོན་པར་སྲུང་བ་ཞེས་བྱ་བ་དང༌། རྟག་ཏུ་མངོན་པར་དགའ་བ་ཞེས་བྱ་བ་དང༌། རྟག་ཏུ་མངོན་པར་འདོད་པ་ཞེས་བྱ་བ་དང༌། མེ་ལ་མངོན་པར་རྩེ་བ་
ཞེས་བྱ་བ་དང༌། སྐྱེ་གནས་ཐམས་ཅད་དུ་མངོན་པར་འཇུག་པ་ལ་དགའ་བཞེས་བྱ་བ་དང༌། རྙེད་པ་དང་བཅས་པའི་འགྲོ་བ་ལ་རབ་ཏུ་མགུ་བ་ཞེས་བྱ་བ་དང༌། ཆུ་འབྱེད་དཀར་མོ་ཞེས་བྱ་བ་དང༌། འོད་
འཕྲོ་བའི་རྒྱལ་པོ་མངོན་དུ་བྱེད་པ་ཞེས་བྱ་བ་དང༌། རྟག་ཏུ་མངོན་པར་འཕགས་པ་མངོན་པར་རྒྱས་པའི་ཕྲེང་བརྒྱུས་པ་ཞེས་བྱ་བ་སྟེ། བཅུ་པོ་དེ་དག་ནི། སྤྲིན་ཆེན་པོའི་གློག་གི་སྒྱུ་འཕྲུལ་ཞེས་བྱ་བའི་
ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་སྤྲིན་གྱི་ཆུང་མ་ཞེས་བྱ་བས་བཅོམ་ལྡན་འདས་ལ་མཆོད་པ་ཆེན་པོ་བྱས་ནས་ཚིགས་སུ་བཅད་པ་འདི་སྨྲས་སོ། །ཀྱེ་མ་བཅོམ་ལྡན་སངས་རྒྱས་ཀྱི། །ཡུལ་ནི་
བསམ་གྱིས་མི་ཁྱབ་སྟེ། །སྒྱུ་འཕྲུལ་རྒྱལ་པོ་དེ་བཞིན་གཤེགས། །སེམས་ཅན་རྣམས་ལ་སྨན་སླད་དུ། །སྒྱུ་འཕྲུལ་སྣ་ཚོགས་སྟོན་པ་མཛད། །སྤྲིན་ཆེན་པོའི་གློག་གི་སྒྱུ་འཕྲུལ་གྱི་གླེང་གཞིའི་
ལེའུ་ཞེས་བྱ་སྟེ། བཅུ་བཞི་པའོ།། །།སྤྲིན་ཆེན་སྙིང་པོས་གསོལ་པ། ཆོ་འཕྲུལ་ཆེན་པོའི་སྒྲོན་མ་སྟོན་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་
ལྡན་འདས་ཀྱིས་བཀའ་སྩལ་པ། གཏེར་མི་ཟད་པ་ལ་འཇུག་པའི་ཆོ་འཕྲུལ་སྟོན་པ་ཞེས་བྱ་བ་དང༌། རིན་པོ་ཆེའི་མཛོད་སྡུད་པ་ཞེས་བྱ་བ་དང༌། རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་
པའི་མཛོད་ཅེས་བྱ་བ་དང༌། རི་མོ་ལ་མཐའ་ཡས་པ་ཞེས་བྱ་བ་དང༌། དགེ་བ་འབྱོར་བ་ཞེས་བྱ་བ་དང༌། དགའ་བ་ཕུན་སུམ་ཚོགས་པ་ཞེས་བྱ་བ་དང༌། ཚུལ་གྱི་རྣམ་པ་ལ་འཇུག་པ་ཞེས་བྱ་བ་དང༌། མེ་
༄༅། །ལོང་གི་དཀྱིལ་འཁོར་མ་བསྒྲིབས་པ་ཞེས་བྱ་བ་དང༌། དྲན་པའི་ཕྱོགས་མི་ཟད་པ་ཞེས་བྱ་བ་དང༌། སེམས་ཅན་ཐམས་ཅད་ངེས་པར་སྒྲོལ་བ་ཡིད་དུ་འོང་བ་ལ་འཇུག་
པ་ཞེས་བྱ་བ་སྟེ། བཅུ་པོ་དེ་དག་ནི། ཆོ་འཕྲུལ་ཆེན་པོའི་སྒྲོན་མ་སྟོན་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་རབ་ཏུ་དགའ་བ་ཞེས་བྱ་བས་བཅོམ་ལྡན་འདས་ལ་མཆོད་པ་
ཆེན་པོ་བྱས་ནས་ཚིགས་སུ་བཅད་པ་འདི་སྨྲས་སོ། །ཀྱེ་མ་བཅོམ་ལྡན་སངས་རྒྱས་མི་བསྐྱོད་པ། །ཆོ་འཕྲུལ་ཆེན་པོའི་རྒྱལ་པོ་དེ་བཞིན་གཤེགས། སེམས་ཅན་རྣམས་ཀྱི་ཤེས་པ་
བསྐྱེད་དོན་དུ། །དེ་རིང་ཆོས་རྣམས་སྣ་ཚོགས་སྟོན་པ་མཛད། །ཆོ་འཕྲུལ་ཆེན་པོའི་གླེང་གཞིའི་ལེའུ་ཞེས་བྱ་སྟེ། བཅོ་ལྔ་པའོ།། །།སྤྲིན་ཆེན་སྙིང་པོས་གསོལ་པ། ཆོས་ཀྱི་
ཐོག་ཏོག་གི་འཕེལ་པའི་གཏམ་ལ་འཇུག་པའི་རྣམ་པར་འཕྲུལ་པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དོ་གསོལ། བཅོམ་ལྡན་འདས་ཀྱིས་བཀའ་
སྩལ་པ༑ ཐོག་ཏོག་གི་རིན་པོ་ཆེའི་འབྱུང་གནས་ཞེས་བྱ་བ་དང༌། ཐོག་ཏོག་གི་རྒྱ་མཚོ་ཞེས་བྱ་བ་དང༌། ཐོག་ཏོག་གི་སྦྱོང་བའི་རྒྱལ་པོ་ཞེས་བྱ་བ་དང༌། ཐོག་ཏོག་གི་སྨན་ཆེན་པོའི་མཛོད་
བསྟན་པ་ཞེས་བྱ་བ་དང༌། ཐོག་ཏོག་གི་སྤྱིའི་རྒྱལ་པོ་ཞེས་བྱ་བ་དང༌། ཐོག་ཏོག་གི་བློ་གྲོས་མི་ཟད་པའི་རྒྱལ་པོ་ཞེས་བྱ་བ་དང༌། ཐོག་ཏོག་གི་སྙིང་པོ་མཆོག་ཅེས་བྱ་བ་དང༌། ཐོག་ཏོག་གི་སྒྲོན་
མའི་དེད་དཔོན་ཐོབ་པའི་རྒྱལ་པོ་ཞེས་བྱ་བ་དང༌། ཆོས་ཀྱི་ཕྱོགས་ཀྱི་མཚོན་ཆའི་མཆོག་ཅེས་བྱ་བ་དང༌། ཐོག་ཏོག་ཟབ་མོའི་དུས་ཞེས་བྱ་བ་སྟེ། བཅུ་པོ་དེ་དག་ནི། ཆོས་ཀྱི་ཐོག་ཏོག་གི་འབེལ་བའི་
གཏམ་ལ་འཇུག་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་མངོན་པར་སྒྲེག་མ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་
འདི་སྨྲས་སོ། །ལྷ་ཆེན་ཆོས་ཀྱི་སྤྲིན་ལགས་ཏེ། །ཐོག་ཏོག་རྒྱལ་པོ་དེ་བཞིན་གཤེགས། དེ་བཞིན་གཤེགས་པས་ཉོན་མོངས་རྣམས། །སྣ་ཚོགས་པར་ནི་ཚར་ཡང་བཅད། །སེམས་ཅན་རྣམས་ལ་
སྨན་སླད་དུ། །ཉོན་མོངས་ཐིབས་པོར་རོལ་པར་མཛད། །ཆོས་ཀྱི་ཐོག་ཏོག་གི་འབེལ་བའི་གཏམ་གྱི་གླེང་གཞིའི་ལེའུ་ཞེས་བྱ་སྟེ། བཅུ་དྲུག་པའོ།། །།སྤྲིན་ཆེན་སྙིང་པོས་གསོལ་པ། ཡེ་ཤེས་
རྡོ་རྗེའི་རྣམ་པ་ལ་འཇུག་པའི་མཛོད་སྲུང་བ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྩེ་བའི་རིན་པོ་ཆེའི་མཛོད་ཅེས་བྱ་བའི་
ཆོས་ཀྱི་སྒོ་དང༌། ཚུལ་རབ་ཏུ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། ཚུལ་གྱི་རྫུ་འཕྲུལ་གྱི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། དད་པ་འཕྱོགས་པའི་གནས་ཀྱི་རྣམ་པ་ཞེས་
བྱ་བའི་ཆོས་ཀྱི་སྒོ་དང༌། ནམ་མཁའ་ལེགས་པར་བརྒྱན་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། བུམ་པ་ཤིང་གི་མགོ་ཐོག་ཅན་གྱི་སྨན་གྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། རྒྱ་མཚོ་ཟབ་མོ་མི་
༄༅། །འཁྲུགས་པ་ལྟ་བུའི་བློ་གྲོས་ལ་འཇུག་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། རབ་ཏུ་དུལ་བའི་གཟི་བརྗིད་སྟོབས་ཅན་གྱི་དུས་ཚོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་
སྒོ་དང༌། བསམ་གྱིས་མི་ཁྱབ་པའི་གནས་ཀྱི་མཐའ་ལ་མི་རྟོགས་པ་ཞེས་བྱ་བའི་ཆོས་ཀྱི་སྒོ་དང༌། བསྐལ་པ་ལ་ཁྱབ་བ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། ཡེ་ཤེས་རྡོ་རྗེའི་རྣམ་
པ་ལ་འཇུག་པའི་མཛོད་སྲུང་བ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་ཡེ་ཤེས་ཕྲ་བ་ལ་དགའ་བ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་
པ་འདི་དག་སྨྲས་སོ། །སངས་རྒྱས་མཛད་བྲལ་ཆ་དང་བྲལ། །དེ་བཞིན་གཤེགས་པ་མ་སྐྱེས་ཀྱང༌། །སྐྱེས་པ་ལྟ་བུར་སྟོན་མཛད་དེ། །ཡེ་ཤེས་རྡོ་རྗེ་རྣམ་མང་མངའ། །ཡེ་ཤེས་རྡོ་རྗེའི་རྣམ་
པ་ལ་འཇུག་པའི་གླེང་གཞིའི་ལེའུ་ཞེས་བྱ་སྟེ། བཅུ་བདུན་པའོ།། །།སྤྲིན་ཆེན་སྙིང་པོས་གསོལ་པ། ལོངས་སྤྱོད་མི་ཟད་པའི་རྣམ་པ་ལ་འཇུག་པའི་རྣམ་པར་འཕྲུལ་པའི་རྒྱལ་པོ་
ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། བདུད་རྩིའི་བློ་གྲོས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། བདེ་བས་
ཚིམ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། དགའ་བ་ལ་མཁས་པ་ཞེས་བྱ་བའི་ཆོས་ཀྱི་སྒོ་དང༌། སྡུག་ཅིང་རབ་ཏུ་དགའ་བ་ལ་མཁས་པ་ཞེས་བྱ་བའི་ཆོས་ཀྱི་སྒོ་དང༌། ཟབ་ཅིང་བརྟན་པའི་
ཆུའི་རོ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། སེམས་ཀྱི་བློ་གྲོས་ཀྱི་སྤྱོད་ཡུལ་གྱི་བདེ་བ་འདོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། བདེ་བ་མི་ཟད་ཅིང་གདོད་མ་ནས་དྲི་མ་མེད་པའི་རྒྱལ་པོ་ཞེས་
བྱ་བའི་ཆོས་ཀྱི་སྒོ་དང༌། ཐམས་ཅད་རབ་ཏུ་མགུ་ཞིང་རབ་ཏུ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། ལོངས་སྤྱོད་མི་ཟད་པའི་རྣམ་པ་ལ་འཇུག་པའི་རྣམ་པར་འཕྲུལ་པའི་
རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་ལག་ན་སྦྲང་ཆར་ཐོགས་པ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །མཚན་མ་མི་
མངའ་དེ་བཞིན་གཤེགས། །གཟུང་དུ་མེད་ཅིང་རེག་ཏུ་མེད། །སེམས་ཅན་རྣམས་ལ་སྨན་སླད་དུ། །གསང་བ་སྣ་ཚོགས་སྟོན་པ་མཛད། །ལོངས་སྤྱོད་མི་ཟད་པའི་རྣམ་པ་ལ་འཇུག་པ་རྣམ་པར་
འཕྲུལ་བའི་རྒྱལ་པོའི་ཆོས་ཀྱི་སྒོའི་གླེང་གཞིའི་ལེའུ་ཞེས་བྱ་སྟེ། བཅོ་བརྒྱད་པའོ།། །།སྤྲིན་ཆེན་སྙིང་པོས་གསོལ་པ། ཡང་དག་པའི་ལམ་གྱི་རྣམ་པ་མངོན་པར་མཚོན་པ་ལ་
འཇུག་པ་ཞེས་བྱ་བའི་ཆོས་ཀྱི་སྒོ་བཅུ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཕྲ་བ་རྒྱས་པའི་རྣམ་པ་ཞེས་བྱ་
བའི་ཆོས་ཀྱི་སྒོ་དང༌། བརྟན་པའི་རྣམ་པའི་མཛོད་ཅེས་བྱ་བའི་ཆོས་ཀྱི་སྒོ་དང༌། དཔའ་བའི་སྟོབས་ཀྱིས་རྣམ་པར་རྒྱལ་བའི་རིན་པོ་ཆེའི་མཛོད་ཅེས་བྱ་བའི་ཆོས་ཀྱི་སྒོ་དང༌། ལྷ་ཐམས་ཅད་ཀྱི་
༄༅། །གནས་ཤར་ཕྱོགས་སུ་བལྟས་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། གཞུང་ལུགས་ཐམས་ཅད་རྫོགས་པར་བྱེད་པ་ཞེས་བྱ་བའི་ཆོས་ཀྱི་སྒོ་དང༌། གཞུང་
ལུགས་ཐམས་ཅད་ཀྱིས་མ་གོས་པ་ཞེས་བྱ་བའི་ཆོས་ཀྱི་སྒོ་དང༌། ལམ་ཐམས་ཅད་ལ་རབ་ཏུ་མགུ་ཞིང་རབ་ཏུ་དགའ་བ་ཞེས་བྱ་བའི་ཆོས་ཀྱི་སྒོ་དང༌། ལམ་ངན་པར་ཞུགས་པ་ཐམས་ཅད་སྤངས་
པའི་རྣམ་པ་ཞེས་བྱ་བའི་ཆོས་ཀྱི་སྒོ་དང༌། རྒྱ་མཚོའི་རྣམ་པ་རྟག་པའི་དུས་ཚོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། རྒྱ་མཚོའི་དུས་ངེས་པ་ལ་མངོན་པར་རྩེ་བའི་རིན་པོ་ཆེའི་མཛོད་ཅེས་བྱ་
པའི་ཆོས་ཀྱི་སྒོ་སྟེ། བཅུ་པོ་དེ་དག་ནི། ཡང་དག་པའི་ལམ་གྱི་རྣམ་པ་མངོན་པར་མཚོན་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་རབ་ཏུ་དུལ་བ་ཞེས་བྱ་བས་
བཅོམ་ལྡན་འདས་ལ་མཆོད་པ་ཆེན་པོ་བྱས་ནས་ཚིགས་སུ་བཅད་པ་འདི་སྨྲས་སོ། །དམ་པའི་ཡང་དག་ལམ་བསྲུངས་བ། །སེར་སྣ་ལས་འདས་རྣམ་པར་དག །སེམས་ཅན་རྣམས་ལ་སྨན་སླད་
དུ༑ ༑ཆོས་རྣམས་སྣ་ཚོགས་ཡང་དག་སྟོན། །ཡང་དག་པའི་ལམ་གྱི་རྣམ་པ་མངོན་པར་མཚོན་པ་ལ་འཇུག་པའི་ཆོས་ཀྱི་སྒོའི་གླེང་གཞིའི་ལེའུ་ཞེས་བྱ་སྟེ། བཅུ་དགུ་པའོ།། །།
སྤྲིན་ཆེན་སྙིང་པོས་གསོལ་པ། ཕྲ་ཞིང་ཟབ་མོ་གླེང་གཞིའི་རྣམ་པ་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་
པ༑ མཉམ་པ་དང་གྱ་གྱུ་ཅན་ཐམས་ཅད་ཀྱི་གླེང་གཞི་ཞེས་བྱ་བའི་ཆོས་ཀྱི་སྒོ་དང༌། རོ་བྲོ་བ་ཐམས་ཅད་ལ་རབ་ཏུ་དགའ་བ་ཞེས་བྱ་བའི་ཆོས་ཀྱི་སྒོ་དང༌། གཞུང་ལུགས་ལ་རྣམ་པར་རྩེ་བའི་རྒྱལ་པོ་
ཞེས་བྱ་བའི་ཆོས་ཀྱི་སྒོ་དང༌། རྒྱས་པར་འདོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། རྒྱས་པ་ལ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། ལུས་ལ་རབ་ཏུ་དགའ་བའི་རྒྱལ་པོ་ཞེས་བྱ་བའི་
ཆོས་ཀྱི་སྒོ་དང༌། སྡུག་ཅིང་དང་བའི་སྤྱོད་ལམ་ལ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། འཕགས་པས་རབ་ཏུ་བརྒྱན་པའི་དུས་ཚོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། དྲ་མི་
སྙིང་པོ་དྲི་མ་མེད་པར་བྱེད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། དམིགས་པའི་རྣལ་འབྱོར་གྱི་དགེ་བས་མངོན་པར་ཚིམ་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། ཕྲ་ཞིང་ཟབ་པའི་གླེང་
གཞིའི་རྣམ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་མགྲིན་དབྱངས་སྙན་པ་ཞེས་བྱ་བ་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་
སོ༑ ༑དཔལ་ཆེན་སེངྒེའི་སྒྲ་སྒྲོག་པ། །དེ་བཞིན་གཤེགས་སྒྲ་བསམ་མི་ཁྱབ། །སེམས་ཅན་རྣམས་ལ་སྨན་སླད་དུ། །སེངྒེའི་སྒྲ་ནི་མངོན་པར་སྒྲོག །ཕྲ་ཞིང་ཟབ་པའི་གླེང་གཞིའི་རྣམ་པ་
ལ་འཇུག་པའི་ལེའུ་ཞེས་བྱ་སྟེ། ཉི་ཤུ་པའོ།། །།སྤྲིན་ཆེན་སྙིང་པོས་གསོལ་པ། སེངྒེའི་རྣམ་པར་རྩེ་བ་ལ་དམིགས་པ་ཞེས་བྱ་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་
༄༅། །བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྗེས་སུ་བྱ་བར་དཀའ་བ་དྲི་མ་མེད་པ་ཞེས་པའི་ཆོས་ཀྱི་སྒོ་དང༌། སྦྲང་མ་དང་བུང་བའི་མེ་ཏོག་གི་དྲི་ཞེས་བྱ་
བའི་ཆོས་ཀྱི་སྒོ་དང༌། རིན་པོ་ཆེ་རྣམ་པར་བསྒྱིངས་པའི་བློ་གྲོས་ཀྱིས་རྣམ་པར་རྩེ་ཞིང་གཉིད་ཀྱིས་ནོན་པ་ཞེས་བྱ་བའི་ཆོས་ཀྱི་སྒོ་དང༌། རིན་པོ་ཆེའི་ལྷུན་པོ་མངོན་པར་རབ་ཏུ་གཡོ་བའི་མཆོག་
ཐོབ་པར་དགའ་བ་ཞེས་བྱ་བའི་ཆོས་ཀྱི་སྒོ་དང༌། ཆུ་འབབ་པ་ལྟ་བུར་རྩེ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། ས་ཀུན་ཏུ་རབ་ཏུ་གཡོ་བ་རྒྱ་ཆེར་རྩེ་བ་ལ་དམིགས་པ་ཞེས་བྱ་བའི་ཆོས་
ཀྱི་སྒོ་དང༌། ལག་པ་གཡས་གཡོན་གྱི་མཐིལ་གསལ་བར་གཅོད་པ་ལྟ་བུར་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང༌། ཉ་བོ་ཆེ་དག་གི་མཇུག་མ་མངོན་པར་རྩེ་བའི་རྒྱལ་པོ་ཞེས་བྱ་
བའི་ཆོས་ཀྱི་སྒོ་དང༌། ཐོབ་པར་དཀའ་བ་དང༌། རྟོགས་པར་དཀའ་བ་རབ་ཏུ་སྟོན་པ་ལ་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང༌། རྒྱན་ཐམས་ཅད་ཀྱི་རྣམ་པ་ལ་རབ་ཏུ་དགའ་ཞིང་
མངོན་པར་རྩེ་བ་ལ་དམིགས་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། སེངྒེའི་རྣམ་པར་རྩེ་བ་ལ་དམིགས་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་སེངྒེ་དཔའ་
བོ་ཞེས་བྱ་བས་བཅོམ་ལྡན་འདས་ལ་མཆོད་པའི་ལས་བྱས་ནས་ཚིགས་སུ་བཅད་པ་འདི་སྨྲས་སོ། །ཀྱེ་མ་བཅོམ་ལྡན་སངས་རྒྱས་དཔེ་མེད་པ། །ཡེ་ཤེས་དཔེ་མེད་དག་ལ་རབ་ཏུ་གནས། །
སེམས་ཅན་རྣམས་ལ་བདེ་མང་མཛད་སླད་དུ། །ཐབས་ཀྱིས་སེངྒེའི་རྣམ་པར་རོལ་པ་མཛད། །སེངྒེ་རྣམ་པར་རྩེ་བ་ལ་དམིགས་པའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་གཅིག་པའོ།། །།སྤྲིན་
ཆེན་སྙིང་པོས་གསོལ་པ། མཚམས་སྦྱར་བ་ལ་ཚོགས་པའི་རྣམ་པ་འཇིག་རྟེན་དང་མཐུན་པར་འཇུག་པར་བྱ་བ་ལ་འཇུག་པའི་མདོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་མངོན་
པར་མཚམས་སྦྱར་བར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། མཚམས་རྟག་པར་བྱ་བའི་རྒྱལ་པོ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། ཐབས་ཀྱིས་ཤིན་ཏུ་རབ་
ཏུ་ཞི་བར་བྱ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། དད་པའི་སྦྲང་རྩི་འཇམ་པ་ཡང་དག་པར་རབ་ཏུ་གཟུང་བ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། སེངྒེ་རྣམ་པར་རྩེ་བ་མངོན་པར་འཕགས་པ་
ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། རིམ་པ་སྟོན་པའི་དུས་དང་ཚོད་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། རིམ་པ་དང༌། རིམ་པ་མེད་པ་དང༌། ཡུལ་དང༌། ཡུལ་མ་ཡིན་པར་འཇུག་པ་ལ་
མཁས་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། གདུལ་དཀའ་བ་དང༌། དམུ་རྒོད་ཐབས་ཀྱིས་གཟུད་པ་ཞེས་བྱ་བའི་ཆོས་ཀྱི་སྒོ་དང༌། མདའ་ལྟར་མགྱོགས་པར་ལུས་ལ་དཔལ་འཇུག་པ་ཞེས་བྱ་
བའི་ཆོས་ཀྱི་སྒོ་དང༌། མཆོད་པ་འདོད་པ་ཐམས་ཅད་འཐོབ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། གནས་འོག་མའི་ལས་བྱེད་པའི་ཐབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་
༄༅། །དག་ནི༑ མཚམས་སྦྱར་བ་ཚོགས་པའི་རྣམ་པ་འཇིག་རྟེན་དང་མཐུན་པར་འཇུག་པར་བྱ་བ་ལ་འཇུག་པའི་མདོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་
ཚེ་ལྷའི་བུ་སྤྲིན་ཅེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །ཀྱེ་མ་འོག་མའི་གནས་གཤེགས་པ། །བཅོམ་ལྡན་དཀའ་བ་མཛད་པ་ལགས། །
ཉིད་ཀྱི་སྲས་ལ་སྨན་སླད་དུ། །ཐབས་ཀྱིས་སྐུ་ལ་གནས་ནས་ཀྱང༌། །ཡོངས་སུ་མྱ་ངན་འདའ་བར་མཛད། །མཚམས་སྦྱར་བ་ཚོགས་པའི་རྣམ་པ་འཇིག་རྟེན་དང་མཐུན་པར་འཇུག་
པར་བྱ་བ་ལ་འཇུག་པའི་མདོའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་གཉིས་པའོ།། །།འཕགས་པའི་སྤྲིན་ཆེན་པོའི་མདོ། བམ་པོ་དྲུག་པ། སྤྲིན་ཆེན་སྙིང་པོས་གསོལ་
པ༑ མངོན་པར་རྩེ་བའི་རིན་པོ་ཆེའི་མཛོད་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཉི་མ་འཆར་
ཀའི་གཙུག་ཕུད་ཅེས་བྱ་བའི་ཆོས་ཀྱི་སྒོ་དང༌། སྙིང་པོ་ལྔ་བ་ལ་རྒྱ་ཆེར་རྩེ་བར་མངོན་པར་རྒྱགས་པ་ཞེས་བྱ་བའི་ཆོས་ཀྱི་སྒོ་དང༌། ཡོན་ཏན་རིན་པོ་ཆེའི་མཛོད་མངོན་དུ་འབྱུང་བ་ཞེས་བྱ་བའི་
ཆོས་ཀྱི་སྒོ་དང༌། ཚུལ་གྱི་མཚམས་བཟང་པོས་མངོན་པར་རྩེ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། ཆུའི་དུས་ལ་ཞུགས་པའི་སྟོབས་མི་འཇིག་པར་བྱ་བ་ལ་འཇུག་པ་ཞེས་བྱ་བའི་ཆོས་ཀྱི་
སྒོ་དང༌། ཅནྡན་སྟབས་ཀྱིས་བདེ་བསིལ་ལ་མངོན་པར་རྩེ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། མིག་མི་འཛུམ་པར་སྨྲ་བ་ཞེས་བྱ་བའི་ཆོས་ཀྱི་སྒོ་དང༌། ཀུ་མུ་ད་དང༌། ཟླ་བ་ལྟ་བུའི་ཆུ་
དང་ལྡན་པ་ལ་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང༌། སྤྲུལ་པོ་ཆེ་ལ་སོགས་པའི་ལུས་ལ་མངོན་པར་འདོད་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། བསྔགས་པར་བྱ་བ་ཤིན་ཏུ་
མང་བ་ལ་མངོན་པར་འཇུག་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། མངོན་པར་རྩེ་བའི་རིན་པོ་ཆེའི་མཛོད་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་
རིགས་བཙུན་པ་རྣམ་པར་དག་པ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །འཇིག་རྟེན་གསུམ་གྱི་ཆོས་ཀྱི་དབང་ཕྱུག་པོ། །དེ་བཞིན་གཤེགས་
པ་ཆོས་སྐུ་རྟག་གྱུར་པ། །སེམས་ཅན་རྣམས་ལ་ཕན་པ་མཛད་སླད་དུ། །ལམ་རྣམས་རྣམ་པ་སྣ་ཚོགས་སྟོན་པ་མཛད། །མངོན་པར་རྩེ་བ་རིན་པོ་ཆེའི་མཛོད་ལ་འཇུག་པའི་གླེང་གཞིའི་
ལེའུ་ཞེས་བྱ་སྟེ། ཉི་ཤུ་གསུམ་པའོ།། །།སྤྲིན་ཆེན་སྙིང་པོས་གསོལ་པ། ནམ་མཁའ་ལྡིང་གི་རྩལ་ཆེན་པོའི་སྟོབས་ལ་མངོན་པར་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ་
བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ནོར་རྒྱས་ཀྱི་བུའི་སྟོབས་རབ་ཏུ་འཇོམས་པའི་རྣམ་པར་འཕྲུལ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་
༄༅། །དང༌། རང་གི་སྟོབས་མངོན་པར་སྟོན་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། སྒྲ་ལ་མངོན་པར་རབ་ཏུ་དགའ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། ཆུའི་
རླབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། རྒྱ་མཚོའི་དུས་ཀྱི་ང་རྒྱལ་གྱི་རྒྱགས་པ་མེད་པར་བྱེད་པ་ཞེས་བྱ་བའི་ཆོས་ཀྱི་སྒོ་དང༌། རི་བོའི་རྒྱལ་པོའི་ཕུག་ཏུ་མངོན་པར་སྒྲོག་པའི་
དུས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། རླུང་གིས་མཆོག་གི་དུས་ཀྱི་ཕྱོགས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། མིག་རྒྱང་རིང་བར་སྟོན་པ་ངེས་པར་སེམས་པ་ལ།
འཇུག་པ་ཞེས་བྱ་བའི་ཆོས་ཀྱི་སྒོ་དང༌། མྱུར་དུ་གདུག་པའི་སྦྲུལ་ལ་རྩེ་བ་ཞེས་བྱ་བའི་ཆོས་ཀྱི་སྒོ་དང༌། རིན་པོ་ཆེའི་འོད་ཟེར་བཟང་པོའི་སྟོབས་ཐོབ་པ་ལ་འཇུག་པ་ཞེས་བྱ་བའི་ཆོས་
ཀྱི་སྒོ་སྟེ༑ བཅུ་པོ་དེ་དག་ནི། ནམ་མཁའ་ལྡིང་གི་རྩལ་ཆེན་པོའི་སྟོབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་དྲི་མ་མེད་པ་ཟབ་མོ་ལ་འཇུག་པ་ཞེས་
བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །ཏིང་ངེ་འཛིན་དང་ཤེས་རབ་དབང་པོའི་རྡོ་རྗེ་ཕྱག་ན་བསྣམས། །ཆོས་ཀྱི་དབང་ཕྱུག་ཡེ་ཤེས་
སྟོང་གཟིགས་པ་ལ་ཕྱག་འཚལ་ལོ། །ཉོན་མོངས་ལྷ་མ་ཡིན་རྣམས་གཡུལ་དུ་ངེས་པར་རབ་བཅོམ་ནས། །ཆོས་ཀྱི་དབང་པོ་ཆེན་པོའི་ཏོག་ནི་ཁྱོད་ཀྱིས་ལེགས་པར་བཙུགས། །ནམ་
མཁའ་ལྡིང་གི་རྩལ་ཆེན་པོའི་སྟོབས་ལ་འཇུག་པའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་བཞི་པའོ།། །།སྤྲིན་ཆེན་སྙིང་པོས་གསོལ་པ། སྒྲ་ཆེན་པོའི་དུས་རྣམ་པར་བསྒྲགས་པ་བཀོད་
པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཟླ་མེད་པའི་སྟོབས་ཟབ་མོའི་ཚུལ་བཀོད་པ་ཞེས་བྱ་བའི་ཆོས་
ཀྱི་སྒོ་དང༌། ཚུལ་ཁྲིམས་བརྟན་པ་བཀོད་པ་ཞེས་བྱ་བའི་ཆོས་ཀྱི་སྒོ་དང༌། ཚུལ་ཁྲིམས་ཀྱི་སྟོབས་ཀྱི་འོད་འཕྲོ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། ཚུལ་ཁྲིམས་ཀྱི་མཚམས་བཟང་པོ་བཀོད་པ་
ཞེས་བྱ་བའི་ཆོས་ཀྱི་སྒོ་དང༌། རིན་པོ་ཆེའི་འོ་མ་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་དང༌། བསོད་ནམས་ཀྱི་རྒྱུན་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་དང༌། བྱམས་པའི་སྟོབས་འཛག་
པ་བཀོད་པ་ཞེས་བྱ་བའི་ཆོས་ཀྱི་སྒོ་དང༌། སྙིང་རྗེའི་སྟོབས་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་དང༌། དགའ་བའི་སྟོབས་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་དང༌། བཏང་སྙོམས་
ཀྱི་སྟོབས་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། སྒྲ་ཆེན་པོའི་དུས་རྣམ་པར་བསྒྲགས་པ་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་
རིན་ཆེན་དཔལ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །དེ་བཞིན་གཤེགས་རྒྱལ་མི་བྱེད་སྐུ་མངའ་བ། །མཐའ་ཡས་སྟོབས་ལྡན་ཁྱོད་ལ་རྟག་
༄༅། །ཕྱག་འཚལ། །སེམས་ཅན་རྣམས་ལ་ཕན་པ་མཛད་སླད་དུ། །བཀོད་པ་རྣམ་པ་སྣ་ཚོགས་སྟོན་པ་མཛད། །སྒྲ་ཆེན་པོའི་དུས་རྣམ་པར་བསྒྲགས་པ་བཀོད་པའི་རྒྱལ་
པོའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་ལྔ་པའོ།། །།སྤྲིན་ཆེན་སྙིང་པོས་གསོལ་པ། མི་འཇིགས་པ་ཆེན་པོའི་སྟོབས་ཀྱིས་རྣམ་པར་འཕྲུལ་པ་ལ་འཇུག་པ་ཞེས་བགྱི་བའི་
ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྒྱ་མཚོའི་སྟོབས་ཀྱི་དུས་ལ་མི་འཇིགས་པའི་སྟོབས་ཀྱི་རྣམ་པར་འཕྲུལ་པ་
ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། འཇིགས་པ་མེད་པའི་རྣམ་པའི་རྩ་བ་ལ་དགའ་བ་ཞེས་བྱ་བའི་ཆོས་ཀྱི་སྒོ་དང༌། མཁས་པའི་རིན་པོ་ཆེའི་མཛོད་ཅེས་བྱ་བའི་ཆོས་ཀྱི་སྒོ་དང༌། མཁས་
པའི་དཔལ་གྱི་ལུས་ཞེས་བྱ་བའི་ཆོས་ཀྱི་སྒོ་དང༌། མཁས་པ་གཙང་སྦྲ་ལ་དགའ་བ་ཞེས་བྱ་བའི་ཆོས་ཀྱི་སྒོ་དང༌། མཁས་པའི་གཟི་བརྗིད་ཀྱི་རྒྱན་གྱིས་བརྒྱན་པ་ལ་འཇུག་པའི་སྟོབས་ཞེས་
བྱ་བའི་ཆོས་ཀྱི་སྒོ་དང༌། རིན་པོ་ཆེ་ཐམས་ཅད་ལ་མཁས་པའི་དུས་ཚོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། མཁས་པའི་རབ་ཏུ་དགའ་བ་ལ་འཇུག་པར་དགའ་བ་ཞེས་བྱ་བའི་
ཆོས་ཀྱི་སྒོ་དང༌། མཁས་པའི་འོད་འཕྲོ་དང་ལྡན་པ་ཞེས་བྱ་བའི་ཆོས་ཀྱི་སྒོ་དང༌། མཁས་པའི་གློག་གི་འོད་ཀྱི་རྣམ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། མི་འཇིགས་
པ་ཆེན་པོའི་སྟོབས་ཀྱི་རྣམ་པར་འཕྲུལ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་རིན་ཆེན་མེ་ཏོག་ཅེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་
སུ་བཅད་པ་འདི་སྨྲས་སོ། །དུས་ཚོད་རྣམ་དག་ཡོན་ཏན་གྱི། །འབྱུང་གནས་ཟབ་མོ་གསང་བའི་མཚོ། །སེམས་ཅན་རྣམས་ལ་སྨན་སླད་དུ། །ཆོས་རྣམས་སྣ་ཚོགས་སྟོན་པ་མཛད། །མི་
འཇིགས་པ་ཆེན་པོའི་སྟོབས་ཀྱི་རྣམ་པར་འཕྲུལ་བ་ལ་འཇུག་པའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་དྲུག་པའོ།། །།སྤྲིན་ཆེན་སྙིང་པོས་གསོལ་པ། གནས་ཀྱི་རྣམ་པ་དང་བཅས་པ་
ཡངས་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གནས་སྲུང་བ་ཞི་བའི་དུས་ཚོད་ཅེས་བྱ་བའི་ཆོས་ཀྱི་སྒོ་དང༌།
ཡང་དག་པའི་སྙིང་པོའི་གནས་ཀྱི་ལམ་ཞེས་བྱ་བའི་ཆོས་ཀྱི་སྒོ་དང༌། ཆུའི་གྲགས་པའི་དེ་ཁོ་ནའི་སྙིང་པོའི་གནས་ཞེས་བྱ་བའི་ཆོས་ཀྱི་སྒོ་དང༌། གྲུབ་པ་བསྔགས་པའི་གནས་ཞེས་བྱ་བའི་ཆོས་
ཀྱི་སྒོ་དང༌། གྲགས་པ་སྙིང་པོའི་རྣམ་པའི་མཚམས་བཟང་པོའི་གནས་ཞེས་བྱ་བའི་ཆོས་ཀྱི་སྒོ་དང༌། རྟག་ཏུ་དགའ་བ་རྒྱས་པའི་གནས་ཞེས་བྱ་བའི་ཆོས་ཀྱི་སྒོ་དང༌། གཞི་ནས་སྐྱེས་པའི་
སྟོབས་ཀྱི་གནས་ཞེས་བྱ་བའི་ཆོས་ཀྱི་སྒོ་དང༌། སྙིང་རྗེའི་སྟོབས་ཀྱི་གནས་ཞེས་བྱ་བའི་ཆོས་ཀྱི་སྒོ་དང༌། བཟོད་པ་ལ་ངེས་པར་གནས་པ་ཞེས་བྱ་བའི་ཆོས་ཀྱི་སྒོ་དང༌། རྟག་ཏུ་གཙང་བའི་
༄༅། །གནས་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། གནས་ཀྱི་རྣམ་པ་དང་བཅས་པ་ཡངས་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་རིན་པོ་ཆེའི་
རིགས་ཀྱི་འོད་ཅེས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །དེ་བཞིན་གཤེགས་པ་ཡེ་ཤེས་སྐུ། །ཡེ་ཤེས་ཡོན་ཏན་འབྱུང་གནས་མཛེས། །སེམས་
ཅན་རྣམས་ལ་སྨན་སླད་དུ། །ཆོས་རྣམས་སྣ་ཚོགས་སྟོན་པ་མཛད། །གནས་ཀྱི་རྣམ་པ་དང་བཅས་པ་ཡངས་པའི་ཚོད་ཀྱི་སྒོའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་བདུན་པའོ།། །།
སྤྲིན་ཆེན་སྙིང་པོས་གསོལ་པ། ལྷག་པའི་བསམ་པའི་ཆོ་ག་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱི་བཀའ་
སྩལ་པ༑ མཚམས་བཟང་པོ་ལ་གནས་པ་ཞེས་བྱ་བའི་ཆོས་ཀྱི་སྒོ་དང༌། ལྷག་པའི་བསམ་པའི་ཆོ་ག་ཤེས་པའི་རྒྱ་མཚོའི་ཕྱག་རྒྱ་ཞེས་བྱ་བའི་ཆོས་ཀྱི་སྒོ་དང༌། ཡེ་ཤེས་ཀྱི་དུས་
ཚོད་ཅེས་བྱ་བའི་ཆོས་ཀྱི་སྒོ་དང༌། འགྲོ་བའི་དུས་ཚོད་ཀྱི་ཆོ་འཕྲུལ་གྱི་ལྷག་པའི་བསམ་པའི་ཆོ་ག་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། ནམ་མཁའ་དང་མཉམ་པར་མངོན་པར་རྩེ་བ་ཞེས་
བྱ་བའི་ཆོས་ཀྱི་སྒོ་དང༌། མི་གནས་པ་ཞེས་བྱ་བའི་ཆོས་ཀྱི་སྒོ་དང༌། མངོན་པར་རྒྱུ་བ་བསགས་པ་ཞེས་བྱ་བའི་ཆོས་ཀྱི་སྒོ་དང༌། བསྙེན་པར་འོས་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། སྦྱིན་
པར་དགའ་བ་ལ་མངོན་པར་མོས་པ་ཞེས་བྱ་བའི་ཆོས་ཀྱི་སྒོ་དང༌། སེམས་དགེ་ཞིང་ལྷག་པའི་བསམ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། ལྷག་པའི་བསམ་པའི་ཆོ་ག་
ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་ཤེས་པས་རྒྱས་པ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །བཅོམ་ལྡན་
སངས་རྒྱས་བལྟར་མི་གདའ། །ནམ་མཁའ་མཚུངས་ཤིང་འདྲ་བ་ལགས། །སེམས་ཅན་རྣམས་ལ་སྨན་སླད་དུ། །སྣང་བ་སྣ་ཚོགས་སྟོན་པ་མཛད། །ལྷག་པའི་བསམ་པའི་ཆོ་ག་ལ་འཇུག་
པའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་བརྒྱད་པའོ།། །།སྤྲིན་ཆེན་སྙིང་པོས་གསོལ་པ། དམིག་ཆེན་པོ་དཔའ་བའི་རྒྱལ་པོའི་སྟོབས་བཀོད་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་
ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། དཔའ་བོ་རྣམ་པར་རྒྱལ་བའི་ཞིང་གི་རྣམ་པ་ཞེས་བྱ་བའི་ཆོས་ཀྱི་སྒོ་དང༌། དཔའ་བར་འགྲོ་བ་ཕུན་སུམ་ཚོགས་
པའི་རྗེས་ལས་སྐྱེས་པ་ཞེས་བྱ་བའི་ཆོས་ཀྱི་སྒོ་དང༌། དཔའ་བོ་རྣམ་པར་རྩེ་བའི་དམིགས་པ་ལ་མཁས་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། དཔའ་བོའི་ཚུལ་ལ་འཇུག་པའི་སྟོབས་
ཕུན་སུམ་ཚོགས་པ་ལ་བྱ་བ་བྱེད་པ་ཞེས་བྱ་བའི་ཆོས་ཀྱི་སྒོ་དང༌། གཡུལ་ངོར་དཔའ་བའི་རྣམ་པ་ཞེས་བྱ་བའི་ཆོས་ཀྱི་སྒོ་དང༌། སྙིང་སྟོབས་ཕུན་སུམ་ཚོགས་པའི་རྣམ་པ་ཞེས་བྱ་བའི་ཆོས་
༄༅། །ཀྱི་སྒོ་དང༌། ཡེ་ཤེས་བརྟན་པ་དཔའ་བོའི་རྣམ་པ་ཞེས་བྱ་བའི་ཆོས་ཀྱི་སྒོ་དང༌། ལེ་ལོའི་དུས་སུ་དཔའ་བོའི་རྣམ་པ་ཞེས་བྱ་བའི་ཆོས་ཀྱི་སྒོ་དང༌། གཟི་བརྗིད་
ཀྱི་སྟོབས་ཀྱི་རྣམ་པ་ཞེས་བྱ་བའི་ཆོས་ཀྱི་སྒོ་དང༌། དཔའ་བོའི་གྲོག་གི་འོད་ཀྱི་རྣམ་པ་ཞེས་བྱ་བའི་ཆོས་ཀྱི་སྒོ་དང༌། དཔའ་བོའི་ཐོག་ཏོག་གི་དམག་གི་ལག་པའི་རྣམ་པ་ཞེས་བྱ་བའི་
ཆོས་ཀྱི་སྒོ་སྟེ། བཅུ་པོ་དེ་དག་ནི། དམག་ཆེན་པོར་དཔའ་བའི་རྒྱལ་པོའི་སྟོབས་བཀོད་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་དཔའ་བརྟན་བརྟུལ་ཞུགས་ངེས་པ་ལ་
ཉེ་བར་གནས་པ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །དཔའ་ཆེན་མི་ཕྱེད་འཁོར་དང་ལྡན། །ཆོས་ཀྱི་དམག་གི་འདྲེན་པའོ། །སེམས་
ཅན་རྣམས་ལ་སྨན་སླད་དུ། །བདུད་གཞོམ་པ་ཡང་སྟོན་པ་མཛད། །དམག་ཆེན་པོ་དཔའ་བའི་རྒྱལ་པོ་སྟོབས་བཀོད་པའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་དགུ་པའོ།། །།སྤྲིན་ཆེན་
སྙིང་པོས་གསོལ་པ། བཟང་པོའི་རྣམ་པའི་རྣམ་པར་འཕྲུལ་པའི་རྒྱལ་པོ་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་
བཀའ་སྩལ་པ། བཟང་པོ་རིན་པོ་ཆེའི་རྣམ་པའི་དུས་ཚོད་ཅེས་བྱ་བའི་ཆོས་ཀྱི་སྒོ་དང༌། བཟང་པོ་དང་པའི་རྣམ་པ་ཞེས་བྱ་བའི་ཆོས་ཀྱི་སྒོ་དང༌། བཟང་པོའི་རྣམ་པའི་སྟོབས་ཀྱིས་མངོན་
པར་རྩེ་བ་ཞེས་བྱ་བའི་ཆོས་ཀྱི་སྒོ་དང༌། བཟང་པོའི་ནོར་གྱི་གནས་ཞེས་བྱ་བའི་ཆོས་ཀྱི་སྒོ་དང༌། བཟང་པོ་ཕུན་སུམ་ཚོགས་པའི་ལུས་ཞེས་བྱ་བའི་ཆོས་ཀྱི་སྒོ་དང༌། བཟང་པོའི་གཙང་སྦྲ་ལ་ངེས་
བའི་རྣམ་པ་ཞེས་བྱ་བའི་ཆོས་ཀྱི་སྒོ་དང༌། བཟང་པོའི་གློག་གི་འོད་འཕྲོ་བའི་རྒྱལ་པོའི་མཛོད་ཀྱི་རྣམ་པ་ཞེས་བྱ་བའི་ཆོས་ཀྱི་སྒོ་དང༌། བཟང་པོའི་རྣམ་པས་ལེགས་པར་བརྒྱན་པའི་བློ་གྲོས་ཞེས་
བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། བཟང་པོའི་རྣམ་པའི་རྣམ་པར་འཕྲུལ་པའི་རྒྱལ་པོ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་བཟང་སྐྱོང་ཞེས་བྱ་བས་
བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །བཟང་པོའི་མཚན་རྣམས་ཕུན་སུམ་ཚོགས། །བཟང་པོའི་གདན་ལ་རབ་ཏུ་ཞུགས། །སེམས་ཅན་རྣམས་
ལ་སྨན་སླད་དུ། །ཆོས་རྣམས་སྣ་ཚོགས་སྟོན་པ་མཛད། །བཟང་པོའི་རྣམ་པའི་རྣམ་པར་འཕྲུལ་པའི་རྒྱལ་པོ་ལ་འཇུག་པ་ཞེས་བྱ་བའི་ཆོས་ཀྱི་སྒོའི་གླེང་གཞིའི་ལེའུ་ཞེས་བྱ་སྟེ། སུམ་ཅུ་
པའོ།། །།སྤྲིན་ཆེན་སྙིང་པོས་གསོལ་པ། རྩེ་བ་དང་བཅས་པ་ཡང་དག་པར་སྦས་པ་སྟོན་པའི་དཔུང་བསྐྱེད་པ་ལ་འཇུག་པ་ཞེས་བྱ་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་
བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། དགའ་བས་རྩེ་བ་དང་བཅས་པ་ཡང་དག་པར་སྦས་པ་ཞེས་བྱ་བའི་ཆོས་ཀྱི་སྒོ་དང༌། མགུ་བས་རྩེ་བ་དང་བཅས་པ་ཡང་དག་པར་
༄༅། །སྦས་པ་ཞེས་བྱ་བའི་ཆོས་ཀྱི་སྒོ་དང༌། མཆོག་ཏུ་དགའ་བས་རྩེ་བ་དང་བཅས་པ་ཡང་དག་པར་སྦས་པ་ཞེས་བྱ་བའི་ཆོས་ཀྱི་སྒོ་དང༌། མངོན་པར་ཞུགས་པའི་རྣམ་པས་རྩེ་བ་
དང་བཅས་པ་ཡང་དག་པར་སྦས་པ་ཞེས་བྱ་བའི་ཆོས་ཀྱི་སྒོ་དང༌། སེངྒེའི་སྒྲས་རྩེ་བ་དང་བཅས་པ་ཡང་དག་པར་སྦས་པ་ཞེས་བྱ་བའི་ཆོས་ཀྱི་སྒོ་དང༌། ཚུལ་གྱིས་རྩེ་བ་དང་བཅས་པ་ཡང་དག་པར་
སྦས་པ་སྟོན་པའི་དཔུང་བསྐྱེད་པ་ཞེས་བྱ་བའི་ཆོས་ཀྱི་སྒོ་དང༌། བྱམས་པས་རྩེ་བ་དང་བཅས་པ་ཡང་དག་པར་སྦས་པ་སྟོན་པའི་སྟོབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། སྙིང་རྗེས་རྩེ་བ་
དང་བཅས་པ་ཡང་དག་པར་སྦས་པ་སྟོན་པའི་སྟོབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། དགའ་བས་རྩེ་བ་དང་བཅས་པ་ཡང་དག་པར་སྦས་པ་སྟོན་པའི་སྟོབས་ལ་འཇུག་པ་ཞེས་བྱ་
བའི་ཆོས་ཀྱི་སྒོ་དང༌། བཏང་སྙོམས་ཀྱིས་རྩེ་བ་དང་བཅས་པ་ཡང་དག་པར་སྦས་པའི་སྟོན་པའི་སྟོབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། རྩེ་བ་དང་བཅས་པ་ཡང་
དག་པར་སྦས་པ་སྟོན་པའི་དཔུང་བསྐྱེད་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་བློ་གྲོས་རྒྱ་མཚོ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་
སུ་བཅད་པ་འདི་སྨྲས་སོ། །རྟག་པའི་ལྗོན་པ་སློབ་མའི་ས་ཡིས་ནི་བསྟེན་གྱུར་ཅིང༌། །བྱང་ཆུབ་ཡན་ལག་མེ་ཏོག་རྟག་ཏུ་ཞི་བའི་རྩ། །བསམ་གཏན་མྱུ་གུ་ཡལ་ག་འབྲས་བུར་ལྡན་པ་པོ། །རྫུ་
འཕྲུལ་ལོ་མ་ཤིང་རྟ་ཁྱོད་ལ་མགོ་བོས་གཏུགས། །རྩེ་བ་དང་བཅས་པ་ཡང་དག་པར་སྦས་པ་སྟོན་པའི་དཔུང་བསྐྱེད་པ་ལ་འཇུག་པའི་གླེང་གཞིའི་ལེའུ་ཞེས་བྱ་སྟེ། སུམ་ཅུ་གཅིག་པའོ།། །།
སྤྲིན་ཆེན་སྙིང་པོས་གསོལ་པ། ཡེ་ཤེས་རྩོམ་པའི་ཆོ་ག་ལ་ཞུགས་པའི་རྣམ་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་
པ༑ དམིགས་པ་ལ་མངོན་པར་བརྐམ་པ་ཞེས་བྱ་བའི་ཆོས་ཀྱི་སྒོ་དང༌། རྒྱན་གྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། སྟོབས་འབྲི་བར་བྱ་བ་ལ་མངོན་པར་དགའ་བ་ཞེས་བྱ་བའི་ཆོས་ཀྱི་སྒོ་དང༌།
མཁས་པའི་ལུས་མི་ཟད་པ་ཞེས་བྱ་བའི་ཆོས་ཀྱི་སྒོ་དང༌། རྩེ་བ་ལ་མངོན་པར་ཆགས་པ་ཞེས་བྱ་བའི་ཆོས་ཀྱི་སྒོ་དང༌། སྦྱིན་པ་དང་རིམ་གྲོའི་བྱ་བ་བྱེད་པ་ཞེས་བྱ་བའི་ཆོས་ཀྱི་སྒོ་དང༌། ཐང་ལ་མངོན་པར་
དགའ་པའི་སྦྱོར་བ་ཞེས་བྱ་བའི་ཆོས་ཀྱི་སྒོ་དང༌། སྦྱོར་བའི་མཚམས་ལ་མངོན་པར་འཇུག་པ་ཞེས་བྱ་བའི་ཆོས་ཀྱི་སྒོ་དང༌། དགའ་བའི་དུས་ཚོད་ཀྱི་སྦྱོར་བ་ལ་གནས་པ་ཞེས་བྱ་བའི་ཆོས་ཀྱི་སྒོ་དང༌།
གཞུང་ལུགས་མངོན་པའི་གནས་ལ་གནས་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། ཡེ་ཤེས་རྩོམ་པའི་ཆོ་ག་ལ་ཞུགས་པའི་རྣམ་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་
མོ་སྣ་མའི་མེ་ཏོག་ལ་མངོན་པར་དགའ་བ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །དཔའ་ཆེན་ཡེ་ཤེས་རྩོམ་པ་པོ། །ཡང་དག་རྩོམ་ལ་རབ་སྦྱོར་
༄༅། །བ༑ ༑སེམས་ཅན་རྣམས་ལ་ཕན་བཞེད་པ། །ཆོས་རྣམས་སྣ་ཚོགས་སྟོན་པ་མཛད། །ཡེ་ཤེས་རྩོམ་པའི་ཆོ་ག་ལ་ཞུགས་པའི་རྣམ་པའི་གླེང་གཞིའི་ལེའུ་ཞེས་
བྱ་སྟེ། སུམ་ཅུ་གཉིས་པའོ།། །།སྤྲིན་ཆེན་སྙིང་པོས་གསོལ་པ། ཡེ་ཤེས་ཀྱི་ནོར་བསྒྲིམས་ཏེ་སྒྲུབ་པའི་མཛོད་ཅེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་
དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལེགས་པའི་ནན་ཏན་གྱི་སྦྱོར་བ་ལ་མཁས་པའི་རིན་པོ་ཆེ་སྒྲུབ་པ་ཞེས་བྱ་བའི་ཆོས་ཀྱི་སྒོ་དང༌། དམ་པའི་ཆོས་ལ་ཤིན་ཏུ་གུས་
པར་སྒྲིམ་པའི་སེམས་ལ་གནས་པར་སྦྱོར་བ་ཞེས་བྱ་བའི་ཆོས་ཀྱི་སྒོ་དང༌། བདེན་པའི་དུས་ཚོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང༌། ཡང་དག་པར་ཟབ་ཅིང་བརྟན་པ་ལ་རྩེ་བ་དང་བཅས་
པའི་རྒྱ་མཚོའི་རིན་པོ་ཆེའི་རྫས་སྒྲུབ་པ་ཞེས་བྱ་བའི་ཆོས་ཀྱི་སྒོ་དང༌། མངོན་པར་དགའ་བ་སྒྲུབ་པ་ཞེས་བྱ་བའི་ཆོས་ཀྱི་སྒོ་དང༌། ཡེ་ཤེས་ཀྱི་སྟོབས་རབ་ཏུ་སྒྲུབ་པ་ཞེས་བྱ་བའི་ཆོས་ཀྱི་སྒོ་
དང༌། མངོན་པར་རྒྱུ་བ་སྒྲུབ་པ་ཞེས་བྱ་བའི་ཆོས་ཀྱི་སྒོ་དང༌། མངོན་པར་འདོད་པར་བྱ་བའི་ཡོན་ཏན་སྒྲུབ་པ་ཞེས་བྱ་བའི་ཆོས་ཀྱི་སྒོ་དང༌། ལུས་ལ་སྦྱོར་བ་ཞེས་བྱ་བའི་ཆོས་ཀྱི་སྒོ་དང༌།
མཁས་པ་དང༌། གཙང་སྤྲ་དང༌། ངེས་པ་དང༌། བརྟུལ་ཞུགས་དང༌། ཉེ་བར་གནས་པ་ལ་བསྒྲིམས་ཏེ་སྒྲུབ་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། ཡེ་ཤེས་ཀྱི་ནོར་བསྒྲིམས་
ཏེ་སྒྲུབ་པའི་མཛོད་ཅེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་ཕྲེང་བ་སྣ་ཚོགས་ཅན་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །གསང་
བའི་འབྱུང་གནས་བསམ་གཏན་ཞི་བའི་ཡན་ལག་གི །ཅོད་པན་རྣམ་གྲོལ་ཆུ་དང་དྲན་པ་བསིལ་བའི་རླབས། །བདག་ཉིད་རྟག་ཟབ་ཞི་བའི་བདག་ཉིད་ཆེ་བ་སྟེ། །རྒྱ་མཚོའི་ཚུལ་འདྲ་ཁྱོད་ལ་
མགོ་བོས་གཏུགས་པར་བགྱི། །ཡེ་ཤེས་ཀྱི་ནོར་བསྒྲིམས་སྟེ་སྒྲུབ་པའི་མཛོད་ཀྱི་གླེང་གཞིའི་ལེའུ་ཞེས་བྱ་སྟེ། སུམ་ཅུ་གསུམ་པའོ།། །།སྤྲིན་ཆེན་སྙིང་པོས་གསོལ་པ། ཡང་དག་
པའི་མཆོད་སྦྱིན་ལ་ཕན་པའི་ཆོག་བཀོད་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ངེས་པར་བསྡམས་པའི་
ཆོག་བརྟག་པ་ཞེས་བྱ་བའི་ཆོས་ཀྱི་སྒོ་དང༌། མཆོད་སྦྱིན་ལ་ཕན་པའི་རིན་པོ་ཆེའི་ཚོགས་བསྲུངས་པ་ཞེས་བྱ་བའི་ཆོས་ཀྱི་སྒོ་དང༌། གཙང་སྦྲ་སྲུང་བའི་དུས་ཚོད་ཅེས་བྱ་བའི་ཆོས་ཀྱི་སྒོ་དང༌།
གཙང་སྦྲ་ལ་མངོན་པར་དགའ་བ་ཞེས་བྱ་བའི་ཆོས་ཀྱི་སྒོ་དང༌། སྦྱིན་པའི་ལོངས་སྤྱོད་སྦྱིན་པ་ཞེས་བྱ་བའི་ཆོས་ཀྱི་སྒོ་དང༌། མིག་རབ་ཏུ་སྦྱིན་པ་ཞེས་བྱ་བའི་ཆོས་ཀྱི་སྒོ་དང༌། ཟབ་མོ་གསང་
བ་སྟོན་ཅིང་འཆད་པ་ཞེས་བྱ་བའི་ཆོས་ཀྱི་སྒོ་དང༌། ཟབ་མོའི་ཆོས་ལ་གཅེས་པ་ཞེས་བྱ་བའི་ཆོས་ཀྱི་སྒོ་དང༌། དེ་ཁོ་ནའི་སྙིང་པོ་ལ་གནས་པ་ཞེས་བྱ་བའི་ཆོས་ཀྱི་སྒོ་དང༌། གཞུང་ལུགས་
༄༅། །ཐམས་ཅད་སྟོན་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི། ཡང་དག་པའི་མཆོད་སྦྱིན་ལ་ཕན་པའི་ཆོ་ག་བཀོད་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་
ཚེ་ལྷ་མོ་ཆོས་ལ་མངོན་པར་དགའ་བ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །དཔའ་ཆེན་ཆོས་ཀྱི་མཆོད་སྦྱིན་ཅན། །སྦྱིན་པའི་ཚོགས་
ལྡན་དེ་བཞིན་གཤེགས། །སེམས་ཅན་རྣམས་ལ་སྨན་སླད་དུ། །མཆོད་སྦྱིན་སྣ་ཚོགས་སྟོན་པ་མཛད། །ཡང་དག་པའི་མཆོད་སྦྱིན་ལ་ཕན་པའི་ཆོ་ག་བཀོད་པའི་གླེང་གཞིའི་
ལེའུ་ཞེས་བྱ་སྟེ། སུམ་ཅུ་བཞི་པའོ།། །།སྤྲིན་ཆེན་སྙིང་པོས་གསོལ་པ། སངས་རྒྱས་ཀྱི་ཞིང་གི་ཡང་དག་པའི་ས་བོན་རབ་ཏུ་སྐྱེད་པ་ཞེས་བགྱི་བའི་ཆོས་ཀྱི་སྒོ་བཅུ་
བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེའི་འབྱུང་གནས་ཀྱིས་རྣམ་པར་རྒྱལ་བ་ཞེས་བྱ་བའི་ཆོས་ཀྱི་སྒོ་དང༌། རིན་པོ་ཆེའི་
འབྱུང་གནས་ཀྱི་ནོར་གྱི་ཆར་འབེབས་པ་ཞེས་བྱ་བའི་ཆོས་ཀྱི་སྒོ་དང༌། རིན་པོ་ཆེའི་འབྱུང་གནས་ཀྱི་བསོད་ནམས་ཀྱི་མཛོད་ཅེས་བྱ་བའི་ཆོས་ཀྱི་སྒོ་དང༌། རིན་པོ་ཆེའི་འབྱུང་གནས་ཀྱི་ཡང་དག་
པའི་སྙིང་པོའི་བློ་གྲོས་ཞེས་བྱ་བའི་ཆོས་ཀྱི་སྒོ་དང༌། རིན་པོ་ཆེའི་འབྱུང་གནས་ཀྱི་ལུས་ཞེས་བྱ་བའི་ཆོས་ཀྱི་སྒོ་དང༌། རིན་པོ་ཆེའི་འབྱུང་གནས་ཀྱི་འོད་འཕྲོ་བཟང་པོ་ཞེས་བྱ་བའི་ཆོས་ཀྱི་སྒོ་
དང༌། རིན་པོ་ཆེའི་འབྱུང་གནས་ཀྱི་སྒྲོན་མའི་འོད་འཕྲོ་ཞེས་བྱ་བའི་ཆོས་ཀྱི་སྒོ་དང༌། རིན་པོ་ཆེའི་འབྱུང་གནས་ཀྱི་གློག་གི་འོད་ཀྱི་བློ་གྲོས་མི་ཟད་པའི་ཅོད་པན་གྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་
དང༌། རིན་པོ་ཆེའི་འབྱུང་གནས་ལ་གནས་པའི་གཙང་སྦྲ་ཞེས་བྱ་བའི་ཆོས་ཀྱི་སྒོ་དང༌། རིན་པོ་ཆེའི་ཐམས་ཅད་ཀྱི་ཞིང་གི་འབྲས་བུའི་རོའི་ཕུང་པོ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི།
སངས་རྒྱས་ཀྱི་ཞིང་གི་ཡང་དག་པའི་ས་བོན་རབ་ཏུ་སྐྱེད་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་རིན་ཆེན་ཆར་འབེབས་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་
སུ་བཅད་པ་འདི་སྨྲས་སོ། །བཅོམ་ལྡན་སངས་རྒྱས་བསོད་ནམས་ཞིང༌། །འཇིག་རྟེན་ཀུན་ལ་ཐུགས་བརྩེ་ཞིང༌། །སེམས་ཅན་རྣམས་ལ་སྨན་སླད་དུ། །ཞིང་རྣམས་སྣ་ཚོགས་སྟོན་པ་མཛད། །
སངས་རྒྱས་ཀྱི་ཞིང་གི་ཡང་དག་པའི་ས་བོན་རབ་ཏུ་སྐྱེད་པའི་གླེང་གཞིའི་ལེའུ་ཞེས་བྱ་སྟེ། སུམ་ཅུ་ལྔ་པའོ།། །།སྤྲིན་ཆེན་སྙིང་པོས་གསོལ་པ། དེ་ཁོ་ནའི་སྙིང་པོའི་ཚུལ་གྱིས་མངོན་
པར་རྩེ་བ་ལ་དགའ་བའི་རྒྱལ་པོའི་རྣམ་པར་འཕྲུལ་པ་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། མི་
གཡོ་བར་དགའ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང༌། རྩ་བ་བརྟན་པ་ལ་གནས་པ་ཞེས་བྱ་བའི་ཆོས་ཀྱི་སྒོ་དང༌། མི་བསྐྱོད་པ་ཞེས་བྱ་བའི་ཆོས་ཀྱི་སྒོ་དང༌། ཟབ་མོ་ལ་རབ་ཏུ་གནས་པ་
༄༅། །ཞེས་བྱ་བའི་ཆོས་ཀྱི་སྒོ་དང༌། བསམ་གྱིས་མི་ཁྱབ་པའི་མཛོད་ཀྱི་རྣམ་པར་ཐར་པ་ཞེས་བྱ་བའི་ཆོས་ཀྱི་སྒོ་དང༌། ཡིད་དུ་འོང་བའི་རྒྱས་པའི་བློ་གྲོས་ཀྱི་རྒྱལ་པོ་ཞེས་
བྱ་བའི་ཆོས་ཀྱི་སྒོ་དང༌། མི་གནས་མི་ཟད་པའི་བློ་གྲོས་ཀྱི་སྟོབས་ཞེས་བྱ་བའི་ཆོས་ཀྱི་སྒོ་དང༌། བསམ་གྱིས་མི་ཁྱབ་པའི་ཚུལ་གྱིས་མཐའ་ཞེས་བྱ་བའི་ཆོས་ཀྱི་སྒོ་དང༌། ཡེ་ཤེས་ཀྱི་ཕྱག་རྒྱའི་
མཐའ་ཞེས་བྱ་བའི་ཆོས་ཀྱི་སྒོ་དང༌། རྒྱ་མཚོ་མ་ཟད་པ་ཐམས་ཅད་ཀྱི་བློ་གྲོས་རྒྱལ་པོ་ཞེས་བྱ་བའི་ཆོས་ཀྱི་སྒོ་སྟེ། སྤྲིན་ཆེན་སྙིང་པོ། བཅུ་པོ་དེ་དག་ནི། དེ་བཞིན་གཤེགས་པ་རྣམས་དང༌།
བྱང་ཆུབ་སེམས་དཔའ་རྣམས་ཀྱི་དེ་ཁོ་ནའི་སྙིང་པོའི་ཚུལ་གྱིས་མངོན་པར་རྩེ་བ་ལ་དགའ་བའི་རྒྱལ་པོའི་རྣམ་པར་འཕྲུལ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་
ཚེ་ལྷའི་བུ་སྐར་འོད་ཅེས་བྱ་བས་བཅོམ་ལྡན་འདས་ལ་མཆོད་པ་ཆེན་པོའི་ལས་བྱས་ནས་ཚིགས་སུ་བཅད་པ་འདི་སྨྲས་སོ། །ཀྱེ་མ་བཅོམ་ལྡན་འདས་སངས་རྒྱས་བསམ་མི་ཁྱབ། །དེ་བཞིན་
གཤེགས་པ་བསམ་གྱིས་མི་ཁྱབ་སྐུ། །སེམས་ཅན་རྣམས་ལ་ཕན་པ་མཛད་སླད་དུ། །བསམ་གྱིས་མི་ཁྱབ་བསམ་ཡས་མདོ་ཡང་སྟོན། །དེ་ཁོ་ནའི་སྙིང་པོའི་ཚུལ་གྱིས་མངོན་པར་རྩེ་བ་
ལ་དགའ་བའི་རྒྱལ་པོའི་རྣམ་པར་འཕྲུལ་པ་ལ་འཇུག་པའི་གླེང་གཞིའི་ལེའུ་ཞེས་བྱ་སྟེ་སུམ་ཅུ་དྲུག་པའོ།། །།དེ་ནས་དེའི་ཚེ་ལྷའི་བུ་བློ་གྲོས་མྱུར་ལྡན་ཞེས་བྱ་བས་བཅོམ་ལྡན་
འདས་ལ་མཆོད་པ་ཆེན་པོའི་ལས་བྱས་ནས་བཅོམ་ལྡན་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཏ་ལ་བདུན་སྲིད་ཙམ་དུ་བར་སྣང་ལ་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་
ཏོ༑ ༑བཅོམ་ལྡན་འདས། མདོ་སྡེ་དག་ལ་དུ་ཞིག་མཆིས། །ཏིང་འཛིན་རྣམས་ཀྱང་དུ་ཞིག་མཆིས། །གཟུངས་ཀྱི་ལམ་དག་དུ་ཞིག་མཆིས། །གསང་ལ་འཇུག་པ་དུ་ཞིག་མཆིས། །བཅོམ་ལྡན་འདས།
ད་ལྟར་བཞུགས་པའི་སངས་རྒྱས་དུ། །མ་བྱོན་པ་ནི་དུ་ཞིག་བཞུགས། །འདས་པའི་སངས་རྒྱས་དུ་ཙམ་ཞིག །སངས་རྒྱས་སྤྱོད་ཡུལ་ཇི་སྙེད་མཆིས། །འཇིག་རྟེན་ཁམས་ནི་དུ་ཞིག་མཆིས། །གསུང་
བར་འཚལ་ལོ་གཽ་ཏ་མ། །སེམས་ཅན་ཀུན་གྱི་མཆོག་ཏུ་གྱུར་པ། །གཽ་ཏ་མ་ལ་བདག་ཞུ་ན། །སེམས་ཅན་ཀུན་ལ་སྨན་སླད་དུ། །རྐང་གཉིས་གཙོ་བོས་བཤད་དུ་གསོལ། །དེ་ནས་སངས་རྒྱས་ཀྱི་མཐུས་
ལྷའི་བུ་བློ་གྲོས་མི་ཟད་པའི་སྙིང་པོ་ཞེས་བྱ་བས་བློ་གྲོས་མྱུར་ལྡན་ཞེས་བྱ་བ་ལ་ཚིགས་སུ་བཅད་དེ་སླར་སྨྲས་པ། ཚངས་པ་ཆེན་པོ་ལེགས་སོ་ལེགས། །སེམས་ཅན་ཀུན་ལ་ཕན་པའི་ཕྱིར། །ཞུ་བའི་
རྒྱལ་པོ་ལེགས་པར་ཞུས། །འཇིགས་མེད་འདི་ནི་རིགས་པ་ཡིན། །དྲིས་པའི་དོན་ནི་རིམ་བཞིན་དུ། །མིག་ཡངས་རབ་ཏུ་བཤད་པར་བྱའི། །གཡེང་བ་མེད་པའི་སེམས་ཀྱིས་སུ། །ཚངས་ཆེན་
ཁྱོད་ཀྱིས་མཉན་པར་གྱིས། །མདོ་སྡེ་རྣམས་ནི་རེ་རེ་ལ། །གངྒཱའི་ཀླུང་གི་བྱེ་སྙེད་ཀྱི། །བསྒྱུར་བའི་དོན་ནི་མང་ཡོད་ཅེས། །ཆོས་གསུང་བས་ནི་ངེས་པར་བསྟན། །གཟུངས་ཀྱི་འབབ་ཆུའི་མིང་
༄༅། །རྣམས་ཀྱང༌། །རེ་རེ་ནས་ནི་རབ་དབྱེ་ན། །དོན་མང་དྲི་བ་མང་ཡོད་ཅེས། །ཆོས་གསུང་བས་ནི་ངེས་པར་བསྟན། །ཏིང་འཛིན་འབབ་ཆུའི་མིང་རྣམས་ཀྱང༌། །རེ་རེ་ནས་ནི་
རབ་དབྱེ་ན། །དོན་མང་དྲི་བ་མང་ཡོད་ཅེས། །ཆོས་གསུང་བས་ནི་ངེས་པར་བསྟན། །ཀུན་དགའ་བོ་དང་འདྲ་བའི་མི། །དཀྲིགས་ཕྲག་བྱེ་བ་སྙེད་ཡོད་ལ། །མདོ་ལས་གཅིག་གི་ཚད་གཟུང་ཕྱིར།།
སྐྱེས་བུ་དམ་པ་བྱུང་གྱུར་ཏེ། །སྐྱེས་བུ་དམ་པ་དེ་ཀུན་ལས། །སྐྱེས་བུ་སྐྱེས་མཆོག་རེ་རེ་ཡང༌། །ལྷ་ཡི་ལོ་མང་བྱེ་བརྒྱད་ཐུབ། །སྐྱེས་བུ་བརྟན་པོ་རེ་རེ་ཡང༌། །གངྒཱའི་བྱེ་མ་ཇི་ཙམ་པར། །
རང་རང་གི་ནི་ལྕེ་ཚོགས་རྣམས། །མདོ་སྡེ་དག་གི་མིང་གི་ཕྱིར། །བྱིན་གྱིས་བརླབས་པར་བྱས་པ་དང༌། །དེ་དག་གི་ནི་ཐབས་ཚུལ་གྱིས། །སྐྱེས་བུ་སྐྱེས་མཆོག་དེ་དག་གིས། །མདོ་སྡེ་
རྣམས་ནི་རེ་རེ་ཡི། །མིང་ཙམ་དག་ཀྱང་བསླབ་པའི་ཕྱིར། །ལོ་མང་བྱེ་བ་བརྒྱ་པ་ཡི། །སྐྱེས་བུ་དེ་འདྲ་དེ་ཀུན་གྱིས། །འབབ་ཆུ་འདྲ་བའི་མིང་བཟུང་ཡང༌། །ཐ་མར་ཕྱིན་པར་མི་ནུས་ཏེ། །
བཅོམ་ལྡན་མདོ་ནི་བསམ་མི་ཁྱབ། །ཏིང་འཛིན་གྲངས་ཀྱང་དེ་བཞིན་ཏེ། །གསང་བ་བཤད་པ་བསམ་མི་ཁྱབ། །སངས་རྒྱས་བསམ་ཡས་བསམ་མི་ཁྱབ། །དེ་བཞིན་གཤེགས་པ་དཔག་
ཏུ་མེད༑ ༑སངས་རྒྱས་སྤྱོད་ཡུལ་བསམ་མི་ཁྱབ། །མཚུངས་པ་མེད་ཅིང་ཤིན་ཏུ་འདས། །འདས་པ་དག་ཀྱང་དཔག་ཏུ་མེད། །ད་ལྟར་བྱུང་བའང་བསམ་མི་ཁྱབ། །མ་འོངས་པ་ཡང་བསམ་
དུ་མེད༑ ༑འཇིག་རྟེན་ཁམས་ནའང་བསམ་མི་ཁྱབ། །དཔེར་ན། སྨན་པ་བྱུང་གྱུར་ཅིང༌། །མཁས་པ་ཞིག་གིས་ནད་རྟོགས་ནས། །ནད་པའི་ཉམས་ལས་དཔག་བྱས་ཏེ། །ཆོ་ག་རིམ་བཞིན་སྟོན་པ་དང༌། །
དཔེར་ན་བུད་མེད་མཁས་མ་ཡིན། །རང་གི་བུ་ཡི་ཉམས་རིག་ནས། །སོར་མོའི་རྩེ་མོར་མར་བྱུགས་ཏེ། །ཇི་རན་ལྡག་ཏུ་བདག་པ་ལྟར། །དེ་བཞིན་བཅོམ་ལྡན་སངས་རྒྱས་ཀྱང༌། །འདུལ་བའི་
ཉམས་དྲོད་མཁྱེན་ནས་ནི། །སེམས་ཅན་རྣམས་ཀྱིས་བཟོད་པ་ཡི། །མདོ་སྡེའི་ཚིག་དོན་སྟོན་པར་མཛད། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་
བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་བཞིན་གཤེགས་པ་རྣམས་ཀྱི་བསམ་གྱིས་མི་ཁྱབ་པའི་ཡང་བསམ་གྱིས་མི་ཁྱབ་པའི་ཡུལ་སྤྲིན་ཆེན་པོའི་མདོ།
སེམས་ཅན་ཐམས་ཅད་ལ་སྙིང་བརྩེ་བར་བགྱིད་པ་ལེགས་པར་གཟིགས་ནས་དེ་བཞིན་གཤེགས་པས་བཤད་པ་ནི། ཨ་ལ་ལ་ངོ་མཚར་ཏོ། །བཅོམ་ལྡན་འདས། ཏིང་ངེ་འཛིན་གྱི་སྒོ་བཞི་
བརྒྱའང་བཅོམ་ལྡན་འདས་དེ་བཞིན་གཤེགས་པས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། ལེགས་སོ་ལེགས་སོ། །སྤྲིན་ཆེན་སྙིང་པོ། ཁྱོད་
ལེགས་ཀྱི། གནོད་སེམས་ཀྱི་སེམས་དང་ལྡན་པ་རྣམས་བཟོད་པ་ཐོབ་པར་བྱ་བའི་དོན་དང༌། ལེ་ལོ་ཅན་དང་དྲན་པ་ཉམས་པ་རྣམས་བརྩོན་འགྲུས་དང༌། བསམ་གཏན་ཐོབ་པར་བྱ་བའི་དོན་དང༌། མ་
༄༅། །འོངས་པའི་སེམས་ཅན་བསོད་ནམས་ཆུང་དུ་རྣམས་ཀྱི་ཕྱིར་དེ་བཞིན་གཤེགས་པའི་ཡུལ་དེ་བཞིན་གཤེགས་པ་ལ་ལེགས་པར་ཞུས་པའི་སྤྲིན་ཆེན་པོའི་མདོའི་
ཆར་རྟག་ཏུ་རབ་ཏུ་ཕོབས་ཤིག །སྤྲིན་ཆེན་སྙིང་པོ། སྤྲིན་ཆེན་པོའི་མདོའི་ཡུལ་ལ་ལྟོས། གྲོང་དང༌། གྲོང་ཁྱེར་དང༌། ཡུལ་འཁོར་དང༌། རྒྱལ་པོའི་ཕོ་བྲང་གང་དག་ཏུ་སྤྲིན་ཆེན་པོའི་མདོ་འདི་
དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མས་རྒྱས་པར་རབ་ཏུ་སྤྱོད་དམ། འཆང་ངམ། སྟོན་པར་བྱེད་པ་དེ་དང་དེར་སྤྲིན་ཆེན་པོའི་ཚོགས་རྣམས་ནམ་མཁའ་ལ་འབྲུག་
སྒྲ་འབྱིན་ཅིང་དི་རི་རི་སྒྲོག་ལ། དུས་མ་ཡིན་པར་ཡང་ཆར་འབེབས་པར་འགྱུར་རོ། །ས་ཕྱོགས་ཀྱང་རྡོ་རྗེའི་རང་བཞིན་དུ་འགྱུར་རོ། །སེམས་ཅན་དེ་དག་རྡོ་རྗེའི་རང་བཞིན་དུ་འགྱུར་རོ། །སྤྲིན་
ཆེན་པོའི་མདོ་འདི་ལས་ཡི་གེའི་ཚིག་གསུམ་མམ། བདུན་ཐོས་པར་གྱུར་པ་གང་ཡིན་པའི་སེམས་ཅན་དེ་དག་ལ་སངས་རྒྱས་ཐམས་ཅད་རྗེས་སུ་ཡི་རང་བར་འགྱུར་ན། རྒྱས་པར་རྣམ་
པར་འབྱེད་པ་ལྟ་ཅི་སྨོས། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཅེས་བྱ་བའི་ཏིང་ངེ་འཛིན་ཡོད་དེ། ཏིང་ངེ་འཛིན་དེ་རྟོགས་པའི་བྱང་ཆུབ་
སེམས་དཔའ་སེམས་དཔའ་ཆེན་པོ་རྣམས་ནི། རྟག་ཏུ་དེ་བཞིན་གཤེགས་པའི་ཡོན་ཏན་ཐོབ་པར་འགྱུར་རོ། །ཐོས་པ་གསོག་པར་ཡང་འགྱུར་རོ། །དེ་བཞིན་གཤེགས་པའི་ཆོས་
རྣམས་ལས་ཀྱང་རྟག་ཏུ་ཡོངས་སུ་ཉམས་པར་མི་འགྱུར་རོ། །ཤེས་རབ་ཀྱང་ཡོངས་སུ་ཉམས་པར་མི་འགྱུར་རོ། །ཡེ་ཤེས་ཀྱང་ཡོངས་སུ་ཉམས་པར་མི་འགྱུར་རོ། །དེ་བཞིན་གཤེགས་
པའི་རྟག་པ་དང༌། བརྟན་པ་དང༌། ཐེར་ཟུག་པ་དང༌། ཞི་བའི་རང་བཞིན་དང༌། ཡོན་ཏན་གྱི་ཚོགས་ངེས་པར་འབྱེད་པའི་བློ་གྲོས་ཅན་དུའང་འགྱུར་རོ། །ཆོས་མཉན་པ་དང༌། དགེ་འདུན་ལ་
བསྙེན་བཀུར་བྱ་བ་དང་ཡང་འབྲལ་བར་མི་འགྱུར་རོ། །བསྡུ་བའི་དངོས་པོ་བཞི་ལ་ཡང་བརྩོན་པར་འགྱུར་རོ། །སྔར་སྨོས་པའི་ཡོན་ཏན་ཐམས་ཅད་དང་ཡང་ལྡན་ཞིང་མཁས་པར་འགྱུར་
གྱི༑ སྤྲིན་ཆེན་སྙིང་པོ། ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཅེས་བྱ་བའི་ཏིང་ངེ་འཛིན་ཟུངས་ཤིག །སྤྲིན་ཆེན་སྙིང་པོ། གཞན་ཡང་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་
ཡུལ་ལ་འཇུག་པ་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ལྷའི་གནས་ཐམས་ཅད་ནའང་བྱ་བ་ལ་སྣང་
སྟེ༑ ཚངས་པ་ལ་དད་པའི་སེམས་ཅན་རྣམས་ཀྱི་མཆོད་པའི་འོས་སོ་སྙམ་པའི་ལྟ་བ་གཅད་པའི་ཕྱིར་ཚངས་པའི་གནས་རྣམས་སུ་ནི། ཚངས་པའི་གཟུགས་ལྟ་བུར་སྣང་སྟེ། ལྟ་བ་ལ་གནས་
པར་ཡང་མི་འགྱུར་རོ། །དབང་ཕྱུག་ཆེན་པོ་ལ་དད་པའི་སེམས་ཅན་རྣམས་ཀྱི་ལྟ་བ་གཅད་པའི་ཕྱིར་དབང་ཕྱུག་ཆེན་པོའི་གནས་རྣམས་སུ་ནི། དབང་ཕྱུག་ཆེན་པོའི་གཟུགས་ལྟ་བུར་སྣང་སྟེ། ལྟ་
༄༅། །བ་ལ་གནས་པར་ཡང་མི་འགྱུར་རོ། །གཞོན་ནུ་ལ་དད་པའི་སེམས་ཅན་རྣམས་ཀྱི་ལྟ་བ་གཅད་པའི་ཕྱིར་གཞོན་ནུའི་གནས་རྣམས་སུ་ནི། གཞོན་ནུའི་གཟུགས་
ལྟ་བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ། །ཀ་ཏྱཱའི་བུའི་སྡིག་པ་དང༌། འཚེ་བ་མི་ཟད་པ་ལ་དད་པའི་སེམས་ཅན་རྣམས་ཀྱི་ལྟ་བ་གཅོད་པ་དང༌། སྲོག་གཅོད་པ་བཟློག་
པའི་ཕྱིར་ཀ་ཏྱཱའི་བུའི་གནས་རྣམས་སུ་ནི། ཀ་ཏྱཱའི་གཟུགས་ལྟ་བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ། །སེམས་ཅན་རྣམས་སྡིག་པ་ལས་བཟློག་པའི་ཕྱིར་འབྱུང་པོའི་
གནས་རྣམས་སུ་ནི། འབྱུང་པོའི་གཟུགས་ལྟ་བུར་སྣང་ཞིང་ལྟ་བ་ཅན་ཐམས་ཅད་ཀྱི་ལྷའི་གནས་དང༌། ལྟད་མོ་ཅན་དང༌། དགེ་མཚན་ལྟ་བུའི་གནས་རྣམས་སུ་ལྟ་བ་ཅན་གྱི་གཟུགས་ལྟ་
བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ། །ཤ་ཟ་བ་དང་གསོད་པ་ལས་བཟློག་པའི་ཕྱིར་ཕག་ཚོང་པའི་གནས་སུ་བགེགས་ཀྱི་མཚན་མའི་ཚུལ་སྟོན་ཅིང་ཤ་ཚོང་པ་ལྟ་བུར་ཡང་
སྣང་ངོ༌། །སེམས་ཅན་ཡོངས་སུ་སྨིན་པར་བྱ་བའི་ཕྱིར་རིགས་ཀྱིས་ཆང་ཚོང་པའི་ནང་དུ་ཆང་འཐུང་བ་ལྟ་བུར་ཡང་སྣང་ཞིང་ཆང་གི་ཉེས་དམིགས་ཡང་དག་པར་བསྟན་པའི་ཕྱིར་རིགས་
ཀྱི་གཙོ་བོར་ལྟ་བུར་འགྱུར་ཞིང་སེམས་ཅན་རྣམས་ལ་ཆང་གི་སྦྱིན་པ་བྱེད་དེ། ཆང་ལ་ཆགས་པར་ཡང་མི་འགྱུར་རོ། །དེ་བཞིན་དུ་ལས་ཆེན་པོ་བཅུ་དྲུག་གི་ཉེས་དམིགས་ཡང་དག་པར་
བསྟན་པའི་ཕྱིར་ལས་ཆེན་པོ་བཅུ་དྲུག་བྱེད་པའི་རིགས་རྣམས་སུ་སྐྱེས་ནས་ལས་ཆེན་པོ་བཅུ་དྲུག་བྱེད་པ་ལྟ་བུར་ཡང་སྣང་སྟེ། ལས་ལ་ཆགས་པར་ཡང་མི་འགྱུར་རོ། །སེམས་ཅན་ཡོངས་སུ་
སྨིན་པར་བྱ་བའི་ཕྱིར་རྒྱན་པོ་དང་རྩེད་མོ་ལ་ཡང་མཁས་སོ། །སེམས་ཅན་དབུལ་པོ་ལོངས་སྤྱོད་མི་ཟད་པས་བསྡུ་བ་དང༌། ཚུལ་ཁྲིམས་ཡོངས་སུ་དག་པར་བྱ་བའི་ཕྱིར་ཁྱིམ་ན་གནས་པའི་
རྒྱལ་པོར་ཡང་འགྱུར་རོ། །ཆུང་མ་དང༌། བུ་དང་འདྲ་བའང་མེད་པར་བུ་སྨད་ཀྱང་སྟོན་པ་ལ་རྟག་ཏུ་ཚངས་པར་སྤྱོད་པ་དང་ཡང་ལྡན་ཞིང་རྟག་ཏུ་དབེན་པ་ནའང་གནས་ཏེ་རྒྱན་གྱིས་ཀླུབས་ལ་མཚོན་
ཀྱང་ཡོངས་སུ་གཅོད་དོ། །དེ་ནས་ཁ་ཟས་ཀྱང་ཟ་ལ་རྟག་ཏུ་བསམ་གཏན་གྱི་ཟས་ཀྱིས་ཀྱང་འཚོའི། །ཡ་མཚན་ཅན་དེ་དག་གི་ང་རྒྱལ་དང༌། རྒྱགས་པ་དང༌། དྲེགས་པ་གཞོམ་པའི་ཕྱིར་ཡ་
མཚན་ཅན་ཐམས་ཅད་ཀྱི་ནང་དུའང་རབ་ཏུ་འབྱུང་སྟེ། ཐམས་ཅད་དུ་མཁན་པོའི་ཐབས་སུ་བཀུར་ཞིང་ལྟས་སུ་ལྟ་བ་ཐམས་ཅད་ངེས་པར་བསྒྲལ་བའི་ཕྱིར་བསམ་པ་ཚུལ་གྱིས་རྟོགས་པར་འགྱུར་
ལ༑ ལྟ་བ་ལ་གནས་པར་ཡང་མི་འགྱུར་རོ། །དུད་འགྲོ་རྣམས་ངེས་པར་བསྒྲལ་བའི་ཕྱིར་དུད་འགྲོའི་སྐྱེ་གནས་ཐམས་ཅད་དུའང་སྐྱེ་བར་འགྱུར་ཏེ། ཐམས་ཅད་དུའང་མཆོག་ཏུ་བཀུར་བར་འགྱུར་
རོ༑ ༑སྨད་ཚོང་མའི་གནས་ཀུན་དུའང་སྣང་སྟེ། ཐམས་ཅད་དུའང་བཀུར་ལ། སྨད་ཚོང་མའི་གནས་ཐམས་ཅད་དུ་གཡོན་ཅན་གྱི་མཆོག་ཏུ་འགྱུར་རོ། །འདུལ་བའི་སེམས་ཅན་ལ་ཕན་པར་
༄༅། །བྱ་བའི་ཕྱིར་བཞི་མདོ་དང༌། སུམ་མདོ་ཐམས་ཅད་དུའང་སྣང་ངོ༌། །འདོད་པའི་ཉེས་པ་བསྟན་པའི་ཕྱིར་སྨད་ཚོང་མའི་གནས་ཐམས་ཅད་དུའང་འཇུག་གོ །
དྲན་པ་ལ་ཡང་དག་པར་དགོད་པའི་ཕྱིར་མི་གསལ་བ་དང༌། གླེན་པའི་གནས་ཐམས་ཅད་དུའང་འཇུག་པར་བྱེད་དོ། །སེམས་ཅན་ཡན་ལག་མ་ཚང་བ་ཐམས་ཅད་སྐྱོ་བ་ལ་
དགོད་པའི་ཕྱིར་ཡན་ལག་ཐམས་ཅད་མ་ཚང་བར་ཡང་སྟོན་པར་བྱེད་དོ། །འཁོར་བ་ལ་སྐྱོ་བ་བསྐྱེད་པའི་ཕྱིར་ཁམས་བཞི་དང་ལྡན་པར་ཡང་བྱེད་དོ། །ལེ་ལོ་ཅན་དང༌། དྲན་
པ་ཉམས་པ་རྣམས་དང༌། རྒྱགས་པ་དང༌། མྱོས་པ་རྣམས་དང༌། བརྩོན་འགྲུས་དང༌། བསམ་གཏན་དང༌། སྐྱོ་བ་ལ་དགོད་པའི་ཕྱིར་ནད་བཞི་བརྒྱ་རྩ་བཞི་དང་ལྡན་པར་ཡང་
སྟོན་ཏོ༑ ༑བཟོད་པ་ལ་དགོད་པའི་ཕྱིར་གནོད་སེམས་ཅན་ལྟ་བུར་ཡང་འགྱུར་རོ། །རྟག་པའི་འདུ་ཤེས་ཅན་གྱི་སེམས་ཅན་རྣམས་ལ་རྟག་པའི་ཉེས་པ་ཡང་དག་པར་བསྟན་པའི་
ཕྱིར་བསྐལ་པ་ཐམས་ཅད་དུའང་འབྱུང་ངོ༌། །ཁྱེའུ་དག་ཡོངས་སུ་སྨིན་པར་བྱ་བའི་ཕྱིར་ཡི་གེ་སློབ་པའི་གྲྭ་ཁང་ཐམས་ཅད་དུ་འགྲོ་བར་བྱེད་དོ། །བུ་མོ་དག་ཡོངས་སུ་སྨིན་པར་བྱ་བའི་
ཕྱིར་གླུ་དབྱངས་ཀྱི་ཁང་པ་ཐམས་ཅད་དུའང་འགྲོ་བར་བྱེད་དོ། །འཇིག་རྟེན་དང་མཐུན་པར་བྱ་བའི་ཕྱིར་རྒན་པོ་དང༌། ཐོར་བུ་དང༌། བར་མ་རྣམས་ཀྱི་གྲོགས་ཀྱང་བྱེད་དོ། །སེམས་ཅན་ཡོངས་
སུ་སྨིན་པར་བྱ་བའི་ཕྱིར་བྲན་ཕོ་དང༌། བྲན་མོ་དང༌། གཞན་གྱིས་བཀོལ་བར་ཡང་འགྲོའོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་ནད་པ་དང༌། རྒས་པ་དང༌། ཤི་བ་ལྟ་བུར་བདག་ཉིད་སྣ་
ཚོགས་སུའང་སྟོན་ཏོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་རིན་པོ་ཆེ་དང༌། ནོར་བུ་ཐམས་ཅད་ཀྱི་སྣོད་ལྟ་བུར་ཡང་འགྱུར་རོ། །རིག་བྱེད་ཀྱིས་ཚོགས་པར་འཛིན་པའི་སེམས་ཅན་
རྣམས་ལ་སྐྱོན་ཡང་དག་པར་བསྟན་པར་བྱ་བའི་ཕྱིར་གསང་ཚིག་དང་རིག་བྱེད་ཐམས་ཅད་ལ་མཁས་པར་ཡང་བྱེད་དོ། །བྱ་སྐད་ཀྱི་བརྡ་ཐམས་ཅད་ལ་ཞེན་པའི་སེམས་ཅན་རྣམས་ཀྱི་ལྟ་
བ་གཅད་པའི་ཕྱིར་བྱ་སྐད་ཀྱི་བརྡ་ཐམས་ཅད་ཀྱང་སྟོན་པར་བྱེད་དོ། །སྨན་གྱི་སྡེ་ཚན་དང༌། རྩི་དང་ལྡན་པར་རྣམ་པར་འཕྲུལ་པའི་ཕྱིར་ཤིང་ལྗོན་པ་དང༌། འཁྲི་ཤིང་དང༌། འབྲས་བུ་དང༌།
མེ་ཏོག་དང༌། སྨན་ནོ་ཅོག་ལྟ་བུར་ཡང་བདག་ཉིད་བྱིན་གྱིས་རློབ་པར་བྱེད་དོ། །འཆོན་མ་ཐམས་ཅད་ལའང་བརྩོན་ལ་ཆགས་པ་དང་ལོངས་སྤྱོད་ལ་མངོན་པར་ཞེན་པའང་མེད་དོ། །ཐེག་
པ་དམན་པ་རྣམ་པར་གཅད་པའི་ཕྱིར་བསྒྲགས་པའི་ཆོས་ཀྱི་འབེལ་བའི་གཏམ་ཐམས་ཅད་ཀྱང་ལེགས་པར་སྟོན་པར་བྱེད་དོ། །སེམས་ཅན་ཐམས་ཅད་བསྲུང་བ་དང༌། ཡོངས་སུ་བསྐྱང་
བའི་ཕྱིར་རྒྱལ་པོའི་བྱ་བ་ལའང་འཇུག་པར་བྱེད་དོ། །ཚོང་དཔོན་གྱི་ཆོས་ལུགས་ཀྱིས་དགའ་བར་བྱ་བའི་ཕྱིར་ཚོང་དཔོན་གྱི་ནང་དུའང་ཚོང་དཔོན་དུ་བཀུར་བར་འགྱུར་རོ། །ཁྱིམ་གྱི་སྐྱོན་ཐམས་ཅད་
༄༅། །ཡོངས་སུ་གཅད་པའི་ཕྱིར་ཁྱིམ་གྱི་ནང་དུའང་ཁྱིམ་བདག་ཏུ་བཀུར་བར་འགྱུར་རོ། །རྒྱལ་རིགས་ཀྱི་ཆོས་ལུགས་རབ་ཏུ་གནས་པར་བྱ་བའི་ཕྱིར་རྒྱལ་རིགས་
ཀྱི་ནང་དུའང་རྒྱལ་རིགས་སུ་བཀུར་བར་འགྱུར་རོ། །ང་རྒྱལ་དང༌། རྒྱགས་པ་དང༌། དྲེགས་པ་གཞོམ་པའི་ཕྱིར་བྲམ་ཟེའི་ནང་དུའང་བྲམ་ཟེར་བཀུར་བར་འགྱུར་རོ། །བྱ་བ་ཐམས་ཅད་
དང༌། ཆོས་ལུགས་ཐམས་ཅད་ལ་གཟུད་པར་བྱ་བའི་ཕྱིར་བློན་པོ་ཆེན་པོའི་ནང་དུའང་བློན་པོ་ཆེན་པོར་བཀུར་བར་འགྱུར་རོ། །རྒྱལ་སྲིད་དང༌། ལོངས་སྤྱོད་དང༌། དབང་ཕྱུག་ལས་
རྣམ་པར་བཟློག་པའི་ཕྱིར་གཞོན་ནུའི་ནང་དུའང་གཞོན་ནུར་བཀུར་བར་འགྱུར་རོ། །བུད་མེད་ཡོངས་སུ་སྨིན་པར་བྱ་བའི་ཕྱིར་བཙུན་མོའི་འཁོར་དག་ཏུའང་སྲུང་མ་ཉུང་རུམ་དུ་བཀུར་
བར་འགྱུར་རོ། །བསོད་ནམས་ཀྱི་ཁྱད་པར་ལ་ལྷག་པར་དམིགས་པར་བྱ་བའི་ཕྱིར་སྐྱེ་བོ་ཕལ་པ་རྣམས་དང་ཡང་མཐུན་པར་འཇུག་གོ །དབང་ཕྱུག་གི་ཉེས་དམིགས་བསྟན་པའི་ཕྱིར་
བརྒྱ་བྱིན་གྱི་ནང་དུའང་བརྒྱ་བྱིན་དུ་བཀུར་བར་འགྱུར་རོ། །ཡེ་ཤེས་ཀྱི་ཁྱད་པར་བསྟན་པའི་ཕྱིར་ཚངས་པའི་ནང་དུའང་ཚངས་པར་བཀུར་བར་འགྱུར་རོ། །སེམས་ཅན་ཐམས་ཅད་ཀྱི་ཡིད་དུ་
འོང་བར་བྱ་བའི་ཕྱིར་ཟླ་བར་ཡང་འགྱུར་རོ། །སེམས་ཅན་གྱི་སྡིག་པའི་ཉེས་པའི་ཁ་བ་མང་པ་བཞུ་བའི་ཕྱིར་ཉི་མར་ཡང་འགྱུར་རོ། །སེམས་ཅན་ཐམས་ཅད་ཚུལ་སྲུང་དུ་གཞུག་པའི་
ཕྱིར་འཇིག་རྟེན་སྐྱོང་གི་ནང་དུའང་འཇིག་རྟེན་སྐྱོང་དུ་བཀུར་བར་འགྱུར་རོ། །སངས་རྒྱས་ཀྱི་བཀོད་པ་ཐམས་ཅད་སྟོན་ཀྱང་གཏན་དུ་ཡོངས་སུ་མྱ་ངན་ལས་འདས་པར་ཡང་ཡོངས་སུ་མྱ་ངན་
ལས་འདའ་བར་མི་བྱེད་དོ། །གཟུགས་ཐམས་ཅད་སྣང་བར་སྟོན་ཀྱང་གཟུགས་ཀྱང་དེ་བཞིན་གཤེགས་པའི་ཆོས་ཉིད་རྣམ་པར་འཁྲུགས་པར་ཡང་མི་བྱེད་དོ། །སངས་རྒྱས་ཀྱི་ཞིང་ཐམས་
ཅད་དུ་འགྲོ་ཡང་ཞིང་ཐ་དད་པར་འབྱེད་པར་ཡང་མི་བྱེད་དོ། །སངས་རྒྱས་ཐམས་ཅད་ཀྱི་ཡང་དག་པར་བླང་བ་རྗེས་སུ་ཐོབ་ཀྱང་ཆོས་ཀྱི་དབྱིངས་ལའང་འབྱེད་པར་མི་བྱེད་དོ། །ལྷ་དང་མིའི་བདག་
པོ་ཐམས་ཅད་ཡོངས་སུ་འཛིན་ཀྱང་དེ་ལ་རྒྱགས་པར་ཡང་མི་འགྱུར་ལ། མོས་པ་སྐྱེད་པར་ཡང་མི་འགྱུར་རོ། །སེམས་ཅན་རྣམས་སྐྱོ་བ་ལ་དགོད་པའི་ཕྱིར་གཉིད་ལོག་པའི་བྱ་བ་ཐམས་ཅད་
ཀྱང་ཡང་དག་པར་སྟོན་ཏོ། །བདུད་ཀྱི་གཡུལ་ཐམས་ཅད་ཡང་དག་པར་སྟོན་ཀྱང་བདུད་ཀྱི་ལས་ལ་གནས་པར་ཡང་མི་འགྱུར་རོ། །འཇིག་རྟེན་པ་དང་འཇིག་རྟེན་ལས་འདས་པའི་བྱ་བ་ཐམས་
ཅད་ལ་ཡང་སྣང་ལ། རྟག་ཏུའང་ཆོས་ཀྱི་ཀུན་དགའ་ལ་དགའ་བས་དགའ་བར་བྱེད་དེ། པདྨ་བཞིན་དུ་གོས་པ་མེད་པར་འགྱུར་རོ། །སྤྲིན་ཆེན་སྙིང་པོ། ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་
ཏིང་ངེ་འཛིན་གྱི་ཡུལ་ལ་ལྟོས། འཕགས་པ་སྤྲིན་ཆེན་པོའི་མདོ། བམ་པོ་བདུན་པ། དེ་ནས་དེའི་ཚེ་འཁོར་ཆེན་པོའི་ནང་ནས་སློབ་དཔོན་ལུང་སྟོན་པ་བྲམ་ཟེ་ཀཽཎྚི་ནྱ་ཞེས་བྱ་བས་བཅོམ་ལྡན་འདས་
༄༅། །ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཀྱེ་མ་ལྷ་སྦྱིན་དྲུག་སྡེ་དང་བཅས་པ་ནི། ཚིག་གི་དོན་ཕྲ་ཞིང་ཟབ་ལ་སེམས་ཅན་ཐམས་ཅད་ལ་ཕན་པར་སྤྱོད་པ་
འདི་ལྟ་བུ་ལ་རྒྱབ་ཀྱིས་ཕྱོགས་པ་ལགས་སོ། །ཀྱེ་མ་ལྷ་སྦྱིན་ནི། བྱས་པ་མི་གཟོ་བ་ལགས་སོ། །ཀྱེ་མ་ལྷ་སྦྱིན་ནི། སྡིག་པ་འདོད་པ་ལགས་སོ། །ལྷ་སྦྱིན་ནི། དེ་བཞིན་གཤེགས་པ་
ལ་ཁྲག་འབྱིན་པ་ལགས་སོ། །ཀྱེ་མ་ལྷ་སྦྱིན་དྲུག་སྡེ་དང་བཅས་པ་ནི། དགེ་འདུན་གྱི་དབྱེན་བགྱིད་པ་ལགས་སོ། །ཀྱེ་མ་ལྷ་སྦྱིན་དྲུག་སྡེ་དང་བཅས་པ་ནི། ཤཱཀྱའི་རིགས་ཀྱིས་དྲེགས་པ་
ལགས་སོ། །ཀྱེ་མ་མི་ལེགས་པར་འགྱུར་བར་འོས་པ་དང༌། དུད་འགྲོའི་སྐྱེ་གནས་དང་ཕྲད་པར་འགྱུར་བ་ཡོངས་སུ་སྤྱོད་པ་ལགས་སོ། །ཀྱེ་མ་ལྷ་སྦྱིན་ནི། རྟག་ཏུ་བཅོམ་ལྡན་
འདས་དགྲོངས་པར་སེམས་པ་དང༌། སྐྱེས་པའི་རབས་བརྒྱ་སྟོང་ཕྲག་བགྲངས་པར་ལས་དྲག་པོ་བགྱིད་པ་ལགས་སོ། །ལྷ་སྦྱིན་ནི། སེམས་ཅན་དམྱལ་བར་མཆི་བ་ལགས་སོ། །ཀྱེ་
མ་ལྷ་སྦྱིན་ནི། སྩལ་པ་དང༌། བགྱིས་པ་མ་མཆིས་པ་ལགས་སོ། །བཅོམ་ལྡན་འདས་ཀྱིས་བཀའ་དྲིན་གྱིས་འཚོལ། བཅོམ་ལྡན་འདས་ཀྱི་རྩ་བ་ལ་རྐོ་བ་ལགས་སོ། །ཀྱེ་མ་ལྷ་སྦྱིན་ནི།
སྡིག་པ་ལ་ངེས་པ་ལགས་སོ། །ལྷ་སྦྱིན་གྱི་འཁོར་ནི། བདུད་ཀྱི་ཕྱོགས་ལགས་ན། བཅོམ་ལྡན་འདས་ཀྱི་ཐད་དུ་རབ་ཏུ་བྱུང་ཞེས་གདའ་སྟེ། བཅོམ་ལྡན་འདས་དགྲོངས་པར་སེམས་
སོ༑ ༑ལྷ་སྦྱིན་གྱི་འཁོར་ནི། ཐམས་ཅད་དུར་སྨྲིག་འཆང་བ་ཙམ་དུ་བས་སོ། །ལྷ་སྦྱིན་གྱི་འཁོར་ནི། འཚོ་བ་ངན་པས་འཚོ་ཞིང་མུ་གེའི་མགོ་བྱི་ལགས་སོ། །བཅོམ་ལྡན་འདས། ཁྱོད་ནི། ཐམས་
ཅད་མཁྱེན་པ་ལགས་ཞེས་གདའ། ཁྱོད་ནི། འབྲས་བུ་མཆིས་པའི་ཆོས་སྟོན་པ་ལགས་ཞེས་གདའ། ཁྱོད་ནི། རིགས་རྣམ་པར་དག་པར་གྲགས་པ་ལགས་ཞེས་གདའ་ན། ལྷ་སྦྱིན་མ་
རུངས་པ་འདི་ལྟ་བུའང་རབ་ཏུ་བྱུང་ལགས་སམ། བཅོམ་ལྡན་འདས། སེམས་ཅན་ཐམས་ཅད་ལ་ཐུགས་བརྩེ་བ་ཅན་གྱིས་སེམས་ཅན་ཐམས་ཅད་ཀྱི་ཡིད་གཉིས་དང༌། ཐེ་ཚོམ་རྣམ་པར་
བསལ་བའི་སླད་དུ་དགོངས་པ་བཤད་དུ་གསོལ། ཁྱོད་ནི། རིགས་དྲི་མ་མ་མཆིས་ཤིང་རྣམ་པར་དག་པ་ལགས་ན། བཅོམ་ལྡན་འདས། དེ་བཞིན་གཤེགས་པས་བདག་ཉིད་ཆེན་པོ་
བཤད་དུ་གསོལ། དེ་ནས་དེའི་ཚེ་སངས་རྒྱས་ཀྱི་མཐུས་སྤྲིན་ཆེན་སྙིང་པོས་སློབ་དཔོན་ལུང་སྟོན་པ་བྲམ་ཟེ་ཀཽཎྚི་ནྱ་ལ་འདི་སྐད་ཅེས་སྨྲས་སོ། །བྲམ་ཟེ་ཆེན་པོ། ལེགས་སོ་ལེགས་
སོ༑ ༑བྲམ་ཟེ་ཆེན་པོ། ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་དེ་བཞིན་གཤེགས་པ་ལ་ཉན་ཐོས་དང༌། རང་སངས་རྒྱས་ཐམས་ཅད་ཀྱི་ཡུལ་གྱི་ཞུ་བའི་རྒྱལ་པོ་ལེགས་པར་
ཞུས་པ་ནི། ལེགས་སོ། །བྲམ་ཟེ་ཆེན་པོ། ཁོ་བོ་ལས་ཉོན་ཅིག་དང༌། དེ་བཞིན་གཤེགས་པའི་མཐུ་དང༌། ཁོ་བོ་ཅག་གི་ཡུལ་ལ་འཇུག་པའི་ཚུལ་གྱིས་ཁོ་བོས་བཤད་པར་བྱའོ། །བྲམ་
༄༅། །ཟེ༑ ད་ཕྱིན་ཆད་དེ་སྐད་མ་ཟེར་བར་གཞན་མ་ཡིན་པར་ཡིད་ལ་སོམས་ཤིག །ལྷ་སྦྱིན་དྲུག་སྡེའི་འཁོར་དང་བཅས་པ་ནི། དེ་བཞིན་གཤེགས་པ་ལ་ཤིན་
ཏུ་བྱས་པ་གཟོ་བ་ཡིན་ནོ། །ལྷ་སྦྱིན་ནི། མཆོག་ཏུ་དགའ་བ་བྱེད་པ་ཡིན་ནོ། །ལྷ་སྦྱིན་ནི། དེ་བཞིན་གཤེགས་པའི་རིགས་ལ་སྙིང་བརྩེ་བ་ཅན་ཡིན་ནོ། །ལྷ་སྦྱིན་ནི། དེ་བཞིན་གཤེགས་
པའི་འཕྲིན་ལས་ཀྱི་མཐའ་ཡིན་ནོ། །ལྷ་སྦྱིན་ནི། དེ་བཞིན་གཤེགས་པའི་ཡོན་ཏན་གྱི་བདག་ཉིད་ཆེན་པོ་སྟོན་པ་ཡིན་ནོ། །ལྷ་སྦྱིན་དྲུག་སྡེའི་འཁོར་དང་བཅས་པ་ནི། སེམས་ཅན་
བྱེ་བ་ཕྲག་མང་པོ་བསོད་ནམས་ལ་རབ་ཏུ་འགོད་པ་ཡིན་ནོ། །བྲམ་ཟེ་ཆེན་པོ། སེམས་ཅན་ཐམས་ཅད་ཀྱིས་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་རྣམས་ལ་ཁྲག་འབྱིན་མི་ནུས་སོ། །དེ་བཞིན་གཤེགས་པའི་སྐུ་ནི། ཤིང་གི་གྲིབ་མ་ལྟ་བུར་བལྟ་སྟེ། འདི་ནི། ཐབས་ཡིན་པར་བལྟ་བར་བྱའོ། །བྲམ་ཟེ་ཆེན་པོ། ཤཱཀྱ་
རིགས་འདི་ནི། དག་ཅིང་རྣམ་པར་དག་ལ་བསམ་གྱིས་མི་ཁྱབ་བོ། །ཤཱཀྱའི་རིགས་ཀྱི་ནང་ན་ནི། ཚུལ་ཁྲིམས་འཆལ་པ་འགའ་ཙམ་ཡང་མེད་དེ། མི་སྲིད་དོ། །དེ་བཞིན་གཤེགས་
པ་ནི༑ འབྲས་བུ་ཡོད་པའི་ཆོས་སྟོན་པ་ཡིན་ནོ། །དེ་བཞིན་གཤེགས་པ་ནི། ཙནྡན་དང༌། བཻ་ཌཱུཪྻ་ལྟ་བུའི་འཁོར་དང་ལྡན་པ་ཡིན་ནོ། །དེ་བཞིན་གཤེགས་པ་ནི། མི་ཕྱེད་པའི་འཁོར་
དང་ལྡན་པ་ཡིན་ནོ། །དེ་བཞིན་གཤེགས་པ་ནི། སེངྒེའི་རིགས་ཀྱི་རྒྱལ་པོ་ཆེན་པོ་དང༌། སྟག་ལྟ་བུའི་འཁོར་དང་ལྡན་པ་ཡིན་ནོ། །དེ་བཞིན་གཤེགས་པ་ནི། ཉན་ཐོས་དང༌། རང་སངས་
རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པའི་འཁོར་དང་ལྡན་པ་ཡིན་ནོ། །དེ་བཞིན་གཤེགས་པའི་འཁོར་ནི། མེ་མ་དག་ཐལ་བས་གཡོགས་པ་ལྟ་བུར་བལྟའོ། །དེ་བཞིན་གཤེགས་
པ་ནི༑ བླ་ན་མེད་པའོ། །དེ་བཞིན་གཤེགས་པ་ནི། ཐམས་ཅད་མཁྱེན་པའོ། །དེ་བཞིན་གཤེགས་པ་ནི། ཐམས་ཅད་མཁྱེན་པ་ཉིད་དོ། །དེ་བཞིན་གཤེགས་པ་ལས་རབ་ཏུ་བྱུང་བའི་
སེམས་ཅན་རྣམས་ལ་ནི༑ ཚུལ་ཁྲིམས་འཆལ་པ་མི་སྲིད་དེ། དེ་དག་ཐམས་ཅད་ནི། ཡུལ་ཟབ་མོ་ཤེས་པ་ཐམས་ཅད་ལ་རབ་ཏུ་འགོད་པ་ཤ་སྟག་སྟེ། དེའི་ཕྱིར་ཡང་དེ་བཞིན་གཤེགས་
པ་ནི༑ ཐམས་ཅད་མཁྱེན་པ་ཉིད་དོ། །བྲམ་ཟེ་ཆེན་པོ། དགེ་འདུན་ནི། བདུད་བྱེ་བ་ཕྲག་བརྒྱ་སྟོང་གིས་ཀྱང་དབྱེ་བར་མི་ནུས་ཏེ། འདི་ནི། ཐབས་ཡིན་པར་བལྟ་བར་བྱའོ། །ལྷ་སྦྱིན་དྲུག་སྡེ་དང་
བཅས་པ་ནི། དགེ་འདུན་གྱི་དབྱེན་བྱེད་པའང་མ་ཡིན་ནོ། །ལྷ་སྦྱིན་དྲུག་སྡེ་དང་བཅས་པ་ནི། ཤཱཀྱའི་རིགས་སྟོན་པ་ཡིན་ནོ། །སྐྱེ་བོ་ཕལ་པ་ཡང་དུད་འགྲོར་སྐྱེ་བར་འགྱུར་བ་ཡོངས་སུ་མི་
སྤྱོད་ན། ཤཱཀྱའི་རིགས་སུ་སྐྱེས་ལ། དེ་བཞིན་གཤེགས་པའི་ཞབས་ཀྱི་དྲུང་ནས་རབ་ཏུ་བྱུང་བ་འདི་ལྟ་བུའི་ལས་ལ་སྦྱོར་བ་ལྟ་ཅི་སྨོས་ཏེ། དེ་ནི། གནས་མེད་དོ། །ལྷ་སྦྱིན་དྲུག་སྡེ་དང་
༄༅། །བཅས་པས་ནི། ཤིན་ཏུ་བྱམས་པར་བྱས་པ་ཡིན་ནོ། །ལྷ་སྦྱིན་ནི། དུར་སྨྲིག་འཆང་བ་ཙམ་དུ་ཟད་པ་ཡང་མ་ཡིན་ནོ། །ལྷ་སྦྱིན་ནི། མུ་གེའི་མགོ་བྱིའང་མ་
ཡིན་ནོ༑ ༑ལྷ་སྦྱིན་དྲུག་སྡེ་དང་བཅས་པ་ནི། སོ་སོར་ཐར་པའི་སྡོམ་པས་བསྡམས་པ་ཡིན་ནོ། །ལྷ་སྦྱིན་ནི། སྡིག་པ་ལ་ངེས་པའང་མ་ཡིན་ནོ། །ལྷ་སྦྱིན་ནི། སྡིག་པ་འདོད་པའང་མ་ཡིན་
ནོ༑ ༑ལྷ་སྦྱིན་དྲུག་སྡེ་དང་བཅས་པ་ནི། དེ་བཞིན་གཤེགས་པའི་ཐབས་ཀྱི་དགེ་སློང་ཡིན་པར་རིག་པར་བྱའོ། །བྱང་ཆུབ་སེམས་དཔའ་ཐམས་ཅད་ནི། རྟག་ཏུའང་མངོན་པར་ཤེས་པ་རྣམས་
ཀྱིས་སེམས་ཅན་དམྱལ་བ་ན་རྩེ་བར་བྱེད་དེ། འདི་ནི། བྱང་ཆུབ་སེམས་དཔའི་སྤྱོད་ཡུལ་ཡིན་པར་བདག་ལྟའོ། །ལྷ་སྦྱིན་ནི། སེམས་ཅན་དམྱལ་བར་འགྲོ་བ་ཡང་མ་ཡིན་ནོ། །བྲམ་ཟེ་
ཆེན་པོ༑ གཞན་ཡང་ལྟོས་དང༌། དཔེར་ན། ཡུལ་གཞན་གྱི་འགྲོན་པ་མི་གཉིས་ཤིག་གྲོང་ཁྱེར་གཞན་ཞིག་ན་འདུག་པ་ལས་ཕྱིར་རང་རང་གི་ཡུལ་དུ་འགྲོ་བར་ཆས་ཏེ། གཅིག་ནི། ནུབ་
ཕྱོགས་སུ་སོང༌། གཅིག་ནི། ཤར་ཕྱོགས་སུ་སོང་ན། ཇི་ཙམ་དུ་སོང་བ་དེ་ཙམ་དུ་གྲོང་ཁྱེར་དང་ཤིན་ཏུ་རིང་བར་འགྱུར་རོ། །ཇི་ཙམ་དུ་སོང་བ་དེ་ཙམ་དུ་མི་དེ་གཉིས་ཕྱིར་ཕྲད་པར་འགྱུར་
བ་དེ་ནི༑ གནས་མེད་དོ། །བྲམ་ཟེ་ཆེན་པོ། དེ་བཞིན་དུ་དེ་བཞིན་གཤེགས་པ་དང༌། ལྷ་སྦྱིན་གཉིས་ཀྱང་གལ་ཏེ་ཐབས་ཅིག་མ་ཡིན་དུ་ཟིན་ན་ཁྱད་ཆེ་བར་མངོན་ནོ། །བྲམ་ཟེ་ཆེན་པོ།
གཞན་ཡང་འདིར་མི་ལ་ལ་ཞིག་གིས་སྲོག་གཅོད་པ་བྱས་ནས་ལོ་བརྒྱ་ཕྲག་མང་པོར་སེམས་ཅན་དམྱལ་བར་སྲེག་པར་འགྱུར་ལ། བསོད་ནམས་བྱས་ན་ལོ་བྱེ་བ་སྙེད་དུ་མཐོ་རིས་སུ་མངོན་པར་
རྩེ་བར་འགྱུར་བས་ན། བྲམ་ཟེ་ཆེན་པོ། དེ་བཞིན་གཤེགས་པ་ནི། ཡོན་ཏན་བསམ་གྱིས་མི་ཁྱབ་པ་དང་ལྡན་ཞིང་བག་ཆགས་ཀྱི་ཚོགས་ཀྱིས་བསྒོས་པ་ཡིན་པས། གལ་ཏེ་དེ་བཞིན་གཤེགས་
པ་ལ་ལྷ་སྦྱིན་གྱིས་དགྲོངས་པར་བསམ་དུ་ཟིན་ན། དེ་ལྟར་སེམས་གཅིག་བསྐྱེད་པ་ཙམ་གྱི་ལས་ཀྱི་འབྲས་བུ་དེས་ལོ་བྱེ་བ་ཕྲག་གྲངས་མེད། དཔག་ཏུ་མེད་པ། བགྲང་པ་ལས་ཤིན་ཏུ་འདས་པ་
སྲིད་དུ་སེམས་ཅན་དམྱལ་བར་ཤིན་ཏུ་སྲེག་པར་འགྱུར་བའི་རིགས་ན། བགྲམ་ཟེ་ཆེན་པོ། དེ་བཞིན་གཤེགས་པ་ནི། བསྐལ་པ་བརྒྱ་སྟོང་ཕྲག་བྱེ་བ་གྲངས་མེད་པ་མང་པོ་ཡུན་རིང་པོ་ནས་དགྲ་
ལས་འདས་པ་ཡིན་ལ། དེ་བཞིན་གཤེགས་པ་དང༌། ལྷ་སྦྱིན་སེམས་ཅན་དམྱལ་བ་ན་བསྲེགས་པ་གཉིས་ཀྱང་ཕྲད་པར་ག་ལ་འགྱུར་ཏེ། དེ་ནི། གནས་མེད་དོ། །བྲམ་ཟེ་ཆེན་པོ། གཞན་ཡང་གལ་
ཏེ་ལྷ་སྦྱིན་སྡིག་པས་འཚོ་བ་ཞིག་ཡིན་དུ་ཟིན་ན། སྐྱེས་པའི་རབས་བརྒྱ་སྟོང་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང༌། ལྷ་སྦྱིན་ལྷན་ཅིག་ཏུ་ཕྲད་ཅིང་འགྲོགས་
པར་ཡང་ཇི་ལྟར་འགྱུར་ཏེ། དེ་ནི། གནས་མེད་དོ། །དེ་ཅིའི་ཕྱིར་ཞེ་ན། ཇི་ཙམ་དུ་ལྷ་སྦྱིན་བཅོམ་ལྡན་འདས་དགྲོངས་པར་སེམས་པ་དེ་ཙམ་དུ་སེམས་ཅན་དམྱལ་བར་ངེས་པར་སྲེག་པར་འགྱུར་བས་
༄༅། །ན༑ ཇི་ལྟར་སེམས་ཅན་དམྱལ་བའང་མཉམས་སུ་མྱོང་ལ་དེ་བཞིན་གཤེགས་པ་དགྲོངས་པར་ཇི་ལྟར་སེམས་པར་རུང་སྟེ། མི་དེ་གཉིས་ཇི་ལྟར་ནམ་ཡང་ཕྲད་
པར་མི་འགྱུར་བ་དེ་བཞིན་དུ་བྲམ་ཟེ་ཆེན་པོ། ལྷ་སྦྱིན་དེ་ལྟ་བུ་དང༌། དེ་བཞིན་གཤེགས་པའང་བརྒྱ་ལམ་ནའང་ཕྲད་པར་འགྱུར་བ་དེ་ནི། གནས་མེད་དོ། །བྲམ་ཟེ་ཆེན་པོ། གཞན་ཡང་
གལ་ཏེ་ལྷ་སྦྱིན་སྡིག་ཅན་ཞིག་ཏུ་ཟིན་ན། ཤར་ཕྱོགས་སུ་འགྲོ་བ་བཞིན་དུ་ལྷ་སྦྱིན་དེ་སེམས་ཅན་དམྱལ་བར་འགྲོ་བར་འགྱུར་བར་རིག་པར་བྱའོ། །གང་ནུབ་ཕྱོགས་སུ་འགྲོ་བ་ལྟ་བུ་
དེ་ནི༑ དེ་བཞིན་གཤེགས་པ་ཡིན་པར་རིག་པར་བྱའོ། །དེ་ལ་གྲོང་ཁྱེར་གང་ཡིན་པ་དེ་ནི། རྟག་ཏུ་འཇིགས་པ་མེད་པའི་གྲོང་ཁྱེར་ཡིན་པར་རིག་པར་བྱ་སྟེ། འདི་ནི། ཐབས་ཡིན་པར་
བལྟ་བར་བྱའོ། །སངས་རྒྱས་ཀྱི་ཡུལ་འདི་ནི། ཁོ་བོ་ཅག་གིས་ཀྱང་བསམ་པར་མི་ནུས་པར་རིག་པར་བྱའོ། །ལྷ་སྦྱིན་ནི། དེ་བཞིན་གཤེགས་པའི་ཡུལ་ཡིན་གྱི། ཉན་ཐོས་དང༌། རང་
སངས་རྒྱས་ཀྱི་ཡུལ་མ་ཡིན་ནོ། །བྲམ་ཟེ་ཆེན་པོ། བྱང་ཆུབ་སེམས་དཔའ་སེམས་དཔའ་ཆེན་པོ་སེར་པོ་ཆེན་པོ་ཞེས་བྱ་བས་གདམས་ངག་བསྟན་ནས་བྱང་ཆུབ་སེམས་དཔའ་དྲུག་སྡེ་
རྣམས་ཀྱི་འཁོར་གྱིས་བསྐོར་བ་ལ་རྗེས་སུ་ཡི་རང་བར་གྱིས་ཤིག །བྲམ་ཟེ་ཆེན་པོ། དཔེར་ན། གླང་པོ་ཆེ་མཆོག་ལ་བརྡེག་པ་བྱ་བ་གང་ཡིན་པ་དེ་ནི། བོང་བུས་ཤིན་ཏུ་མི་བཟོད་དོ།
གླང་པོ་ཆེ་མཆོག་ལ་བརྡེག་པར་བྱ་བ་ནི། གླང་པོ་མཆོག་གིས་བཟོད་པར་ཟད་དོ། །བྲམ་ཟེ་ཆེན་པོ། དེ་བཞིན་དུ་དེ་བཞིན་གཤེགས་པའི་ལྡེམ་པོ་ངག་གི་རྭས་བརྡུང་པ་ནི། ཉན་ཐོས་དང༌། རང་
སངས་རྒྱས་ཐམས་ཅད་ཀྱི་བོང་བུས་མི་བཟོད་དེ། དེ་བཞིན་གཤེགས་པའི་ལྡེམ་པོ་ངག་གི་རྭས་བརྡུང་བ་ནི། དེ་བཞིན་གཤེགས་པ་དང་འདྲ་བས་བཟོད་པར་ཟད་དོ། །བྲམ་ཟེ་ཆེན་པོ། དེ་བཞིན་
གཤེགས་པའི་ཡོན་ཏན་གྱི་ཆེ་བ་ཉིད་ལ་ལྟོས། བྲམ་ཟེ་ཆེན་པོ། བྱང་ཆུབ་སེམས་དཔའ་སེམས་དཔའ་ཆེན་པོ་སེར་པོ་ཆེན་པོ་བྱང་ཆུབ་སེམས་དཔའི་འཁོར་གྱིས་བསྐོར་བ་ལ་བཟོད་པ་གང་
ཅིག །བྲམ་ཟེ་ཆེན་པོ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལྷ་ལྷ་སྦྱིན་གྱི་ཡོན་ཏན་གྱི་ཆེ་བ་ཉིད་མི་ཤེས་པ་དེ་དག་ནི། སངས་རྒྱས་བྱུང་བའི་ཕྱེད་
ཐོབ་ཙམ་དུ་ཟད་པ་ཡིན་པར་རིག་པར་བྱའོ། །མིག་ཡ་གཅིག་པར་རིག་པར་བྱའོ། །མི་ལུས་ཀྱི་ཕྱེད་ཐོབ་པ་ཡིན་པར་རིག་པར་བྱའོ། །བྲམ་ཟེ་ཆེན་པོ། གཞན་ཡང་ལྷ་སྦྱིན་གྱི་ཡོན་ཏན་
ཆེ་བ་ཉིད་ལ་ལྟོས། སེམས་ཅན་ཐམས་ཅད་ཀྱིས་ནི། དེ་བཞིན་གཤེགས་པའི་གནོད་པ་བཟོད་པར་ཡང་མི་ནུས། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཤེས་པར་ཡང་མི་ནུས།
སེམས་ཅན་ཐམས་ཅད་ཀྱིས་ནི། དེ་བཞིན་གཤེགས་པའི་ཡུལ་མཐོང་བར་ཡང་མི་ནུས། དེ་བཞིན་གཤེགས་པ་ལ་བལྟ་བར་ཡང་མི་ནུས་སོ། །བྲམ་ཟེ་ཆེན་པོ། ལྷ་སྦྱིན་གྱིས་དེ་བཞིན་གཤེགས་
༄༅། །པའི་གནོད་པ་བཟོད་པར་ཡང་ནུས་སོ། །དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཀྱང་རྟོགས་སོ། །ཉན་ཐོས་དང༌། རང་སངས་རྒྱས་ཐམས་ཅད་ཀྱི་ཡུལ་
དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་ལའང་རྣམ་པར་འཕྲུལ་པར་བྱེད་དེ། །དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཡང་དག་པར་སྟོན་པར་
ཡང་ནུས་སོ། །དེ་བཞིན་གཤེགས་པའི་ཡུལ་དང་འདྲ་བའི་སྐྱེས་བུ་ཆེན་པོ་ཡིན་པར་ཡང་བལྟ་བར་བྱའོ། །འདུལ་བའི་དབང་གིས་དེ་བཞིན་གཤེགས་པ་གང་དང་གང་
དུ་སྣང་བར་འགྱུར་བ་དེ་དང་དེར་སྐྱེས་བུ་ཆེན་པོ་དེའང་དེ་བཞིན་གཤེགས་པའི་ཕྱི་བཞིན་དུ་འབྲང་ཞིང་སྣང་བར་འགྱུར་རོ། །བྲམ་ཟེ་ཆེན་པོ། །དེ་བཞིན་གཤེགས་པའི་
ཡུལ་ནི་ཁོ་བོ་ཅག་གིས་ཀྱང་བསྟན་པར་མི་ནུས་ཏེ། དེ་བཞིན་གཤེགས་པའི་ཐབས་ཡིན་པར་བལྟ་བར་བྱའོ། །དེ་བཞིན་གཤེགས་པའི་ལྡེམ་པོ་ངག་གི་སྒོའི་
ཡུལ་གྱི་ཆོས་བསྟན་པ་ལ་ལྟོས། དེ་ནས་དེའི་ཚེ་འཁོར་ཐམས་ཅད་ཀྱིས་བཅོམ་ལྡན་འདས་ལ་མཆོད་པ་ཆེན་པོའི་ལས་བྱས་ནས་ཁ་མཐུན་པར་ཚིགས་སུ་བཅད་པ་འདི་
སྨྲས་སོ། །བདུད་རྣམས་བྱེ་བ་ཕྲག་བརྒྱས་ཀྱང༌། །དགེ་འདུན་དབྱེ་བར་མི་ནུས་ཏེ། །སེམས་ཅན་རྣམས་ལ་སྨན་སླད་དུ། །ལས་ཀྱི་རྒྱུ་བའང་སྟོན་པར་མཛད། །དེ་ནས་
བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྲིན་ཆེན་སྙིང་པོ་ལ་འདི་སྐད་ཅེས་བཀའ་སྩལ་ཏོ། །སྤྲིན་ཆེན་སྙིང་པོ། ལེགས་སོ་ལེགས་སོ། །དེ་དེ་བཞིན་ཏེ། སྤྲིན་ཆེན་སྙིང་པོ།
དེ་བཞིན་གཤེགས་པའི་ཡུལ་ཉན་ཐོས་དང༌། རང་སངས་རྒྱས་ཐམས་ཅད་དང་མི་མཚུངས་པ་དང༌། ལྷ་སྦྱིན་གྱི་ཡོན་ཏན་གྱི་ཆེ་བ་ཉིད་དེ་བཞིན་གཤེགས་པའི་ལྡེམ་པོ་ངག་གི་
གཞི་གཞག་པའི་ཕྱི་རོལ་གྱི་སེམས་ཅན་ཐམས་ཅད་ཀྱི་ཐེ་ཚོམ་གཅད་པའི་ཕྱིར་ཤིན་ཏུ་ལེགས་པར་བཤད་པ་ལེགས་སོ་ལེགས་སོ། །སྤྲིན་ཆེན་སྙིང་པོ། གཞན་ཡང་ཟབ་
མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་ཡུལ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི་རིའི་རྒྱལ་པོ་རི་རབ་དེ་ཙམ་དུ་མཐོ་ཞིང༌། དེ་ཙམ་
དུ་རྒྱ་ཆེ་ལ། དེ་ཙམ་དུ་ཡུལ་དུ་བྱས་པ། དེ་ཙམ་དུ་བཙན་པ་ཡུངས་འབྲུའི་ནང་དུ་ཆུང་པར་བྱེད་དེ། འོན་ཀྱང་ཡུངས་འབྲུའི་ནང་ཡང་སྐྱེ་བར་མི་འགྱུར་ཞིང༌། བྱ་བ་བྱེད་པ་དེ་
དག་ཀྱང་སྣང་ལ། རྒྱལ་ཆེན་བཞི་པ་དང༌། སུམ་ཅུ་རྩ་གསུམ་པ་རྣམས་ཀྱིས་ཀྱང་བདག་ཅག་གང་དུ་བཅུག་པ་དང༌། བདག་ཅག་གང་ན་འཁོད་པའང་མི་ཚོར་རོ། །སེམས་
ཅན་གཞན་དག་གིས་ནི་རིའི་རྒྱལ་པོ་རི་རབ་ཡུངས་འབྲུའི་ནང་དུ་བཅུག་པར་ཡང་ཤེས་ཤིང་མཐོང་ངོ༌། །སྤྲིན་ཆེན་སྙིང་པོ། ཟབ་མོ་བསྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་
༄༅། །ངེ་འཛིན་གྱི་རྣམ་པར་ཐར་པའི་ཡུལ་ལ་འཇུག་པ་ལ་ལྟོས། སྤྲིན་ཆེན་སྙིང་པོ། གཞན་ཡང་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་
འཛིན་གྱི་ཡུལ་ལ་གནས་པའི་བྱང་ཆུབ་སེམས་དཔའ་ནི་རྒྱ་མཚོ་ཆེན་པོ་བཞིའི་ཆུའི་ཕུང་པོ་འདི་བ་སྤུ་གཅིག་གི་ཁོང་དུ་ཆུད་པར་བྱེད་དེ། འོན་ཀྱང་ཉ་དང༌། རུས་སྦལ་
དང༌། སྦལ་པ་དང༌། ཆུ་སྲིན་བྱིས་པ་གསོད་དང༌། ཆུ་སྲིན་དང༌། ཆུ་སྲིན་ས་ལ་པ་དང༌། ཨོ་ད་ཀ་དང༌། ཆུ་སྤྲུལ་དང༌། ཏི་རི་ཀ་ར་ལ་སོགས་པ་དང༌། དེ་
བཞིན་དུ་ཆུའི་སྲོག་ཆགས་གཞན་དག་ལའང་གནོད་པར་འགྱུར་བ་མེད་དོ། །ཀླུ་དང༌། དྲི་ཟ་དང༌། ལྷ་མ་ཡིན་རྣམས་ཀྱང་བདག་ཅག་གར་བཅུག །བདག་
ཅག་གང་ན་འཁོར་སྙམ་དུ་སེམས་པ་མེད་ལ། བྱ་བ་དེའང་སྣང་སྟེ། སེམས་ཅན་སུ་ལའང་འཚེ་བའམ་མཐོ་བཙམ་པ་མེད་དོ། །སྟོང་གསུམ་གྱི་སྟོང་ཆེན་པོའི་འཇིག་
རྟེན་གྱི་ཁམས་འདིའང་བཅད་དེ། ཕུ་བཟླུམ་བཞིན་དུ་ལག་པ་གཡས་པས་བསྐོར་ནས་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཟློ་བར་བྱེད་དེ། འོན་ཀྱང་སེམས་ཅན་རྣམས་
ཀྱིས་བདག་ཅག་སུས་ཁྱེར་བ་དང༌། བདག་ཅག་གང་ན་འཁོད་པའང་མི་ཚོར་རོ། །ཕྱིར་ཡང་ཁྱེར་ཏེ་འོངས་ནས་སྔ་མའི་གནས་སུ་འཇོག་པར་བྱེད་དེ། འོན་ཀྱང་འགྲོ་བ་དང༌། འོང་བར་ཡང་
མི་མངོན་ལ་བྱ་བ་དེ་དག་ཀྱང་སྣང་ངོ༌། །དེ་ནས་དེའི་ཚེ་སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱ་དང༌། བྲམ་ཟེ་གཞོན་ནུ་བརྒྱ་སྟོང་དུ་མ་དག་གིས་བཅོམ་ལྡན་འདས་ལ་མཆོད་པ་བྱས་ཏེ་བཅོམ་
ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་བཅོམ་ལྡན་འདས་སེམས་ཅན་ཐམས་ཅད་ལ་ཐུགས་བརྩེ་ཞིང༌། གལ་ཏེ་ཁྱོད་སེམས་ཅན་ཐམས་ཅད་ལ་སྒྲ་གཅན་ཟིན་བཞིན་དུ་གཟིགས་ན།
བདག་ལ་དམ་པ་གཅིག་སྩལ་དུ་གསོལ། བཅོམ་ལྡན་འདས་ཅང་མི་གསུང་བར་གྱུར་ནས་སངས་རྒྱས་ཀྱི་མཐུས་འཁོར་ཆེན་པོའི་ནང་ནས་ལི་ཙ་བཱི་གཞོན་ནུ་འཇིག་རྟེན་ཐམས་ཅད་ཀྱིས་
མཐོང་ན་དགའ་བ་ཞེས་བྱ་བས་སློབ་དཔོན་ལུང་སྟོན་པ་བྲམ་ཟེ་ཀཽཎྜ་ནྱི་ལ་འདི་སྐད་ཅེས་སྨྲས་སོ། །བྲམ་ཟེ་ཆེན་པོ། ཁྱོད་བཅོམ་ལྡན་འདས་ལ་དམ་པ་ཞིག་གསོལ་ལམ། བདག་གིས་
ཁྱོད་ལ་དམ་པ་སྦྱིན། བྲམ་ཟེས་སྨྲས་པ། །ཀྱེ་ལི་ཙ་བཱི་གཞོན་ནུ། བདག་ནི་བཅོམ་ལྡན་འདས་ཀྱིས་རིང་བ་སྲེལ་མཆོད་པའི་ཕྱིར་བཅོམ་ལྡན་འདས་ལ་རིང་བསྲེལ་ཡུངས་འབྲུ་ཙམ་ཞིག་
གསོལ་བ་དེ་ཁྱོད་ཀྱིས་བྱིན་ཅིག །རིང་བསྲེལ་ཡུངས་འབྲུ་ཙམ་དེ་མངོན་པར་མཆོད་ན་སུམ་ཅུ་རྩ་གསུམ་པའི་བདག་པོར་འགྱུར་རོ། །ཞེས་གྲགས་པས་ན། རིང་བསྲེལ་གྱི་ཕྱེ་མ་ཀ་རུ་ནི་ཤིན་
ཏུ་གཅེས་སོ། །ཀྱེ་ལི་ཙ་བཱི་གཞོན་ནུ། སྤྲིན་ཆེན་པོའི་མདོ་ཉན་ཐོས་དང༌། རང་སངས་རྒྱས་ཐམས་ཅད་ཀྱིས་ཤེས་པར་དཀའ་བ། ཁོང་དུ་ཆུད་པར་དཀའ་བ། མཚན་ཉིད་དེ་ལྟ་བུ་དང་ལྡན་
༄༅། །པའང་སྤྲིན་ཆེན་པོའི་མདོ་ལས་ཕྱི་རོལ་ཏུ་གྱུར་ཅེས་གྲགས་པ་ཉོན་ཅིག །ཀྱེ་ལི་ཙ་བཱི་གཞོན་ནུ། སྤྲིན་ཆེན་པོའི་མདོ་ནི། དེ་ལྟར་ཤེས་པར་དཀའ་ཞིང་རྟོགས་
པར་དཀའ་བས་ན། ཁོ་བོ་ཅག་མཐའ་འཁོབ་ཀྱི་གླིང་གི་བྲམ་ཟེ་རྣམས་ནི། གང་བཅངས་ན་སེམས་ཅན་རྣམས་མྱུར་དུ་སུམ་ཅུ་རྩ་གསུམ་པའི་བདག་པོ་ཐོབ་པར་འགྱུར་བའི་རིང་བསྲེལ་
ཡུངས་འབྲུ་ཙམ་ཟ་མ་ཏོག་གི་ནང་དུ་བཅུག་ལ་བཅངས་ཀྱང་རུང་ངོ༌། །ཀྱེ་ལི་ཙ་བཱི་གཞོན་ནུ། ཁྱོད་ཅི་དེ་བཞིན་གཤེགས་པ་ལས་རིང་བསྲེལ་ཡུངས་འབྲུ་ཙམ་གསོལ་ཏེ་མནོས་ལ་
ཟ་མ་ཏོག་གི་ནང་དུ་བཅུག་སྟེ་བཅངས་པས་སུམ་ཅུ་རྩ་གསུམ་པའི་བདག་པོར་འགྱུར་བ་མི་འདོད་དམ། ཀྱེ་མ་ལི་ཙ་བཱི་གཞོན་ནུ། ཁོ་བོས་ནི། དམ་པ་འདི་ལྟ་བུ་གསོལ་ཏོ། །ལི་ཙ་བཱི་
གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བས་སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱ་ལ་ཚིགས་སུ་བཅད་པ་དག་གིས་སླར་སྨྲས་པ། གང་ཚེ་གངྒཱར་ཀུ་མུད་སྐྱེས། །བྱི་
བ་གླང་ཆེན་ཙམ་གྱུར་དང༌། །ཁུ་བྱུག་དུང་མདོག་འདྲར་གྱུར་དང༌། །ཛམྦུར་ཏ་ལའི་འབྲུ་ཆགས་པ། །དེ་ཚེ་རིང་བསྲེལ་ཡོད་པར་འགྱུར། །ནམ་ཞིག་རུས་སྦལ་སྤུ་རྣམས་ལས། །གོས་
སུ་ལེགས་པར་བཏགས་གྱུར་ཏེ། །དགུན་ཆད་དག་ཏུ་གྱོན་གྱུར་པ། །དེ་ཚེ་རིང་བསྲེལ་ཡོད་པར་འགྱུར། །དེར་ནི་གྲོང་ཁྱེར་སྦས་པའི་ཕྱིར། །ནམ་ཞིག་སྦྲང་བུའི་རྐང་ལག་ལས། །ཡང་
ཐོག་ལེགས་པར་བྱས་གྱུར་ཏེ། །བརྟན་ཞིང་།ཡོ་བ་མེད་པ་དང༌། །སྲིན་བུ་པདྨའི་རྭ་སོགས་ལ། །ཁྱོད་ནི་དབང་བཀུར་སྦྱོར་བྱེད་དེ། །དེར་ནི་འབྱོར་ཅིང་རྒྱས་གྱུར་ན། །དེ་ཚེ་རིང་བསྲེལ་
ཡོད་པར་འགྱུར། །མཐོ་རིས་སུ་ནི་འཛེག་པའི་ཕྱིར། །ནམ་ཞིག་རི་བོང་རྭ་རྣམས་ལས། །སྐས་ནི་ལེགས་པར་བྱས་གྱུར་པ། །དེ་ཚེ་རིང་བསྲེལ་ཡོད་པར་འགྱུར། །ནམ་ཞིག་སྐས་ནི་དར་
འཛེགས་ཏེ། །བྱི་བས་ཟླ་བ་བཟའ་བ་དང༌། །སྒྲ་གཅན་ལ་ཡང་གནོད་བྱེད་པ། །དེ་ཚེ་རིང་བསྲེལ་ཡོད་པར་འགྱུར། །ཚོགས་ཀྱིས་རྒྱུ་བའི་སྦྲང་བུ་ཡིས། །ནམ་ཞིག་རྫ་མའི་ཆང་འཐུང་
སྟེ༑ ༑ཁྱིམ་ན་གནས་པར་བྱེད་གྱུར་པ། །དེ་ཚེ་རིང་བསྲེལ་ཡོད་པར་འགྱུར། །ནམ་ཞིག་བོང་བུ་བདེར་གྱུར་ལ། །མཆུ་དམར་བིམ་པ་འདྲར་གྱུར་ཅིང༌། །གླུ་གར་རྣམས་ལ་མཁས་
གྱུར་པ༑ ༑དེ་ཚེ་རིང་བསྲེལ་ཡོད་པར་འགྱུར། །ནམ་ཞིག་ཁྲ་དང་འུག་པ་དག །དབེན་པར་དོང་ནས་སྨྲ་བྱེད་ཅིང༌། །ཕན་ཚུན་གནོད་པ་མི་བྱེད་པར། །དུས་རྣམས་ཀུན་ཏུ་གནས་དེར་
ནི༑ ༑རྟག་ཏུ་གནས་པར་བྱེད་གྱུར་པ། །དེ་ཚེ་རིང་བསྲེལ་ཡོད་པར་འགྱུར། །པ་ལ་ཤ་ཡི་ལོ་མ་རྣམས། །རིན་ཆེན་སྣ་གསུམ་གདུགས་གྱུར་ཏེ། །ཆར་འབབ་སྐྱབས་སུ་ནམ་གྱུར་པ། །
དེ་ཚེ་རིང་བསྲེལ་ཡོད་པར་འགྱུར། །ནམ་ཞིག་རྒྱ་མཚོའི་གྲུ་བོ་ཆེ། །འཁྲུལ་འཁོར་དང་ནི་གཡོར་མོར་བཅས། །མི་ངན་པོས་ནི་ཁྱེར་འགྲོ་བ། །དེ་ཚེ་རིང་བསྲེལ་ཡོད་པར་འགྱུར། །ནམ་
༄༅། །ཞིག་བྱ་ནི་ཀུ་ལངྐས། །རི་བོ་སྤོས་ཀྱི་ངད་ལྡང་པོ། །མཆུ་ལ་ཐོགས་ཏེ་འགྲོ་གྱུར་པ། །དེ་ཚེ་རིང་བསྲེལ་ཡོད་པར་འགྱུར། །སློབ་དཔོན་ལུང་སྟོན་པ་བྲམ་ཟེ་
ཀཽཎྜི་ནྱས་ལི་ཙ་བཱི་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་ལ་ཚིགས་སུ་བཅད་པ་འདི་དག་གིས་སླར་སྨྲས་པ། གཞོན་ནུ་ཆེན་པོ་ལེགས་སོ་ལེགས། །དེ་
བཞིན་གཤེགས་སྲས་དཔའ་བོ་ཆེ། །དཔའ་ཞིང་ཐབས་ལ་མཁས་ལྡན་པ། །ཆེ་བ་ཉིད་ལྡན་ལུང་བསྟན་ཐོབ། །དེ་བཞིན་གཤེགས་པའི་ཆེ་བ་ཉིད། །གཞོན་ནུ་ཆེན་པོས་རིམ་
བཞིན་ཉོན། །སངས་རྒྱས་ཡུལ་ནི་བསམ་མི་ཁྱབ། །བསམ་པ་ཡས་ཡེ་ཤེས་མི་མཉམ་མཉམ། །དེ་བཞིན་གཤེགས་རྣམས་མཚུངས་པ་མེད། །སངས་རྒྱས་ཐམས་ཅད་རྟག་
ཏུ་ཞི༑ ༑སངས་རྒྱས་ཐམས་ཅད་ཡང་དག་འབྱུང༌། །སངས་རྒྱས་ཐབས་ཅད་ཁ་དོག་མཚུངས། །འདི་ནི་སངས་རྒྱས་ཆོས་ཉིད་ཡིན། །སངས་རྒྱས་བཅོམ་ལྡན་འདས་མ་ཡིན། །དེ་
བཞིན་གཤེགས་རྣམས་མ་སྐྱེས་ཏེ། །རྡོ་རྗེ་ལྟ་བུར་མཁྲེགས་པའི་སྐུ། །སྤྲུལ་པའི་སྐུ་ཡང་སྟོན་པར་མཛད། །ཡུངས་འབྲུ་ཙམ་གྱི་རིང་བསྲེལ་ཡང༌། །འབྱུང་བར་འགྱུར་བ་ཡོད་མེད་
དེ༑ ༑རུས་པ་ཁྲག་དང་ཤ་མེད་ལ། །རིང་བསྲེལ་ཡོད་པར་ག་ལ་འགྱུར། །སེམས་ཅན་རྣམས་ལ་ཕན་པའི་ཕྱིར། །ཐབས་ཀྱིས་རིང་བསྲེལ་གཞག་པ་མཛད། །བཅོམ་ལྡན་སངས་རྒྱས་
ཆོས་ཀྱི་སྐུ། །དེ་བཞིན་གཤེགས་པ་ཆོས་ཀྱི་དབྱིངས། །བཅོམ་ལྡན་སྐུ་ནི་དེ་འདྲ་ལ། །ཆོས་བསྟན་པ་ཡང་དེ་འདྲ་སྟེ། །དེ་ལྟར་བདག་གིས་ཐོས་རིག་ནས། །ཆོས་གསུངས་པ་ནི་དམ་པ་གསོལ།།
ཁྱོད་ནི་སྨྲ་བར་གཞུག་པའི་ཕྱིར། །གཏམ་གྱི་གླེང་ནི་བདག་གིས་བསླང༌། །དེ་ནས་དེའི་ཚེ་ལྷ་མོ་དྲི་མ་མེད་པའི་འོད་ཀྱིས་བཅོམ་ལྡན་འདས་ལ་མཆོད་པའི་ལས་བྱས་ནས་འདི་སྐད་ཅེས་གསོལ་
ཏོ༑ ༑བཅོམ་ལྡན་འདས། ཀྱེ་མ་ཐབས་ཀྱི་སྐྱས་བུ་འདི་གཉིས་ནི། མཁས་ཤིང་ཞི་བ་ལ་ཤེས་པ་ཟབ་མོ་དང་ལྡན་ཏེ། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཤིན་ཏུ་གསལ་
པར་འཚལ་ལགས་ན། བཅོམ་ལྡན་འདས། སྐྱེས་བུ་དམ་པ་འདི་གཉིས་སུ་ལགས་པ་དང༌། གང་ནས་མཆིས་པ་སེམས་ཅན་ཐམས་ཅད་ལ་སྨན་པའི་སླད་དུ་བཅོམ་ལྡན་འདས་ཀྱིས་
བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ། ལེགས་སོ་ལེགས་སོ། །ལྷ་མོ། ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་དེ་བཞིན་གཤེགས་པ་ལ་
ཞུས་པ་ལེགས་སོ། །ལྷ་མོ། ཉོན་ཅིག། གཙོ་བོ་ཆེན་པོ་འདི་གཉིས་ནི། དེ་བཞིན་གཤེགས་པའི་སྲས་ཡིན་ཏེ། ལྷ་མོ། གཙོ་བོ་ཆེན་པོ་འདི་གཉིས་ནི། སྐྱེས་བུ་དམ་པ་རྣམས་ཀྱི་བདག་པོ།།
འཁོར་བ་ལ་དགའ་བའི་སྨོན་ལམ་བཏབ་པའི་སྐྱེས་བུ། ང་ལ་བྱས་པ་གཟོ་བ། ངའི་བུ་སྡུག་པ། ཤཱཀྱའི་རུས་དང་རིགས་འཛིན་པ། ངའི་བསྟན་པའི་ཁུར་ཁྱེར་བ། ངའི་བསྟན་པའི་སྒྲོན་
༄༅། །མེ་རབ་ཏུ་འབར་བར་བྱེད་པ་ཡིན་གྱི། རྗེས་སུ་ཡི་རང་བར་གྱིས་ཤིག །ལྷ་མོ། སྔོན་བྱུང་བ་འདས་པའི་དུས་ན་བསྐལ་པ་གྲངས་མེད་པ་བས་ཀྱང་ཆེས་གྲངས་
མེད་པ༑ བསྐྲལ་པ་མང་བས་ཀྱང་ཆེས་མང་བ་འདས་པའི་ཚེ་དེའི་ཚེ་དེའི་དུས་ན་དེ་བཞིན་གཤེགས་པ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ།
སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཀླུ་རིགས་སྒྲོན་མ་ཞེས་བྱ་བ་འཇིག་རྟེན་དུ་བྱུང་ངོ༌། །ལྷ་མོ། དེའི་ཚེ་ཛམྦུའི་
གླིང་འདི་འབྱོར་བ་དང༌། རྒྱས་པ་དང༌། ལོ་ལེགས་པ་དང༌། ཉམས་དགའ་བར་གྱུར་ཏེ། སྐྱེ་བོ་དང་མི་མང་པོས་གང་ཞིང་བདེ་བ་དང༌། ཡིད་བདེ་བ་དང་ལྡན་པར་གྱུར་ཏོ། །དེའི་ཚེ་ཛམྦུའི་
གླིང་འདི་ཡངས་ཤིང་རྒྱ་ཆེ་ལ་ཆུ་ཞེང་དང་ཐ་གྲུ་ཆེ་བར་གྱུར་ཏེ། ངོས་གཅིག་ལ་དཔག་ཚད་འབུམ་ཕྲག་དྲུག་ཅུ་རྩ་བརྒྱད་ཡོད་པར་གྱུར་ཏོ། །དེའི་ཚེ་ཛམྦུའི་གླིང་འདི་ན་གྲོང་ཁྱེར་དཔག་
ཚད་བཅུ་གཉིས་དང༌། མི་བྱེ་བ་ཕྲག་དགུ་བཅུ་དགུ་བཅུ་གནས་པ་བདུན་ཁྲི་བརྒྱད་སྟོང་ཡོད་དེ། གྲོང་ཁྱེར་དེ་དག་ཐམས་ཅད་ཀྱང་རིན་པོ་ཆེ་སྣ་བདུན་ལས་བྱས་པ་ཤ་སྟག་གོ། ལྷ་མོ།
དེའི་ཚེ་རྒྱལ་པོའི་ཁབ་འདིར་གྲོང་ཁྱེར་རིན་ཆེན་འབྱུང་ནས་ཞེས་བྱ་བ་ཞིག་བྱུང་སྟེ། གྲོང་ཁྱེར་ཆེན་པོ་གང་དུ་དེ་བཞིན་གཤེགས་པ་དེ་བྱུང་བ་དེར་མི་བྱེ་བ་བརྒྱ་སྟོང་ཕྲག་བརྒྱད་ཅུ་གནས་
པར་གྱུར་ཏོ། །གྲོང་ཁྱེར་ཆེན་པོ་རིན་ཆེན་འབྱུང་གནས་ཀྱི་ནང་ན་སེམས་ཅན་གནས་པ་ཐམས་ཅད་ཀྱང་ཐེག་པ་ཆེན་པོ་ལ་མངོན་པར་རྩེ་བའི་བྱང་ཆུབ་སེམས་དཔའ་མི་མཆོག་ཤ་སྟག་གོ། ལྷ་མོ་
དེའི་ཚེ་གྲོང་ཁྱེར་རིན་ཆེན་འབྱུང་གནས་ཀྱི་ནང་ནས་དེ་བཞིན་གཤེགས་པ་ཀླུ་རིགས་སྒྲོན་མ་བྱང་ཆུབ་སེམས་དཔའ་མི་མཆོག་རྣམས་ཀྱི་ནང་ན་སྤྲིན་ཆེན་པོའི་མདོ་འདི་སེངྒེའི་སྒྲ་ཆེན་པོས་མངོན་
པར་སྟོན་པར་མཛད་དོ། །ལྷ་མོ། དེའི་ཚེ་གྲོང་ཁྱེར་རིན་ཆེན་འབྱུང་གནས་སུ་ཆོས་ཀྱི་རྒྱལ་པོ་བརྩོན་འགྲུས་ཆེན་པོའི་ཀླུ་ཞེས་བྱ་བ་ཞིག་བྱུང་ངོ༌། །ལྷ་མོ། ཆོས་ཀྱི་རྒྱལ་པོ་བརྩོན་འགྲུས་ཆེན་པོའི་
ཀླུ་དེའི་བཙུན་མོ་དམ་པ་ལྷ་མོ་ཐེག་པ་ཆེན་པོ་ལ་རབ་ཏུ་དགའ་བར་སེམས་པ་བསྟན་པ་འཛིན་པ་ཞེས་བྱ་བ་ཞེག་བྱུང་ངོ༌། །ཆོས་ཀྱི་རྒྱལ་པོ་དེའི་བློན་པོ་ཆེན་པོ་དམ་པའི་ཆོས་ཀྱི་དཀྱིལ་འཁོར་གྱི་
མཛོད་ཅེས་བྱ་བ་ཞིག་ཀྱང་བྱུང་ངོ༌། །ལྷ་མོ། དེའི་ཚེ་རྒྱལ་པོ་བརྩོན་འགྲུས་ཆེན་པོའི་ཀླུ་དེ་ལ་བློན་པོ་ཆེན་པོས་ཡོངས་སུ་བསྐོར་ཏེ་བཙུན་མོ་དམ་པ་དེས་མདུན་དུ་བདར་ཅིང་བསྐོར་ནས་དེ་བཞིན་གཤེགས་
པ་ཀླུ་རིགས་སྒྲོན་མ་དེ་ལ་མཆོད་པ་ཆེན་པོ་བྱས་ཏེ། དེ་བཞིན་གཤེགས་པ་ཀླུ་རིགས་སྒྲོན་མ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་
འདས་དེ་བཞིན་གཤེགས་པ་ཀླུ་རིགས་སྒྲོན་མ་དེས་རྒྱལ་པོ་བརྩོན་འགྲུས་ཆེན་པོའི་ཀླུའི་ལྷག་པའི་བསམ་པ་ཐུགས་སུ་ཆུད་ནས་མི་འཇིགས་འཇིགས་མེད་རྣམ་པ་ཞེས་བྱ་བའི་འོད་ཟེར་བཏང་
༄༅། །ནས་འོད་ཟེར་བཏང་བ་དེས་དེ་བཞིན་གཤེགས་པའི་མཐུས་བློན་པོ་ཆེན་པོ་དམ་པའི་ཆོས་ཀྱི་དཀྱིལ་འཁོར་གྱི་མཛོད་ཀྱིས་དེ་བཞིན་གཤེགས་པའི་རིང་བསྲོལ་
གྱི་གཏམ་གྱི་གླེང་བསླངས་ཏེ་ཞུ་བ་ཞུས་ནས་དེའི་ཚེ་བཅོམ་ལྡན་འདས་དེ་ཅང་མི་གསུང་བར་འགྱུར་ཏོ། །དེའི་ཚེ་རྒྱལ་པོ་བརྩོན་འགྲུས་ཆེན་པོའི་ཀླུས་རང་གི་བློན་པོ་ཆེན་པོ་དམ་པའི་
ཆོས་ཀྱི་དཀྱིལ་འཁོར་གྱི་མཛོད་ལ་ཕྱིར་དྲི་བར་བསམ་མོ། །དེ་ལྟར་སྐྱེས་བུ་དེ་གཉིས་ཀྱིས་སེམས་ཅན་ཐམས་ཅད་ལ་ཕན་པ་བྱ་བའི་ཕྱིར་རིང་བསྲེལ་གྱི་གཏམ་གྱི་ཐབས་འདི་
དག་གཅིག་པུ་འདྲི་བ་ལ་མངོན་པར་རྩེ་བར་གྱུར་ཏོ། །དེ་ནས་དེ་བཞིན་གཤེགས་པ་ཀླུ་རིགས་སྒྲོན་མའི་ཉན་ཐོས་མིང་ཆེན་ཞེས་བྱ་བས་རིང་བསྲེལ་གྱི་གཏམ་གྱི་ཐབས་འདི་ཐོས་
ནས་འདི་སྙམ་དུ་སེམས་བསྐྱེད་དེ། ཀྱེ་མ་བརྩོན་འགྲུས་ཆེན་པོའི་ཀླུ་ནི། ཆོས་ཅན་ཆོས་ཀྱི་རྒྱལ་པོ་མཁས་པ་ཡིན་ཏེ། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཤིན་ཏུ་
གསལ་བར་རབ་ཏུ་ཤེས་སོ་སྙམ་ནས་བརྩོན་འགྲུས་ཆེན་པོའི་ཀླུའི་ཆེ་བ་ཉིད་དེ་བཞིན་གཤེགས་པ་ལ་ཞུས་སོ། །དེ་ནས་དེ་བཞིན་གཤེགས་པ་ཀླུ་རིགས་སྒྲོན་མས་འཁོར་ཐམས་
ཅད་ལ་ཕན་པའི་ཕྱིར་སྤྲིན་ཆེན་པོའི་མདོའི་ཡུལ་དང༌། བརྩོན་འགྲུས་ཆེན་པོའི་ཀླུའི་ཆེ་བ་ཉིད་རྒྱས་པར་བསྟན་ཏོ། །དེ་ནས་འཁོར་ཆེན་པོ་བརྩོན་འགྲུས་ཆེན་པོས་ཀླུའི་ཆེ་བ་ཉིད་བསྟན་
པ་བཤད་པ་འདི་ཐོས་ནས་ངོ་མཚར་རྨད་དུ་བྱུང་བར་འཛིན་པར་གྱུར་ཏོ། །ལྷ་མོ། དེའི་ཚེ་རྒྱལ་པོ་བརྩོན་འགྲུས་ཆེན་པོའི་ཀླུས་བདག་ཉིད་ཀྱི་ཡོན་ཏན་བཤད་པ་ཐོས་ནས་བློན་པོ་ཆེན་པོ་
དང༌། བཙུན་མོའི་འཁོར་དང་བཅས་པས་དེ་བཞིན་གཤེགས་པ་དེའི་ཞབས་ལ་ལན་བརྒྱ་སྟོང་དུ་མར་མགོ་བོས་ཕྱག་འཚལ་ཏེ། དེ་བཞིན་གཤེགས་པ་ཀླུ་རིགས་སྒྲོན་མ་ལ་རིན་པོ་
ཆེ་སྦར་གང་གིས་གཏོར་ནས་འདི་སྙམ་དུ་སེམས་བསྐྱེད་དེ། བཅོམ་ལྡན་འདས། མ་འོངས་པའི་དུས་ན་བཅོམ་ལྡན་འདས་ཤཱཀྱ་ཐུབ་པའི་བསྟན་པའི་ཐབས་ནུབ་པའི་ཚེ་བདག་རབ་
ཏུ་བྱུང་སྟེ་ཆོས་ཀྱི་མཇུག་ལ་བབ་ན་སྒྲ་ཆེན་པོ་ལན་གསུམ་བསྒྲགས་ལ་ཆོས་གོས་ཙམ་འཆང་བ་མུ་སྟེགས་མགོ་བྱི་བ་རྣམས་ཡུལ་ནས་བསྐྲད་ལ་དམ་པའི་ཆོས་ཕྱུང་སྟེ། དམ་པའི་
ཆོས་ཀྱི་ཕྱིར་བདག་གི་སྲོག་འདོར་བར་གྱུར་ཅིག་ཅེས་བྱས་སོ། །དེའི་ཚེ་བློན་པོ་ཆེན་པོ་དམ་པའི་ཆོས་ཀྱི་དཀྱིལ་འཁོར་གྱི་མཛོད་ཀྱིས་འདི་སྙམ་དུ་སེམས་བསྐྱེད་དེ། བཅོམ་ལྡན་འདས།
མ་འོངས་པའི་དུས་ན་བདག་གིས་བཅོམ་ལྡན་འདས་ཤཱཀྱ་ཐུབ་པའི་བསྟན་པའི་ཁུར་བཀུར་ཞིང་བཅོམ་ལྡན་འདས་ཐབས་ཀྱིས་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་
འདས་པ་ན་མིའི་བདག་པོ་ཁྱད་པར་དུ་འཕགས་པའི་ཕུན་སུམ་ཚོགས་པའི་རྒྱལ་སྲིད་ཡོངས་སུ་སྤྱད་དེ། དམ་པའི་ཆོས་ཀྱི་སྒྲ་ཆེན་པོ་མངོན་པར་སྒྲོག་པར་གྱུར་ཅིག་ཅེས་བྱས་སོ། །དེ་ནས་
༄༅། །དེའི་ཚེ་རྒྱལ་པོ་བ་རྩོན་འགྲུས་ཆེན་པོའི་ཀླུའི་བཙུན་མོ་དམ་པ་ལྷ་མོས་འདི་སྙམ་དུ་སེམས་བསྐྱེད་དེ། བཅོམ་ལྡན་འདས་ཤཱཀྱ་ཐུབ་པའི་བསྟན་པ་གནས་པའི་ཆེ་བདག་
གིས་མུ་སྟེགས་ཅན་ངན་པའི་ཚོགས་ཐམས་ཅད་བུད་མེད་ཀྱི་གཟུགས་ཀྱིས་བཏུལ་ནས་རྒྱལ་པོའི་ཆོས་ལུགས་སྤྱད་དེ་རྒྱལ་སྲིད་མངོན་པར་རྒྱན་པ་ཆོས་ཀྱི་སྒྲ་ཆེན་པོ་མངོན་པར་སྒྲོག་པར་
གྱུར་ཅིག་ཅེས་བྱས་སོ། །དེ་ནས་དེའི་ཚེ་མིང་ཆེན་གྱིས་འདི་སྙམ་དུ་སེམས་བསྐྱེད་དེ། བཅོམ་ལྡན་འདས། མ་འོངས་པའི་དུས་ན་བདག་བཅོམ་ལྡན་འདས་ཤཱཀྱ་ཐུབ་པའི་བསྟན་པ་ལ་
ཉན་ཐོས་ཀྱི་མཆོག་ཏུ་གྱུར་ཏེ། དེ་བཞིན་གཤེགས་པའི་མཐུས་དེ་བཞིན་གཤེགས་པའི་བསམ་གྱིས་མི་ཁྱབ་པའི་ཡུལ་ལ་རྣམ་པར་འཕྲུལ་པའི་སེངྒེའི་སྒྲ་ཆེན་པོ་མཆོག་གིས་འབྲས་བུ་
ཡོད་པར་ཆོས་སྟོན་པའི་ཆོ་ག་དེ་ལྟ་བུའི་བསམ་གྱིས་མི་ཁྱབ་པའི་ཡུལ་གཙོ་བོར་གྱུར་པའི་ཡོན་ཏན་དང་ལྡན་པར་གྱུར་ནས་བདག་གིས་སེངྒེའི་སྒྲ་མངོན་པར་བསྒྲགས་ལ། དེ་བཞིན་
གཤེགས་པའི་བསྟན་པའི་ཁུར་ལྕི་བ་ཡུན་རིང་པོར་འཁྱེར་བར་གྱུར་ཅིག་ཅེས་བྱས་སོ། །ལྷ་མོ། དགེ་བའི་རྩ་བ་དེས་ན་ཁྱོད་གཏོགས་པ་བཞི་ངའི་བསྟན་པ་ལ་དགའ་བ་མང་པོ་བྱེད་
ཅིང་སྐྱེ་བོ་ཕལ་པ་དང་མཐུན་པར་བྱེད་པ་ཡིན་ཏེ། ལྷ་མོ། ཁྱེད་བཞིན་ནི། ད་ལྟ་འབའ་ཞིག་ཀྱང་མ་ཡིན་གྱི། འདས་པའི་དུས་ནའང་ང་ལ་རྣམ་པ་མང་པོར་བྱ་བ་བྱས་ཤིང་ངའི་བསྟན་པའི་ཁུར་
གྱི་བཀོད་པ་ལ་སྨན་ལམ་བཏབ་པ་ཡིན་གྱི། ལྷ་མོ། སེམས་མངོན་པར་དད་པར་གྱིས་ལ་སངས་རྒྱས་མང་པོས་བསྙེན་བཀུར་བྱས་པར་ཤེས་པར་གྱིས་ཤིག། དེ་ནས་ལྷ་མོས་བཅོམ་ལྡན་
འདས་ལ་འདི་སྐད་ཅེས་གསོལ་ཏོ། །བདག་གིས་བསམ་པ་དད་པར་འགྱུར་བ་དང༌། སྐྱེ་བོ་མང་པོ་ལ་སྨན་པར་འགྱུར་བའི་སླད་དུ་བདག་ཅག་བཞི་གང་ལགས་པ་བཅོམ་ལྡན་འདས་ཀྱིས་
བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ། ལེགས་སོ་ལེགས་སོ། །ལྷ་མོ། ཁྱོད་ལེགས་ཀྱི། ཁྱོད་གཏོགས་པ་བཞི་ལུང་བསྟན་པའི་ཆོ་གའི་རིམ་པ་ལྷ་མོ་ཁྱོད་ཀྱིས་
ཉོན་ཅིག །ལྷ་མོ། ཁྱོད་གཏོགས་པ་བཞིའི་ཡོན་ཏན་གྱི་ཆེ་བ་ཉིད་ལ་ལྟོས། བློན་པོ་ཆེན་པོ་དམ་པའི་ཆོས་ཀྱི་དཀྱིལ་འཁོར་གྱི་མཛོད་དེ་ནི། སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱ་ཡིན་པར་
རིག་པར་བྱའོ། །ལྷ་མོ། སློབ་དཔོན་ལུང་སྟོན་པ་བྲམ་ཟེ་ཀྲཽཎྜི་ནྱའང་ང་འདས་པའི་འོག་ལོ་བརྒྱ་ཉི་ཤུ་ལོན་པ་ན་མོའུ་ཪྻའི་རིགས་ཞེས་བྱ་བ་ཕྱེད་ཀྱི་འཁོར་ལོས་བསྒྱུར་བའི་རིགས་སུ་སྐྱེ་བར་
འགྱུར་ཏེ། ལྷ་མོ། མོའུཪྻའི་རིགས་སུ་སྐྱེས་ནས་ཀྱང་ཕྱེད་ཀྱི་འཁོར་ལོས་བསྒྱུར་བའི་རྒྱལ་པོར་འགྱུར་ཏེ། ལྷ་མོ། མོའུ་ཪྻའི་རིགས་ཀྱི་རྒྱལ་པོའི་མཆོག་ཏུ་འགྱུར་ལ་ཆོས་ཀྱི་ལུགས་ཇི་ལྟ་བ་
བཞིན་དུ་རྒྱལ་པོ་བྱེད་པར་འགྱུར་རོ། །དེ་ནས་ལྷ་མོས་འདི་སྐད་ཅེས་གསོལ་ཏོ། །བཅོམ་ལྡན་འདས། དེའི་མིང་ཅི་དེ་སྐད་ཅེས་བགྱི་བར་གཟུང་བར་བགྱི། བཀའ་སྩལ་པ། ལྷ་མོ། དགེ་བསྙེན་
༄༅། །གྱི་རྒྱལ་པོ་མྱ་ངན་མེད་ཅེས་བྱ་བར་འགྱུར་ཏེ། ལྷ་མོ། ཕྱེད་ཀྱི་འཁོར་ལོས་བསྒྱུར་བའི་རྒྱལ་པོ་མྱ་ངན་མེད་ཅེས་བྱ་བ་དེས་ཆོས་ཀྱི་བསྟན་བཅོས་པའི་སེངྒེའི་
སྒྲ་ཆེན་པོ་ཐོག་མར་སྒྲོག་པར་བྱེད་ཅིང་མངོན་པར་མཆོད་པར་བྱེད་དོ། །དེ་ནས་ལྷ་མོས་འདི་སྐད་ཅེས་གསོལ་ཏོ། །སེམས་ཅན་ཐམས་ཅད་ལ་སྨན་པའི་སླད་དུ་རྒྱལ་པོ་བརྩོན་
འགྲུས་ཆེན་པོའི་ཀླུ་ལུང་བསྟན་པ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ། ཁྱོད་ཉིད་ཐོག་མར་ཅི་ལུང་བསྟན་གྱི་ཉོན་ཅིག །
དེ་ནས་ལྷ་མོ་ངོ་ཚ་ནས་མགོ་སྨད་དོ། །བཅོམ་ལྡན་འདས་ཀྱིས་བཀའ་སྩལ་པ། ལྷ་མོ། ལེགས་སོ་ལེགས་སོ། །ངོ་ཚ་བ་ནི། ཆོས་ཐམས་ཅད་ཀྱི་མཆོག་ཡིན་གྱི། ལྷ་མོ། ཁྱོད་
ལེགས་སོ། ལྷ་མོ། ཁྱོད་ནི། རྒྱལ་པོ་བརྩོན་འགྲུས་ཆེན་པོའི་ཀླུའི་བཙུན་མོ་དམ་པར་གྱུར་ཏོ། །སྤྲིན་ཆེན་པོའི་མདོ་ལས་འབྱུང་བ་ཟབ་མོ་བསྟན་པའི་ཆུའི་རྒྱ་མཚོའི་དུས་ཚོད་ཀྱི་
ཏིང་ངེ་འཛིན་གྱི་ཡུལ་ལ་ལྟོས། ལྷ་མོ། ང་འདས་པའི་འོག་ཏུ་ཁྱོད་དགེ་བའི་རྩ་བ་དང་སྨོན་ལམ་གྱི་ཁྱད་པར་དེས་བེ་ཡི་ཞེས་བྱ་བ་དེའི་གྲོང་ན་གནས་པའི་རྗེའུའི་རིགས་སུ་སྐྱེ་བར་འགྱུར་
ཏེ༑ འཁོར་ལོས་བསྒྱུར་བའི་རྒྱལ་པོའི་བཙུན་མོའི་གཟུགས་ཐོབ་ནས་དེས་པ་དང༌། ཉེ་བར་གནས་པ་དང༌། བསླབ་པའི་གཞི་བཅས་པ་བླངས་ནས་གྲོང་ཁྱེར་དང༌། གྲོང་རྡལ་དང་བཅས་
པར་འབྱོར་ཅིང་རྒྱས་ལ། བུད་མེད་ཀྱི་གཟུགས་ཀྱིས་རྒྱལ་སྲིད་མངོན་པར་སྤྱོད་དེ། མུ་སྟེགས་ཅན་དམ་པའི་ཚོགས་ཐམས་ཅད་མངོན་པར་འདུལ་ཞིང་དམ་པའི་ཆོས་ཀྱི་སྒྲོན་མ་རབ་ཏུ་འབར་བར་
བྱེད་ལ་བཅོམ་ལྡན་འདས་ཀྱི་བསྟན་པ་ལ་མཆོད་པ་བྱེད་དོ། ཆོས་ཀྱི་སྒྲ་ཆེན་པོས་བསྒྲགས་ནས་བྱང་ཆུབ་སེམས་དཔའི་སྤྱོད་པས་རང་གི་རྒྱལ་སྲིད་ཡང་དག་པར་སྲུང་ཞིང་ཡོངས་སུ་སྐྱོང་བར་བྱེད་
ལ་འཇིག་རྟེན་དང་མཐུན་པར་བྱ་བ་སྤྱོད་པར་འགྱུར་ཏེ། ལྷ་མོ། རྒྱལ་པོ་བརྩོན་འགྲུས་ཆེན་པོའི་ཀླུའི་གཟི་བརྗིད་ཀྱི་མཐུས་ཁྱོད་བསམ་གྱིས་མི་ཁྱབ་པ་ལ་མངོན་པར་རྩེ་བར་གྱུར་པ་ཡིན་གྱི། ལྷ་
མོ༑ ཆོས་ཀྱི་རྒྱལ་པོ་བརྩོན་འགྲུས་ཆེན་པོའི་ཀླུ་ལ་རྗེས་སུ་ཡི་རང་བར་གྱིས་ཤིག །རྒྱལ་པོ་བརྩོན་འགྲུས་ཆེན་པོའི་ཀླུ་དེ་ནི། ངའི་ཉན་ཐོས་ཀྱི་མཆོག་ལི་ཙ་བཱི་གཞོན་ནུ་འཇིག་རྟེན་ཐམས་
ཅད་ཀྱིས་མཐོང་ན་དགའ་བ་འདི་ཡིན་ནོ། །ལྷ་མོས་གསོལ་པ། སེམས་ཅན་ཐམས་ཅད་ལ་སྨན་པའི་སླད་དུ་སྐྱེས་བུ་ཆེན་པོ་མིང་ཆེན་ལུང་བསྟན་པ་བཅོམ་ལྡན་འདས་ཀྱིས་བཤད་དུ་
གསོལ། །བཅོམ་ལྡན་འདས་ཀྱིས་བཀའ་སྩལ་པ། ལྷ་མོ། མིང་ཆེན་ལུང་བསྟན་པ་ཉོན་ལ་ཇི་སྲིད་འཚོའི་བར་དུ་བསྙེན་བཀུར་གྱིས་ཤིག་དང༌། ཁྱོད་ཀྱིས་མིང་ཆེན་གྱི་ཆོ་འཕྲུལ་དང༌། ཡོན་
ཏན་ཆེན་པོ་མངོན་དུ་འཐོབ་པར་འགྱུར་རོ། །ལྷ་མོ། མིང་ཆེན་ནི། སངས་རྒྱས་དང་འདྲའོ། །ལྷ་མོ། མིང་ཆེན་ནི། སངས་རྒྱས་ཀྱི་སྐུའི་ཕྱེད་དང་འདྲའོ། །ལྷ་མོས་གསོལ་པ། བཅོམ་ལྡན་
༄༅། །འདས༑ མིང་ཆེན་འདི་ལྟ་བུ་ལ་ཇི་སྲིད་འཚོའི་བར་དུ་ཇི་ལྟར་བསྙན་བཀུར་བགྱི། བཅོམ་ལྡན་འདས་ཀྱིས་བཀའ་སྩལ་པ། མིང་ཆེན་འདི་ནི། དེ་བཞིན་གཤེགས་
པ་ཀླུ་རིགས་སྒྲོན་མའི་ཉན་ཐོས་ཡིན་ཏེ། ངའི་ཉན་ཐོས། ངའི་ལུས་ཀྱི་ཕྱེད་དང་འདྲ་བ། ང་ལ་བྱས་པ་གཟོ་བ་སྟེ། ད་ལྟར་གྱི་འོད་སྲུང་ཆེན་པོ་འདི་ཡིན་གྱི། ལྷ་མོ། ཇི་སྲིད་འཚོའི་བར་དུ་
བསྙེན་བཀུར་གྱིས་ཤིག །དེ་ནས་དེའི་ཚེ་འཁོར་ཆེན་པོའི་ནང་ནས་ལྷའི་བུ་དབྱུག་མཆོག་ཅེས་བྱ་བ་འཁོར་སྟོང་དང་ལྡན་པས་བཅོམ་ལྡན་འདས་ལ་མཆོད་པའི་ལས་བྱས་ནས་
ཚིགས་སུ་བཅད་པ་འདི་སྨྲས་སོ། །སྐྲ་རྩེ་ཙམ་གྱིས་རྒྱ་མཚོ་ཀུན། །བས་པར་གཏུགས་སུ་ནུས་ལགས་ཀྱི། །གཟུགས་མེད་མངའ་བའི་ཡོན་ཏན་མཚོ། །ཚིག་ཙམ་གྱིས་ནི་བརྗོད་མི་ནུས་
བསྟན་པ་འདི་བཤད་པ་ན་ལྷའི་བུ་བརྒྱ་སྟོང་ཕྲག་མང་པོ་དག་གིས་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་དེའི་ཚེ་བཅོམ་ལྡན་འདས་
ཀྱིས་སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱ་ལ་འདི་སྐད་ཅེས་བཀའ་སྩལ་ཏོ། །སློབ་དཔོན་ལུང་སྟོན་པ་ཀཽ་ཎྜི་ནྱ། ཁྱོད་ཀྱིས་རྙེད་པ་ལེགས་པར་རྙེད་ཀྱི། མངོན་པར་དད་པར་གྱིས་ཤིག། མ་
འོངས་པའི་དུས་ན་སེམས་ཅན་རྣམས་བསྲུང་པའི་ཕྱིར་ཁྱོད་ལས་གླེགས་ཏེ་སྲུང་པའི་མཚན་ཉིད་བཤད་དོ། །སློབ་དཔོན་ལུང་སྟོན་པ་ཀཽཎྜི་ནྱ། སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་
འཇིག་རྟེན་གྱི་ཁམས་གངྒཱའི་ཀླུང་བཅུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་མངོན་པར་དང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་བློ་གྲོས་མི་ཟད་པ་ཞེས་བྱ་བ་ད་ལྟར་འཚེ་ཞིང་གཞེས་ཏེ་ཆོས་ཀྱང་སྟོན་ཏོ། །སློབ་དཔོན་ལུང་སྟོན་པ་ཀཽཎྜི་ནྱ། སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་ཉི་
ཤུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཐམས་ཅད་མཉམ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རྒྱལ་མཚན་
ཞེས་བྱ་བ་ད་ལྟར་འཚོ་ཞིང་གཞེས་ཏེ་ཆོས་ཀྱང་སྟོན་ཏོ། །སློབ་དཔོན་ལུང་སྟོན་པ་ཀཽཎྜི་ནྱ། སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་སུམ་ཅུའི་བྱེ་མ་སྙེད་
འདས་པ་ན་འཇིག་རྟེན་གྱི་ཁམས་ཡིད་བདེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དྲི་མ་མེད་པའི་སྙིང་པོ་ཞེས་བྱ་བ་ད་
ལྟར་འཚོ་ཞིང་གཞེས་ཏེ་ཆོས་ཀྱང་སྟོན་ཏོ། །སློབ་དཔོན་ལུང་སྟོན་པ་ཀཽཎྜི་ནྱ། སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་བཞི་བཅུའི་བྱེ་མ་སྙེད་འདས་པ་ན་
འཇིག་རྟེན་གྱི་ཁམས་རབ་ཏུ་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་འཕྲུལ་པས་དང་བར་བྱེད་པའི་གྲག་
༄༅། །བ་ཞེས་བྱ་བ་ད་ལྟར་འཚོ་ཞིང་གཞེས་ཏེ་ཆོས་ཀྱང་སྟོན་ཏོ། །སློབ་དཔོན་ལུང་སྟོན་པ་ཀཽཎྜི་ནྱ། སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་
ཀླུང་ལྔ་བཅུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་དམ་པའི་ཆོས་ལ་དགའ་མོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་སྤྲིན་གྱི་བསྲུངས་ཞེས་བྱ་བ་ད་ལྟར་འཚོ་ཞིང་གཞེས་ཏེ་ཆོས་ཀྱང་སྟོན་ཏོ། །སློབ་དཔོན་ལུང་སྟོན་པ་ཀཽཎྜི་ནྱ། སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་
གངྒཱའི་ཀླུང་དྲུག་ཅུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་མུ་སྟེགས་ཐམས་ཅད་ཀྱི་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་སེངྒེ་རྣམ་པར་རོལ་པའི་རྒྱལ་པོ་ཞེས་བྱ་བ་ད་ལྟར་འཚོ་ཞིང་གཞེས་ཏེ་ཆོས་ཀྱང་སྟོན་ཏོ། །སློབ་དཔོན་ལུང་སྟོན་པ་ཀཽཎྜི་ནྱ། སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་
འཇིག་རྟེན་གྱི་ཁམས་གངྒཱའི་ཀླུང་བདུན་ཅུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་མེ་ཏོག་གི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་
དག་པར་རྫོགས་པའི་སངས་རྒྱས་ལྷུན་པོའི་རྒྱལ་པོ་མངོན་པར་འཕགས་ཞེས་བྱ་བ་ད་ལྟར་འཚོ་ཞིང་གཞེས་ཏེ་ཆོས་ཀྱང་སྟོན་ཏོ། །སློབ་དཔོན་ལུང་སྟོན་པ་ཀཽཎྜི་ནྱ། སངས་རྒྱས་ཀྱི་ཞིང་
འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་བརྒྱད་བཅུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་རིན་ཆེན་སྐྱོང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་དམ་པའི་ཆོས་ཀུན་ཏུ་སྲུང་བའི་ཏོག་ཏུ་གྱུར་པ་ཞེས་བྱ་བ་ད་ལྟར་འཚོ་ཞིང་གཞེས་ཏེ་ཆོས་ཀྱང་སྟོན་ཏོ། །སློབ་དཔོན་ལུང་སྟོན་པ་ཀཽཎྜི་ནྱ། དེ་
བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་སངས་རྒྱས་ཀྱི་ཞིང་རྣམས་ནི། ཡོངས་སུ་དག་པ་སྟེ། ལག་མཐིལ་ལྟར་མཉམ་ལ། རི་དང་རྡོ་མེད་
ཅིང༌། གསེག་མ་དང༌། བོང་བ་དང༌། སྡོང་དུམ་དང༌། ཚེར་མ་མེད་དེ། འཇམ་ཞིང་ཀ་ཙེ་ལིནྡིའི་གོས་ལྟར་རེག་ན་འཇམ་ལ། སྙིགས་མ་ལྔ་དང་བྲལ་ཞིང་བུད་མེད་མེད་ལ། ཉན་ཐོས་དང༌།
རང་སངས་རྒྱས་རྣམས་མེད་ཅིང་དེ་དག་གི་མིང་ཡང་མེད་པ་ཡིན་ནོ། །སེམས་ཅན་དེ་དག་ཀྱང་ཐེག་པ་ཆེན་པོ་ལ་རབ་ཏུ་དགའ་བ་དང༌། ཐེག་པ་ཆེན་པོས་མངོན་པར་རྩེ་བ་དང༌། ཐེག་པ་ཆེན་པོ་ལ་དད་པའི་
སེམས་ཐོབ་པ་ཤ་སྟག་གོ། སློབ་དཔོན་ལུང་སྟོན་པ་ཀཽཎྜི་ནྱ། ཐེག་པ་ཆེན་པོ་ལ་ཡང་དག་པར་ཞུགས་པའི་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་དེ་དག་གི་མཚན་རྣམས་ཐོས་ནས་འཛིན་ཏམ། ཀུན་ཆུབ་པར་བྱེད་དམ། འཆང་ངམ། ཀློག་གམ། གཞན་དག་ལའང་རྒྱས་པར་ཡང་དག་པར་སྟོན་ན། སློབ་དཔོན་ལུང་སྟོན་
༄༅། །པ་ཀཽཎྜི་ནྱ། རིགས་ཀྱི་བུའམ། རིགས་ཀྱི་བུ་མོ་དེ་དག་ནི། སེམས་ཅན་དམྱལ་བར་འགྲོ་བའམ། དུད་འགྲོའི་སྐྱེ་གནས་དང༌། ལྷ་མ་ཡིན་གྱི་རིགས་སུ་སྐྱེ་བར་འགྱུར་བ་
ནི༑ སྐབས་མ་ཡིན་ཞིང་མི་སྲིད་དེ། དེ་ནི། གནས་མེད་དོ། །སློབ་དཔོན་ལུང་སྟོན་པ་ཀཽཎྜི་ནྱ། བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས་ད་ལྟར་ང་ལས་ཏིང་ངེ་འཛིན་གྱི་སྒོ་
འདི་ཐོས་ལ། ཕྱི་མའི་ཚེའང་ཏིང་ངེ་འཛིན་འདི་ཐོས་ན་སྨོད་པར་འགྱུར་བ་ནི། སྐབས་མ་ཡིན་ཞིང་མི་སྲིད་དེ། དེ་ནི། གནས་མེད་དོ། །སློབ་དཔོན་ལུང་སྟོན་པ་ཀཽཎྜི་ནྱ། དེ་བཞིན་གཤེགས་
པ་དེ་དག་གི་མཚན་རྣམས་འཆང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་དུག་གིས་ཚུགས་པའམ། མཚོན་འབབ་པའམ། ཆུར་འཆི་བའམ། མེས་ཚིག་པར་འགྱུར་
པའམ༑ དེ་ལ་རྒྱལ་པོའམ། ཆོམ་རྐུན་ནམ། མིའམ། མི་མ་ཡིན་པའམ། ཀླུའམ། གནོད་སྦྱིན་ནམ། སེངྒེའམ། སྲོག་ཆགས་གདུག་པའམ། སྟག་གམ། ཁྱིའམ། སྦྱང་ཀིའམ། སྤྲུལ་
ལམ༑ སྡིག་པ་རྣམས་ཀྱིས་བར་ཆད་བྱ་བའམ། ཚངས་པར་སྤྱད་པ་སྤྱོད་པ་དང༌། ཁ་ཏེན་བྱེད་པ་དང༌། ལྷུང་བཟེད་དང༌། ཆོས་གོས་ལ་བར་ཆད་བྱེད་པར་འགྱུར་བ་ནི། སྐབས་མ་ཡིན་
ཞིང་གོ་སྐབས་མེད་ལ། དེ་ནི། གནས་མེད་དེ། ལས་ཀྱི་རྣམ་པར་སྨིན་པ་ནི། མ་གཏོགས་སོ། །སློབ་དཔོན་ལུང་སྟོན་པ་ཀཽཎྜི་ནྱ། གཞན་ཡང་དགེ་སློང་ངམ། དགེ་སློང་མའམ། དགེ་བསྙེན་
ནམ། དགེ་བསྙེན་མ་གང་ལ་ལ་གཞན་མུ་སྟེགས་ཅན་སྤྱོད་པའམ། ཀུན་ཏུ་རྒྱུ་བ་རྣམས་ལ་དཔྱས་པའམ། བསྟིང་པའམ། བགད་པའམ། གཞན་དང་མཐུན་པར་བྱ་བའམ། རྙེད་པ་དང༌།
བཀུར་སྟི་དང༌། ཚིགས་སུ་བཅད་པ་འདོད་པའི་ཕྱིར་ཡང་རུང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་རྣམས་ཐོས་ནའང་ངམ་
སོང་ངན་འགྲོར་སྐྱེ་བར་འགྱུར་བ་དེ་ནི། གནས་མེད་དོ། །འཕགས་པ་སྤྲིན་ཆེན་པོའི་མདོ། བམ་པོ་བརྒྱད་པ། དེ་ནས་སློབ་དཔོན་ལུང་སྟོན་པ་ཀཽཎྜི་ནྱ་ས་བཅོམ་ལྡན་འདས་ཀྱི་ཞབས་
ལ་མགོ་བོས་ཕྱག་བཙལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཆོས་ཀྱི་རྣམ་གྲངས་འདི་གང་དག་གི་རྣ་ལམ་དུ་གྲགས་པ་དེ་དག་ཀྱང་རྙེད་པ་ལེགས་པར་རྙེད་པ་ལགས་
ན༑ ཐོས་ནས་མོས་པ་དང༌། མོས་ནས་ལུང་འབོག་པ་དང༌། རྗོད་པར་བགྱིད་པ་དང༌། འཆད་པར་བགྱིད་པ་དག་ལྟ་སྨོས་ཀྱང་ཅི་འཚལ་ཏེ། སེམས་ཅན་དེ་དག་ནི། ཆོས་ཀྱི་དགའ་བའི་
གཏེར་རྙེད་པ་ལགས་སོ། །གང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་དག་གི་མཚན་རྣམས་ལག་ན་འཆང་བར་བགྱིད་པ་དེ་དག་གི་ཁྱིམ་ན་
ནི༑ དེ་བཞིན་གཤེགས་པ་རྣམས་བཞུགས་ལགས་སོ། །བཅོམ་ལྡན་འདས། གང་དུ་དེ་བཞིན་གཤེགས་པ་འདི་དག་གི་མཚན་ཐོས་ནས་ཡིད་ཆེས་པར་བགྱིད་པའི་ས་ཕྱོགས་དེ་དག་
༄༅། །ནི༑ རྡོ་རྗེའི་རང་བཞིན་དུ་འགྱུར་རོ། །བཅོམ་ལྡན་འདས། གང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་དག་
གི་མཚན་རྣམས་ཐོས་ནས་ཡིད་ཆེས་པར་བགྱིད་པ་དེ་དག་ཀྱང་རྡོ་རྗེ་ལྟ་བུར་འགྱུར་ཞིང་མི་ཕྱེད་པའི་བཟོད་པའང་ཐོབ་པར་འགྱུར་རོ། །བཅོམ་ལྡན་འདས། གང་དག་ཡིད་ཆེས་
པར་དཀའ་བའི་མཚན་འདི་དག་ལ་དད་པར་བགྱིད་པའི་སེམས་ཅན་དེ་དག་ལ་ནི། བདག་གིས་ཀྱང་བསྙེན་བཀུར་དང༌། གཡོག་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ།
སློབ་དཔོན་ལུང་སྟོན་པ་ཀཽཎྜི་ནྱ། ལེགས་སོ་ལེགས་སོ། །ཁྱོད་ཀྱིས་རིགས་ཀྱི་བུ་དང༌། རིགས་ཀྱི་བུ་མོ་དེ་དག་གི་ཕྱིར་ཡང་དག་པའི་སྒྲུབ་པ་དམ་བཅས་པ་ལེགས་སོ། །སློབ་དཔོན་
ལུང་སྟོན་པ་ཀཽཎྜི་ནྱ། གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་དག་གི་མཚན་རྣམས་འཆང་བ་ལ་ནི། གང་དང་གང་ལས་
འཇིགས་པ་བྱུང་བ་ཐམས་ཅད་དེ་དང་དེ་ཉིད་དུ་རབ་ཏུ་ཞི་བར་འགྱུར་ཏེ། དེ་དག་འཆང་བ་ལ་ནི། ལྷ་རྣམས་ཀྱང་སྲུང་ངོ༌། །ཀླུ་རྣམས་ཀྱང་སྲུང་ངོ༌། །གནོད་སྦྱིན་རྣམས་ཀྱང་སྲུང་ངོ༌། །དེ་
བཞིན་གཤེགས་པའི་བར་དུའང་སྲུང་བར་མཛད་དོ། །དེ་ནས་འཁོར་ཆེན་པོའི་ནང་ནས་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོ་ཞེས་བྱ་བས་བཅོམ་ལྡན་འདས་ཀྱི་ཞབས་ལ་མགོ་བོས་
ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས། ཚུལ་འདི་འདྲ་བའི་དེ་བཞིན་གཤེགས་པ་དེ་དག་དང༌། ཚུལ་འདི་འདྲ་བའི་མདོ་རྣམས་དེ་བཞིན་
གཤེགས་པ་འདས་པའི་འོག་ཏུ་སུ་དག་འཆང་བར་འགྱུར། སེམས་ཅན་ཇི་ལྟ་བུ་དག་འཆང་བར་འགྱུར། སེམས་ཅན་ཇི་ལྟ་བུ་དག་གིས་ནི། ནུབ་པར་བགྱིད་པར་འགྱུར། དེ་ནས་སངས་
རྒྱས་ཀྱི་མཐུས་ཚེ་དང་ལྡན་པར་འོད་སྲུང་ཆེན་པོས་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོ་ལ་འདི་སྐད་ཅེས་སྨྲས་སོ། །རིགས་ཀྱི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་རྣམས་ནི། ཡོངས་སུ་མྱ་ངན་ལས་འདའ་བ་མེད་དོ། །ཆོས་ཀྱང་ནུབ་པར་མི་འགྱུར་རོ། །དེ་ནས་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོས་གནས་བརྟན་འོད་སྲུང་
ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་འོད་སྲུང་ཆེན་པོ། སེམས་ཅན་སེམས་འཁྲུལ་བ་རྣམས་ལ་ཕན་གདགས་པའི་ཕྱིར་ཤོད་ཅིག །བཙུན་པ་འོད་སྲུང་ཆེན་པོ། སེམས་ཅན་ཐེ་ཚོམ་
དུ་གྱུར་པ་རྣམས་ལ་ཤེས་པའི་སྒྲོན་མ་འབར་བར་གྱིས་ཤིག །བཙུན་པ་འོད་སྲུང༌། བདག་གིས་ཀྱང་མ་འོངས་པའི་དུས་ན་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྒྱས་པར་
བགྱིའོ༑ ༑དེ་སྐད་ཅེས་སྨྲས་ནས་གནས་བརྟན་འོད་སྲུང་ཆེན་པོས་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོ་ལ་འདི་སྐད་ཅེས་སྨྲས་སོ། །གྲོགས་པོ། དེ་བཞིན་གཤེགས་པ་རྣམས་ཀྱི་
༄༅། །སྐུ་ནི༑ ཆོས་ཀྱི་སྐུ་ཡིན་ནོ། །དེ་བཞིན་གཤེགས་པ་རྣམས་ཀྱི་སྐུ་ནི། རྡོ་རྗེ་མཁྲེགས་པ་ཡིན་ནོ། །དེ་བཞིན་གཤེགས་པ་རྣམས་ཀྱི་སྐུ་ནི། དགེ་བ་ཐམས་
ཅད་དང་ལྡན་པ་ཡིན་ནོ། །གྲོགས་པོ། དེ་བཞིན་གཤེགས་པ་རྣམས་ཀྱི་སྐུ་ནི། ཐབས་ཀྱི་སྐུ་ཡིན་གྱི། ཤའི་སྐུ་མ་ཡིན་ནོ། །རིགས་ཀྱི་བུ། དེ་བཞིན་གཤེགས་པའི་སྐུ་དེ་འདྲ་བ་
ལ་ཡོངས་སུ་མྱ་ངན་ལས་འདའ་བ་ག་ལ་ཡོད། མི་རྟག་པར་ཡང་ག་ལ་ཞིག་འགྱུར། སྨྲས་པ། བཙུན་པ་འོད་སྲུང་ཆེན་པོ། ཇི་ལྟར་ན། ཐབས་ཀྱིས་ཡོངས་སུ་མྱ་ངན་ལས་
འདས་པར་བརྗོད་ཀྱི། གཏན་དུ་མྱ་ངན་ལས་འདས་པ་ནི། མ་ཡིན། སྨྲས་པ། མཐོང་ན་དགའ་བ་དྲི་ཟའི་རྒྱལ་པོ། ལེགས་སོ་ལེགས་སོ། །ཁྱོད་ཀྱིས་ཐབས་ཀྱིས་ཡོངས་སུ་མྱ་ངན་
ལས་འདས་པར་བརྗོད་ཀྱི། གཏན་དུ་ཡོངས་སུ་མྱ་ངན་ལས་འདས་པ་ནི། མ་ཡིན་ཞེས་ཚིག་འདི་ལེགས་པར་སྨྲས་པ་ནི། མཐོང་ན་དགའ་བ་དྲི་ཟའི་རྒྱལ་པོ། ཁྱོད་ལེགས་སོ། །
མཐོང་ན་དགའ་བ་དྲི་ཟའི་རྒྱལ་པོ། གཞན་ཡང་ཐམས་ཅད་དང་ཐུན་མོང་པའི་ཚད་ནི། རྟོགས་པར་ནུས་ཀྱི། སངས་རྒྱས་ཀྱི་ཡོན་ཏན་གྱི་ཆེ་བ་ཉིད་ནི། གཅིག་གི་ཚད་ཀྱང་རྟོགས་
པར་མི་ནུས་སོ། །སྨྲས་པ། བཙུན་པ་འོད་སྲུང་ཆེན་པོ། ཡུན་ཇི་སྲིད་ཅིག་ན་དེ་བཞིན་གཤེགས་པ་གཏན་དུ་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར་
འགྱུར༑ སྨྲས་པ། གང་གི་ཚེ་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཞིང༌། མངོན་པར་རྫོགས་པར་སངས་རྒྱས་
ནས་ཀྱང་ཡོངས་སུ་མྱ་ངན་ལས་འདས་པར་འགྱུར་བ་དེའི་ཚེ་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་འགྱུར་རོ། །སྨྲས་པ། བཙུན་པ་འོད་སྲུང་ཆེན་པོ། དེ་བཞིན་གཤེགས་
པའི་ཡོན་ཏན་གྱི་ཆེ་བ་ཉིད་ནི། ངོ་མཚར་ཆེ་སྟེ། འདི་ལྟ་བུ་ཐོས་ན་སུ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མི་བྱེད། སྨྲས་པ། བཙུན་པ། བཅོམ་ལྡན་
འདས་དེ་བཞིན་གཤེགས་པ་རྟག་པ་དང༌། ཐེར་ཟུག་པ་དང༌། བརྟན་པ་དང༌། མི་བསྐྱོད་པ་དང༌། དཔེ་མེད་པ་དང༌། བསམ་གྱིས་མི་ཁྱབ་པ་ནི། ཉན་ཐོས་དང༌། རང་སངས་རྒྱས་རྣམས་ཀྱི་
ཡུལ་མ་ཡིན་ཏེ། དེ་བཞིན་གཤེགས་པ་དག་ནི། དེ་བཞིན་གཤེགས་པ་ཉིད་ཀྱིས་མཁྱེན་པར་ཟད་དེ། རིགས་ཀྱི་བུ། བྱང་ཆུབ་སེམས་དཔའི་སྤྱོད་པ་ལ་བཏང་སྙོམས་སུ་གྱིས་ཤིག །འོད་
སྲུང་ཆེན་པོས་བསྟན་པ་འདི་བཤད་པ་ན་ལྷའི་བུ་ས་ཡ་དང་ཉིས་འབུམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །སེམས་རབ་ཏུ་དགའ་ནས་དེའི་ཚེ་ཁ་མཐུན་
པར་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་མྱ་ངན་ཡོངས་མི་འདའ། །ཆོས་ཀྱང་ནུབ་པར་མི་འགྱུར་ཏེ། །སེམས་ཅན་རྣམས་ནི་སྨིན་མཛད་ཕྱིར། །ཡོངས་སུ་མྱ་ངན་འདའ་བ་
༄༅། །སྟོན༑ ༑བཅོམ་ལྡན་སངས་རྒྱས་བསམ་མི་ཁྱབ། །དེ་བཞིན་གཤེགས་པ་རྟག་པའི་སྐུ། །སེམས་ཅན་རྣམས་ལ་ཕན་པའི་ཕྱིར། །ཆོས་རྣམས་སྣ་ཚོགས་སྟོན་
པ་མཛད། །མདོ་དང༌། ཏིང་ངེ་འཛིན་དང༌། ཆོས་ཀྱི་སྒོ་དང༌། གསང་བ་ཞུ་བ་དང༌། ཡོངས་སུ་མྱ་ངན་ལས་འདས་པ་གཏན་ལ་དབབ་པར་བསྟན་པ་ལས། དམ་པའི་ཆོས་ཀྱི་དཀྱིལ་འཁོར་གྱི་
ཕུང་པོའི་ལེའུ་ཞེས་བྱ་སྟེ་སུམ་ཅུ་བདུན་པའོ།། །།དེ་ནས་དེའི་ཚེ་ལྷོ་ཕྱོགས་ཀྱི་ཡུལ་འདབས་སྟང་ཟིལ་གྱི་རི་ལས་འོད་སྲུང་ཆེན་པོ་དང་ཐབས་ཅིག་ཏུ་འོངས་པའི་ལྷའི་བུ་རྣམས་
སྟེང་གི་བར་སྣང་ལ་ཏ་ལ་བདུན་སྲིད་ཙམ་དུ་འདོང་ནས་དེ་བཞིན་གཤེགས་པ་ལ་མེ་ཏོག་གི་སིལ་མའི་རིམ་པ་རི་རབ་ཙམ་དག་གཏོར་ནས་མིག་མཆི་མས་གང་སྟེ་དུ་བཞིན་དུ་ཚིག་འདི་སྐད་ཅེས་
གསོལ་ཏོ། །ཀྱེ་མ་བཅོམ་ལྡན་འདས། དེ་བཞིན་གཤེགས་པ་ཐབས་ཀྱིས་ཡོངས་སུ་མྱ་ངན་ལས་འདས་པ་ཡོངས་སུ་མྱ་ངན་ལས་འདས་པ་ན་དེ་བཞིན་གཤེགས་པས་གསུངས་བའི་མདོ་
འདི་ལྟ་བུ་འདི་དག་འཆང་བར་བགྱིད་པའི་སེམས་ཅན་དེ་དག་ཅི་འདྲ་བ་དག་ཅིག་འབྱུང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག །ང་འདས་པའི་འོག་ཏུ་དགེ་བའི་རྩ་
བ་བྱས་པ་རྣམས་དང༌། སངས་རྒྱས་མང་པོ་ལ་བསྙེན་བཀུར་བྱས་པ་དེ་དག་མདོ་སྡེ་འདི་ལྟ་བུ་འདི་དག་འཆང་བར་འགྱུར་ཏེ། གཞན་དག་ལའང་རྒྱས་པར་སྟོན་པར་འགྱུར་རོ། །སྤྲིན་ཆེན་
པོའི་མདོ་འདིའང་ལོ་བཞི་བཅུའི་བར་དུ་ཛམྦུའི་གླིང་ན་སྤྱོད་པར་འགྱུར་ཏེ། རྒྱས་པར་ཡང་འགྱུར་རོ། །དེའི་འོག་ཏུ་ཕྱི་མའི་དུས་ན་དམ་པའི་ཆོས་སྤོང་བ་དང༌། རྒྱལ་པོའི་འཁྲུག་པ་དང༌། དམ་པའི་ཆོས་
ནུབ་པར་འགྱུར་བ་མ་འོངས་པའི་དུས་དེ་ན་དག་སློང་མ་དང༌། དགེ་སློང་མ་དང༌། དགེ་བསྙེན་དང༌། དགེ་བསྙེན་མ་ལུས་ཡོངས་སུ་མ་སྦྱངས་པ་དང༌། ཚུལ་ཁྲིམས་ཡོངས་སུ་མ་སྦྱངས་པ་དང༌།
སེམས་ཡོངས་སུ་མ་སྦྱངས་པ་དང༌། ཤེས་རབ་ཡོངས་སུ་མ་སྦྱངས་པ་དང༌། ཤེས་རབ་འཆལ་པ་དང༌། ལུག་ལྟར་ལྐུག་པ་དང༌། ཤེས་རབ་ཡོངས་སུ་ཉམས་པ་རྣམས་ཀྱིས་མདོ་འདི་ལྟ་བུ་
འཆད་པ་ཐོས་ན། ཡིད་མི་ཆེས་ཤིང་བགད་པར་བྱེད། སྟིང་པར་བྱེད། འཕྱ་བར་བྱེད་ལ། ལྐོག་ཏུ་སོང་ནས་ཕན་ཚུན་སློབ་ཅིང་སྨོད་པར་བྱེད་དེ་འཕྱ་བའི་བསམ་པས་དེ་དག་ཚིག་འདི་སྐད་
བུ་ངོ་མཚར་ཏོ། །དགེ་སློང་འདི་དག་ནི། བླུན་ཞིང་མུ་ཅོར་སྨྲ་བ་སྟེ། འདི་དག་ནི། གང་ཡང་རུང་སྟེ། སངས་རྒྱས་ཀྱིས་གསུངས་པ་མ་ཡིན་གྱི། སྙན་ངག་མཁན་དག་གིས་རང་བཟོར་ཚིག་
དང༌། ཡི་གེའི་འབྲུ་སྣ་ཚོགས་སྦྱར་ཏེ་འཁོར་གྱི་ནང་དུ་སོང་ནས་སྨྲ་བར་བྱེད་པར་ཟད་དེ། མདོ་འདི་དག་ནི། སངས་རྒྱས་ཀྱིས་གསུངས་པ་མ་ཡིན་ནོ། །ཞེས་ཟེར་རོ། །དེ་ལྟར་གཏི་མུག་ཅན་
གྱི་མི་བསོད་ནམས་ཆུང་བ། ཤེས་རབ་འཆལ་བ། ལུག་ལྟར་ལྐུག་པ། ཤེས་རབ་ཡོངས་སུ་ཉམས་པ། དམ་པའི་ཆོས་ལ་སུན་འབྱིན་པ་དེ་དག་འབྱུང་བར་འགྱུར་རོ། །ལྷའི་བུ་དག་
༄༅། །གཞན་ཡང་དགེ་སློང་དང༌། དགེ་སློང་མ་དང༌། དགེ་བསྙེན་དང༌། དགེ་བསྙེན་མ་བསོད་ནམས་ཆུང་བ། ཤེས་རབ་ཞན་པ། ཤེས་རབ་འཆལ་པ། ཤེས་
རབ་རྟུལ་བ། ཤེས་རབ་ཆུང་བ། ཤེས་རབ་ཡོངས་སུ་ཉམས་པ། སྔོན་གྱི་རྒྱལ་བ་རྣམས་ལ་བྱ་བ་མ་བྱས་པ། བླ་ན་མེད་པའི་ཆོས་རིན་པོ་ཆེ་ལས་ཡོངས་སུ་ཉམས་པ། ཆོས་
རིན་པོ་ཆེ་ལས་ཡེ་ཕྱི་རོལ་ཏུ་གྱུར་པ། ཆོས་རིན་པོ་ཆེ་ཡོངས་སུ་སྤངས་པ། དགེ་བའི་རྩ་བ་ཆུང་བ། མུ་གེའི་མགོ་བྱི། གདུལ་དཀའ་བ། དམུ་རྒོད་དག་འབྱུང་བར་འགྱུར་རོ། །བྲན་
ཕོ་དང༌། བྲན་མོ་ཡོངས་སུ་འཛིན་པ་དག་འབྱུང་བར་འགྱུར་རོ། །དབྱིག་དང༌། གསེར་ཡོངས་སུ་འཛིན་པ་དག་འབྱུང་བར་འགྱུར་རོ། །དུང་དང༌། མན་ཤེལ་དང༌། བྱུ་རུ་ཡོངས་སུ་
འཛིན་པ་དག་འབྱུང་བར་འགྱུར་རོ། །བ་ལང་དང༌། མ་ཧེ་ཡོངས་སུ་འཛིན་པ་དག་འབྱུང་བར་འགྱུར་རོ། །ཞིང་གི་དངོས་པོ་ཡོངས་སུ་འཛིན་པ་དག་འབྱུང་བར་འགྱུར་རོ། །ངང་པ་དང༌།
བྱ་གག་དང༌། ཕག་ལ་སོགས་པའི་གནས་ཀྱི་རྫས་དུ་མ་ཡོངས་སུ་འཛིན་པ་དག་འབྱུང་བར་འགྱུར་རོ། །ལས་ཆེན་པོ་རྣམ་པ་བཅུ་དྲུག་བྱེད་དུ་འཇུག་པ་དག་ཀྱང་འབྱུང་བར་འགྱུར་རོ། །
རྒྱལ་པོ་ལ་བརྟེན་པ་དག་ཀྱང་འབྱུང་བར་འགྱུར་རོ། །ཕོ་ཉ་བྱེད་པ་དག་ཀྱང་འབྱུང་བར་འགྱུར་རོ། །དུག་སྦྱོར་དུ་འཇུག་པ་དག་ཀྱང་འབྱུང་བར་འགྱུར་རོ། །དགེ་སློང་གི་ལས་མ་ཡིན་པར་
མ་བྱེད་པ་དང༌། བྱེད་དུ་འཇུག་པ་དག་ཀྱང་འབྱུང་བར་འགྱུར་རོ། །དེ་ལྟར་མི་གཏི་མུག་ཅན་དེ་དག་ཡོངས་སུ་འཕེལ་བའི་དུས་དང༌། དམ་པའི་ཆོས་ཡོངས་སུ་ཉམས་པའི་དུས་ན་འོད་སྲུང་ཆེན་པོ་དང་
འདྲ་བའི་དགེ་སློང་ཛམྦུའི་གླིང་དུ་སྐྱེ་བར་འགྱུར་ཏེ། ངའི་ཉན་ཐོས་ཀྱི་ནང་དུ་བྱུང་ནས་རིམ་གྱིས་མུ་གེའི་མ་གོ་བྱི་གདུལ་དཀའ་བ། དམུ་རྒོད་རྣམས་ཀྱི་ནང་དུ་དེ་བཞིན་གཤེགས་པས་གསུངས་
པའི་མདོ་རྣམས་ཀྱི་བསྔགས་པ་བརྗོད་ཅིང༌། སོ་སོར་ཐར་པའི་སྡོམ་པས་བསྡམས་ཏེ་མཇུག་ཏུ་རང་གི་སྲོག་དང་བསྡོས་ནས་བསླབ་པའི་བཞི་བཅས་པའི་བར་བསྔགས་པ་བརྗོད་པར་འགྱུར་
རོ༑ ༑དེའི་འོག་ཏུ་ཤིང་དྲུང་གི་བསྔགས་པ་བརྗོད་པར་འགྱུར་རོ། །དེ་བཞིན་དུ་ཕྱག་དར་ཁྲོད་དང༌། དགོན་པ་ན་གནས་པ་དང༌། འདུལ་བའི་བསྔགས་པ་བརྗོད་ཅིང་མ་དུལ་བ་རྣམས་ཚར་གཅོད་པར་
འགྱུར་རོ། །ལྷའི་བུ་དག །ཁྱོད་ཀྱིས་ངའི་ཉན་ཐོས་ཐེག་པ་ཆེན་པོ་ལ་དད་པ་རྙེད་པ་དང༌། དགེ་སློང་འདོད་ཅིང་བྱམས་པ་ལ་གནས་པ་དེ་ལ་ཀུན་ཏུ་སྲུང་བགྱིས་ཤིག །ལྷའི་བུ་རྣམས་ཀྱིས་གསོལ་
པ༑ བཅོམ་ལྡན་འདས། བདག་ཅག་གིས་ཀྱང་དགེ་སློང་འདོད་ཅིང་བྱམས་པ་ལ་གནས་པ་དེ་ལ་བསྙེན་བཀུར་དང༌། གཡོག་བགྱིས་ཏེ་ཀུན་ཏུ་བསྲུང་བར་ཡང་བགྱིའོ། །བཅོམ་ལྡན་འདས། བདག་
ཅག་གིས་ཀྱང་སངས་རྒྱས་ཀྱི་མཐུས་བདུད་སྡིག་ཅན་ཚད་གཅད་པར་བགྱིའོ། །ཆོས་མ་ལགས་པའི་ཕྱོགས་མུ་གེའི་མགོ་བྱི་གདུལ་དཀའ་བ་དམུ་རྒོད་རྣམས་ཡུལ་ནས་བསྐྲད་པར་བགྱིའོ། །
༄༅། །བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག། ལེགས་སོ་ལེགས་སོ། །ཁྱོད་ཀྱིས་རྐྱེན་དུ་བབ་པར་དམ་བཅས་ཤིང་སྨོན་ལམ་བཏབ་སྟེ། དགེ་
སློང་འདོད་པའི་སྐྱེས་བུ་དམ་པ་དེ་ལ་ནི། ལྷ་རྣམས་ཀྱང་སྲུང་ངོ༌། །ལྷ་རྣམས་ཀྱང་དེའི་བསྔགས་པ་བརྗོད་དོ། །དེ་བཞིན་གཤེགས་པའང་ངའི་ཉན་ཐོས་དཀའ་བ་བྱེད་པ་ཡིན་ནོ་སྙམ་དུ་
དགོངས་ནས་བསྔགས་པ་བརྗོད་པར་མཛད་དོ། །བཅོམ་ལྡན་འདས་ཀྱིས་ཡང་ལྷའི་བུ་རྣམས་ལ་འདི་སྐད་ཅེས་བཀའ་སྩལ་ཏོ། །ལྷའི་བུ་དག། སེམས་ཅན་གྱི་དོན་འདོད་པའི་རིགས་ཀྱི་
བུས་ནི། དམ་པའི་ཆོས་ཀུན་ཏུ་བསྲུང་བར་བྱའོ། །དེ་ནས་ལྷའི་བུ་མང་པོ་དག་གིས་བཅོམ་ལྡན་འདས་ལ་རིན་པོ་ཆེའི་གདུགས་ཀྱིས་མངོན་པར་བཀབ་ནས་འདི་སྐད་ཅེས་གསོལ་ཏོ། །
བཅོམ་ལྡན་འདས། ཡུན་ཇི་སྲིད་ཅིག་ན་དེ་བཞིན་གཤེགས་པའི་སྲས་འོད་སྲུང་ཆེན་པོ་དང་འདྲ་བའི་དགེ་སློང་འབྱུང་བར་འགྱུར་རོ། །གང་དུ་ནི། སྐྱེ་བར་འགྱུར། དེའི་མིང་ནི། ཇི་སྐད་
ཅེས་བགྱི་བར་གཟུང་བར་འཚལ། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག། ང་འདས་པའི་འོག་ལོ་བརྒྱ་ཕྲག་མང་པོ་འདས་པ་ན་ལྷོ་ཕྱོགས་ཀྱི་རྒྱུད་དུ་མཁར་གྱི་རྒྱལ་པོ་བརྒྱུད་
པ་གསོ་བ་ཞེས་བྱ་བ་འབྱུང་བར་འགྱུར་ཏེ། དེའི་ཚེ་ལོ་བརྒྱད་ཅུ་ན་དམ་པའི་ཆོས་ནུབ་པར་འགྱུར་བའི་ལྷག་མ་ཙམ་དུ་ལུས་པའི་དུས་ལ་བབ་པ་དེའི་ཚེ་ངའི་ཉན་ཐོས་འབྱུང་བར་འགྱུར་
ཏེ༑ དམ་པའི་ཆོས་ཀྱང་འབྱིན་པར་འགྱུར། ཆོས་ཀྱི་འཁོར་ལོའང་བསྐོར་བར་འགྱུར། ཐེག་པ་ཆེན་པོའང་གཞན་དག་ལ་རྒྱས་པར་འཆད་པར་འགྱུར་རོ། །མདོ་སྡེ་འདི་ལྟ་བུ་དག་བཤད་པ་
ཐོས་ནས་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ལས་གང་དག་ཐོས་པ་དེ་དག་ཀྱང་ཕྱི་མའི་དུས་ཀྱི་ཚེ་འཛིན་པར་འགྱུར། ཀུན་ཆུབ་པར་བྱེད་པར་འགྱུར། འཆང་བར་འགྱུར། ཀློག་
པར་འགྱུར། ཡིད་ཆེས་པར་འགྱུར་རོ། །སེམས་ཅན་གང་དག་དེ་བཞིན་གཤེགས་པའི་མཚན་འདི་དག་ཐོས་ན་ཡིད་མི་ཆེས་པ་དང༌། མ་དད་པ་དང༌། ཁ་ཏོན་མི་བྱེད་པ་དང༌། མི་ཀློག་པ་དང༌། མི་
འདྲི་བ་དེ་དག་ནི། བདུད་ཀྱིས་བྱིན་གྱིས་བརླབས་པ་ཡིན་ནོ། །སེམས་ཅན་གང་དག་དེ་བཞིན་གཤེགས་པའི་མཚན་འདི་དག་ཐོས་ན། ཡིད་ཆེས་པར་བྱེད་ཅིང་དད་པར་འགྱུར་བ་དང༌། ཁ་ཏོན་བྱེད་པ་
དང༌། ཀློག་པ་དང༌། འདྲི་བ་དེ་དག་ནི། སངས་རྒྱས་མང་པོས་ཡོངས་སུ་བཟུང་བ་ཡིན་ནོ། །དེ་ནས་དེའི་ཚེ་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོས་བཅོམ་ལྡན་འདས་ལ་བསྐོར་བ་བྱས་ཏེ་ལན་ས་
ཡར་ཞབས་ལ་མགོ་བོས་ཕྱག་བཙལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འོད་སྲུང་ཆེན་པོ་དང་འདྲ་བ་དེ་བཞིན་གཤེགས་པ་དང་མིང་མཐུན་པ། བྱམས་པ་
ཆེན་པོ་ལ་གནས་པ། ཚུལ་ཁྲིམས་ཆེན་པོ་ལ་དྲག་ཏུ་བརྩོན་པ། ཤིན་ཏུ་མཆོག་ཏུ་མཛེས་པ། རིགས་ཆེན་པོར་སྐྱེས་པ། ཚུལ་ཁྲིམས་དང་ལྡན་པ་ཆེན་པོ་དགེ་སློང་གིས་ཡོངས་སུ་བསྐོར་བ། དུས་
༄༅། །དང་བཅས། གྲོང་དང་བཅས་པ་དང༌། རྣམ་པ་ཅི་འདྲ་བའང་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། བཅོམ་ལྡན་འདས། དགེ་སློང་དེ་བདག་གིས་ཇི་
སྲིད་འཚོ་བའི་བར་དུ་བསྲུང་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། མཐོང་ན་དགའ་བ་དྲི་ཟའི་རྒྱལ་པོ། དགེ་སློང་དེ་ལུང་བསྟན་པ་ཉོན་ཅིག །དེ་ནི། ང་ལ་དབེན་པ་དང༌།
ངའི་བསྟན་པ་འབྱུང་བར་བྱེད་ཅིང་ཁུར་ཆེན་པོ་འཁྱེར་བ་དང༌། ངའི་ཤཱཀྱ་གཞོན་ནུ་ཡིན་ཏེ། མཐོང་ན་དགའ་བ་དྲི་ཟའི་རྒྱལ་པོ། ང་འདས་པའི་འོག་ཏུ་ལྷོ་ཕྱོགས་ཀྱི་རྒྱུད་དུ་དྲང་སྲོང་
བྱི་བོ་ཞེས་བྱ་བའི་ཡུལ་འཁོར་དུ་བསོད་ནམས་དང་ལྡན་གྱི་གྲོང་བྱེ་མ་ཆེན་པོ་ཞེས་བྱ་བ་འབྱུང་སྟེ། གྲོང་དེའི་འབབ་ཆུ་མཛེས་འབྱོར་ཅེས་བྱ་བ་དེའི་བྱང་ཕྱོགས་ཀྱི་འགྲམ་དུ་འབྱུང་བར་འགྱུར་
རོ༑ ༑དེར་རྗེའུ་རིགས་ཆེན་པོ་རྣམ་པར་དག་པ་འབྲ་གོ་ཅན་ཞེས་བྱ་བའི་སའི་ཕྱོགས་སུ་འབྱུང་བར་འགྱུར་ཏེ། ཤཱཀྱའི་རིགས་གཞོན་ནུ་ལི་ཙ་བཱིའི་བུ་གཞོན་ནུ་འཇིག་རྟེན་ཐམས་ཅད་
ཀྱིས་མཐོང་ན་དགའ་བ་དེ་ངའི་ཆོས་དབྱུང་བར་བྱ་བའི་ཕྱིར་ལོ་ཙ་བཱིའི་བུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་བྱང་ཆུབ་སེམས་དཔའ་མི་མཆོག་དེ་དེར་རིགས་ཆེན་པོར་
སྐྱེ་བར་འགྱུར་ཏེ། དེའི་ཕ་མ་དང་གཉེན་སྡེ་རྣམས་ཀྱིས་ངའི་མིང་དེའི་མིང་དུ་འདོགས་པར་འགྱུར་རོ། །འབྲ་གོ་ཅན་གྱི་རྗེའུ་རིགས་ཆེན་པོའི་རིགས་ཀྱང་དེ་བཞིན་གཤེགས་པའི་རིགས་
ཡིན་པར་བལྟའོ། །དེའི་ཚེ་དྲང་སྲོང་བྱི་བའི་ཡུལ་འཁོར་ཡང་འབྱོར་ཅིང་རྒྱས་ལ་སྐྱེ་བོ་མང་པོས་གང་བར་འགྱུར་རོ། །དེ་བཞིན་གཤེགས་པ་དང་མིང་མཐུན་པའི་ཁྱེའུ་དེའང་སྐྱེ་བོ་ཐམས་ཅད་ཀྱི་
སྙིང་དུ་སྡུག་པར་འགྱུར་ཞིང་སྐྱེ་བོ་མང་པོ་ཐམས་ཅད་ཀྱིས་བཀུར་བར་འགྱུར་རོ། །གང་གི་ཚེ་ཁྱེའུ་དེ་རབ་ཏུ་བྱུང་བ་ན་ཚངས་པ་མཚུངས་པར་སྤྱོད་པའི་འཁོར་དང༌། དགེ་སློང་གི་ཚོགས་རྣམས་
ཁྲིད་དེ་རང་གི་སྲོག་དང་བསྡོས་ནས་དམ་པའི་ཆོས་སྟོན་ཅིང༌། དེ་བཞིན་གཤེགས་པའི་སྤྱོད་པ་འབྱུང་བར་བྱེད་དེ། མཆོག་ཏུ་དཀའ་བ་སྤྱོད་པར་འགྱུར་རོ། །དགེ་སློང་དམ་པའི་
ཆོས་འདོད་པ་དེའི་འཁོར་གང་ཡིན་པ་རྣམས་ཀྱང་རང་གི་སྲོག་གི་བསམ་པ་ཡོངས་སུ་བཏང་ནས་དམ་པའི་ཆོས་སྲུང་བར་འགྱུར་ཏེ། དགེ་སློང་གི་ཚོགས་དེ་དག་ཀྱང་མཆོག་ཏུ་
དཀའ་བ་བྱེད་པ་དང༌། དེ་ལ་དབེན་པ་དང༌། ཚུལ་ཁྲིམས་ཡོངས་སུ་དག་པར་འགྱུར་ཞིང་སོ་སོར་ཐར་པའི་སྡོམ་པས་བསྡམས་པ་ལ། སྤྱོད་པ་དང༌། སྤྱོད་ཡུལ་ཕུན་སུམ་ཚོགས་
པ་དང༌། ཁ་ན་མ་ཐོ་བ་ཕྲ་རབ་ཙམ་ལའང་འཇིགས་པར་ལྟ་བར་འགྱུར་རོ། །དགེ་སློང་ངམ། དགེ་སློང་ངམ། དགེ་བསྙེན་ནམ། དགེ་བསྙེན་མ་གང་དག་ངའི་ཉན་ཐོས་ནི། མཆོག་ཏུ་དཀའ་བ་བྱེད་
པའི་ཆོ་ག་ལ་ཡིད་ཆེས་པ་དེ་དག་ཐམས་ཅད་ཀྱང་སྤྲིན་ཆེན་སྙིང་པོ་དང་འདྲ་བར་བལྟའོ། །མཐོང་ན་དགའ་བ་དྲི་ཟའི་རྒྱལ་པོ། གཞན་ཡང་སྐྱེ་བོ་དགེ་བསྙེན་གང་དག་གིས་ངའི་ཉན་ཐོས་ཀྱི་
༄༅། །ཚིག་ཐོས་ནས་དམ་པའི་ཆོས་ཀྱི་ཕྱོགས་འཛུགས་པར་བྱེད་པའི་སེམས་ཅན་དེ་དག་ཀྱང་ང་ལ་བྱས་པ་གཟོ་བ་དང༌། ང་ལ་དབེན་པ་ཡིན་ཏེ། དམ་པའི་ཆོས་ཀྱི་ཕྱིར་རང་
གི་སྲོག་གི་བསམ་པའང་བཏང༌། ནོར་དང་བཅས་པ་དང༌། བུ་དང་བཅས་པ་དང༌། ཆུང་མ་དང་བཅས་པ་དང༌། བུ་མོ་དང་བཅས་པའི་སྡེ་ཕྱོགས་རྣམས་ཀྱི་སྲོག་གི་བསམ་པའང་བཏང་ནས་དམག་གི་
དཔུང་ཆེན་པོའི་གཡུལ་དུ་འཇུག་ཅིང༌། དམག་གི་དཔུང་ཆེན་པོའི་གཡུལ་ཟད་པར་བྱེད་དེ། །བདུད་ཀྱི་ཕྱོགས་ཀྱི་སྟོབས་འཇོམས་པར་བྱེད་དོ། །བདུད་ཀྱི་སྟོབས་རྣམ་པར་འཇིགས་པར་བྱེད་
དོ༑ ༑ཇི་ལྟ་བུའི་ཐབས་ཀྱིས་ཀྱང་དམ་པའི་ཆོས་འཛུགས་པར་བྱེད་དེ། ངའི་དམ་པའི་ཆོས་ཀྱི་མཐུའང་སྐྱེད་པར་འགྱུར་རོ། །སེམས་ཅན་ཆེན་པོ་དེ་དག་གིས་ནི། རྙེད་པ་ལེགས་པར་རྙེད་
པར་འགྱུར་ཏེ། དེ་དག་ནི། བྱང་ཆུབ་སེམས་དཔའ་མི་མཆོག་ཡིན་པར་བལྟ་བར་བྱའོ། །དགེ་སློང་ངམ། དགེ་སློང་མ་དེ་དག་ནི། སྦྱིན་གནས་ཡོངས་སུ་དག་པར་འགྱུར་རོ། །དགེ་འདུན་
ཡོངས་སུ་དག་པར་ཡང་འགྱུར་རོ། །དགེ་བསྙེན་གྱི་སྡེ་ཚན་དང༌། དགེ་བསྙེན་མའི་སྡེ་ཚན་དེ་དག་ནི། སངས་རྒྱས་འབྱུང་བ་དང་ཕྲད་པར་འགྱུར། དམ་པའི་ཆོས་ལའང་ནན་ཏན་དུ་སྒྲུབ་པར་
འགྱུར་མོད་ཀྱི། འོན་ཀྱང་མཐོང་ན་དགའ་བ་དྲི་ཟའི་རྒྱལ་པོ། ངའི་ཉན་ཐོས་ཀྱི་ཚིག་ལ་ཡིད་ཆེས་པའི་སེམས་ཅན་དེ་དག་ནི། ཉུང་སྟེ། ཤིན་ཏུ་ཕལ་ཆེར་ནི། མོས་པར་མི་འགྱུར་རོ། །
མཐོང་ན་དགའ་བ་དྲི་ཟའི་རྒྱལ་པོ། རྣམ་པ་བཞི་དང་ལྡན་ན། ངའི་ཉན་ཐོས་དེ་བཞིན་གཤེགས་པ་དང་མིང་མཐུན་པའི་དགེ་སློང་གི་ཚིག་ལ་ཡིད་ཆེས་པར་འགྱུར་ཏེ། བཞི་གང་ཞེ་ན། སྔོན་གྱི་མཐར་
ཡང་ཡང་དག་པར་རྫོགས་པའི་སངས་རྒྱས་སྔ་མ་རྣམས་ལས་ཟབ་མོ་བསྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་འདི་ཐོས་པ་དང༌། དགེ་བའི་བཤེས་གཉེན་གྱིས་ཡོངས་སུ་བཟུང་
བ་དང༌། ལྷག་པའི་བསམ་པ་ལ་ཞུགས་ཤིང་དགེ་བའི་རྩ་བ་ཉེ་བར་བརྟན་པ་དང༌། རྒྱ་ཆེན་པོ་ལ་མོས་པ་ལུས་ཀྱིས་མངོན་སུམ་དུ་བྱས་པ་སྟེ། མཐོང་ན་དགའ་བ་དྲི་ཟའི་རྒྱལ་པོ། རྣམ་པ་བཞི་
པོ་དེ་དག་གིས་ནི། ངའི་ཉན་ཐོས་ཀྱི་ཚིག་ལ་ཡིད་ཆེས་པར་འགྱུར་རོ། །གང་དག་ཡིད་མི་ཆེས་པ་དེ་དག་ཐམས་ཅད་ནི། བདུད་ཀྱིས་བྱིན་གྱིས་བརླབས་པའི་མི་གཏི་མུག་ཅན་ཡིན་པར་རིག་པར་
བྱའོ༑ ༑སེམས་ཅན་གང་དག་མོས་པར་འགྱུར་བ་དེ་དག་ནི། སངས་རྒྱས་མང་པོས་ཡོངས་སུ་བཟུང་བ་ཡིན་པར་རིག་པར་བྱའོ། །ཀྱེ་མ་མ་འོངས་པའི་སེམས་ཅན་རྣམས་ནི། སངས་རྒྱས་
འབྱུང་བ་ཐམས་ཅད་དང་ཕྲད་པར་འགྱུར་རོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དང་མིང་མཐུན་པའི་དགེ་སློང་སངས་རྒྱས་མང་པོས་ཡོངས་སུ་བཟུང་བ་ནི། འཁོར་ཤིན་ཏུ་རྣམ་
པར་དག་པ་དང༌། དགེ་སློང་གི་ཚོགས་དང༌། དགེ་སློང་མའི་ཚོགས་དང་ལྡན་པའི་ཕྱིར་རོ། །གང་དག་ངའི་ཚིག་ལ་མངོན་པར་ཡིད་ཆེས་པ་དེ་དག་ནི། རྡོ་རྗེའི་རང་བཞིན་ཡིན་པར་རིག་པར་
༄༅། །བྱའོ༑ ༑མཐོང་ན་དགའ་བ་དྲི་ཟའི་རྒྱལ་པོ། གཞན་ཡང་དེ་བཞིན་གཤེགས་པ་དང་མིང་མཐུན་པའི་དགེ་སློང་གི་ཆེ་བ་ཉིད་ལ་ལྟོས། གང་གི་ཕྱིར་དགེ་སློང་དེ་
ནི༑ དེ་བཞིན་གཤེགས་པ་ཀླུ་རིགས་སྒྲོན་མའི་ཐད་དུ་དམ་བཅས་ཤིང་སྨོན་ལམ་བཏབ་ལ། བཅོམ་ལྡན་འདས་ཤཱཀྱ་ཐུབ་པའི་བསྟན་པ་ལའང་དམ་པའི་ཆོས་བསྲུང་བའི་ཕྱིར་
བདག་གི་སྲོག་ཡོངས་སུ་གཏང་ངོ༌། །ཞེས་བྱས་ནས་དམ་པའི་ཆོས་ཀྱི་སྒྲ་ལན་གསུམ་དུ་མངོན་པར་བསྒྲགས་པས་ན། འདས་པའི་དུས་ནའང་ངའི་ཉན་ཐོས་དཀའ་བ་བྱེད་བྱེད་པ་ཡིན་ལ།
ད་ལྟར་ཡང་དཀའ་བ་བྱེད་པ་ཡིན་ནོ། །རྒྱལ་པོ་བརྩོན་འགྲུས་ཆེན་པོའི་ཀླུ་དེ་ནི། ད་ལྟར་ལི་ཙ་བཱི་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་འདི་ཡིན་ནོ། །ལི་ཙ་བཱིའི་བུ་འདི་ནི།
དེ་བཞིན་གཤེགས་པ་དང་མིང་མཐུན་པའི་དགེ་སློང་དུ་འགྱུར་བར་རིག་པར་བྱའོ། །མཐོང་ན་དགའ་བ་དྲི་ཟའི་རྒྱལ་པོ། གཞན་ཡང་དེ་བཞིན་གཤེགས་པ་དང་མིང་མཐུན་པའི་དགེ་སློང་གི་ཆེ་བ་
ཉིད་རྣམ་པར་དག་པ་ལ་ལྟོས། དགེ་སློང་དེ་ལ་སེམས་ཅན་གང་དག་གིས་བསྙེན་བཀུར་བྱས་པ་དེ་དག་གིས་ནི། འདས་པ་དང༌། མ་བྱོན་པ་དང༌། ད་ལྟར་བྱུང་བའི་དེ་བཞིན་གཤེགས་པ་ཐམས་
ཅད་ལ་བསྐལ་བ་གྲངས་མེད་པར་བསྙེན་བཀུར་བྱས་པ་ཡིན་ནོ། །སེམས་ཅན་གང་དག་གིས་དགེ་སློང་འདོད་པ་དེ་ལ་བཀུར་སྟིར་བྱ་བ་དང༌། བླ་མ་ལ་རིམ་འགྲོ་བ་བྱ་བས་རྟག་ཏུ་མཆོད་པ་བྱེད་པ་
དེ་དག་གིས་ནི། དེ་བཞིན་གཤེགས་པ་ཐམས་ཅད་ལ་མཆོད་པ་བྱས་པ་ཡིན་ནོ། །དགེ་སློང་ངམ། དགེ་སློང་མའམ། །དགེ་བསྙེན་ནམ། དགེ་བསྙེན་མ་གང་དག་གིས་རང་གི་སྲོག་གི་བསམ་པ་ཡོངས་
སུ་བཏང་སྟེ་དགེ་སློང་འདོད་པ་དེའི་ཐད་དུ་ངན་དོན་གྱིས་ཆོག་པར་འཛིན་ཅིང་གནས་པར་བྱེད་པ་དེ་དག་གིས་ནི། དེ་བཞིན་གཤེགས་པ་ཐམས་ཅད་ལ་བླ་མ་ལ་ཤིན་ཏུ་རིམ་གྲོར་བྱ་བ་ཕུལ་བ་ཡིན་ནོ། །
དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་དག་དགེ་སློང་འདོད་པ་དེས་བསྒོ་བ་བཞིན་བྱེད་པ་དེ་དག་གིས་ནི། དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་དུ་བྱས་པ་ཡིན་
ནོ༑ ༑དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་དག་གིས་སྡང་བ་མེད་པའི་སེམས་ཀྱིས་དགེ་སློང་དེ་ལས་དམ་པའི་ཆོས་བཤད་པ་དང༌། མཉན་པ་དང༌། འབྲེལ་བའི་གཏམ་གྱི་
ཁུར་བླངས་ནས་སྟོན་པར་བྱེད་པ་དེ་ནི། ཐབས་ཀྱི་སྲས་བསླབ་པ་ལ་གུས་པ་སྒྲ་གཅན་ཟིན་དང་འདྲ་བར་བལྟའོ། །དགེ་སློང་གིས་ལུང་བསྟན་པ་འདི་ཐོས་ནས་སེམས་ཅན་བསོད་ནམས་ཆུང་བ་དགེ་སློང་དང༌།
དགེ་སློང་མ་དང༌། དགེ་བསྙེན་དང༌། དགེ་བསྙེན་མ་རྣམས་འདི་སྙམ་དུ་སེམས་བསྐྱེད་པར་འགྱུར་ཏེ། ཀྱེ་མ་དགེ་སློང་ལྟར་བཅོས་པ་དེ་བཞིན་གཤེགས་པ་དང་མིང་མཐུན་པའི་དགེ་སློང་འདིས་ནི། སྤྲིན་
ཆེན་པོའི་མདོ་སངས་རྒྱས་ཀྱིས་མ་གསུངས་པར་བདག་ཉིད་ཀྱིས་བྱས་ནས་བདག་ཉིད་ལུང་བསྟན་པའང་བཅུག་སྟེ། སངས་རྒྱས་ཀྱིས་མ་གསུངས་པར་རང་གཟོའི་བསླབ་པའི་གཞི་ཐ་དད་པ་བདག་ཉིད་
༄༅། །ཀྱིས་བསྟན་པ་འཆད་པར་བྱེད་དོ། །ཚེ་དང་ལྡན་པ་དག །ད་དགེ་སློང་འདི་ཕྱིན་ཅི་ལོག་ཏུ་གྱུར་ཏེ། ཚེ་དང་ལྡན་པ་དག། འུ་བུ་ཅག་ནི། བྲན་ཕོ་དང༌། བྲན་མོ་དང༌། བ་ལང་
དང༌། མ་ཧེ་ལ་སོགས་པ་ཡོངས་སུ་འཛིན་པ་ཡིན་ཞེའོ། །དེས་ནི། ཁྱེད་དང་བདག་ཅག་སྤངས་པ་ཡིན་ནོ། །དགེ་སློང་ཕྱིན་ཅི་ལོག་ཏུ་གྱུར་པ་འདིའི་ཚིག་གིས་ན་འུ་བུ་ཅག་གིས་སྲོག་དང་བསྔོས་
ཏེ་འདིའི་ཕྱོགས་བླངས་ནས་ཁྱེད་དང་བདག་ཅག་གིས་ཀྱང་མཆོག་ཏུ་དཀའ་བ་བྱེད་པར་འགྱུར་སྐད་དོ། །འདི་ལ་ཅི་བྱས་པ་དང༌། ཅི་བྱིན་པ་རྣམས་ནི། ཚེ་འདི་དང༌། ཚེ་ཕྱི་མ་ལ་བདག་
ཅག་གིས་ཉམས་སུ་མྱོང་བར་འགྱུར་བ་ཙམ་ཚོད་ན་ཇི་ལྟར་བྱ་ཞེས་སྟིང་ཞིང་ལྐོག་དག་ཏུ་སོང་ནས་ཕན་ཚུན་དབྱེན་བྱེད་པར་འགྱུར་ཏེ། སེམས་ཅན་དེ་དག་ནི། མུན་པའི་དབང་དུ་གྱུར་ཅིང་
བསོད་ནམས་ཆུང་བ་ཡིན་པར་རིག་པར་བྱའོ། །མཐོང་ན་དགའ་བ་དྲི་ཟའི་རྒྱལ་པོ། སྤྲིན་ཆེན་པོའི་མདོ་རྟོགས་པར་དཀའ་བ་ལ་ལྟོས། སེམས་ཅན་གང་དག་དགེ་པའི་རྩ་བ་བྱས་པ་དང༌།
བྱང་ཆུབ་སེམས་དཔའི་ཐབས་ལ་བརྟན་པའི་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་དག་ངའི་ཉན་ཐོས་ཀྱི་ལུང་བསྟན་པ་ཐོས་ན་འདི་ལྟར་སེམས་བསྐྱེད་དེ། ཀྱེ་
མ་དགེ་སློང་མཁས་པ་འདི་གལ་ཏེ་བྱང་ཆུབ་སེམས་དཔའ་མ་ཡིན་དུ་ཟིན་ན། སྐྱེ་བོ་ཕལ་པས་རྒྱ་མཚོ་ཆེན་པོ་འདི་ལྟ་བུ་དཀྲུག་པར་ག་ལ་ནུས། ཚེ་དང་ལྡན་པ་དག། ཁྱེད་དང་བདག་ཅག་དེའི་
གཏམ་ཟླར་གྱུར་ན་ནི། བདག་ཅག་གིས་སྐྱེས་པ་དར། འཚོ་བ་དང༌། རབ་ཏུ་བྱུང་བའི་འབྲས་བུ་རྙེད་པ་ལེགས་པར་རྙེད་དོ། །དེ་ནི། སའི་སྟེང་དུ་གྲགས་པའི་དེ་བཞིན་གཤེགས་པའི་ཞབས་ཀྱི་དྲུང་ནས་
ལུང་བསྟན་པ་ཐོབ་ཅིང༌། ལྷའི་མིག་གིས་ལེགས་པར་མཐོང་བའི་ཆོས་ཐོབ་པ་ཡིན་ནོ། །ཞེས་གྲགས་པས་བདག་ཅིག་གིས་སྲོག་གི་བསམ་པ་ཡོངས་སུ་བཏང་ལ། འདི་བདག་ཅག་ལ་སྟོན་པའི་
སློབ་དཔོན་དུ་བྱས་ཆོས་བསྟན་པ་གཟུང་བའི་རིགས་སོ། །བདག་ཅག་བཞིའང་རུང༌། གསུམ་འང་རུང་སྟེ་སློབ་དཔོན་གྱི་གྲོགས་བྱའོ། །ཚེ་དང་ལྡན་པ་དག། དམ་པའི་ཆོས་འབྱུང་བའི་ཕྱིར་ནི། སྲོད་
ཡོངས་སུ་གཏང་ཡང་བླའོ། །ཞེས་ཟེར་རོ། །མཐོང་ན་དགའ་བ་དྲི་ཟའི་རྒྱལ་པོ། དེའི་ཚེ་དམ་པའི་ཆོས་ལ་དགའ་བའི་རིགས་ཀྱི་བུ་དེ་དག་ལ་ཀུན་ཏུ་སྲུང་བར་གྱིས་ཤིག །རིགས་ཀྱི་བུ་གང་དག་
ཆོས་འདོད་པ་དང༌། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་མང་པོའང་རུང༌། གཉིས་ཀྱང་རུང༌། གཅིག་ཀྱང་རུང་སྟེ། ངའི་ཉན་ཐོས་ལུང་བསྟན་པ་ཐོས་ནས་ངའི་ཉན་
ཐོས་ཆོས་སྟོན་པའི་ཕྱོགས་བྱ་བའི་ཕྱིར་འཁོད་པའི་སེམས་ཅན་དེ་དག་ནི། དེ་བཞིན་གཤེགས་པ་ཐམས་ཅད་ཀྱི་སྤྱོད་པ་ཐམས་ཅད་ཀྱི་ཕྱོགས་དང༌། དམ་པའི་ཆོས་འཛུགས་པ་ཡིན་ནོ། །སེམས་
ཅན་དེ་དག་ནི། ལྷ་མ་ཡིན་གྱི་དབང་པོའི་ཡུལ་མ་ཡིན་པའི་ལུས་དང༌། བསམ་གྱིས་མི་ཁྱབ་པའི་ལུས་དང་ལྡན་ཞིང་གཟུགས་ཐམས་ཅད་ཡང་དག་པར་མཐོང་བ་ཡིན་ནོ། །མཐོང་ན་དགའ་བ་དྲི་ཟའི་
༄༅། །རྒྱལ་པོ༑ གཞན་ཡང་ངའི་ཉན་ཐོས་དེ་བཞིན་གཤེགས་པ་དང་མིང་མཐུན་པའི་དགེ་སློང་ཆོས་ཀྱི་སྒྲ་ཆེན་པོ་ལན་གསུམ་མངོན་པར་བསྒྲགས་ནས་འཆི་བའི་
དུས་བྱེད་པར་འགྱུར་བའི་ཆེ་བ་ཉིད་ལ་ལྟོས། མཐོང་ན་དགའ་བ་དྲི་ཟའི་རྒྱལ་པོ། དེའི་ཚེ་ངའི་དམ་པའི་ཆོས་ཀྱི་ཚོགས་ནུབ་པར་འགྱུར་རོ། །དེ་ནི། མཐའ་མར་འབྱུང་བར་འགྱུར་ལ། དེ་
དང་འདྲ་བའི་སེམས་ཅན་གཞན་མེད་དེ། མི་སྲིད་དོ། གསོལ་པ། བཅོམ་ལྡན་འདས། དགེ་སློང་དེ་འདི་ནས་ཤི་འཕོས་ནས་གང་དུ་སྐྱེ་བར་འགྱུར། བཅོམ་ལྡན་འདས་ཀྱིས་བཀའ་སྩལ་
པ༑ མཐོང་ན་དགའ་བ་དྲི་ཟའི་རྒྱལ་པོ། ངའི་ཉན་ཐོས་དེ་ནི། འདི་ནས་ཤི་འཕོས་ནས་སངས་རྒྱས་སུ་འགྱུར་རོ། །གསོལ་པ། བཅོམ་ལྡན་འདས། སེམས་ཅན་ཐམས་ཅད་ལ་སྨན་པའི་
སླད་དུ་བཤད་དུ་གསོལ། བཀའ་སྩལ་པ། རིགས་ཀྱི་བུ། ལེགས་སོ། །ལེགས་སོ། །རིགས་ཀྱི་བུ། ཁྱོད་ལེགས་ཀྱི། རིགས་ཀྱི་བུ། ངའི་ཉན་ཐོས་ཀྱི་ཆེ་བ་ཉིད་ཉོན་ཅིག །རིགས་ཀྱི་བུ། བསྐལ་
པ་བཟང་པོ་འདི་འདས་ཏེ་སངས་རྒྱས་སྟོང་ཡོངས་སུ་མྱ་ངན་ལས་འདས་པའི་འོག་ཏུ་བསྐལ་པ་དྲུག་ཅུ་རྩ་གཉིས་སུ་སངས་རྒྱས་འབྱུང་བར་མི་འགྱུར་ཏེ། རང་སངས་རྒྱས་བྱེ་བ་ཕྲག་
འབུམ་འབྱུང་བར་འགྱུར་རོ། །རིགས་ཀྱི་བུ། བསྐལ་པ་དྲུག་ཅུ་རྩ་གཉིས་པོ་དེ་དག་འདས་ནས་སངས་རྒྱས་གཞན་བདུན་འབྱུང་བར་འགྱུར་རོ། །དེ་ནས་བདུན་པ་ཡོངས་སུ་མྱ་ངན་ལས་འདས་
པ་དེའི་ཚེ་དེའི་དུས་ན་འཇིག་རྟེན་གྱི་ཁམས་འདི་འཇིག་རྟེན་གྱི་ཁམས་མངོན་པར་དང་བ་ཞེས་བྱ་བར་འགྱུར་ཏེ། འཇིག་རྟེན་གྱི་ཁམས་མངོན་པར་དང་བར་འདི་བཅོམ་ལྡན་འདས་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་འབྱུང་གནས་འོད་ཅེས་བྱ་བར་འགྱུར་རོ། །དེ་བཞིན་གཤེགས་པ་དེའི་སངས་རྒྱས་ཀྱི་ཞིང་ན་སེམས་ཅན་
འཁོད་པ་དེ་དག་ཐམས་ཅད་མཛེས་པར་འགྱུར་ཞིང་དང་བ་ཐོབ་པར་འགྱུར་རོ། །གང་དག་དམ་པའི་ཆོས་ཀྱི་ཕྱོགས་བྱེད་པ་དང༌། དམ་པའི་ཆོས་འབྱུང་བར་བྱེད་པ་དེ་དག་ཐམས་ཅད་ཀྱང་
དེའི་ཚེ་འཇིག་རྟེན་གྱི་ཁམས་མངོན་པར་དང་བ་དེར་སྐྱེ་བར་འགྱུར་རོ། །དེར་སྐྱེས་ནས་ཀྱང་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་འབྱུང་གནས་འདི་ངའི་ཉན་ཐོས་ཀྱི་མཆོག་
ཏུ་འགྱུར་ཏེ། དེ་དག་ཐམས་ཅད་ཀྱང་བྱང་ཆུབ་སེམས་དཔའ་མི་མཆོག་ཏུ་འགྱུར་རོ། །དེ་ནས་སེམས་ཅན་སུ་ལའང་འདོད་ཆགས་ཀྱི་སེམས་ཀུན་ནས་ལྡང་བར་འབྱུང་བར་མི་འགྱུར་རོ། །ཞེ་
སྡང་གི་སེམས་ཀུན་ནས་ལྡང་བ་འབྱུང་བར་མི་འགྱུར་རོ། །གཏི་མུག་གི་སེམས་ཀུན་ནས་ལྡང་བར་འབྱུང་བར་མི་འགྱུར་རོ། །སེམས་ཅན་དེ་དག་ཐམས་ཅད་ཀྱང་ཆོས་ལ་དད་པ་ཐོབ་ཅིང་ཆོས་
སྤྱོད་པར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་འབྱུང་གནས་འོད་ཀྱི་ཚེའི་ཚད་ནི། བར་གྱི་བསྐལ་པ་བཅོ་ལྔར་འགྱུར་རོ། །སེམས་
༄༅། །ཅན་རྣམས་ཀྱང་ཐེག་པ་གསུམ་གྱིས་ངེས་པར་འབྱུང་བར་འགྱུར་རོ། །དེ་ན་བྱང་ཆུབ་སེམས་དཔའ་རྣམས་ཀྱང་ཚད་མེད་དོ། །རིགས་ཀྱི་བུ། དེའི་ཚེ་དེའི་དུས་ན་བདུད་དང༌།
བདུད་ཀྱི་རིས་ཀྱི་ལྷ་འབྱུང་བ་གང་ཡིན་པ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་ཞུགས་པར་འགྱུར་ཏེ། སེམས་ཅན་ལ་སྙིང་བརྩེ་བར་གནས་སོ། །སངས་རྒྱས་ཀྱི་ཞིང་དེ་ན་ངན་སོང་
གསུམ་ཡང་མེད་དོ། །མི་ཁོམ་པ་བརྒྱད་ཀྱང་མེད་དེ། རྟག་ཏུ་བརྒྱན་པར་འགྱུར་ལ། བྱང་གི་སྒྲ་མི་སྙན་དང་འདྲའོ། །སངས་རྒྱས་ཀྱི་ཞིང་དེར་བདུད་དང༌། ཕྱིར་རྒོལ་བའང་བཅོམ་པར་
འགྱུར་རོ། །ལྟ་བ་ཐམས་ཅད་ཀྱང་མེད་དོ། །བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ཀྱང་བདེ་བར་གཤེགས་པས་གསུངས་པའི་དམ་པའི་ཆོས་ལོ་བྱེ་བ་ཕྲག་སྟོང་དུ་
གནས་པར་འགྱུར་རོ། །དེ་ནས་དེའི་ཚེ་འཁོར་ཆེན་པོའི་ནང་ནས་ལྷ་མ་ཡིན་དང༌། ནམ་མཁའ་ལྡིང་དང༌། མིའམ་ཅི་དང༌། ལྟོ་འཕྱེ་ཆེན་པོ་དུ་མས་དེ་བཞིན་གཤེགས་པ་ལ་མེ་ཏོག་སིལ་
མས་གཏོར་ཏོ། །སིལ་སྙན་ཀྱང་དཀྲོལ་ཏོ། །ཙནྡན་གྱི་ཕྱེ་མ་དང༌། བྱུག་པ་དག་གིས་ཀྱང་གཏོར་ཏོ། །ཉན་ཐོས་ཆེན་པོ་དེ་དག་གིས་རང་རང་གི་བླ་གོས་དེ་བཞིན་གཤེགས་པའི་སྐུ་ལ་གསོལ་
ཏོ༑ ༑བྱང་ཆུབ་སེམས་དཔའ་དེ་དག་གིས་ཀྱང་མེ་ཏོག་གི་རིམ་པ་རི་རབ་ཙམ་དང༌། མེ་ཏོག་དང༌། ཕྲེང་བ་དང༌། ཕྱེ་མ་དང༌། སྤོས་དང༌། བྱུག་པ་དག་གིས་བཅོམ་ལྡན་འདས་ལ་བསམ་གྱིས་
མི་ཁྱབ་པའི་མཆོད་པའི་ལས་བྱས་ནས་དེ་བཞིན་གཤེགས་པ་ཡེ་ཤེས་འབྱུང་གནས་འོད་དེའི་བྱང་ཆུབ་སེམས་དཔའི་སྤྱོད་པ་ལ་སེམས་བསྐྱེད་དོ། །དེ་ནས་བཅོམ་ལྡན་འདས་ལ་བྱང་ཆུབ་
སེམས་དཔའ་སྤྲིན་ཆེན་སྙིང་པོས་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས། ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་ཡུལ་འདི་མ་འོངས་པའི་སེམས་ཅན་
བསོད་ནམས་ཆུང་དུ་རྣམས་ལ་སངས་རྒྱས་མང་པོ་འབྱུང་བར་བགྱིད་ཅིང༌། དགེ་བའི་རྩ་བ་ཚུལ་བཞིན་དུ་བགྱིས་པའི་སེམས་ཅན་རྣམས་ལུང་སྟན་པས་ལུང་སྟོན་པར་བགྱིད་པ་ནི། ངོ་
མཚར་ཏོ། །བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། མ་འོངས་པའི་སེམས་ཅན་རྣམས་བསོད་ནམས་ཆུང་ཞེས་དེ་སྐད་མ་ཟེར་ཅིག །དེ་ཅིའི་ཕྱིར་ཞེ་ན། སྤྲིན་ཆེན་སྙིང་
པོ༑ སངས་རྒྱས་འབྱུང་བ་ནི། དཀོན་ནོ། །སྤྲིན་ཆེན་སྙིང་པོའི་མདོ་འདི་ནི། དེ་བས་ཀྱང་ཆེས་དཀོན་ནོ། །སྤྲིན་ཆེན་པོའི་མདོ་འདི་ལས་ཏིང་ངེ་འཛིན་ནམ། གཟུངས་སམ། ཚིགས་སུ་བཅད་པ་
གང་ཡང་རུང་བའི་ཚིག་གི་ཕྱེད་ཐོས་ནས་ཡིད་ཆེས་པར་བྱེད་པ་གང་ཡིན་པའི་སེམས་ཅན་དེ་དག་ཀྱང་ཆེས་དཀོན་པ་ཡིན་ནོ། །ཞེས་ང་སྨྲ་སྟེ། དེ་བས་ན། མ་འོངས་པའི་སེམས་ཅན་རྣམས་ནི།
བསོད་ནམས་ཆུང་བ་མ་ཡིན་ནོ། །ཞེས་པ་སྨྲའོ། །སྤྲིན་ཆེན་སྙིང་པོ། གཞན་ཡང་མ་འོངས་པའི་སེམས་ཅན་གང་དག་སྤྲིན་ཆེན་པོའི་མདོ་འདི་ལས་ཚིགས་སུ་བཅད་པའམ། ཚིག་གི་ཕྱེད་ཐོས་
༄༅། །ན་ཡིད་ཆེས་པར་བྱེད་པའི་སེམས་ཅན་དེ་དག་ལས་གུད་ན་ཆེས་དཀོན་པ་མེད་དོ། །ཞེས་པ་སྨྲའོ། །གསོལ་པ། བཅོམ་ལྡན་འདས། དེ་བཞིན་གཤེགས་པས་
ཅི་ལ་དགོངས་ཏེ་དེ་སྐད་བཀའ་སྩལ། བཀའ་སྩལ་པ། དེ་བཞིན་གཤེགས་པའི་གསུངས་པའི་མདོ་ལས་ཚིག་གམ། ཚིག་གི་ཕྱེད་ལའང་ཡིད་ཆེས་པར་བྱེད་པ་གང་
ཡིན་པ་དེ་དག་ལས་གུད་ན་ཆེས་དཀོན་པ་མེད་དོ། །ཞེས་ང་སྨྲ་བ་དེ་ལ་ཐེ་ཚོམ་མེད་དོ། །དེ་ཅིའི་ཕྱིར་ཞེ་ན། སྤྲིན་ཆེན་པོའི་མདོ་འདིའི་ཏིང་ངེ་འཛིན་ནམ། གཟུངས་སམ། ཆོས་ཀྱི་
སྒོ་གང་ཡང་རུང་བ་ལ་བྱས་པ་གཟོ་བ་རྣམས་ལ་ཡང་དག་པའི་དོན་ལུང་བསྟན་པ་ལུང་བསྟན་ཏེ། དེ་བཞིན་གཤེགས་པས་ལུང་བསྟན་པ་ཐོབ་པའི་སེམས་ཅན་རྣམས་ནི། ཀྱེ་མ་
དགེ་བའི་རྩ་བ་བྱས་པ་ཡིན་ནོ་སྙམ་དུ་འཛིན་ཅིང་ཡིད་ཆེས་པར་བྱེད་པ་མ་འོངས་པའི་སེམས་ཅན་དེ་དག་ནི། ཤིན་ཏུ་ཆེས་དཀོན་པ་ཡིན་པར་ང་སྨྲ་སྟེ། སྤྲིན་ཆེན་སྙིང་པོ། དེ་ལས་
དགོངས་ནས་མ་འོངས་པའི་སེམས་ཅན་རྣམས་བསོད་ནམས་ཆུང་བ་མ་ཡིན་ནོ། །ཞེས་ང་སྨྲའོ། །གསོལ་པ། བཅོམ་ལྡན་འདས། ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་
ཀྱི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་བསོད་ནམས་མི་ཟད་བ་ཉན་ཐོས་དང་རང་སངས་རྒྱས་ཐམས་ཅད་ཀྱིས་གཏིང་དཔག་པར་མི་ནུས་པ་ནི། ཀྱེ་མ་ངོ་མཚར་
ཏོ༑ ༑བཀའ་སྩལ་པ། སྤྲིན་ཆེན་སྙིང་པོ། དེ་དེ་བཞིན་གཤེགས་ཏེ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་བསོད་ནམས་མི་ཟད་པ་ཤེས་པའམ་ཚད་གཟུང་བར་མི་ནུས་སོ། །དེ་ཅིའི་
ཕྱིར་ཞེ་ན། སྤྲིན་ཆེན་སྙིང་པོ། དཔེར་ན། རྒྱ་མཚོ་ཆེན་པོའི་ཆུའི་ནང་དུ་ཆུ་བབ་པ་ཟད་པར་མི་འགྱུར་བའི་གཏིང་དཔག་པར་ནུས་སམ། གསོལ་པ། བཅོམ་ལྡན་འདས། དེ་ནི། དེ་ལྟ་
མ་ལགས་ཏེ། ནུས་པར་མི་འགྱུར་རོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོའི་ཆུ་འབབ་པ་དེའི་གཏིང་ཡང་དཔག་པར་མི་ནུས་ལ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་
དཔའི་བསོད་ནམས་མི་ཟད་པའི་གཏིང་ཡང་དཔག་པར་མི་ནུས་སོ། །སྤྲིན་ཆེན་སྙིང་པོ། གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་སེམས་དཔའ་ཆེན་པོ་ནི།
རྐང་པའི་མཐེ་བོའི་བ་སྤུ་གཅིག་གིས་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དཀྲིས་ཏེ། འཇིག་རྟེན་གྱི་ཁམས་དཀྲིགས་ཕྲག་མཐའ་ཡས་པ་བཟླས་ནས་འཕེན་པར་བྱེད་དེ།
དེ་ལྟ་བུའི་བྱ་བ་ཀུན་ཏུ་སྟོན་ཀྱང་སེམས་ཅན་སུ་ལའང་གནོད་པར་མི་འགྱུར་ལ། སེམས་ཅན་དེ་དག་གིས་ཀྱང་མི་ཤེས་མི་མཐོང་ངོ༌། །སེམས་ཅན་གཞན་དག་གིས་ནི། བྱ་བ་དེ་ལྟ་བུ་
བསྟན་པར་ཤེས་ཤིང་མཐོང་ངོ༌། །སྤྲིན་ཆེན་སྙིང་པོ། གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། འཇིག་རྟེན་གྱི་ཁམས་གངྒཱའི་ཀླུང་
༄༅། །གི་བྱེ་མ་སྙེད་དག་ཁབ་ཀྱི་རྩེ་མོས་རྒྱ་ཤུག་གི་ལོ་མ་སྟེང་གི་ཕྱོགས་སུ་འདོར་བ་བཞིན་དུ་སྟེང་གི་ཕྱོགས་ཀྱི་འཇིག་རྟེན་གྱི་ཁམས་དཀྲིས་ཕྲག་མཐའ་ཡས་
པ་བཟླས་ནས་གྱེན་དུ་འདོར་བར་བྱེད་དེ། འོན་ཀྱང་སེམས་ཅན་སུ་ལའང་གནོད་པར་མི་འགྱུར་ཏེ། སེམས་ཅན་དེ་དག་གིས་ཀྱང་བདག་ཅག་གར་ཁྱེར་བ་དང༌། བདག་ཅག་གར་
སོང་བའང་མི་ཤེས་མི་མཐོང་ངོ༌། །ཕྱིར་ཡང་ཁྱེར་ཏེ་འོངས་ནས་སྔ་མའི་གནས་སུ་བཞག་ཀྱང་འགྲོ་བ་དང་འོང་བར་ཡང་མི་མངོན་ལ། སེམས་ཅན་གཞན་དག་གིས་ནི། འདི་ནི།
བྱང་ཆུབ་སེམས་དཔའི་རྣམ་པར་འཕྲུལ་པ་ཡིན་ནོ། །ཞེས་ཤེས་ཤིང་མཐོང་ངོ༌། །སྤྲིན་ཆེན་སྙིང་པོ། གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་
དཔའ་ཆེན་པོ་ནི། ཁབ་ཀྱི་རྩེ་མོས་རྒྱ་ཤུག་གི་ལོ་མ་ལ་བྱ་བ་བཞིན་དུ་ཕྱོགས་དགུར་འཇིག་རྟེན་གྱི་ཁམས་དེ་ལྟར་གྱེན་དུ་བོར་ནས་འཇིག་རྟེན་གྱི་ཁམས་ལྷག་མ་གཅིག་གི་ནང་དུ་
འཇིག་རྟེན་གྱི་ཁམས་ཐམས་ཅད་ཆུད་པར་བྱེད་ཀྱང་སེམས་ཅན་སུ་ལའང་གནོད་པར་མི་འགྱུར་ལ་སེམས་ཅན་དེ་དག་གིས་ཀྱང་བདག་ཅག་གར་ཁྱེར་བ་དང༌། བདག་ཅག་གར་
སོང་བའང་མི་ཤེས་མི་མཐོང་ངོ༌། །ཕྱིར་ཡང་ཁྱེར་ཏེ་འོངས་ནས་སྔ་མའི་གནས་སུ་བཞག་ཀྱང་འགྲོ་བ་དང༌། འོང་བར་ཡང་མི་མངོན་ལ། སེམས་ཅན་གཞན་དག་གིས་ནི། བྱ་བ་དེ་ལྟ་
བུ་བསྟན་པར་ཤེས་ཤིང་མཐོང་ངོ༌། །སྤྲིན་ཆེན་སྙིང་པོ། གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་
འཇིག་རྟེན་གྱི་ཁམས་གཅིག་གི་ནང་དུ་བརྟུལ་ནས་སྲན་ཆུང་གི་འབྲུ་གཅིག་གི་ནང་དུ་ཆུད་པར་བྱེད་དེ། འོན་ཀྱང་སེམས་ཅན་སུ་ལའང་གནོད་པར་མི་འགྱུར་ལ། སེམས་ཅན་དེ་དག་གིས་ཀྱང་བདག་
ཅག་གང་དུ་ཁྱེར་བ་དང༌། གང་དུ་སོང་བ་དང༌། གང་དུ་བཅུག་པ་མི་ཤེས་མི་མཐོང་ངོ༌། །སེམས་ཅན་གཞན་དག་གིས་ནི། ཤེས་ཤིང་མཐོང་སྟེ། ཏིང་ངེ་འཛིན་འདི་ལ་གནས་པའི་བྱང་ཆུབ་
སེམས་དཔའ་སེམས་དཔའ་ཆེན་པོ་ནི། འདུལ་བའི་དབང་གིས་བྱ་བ་དེ་ལྟ་བུ་དག་སྟོན་པར་བྱེད་དོ། །བྱང་ཆུབ་སེམས་དཔའ་སྤྲིན་ཆེན་སྙིང་པོས་གསོལ་པ། ཏིང་ངེ་འཛིན་འདི་ལ་གནས་པའི་བྱང་
ཆུབ་སེམས་དཔའ་སེམས་དཔའ་ཆེན་པོའི་བཀོད་པའི་གཙོ་བོ་ནི། བཅོམ་ལྡན་འདས་ཀྱིས་བཀའ་སྩལ་པ། ཏིང་ངེ་འཛིན་འདི་བསོད་ནམས་བགྱི་བའི་དངོས་པོའི་ཆེ་བ་ཉིད་ཀྱི་བསོད་ནམས་ཀྱི་
ཕུང་པོ་ཇི་ཙམ་མཆི་བའང་སེམས་ཅན་རྣམས་ལ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། ལེགས་སོ་ལེགས་སོ། །སྤྲིན་ཆེན་སྙིང་པོ། ཁྱོད་ལེགས་ཀྱི།
ཏིང་ངེ་འཛིན་འདིའི་རྒྱུ་ལས་བྱུང་བའི་བསོད་ནམས་བྱ་བའི་དངོས་པོ་དེ་དཔེ་ཙམ་དུ་བསྟན་པར་བྱ་སྟེ། རིགས་ཀྱི་བུ། དཔེར་ན། ཆུ་ཀླུང་ཆེན་པོ་དང༌། འབབ་ཆུ་དང༌། མཚེའུ་དང༌། མཚོ་བྲན་དང༌། ཆུ་བྲན་
༄༅། །ཐམས་ཅད་ནི། རྒྱ་མཚོ་ཆེན་པོའི་ཁོངས་སུ་གཏོགས་ཤིང་དེའི་ནང་དུ་འདུས་སོ། །སྤྲིན་ཆེན་སྙིང་པོ། དེ་བཞིན་དུ་མདོ་འདི་ལས་གཞན་པའི་མདོ་དག་གི་
བྱ་བ་གང་ཅིའང་རུང་བ་རྣམས་ནི། ཏིང་ངེ་འཛིན་འདིའི་ཁོངས་སུ་གཏོགས་ཤིང་འདིའི་ནང་དུ་འདུས་པར་བལྟ་བར་བྱའོ། །སྤྲིན་ཆེན་སྙིང་པོ། གཞན་ཡང་མདོ་འདི་ལ་མ་གཏོགས་པའི་
མདོ་དང༌། ཏིང་ངེ་འཛིན་དང༌། བསོད་ནམས་བྱ་བའི་དངོས་པོ་ཐམས་ཅད་དང༌། ཉན་ཐོས་དང་རང་སངས་རྒྱས་ཐམས་ཅད་ཀྱི་བསོད་ནམས་བྱ་བའི་དངོས་པོ་དེ་དག་ཐམས་ཅད་གཅིག་ཏུ་
བསྡུས་པ་ནི། དེ་བཞིན་གཤེགས་པ་རྟག་པ་ཉིད་ཀྱི་ཏིང་ངེ་འཛིན་འདི་ཐང་གཅིག་ཙམ་ཐོས་པའི་བྱང་ཆུབ་ཀྱི་སེམས་ཀྱི་ཁོངས་སུ་གཏོགས་ཤིང་དེའི་ནང་དུ་འདུས་པར་བལྟ་བར་བྱའོ། །
སྤྲིན་ཆེན་སྙིང་པོ། དེ་བས་ན། ཐམས་ཅད་རྟག་པ་དང༌། ཐེར་ཟུག་པ་དང༌། ཞི་བ་དང༌། བརྟན་པའི་བསོད་ནམས་འདོད་པའི་སེམས་གཟུང་བར་འདོད་པ་དང༌། བླ་ན་མེད་པ་ཡང་དག་པར་
རྫོགས་པའི་བྱང་ཆུབ་མངོན་པར་གཟུང་བར་འདོད་པའི་རིགས་ཀྱི་བུའམ། རིགས་ཀྱི་བུ་མོས་ནི། ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་ཡུལ་འདི་ལ་སེམས་
བསྐྱེད་པར་བྱའོ། །དེ་བཞིན་གཤེགས་པའི་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བའི་ཡོན་ཏན་ཡང་དག་པར་བཤད་པ་ཐོས་ན་སྐྲག་པར་མི་བྱའོ། །དེ་བཞིན་གཤེགས་པའི་
རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བ་དང༌། བསིལ་བའི་ཡོན་ཏན་ཡང་དག་པར་གཟུང་བར་བྱའོ། །གཞན་དག་ལའང་རྒྱས་པར་བསྟན་པར་བྱ་སྟེ། ཅི་ནས་བསྟན་པ་ནུབ་པར་
མི་འགྱུར་བར་བརྩོན་པར་བྱའོ། །འདི་ལྟ་སྟེ། དཔེར་ན། འགྲོ་བ་སྲོག་ཆགས་འབྱུང་པོ་གང་ཅིའང་རུང་བ་རྣམས་ཀྱི་རྗེས་སུ་བྱུང་བ་དེ་དག་ཐམས་ཅད་ནི། གླང་པོ་ཆེའི་རྗེས་ཀྱི་ནང་དུ་འདུ་
བར་འགྱུར་རོ། །དེ་བཞིན་དུ་མདོ་འདི་ལས་གཞན་པའི་ཏིང་ངེ་འཛིན་ཐམས་ཅད་དང༌། བསོད་ནམས་བྱ་བའི་དངོས་པོ་ཐམས་ཅད་ཀྱང་ཏིང་ངེ་འཛིན་འདིའི་ནང་དུ་འདུ་བར་འགྱུར་བར་རིག་
པར་བྱའོ། །སྤྲིན་ཆེན་སྙིང་པོ། གཞན་ཡང་འདི་ལྟ་སྟེ། དཔེར་ན། ལྷུན་པོ་ལ་སོགས་པའི་རིའི་རྒྱལ་པོ་རྣམས་དང༌། གཞན་ཡང་རི་ནག་པོ་རྣམས་དང༌། རྩྭ་དང༌། ཤིང་གེལ་བ་དང༌། སྨན་
དང༌། ཤིང་ཇི་སྙེད་ཡོད་པ་དང༌། ཛམྦུའི་གླིང་དང༌། གླིང་བཞི་དང་བཅས་པའི་འཇིག་རྟེན་གྱི་ཁམས་ཉི་མ་དང་ཟླ་བར་བཅས་པ་དེ་དག་ཐམས་ཅད་ནི། སྟོང་གསུམ་གྱི་སྟོང་ཆེན་པོའི་འཇིག་
རྟེན་གྱི་ཁམས་འདིའི་ནང་དུ་འདུས་པར་བལྟ་བར་བྱའོ། །སྤྲིན་ཆེན་སྙིང་པོ། དེ་བཞིན་དུ་སོ་སོའི་སྐྱེ་བོའི་བསོད་ནམས་ཀྱི་རྒྱུན་ནམ། ཉན་ཐོས་ཀྱི་བསོད་ནམས་ཀྱི་རྒྱུན་ནམ། རང་སངས་
རྒྱས་ཀྱི་བསོད་ནམས་ཀྱི་རྒྱུན་ནམ། བྱང་ཆུབ་སེམས་དཔའི་བསོད་ནམས་ཀྱི་རྒྱུན་ནམ། དེ་བཞིན་གཤེགས་པའི་བསོད་ནམས་ཀྱི་རྒྱུན་ནམ། མདོ་དང་ཏིང་ངེ་འཛིན་ཐམས་ཅད་ཀྱི་བསོད་
༄༅། །ནམས་ཀྱི་རྒྱུན་ཇི་སྙེད་ཡོད་པ་རྣམས་ནི། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔས་དེ་བཞིན་གཤེགས་པ་ནི། རྟག་པ་ཡིན་ནོ། །ཞེས་སེམས་
གཅིག་བསྐྱེད་པའི་ནང་དུ་ཆུད་ཅིང་འདུས་སོ། །འདི་ལྟ་སྟེ། དཔེར་ན། སྟོན་གྱི་དུས་ན་སྤྲིན་མེད་པའི་ནམ་མཁའ་ལས་ཉི་མ་ཤར་ན་ནམ་མཁའ་ལ་དྲི་མར་གྱུར་ཅིང་སྒྲིབ་པའི་རང་
བཞིན་ཇི་སྙེད་ཡོད་པ་དེ་དག་ཐམས་ཅད་ཟིལ་གྱིས་མནན་ནས་ལྷམ་མེ། ལྷན་ནེ། ལྷང་ངེར་འདུག་གོ །སྤྲིན་ཆེན་སྙིང་པོ། དེ་བཞིན་དུ་ཟབ་མོ་བརྟན་པའི་ཆུའི་རྒྱ་མཚོའི་དུས་
ཚོད་ཀྱི་ཏིང་ངེ་འཛིན་འདི་ལས་དེ་བཞིན་གཤེགས་པའི་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བ་དང༌། བསྟན་པ་ནུབ་པར་མི་འགྱུར་བའི་འོད་ཟེར་མཐའ་ཡས་པ་དང་
ལྡན་པའི་ཉི་མ་རྟག་པ་ཤར་བ་ན་ལྡེམ་པོ་ངག་གི་ནམ་མཁའ་ལ་ཇི་སྙེད་ཡོད་པ་ཐམས་ཅད་ཟིལ་གྱིས་མནན་ནས་ལྷམ་མེ། ལྷན་ནེ། ལྷང་ངེར་གསལ་བར་འགྱུར་རོ། །སྤྲིན་
ཆེན་སྙིང་པོ། གཞན་ཡང་འདི་ན་མི་ལ་ལ་ཞིག་རླུང་གི་རྒྱལ་པོ་བཞིའི་མཐུ་ཅན། སྟོབས་དང་ལྡན་པ། ལྷའི་བུ་ལོ་བརྒྱ་ཐུབ་པ་ཞིག་བྱུང་ལ་མི་དེའང་ཉིན་པར་ལམ་དུ་ཞུགས་ཏེ།
འཇིག་རྟེན་གྱི་ཁམས་དུ་མར་སོང་ནས་ཕྱིར་རང་གི་གནས་སུ་ལྡོག་པར་བྱེད་ཅིང་ནུབ་མོའང་ལམ་དུ་ཞུགས་ནས་འཇིག་རྟེན་གྱི་ཁམས་དུ་མ་བསྐོར་ཏེ་ཕྱིར་རང་གི་གནས་སུ་ལྡོག་
པར་བྱེད་པ་དེ་ལྟ་བུར་ཉིན་མཚན་དུ་ལམ་དུ་ཞུགས་པས་ཇི་ཙམ་དུ་ཕྱིན་པ་དེ་སྙེད་རིན་པོ་ཆེ་སྣ་བདུན་གྱིས་རང་གི་ལུས་ཀྱི་འཕང་ཙམ་དུ་གང་བར་བྱས་ནས་སྦྱིན་པ་བྱིན་ཏེ། ཐབས་དེ་དག་ལྟ་
བུར་བར་ཆད་དང༌། སྐྱོན་མ་བྱུང་བར་སྦྱིན་པ་བྱིན་ན། སྤྲིན་ཆེན་སྙིང་པོ། ཅི་དེ་གཞི་དེ་ལས་དེ་བསོད་ནམས་མང་དུ་བསྐྱེད་དམ། གསོལ་པ། བཅོམ་ལྡན་འདས། ཚད་མ་མཆིས་སོ། །བཅོམ་
ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། དེ་ལྟ་བུའི་སྦྱིན་པ་དེ་ལས་བྱུང་བའི་བསོད་ནམས་ཀྱི་ཕུང་པོ་གང་ཡིན་པ་དེ་ནི། ཏིང་ངེ་འཛིན་འདི་ལས་དེ་བཞིན་གཤེགས་པ་རྟག་པའི་
ཆེ་བ་ཉིད་ཀྱི་ཡོན་ཏན་ནུབ་པར་མི་འགྱུར་བའི་བསྟན་པ་འཁོར་བཞི་ལས་གང་ཡང་རུང་བའམ། སྤྱོད་པ་པའམ། ཀུན་ཏུ་རྒྱུའམ། གཅེར་བུ་པ་ལ་སོགས་པ་ལ་འཆད་ཅིང་སྟོན་པར་བྱེད་
དམ༑ ཡང་ན་འཕྱ་བའམ། སྟིང་བའམ། གཞན་གྱི་གཡམ་ལ་བྱ་བ་འམ། འཚོ་བའི་ཐབས་ཀྱི་རྒྱུར་བྱ་བའི་ཕྱིར་རམ། རྙེད་པ་དང༌། བཀུར་སྟི་དང༌། ཚིགས་སུ་བཅད་པ་འདོད་པའི་ཕྱིར་དེ་
བཞིན་གཤེགས་པ་རྟག་གོ །ཞེས་ཚིག་ཏུ་བརྗོད་པ་ཙམ་གྱི་བསོད་ནམས་ཀྱི་ཕུང་པོ་གང་ཡིན་པའི་བརྒྱའི་ཆར་ཡང་མི་ཕོད། སྟོང་གི་ཆར་ཡང་མི་ཕོད་པ་ནས་རྒྱུའི་བར་དུའང་མི་བཟོད་དོ། །
སྤྲིན་ཆེན་སྙིང་པོ། འདི་ལྟ་སྟེ། དཔེར་ན། སྨན་གྱི་རྒྱལ་པོ་རྩིའི་སྡོང་བུ་དེའི་རྩ་བ་ཁྱེར་རམ། ཤུན་ཕྲགས་སམ། པྲིའམ། ལོ་མ་འམ། མེ་ཏོག་གམ། འབྲས་བུའམ། མགོ་ཐོག་གམ། སྡོང་
༄༅། །བུའམ༑ ཡལ་གའམ། བུར་མའམ། རྩ་བ་དག་ཁྱེར་ཡང་རུང་སྟེ། དེ་འདི་སྙམ་དུ་བདག་གི་རྩ་བ་ཁྱེར་རོ། །བདག་གི་ཤུན་ཕྲགས་ཁྱེར་རོ། །བདག་གི་པྲི་ཁྱེར་རོ། །
བདག་གི་ལོ་མ་ཁྱེར་རོ། །བདག་གི་མེ་ཏོག་ཁྱེར་རོ། །བདག་གི་འབྲས་བུ་ཁྱེར་རོ། །བདག་གི་མགོ་ཐོག་ཁྱེར་རོ། །བདག་གི་སྡོང་བུ་ཁྱེར་རོ། །བདག་གི་ཡལ་ག་ཁྱེར་རོ། །བདག་གི་བུར་མ་ཁྱེར་
རོ༑ ༑བདག་གི་རྩ་བ་དག་ཁྱེར་རོ་སྙམ་དུ་མི་སེམས་སོ། །རྩིའི་སྡོང་བུ་ལ་རྣམ་པར་རྟོག་པ་ཡོང་མེད་དོ། །རྣམ་པར་རྟོག་པ་མེད་དུ་ཟིན་ཀྱང་སེམས་ཅན་རབ་འབྲིང་ཐ་མ་ཐམས་ཅད་ལ་འོ་མའམ།
ཞོའམ། མར་རམ། འབྲུ་མར་རམ། སྨན་ཅིའང་རུང་བདག་དང་སྦྱར་བའམ། སྨན་ཐམས་ཅད་དང་བསྲེས་པའི་ལྡེ་གུའམ། བཏུང་བའམ། ལུས་བསྐུ་བས་ནད་སེལ་བར་བྱེད་དོ། །དེ་བཞིན་
དུ་ཏིང་ངེ་འཛིན་འདི་ཉན་པའང་རྩ་བའམ། རྒྱུད་དམ། ཚིགས་སུ་བཅད་པའམ། ཚིག་གམ། ཚིག་གི་ཕྱེད་དམ། མིང་ངམ། དེ་བཞིན་གཤེགས་པ་རྟག་གོ །ཞེས་བྱ་བའི་ཡི་གེ་འབྲུ་
གཉིས་ཀྱིས་ཉན་པ་དང༌། དེ་འདི་སྙམ་དུ་བདག་གིས་རྩ་བ་ལས་ཏིང་ངེ་འཛིན་བཟུང་ངོ༌། །རྒྱུ་ལས་བཟུང་ངོ༌། །ཚིགས་སུ་བཅད་པ་ལས་བཟུང་ངོ༌། །ཚིག་ལས་བཟུང་ངོ༌། །ཚིག་ཕྱེད་ལས་
བཟུང་ངོ༌། །མིང་ལས་བཟུང་ངོ༌། །དེ་བཞིན་གཤེགས་པ་རྟག་གོ །ཞེས་བྱ་བའི་ཡི་གེ་འབྲུ་གཉིས་ལས་བཟུང་ངོ་སྙམ་དུ་སེམས་ཏེ། རྣམ་པར་རྟོག་པ་དེ་དག་མེད་དོ། །རྣམ་པར་རྟོག་པ་
མེད་དུ་ཟིན་ཀྱང་དགེ་སློང་དང༌། དགེ་སློང་མ་དང༌། དགེ་བསྙེན་དང༌། དགེ་བསྙེན་མ་ལས་གང་ཡང་རུང་བའམ། སྤྱོད་པ་བའམ། ཀུན་ཏུ་རྒྱུའམ། གཅེར་བུ་པ་ལ་སོགས་པའམ། ལུས་ཡོངས་སུ་མ་
སྦྱངས་པའམ། ཤེས་རབ་ཡོངས་སུ་མ་སྦྱངས་པའམ། སེམས་ཡོངས་སུ་མ་སྦྱངས་པའང་རུང་སྟེ། འཕྱ་བའམ། བསྟིང་བའི་ཕྱིར་རམ། རང་གི་ཁ་ནས་བྱུང་ངམ། གཞན་གྱི་གཡམ་ལས་
བྱུང་བའམ། རྙེད་པ་དང༌། བཀུར་སྟི་དང༌། ཚིགས་སུ་བཅད་པ་འདོད་པའི་ཕྱིར་ཡང་རུང་སྟེ། མཉན་ཏམ་བཟུང་ན། དེ་དག་གི་སྡིག་པ་གྲངས་མེད་པ་བྱས་པ་དང༌། ལས་དེ་དག་ལུས་འདི་ཉིད་ཀྱི་
ཚེ་བྱང་བར་འགྱུར་ལ། འདོད་ཆགས་དང༌། ཞེ་སྡང་དང༌། གཏི་མུག་གི་ཉོན་མོངས་པ་ལ་སོགས་པའི་ནད་འབྱུང་བའི་ཕྱིར་ཞུགས་པའང་མ་ཡིན་ནོ། །སྤྲིན་ཆེན་སྙིང་པོ། དཔེར་ན། ཉི་མ་ཤ་
མ་ཐག་ཏུ་ཁ་བ་དང༌། མུན་པའི་ཚོགས་ཆེན་པོ་རྨེག་མེད་པར་འགྱུར་རོ། །དེ་བཞིན་དུ་ཏིང་ངེ་འཛིན་གྱི་ཉི་མ་རྟག་པ་འདི་ཤར་མ་ཐག་ཏུ་སེམས་ཅན་ཐམས་ཅད་ཀྱི་སྡིག་པ་དང༌། ལས་ཀྱི་ཚོགས་ཀྱི་
ཁ་བ་དང༌། མུན་པ་དང༌། སྤྲིན་དང༌། སྒྲིབ་པ་རྣམས་རྨེག་མེད་པར་འགྱུར་རོ། །འཕགས་པ་སྤྲིན་ཆེན་པོའི་མདོ། བམ་པོ་དགུ་པ། སྤྲིན་ཆེན་སྙིང་པོ། གཞན་ཡང་དཔེར་ན། རླུང་ནི། ནམ་མཁའ་
ལ་ལངས་ནས་སེམས་ཅན་ཐམས་ཅད་ལ་རང་དབང་མེད་པར་སྤུ་དང༌། ལུས་ཀྱི་ཡན་ལག་ཐམས་ཅད་ཀྱི་རྩ་བའི་ནང་དུ་ཞུགས་ནས་མེའི་ཕུང་པོ་འཇིལ་བར་བྱེད་དོ། །དེ་བཞིན་དུ་འདིར་ཡང་ཏིང་ངེ་
༄༅། །འཛིན་གྱིས་དེ་བཞིན་གཤེགས་པའི་ཡོན་ཏན་རྟག་པ་ཉིད་ཀྱི་ཡོན་ཏན་གྱིས་བསྒོས་པའི་རླུང་ཉོན་མོངས་པའི་ནམ་མཁའ་ལྡང་བར་བྱེད་ཅིང༌། སེམས་ཅན་ཐམས་
ཅད་ལ་རང་དབང་མེད་པར་སྤུ་དང༌། ཡན་ལག་ཐམས་ཅད་ཀྱི་རྩ་བའི་ནང་དུ་ཞུགས་ནས་སྡིག་པ་གྲངས་མེད་པ་རྣམས་དང༌། ལས་ཀྱི་མེའི་ཕུང་པོ་རྣམས་སེལ་བར་བྱེད་དོ། །སྤྲིན་ཆེན་སྙིང་
པོ༑ གཞན་ཡང་འདི་ལ་གནས་པའི་བྱང་ཆུབ་སེམས་དཔའ་ནི། རྒྱུན་དུ་ཞུགས་པའི་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ༌། །ལན་གཅིག་ཕྱིར་འོང་བའི་འབྲས་བུའི་ཕྱིར་ཡང་ཚུལ་
ཁྲིམས་མི་སྲུང་ངོ༌། །ཕྱིར་མི་འོང་བའི་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ༌། །དགྲ་བཅོམ་པའི་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ༌། །དེ་བཞིན་གཤེགས་པའི་མཚན་མཐའ་
ཡས་པའི་ཕྱིར་ཡང་ཚུལ་ཁྲིམས་མི་སྲུང་ངོ༌། །དེ་བཞིན་གཤེགས་པའི་དཔེ་བྱད་བཟང་པོའི་ཕྱིར་ཡང་ཚུལ་ཁྲིམས་མི་སྲུང་ངོ༌། །དེ་བཞིན་གཤེགས་པའི་བསམ་གྱིས་མི་ཁྱབ་པའི་
གནས་ཀྱི་ཕྱིར་ཡང་ཚུལ་ཁྲིམས་མི་སྲུང་ངོ༌། །དེ་བཞིན་གཤེགས་པའི་དཔག་ཏུ་མེད་པ་ཉིད་ཀྱི་ཕྱིར་ཡང་ཚུལ་ཁྲིམས་མི་སྲུང་ངོ༌། །དེ་བཞིན་གཤེགས་པའི་མཚུངས་པ་མེད་པ་ཉིད་ཀྱི་ཕྱིར་ཡང་
ཚུལ་ཁྲིམས་མི་སྲུང་ངོ༌། །དེ་བཞིན་གཤེགས་པའི་མཚན་གྱི་ཕྱིར་ཡང་སེམས་གནས་པར་མི་སྒོམ་མོ། །དེ་བཞིན་གཤེགས་པའི་དཔེ་བྱད་བཟང་པོའི་ཕྱིར་ཡང་སེམས་གནས་པར་མི་སྒོམ་
མོ༑ ༑དེ་བཞིན་གཤེགས་པའི་བསམ་གྱིས་མི་ཁྱབ་པའི་གནས་ཀྱི་ཕྱིར་ཡང་སེམས་གནས་པར་མི་སྒོམ་མོ། །དེ་བཞིན་གཤེགས་པའི་དཔག་ཏུ་མེད་པའི་ཕྱིར་ཡང་སེམས་གནས་པར་མི་སྒོམ་
དེ་བཞིན་གཤེགས་པའི་མཚུངས་པ་མེད་པའི་ཕྱིར་ཡང་སེམས་གནས་པར་མི་སྒོམ་མོ། །དེ་བཞིན་གཤེགས་པའི་གྲངས་མེད་པའི་ཕྱིར་ཡང་སེམས་གནས་པར་མི་སྒོམ་མོ། །དེ་བཞིན་གཤེགས་
པའི་ཡོན་ཏན་དཔག་ཏུ་མེད་པ་དང་ལྡན་པའི་ཕྱིར་ཡང་སེམས་གནས་པར་མི་སྒོམ་མོ། །དེ་བཞིན་གཤེགས་པའི་མཚན་གྱི་ཕྱིར་ཡང་སེམས་སྐྱེད་པར་མི་འདོད་དོ། །དེ་བཞིན་གཤེགས་པའི་
དཔེ་བྱད་བཟང་པོའི་ཕྱིར་ཡང་སེམས་སྐྱེད་པར་མི་འདོད་དོ། །དེ་བཞིན་གཤེགས་པའི་བསམ་གྱིས་མི་ཁྱབ་པའི་གནས་ཀྱི་ཕྱིར་ཡང་སེམས་སྐྱེད་པར་མི་འདོད་དོ། །དེ་བཞིན་གཤེགས་
པའི་དཔག་ཏུ་མེད་པའི་ཕྱིར་ཡང་སེམས་སྐྱེད་པར་མི་འདོད་དོ། །དེ་བཞིན་གཤེགས་པའི་མཚུངས་པ་མེད་པའི་ཕྱིར་ཡང་སེམས་སྐྱེད་པར་མི་བྱེད་དོ། །དེ་བཞིན་གཤེགས་པའི་གྲངས་མེད་
པའི་ཕྱིར་ཡང་སེམས་སྐྱེད་པར་མི་བྱེད་དོ། །དེ་བཞིན་གཤེགས་པའི་ཡོན་ཏན་དཔག་ཏུ་མེད་པ་དང་ལྡན་པའི་ཕྱིར་ཡང་སེམས་སྐྱེད་པར་མི་བྱེད་དོ། །དེ་བཞིན་གཤེགས་པའི་རྣམ་པར་འཕྲུལ་
པ་དང༌། ཆོ་འཕྲུལ་གྱི་ཕྱིར་ཡང་ཚུལ་ཁྲིམས་མི་སྲུང་ངོ༌། །དེ་བཞིན་གཤེགས་པའི་མི་འཇིགས་པའི་ཕྱིར་ཡང་ཚུལ་ཁྲིམས་མི་སྲུང་ངོ༌། །དེ་བཞིན་གཤེགས་པའི་གསང་བའི་ཕྱིར་ཡང་ཚུལ་
༄༅། །ཁྲིམས་མི་སྲུང་ངོ༌། །དེ་བཞིན་གཤེགས་པའི་མཆོད་པའི་གནས་བླ་ན་མེད་པའི་ཕྱིར་ཡང་ཚུལ་ཁྲིམས་མི་སྲུང་ངོ༌། །དེ་བཞིན་གཤེགས་པའི་སྙིང་པོའི་
ཕྱིར་ཡང་ཚུལ་ཁྲིམས་མི་སྲུང་གི །སེམས་ཅན་ཐམས་ཅད་སྐྱེ་བ་དང༌། རྒ་བ་དང༌། ན་བ་དང༌། འཆི་བ་དང༌། མྱ་ངན་དང༌། སྨྲེ་སྔགས་འདོན་པ་དང༌། སྡུག་བསྔལ་བ་དང༌། ཡིད་མི་བདེ་
བ་དང༌། འཁྲུག་པ་ལས་ཐར་བར་འདོད་པའི་ཕྱིར་ཚུལ་ཁྲིམས་སྲུང་ངོ༌། །སེམས་ཅན་ཐམས་ཅད་ཀྱིས་བདེ་བ་ཐོབ་པར་འདོད་པའི་ཕྱིར་ཚུལ་ཁྲིམས་སྲུང་ངོ༌། །སེམས་ཅན་ཐམས་ཅད་
གྲུབ་པ་དང་བདེ་བར་འདོད་པའི་ཕྱིར་ཚུལ་ཁྲིམས་སྲུང་ངོ༌། །སེམས་ཅན་ཐམས་ཅད་བྱང་ཆུབ་ཀྱི་ཡོན་ཏན་ལ་དགོད་པར་འདོད་པའི་ཕྱིར་ཚུལ་ཁྲིམས་སྲུང་ངོ༌། །སེམས་ཅན་ཐམས་ཅད་
སངས་རྒྱས་སུ་སྒྲུབ་པར་འདོད་པའི་ཕྱིར་ཚུལ་ཁྲིམས་སྲུང་ངོ༌། །སེམས་ཅན་ཐམས་ཅད་ཆོས་ཀྱི་འཁོར་ལོ་བསྐོར་དུ་གཞུག་པར་འདོད་པའི་ཕྱིར་ཚུལ་ཁྲིམས་སྲུང་ངོ༌། །སེམས་ཅན་
ཐམས་ཅད་འཕགས་པའི་དགེ་འདུན་ཡོངས་སུ་སྡུད་དུ་གཞུག་པར་འདོད་པའི་ཕྱིར་ཚུལ་ཁྲིམས་སྲུང་ངོ༌། །སེམས་ཅན་ཐམས་ཅད་སངས་རྒྱས་ཀྱི་གདུང་མི་འཆད་པར་བྱ་བར་འདོད་པའི་
ཕྱིར་ཚུལ་ཁྲིམས་སྲུང་ངོ༌། །སེམས་ཅན་ཐམས་ཅད་ལ་ཆོས་ཀྱི་རྒྱུན་མི་གཅད་པར་བྱ་བར་འདོད་པའི་ཕྱིར་ཚུལ་ཁྲིམས་སྲུང་ངོ༌། །སེམས་ཅན་ཐམས་ཅད་ལ་དགེ་འདུན་གྱི་རིགས་བསྒྲུབ་
པའི་ཕྱིར་ཚུལ་ཁྲིམས་སྲུང་ངོ༌། །སེམས་ཅན་ཐམས་ཅད་ལ་ཏིང་ངེ་འཛིན་དང༌། ཤེས་རབ་དང༌། རྣམ་པར་གྲོལ་བ་བསྒྲུབ་པའི་ཕྱིར་ཚུལ་ཁྲིམས་སྲུང་ངོ༌། །སེམས་ཅན་ཐམས་ཅད་ཀྱི་ཚུལ་ཁྲིམས་
མ་ཉམས་པ་དང༌། སྐྱོན་མེད་པ་དང༌། མ་འདྲེས་པ་དང༌། མ་འཁྲུགས་པར་འདོད་པའི་ཕྱིར་ཚུལ་ཁྲིམས་སྲུང་ངོ༌། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་
སྙིང་པོས་འདི་སྐད་ཅེས་གསོལ་ཏོ། །འདི་ལ་གནས་པའི་བྱང་ཆུབ་སེམས་དཔའ་ནི། དེ་བཞིན་གཤེགས་པའི་མཚན་གྱི་སླད་དུ་ཚུལ་ཁྲིམས་མི་སྲུང་ངོ༌། །ཞེས་བཅོམ་ལྡན་འདས་དེ་བཞིན་
གཤེགས་པས་ཅི་ལ་དགོངས་ཏེ་དེ་སྐད་གསུངས། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། འདི་ལ་གནས་པའི་བྱང་ཆུབ་སེམས་དཔའ་ལ་སངས་རྒྱས་ཀྱི་ཡོན་ཏན་སྒྲུབ་
པ་དེ་དག་ཐམས་ཅད་ཡོད་པའི་ཕྱིར་རོ། །དེ་ཅིའི་ཕྱིར་ཞེ་ན། ཏིང་ངེ་འཛིན་འདི་ནི། སངས་རྒྱས་ཀྱི་ཡོན་ཏན་ཐམས་ཅད་ཀྱི་འབྱུང་གནས་ཡིན་པའི་ཕྱིར་རོ། །སྤྲིན་ཆེན་སྙིང་པོ། དཔེར་ན། ནོར་བུ་རིན་
པོ་ཆེ་བཻ་ཌཱུཪྻ་དུ་མ་དང༌། ནོར་ཐམས་ཅད་ཀྱི་བདག་པོར་གྱུར་པ་དེས་བདག་ཉིད་ལ་ཡོད་བཞིན་དུ་བཻ་ཌཱུཪྻའི་ཕྱིར་འདོད་པའི་སེམས་དང༌། ཐེ་ཚོམ་སྐྱེད་པར་འགྱུར་རམ། གསོལ་པ། བཅོམ་ལྡན་འདས།
དེ་ནི༑ མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འདི་ལ་གནས་པའི་བྱང་ཆུབ་སེམས་དཔའི་བདག་ཉིད་ལ་ཡོད་བཞིན་དུ་མཚན་གྱི་ཕྱིར་འདོད་པའི་སེམས་སྐྱེད་པ་དེ་ནི། གནས་
༄༅། །མེད་དོ༑ ༑སྤྲིན་ཆེན་སྙིང་པོ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི། བསམ་གྱིས་མི་ཁྱབ་པའི་ཡུལ་དང༌། ཡོན་ཏན་ཐམས་ཅད་དང་
ལྡན་པར་རིག་པར་བྱའོ། །གསོལ་པ། བཅོམ་ལྡན་འདས། ཅི་བགྱི་བ་མཐར་ཕྱིན་པ་དང་ལྡན་པ་ལགས་པར་རིག་པར་བགྱིའམ། བཀའ་སྩལ་པ། སྤྲིན་ཆེན་སྙིང་པོ། དེ་སྐད་མ་
ཟེར་ཅིག །འདི་ལ་གནས་པའི་བྱང་ཆུབ་སེམས་དཔའ་ནི། གང་གི་ཚེ་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་
པར་བྱས་པ་ན་བྱ་བ་མཐར་ཕྱིན་པར་འགྱུར་ཏེ། དེའི་ཚེ་འདི་ལ་གནས་པའི་བྱང་ཆུབ་སེམས་དཔའི་བྱ་བ་ཐམས་ཅད་མཐར་ཕྱིན་པར་འགྱུར་རོ། །གསོལ་པ། བཅོམ་ལྡན་འདས།
གང་དག་ཏིང་ངེ་འཛིན་འདིའི་ཡུལ་བཤད་པ་ཐོས་ནས་སྤོང་བར་མི་བགྱིད་པ་ནི། ཀྱེ་མ་ངོ་མཚར་ཏེ། སེམས་ཅན་དེ་དག་ནི། མྱ་ངན་དུ་བགྱི་མི་འཚལ་བ་ལགས་སོ། །བཀའ་སྩལ་པ།
སྤྲིན་ཆེན་སྙིང་པོ། དེ་དེ་བཞིན་ཏེ། མ་འོངས་པའི་དུས་ན་ཏིང་ངེ་འཛིན་བསྟན་པ་འདི་བཤད་པ་ན་གང་དག་སྤོང་བར་མི་བྱེད་པའི་སེམས་ཅན་ད་དག་ལ་ནི། མྱ་ངན་བྱ་མི་དགོས་སོ། །
འདི་ལྟ་སྟེ། དཔེར་ན། རྒྱལ་པོའི་བུ་རིགས་ཆེ་ཞིང་སྟོབས་དང་ལྡན་ལ་འཁོར་སྙིང་ཉེ་བ་དང༌། ཚུལ་དུ་བསྲུང་བར་བྱ་བ་དང༌། ཡོན་ཏན་དང་ལྡན་ཞིང་རྒྱལ་པོ་ཆེན་པོར་དབང་བསྐུར་བའི་
དུས་ལ་བབ་པ་ནི། གནས་དམའ་བའི་ལས་ལ་འདོད་པའི་སེམས་མི་སྐྱེད་དེ། རྒྱ་ཆེན་པོའི་རྒྱལ་སྲིད་ཀྱི་གནས་ལ་སེམས་སོ། །དེ་བཞིན་དུ་ཏིང་ངེ་འཛིན་བསྟན་པ་འདི་བཤད་པ་ཐོས་ན་སྤོང་བར་
མི་བྱེད་ཅིང་ཁ་ཏོན་དུ་བྱེད་པ་དག་ནི། ཆོས་ཀྱི་ཡོན་ཏན་ཐམས་ཅད་དང་ལྡན་ཞིང་བྱང་ཆུབ་ཆེན་པོར་དབང་བསྐུར་བའི་འོས་ཡིན་ཏེ། ཏིང་ངེ་འཛིན་འདི་ཐོས་ནས་ཏིང་ངེ་འཛིན་གྱི་མཆོག་འདི་ལས་
གཞན་པ་གནས་དམའ་བ་ལ་འདོད་པའི་སེམས་མི་སྐྱེད་དེ། དེ་ནི། གནས་མེད་དོ། །ཏིང་ངེ་འཛིན་རྒྱ་ཆེན་པོའི་གནས་འདིའང་རྐྱེན་དུ་བབ་པ་ཡིན་ནོ། །སྤྲིན་ཆེན་སྙིང་པོ། གཞན་ཡང་དཔེར་ན།
གདོལ་བ་ཟོལ་བ་ནི། མཆོད་པ་ཆེན་པོས་དབང་བསྐུར་བའི་འོས་མ་ཡིན་ནོ། །དེ་བཞིན་དུ་གདོལ་བ་ཟོལ་བ་དང་འདྲ་བའི་སེམས་ཅན་དག་ཀྱང་ཏིང་ངེ་འཛིན་གྱི་རྒྱལ་པོ་འདིའི་དབང་བསྐུར་བའི་འོས་སུ་
མི་འགྱུར་རོ། །དེ་ཅིའི་ཕྱིར་ཞེ་ན། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་རྣམས་ནི། སངས་རྒྱས་མང་པོ་ལ་བསྙེན་བཀུར་བྱས་པ་ཡིན་པར་རིག་པར་བྱ་བའི་ཕྱིར་རོ། །སྤྲིན་ཆེན་སྙིང་པོ།
གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་ཡུལ་ལ་ལྟོས། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། དེ་བཞིན་གཤེགས་པའི་ཡོན་
ཏན་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བ་བསྟན་པར་བྱ་བའི་ཕྱིར་ཏིང་ངེ་འཛིན་འདི་མི་ཤེས་པའི་སེམས་ཅན་རྣམས་ལ་ཁོང་དུ་ཆུད་པར་བྱའོ་སྙམ་ནས་སེམས་ཅན་གང་དག་གང་ལ་
༄༅། །ཅི་དང་ཅིས་དོན་དུ་འགྱུར་བ་དེ་དང་དེ་དག་ལ་དེ་དང་དེ་སྦྱིན་པར་བྱའོ་སྙམ་དུ་དམ་བཅས་ནས་སྨོན་ལམ་གྱི་ཕྱིར་ཚུལ་ཁྲིམས་སྲུང་སྟེ། ལག་པ་འདོད་པ་རྣམས་
ལ་ནི༑ ལག་པ་སྦྱིན་ནོ། །རྐང་པ་འདོད་པ་རྣམས་ལ་ནི། རྐང་པ་ལ་སྦྱིན་ནོ། །མིག་འདོད་པ་རྣམས་ལ་ནི། མིག་སྦྱིན་ནོ། །ཤ་འདོད་པ་རྣམས་ལ་ནི། ཤ་སྦྱིན་ནོ། །ཁྲག་འདོད་པ་རྣམས་
ལ་ནི༑ ཁྲག་སྦྱིན་ནོ། །རྐང་འདོད་པ་རྣམས་ལ་ནི། རྐང་སྦྱིན་ནོ། །ཡན་ལག་རེ་རེ་ནས་འདོད་པ་རྣམས་ལ་ཡན་ལག་རེ་རེ་ནས་སྦྱིན་ནོ། །བྲན་ཕོ་དང༌། བྲན་མོ་འདོད་པ་རྣམས་ལའང་བྲན་
དུ་འགྲོ་བར་བྱ་ན། ནོར་རམ་འབྲུ་རྣམས་ཡོངས་སུ་གཏང་བ་ལྟ་ཅི་སྨོས་ཏེ། དེ་ལྟར་གྱུར་ཅིག་ཅེས་དེའི་ཕྱིར་ཚུལ་ཁྲིམས་སྲུང་ངོ༌། །གཞན་ཡང་འཇིག་རྟེན་དང་མཐུན་པའི་བྱ་བ་དུ་མ་
དག་གིས་སེམས་ཅན་གང་དང་གང་ལ་ཅི་ངང་ཅིས་དོན་དུ་འགྱུར་བ་དེ་དང་དེ་ལ་དེ་དང་དེ་སྦྱིན་པར་བྱའོ། །མི་དགའ་བ་མེད་པར་ཡོངས་སུ་གཏང་བར་བྱའོ། །ཕྱིས་འགྱོད་པ་མེད་པར་སྦྱིན་པར་
བྱའོ༑ །རྣམ་པར་སྨིན་པ་ལ་རེ་བ་མེད་པར་སྦྱིན་པར་བྱའོ། །སེམས་ཅན་ལ་ཕན་གདགས་པ་དང༌། སེམས་ཅན་ལ་སྙིང་བརྩེ་བ་དང༌། དེ་བཞིན་གཤེགས་པའི་རྟག་པ་ཉིད་བསྟན་པའི་ཕྱིར་
སྦྱིན་པའི་ཕ་རོལ་ཏུ་ཕྱིན་པ་སྤྱད་དེ། སེམས་ཅན་ཐམས་ཅད་ལ་བསྡུས་ནས་དེ་བཞིན་གཤེགས་པའི་རྟག་པ་ཉིད་ཁོང་དུ་ཆུད་པར་བྱའོ་སྙམ་མོ། །སྤྲིན་ཆེན་སྙིང་པོ། གཞན་ཡང་ཏིང་ངེ་
འཛིན་འདི་ལ་གནས་པའི་བྱང་ཆུབ་སེམས་དཔའ་ནི། སེམས་ཅན་ཐམས་ཅད་ལ་དེ་བཞིན་གཤེགས་པའི་རྟག་པ་ཉིད་ཡང་དག་པར་ཁོང་དུ་ཆུད་པར་བྱེད་དོ། །དེ་ཅིའི་ཕྱིར་ཞེ་ན། དེ་འདི་
སྙམ་དུ་གཞན་གྱི་དོན་གྱི་ཕྱིར་ལག་པའམ། རྐང་པའམ། བྲན་ཕོ་དང༌། བྲན་མོའང་རུང་སྟེ། སེམས་ཅན་གང་དང་གང་ལ་ཅི་དང་ཅིས་དོན་དུ་འགྱུར་བ་དེ་དང་དེ་སྦྱིན་པར་བྱ་སྟེ། བདག་གི་ལུས་
དོན་མེད་པར་མི་འགྱུར་བར་སེམས་ཅན་རྣམས་ཀྱི་ལོངས་སྤྱོད་ཀྱི་རྒྱུར་གྱུར་ཅིག་ཅེས་སེམས་སྐྱེད་པར་བྱེད་དོ། །གསོལ་པ། བཅོམ་ལྡན་འདས་ཀྱིས་མདོའི་གཞུང་ལུགས་གཞན་དག་
ལས་དགེ་སློང་དག །མིའི་ལུས་ནི། ཤག་ཤིག་ཏུ་གྱུར་པ་ལྟ་བུ་རྣག་ཅན་གྱི་ལུས་ཡིན་ཏེ། རྫ་མཁན་གྱི་ཕུབ་མ་མི་གཅེས་པ་བོར་བཞིན་དུ་དགོས་པའི་དོན་དག་ལ་དོན་དུ་འགྱུར་བ་
མེད་དོ༑ ༑ཞེས་བཀའ་སྩལ་ན། འདི་ལ་གནས་པའི་བྱང་ཆུབ་སེམས་དཔས་བདག་གི་ལུས་དོན་མེད་པར་མ་གྱུར་ཅིག་ཅེས་ལུས་ཡོངས་སུ་གཏོང་ངོ༌། །ཞེས་བགྱི་བ་བཅོམ་ལྡན་འདས་ཀྱིས་ཅི་
ལ་དགོངས་ཏེ་དེ་སྐད་གསུངས། བཀའ་སྩལ་པ། སྤྲིན་ཆེན་སྙིང་པོ། དེ་ལྟར་མ་ལྟ་ཞིག། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་ལུས་ནི་།ཆོས་ཀྱི་ལུས་སོ། །དེ་ཅིའི་ཕྱིར་ཞེ་
ན། འདི་ལ་གནས་པའི་བྱང་ཆུབ་སེམས་དཔའི་ལུས་ནི། རུས་པ་དང༌། ཤ་དང༌། ཁྲག་འདུས་པ་མ་ཡིན་ཏེ། ཆོས་ཀྱི་དབྱིངས་ཡིན་པས་ན། ཆོས་ཀྱི་ལུས་ཡིན་གྱི། ཤའི་ལུས་མ་ཡིན་
༄༅། །ནོ༑ ༑ཞེས་འདུ་ཤེས་བསྐྱེད་པར་བྱའོ། །གསོལ་པ། བཅོམ་ལྡན་འདས། དེ་བཞིན་གཤེགས་པས་ཅི་ལ་དགོངས་ཏེ་ཆོས་ཀྱི་ལུས་ཡིན་གྱི། ཤའི་ལུས་མ་ཡིན་ནོ།།
ཞེས་དེ་སྐད་བསྟན་པ་མཛད། གལ་ཏེ་ཆོས་ཀྱི་ལུས་ལགས་ན་ནི། སེམས་ཅན་རྣམས་ལའང་དགོས་པར་མི་འགྱུར་རོ། །དེ་ཅིའི་སླད་དུ་ཞེ་ན། གཞུང་ལུགས་གཞན་དག་ལས་བཅོམ་ལྡན་འདས་
ཀྱིས་ནམ་མཁའ་བྱེ་རྗེས་ནི། ཤིན་ཏུ་བསྒྲིམས་ཏེ་བཅལ་ཀྱང་རྙེད་པར་མི་འགྱུར་རོ། །ཞེས་བཀའ་སྩལ་ཏོ། །དེ་ལྟ་ལགས་པས་གལ་ཏ་འདི་ལ་གནས་པའི་བྱང་ཆུབ་སེམས་དཔའི་ལུས་དེ་འདྲ་
བ་ཞིག་ཏུ་གྱུར་ན། དེ་ལྟ་བུའི་མཚན་ཉིད་ཀྱི་ཆོས་ཀྱི་ལུས་ལ་ནི། སེམས་ཅན་ཐམས་ཅད་ཀྱིས་ཀྱང་ནམ་མཁའི་བྱའི་རྗེས་བཞིན་དུ་གཞོམ་པའམ་དབྱེ་བར་མི་ནུས་སོ། །བཀའ་སྩལ་པ། སྤྲིན་
ཆེན་སྙིང་པོ། དེ་སྐད་མ་ཟེར་ཅིག། འདི་ལ་གནས་པའི་བྱང་ཆུབ་སེམས་དཔའི་ལུས་སེམས་ཅན་རྣམས་ལ་དགོས་པ་དེ་ནི། བྱིན་གྱིས་བརླབས་པའི་ལུས་ཡིན་པར་ངེས་པར་རིག་པར་བྱའོ། །
གསོལ་པ། བཅོམ་ལྡན་འདས། དེ་བཞིན་གཤེགས་པས་ཅི་ལས་དགོངས་ཏེ་བྱིན་གྱིས་བརླབས་པའི་ལུས་ཡིན་ནོ། །ཞེས་གསུངས། གལ་ཏེ་བྱིན་གྱིས་བརླབས་པའི་ལུས་ལགས་ན་
ནི༑ སེམས་ཅན་རྣམས་ལ་སྩལ་པ་ན་ཡང་འདི་ལྟར་ཆོས་ཀྱི་ལུས་སུ་བཞག་པས་དེར་འགལ་བ་ཆེན་པོར་འགྱུར་རོ། །ཀྱེ་མ་འདི་ལ་གནས་པའི་བྱང་ཆུབ་སེམས་དཔའ་ནི། ཤའི་ལུས་སེམས་
ཅན་རྣམས་ལ་སྩོལ་བར་བགྱིད་དོ། །ཞེས་གདའ་བས་ན། ཤོ་བེ་ལགས་སོ། །ཞེས་མཆི་བར་འགྱུར་རོ། །བཀའ་སྩལ་པ། སྤྲིན་ཆེན་སྙིང་པོ། དེ་སྐད་མ་ཟེར་ཅིག། འདི་ལ་གནས་པའི་བྱང་ཆུབ་
སེམས་དཔའི་ལུས་བྱིན་གྱིས་བརླབས་པ་གང་ཡིན་པ་དེ་ནི། སྒྱུ་མ་མཁན་གྱིས་སྤྲུལ་པའི་ལུས་བཞིན་དུ་བལྟ་བར་བྱའོ། །གསོལ་པ། བཅོམ་ལྡན་འདས། དེ་བཞིན་གཤེགས་པས་ཅི་ལ་དགོས་[?]
ཏེ་ཕྱིན་ཅི་ལོག་གི་འདུ་ཤེས་དང༌། ཕྱིན་ཅི་མ་ལོག་པའི་འདུ་ཤེས་དང༌། ཉོན་མོངས་པ་ཅན་གྱི་ཆོས་དང༌། ཉོན་མོངས་པ་ཅན་མ་ཡིན་པའི་ཆོས་ཞེས་ཡང་དང་ཡང་དུ་དེ་སྐད་གསུང༌། བཀའ་
སྩལ་པ༑ སྤྲིན་ཆེན་སྙིང་པོ། དེ་ལྟར་རྣམ་པ་གཞན་དུ་མ་སེམས་ཤིག །འདི་ལ་གནས་པའི་བྱང་ཆུབ་སེམས་དཔའི་ལུས་ཀྱི་བྱིན་གྱིས་བརླབས་པ་གང་ཡིན་པ་དེ་དག་ནི། རྩིའི་སྡོང་བུ་ལྟ་
བུའི་ལུས་ཡིན་ནོ། །འདི་ལ་གནས་པའི་བྱང་ཆུབ་སེམས་དཔའ་ནི། རྩྭ་དང༌། རྩིག་པ་དང༌། ཤིང་དང༌། བོང་བ་དང༌། མིག་ཡོར་ལྟ་བུར་བསྒོམས་ཏེ། ཀྱེ་མ་བདག་གི་ལུས་ནི། སྤྱོད་པ་མེ་
ཅིང་བྱེད་པ་མེད་པ་སྟེ། སེམས་མེད་པ་ཅན། སྙིང་པོ་མེད་པའི་ལུས། ཁམས་སུ་མ་གཏོགས་པ་སྟེ། ཅི་སྟེ་འདི་ལ་ལ་ཞིག་གཅོད་པར་བྱད་དམ། འབྱེད་པར་བྱེད་དམ། འཕྲོག་པར་བྱེད་
དམ༑ རྐུ་བར་བྱེད་ཀྱང་རུང་སྟེ། བདག་གི་ལུས་རྩིའི་སྡོང་བུ་ལྟར་དོན་མེད་པར་མ་གྱུར་ཅིག་ཅེས་སྒོམ་པར་བྱེད་དོ། །དེ་ཅིའི་ཕྱིར་ཞེ་ན། ཆོས་ཀྱི་ལུས་སུ་བཞག་པའི་ཕྱིར་རོ། །སྤྲིན་ཆེན་སྙིང་པོ།
༄༅། །གཞན་ཡང་དཔེར་ན། རྩིའི་སྡོང་བུ་དེའི་རྩ་བ་ཁྱེར་ན་ཡང་འདི་སྙམ་དུ་བདག་གི་རྩ་བ་ཁྱེར་རོ་སྙམ་དུ་མི་སེམས་སོ། །ཤུན་ལྤགས་སམ། བྲིའམ། ལོ་མའམ།
མེ་ཏོག་གམ། འབྲས་བུའམ། མགོ་ཐོག་གམ། སྡོང་བུའམ། ཡལ་གའམ། བུར་མའམ། རྩ་བ་དག་ཁྱེར་ཡང་རུང་སྟེ། དེ་འདི་སྙམ་དུ་བདག་གི་ཤུན་ལྤགས་ཁྱེར་རོ། །བདག་གི་
བྲི་ཁྱེར་རོ། །བདག་གི་ལོ་མ་ཁྱེར་རོ་སྙམ་དུ་སེམས་སོ། །དེ་བཞིན་དུ་འདི་ལ་གནས་པའི་བྱང་ཆུབ་སེམས་དཔའི་ལུས་རྩིའི་སྡོང་བུ་ལས་ལག་པ་ཁྱེར་རམ། རྐང་པ་ཁྱེར་རམ། མིག་
ཁྱེར་རམ། ཤ་ཁྱེར་རམ། ཁྲག་ཁྱེར་རམ། རྐང་ཁྱེར་རམ། ཡན་ལག་རེ་རེ་ནས་ཁྱེར་རམ། བྲན་ཕོ་དང༌། བྲན་མོ་ཁྱེར་རམ། ནོར་རམ། འབྲུ་ཁྱེར་ཡང་དེ་འདི་སྙམ་
དུ་བདག་གི་ལག་པ་ཁྱེར་རོ། །བདག་གི་རྐང་པ་ཁྱེར་རོ། །བདག་གི་མིག་ཁྱེར་རོ། །བདག་གི་ཤ་ཁྱེར་རོ། །བདག་གི་ཁྲག་ཁྱེར་རོ། །བདག་གི་རྐང་ཁྱེར་རོ། །བདག་གི་ཡན་ལག་རེ་རེ་
ནས་ཁྱེར་རོ། །བདག་གི་བྲན་ཕོ་དང༌། བྲན་མོ་ཁྱེར་རོ། །བདག་གི་ནོར་དང་འབྲུ་ཁྱེར་རོ། །སྙམ་དུ་མི་སེམས་ཏེ། དེ་ནི་སེམས་ཅན་ཐམས་ཅད་ཀྱི་འདོད་ཆགས་དང༌། ཞེ་སྡང་དང༌།
གཏི་མུག་གི་ནད་བསལ་བའི་ཕྱིར་ཞུགས་པ་ཡིན་ནོ། །འདི་ལ་གནས་པའི་བྱང་ཆུབ་སེམས་དཔའི་ལུས་ནི་ཕལ་པ་ཐ་མའི་ལུས་མ་ཡིན་གྱི། བྱིན་གྱིས་བརླབས་པའི་ལུས་
དང༌། བདུད་རྩིའི་ལུས་ཡིན་པར་རིག་པར་བྱའོ། །སྤྲིན་ཆེན་སྙིང་པོ། གཞན་ཡང་འདི་ལ་གནས་པའི་བྱང་ཆུབ་སེམས་དཔའ་ནི་གང་གི་ཚེ་བྱིན་གྱིས་བརླབས་པའི་ལུས་ཟད་པར་བྱེད་པ་དེའི་
ཚེ་བྱ་རྒོད་དང༌། ཆུན་ལག་ལ་སོགས་པ་སྲོག་ཆགས་རྣམས་ཀྱི་དེའི་རོ་རྩིའི་སྡོང་བུ་བཞིན་དུ་ཟས་སུ་ཟ་བར་འགྱུར་ལ། སེམས་ཅན་དེ་དག་ཐམས་ཅད་ཀྱང་ངན་སོང་དུ་འགྲོ་བར་འགྱུར་བ་དེ་ནི་
གནས་མེད་དེ། ལྷ་དང་མིའི་ནང་དུ་སྐྱེ་ཞིང་སངས་རྒྱས་མང་པོ་མཉེས་པར་བྱེད་པར་འགྱུར་རོ། །སྤྲིན་ཆེན་སྙིང་པོ། གཞན་ཡང་ཏིང་ངེ་འཛིན་འདི་མྱུར་དུ་རྟོགས་པར་འདོད་པའི་དགེ་སློང་ངམ།
དགེ་སློང་མའམ། དགེ་བསྙེན་ནམ། དགེ་བསྙེན་མས་ནི་འདི་ལྟར་སེམས་བསྐྱེད་པར་བྱ་སྟེ། དེ་བཞིན་གཤེགས་པ་ནི་རྟག་པ་དང༌། ཐེར་ཟུག་དང༌། ཞི་བ་དང༌། བརྟན་པ་དང༌། དམ་པའི་ཆོས་
ཀྱི་མདོ་ནུབ་པར་མི་འགྱུར་བར་བྱ་བའི་ཕྱིར་སེམས་ཅན་གང་དང་གང་ལ་ཅི་དང་ཅིས་དོན་དུ་འགྱུར་བ་དེ་དང་དེ་ལ་དེ་དང་དེ་སྦྱིན་པར་བྱའོ་སྙམ་སྟེ། ལག་པ་འདོད་པ་རྣམས་ལ་ནི་ལག་པ་སྦྱིན་ནོ། །
རྐང་པ་འདོད་པ་རྣམས་ལ་ནི་རྐང་པ་སྦྱིན་ནོ། །མིག་འདོད་པ་རྣམས་ལ་ནི་མིག་སྦྱིན་ནོ། །ཤ་འདོད་པ་རྣམས་ལ་ནི་ཤ་སྦྱིན་ནོ། །ཁྲག་འདོད་པ་རྣམས་ལ་ནི་ཁྲག་སྦྱིན་ནོ། །རྐང་འདོད་
པ་རྣམས་ལ་ནི་རྐང་སྦྱིན་ནོ། །ཡན་ལག་རེ་རེ་ནས་འདོད་པ་རྣམས་ལའང་ཡན་ལག་རེ་རེ་སྦྱིན་ནོ། །བྲན་འདོད་པ་རྣམས་ལའང་བྲན་དུ་འགྲོ་བར་བྱའོ། །དམ་པའི་ཆོས་བསྟན་པ་དང༌། བཤད་པའི་
༄༅། །ཕྱིར་ཡང་བདག་གི་ལག་པ་ཁྱེར་བར་གྱུར་ཅིག །བདག་གི་རྐང་པ་ཁྱེར་བར་གྱུར་ཅིག །དེ་བཞིན་དུ་སྣ་དང༌། རྣ་བ་དང༌། ཡན་ལག་སོ་སོ་རྣམས་དང༌། དེའི་འོག་ཏུ་བདག་
གི་སྲོག་ཀྱང་ཡོངས་སུ་གཏོང་བར་གྱུར་ཅིག་ཅེས་སེམས་བསྐྱེད་པར་བྱ་སྟེ། བདག་ཉིད་རྩིའི་སྡོང་བུ་བཞིན་དུ་རྟག་ཏུ་སེམས་བསྐྱེད་པར་བྱ་ཞིང་ཇི་སྲིད་འཚོའི་བར་དུའང་སེམས་བསྐྱེད་པར་བྱས་ན།
སེ་གོ་ལ་གཏོགས་པ་ཙམ་དུ་སེམས་བསྐྱེད་པར་བྱ་བ་ལྟ་ཅི་སྨོས། སྤྲིན་ཆེན་སྙིང་པོ། གཞན་ཡང་དཔེར་ན། རྟའི་རྒྱལ་པོ་རྡོག་ཁྱེར་དང་ལྡན་པ་སྤྲིན་གྱི་ཤུགས་ཅན་ནི། གྲུ་ཞིག་པའི་མི་
རྣམས་ཀྱི་ཕྱིར་བརྟེན་པའི་སེམས་ཀྱིས་ཆས་ཏེ་རི་མ་ལ་ཡའི་དབུས་སུ་འདུག་ནས་སྒྲ་ཆེན་པོ་བསྒྲགས་ཏེ། གང་དག་ངའི་རྒྱབ་བམ། འཕོངས་སམ། བྱ་ལའམ། ཐ་ན་སྤུའི་ཉག་མ་ཙམ་
ལ་འཇུ་བའི་སེམས་ཅན་གང་ཡིན་པ་དེ་དག་ཐམས་ཅད་བསྒྲལ་བར་བྱའོ། །ཞེས་ཟེར་བ་དེ་བཞིན་དུ་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི། དགེ་སློང་ངམ། དགེ་སློང་
མའམ། དགེ་བསྙེན་ནམ། དགེ་བསྙེན་མ་གང་དག་སྤྱོད་པ་ཅན་དང༌། ཀུན་ཏུ་རྒྱུ་དང༌། སེམས་ཅན་གཞན་དག་ལ་འཕྱ་བའི་ཕྱིར་རམ། བསྟིང་བའི་ཕྱིར་ཏིང་ངེ་འཛིན་འདི་ལས་དེ་བཞིན་
གཤགས་པ་རྟག་པ་དང༌། ཐེར་ཟུག་པ་དང༌། ཞི་བ་དང༌། བརྟན་པ་དང༌། ཟབ་པའི་ཚིག་གི་དོན་ནམ། ཚིགས་སུ་བཅད་པའམ། ཐ་ན་ཚིག་གི་ཕྱེད་ཀྱང་རུང་སྟེ། རྣ་ལམ་དུ་ཐོས་པར་
བྱེད་པ་དག་དང༌། གང་དག་འཆང་བའང་རུང་བའི་སེམས་ཅན་གྲུ་ཞིག་པར་གྱུར་པ་དང་འདྲ་བ་དེ་དག་ངན་སོང་ངན་འགྲོ་ལོག་པར་ལྟུང་བའི་དྲ་བ་ལས་གྲོལ་བར་བྱེད་དོ། །སྤྲིན་ཆེན་སྙིང་པོ།
གཞན་ཡང་ཏིང་ངེ་འཛིན་འདི་རྣ་ལམ་དུ་གྲགས་པ་ཙམ་གྱིས་དེ་དག་མིའི་དབང་པོའི་ཕུན་སུམ་ཚོགས་པ་ལས་ཉམས་པར་མི་འགྱུར་རོ། །ལྷའི་དབང་པོའི་ཕུན་སུམ་ཚོགས་པ་ལས་ཉམས་
པར་མི་འགྱུར་རོ། །ཚངས་པའི་དབང་པོའི་ཕུན་སུམ་ཚོགས་པ་ལས་ཉམས་པར་མི་འགྱུར་རོ། །སངས་རྒྱས་འབྱུང་བའི་ཕུན་སུམ་ཚོགས་པ་ལས་ཉམས་པར་མི་འགྱུར་རོ། །མདོ་འདིའི་
ཏིང་ངེ་འཛིན་གྱི་ཕུན་སུམ་ཚོགས་པ་ལས་ཉམས་པར་མི་འགྱུར་རོ། །གསོལ་པ། བཅོམ་ལྡན་འདས། ཇི་ལྟར་ན། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ཤིན་ཏུ་
ཡང་དག་པའི་ལྟ་བ་ཅན་ལགས། བཀའ་སྩལ་པ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་དེ་ཁོ་ན་དང༌། རྟག་པ་དང༌། བདག་དང༌།
སེམས་ཅན་དུ་འདུ་ཤེས་པ་ཡང་དག་པར་མཐོང་བ་དག་ནི། ཤིན་ཏུ་ཡང་དག་པའི་ལྟ་བ་ཅན་ཡིན་ཞེས་ང་སྨྲའོ། །གསོལ་པ། བཅོམ་ལྡན་འདས། དེ་བཞིན་གཤེགས་པས་ཅི་ལ་དགོངས་
ཏེ་འཇིག་རྟེན་པའི་འདུ་ཤེས་རྫུན་པ་རྣམས་རྫོགས་པར་བཤད་ཅིང་དེ་སྐད་བཀའ་སྩལ། བཀའ་སྩལ་པ། སྤྲིན་ཆེན་སྙིང་པོ། དེ་ཁོ་ན་དང༌། རྟག་པ་དང༌། བདག་དང༌། སེམས་ཅན་དུ་འདུ་
༄༅། །ཤེས་པ་ཞེས་བྱ་བ་ནི། ཐར་པའི་དོན་གྱི་ཚིག་བླ་དྭགས་སོ། །དེ་བཞིན་གཤེགས་པ་ཐམས་ཅད་རྟག་པ་དང༌། ཐེར་ཟུག་པ་དང༌། ཞི་བ་དང༌། བརྟན་པ་
ཞེས་བྱ་བ་ནི། དམ་པའི་ཆོས་ནུབ་པར་མི་འགྱུར་བའི་ཚིག་བླ་དྭགས་སོ། །གསོལ་པ། བཅོམ་ལྡན་འདས་ཀྱིས་ཅི་ལ་དགོངས་ཏེ་བྱིས་པ་བཞིན་དུ་དེ་ཁོ་ན་དང༌། རྟག་པ་དང༌། བདག་དང་
སེམས་ཅན་དུ་འདུ་ཤེས་བསྐྱེད་པར་བྱའོ། །ཞེས་གསུང༌། བཀའ་སྩལ་པ། སྤྲིན་ཆེན་སྙིང་པོ། དར་གྱི་སྲིན་བུ་བཞིན་དུ་བདག་ཉིད་མ་དཀྲི་ཞིག །ཏིང་ངེ་འཛིན་འདི་ལ་གནས་པའི་བྱང་ཆུབ་
སེམས་དཔའ་སེམས་དཔའ་ཆེན་པོའི་རང་བཞིན་ནི། དེ་ཡིན་ནོ། །གསོལ་པ། བཅོམ་ལྡན་འདས་ཀྱིས་དེ་སྙེད་ཅིག་མཛད་དེ། ཟློས་བུ་དང་འདྲེན་མར་དེ་ལྟར་བཀའ་སྩལ་ཏེ་ཅི་བགྱི། བདག་
མེད་པའི་ཆོས་ཉིད་ཐུགས་སུ་ཆུད་བཞིན་པ་ལམ་དྲང་པོ་དང་མི་མཐུན་པ། རྟག་པ་དང༌། བདག་དང༌། སེམས་ཅན་དུ་འདུ་ཤེས་ཅིའི་སླད་དུ་སྐྱེད་དུ་སྩལ། བཅོམ་ལྡན་འདས་ཀྱིས་དགེ་སློང་དག །
ཐར་པ་ནི། ནམ་མཁའི་མཚན་ཉིད་དེ། དེའང་མཚན་ཉིད་མེད་པའོ། །གདགས་པར་བྱ་བའི་ཐབས་ཀྱང་མེད་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
ཐམས་ཅད་ཀྱང་དེ་བཞིན་ཏེ། ནམ་མཁའ་དང་མཚུངས་སོ། །ཞེས་བཀའ་སྩལ་པ། དེ་བཞིན་གཤེགས་པ་བྱེ་བ་སྙེད་ཀྱང་ཆུའི་ཟླ་བ་དང་འདྲའོ། །སྒྱུ་མ་དང་འདྲའོ། །དངོས་པོ་མེད་པའོ། །ཡ་
མ་[?] བརླའོ། །རྨི་ལམ་ལྟ་བུའི་རང་བཞིན་ཅན་ནོ། །ཆུ་ཤིང་གི་སྡོང་པོ་ལྟར་སྙིང་པོ་མེད་པའོ། །གློག་དང་སྤྲིན་ལྟར་མི་བརྟན་པའོ། །ཆོས་ཐམས་ཅད་ནི། སྟོང་པ་དང༌། མཚན་མ་མེད་པའོ། །ཆོས་
རྣམས་ཀྱི་བྱ་བ་དུ་མ་དག་ནི། ནམ་མཁའི་རླུང་གི་རྗེས་ཀྱི་རང་བཞིན་ཅན་ནོ། །ཞེས་ཀྱང་བཅོམ་ལྡན་འདས་ཀྱིས་བཀའ་སྩལ་ལ། ཡང་འཇིག་རྟེན་ན་སེམས་ཅན་ཐམས་ཅད་ནི། བསམ་
གྱིས་མི་ཁྱབ་པའི་ཆོས་སུ་ཡང་དག་པར་འདུའོ། །ཞེས་ཀྱང་བཅོམ་ལྡན་འདས་ཀྱིས་བཀའ་སྩལ་ན། བཅོམ་ལྡན་འདས། མི་རྟག་པའི་མཚན་ཉིད་ཀྱི་རང་བཞིན་ཐུགས་སུ་ཆུད་པ་བཞིན་དུ་རྟག་པ་དང༌།
བདག་དང༌། སེམས་ཅན་དུ་འདུ་ཤེས་ཇི་ལྟར་སྐྱེད་དུ་སྩལ། རྟག་པའི་སྤྱོད་པའང་ཇི་ལྟར་བསྒོམ་པར་བགྱི། སྤྱོད་པ་འདིའི་རྗེས་སུའང་ཇི་ལྟར་བསླབ་པར་བགྱི། ཡང་བཅོམ་ལྡན་འདས་ཀྱིས་བཀའ་
སྩལ་པ༑ དགེ་སློང་དག །སངས་རྒྱས་ཐམས་ཅད་ཀྱིས་ཤིན་ཏུ་བསྒྲིམས་ཏེ་འདུས་བྱས་ཀྱི་ཆོས་ཐམས་ཅད་ཀྱི་ཁོང་དུ་གཏོགས་པའི་ནང་དུ་སྩལ་ཀྱང་བདག་ཏུ་འདུ་ཤེས་པ་མ་རྙེད་དོ། །ཞེས་
བདག་མེད་པ་དང༌། སྲོག་མེད་པ་དང༌། གང་ཟག་མེད་པར་བཀའ་སྩལ་ཏེ། འགྲོ་བ་འདི་དག་ཐམས་ཅད་སྟོང་པར་ཡང་དག་པར་གསུངས་ན། རྟག་པ་དང༌། བདག་དང༌། སེམས་ཅན་དུ་འདུ་ཤེས་
ཞེས་བཀའ་སྩལ་པ་འདི་ལ་དོན་ཅི་ཞིག་མཆིས། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། ཁྱོད་གར་འབྲོས། ཁྱོད་གང་དུ་འཕྱན། ད་ཕྱིན་ཆད་དེ་སྐད་མ་ཟེར་ཅིག །ཏིང་
༄༅། །ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི། ཆོས་ཐམས་ཅད་མི་མཐུན་ནོ། །ཞེས་སྐྲག་པར་མི་བྱེད་ལ། ཆོས་ཐམས་ཅད་མི་མཐུན་པ་མེད་པའི་ཕྱིར་
ཡང་ཚུལ་ཁྲིམས་རྒྱ་ཆེར་མི་སྲུང་ཞིང་སེམས་ཀྱང་སྒོམ་པར་མི་བྱེད་དེ། ཆོས་ཐམས་ཅད་མི་མཐུན་པ་མེད་པས་རབ་ཏུ་དགའ་ནས་བྱང་ཆུབ་སེམས་དཔའི་བྱ་བ་རྩོམ་པ་ལས་ནུབ་པར་མི་བྱེད་
དོ༑ ༑ཆོས་ཐམས་ཅད་ཆད་དོ། །ཞེས་ཀྱང་སྐྲག་པར་མི་བྱེད་ལ། ཆོས་ཐམས་ཅད་ཆད་པ་མེད་པའི་ཕྱིར་ཡང་ཚུལ་ཁྲིམས་མི་སྲུང་ཞིང་སེམས་ཀྱང་སྒོམ་པར་མི་བྱེད་དོ། །ཆོས་ཐམས་ཅད་
ཆད་པ་མེད་པས་རབ་ཏུ་དགའ་ནས་བྱང་ཆུབ་སེམས་དཔའི་བྱ་བ་རྩོམ་པ་ལས་ནུར་བར་མི་བྱེད་དོ། །དེ་བཞིན་དུ་རྟག་པ་དང༌། མི་རྟག་པའང་གོང་མ་བཞིན་སྦྱར་བར་བྱའོ། །རློམ་སེམས་དང༌།
རློམ་སེམས་མེད་པ་དང༌། གཡོ་བ་དང༌། མི་གཡོ་བ་དང༌། མངོན་པར་འདུ་བྱེད་པ་དང༌། མངོན་པར་འདུ་བྱེད་པ་མེད་པ་དང༌། དབེན་པ་དང༌། མི་དབེན་པ་དང༌། དམིགས་པ་དང༌། མི་དམིགས་
པ་དང༌། ཚུལ་ཁྲིམས་དང༌། འཆལ་བའི་ཚུལ་ཁྲིམས་དང༌། རིག་པ་དང༌། མ་རིག་པ་དང༌། མིང་དང༌། མིང་མེད་པ་དང༌། ཉེ་བར་ལེན་པ་དང༌། ཉེ་བར་ལེན་པ་མེད་པ་དང༌། འཇིགས་པ་དང༌།
འཇིགས་པ་མེད་པ་དང༌། མཚན་ཉིད་དང༌། མཚན་ཉིད་མེད་པ་དང༌། འཆི་བ་དང༌། འཆི་བ་མེད་པ་དང༌། བྱང་ཆུབ་དང༌། བྱང་ཆུབ་མེད་པའང་གོང་མ་བཞིན་དུ་སྦྱར་རོ། །ཆོས་ཐམས་ཅད་མྱ་
ངན་ལས་འདས་སོ། །ཞེས་སྐྲག་པར་མི་བྱེད། དངང་བར་མི་བྱེད་ལ། ཆོས་ཐམས་ཅད་ཡོངས་སུ་མྱ་ངན་ལས་འདས་པ་མེད་པའི་ཕྱིར་ཡང་ཚུལ་ཁྲིམས་མི་སྲུང་ཞིང་སེམས་ཀྱང་སྒོམ་པར་མི་བྱེད་དོ། །
ཆོས་ཐམས་ཅད་ཡོངས་སུ་མྱ་ངན་ལས་འདས་པ་མེད་པས་རབ་ཏུ་དགའ་ནས་བྱང་ཆུབ་སེམས་དཔའི་བྱ་བ་རྩོམ་པ་ལས་ནུར་བར་མི་བྱེད་དེ། ཡང་དང་ཡང་སྨོས་ཅི་དགོས། ཏིང་ངེ་འཛིན་འདི་ལ་
གནས་པའི་བྱང་ཆུབ་སེམས་དཔའ་ནི། སེམས་ཅན་ཐམས་ཅད་ཡོངས་སུ་མྱ་ངན་ལས་འདས་པ་མེད་པ་དང༌། དེ་བཞིན་གཤེགས་པ་རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བའི་ཆོས་
ནུབ་པར་མི་འགྱུར་བར་བྱ་བའི་ཕྱིར་རབ་ཏུ་གནས་ཤིང་ཚུལ་ཁྲིམས་སྲུང་སྟེ་སེམས་བསྒོམ་མོ། །སྤྲིན་ཆེན་སྙིང་པོ། གཞན་ཡང་ཏིང་ངེ་འཛིན་འདི་ལ་བདག་ཉིད་མྱུར་དུ་གནས་པར་འདོད་པས་ནི། བདག་
ཏུ་འདུ་ཤེས་པ་སྒོམ་པར་བྱའོ། །གང་ཟག་ཏུ་འདུ་ཤེས་པ་བསྒོམ་པར་བྱའོ། །སྲོག་ཏུ་འདུ་ཤེས་པ་བསྒོམ་པར་བྱའོ། །དེ་ལྟར་སྒོམ་པའི་བྱང་ཆུབ་སེམས་དཔས་ནི། ཏིང་ངེ་འཛིན་འདི་མྱུར་བ་ཉིད་དུ་ཐོབ་
པར་འགྱུར་རོ། །གསོལ་པ། བཅོམ་ལྡན་འདས། དེ་བཞིན་གཤེགས་པས་ཅི་ལ་དགོངས་ཏེ་མཁྱེན་བཞིན་དུ་དེ་སྐད་གསུངས། བཀའ་སྩལ་པ། སྤྲིན་ཆེན་སྙིང་པོ། ཏིང་ངེ་འཛིན་འདི་ལ་གནས་པའི་
བྱང་ཆུབ་སེམས་དཔའ་ནི། འཇིག་རྟེན་པའི་བདག་ཏུ་འདུ་ཤེས་པ་སྒོམ་པར་བྱེད་དོ། །གསོལ་པ། བཅོམ་ལྡན་འདས། ཅི་འཇིག་རྟེན་ལས་འདས་པའི་ཆོས་ལའང་བདག་གི་མིང་མཆིས་སམ།
༄༅། །བཀའ་སྩལ་པ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་རྟག་པ་དང༌། བདག་ཏུ་འདུ་ཤེས་པ། འཇིག་རྟེན་ལས་འདས་པའི་འདུ་ཤེས་སུ་བསྟན་པ་མི་
འདོད་པས་རྣམ་པ་ལྔས་ཡང་དག་པར་བསྟན་པར་བྱའོ། །ལྔ་གང་ཞེ་ན། འབྲུའི་ས་བོན་ལྟ་བུ་དང༌། ཤིང་གི་ས་བོན་ལྟ་བུ་དང༌། སྣུམ་གྱི་ཁུ་བ་ལྟ་བུ་དང༌། རིན་པོ་ཆེའི་རྣམ་པ་ལྟ་བུ་དང༌། སྦྲུལ་
གྱི་པགས་པ་རྙིང་པ་ལྟ་བུའོ། །འདི་ལྟ་སྟེ། དཔེར་ན། འབྲས་སཱ་ལུ་ལ་སོགས་པའི་འབྲས་བུ་ནས་འབྲུ་ཉིད་དུ་མ་གྱུར་གྱི་བར་དུ་མི་བརྟན་པའི་ཆོས་སུ་ཡང་དག་པར་འདུ་ཞིང་བགྲང་སྟེ།
སེམས་ཅན་རྣམས་ཀྱི་བྱ་བའི་དོན་ཡང་མི་བྱེད་ལ། ཕུབ་མ་མེད་པའི་རང་བཞིན་དུ་གྱུར་ནས་ནི། སེམས་ཅན་རྣམས་ཀྱི་བྱ་བའི་དོན་ཡང་བྱེད་ཅིང་ས་བོན་བརྟན་པའི་ཆོས་ཀྱི་རྣམ་གྲངས་
སུའང་བགྲང་བར་འགྱུར་རོ། །དེ་བཞིན་དུ་ཆོས་ཐམས་ཅད་མི་མཐུན་པར་སྤྱོད་ཅིང་ནམ་ཏིང་ངེ་འཛིན་འདི་མ་ཐོབ་ཀྱི་བར་དུ་ནི། མི་བརྟན་པའི་ཆོས་སུ་ཡང་དག་པར་འདུ་ཞིང་བགྲང་སྟེ།
སེམས་ཅན་རྣམས་ཀྱི་སྐྱབས་བྱེད་པར་ཡང་མི་འགྱུར་ལ། ལྟ་བ་དང༌། ཐེ་ཚོམ་དང༌། ཡོངས་སུ་མྱ་ངན་ལས་འདའ་བའི་འདུ་ཤེས་དང༌། མི་རྟག་པ་དང༌། མི་བརྟན་པའི་རང་བཞིན་གྱི་
ཉོན་མོངས་པའི་ཕུབ་མ་ཐམས་ཅད་དང་བྲལ་བའི་རང་བཞིན་དུ་གྱུར་ནས་དེ་ཕྱིན་ཆད་ནི། སེམས་ཅན་རྣམས་ཀྱི་ཐེ་ཚོམ་ཐམས་ཅད་ཀྱང་གཅོད་པར་བྱེད་ཅིང་སྐྱབས་སུ་གྱུར་པའང་
ཡིན་ལ༑ རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བར་གྱུར་པའི་རང་བཞིན་གྱི་ས་བོན་དུའང་འགྱུར་ཞིང་སེམས་ཅན་དུ་འདུ་ཤེས་པ་ལའང་འགོད་པར་འགྱུར་ཏེ། དེ་ལྟར་ན། ཆོས་
ཐམས་ཅད་འབྲུའི་ས་བོན་དང་འདྲ་བ་ཡིན་ནོ། །སྤྲིན་ཆེན་སྙིང་པོ། གཞན་ཡང་འདི་ལྟ་སྟེ། དཔེར་ན། ཤིང་ཏ་ལ་དང༌། ཨ་མྲ་དང༌། སྤའི་འབྲས་བུ་ལ་སོགས་པ་ནི། དང་པོ་ལྕུག་གུ་སྐྱེ་བ་ནས་
ནམ་འབྲས་བུའི་རང་བཞིན་དུ་མ་གྱུར་[?] གྱི་བར་དུ་མི་བརྟན་པའི་ཆོས་སུ་ཡང་དག་པར་འདུ་ཞིང་བགྲང་སྟེ། སེམས་ཅན་རྣམས་ཀྱི་བྱ་བའི་དོན་ཡང་བྱེད་ལ་ཤུན་ལྤགས་དང་བྲལ་བའི་རང་བཞིན་
དུ་གྱུར་ནས་ནི། སེམས་ཅན་རྣམས་ཀྱི་བྱ་བའི་དོན་ཡང་བྱེད་དེ། ས་བོན་བརྟན་པའི་ཆོས་སུ་ཡང་དག་པར་འདུ་ཞིང་བགྲང་བར་འགྱུར་རོ། །དེ་བཞིན་དུ་ཆོས་ཐམས་ཅད་མི་མཐུན་པར་སྤྱོད་
ཅིང་ནམ་ཏིང་ངེ་འཛིན་འདི་མ་ཐོབ་ཀྱི་བར་དུ་མི་བརྟན་པའི་ཆོས་སུ་ཡང་དག་པར་འདུ་ཞིང་བགྲང་སྟེ། སེམས་ཅན་རྣམས་ཀྱི་སྐྱབས་བྱེད་པར་ཡང་མི་འགྱུར་ལ། ལྟ་བ་དང༌། ཐེ་ཚོམ་དང༌། ཡོངས་
སུ་མྱ་ངན་ལས་འདའ་བའི་འདུ་ཤེས་དང༌། མི་རྟག་པ་དང༌། མི་བརྟན་པའི་རང་བཞིན་གྱི་ཉོན་མོངས་པའི་ཤུན་ལྤགས་ཐམས་ཅད་དང་བྲལ་བའི་རང་བཞིན་དུ་གྱུར་ནས་དེ་ཕྱིན་ཆད་ནི།
སེམས་ཅན་རྣམས་ཀྱི་ཐེ་ཚོམ་ཐམས་ཅད་ཀྱང་གཅོད་པར་བྱེད་ཅིང་སྐྱབས་སུ་གྱུར་བའང་ཡིན་ལ། རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བར་གྱུར་པའི་རང་བཞིན་གྱི་ས་བོན་
༄༅། །དུའང་འགྱུར་ཞིང་སེམས་ཅན་དུ་འདུ་ཤེས་པ་ལའང་འགོད་པར་འགྱུར་རོ། །སྤྲིན་ཆེན་སྙིང་པོ། གཞན་ཡང་འདི་ལྟ་སྟེ། དཔེར་ན། བུ་རམ་ཤིང་དང༌། ཏིལ་དང༌།
ཁྲེ་དང༌། ཁྲེ་རྒོད་དང༌། བའི་འོ་མ་ལ་སོགས་པའི་སྣུམ་གྱི་ཁུ་བ་ལྟ་བུ་ནི། མྱུ་གུ་དང༌། འོ་མ་བྱུང་བ་ནས་ནམ་སྣུམ་གྱི་ཁུ་བ་ཉིད་དུ་མ་གྱུར་གྱི་བར་དུ་མི་བརྟན་པའི་ཆོས་སུ་ཡང་དག་པར་
འདུ་ཞིང་བགྲང་སྟེ། སེམས་ཅན་རྣམས་ཀྱི་བྱ་བའི་དོན་ཡང་མི་བྱེད་དོ། །དེ་བཞིན་དུ་ཆོས་ཐམས་ཅད་མི་མཐུན་པར་སྤྱོད་ཅིང༌། ནམ་ཏིང་ངེ་འཛིན་འདི་མ་ཐོབ་ཀྱི་བར་དུ་ནི། མི་བརྟན་
པའི་ཆོས་སུ་ཡང་དག་པར་འདུ་ཞིང་བགྲང་སྟེ། སེམས་ཅན་རྣམས་ཀྱི་སྐྱབས་བྱེད་པར་ཡང་མི་འགྱུར་ལ། ལྟ་བ་དང༌། ཐེ་ཚོམ་དང༌། ཡོངས་སུ་མྱ་ངན་ལས་འདའ་བའི་འདུ་ཤེས་དང༌།
མི་རྟག་པ་དང༌། མི་བརྟན་པའི་རང་བཞིན་གྱི་ཉོན་མོངས་པའི་ཤུན་ལྤགས་དང་བྲལ་ཏེ་བསྐུས་པའི་རང་བཞིན་དུ་གྱུར་ནས་དེ་ཕྱིན་ཆད་ནི། སེམས་ཅན་རྣམས་ཀྱི་ཐེ་ཚོམ་ཐམས་ཅད་ཀྱང་
གཅོད་པར་བྱེད་ཅིང་སྐྱབས་སུ་གྱུར་པའང་ཡིན་ལ། རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བར་གྱུར་པའི་རང་བཞིན་གྱི་ས་བོན་དུའང་འགྱུར་ཞིང་སེམས་ཅན་དུ་འདུ་ཤེས་པ་
ལའང་འགོད་པར་འགྱུར་རོ། །སྤྲིན་ཆེན་སྙིང་པོ། གཞན་ཡང་འདི་ལྟ་སྟེ། དཔེར་ན། རོ་ཉེའི་མགར་བའམ། ཟངས་མགར་རམ། དབྱིག་དང༌། གསེར་གྱི་མགར་བའམ། རིན་པོ་ཆེ་བྱེད་པ་
གཞན་གང་ཡང་རུང་བས་རྡོ་དང༌། གྱོ་མོ་དང༌། གསེག་མ་ལ་སོགས་པ་ལེགས་པར་བརྫིས་པས་ལས་ཤིག་བྱས་ཏེ། སོ་གཏོང་བ་ནས་ནམ་སྣ་གཅིག་གི་རང་བཞིན་ནམ། རིན་པོ་ཆེར་མ་གྱུར་
བར་དུ་མི་བརྟན་པའི་ཆོས་སུ་ཡང་དག་པར་འདུ་ཞིང་བགྲང་སྟེ། སེམས་ཅན་རྣམས་ཀྱི་བྱ་བའི་དོན་ཡང་མི་བྱེད་ལ། གསེག་མ་དང༌། གྱོ་མོ་དང༌། སོ་དོག་མེད་པའི་རང་བཞིན་དུ་གྱུར་ནས་ནི་
སེམས་ཅན་རྣམས་ཀྱི་བྱ་བའི་དོན་ཡང་བྱེད་ཅིང༌། རིན་པོ་ཆེའི་རང་བཞིན་ཐེར་ཟུག་པ་དང༌། བརྟན་པ་དང༌། རྟག་པའི་ཆོས་སུ་ཡང་དག་པར་འདུ་བར་འགྱུར་རོ། །དེ་བཞིན་དུ་ཆོས་ཐམས་ཅད་
མི་མཐུན་པར་སྤྱོད་ཅིང༌། ནམ་ཏིང་ངེ་འཛིན་འདི་མ་ཐོབ་ཀྱི་བར་དུ་ནི། མི་བརྟན་པའི་ཆོས་སུ་ཡང་དག་པར་འདུ་སྟེ། སེམས་ཅན་རྣམས་ཀྱི་སྐྱབས་བྱེད་པར་ཡང་མི་འགྱུར་ལ། ལྟ་བ་དང༌།
ཐེ་ཚོམ་དང༌། ཡོངས་སུ་མྱ་ངན་ལས་འདའ་བའི་འདུ་ཤེས་དང༌། མི་རྟག་པ་དང༌། མི་བརྟན་པའི་རང་བཞིན་གྱི་ཉོན་མོངས་པའི་སྐྱོན་ཐམས་ཅད་དང་བྲལ་བའི་རང་བཞིན་དུ་གྱུར་ནས་དེ་ཕྱིན་
ཆད་ནི། སེམས་ཅན་རྣམས་ཀྱི་ཐེ་ཚོམ་ཐམས་ཅད་ཀྱང་གཅོད་པར་བྱེད་ཅིང་སྐྱབས་སུ་གྱུར་པའང་ཡིན་ལ། རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བར་གྱུར་པའི་རང་བཞིན་གྱི་
ས་བོན་དུའང་འགྱུར་ཞིང་སེམས་ཅན་དུ་འདུ་ཤེས་པ་ལའང་འགོད་པར་འགྱུར་རོ། །སྤྲིན་ཆེན་སྙིང་པོ། གཞན་ཡང་འདི་ལྟ་སྟེ། དཔེར་ན། སྤྲུལ་རྒས་པའི་པགས་པ་རྙིང་པ་ནམ་མ་བརྗེས་
༄༅། །ཀྱི་བར་དུ་མི་བརྟན་པའི་ཆོས་སུ་ཡང་དག་པར་འདུའོ། །དེ་བཞིན་དུ་ཆོས་ཐམས་ཅད་མི་མཐུན་པར་སྤྱོད་ཅིང༌། ནམ་ཏིང་ངེ་འཛིན་འདི་མ་ཐོབ་ཀྱི་བར་དུ་སྤྲུལ་
རྒས་པའི་པགས་པ་རྙིང་པ་བཞིན་དུ་མི་བརྟན་པའི་ཆོས་སུ་ཡང་དག་པར་འདུ་བར་འགྱུར་ལ། སྦྲུལ་རྒས་པའི་པགས་པ་རྙིང་པ་དང་འདྲ་བའི་ལྟ་བ་དང༌། ཐེ་ཚོམ་དང༌། ཡོངས་སུ་མྱ་
ངན་ལས་འདའ་བའི་འདུ་ཤེས་དང༌། མི་རྟག་པ་དང༌། མི་བརྟན་པའི་རང་བཞིན་གྱི་ཉོན་མོངས་པའི་ཤུན་ལྤགས་ཐམས་ཅད་དང་བྲལ་བའི་རང་བཞིན་དུ་གྱུར་ནས་དེ་ཕྱིན་ཆད་ནི།
སེམས་ཅན་རྣམས་ཀྱི་ཐེ་ཚོམ་ཐམས་ཅད་ཀྱང་གཅོད་པར་བྱེད་ཅིང་སྐྱབས་སུ་གྱུར་པའང་ཡིན་ལ། རྟག་པ་དང༌། ཐེར་ཟུག་པ་དང༌། བརྟན་པ་དང༌། ཞི་བ་དང༌། བསིལ་པ་དང༌། བདེ་བ་
དང༌། འཇིགས་པ་མེད་པར་ཡང་འགྱུར་ཞིང་སེམས་ཅན་རྣམས་ཀྱང་བདག་དང༌། སེམས་ཅན་དུ་འདུ་ཤེས་པའི་ཏིང་ངེ་འཛིན་གྱི་སྤྱོད་པ་འདི་ལ་འགོད་པར་འགྱུར་རོ། །སྤྲིན་ཆེན་སྙིང་
པོ༑ དེ་བས་ན། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་རྣམ་པ་ལྔ་པོ་འདི་དག་གིས་བདག་དང༌། སེམས་ཅན་དང༌། སྲོག་དང༌། གང་ཟག་ཏུ་གྱུར་པ་ཉིད་དུ་ཡང་དག་
པར་མཐོང་བར་འདོད་པའི་རིགས་ཀྱི་བུའམ། རིགས་ཀྱི་བུ་མོས་ནི། དོན་འདི་ལྟ་བུར་བལྟ་བར་བྱའོ། །གང་དག་དེ་ལྟར་མི་ལྟ་བ་དེ་དག་ནི། ཡང་དག་པ་མཐོང་བ་མ་ཡིན་ནོ། །ཞེས་ང་སྨྲའོ།།
སེམས་ཅན་དེ་དག་ནི། འཇིག་རྟེན་པའི་ཆོས་ཅན་དང༌། རྨོངས་པའི་ཆོས་ཅན་ཡིན་པར་ང་སྨྲའོ། །གསོལ་པ། བཅོམ་ལྡན་འདས། དེ་བཞིན་གཤེགས་པས་ཅི་ལ་དགོངས་ཏེ། འདི་སྐད་
དུ་དཔེ་ལྔ་པོ་འདི་དག་ནི། དེ་ཁོ་ན་ཡིན་ཞེས་གསུང༌། གལ་ཏེ་དེ་བཞིན་གཤེགས་པ་དེ་སྐད་གསུང་ན་ནི། འདིའི་གཏན་ཚིགས་བཀའ་སྩལ་འཚལ་ལོ། །འདི་ནི། སེམས་ཅན་རྣམས་ལའང་
འགལ་བ་ཆེན་པོར་འགྱུར་རོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས་འཇིག་རྟེན་གྱི་བྱ་བ་ཐམས་ཅད་ནི། མི་རྟག་པའི་ཆོས་ཡིན་ནོ། །ཞེས་ཀྱང་བཀའ་སྩལ་ནས་དཔེ་ལྔ་པོ་འབྲུ་[?] །
ཤིང་ལ་སོགས་པ་འབྲས་བུ་ཉིད་དུ་གྱུར་པ་ན་དེ་དག་ཇི་ལྟར་སླར་འཇིག་པར་མི་འགྱུར། གལ་ཏེ་འཇིག་པར་འགྱུར་ན་ནི། སེམས་ཅན་ཡང་འཇིག་པར་འགྱུར་བས་དེ་དང་འདྲ་བས་ཆོས་ཐམས་
ཅད་ཀྱང་མི་རྟག་པར་ཡང་དག་པར་འདུ་བར་འགྱུར་རོ། །ཞེས་བདག་མཆི་སྟེ། ཞིག་གོ་འཚལ་ནི། སླར་སྐྱེའོ། །ཞེས་བདག་མཆིའོ། །བདག་ནི། སེམས་ཅན་རྣམས་ལ་རྣམ་པ་གཉིས་སུ་མི་
རྟོག་སྟེ༑ འདིར་གུམ་པ་རྣམས་གཞན་དུ་སྐྱེ་བ་སོ་སོར་ལེན་པར་འགྱུར་རོ། །ཞེས་བདག་མཆིའོ། །དེ་བས་ན། ཆོས་ཐམས་ཅད་ནི། མི་རྟག་གོ །ཞེས་བདག་མཆི་སྟེ། འཇིག་རྟེན་འདི་ན་རྟག་པའི་
ཆོས་ཅིའང་ཡང་དག་པར་མ་མཐོང་ངོ༌། །གལ་ཏེ་དེ་ལྟར་གྱུར་ན་རྟག་པ་དང༌། མི་རྟག་པའི་དོན་གཉིས་ཀ་མ་མཆིས་སོ། །ཞེས་བདག་མཆི་མོད་ཀྱི། བཅོམ་ལྡན་འདས་ཀྱི་ཞལ་ནས་ཤོ་བེ་བྱུང་ངོ༌། །
༄༅། །ཞེས་ཀྱང་ཇི་སྐད་བགྱི། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། ཅི་དར་གྱི་སྲིན་བུ་ལྟར་བདག་ཉིད་དཀྲི་བར་སེམས་སམ། འདི་ན་མི་ལ་ལ་
དེ་འདྲ་བའི་ཕྱིར་ཀྱེ་མ་ཁྱོད་ཀྱི་བཞིན་ཟླ་བ་འདྲའོ། །ཞེས་ཟླ་བ་ལས་དཔེ་ལེན་པར་བྱེད་ལ། མི་གཞན་ཞིག་གིས་ནི། ཀྱེ་མ་གླང་པོ་ཆེའི་དབང་པོ་རི་དང་འདྲའོ། །ཞེས་རི་ལས་དཔེ་ལེན་པར་
བྱེད་ན། ཅི་ཟླ་བ་བཞིན་དང་འདྲ་བར་འགྱུར་རམ། རིའང་གླང་པོ་ཆེ་དང་འདྲ་བར་འགྱུར་རམ་ཞེས་བརྗོད་དགོས་སོ། །གསོལ་པ། འདི་ནི། དཔེར་བགྱི་བ་ལགས་ཞེས་བདག་མཆིའོ། །
བཀའ་སྩལ་པ། སྤྲིན་ཆེན་སྙིང་པོ། བསྟན་པའི་དཔེ་ནི། འཇིག་རྟེན་ཐམས་ཅད་ན་མེད་དེ། དེ་དང་འདྲ་བ་ཙམ་གྱི་ཕྱིར་དཔེ་རྣམ་པ་ལྔ་པོ་འདི་དག་ངས་དཔེར་བྱས་མོད་ཀྱི། འདི་ལ་
གནས་པའི་བྱང་ཆུབ་སེམས་དཔའ་ལ་ནི། དཔེ་མེད་པར་རིག་པར་བྱའོ། །གསོལ་པ། བཅོམ་ལྡན་འདས། དེ་བཞིན་གཤེགས་པས་ཅི་ལས་དགོངས་ཏེ་ཐར་པ་ལ་ལྕགས་ཀྱི་མར་
མེ་གུམ་པའི་ཚུལ་དང་འདྲ་ཞེས་གསུང༌། བཀའ་སྩལ་པ། ད་ནི། ཐར་པ་ལ་ལྕགས་ཀྱི་མར་མེ་ཤི་བའི་ཚུལ་དང་འདྲ་ཞེས་མི་ཞེར་གྱི། ཉོན་མོངས་པ་ཟད་པ་ལ་ཟེར་རོ། །གསོལ་
པ༑ བཅོམ་ལྡན་འདས། ཅི་མཁྱེན་བཞིན་དུ་ཐར་པ་ལ་མི་གསུང་གི། ཉོན་མོངས་པ་ཟད་པ་ལ་གསུང་ངོ༌། །ཞེས་ཤོ་བེ་གསུང་ངམ། ད་ལྟར་ནི། འདི་སྐད་གསུང་ལ་ཆོས་ཐམས་
ཅད་ཆུ་ཟླ་དང་འདྲ་སྟེ། སྒྱུ་མ་ལྟ་བུའོ། །ཞེས་ཀྱང་དེ་བཞིན་གཤེགས་པས་གསུངས་སོ། །བཀའ་སྩལ་པ། ཆུ་ཟླ་དང་འདྲ་བ་དང༌། སྒྱུ་མ་ལྟ་བུ་དང་འདྲ་ཞེས་བྱ་བ་ནི། ཉོན་མོངས་པ་ཟད་པ་ལ་
གསུངས་ཀྱི། ཆོས་ཐམས་ཅད་ལ་མ་གསུངས་ཏེ། ཆོས་ལ་ལ་ནི། རྟག །ཆོས་ལ་ལ་ནི། མི་རྟག་ཅེས་ང་སྨྲའོ། །ཡང་བཀའ་སྩལ་པ། ཇི་ལྟ་ཞེ་ན། སེམས་ཅན་གང་དག་ཐར་པའི་ཕྱོགས་
སུ་གཏོགས་པ་དེ་དག་ནི། རྟག་པའི་ཆོས་ཅན་ཡིན་ནོ། །གང་དག་སེམས་ཅན་མེད་པ་དང༌། སྲོག་མེད་པའི་ཕྱོགས་སུ་གཏོགས་པ་དེ་དག་ནི། མི་རྟག་པའི་ཆོས་ཅན་ཞེས་ང་སྨྲའོ། །གསོལ་
པ༑ དངོས་པོ་མ་མཆིས་པའི་ཚུལ་དུ་བཀའ་སྩལ་ལགས་ན། ཅི་ལ་དགོངས་ཏེ་བཅོམ་ལྡན་འདས། དེ་བཞིན་གཤེགས་པས་ལྕགས་ཀྱི་མར་མེ་གུམ་པ་ལྟ་བུའི་ཚུལ་དུ་བསྟན་པ་མཛད།
བཀའ་སྩལ་པ། དེ་ལ་དངོས་པོ་ཅི་ཞིག་ཡོད། གསོལ་པ། འབྲུ་མར་གྱི་སྣོད་དང༌། ལྕགས་ཀྱི་རང་བཞིན་མཆིས་སོ། །བཀའ་སྩལ་པ། སྤྲིན་ཆེན་སྙིང་པོ། ལེགས་སོ། །ལེགས་སོ། །
དེ་ལྟར་ལྟ་བར་འདོད་པའི་བྱང་ཆུབ་སེམས་དཔས་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་དངོས་པོའི་རང་བཞིན་དང་འདྲ་བར་བལྟ་བར་བྱའོ། །གལ་ཏེ་འབྲུ་མར་གྱི་སྣོད་
དང༌། ལྕགས་ཀྱི་རང་བཞིན་དང་ལྷན་ཅིག་ཏུ་མར་མེ་གུམ་པ་ལྟ་བུ་དེ་ཐར་པའི་ཚུལ་ཡིན་ནོ། །ཞེས་དེ་བཞིན་གཤེགས་པས་བཤད་པར་གྱུར་ན་ནི། དེ་ལྟར་ན། དེ་བཞིན་གཤེགས་པ་ཆད་
༄༅། །པར་སྨྲ་བར་ཡང་འགྱུར་བ་ཞིག་ན། སྤྲིན་ཆེན་སྙིང་པོ། ངས་ནི། དེ་སྐད་མ་བཤད་ཀྱི། དངོས་པོ་མེད་པའི་ཚུལ་དུ་བཤད་དེ། ལྕགས་ཀྱི་མར་མེ་ཤི་བའི་ཚུལ་དུ་
བཤད་པ་གང་ཡིན་པ་དེ་ནི། ཉོན་མོངས་པ་རབ་ཏུ་ཞི་བའི་ཐ་ཚིག་སྟེ། དངོས་པོ་ནི། ཡོད་ཅེས་བྱ་བའི་ཐ་ཚིག་གོ །གསོལ་པ། སངས་རྒྱས་ཐམས་ཅད་ཀྱིས་རབ་ཏུ་བསྒྲིམས་ཏེ་བསྐལ་པ་བྱེ་
བ་ཕྲག་མང་པོར་བཙལ་ཀྱང་མི་རྙེད་དོ། །ཞེས་གསུངས་པའི་དོན་འདིའང་བཅོམ་ལྡན་འདས། དེ་བཞིན་གཤེགས་པས་བཤད་དུ་གསོལ། བཀའ་སྩལ་པ། སྤྲིན་ཆེན་སྙིང་པོ། དེ་དེ་བཞིན་
ཏེ༑ དེ་བཞིན་གཤེགས་པ་ཐམས་ཅད་ཀྱིས་སྲིད་པ་ཐམས་ཅད་དུ་བསྐལ་པ་བྱེ་བ་ཕྲག་གྲངས་མེད་པ་ལ་སོགས་པར་རབ་ཏུ་བསྒྲིམས་ཏེ་བཙལ་ཀྱང་སེམས་ཅན་དུ་འདུ་ཤེས་པ་རྙེད་
པར་འགྱུར་བ་དེ་ནི། གནས་མེད་དོ། །འདི་ལྟ་སྟེ། དཔེར་ན། རྒྱལ་པོ་ཞིག་རང་གི་ཁང་བཟང་གི་བཙུན་མོའི་འཁོར་ནས་བྱུང་སྟེ་གནས་གཞན་ཞིག་ཏུ་སོང་བར་མཐོང་བ་ལ་རྒྱལ་པོ་
བཙུན་མོའི་འཁོར་གྱི་ནང་ན་འདུག་གོ། །ཞེས་བྱ་བ་དེ་ནི། གནས་མེད་དོ། །དེ་བཞིན་དུ་ཏིང་ངེ་འཛིན་འདི་ལ་གནས་པ་བདག་དང༌། སེམས་ཅན་དང་ལྡན་པ། སྲིད་པ་ཐམས་ཅད་སྤངས་
པ༑ ཀུན་ནས་ཉོན་མོངས་པ་མེད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་གྱི་དོན་ལ་སྲིད་པའི་ཉེས་པ་དང་རྣམ་པར་འདྲེས་ཤིང་འདུག་གོ །ཞེས་བྱ་བ་དེ་ནི།
གནས་མེད་དོ། །དེ་བས་ན། བཅོམ་ལྡན་འདས་ཀྱིས་སྲིད་པ་ཐམས་ཅད་ནའང་རྟག་པར་གནས་པའི་ཆོས་ཡུངས་འབྲུ་ཙམ་ཡང་མེད་དོ། །ཞེས་བྱ་བ་དེ་ནི། བདག་དང༌། སེམས་ཅན་དང༌། སྲོག་
དང༌། གང་ཟག་མེད་དོ། །ཞེས་བསྟན་པ་ཡིན་ཏེ། ཤིན་ཏུ་ཡུན་རིང་དུ་གནས་པ་ནི། སངས་རྒྱས་ཀྱི་ཆོས་ལ་གནས་པ་ཡིན་པར་འདུ་ཤེས་བསྐྱེད་པར་བྱའོ། །ཏིང་ངེ་འཛིན་འདི་ལ་གནས་པའི་
བྱང་ཆུབ་སེམས་དཔའ་ནི། ཆགས་པའང་མ་ཡིན། ན་ཆགས་པའང་མ་ཡིན། ཉེ་བར་ལེན་པའི་ཆོས་ལ་གནས་པའང་མ་ཡིན་ཏེ། རྟག་པ་དང༌། ཐེར་ཟུག་པ་དང༌། བརྟན་པ་དང༌། བདེ་བ་དང༌།
འཇིགས་པ་མེད་པ་དང༌། ང་རྒྱལ་མེད་པ་དང༌། ཀུན་ནས་ཉོན་མོངས་པ་མེད་པ་དང༌། བདག་དང༌། སེམས་ཅན་དང༌། སྲོག་དང༌། གང་ཟག་ཉིད་ཡིན་ཏེ། སྤྲིན་ཆེན་སྙིང་པོ། དེ་བས་ན། རྟག་པ་
དང༌། ཐེར་ཟུག་པ་དང༌། བརྟན་པའོ། །ཞེས་ང་སྨྲའོ། །སྤྲིན་ཆེན་སྙིང་པོ། ངས་ཉན་ཐོས་ཀྱི་ཐེག་པར་དགེ་སློང་དག །ཡོངས་སུ་གཟུང་བར་བྱ་བ་གང་ཡིན་པ་དེ་ཡོངས་སུ་གཟུང་བར་གྱིས་ཤིག །
ཡོངས་སུ་གཟུང་བར་བྱ་བ་རྟག་པ་དང༌། ཐེར་ཟུག་པ་དང༌། བརྟན་པ་དང༌། བདག་བླང་བར་བྱ་བ་བླང་བར་གྱིས་ཤིག། ལྟ་བའི་རྟེན་དུ་གྱུར་པ་རྟག་པ་དང༌། ཐེར་ཟུག་པ་དང༌། བརྟན་པ་དེ་ལ་རྟེན་
ཅིག་ཅེས་བསྟན་ཏེ། གསལ་བའི་དོན་མི་མངོན་པར་བྱས་ནས་གསལ་བར་ངས་བསྟན་པ་དེ་འཇིག་རྟེན་གྱིས་ཁོང་དུ་མི་ཆུད་དེ། སེམས་ཅན་བསོད་ནམས་ཆུང་ངུ་དག་ནི། ཐར་པ་ལ་ཟད་པར་
༄༅། །སེམས་ཤིང་དེ་བཞིན་གཤེགས་པ་ཡོད་བཞིན་དུ་ཡོངས་སུ་མྱ་ངན་ལས་འདས་སོ། །ཞེས་ཡོངས་སུ་མྱ་ངན་ལས་འདས་པའི་འདུ་ཤེས་ལ་འཇུག་སྟེ། སྲོག་
ཆགས་ཕྱེ་མ་ལེབ་མར་མེའི་ནང་དུ་ལྟུང་བ་བཞིན་ནོ། །འདི་ལྟ་སྟེ། དཔེར་ན། ཚོང་པའི་བུ་ཐམས་ཅད་དཔྱིད་ཀྱི་དུས་ཚིགས་སུ་ག་ཞིག་ཏུ་འདུས་ནས་རྫིང་བུ་ཆུ་ཆེན་པོའི་ནང་དུ་ཁྲུས་བྱེད་ལ། དེའི་
ནང་དུ་གཅིག་གིས་ནོར་བུ་རིན་པོ་ཆེ་འོད་ཐམས་ཅད་དང་ལྡན་པ་ཞེས་བྱ་བ་བོར་ནས་ནོར་བུ་རིན་པོ་ཆེ་དེའི་གཟི་བརྗིད་ཀྱི་མཐུས་ཀྱང་རྫིང་བུའི་ཆུའི་ཕུང་པོ་རུས་པ་དང༌། གསེག་མ་དང༌། གྱོ་མོ་
དང༌། རྔོ་ཡོད་པ་གང་ཡིན་པ་དེ་དག་ཐམས་ཅད་རྣམ་པར་མཛེས་པར་གྱུར་ཏེ། དེར་ཟླ་བ་དང༌། ཉི་མའི་འོད་ཀྱང་ལྷན་ནེ། ལྷང་ངེར་མི་འདུག་གོ །དེ་ནས་སྐྱེ་བོ་མང་པོས་ནོར་བུ་དེ་བཙལ་བའི་
ཕྱིར་རྐོ་བ་དག་གིས་རྐོ་བར་བྱེད་དེ། དེའི་ནང་ནས་ཅིའང་རུང་བ་ཞིག་བླངས་ནས་ནོར་བུ་རྙེད་དོ་སྙམ་དུ་སེམས་ཏེ། ཡིད་རབ་ཏུ་དགའ་བར་བྱེད་དོ། །དེ་ནས་སེམས་ཅན་དེ་དག་རྫིང་བུའི་འགྲམ་
དུ་འཁོད་ནས་སོ་སོར་རློམ་སེམས་སུ་གྱུར་ན། འདི་ཇི་སྙམ་དུ་སེམས། བདག་ཅག་གིས་མ་རྙེད་དོ་སྙམ་དུ་སེམས་པར་འགྱུར་རམ། དེ་ནས་སེམས་ཅན་ད་དག་ཐམས་ཅད་ཀྱིས་ནོར་བུ་
རིན་པོ་ཆེ་མ་རྙེད་ཀྱང་ཀྱེ་མ་ནོར་བུ་རིན་པོ་ཆེ་མ་རྙེད་དོ། །ཞེས་ནོར་བུ་མེད་པའི་འདུ་ཤེས་འཇུག་ཅིང་རྟོག་པར་བྱེད་དམ། དེའི་ནང་ན་ཐབས་ལ་མཁས་ཤིང་ཡིད་གཞུངས་པ་གཅིག་གིས་ནི།
ནོར་བུ་རིན་པོ་ཆེ་དེ་བཙལ་ཏེ་རྙེད་དོ། །དེ་བཞིན་དུ་མདོ་དང༌། ཏིང་ངེ་འཛིན་ཐམས་ཅད་ཀྱི་ལྡེམ་པོ་ངག་གི་ཚིག་མི་ཤེས་པའི་ཉན་ཐོས་དང༌། རང་སངས་རྒྱས་ཐམས་ཅད་ཀྱིས་ནི། ཐམས་ཅད་མི་
རྟག་པ་དང༌། སྟོང་པའི་འདུ་ཤེས་དང༌། སེམས་ཅན་མེད་པ་སྒོམ་པར་བྱེད་དེ། དེ་བཞིན་གཤེགས་པའི་རྟག་པ་ཉིད་མ་ཐོབ་པས་སེམས་ཅན་ཐམས་ཅད་འཁོར་ལོ་བཞིན་དུ་འཁོར་གྱི། ཏིང་ངེ་
འཛིན་འདི་ལ་གནས་པའི་རིགས་ཀྱི་བུའམ། རིགས་ཀྱི་བུ་མོས་ནི། དེ་བཞིན་གཤེགས་པའི་ལྡེམ་པོ་ངག་ནོར་བུ་བཞིན་དུ་རྙེད་པར་འགྱུར་རོ། །སྤྲིན་ཆེན་སྙིང་པོ། དེ་བས་ན། དེ་བཞིན་གཤེགས་
པ་རྣམས་ཀྱི་ཤིན་ཏུ་ལྷག་པ་ཡང་དག་པར་མཐོང་བར་འདོད་པས་ནི། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་རྟག་པ་དང༌། བདག་དང༌། སེམས་ཅན་དུ་འདུ་ཤེས་བསྐྱེད་པར་
བྱ་ཞིང་ཐར་པའི་འདུ་ཤེས་བསྐྱེད་པར་བྱའོ། །འཕགས་པ་སྤྲིན་ཆེན་པོའི་མདོ། བམ་པོ་བཅུ་པ་སྟེ་ཐ་མ། རིགས་ཀྱི་བུ། གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་
དཔའ་ནི། ཤིང་གི་གྲིབ་མ་དང་འདྲ་བར་བལྟ་བར་བྱའོ། །དེ་ཅིའི་ཕྱིར་ཞེ་ན། ཤིང་ཡོད་ན་གྲིབ་མ་འབྱུང་ལ། གྲིབ་མ་ཡོད་ན་ལམ་དུ་ཞུགས་པར་འགྱུར་ཏེ། ངལ་བར་གྱུར་པའི་སེམས་ཅན་དེར་
འདུག་པ་རྣམས་དབུགས་ཕྱིན་པར་འགྱུར་རོ། །དེ་བཞིན་དུ་དེ་བཞིན་གཤེགས་པའི་ཆོས་འདོད་པའི་སེམས་ཅན་རྣམས་ཀྱང་སྐྱབས་སུ་འགྲོ་བར་འགྱུར་རོ། །སེམས་ཅན་གང་དག་དེ་བཞིན་
༄༅། །གཤེགས་པ་ཡོངས་སུ་མྱ་ངན་ལས་འདས་པར་ལྟ་བའི་སེམས་ཅན་དེ་དག་ལ་ནི། སྐྱབས་སུ་འགྲོ་བ་ཙམ་ཡང་མེད་དོ། །ཞེས་ང་སྨྲའོ། །གང་དག་ད་ལྟར་ཡང་
དག་པར་མཐོང་བ་དེ་དག་ནི། བསྟན་པ་འདི་ལ་འཕྲོ་བར་མི་བྱེད་དོ། །གང་དག་ཡོངས་སུ་མྱ་ངན་འདའ་བའི་འདུ་ཤེས་སུ་ལྟ་བའི་སེམས་ཅན་དེ་དག་ནི། མྱ་ངན་དུ་བྱ་བ་ཡིན་ནོ། །ཞེས་ཡང་དང་
ཡང་དུ་ང་སྨྲའོ། །དེ་ནས་དེའི་ཚེ་ནུབ་ཕྱོགས་ནས་གསེར་གྱི་འདོ་ཆེན་པོ་ཞིག་སྣང་བར་གྱུར་ཏེ། གསེར་གྱི་འོད་ཆེན་པོ་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ནོར་
བུ་རིན་པོ་ཆེའི་མེའི་འོད་སྣང་བ་ཆེན་པོས་སྣང་བར་བྱས་ཏེ། དེའི་སྐབས་སུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་དེ་བཞིན་གཤེགས་པའི་འོད་གཅིག་པུ་མ་གཏོགས་པར་དེ་
ལས་གཞན་པ་ཟླ་བ་དང༌། ཉི་མ་རྣམས་ཀྱི་འོད་དང༌། བརྒྱ་བྱིན་དང༌། ཚངས་པ་དང༌། འཇིག་རྟེན་སྐྱོང་བ་རྣམས་ཀྱི་འོད་དང༌། ཀླུ་དང༌། གནོད་སྦྱིན་དང༌། ནམ་མཁའ་ལྡིང་རྣམས་ཀྱི་འོད་
ཐམས་ཅད་མོག་མོག་པོར་གྱུར་ཏེ་རྩིག་པ་དང༌། ཤིང་དང༌། ཚལ་གྱི་ནང་དང༌། ལྷུན་པོ་དང༌། ལྷུན་པོ་ཆེན་པོ་དང༌། དེ་བཞིན་དུ་འཇིག་རྟེན་གྱི་བར་མཚམས་དེ་དག་ཐམས་ཅད་འོད་དེས་སྣང་
བར་བྱས་སོ། །སེམས་ཅན་དམྱལ་བ་པའི་སེམས་ཅན་གང་དག་གི་ལུས་ལ་འོད་དེས་ཕོག་པ་དེ་དག་ཐམས་ཅད་ཀྱང་སྡུག་བསྔལ་རྩེ་གཞིལ་བར་གྱུར་ཏོ། །བཅོམ་ལྡན་འདས་དང༌། འཁོར་གྱི་དཀྱིལ་
འཁོར་ཆེན་པོའི་ནང་དུའང་པདྨ་བཀྲ་ཞིང་བ་ལྟ་ན་སྡུག་ལ་ཁ་དོག་བཟང་ཞིང་ཡིད་དུ་འོང་བ་འདབ་མ་བྱེ་བ་བརྒྱ་སྟོང་ཕྲག་དུ་མ་དང་ལྡན་པ། སྟེང་རིན་པོ་ཆེའི་དྲ་བ་དྲི་བསུང་དང་ལྡན་ཞིང་འཇམ་ལ་
ཀ་ཙ་ལིནྡིའི་གོས་ལྟར་རེག་ན་བདེ་བ། བཀྲ་ཞིང་བལྟ་ན་སྡུག་པ་དག་གིས་ཀུན་ཏུ་ཁེབས་པ་བྱེ་བ་ཕྲག་དྲུག་ཅུ་ས་གཞི་བརྟོལ་ཏེ་མངོན་པར་ཐོན་པར་གྱུར་ཏོ། །པདྨ་དེ་དག་རེ་རེ་ལས་དྲི་ངད་བྱུང་
བ་གང་ཡིན་པ་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དྲིས་ཁྱབ་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ལྷ་དང༌། ཀླུ་དང༌། གནོད་
སྦྱིན་དང༌། དྲི་ཟ་དང༌། མི་རྣམས་ཀྱི་སྤོས་གང་ཡིན་པ་དེ་དག་ཐམས་ཅད་ཀྱང་པདྨའི་དྲི་དེས་ཁྱབ་པར་གྱུར་ཏོ། །ལྷ་དང༌། མི་རྣམ་དང༌། ལྷ་མ་ཡིན་དང༌། ནམ་མཁའ་ལྡིང་དང༌། ཀླུ་དང༌། གནོད་
སྦྱིན་དང༌། དྲི་ཟ་རྣམས་དང༌། མིའམ་ཅི་དང༌། ལྟོ་འཕྱེ་ཆེན་པོ་གང་དག་གི་སྣར་པདྨའི་དྲི་དེ་སོང་བ་དེ་དག་ཐམས་ཅད་ཀྱང་ཆོས་ཀྱི་དགའ་བ་དང༌། ཆོས་མཉན་པའི་རྒྱུ་དང་ལྡན་པར་གྱུར་ཏེ་བདག་
ཉིད་ཉོན་མོངས་པ་དང་བྲལ་བ་སྙམ་དུ་ཤེས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་ཆོས་ཀྱི་འོད་ཀྱི་བཀོད་པ་དེ་མཐོང་ནས་ཐལ་མོ་སྦྱར་ཏེ་བཅོམ་ལྡན་འདས་ལ་
འདི་སྐད་ཅེས་གསོལ་ཏོ། །བཅོམ་ལྡན་འདས། འདི་ལྟར་ཕྱོགས་བཅུར་འོད་གདའ་བ་འདི་དང༌། པདྨའི་བཀོད་པ་བྱུང་བ་འདི་སུའི་སྔ་ལྟས་ལགས། དེ་ནས་ལྷ་མོ་དྲི་མ་མེད་པའི་འོད་ཀྱིས་སྤྲིན་ཆེན་སྙིང་པོ་ལ་
༄༅། །འདི་སྐད་ཅེས་སྨྲས་སོ། །འཕགས་པ་སྤྲིན་ཆེན་སྙིང་པོ་ཅིའི་ཕྱིར་བཅོམ་ལྡན་འདས། འདི་སུའི་སྔ་ལྟས་ལགས་ཞེས་སྨྲ། མཚན་མ་མེད་པའི་ཆོས་རྨི་
ལམ་ལྟ་བུ་ཡིན་ཡང་འདྲི་བར་བྱེད་དམ། ཁྱོད་ལ་ནི། ད་དུང་ཡང་ཕྱིན་ཅི་ལོག་ཡོད་པ་འདྲའོ། །སྨྲས་པ། ལྷ་མོ། ལེགས་སོ། །ལེགས་སོ། །དེ་དེ་བཞིན་ཏེ། ལྷ་མོ། ཁྱོད་ལེགས་སོ། །
ཁོ་བོ་ནི། རྨི་ལམ་ལྟ་བུའི་ཡུལ་དག་ལ་མཚན་མར་ལྟ་བ་འཛིན་པའི་དུ་ཤེས་བཅོམ་ལྡན་འདས་ལ་ཞུ་བར་བྱེད་དོ། །སྨྲས་པ། འཕགས་པ་སྤྲིན་ཆེན་སྙིང་པོ། སུའི་དོན་གྱི་ཕྱིར་
མཚན་མར་ལྟ་བ་འཛིན་པའི་འདུ་ཤེས་སྨྲ་པར་བྱེད། སྨྲས་པ། སེམས་ཅན་ཐམས་ཅད་ལ་ཕན་པར་བྱ་བའི་ཕྱིར་རོ། །སྨྲས་པ། གང་བདག་གི་ལྟ་བ་བསལ་བར་མི་ནུས་པ་དེས་
གཞན་གྱི་ལྟ་བསེལ་བར་འགྱུར་བ་དེ་ནི། གནས་མེད་དོ། །བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། ལྷ་མོས་ཇི་སྐད་སྨྲས་པ་བཞིན་ཏེ། ཏིང་ངེ་འཛིན་འདི་ལ་གནས་
པའི་བྱང་ཆུབ་སེམས་དཔའ་གང་ཡིན་པ་དེ་ནི། མཚན་མ་མེད་པའི་འདུ་ཤེས་ཡང་དག་པར་མཐོང་བ་ཡིན་ནོ། །གསོལ་པ། བཅོམ་ལྡན་འདས། འདི་ལ་གནས་པའི་བྱང་ཆུབ་སེམས་
དཔའ་རིགས་ཀྱི་བུའམ། རིགས་ཀྱི་བུ་མོ་མཚན་མ་མ་མཆིས་པའི་འདུ་ཤེས་ཡང་དག་པར་ལྟ་བར་འཚལ་བས་ཇི་ལྟར་ཡང་དག་པར་བལྟ་བར་བགྱི་།བཀའ་སྩལ་པ། སྤྲིན་ཆེན་སྙིང་པོ།
ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་བདག་ཉིད་རྣམ་པ་དུ་མར་སྟོན་པར་བྱེད་དོ། །གསོལ་
པ༑ བཅོམ་ལྡན་འདས། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་བདག་ཉིད་རྣམ་པ་དུ་མར་ཇི་ལྟར་སྟོན་པར་བགྱིད།
བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། འདི་ལྟ་སྟེ། དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་ནན་ཏན་དུ་སྦྱངས་པ་མཁས་པས་རོལ་མོའི་ནང་དུ་བདག་ཉིད་
རོར་གྱུར་པར་སྟོན་པར་བྱེད། བུད་མེད་ཀྱི་ལུས་རྣམ་པ་སྣ་ཚོགས་སུའང་སྟོན་པར་བྱེད། གཅན་གཞན་གྱིས་ཟིན་པ་དང༌། ལུས་ཞུ་བ་དང༌། ལུས་མི་སྣང་བ་དང༌། ཚིག་པ་དང༌། བཅད་པ་དང༌།
གཏུབ་པའི་རྣམ་པས་ཕ་རོལ་འདྲིད་པ་ལྟ་བུར་གསང་བ་རྣམ་པ་སྣ་ཚོགས་ཀྱི་ཚུལ་དུ་བདག་ཉིད་སྟོན་པ་དག་ཀྱང་མཐོང་ན། དེར་རྒྱུད་ཤེས་པའི་མིས་འཇིགས་པར་མི་བྱ། མྱ་ངན་དུ་མི་བྱ་བར་དེ་ལ་
རིག་སྔགས་ཀྱི་རང་བཞིན་དུ་བལྟ་བར་བྱའོ། །དེ་བཞིན་དུ་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་རྟག་པ་ཉིད་ཀྱི་ལམ་ལ་ནན་ཏན་དུ་སྦྱངས་པས་སེམས་ཅན་རྣམས་ངེས་པར་བསྒྲལ་
བའི་ཕྱིར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་བདག་ཉིད་རྣམ་པ་སྣ་ཚོགས་ཀྱི་ཚུལ་ངུ་སྟོན་པར་བྱེད་དེ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་བདག་ཉིད་རྣམ་པ་
༄༅། །སྣ་ཚོགས་ཀྱི་ཚུལ་དུ་སྟོན་པ་མཐོང་ན། བསྟན་པའི་རྒྱུས་ཤེས་ཤིང་མཁས་པས་སྐྲག་པར་མི་བྱ། ཀུན་ཏུ་སྐྲག་པར་མི་བྱ། དངང་བར་མི་བྱ། འཇིགས་པར་མི་བྱ། མྱ་
ངན་དུ་མི་བྱ་བར་དེ་ལ་སེམས་ཅན་རྟག་པ་ཉིད་ཀྱི་རང་བཞིན་དུ་བལྟ་བར་བྱའོ། །སྤྲིན་ཆེན་སྙིང་པོ། གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི། སྟོང་གསུམ་གྱི་སྟོང་ཆེན་
པོའི་འཇིག་རྟེན་གྱི་ཁམས་སུ་འཇིག་རྟེན་དང་མཐུན་པར་འཇུག་པའི་བྱ་བ་རྣམ་པ་གྲངས་མེད། དཔག་ཏུ་མེད་པ། བགྲང་བ་ལས་འདས་པ་རྣམ་པ་སྣ་ཚོགས་སུ་བདག་ཉིད་སྟོན་ཏོ། །ཛམྦུའི་
གླིང་བྱེ་བ་ཕྲག་སུམ་ཁྲི་དག་ཏུའང་གོང་མ་བཞིན་དུ་སྦྱར་རོ། །ད་ལྟ་བུའི་ཚུལ་དུ་བྱེ་བ་ཕྲག་བརྒྱར་བསྒྲེ་བར་བྱ་སྟེ། གོང་མ་བཞིན་དུ་སྦྱར་རོ། །གསོལ་པ། བཅོམ་ལྡན་འདས། ཏིང་ངེ་འཛིན་
འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་འཇིག་རྟེན་དང་མཐུན་པར་འཇུག་པར་བྱ་བའི་རྣམ་པའི་གྲངས་མ་
མཆིས༑ དཔག་ཏུ་མ་མཆིས་པ་རྣམ་པ་སྣ་ཚོགས་སུ་བདག་ཉིད་ཇི་ལྟར་སྟོན་པར་བགྱིད། བཀའ་སྩལ་པ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ཛམྦུའི་གླིང་ལ་ལར་
བདག་ཉིད་མངལ་ནས་སྐྱེ་བ་ལྟ་བུ་སྟོན་ཏོ། །སེམས་ཅན་རྣམས་ཀྱིས་བུ་བཙས་པར་ཤེས་ཀྱང་འཁྲིག་པ་ལ་བརྟན་ནས་བྱུང་བའང་མ་ཡིན་ཞིང་བུའི་རང་བཞིན་ཡང་མ་ཡིན་ནོ། །ཛམྦུའི་
གླིང་ལ་ལར་མངོན་པར་འབྱུང་བའང་སྟོན་ཏེ། སེམས་ཅན་རྣམས་ཀྱིས་མངོན་པར་འབྱུང་བར་ཤེས་ཀྱང་དེ་ལ་མངོན་པར་འབྱུང་བའི་འདུ་ཤེས་འཇུག་པའང་མེད་དོ། །ཛམྦུའི་གླིང་ལ་ལར་ནི།
གཙུག་ཕུད་འབྲེག་པའི་ལས་ལྟ་བུར་སྟོན་ཏེ། སེམས་ཅན་རྣམས་ཀྱིས་གཙུག་ཕུད་འབྲེག་པའི་ལས་བྱེད་པར་ཤེས་ཀྱང་དེ་ལ་དེའི་འདུ་ཤེས་འཇུག་པའང་མེད་དོ། །ཛམྦུའི་གླིང་ལ་ལར་ནི།
མཁན་པོའི་ཁྱིམ་དུ་འགྲོ་བ་ལྟ་བུར་སྟོན་ཏེ། བསླབ་པར་བྱ་བའི་ཡི་གེ་སློབ་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་དུ་མར་བསླབ་པའི་བྱ་བ་ཤིན་ཏུ་ཚར་ཕྱིན་པར་བྱས་ཤིང༌།
བསྐལ་པ་བྱེ་བ་ཕྲག་བརྒྱ་སྟོང་དུ་མ་ནས་བཟོའི་བྱ་བ་ཐམས་ཅད་ཀྱང་མཐར་ཕྱིན་ཏོ། །ཛམྦུའི་གླིང་ལ་ལར་ནི། མིའི་སེངྒེ་དང༌། ངང་པའི་སྟབས་སུ་འགྲོ་བ་ལྟ་བུར་སྟོན་ཏོ། །སེམས་ཅན་
རྣམས་ཀྱིས་མིའི་སེངྒེ་དང༌། ངང་པའི་སྟབས་སུ་འགྲོ་བར་ཤེས་ཀྱང་བསྐལ་པ་བྱེ་བ་ཕྲག་དུ་མ་ལ་སོགས་པ་ནས་ངང་པའི་སྟབས་ཀྱིས་འདུ་ཤེས་དེའང་སྤངས་སོ། །ཛམྦུའི་གླིང་ལ་ལར་ནི།
བུ་དང་ཆུང་མའང་སྟོན་པར་བྱེད་དེ། སེམས་ཅན་རྣམས་ཀྱིས་འདོད་པ་ལ་ཡོངས་སུ་སྤྱོད་པ་ཤེས་ཀྱང་དེའང་རྟག་ཏུ་ཆོས་འདོད་པ་ལ་ཡོངས་སུ་སྤྱོད་ཀྱི། ཉོན་མོངས་པ་དང་འདོད་པ་ལ་གནས་
པ་མ་ཡིན་ནོ། །ཛམྦུའི་གླིང་ལ་ལར་ནི། བཤང་བ་དང༌། གཅི་བ་ལྟ་བུར་སྟོན་པར་བྱེད་དེ། སེམས་ཅན་རྣམས་ཀྱིས་བཤང་བ་དང༌། གཅི་བ་བྱེད་པར་ཤེས་ཀྱང་བསྐལ་པ་བྱེ་བ་ཕྲག་གྲངས་
༄༅། །མེད་པ་ནས་བཤང་བ་དང༌། གཅི་བའི་འདུ་ཤེས་ཀྱང་རྣམ་པར་སྤངས་ཏེ་འདུ་ཤེས་དེའང་འཇུག་པ་མེད་དོ། །ཛམྦུའི་གླིང་ལ་ལར་ནི། སོ་ཤིང་སྤྱོད་པ་ལྟ་བུར་སྟོན་
ཏེ༑ སོ་ཤིང་འཆང་བར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་གྲངས་མེད་པ་ནས་ཉོན་མོངས་པའི་སོ་ཤིང་རྣམ་པར་སྤངས་ཏེ་ཁའང་ཨུཏྤ་ལའི་དྲི་དང་ལྡན་ནོ། །ཛམྦུའི་གླིང་ལ་
ལར་ནི༑ གདུགས་དང༌། ལྷམ་འཆང་བ་ལྟ་བུར་སྟོན་ཏེ། གདུགས་དང༌། ལྷམ་འཆང་བར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་དུ་མ་ནས་ཉོན་མོངས་པའི་གདུགས་དང༌།
ལྷམ་གྱི་འདུ་ཤེས་དེའང་རྣམ་པར་སྤངས་ཏེ། ལུས་དག་ཅིང་རྟག་ཏུ་ཆོས་ཀྱི་བདེ་བ་དང་ཏིང་ངེ་འཛིན་གྱི་གདུགས་འཆང་ཞིང་རིན་པོ་ཆེའི་གདུགས་དུ་མ་དང༌། པདྨའི་ལྷམ་ཐམས་ཅད་སྟོན་
པར་བྱེད་དོ། །ཛམྦུའི་གླིང་ལ་ལར་ནི། ཁྲུས་བྱེད་པ་ལྟ་བུར་སྟོན་ཏེ། ཁྲུས་བྱེད་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་ཁྲུས་ཀྱི་འདུ་ཤེས་དེའང་རྣམ་པར་
སྤངས་ཏེ། མདོ་དུ་མ་ནས་བྱུང་བའི་ཆུས་རྟག་ཏུ་ཁྲུས་བྱེད་ཅིང་སེམས་ཅན་ཐམས་ཅད་ཀྱི་མུ་སྟེགས་སུ་གྱུར་པ་ཡིན་ནོ། །ཛམྦུའི་གླིང་ལ་ལར་ནི། ནད་ཀྱི་རང་བཞིན་ལྟ་བུར་སྟོན་ཏེ། སྨན་ལ་
སྟེན་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་ཉོན་མོངས་པ་ཐམས་ཅད་དང་བྲལ་ཞིང་ནད་རྣམས་བསལ་བ་སྟེ། སེམས་ཅན་ནད་ཀྱིས་ཐེབས་པ་རྣམས་དང༌།
འདོད་ཆགས་ཀྱི་རང་བཞིན་དག་ལས་ཀྱང་གསོ་བར་བྱེད་དོ། །ཛམྦུའི་གླིང་ལ་ལར་ནི། གྲང་བ་དང་ཚ་བ་ལ་སྟེན་པ་ལྟ་བུར་སྟོན་སྟེ། གྲང་བ་དང་ཚ་བ་ལ་སྟེན་པར་སེམས་ཅན་རྣམས་ཀྱིས་ཤེས་ཀྱང་
བསྐལ་པ་བྱེ་བ་ཕྲག་དུ་མ་ལ་སོགས་པ་ནས་གྲང་བ་དང་ཚ་བའི་འཇིགས་པའང་རྣམ་པར་སྤངས་སོ། །ཛམྦུའི་གླིང་ལ་ལར་ནི། བཀྲེས་པ་དང་སྐོམ་པས་སྲེད་ཅིང་ཞེན་པ་དང་ལྡན་པར་སྟོན་ཏེ། བཀྲེས་
ཤིང་སྐོམ་པས་གདུངས་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་བཀྲས་པ་དང་སྐོམ་པའི་འདུ་ཤེས་ཀྱི་འཇིགས་པའི་ཀླུང་གི་རྒྱུན་ལས་ཀྱང་རྒལ་ནས་རྟག་ཏུ་བཀྲེས་
པ་དང་སྐོམ་པས་སྲེད་པར་གྱུར་པའི་འབྱུང་པོ་ཐམས་ཅད་ཀྱི་ཁ་ཟས་སུ་གྱུར་ཅིག །ཅེས་ཟེར་རོ། །ཛམྦུའི་གླིང་ལ་ལར་ནི། སྦྱིན་པའི་ཕ་རོལ་ཏུ་ཕྱིན་པ་སྤྱོད་པ་ལ་བརྩོན་པ་ལྟ་བུར་སྟོན་ཏེ། ཀྱེ་
མ་སྦྱིན་པ་ལ་བརྩོན་པའི་སེམས་ཅན་ཡིན་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་ཀྱང་ཕ་རོལ་ཏུ་ཕྱིན་པ་དུ་མ་རྟག་ཏུ་སྤྱད་པས་ཕ་རོལ་ཏུ་ཕྱིན་པ་བཅུ་པོ་རྣམས་
ལ་སེམས་ཅན་རྣམས་སྡུད་པའི་རྒྱུར་གྱུར་ཏོ། །ཛམྦུའི་གླིང་ལ་ལར་ནི། འཁོར་ལོས་བསྒྱུར་བའི་རྒྱལ་སྲིད་ཀྱི་ཆུལ་སྟོན་ཏེ། འཁོར་ལོས་བསྒྱུར་བའི་རྒྱལ་པོར་སེམས་ཅན་རྣམས་ཀྱིས་ཤེས་ཀྱང་
དེ་འཁོར་ལོས་བསྒྱུར་བའི་རྒྱལ་པོ་ཕལ་གྱི་སྤྱད་པའང་མི་སྤྱོད་དེ། རྟག་ཏུ་ཕྱིར་མི་ལྡོག་པའི་ཆོས་ཀྱི་འཁོར་ལོས་བསྒྱུར་བའི་རྒྱལ་པོ་བྱེད་ཅིང་སེམས་ཅན་ཐམས་ཅད་ཀྱང་བྱེད་དུ་འཇུག་གོ །
༄༅། །ཛམྦུའི་གླིང་ལ་ལར་ནི། དེ་ལྟ་བུའི་རྒྱལ་སྲིད་ཕུན་སུམ་ཚོགས་པ་ཤིན་ཏུ་རྒྱ་ཆེ་བ་དག་ཀྱང་རྩཱ་བཞིན་དུ་བོར་ནས་རབ་ཏུ་བྱུང་བའི་གཟུགས་དང་མཚན་མ་
སྟོན་པར་བྱེད་དེ། ལ་ལར་ནི། རབ་ཏུ་བྱུང་བ་ལྟ་བུ། ལ་ལར་ནི། རབ་ཏུ་མ་བྱུང་བ་ལྟ་བུར་སེམས་ཅན་རྣམས་ཀྱིས་ཤེས་སོ། །ཛམྦུའི་གླིང་ལ་ལར་ནི། ཡ་མཚན་ཅན་ཐམས་ཅད་ཀྱི་རབ་
ཏུ་བྱུང་བ་ལྟ་བུར་ལྟ་བ་ངན་པ་རབ་ཏུ་འབྱུང་བ་ལ་རབ་ཏུ་བྱུང་བར་སེམས་ཅན་རྣམས་ཀྱིས་ཤེས་ཀྱང་ཡ་མཚན་ཅན་ཐམས་ཅད་དང་མཐུན་པར་རབ་ཏུ་བྱུང་བའང་མ་ཡིན་ཏེ། དེ་དག་
ངེས་པར་བསྒྲལ་བའི་ཕྱིར་རབ་ཏུ་འབྱུང་ངོ༌། །ཛམྦུའི་གླིང་ལ་ལར་ནི། དེ་བཞིན་གཤེགས་པ་རབ་ཏུ་འབྱུང་བར་རྩོམ་པ་ལྟ་བུར་སྟོན་ཏེ། དེ་བཞིན་གཤེགས་པ་རབ་ཏུ་འབྱུང་བས་རབ་
ཏུ་འབྱུང་བར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་དེ་བཞིན་གཤེགས་པའི་རབ་ཏུ་འབྱུང་བའི་བྱ་བའང་མཐར་ཕྱིན་པར་བྱས་སོ། །ཛམྦུའི་གླིང་ལ་ལར་
ནི༑ སྦྱངས་པའི་ཡོན་ཏན་བཅུ་གཉིས་ཡང་དག་པར་འཛིན་པ་ལྟ་བུར་སྟོན་ཏེ། སྦྱངས་པའི་ཡོན་ཏན་ཅན་ཡོ་བྱད་བསྙུངས་པ་ཡིན་པར་སེམས་ཅན་རྣམས་ཀྱིས་ཤེས་ཀྱང་བསྐལ་
པ་བྱེ་བ་ཕྲག་དུ་མ་ནས་སྦྱངས་པའི་ཡོན་ཏན་རྫོགས་ཤིང་རྟག་ཏུ་མཉམ་པར་བཞག་པའང་ཡིན་ནོ། །ཛམྦུའི་གླིང་ལ་ལར་ནི། བྱང་ཆུབ་ཀྱི་སྙིང་པོར་རྩྭ་བཏིང་བ་ལ་འདུག་པ་ལྟ་བུར་སྟོན་
ཏེ༑ བྱང་ཆུབ་ཀྱི་སྙིང་པོ་ལ་འདུག་པར་སེམས་ཅན་རྣམས་ཀྱིས་ཤེས་ཀྱང་རྟག་ཏུ་བྱང་ཆུབ་ཀྱི་བྱ་བ་མཐར་ཕྱིན་པར་བྱས་པའང་ཡིན་ནོ། །ཛམྦུའི་གླིང་ལ་ལར་ནི། བསམ་གཏན་དང༌། ཏིང་
ངེ་འཛིན་དང༌། སྙོམས་པར་འཇུག་པ་ལ་སྙོམས་པར་ཞུགས་པ་ལྟ་བུར་སྟོན་ཏེ། བསམ་གཏན་དང༌། ཏིང་ངེ་འཛིན་དང༌། སྙོམས་པར་འཇུག་པ་ལ་སྙོམས་པར་ཞུགས་པར་སེམས་ཅན་
རྣམས་ཀྱིས་ཤེས་ཀྱང་རྟག་ཏུ་སྙོམས་པར་འཇུག་པའི་སྤྱོད་པ་དུ་མ་ལ་སྤྱོད་པའང་ཡིན་ནོ། །ཛམྦུའི་གླིང་ལ་ལར་ནི། ཡན་ལག་དགུ་བའི་མདོ་འཆད་པ་ལྟ་བུར་སྟོན་ཏེ། བཅོམ་ལྡན་འདས་
ཀྱིས་ཡན་ལག་དགུ་པའི་མདོ་གསུངས་པ་འཆད་པར་སེམས་ཅན་རྣམས་ཀྱིས་ཤེས་ཀྱང་རྟག་ཏུ་མདོ་དུ་མ་ལ་སོགས་པའང་འཆད་དོ། །ཛམྦུའི་གླིང་ལ་ལར་ནི། བསླབ་པའི་གཞིའི་ཚད་ངེས་
པར་བྱེད་པ་ལྟ་བུར་སྟོན་ཏེ། བསླབ་པའི་གཞིའི་ཚད་ངེས་པར་འཆའ་བར་བྱེད་པར་སེམས་ཅན་རྣམས་ཀྱིས་ཤེས་ཀྱང་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་མདོ་དག་ཀྱང་རྟག་ཏུ་བྱེད་ཅིང༌།
བསླབ་པའི་གཞི་དུ་མ་དག་ཀྱང་རྟག་ཏུ་འཆའ་བར་བྱེད་དོ། །ཛམྦུའི་གླིང་ལ་ལར་ནི། བྱང་ཆུབ་ཀྱི་ཤིང་དྲུང་དུ་བདུད་འདུལ་བ་ལྟ་བུར་སྟོན་ཏེ། བདུད་ཀྱི་སྡེ་ཕམ་པར་བྱས་པར་སེམས་ཅན་རྣམས་ཀྱིས་
ཤེས་ཀྱང་བདུད་ཀྱི་འདུ་ཤེས་གཅིག་ཀྱང་མི་འབྱུང་སྟེ། ཉོན་མོངས་པའི་བདུད་དང༌། ཕུང་པོའི་བདུད་ལ་སོགས་པ་བདུད་བྱེ་བ་ཕྲག་དུ་མ་དག་ཀྱང་རྟག་ཏུ་ཟད་པར་བྱེད་དོ། །ཛམྦུའི་གླིང་ལ་ལར་ནི།
༄༅། །རྒྱུན་དུ་ཞུགས་པའི་འབྲས་བུ་ལ་སོགས་པ་འབྲས་བུ་བཞི་ཐོབ་པ་ལྟ་བུར་སྟོན་ཏེ། འབྲས་བུ་བཞི་ཐོབ་པར་སེམས་ཅན་རྣམས་ཀྱིས་ཤེས་ཀྱང་འབྲས་བུ་བཞིའི་འདུ་ཤེས་
ཀྱང་མི་འབྱུང་སྟེ། འབྲས་བུའི་བྱ་བ་དུ་མ་དག་ལའང་སྤྱོད་ཅིང་ཕྱིར་མི་འོང་པའང་མ་ཡིན་ལ། སེམས་ཅན་རྣམས་ངེས་པར་བསྒྲལ་བའི་ཕྱིར་རྟག་ཏུ་སྲིད་པའི་ཡན་ལག་རྣམས་སུའང་འོང་ངོ༌། །ཛམྦུའི་
གླིང་ལ་ལར་ནི། ཡོན་གནས་ལྟ་བུར་སྟོན་ཏེ། འཇིག་རྟེན་གྱི་ཡོན་གནས་ཡིན་པར་སེམས་ཅན་རྣམས་ཀྱིས་ཤེས་ཀྱང་ཡོན་གནས་ཀྱི་ང་རྒྱལ་ལའང་མི་སྤྱོད་དེ། ནམ་སེམས་ཅན་ཐམས་ཅད་བླ་ན་
མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོན་གནས་སུ་གྱུར་པ་དེའི་ཚེ་བདག་ཡོན་གནས་ཀྱི་འདུ་ཤེས་ལ་འཇུག་གོ་སྙམ་ནས་མ་གོས་པའི་སྤྱད་པ་ལ་སྤྱོད་དོ། །ཛམྦུའི་གླིང་ལ་ལར་ནི། དགེ་
འདུན་གྱི་དབྱེན་བྱེད་པ་ལྟ་བུར་སྟོན་ཏེ། དགེ་འདུན་གྱི་དབྱེན་བྱེད་པར་སེམས་ཅན་རྣམས་ཀྱིས་ཤེས་ཀྱང་སྔོན་གྱི་བསྐལ་པ་བྱེ་བ་ཕྲག་གྲངས་མེད་པ་ནས་དགེ་འདུན་གྱི་དབྱེན་སྔོན་ཆད་ཀྱང་
མ་བྱས་ཏེ། དགེ་འདུན་ལ་ཕན་པར་སྒྲུབ་པ་སྤྱོད་པ་ཡིན་ནོ། །ཛམྦུའི་གླིང་ལ་ལར་ནི། དེ་བཞིན་གཤེགས་པའི་ཞབས་ཀྱིས་རེག་པའི་རྡུལ་གུད་དུ་འདོར་བར་བྱེད་པ་ལྟ་བུར་སྟོན་ཏེ། ཀྱེ་མ་
ངུར་སྨྲིག་ཙམ་འཆང་ཞིང་མི་ཟད་པའི་ལས་བྱེད་པ་ཞིག་ཡིན་པར་སེམས་ཅན་རྣམས་ཀྱིས་ཤེས་ཀྱང་ངུར་སྨྲིག་ཙམ་འཆང་བའང་མ་ཡིན་ཏེ། སེམས་ཅན་ཐམས་ཅད་ལ་ཕན་པ་དང༌།
བདེ་བ་སྟོན་པའང་ཡིན་ནོ། །དེ་ལ་སོགས་པ་གཞན་ཡང་དེ་བཞིན་གཤེགས་པའི་ཞབས་ཀྱི་དྲུང་དུ་ཆོས་མཉན་པ་ཐོས་ན། ཀྱེ་མ་དགེ་སྦྱོང་གཽ་ཏ་མ་ནི། བརྡ་ཕྲད་དཀའ་བ་ཤ་སྟག་ཟེར་རོ། །ཞེས་འཕྱེད་[?]
བ་ལྟ་བུར་སྟོན་ཏེ། ཀྱེ་མ་གཡེང་པ་ཤེས་རབ་རྟུལ་བའི་དགེ་སློང་ཞིག་ཡིན་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་དེ་བཞིན་གཤེགས་པ་ལ་ཕན་པ་དང༌། བདེ་
བ་བྱེད་པའང་ཡིན་ནོ། །ཛམྦུའི་གླིང་ལ་ལར་ནི། དེ་བཞིན་གཤེགས་པ་ལ་ཟད་དུག་ཅན་འབུལ་ཞིང་བསླབ་པའི་གཞི་དང༌། ཕམ་པའི་འགལ་བ་བྱེད་པ་ལྟ་བུར་སྟོན་ཏེ། ཕམ་པ་ཅན་དུ་སེམས་ཅན་
རྣམས་ཀྱིས་ཤེས་ཀྱང་སེམས་ཅན་ཐམས་ཅད་ཀྱི་ཚུལ་ཁྲིམས་ཀྱི་སྡོམ་པ་སྐྱེད་པར་བྱེད་པའང་ཡིན་ནོ། །ཛམྦུའི་གླིང་ལ་ལར་ནི། དེ་བཞིན་གཤེགས་པ་རྣམས་ཀྱི་མཛད་པ་མང་པོ་སྟོན་པ་ལྟ་བུར་སྟོན་
ཏེ༑ ཡང་དག་པར་སྟོན་པ་པོ་ཡིན་པར་སེམས་ཅན་རྣམས་ཀྱིས་ཤེས་ཀྱང་ཡང་དག་པར་སྟོན་པ་པོའང་མ་ཡིན་ཏེ། དེ་བཞིན་གཤེགས་པའི་རྒྱན་བྱེད་པ་ཡིན་ནོ། །ཛམྦུའི་གླིང་ལ་ལར་ནི། ཉན་ཐོས་དང་
རང་སངས་རྒྱས་ཐམས་ཅད་ལྟ་བུར་བདག་ཉིད་སྟོན་ཏེ། ཉན་ཐོས་དང༌། རང་སངས་རྒྱས་ཐམས་ཅད་ཡིན་པར་སེམས་ཅན་རྣམས་ཀྱིས་ཤེས་སོ། །ཛམྦུའི་གླིང་ལ་ལར་ནི། ཡོངས་སུ་མྱ་ངན་ལས་འདའ་
བ་ལྟ་བུར་བདག་ཉིད་སྟོན་ཏེ། ཡོངས་སུ་མྱ་ངན་ལས་འདས་པར་སེམས་ཅན་རྣམས་ཀྱིས་ཤེས་ཀྱང་སྔོན་ཆད་གཏན་དུ་ཡོངས་སུ་མྱ་ངན་ལས་འདས་པས་ནི། ནམ་ཡང་ཡོངས་སུ་མྱ་ངན་ལས་མ་འདས་སོ་
༄༅། །ལན་གཅིག་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདས་པའང་མ་ཡིན་ཏེ། ལན་མང་དུའང་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་
ལས་འདའོ། །ལན་གྲངས་བྱེ་བ་ཕྲག་བརྒྱད་ཁྲི་བཞི་སྟོང་དུ་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར་བྱེད་དེ། ལན་བྱེ་བ་ཕྲག་ཉི་ཁྲི་ཆིག་སྟོང་དུ་འདོད་ཆགས་ལས་
ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར་འགྱུར་ལ། འདོད་ཆགས་ལ་བརྟེན་ཏེ་ཡོངས་སུ་མྱ་ངན་ལས་འདས་པའང་མ་ཡིན་ནོ། །ལན་བྱེ་བ་ཕྲག་ཉི་ཁྲི་ཆིག་སྟོང་
དུ་ཞེ་སྡང་ལས་ཡོངས་སུ་མྱ་ངན་ལས་འདའོ། །ལན་བྱེ་བ་ཕྲག་ཉི་ཁྲི་ཆིག་སྟོང་དུ་གཏི་མུག་ལས་ཡོངས་སུ་མྱ་ངན་ལས་འདའོ། །ལན་བྱེ་བ་ཁྲག་ཉི་ཁྲི་ཆིག་སྟོང་དུ་ཆ་མཉམ་པ་ལས་ཡོངས་སུ་
མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར་བྱེད་དོ། །རྣམ་པ་བཞི་པོ་འདི་ལྟ་བུས་ཡོངས་སུ་མྱ་ངན་ལས་འདས་པ་ཆེན་པོར་ཡོངས་སུ་མྱ་ངན་ལས་འདའ་བར་འགྱུར་ལ། འདོད་
ཆགས་དང༌། ཞེ་སྡང་དང༌། གཏི་མུག་དང༌། ཆ་མཉམ་པ་ལའང་མི་རྟེན་ཏོ། །དེ་ལྟར་ཡོངས་སུ་མྱ་ངན་ལས་འདས་པ་ཆེན་པོ་བཞི་པོ་དག་གིས་བསྐལ་པ་བྱེ་བ་ཕྲག་དུ་མ་ནས་བྱ་བ་མཐར་ཕྱིན་ཏེ་
འདུལ་བའི་དབང་གིས་ཡོངས་སུ་མྱ་ངན་ལས་འདའ་བ་ལྟ་བུར་སྟོན་ཏེ། མི་དགེ་བའི་ཕྱོགས་ཇི་སྙེད་ཡོད་པར་ཡོངས་སུ་མྱ་ངན་ལས་འདས་པའང་དེ་སྙེད་དེ། རྟག་ཏུ་སྐད་ཅིག་དང༌། ཐང་གཅིག་
དང༌། ཡུལ་ཙམ་གྱིས་ཡོངས་སུ་མྱ་ངན་ལས་འདའོ། །དེ་བས་ན། རྣམ་པ་མང་པོ་དག་གིས་ཡོངས་སུ་མྱ་ངན་ལས་འདའ་བར་བྱེད་ལ་གཏན་དུ་ཡོངས་སུ་མྱ་ངན་ལས་འདའ་བའི་མིང་ཡང་མེད་པའི་
ཕྱིར་ཡོངས་སུ་མྱ་ངན་ལས་མི་འདའོ། །ཛམྦུའི་གླིང་ལ་ལར་ནི། བདུད་ཀྱི་ལས་བྱེད་པར་བདག་ཉིད་སྟོན་ཏེ། བདུད་སྡིག་ཅན་ཡིན་པར་སེམས་ཅན་རྣམས་ཀྱིས་ཤེས་ཀྱང་བདུད་ཀྱི་ལས་ཀྱང་མི་བྱེད་
དོ༑ ༑འདོད་ཆགས་དང༌། ཞེ་སྡང་དང༌། གཏི་མུག་གི་འཇིགས་པ་ལ་སོགས་པ་མི་དགེ་བའི་ཕྱོགས་ཇི་སྙེད་པ་དེ་སྙེད་ཀྱི་བདུད་ཀྱི་ལས་རྟག་ཏུ་བྱེད་ལ། ཤིན་ཏུ་གཅོད་པར་བྱེད་པའི་བདུད་ཀྱི་ལས་ལ་
རྟེན་པའང་མ་ཡིན་ནོ། །བྱང་གི་སྒྲ་མི་སྙན་ལ་ལར་བདག་ཉིད་མངལ་ནས་སྐྱེས་པ་ལྟ་བུར་སྟོན་ཏེ། སེམས་ཅན་རྣམས་ཀྱིས་བུ་བཙས་པར་ཤེས་ཀྱང་འཁྲིག་པ་ལ་བརྟེན་ནས་བྱུང་བའང་མ་ཡིན་ཞིང་
བུའི་རང་བཞིན་ཡང་མ་ཡིན་ནོ། །བྱང་གི་སྒྲ་མི་སྙན་ལ་ལར་མངོན་པར་འབྱུང་བའང་སྟོན་ཏེ། སེམས་ཅན་རྣམས་ཀྱིས་མངོན་པར་འབྱུང་བར་ཤེས་ཀྱང་དེ་ལ་མངོན་པར་འབྱུང་བའི་འདུ་ཤེས་འཇུག་
པའང་མེད་དོ། །བྱང་གི་སྒྲ་མི་སྙན་ལ་ལར་ནི། གཙུག་ཕུད་འབྲེག་པའི་ལས་ལྟ་བུར་སྟོན་ཏེ། སེམས་ཅན་རྣམས་ཀྱིས་གཙུག་ཕུད་འབྲེག་པའི་ལས་བྱེད་པར་ཤེས་ཀྱང་དེ་ལ་དེའི་འདུ་ཤེས་འཇུག་
པའང་མེད་དོ། །བྱང་གི་སྒྲ་མི་སྙན་ལ་ལར་ནི། མཁན་པོའི་ཁྱིམ་དུ་འགྲོ་བ་ལྟ་བུར་སྟོན་ཏེ། བསླབ་པར་བྱ་བའི་ཡི་གེ་སློབ་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་དུ་མར་བསླབ་པའི་བྱ་བ་
༄༅། །ཤིན་ཏུ་ཚར་ཕྱིན་པར་བྱས་ཤིང་བསྐལ་པ་བྱེ་བ་ཕྲག་བརྒྱ་སྟོང་དུ་མ་ནས་བཟོའི་བྱ་བ་ཐམས་ཅད་ཀྱང་མཐར་ཕྱིན་ཏེ། བྱང་གི་སྒྲ་མི་སྙན་ལ་ལར་ནི། མིའི་སེངྒེ་དང༌།
ངང་པའི་སྟབས་སུ་འགྲོ་བ་ལྟ་བུར་སྟོན་ཏེ། སེམས་ཅན་རྣམས་ཀྱིས་མིའི་སེངྒེ་དང༌། ངང་པའི་སྟབས་སུ་འགྲོ་བར་ཤེས་ཀྱང་བསྐལ་པ་བྱེ་བ་ཕྲག་དུ་མ་ལ་སོགས་པ་ནས་དང་པའི་སྟབས་ཀྱི་འདུ་
ཤེས་དེའང་སྤངས་སོ། །བྱང་གི་སྒྲ་མི་སྙན་ལ་ལར་ནི། བུ་དང་ཆུང་མ་ལའང་སྟོན་པར་བྱེད་དེ། སེམས་ཅན་རྣམས་ཀྱིས་འདོད་པ་ལ་ཡོངས་སུ་སྤྱོད་པར་ཤེས་ཀྱང་དེའང་རྟག་ཏུ་ཆོས་འདོད་པ་ལ་
ཡོངས་སུ་སྤྱོད་ཀྱི། ཉོན་མོངས་པ་དང༌། འདོད་པ་ལ་གནས་པའང་མ་ཡིན་ནོ། །བྱང་གི་སྒྲ་མི་སྙན་ལ་ལར་ནི། བཤང་བ་དང༌། གཅི་བ་ལྟ་བུར་སྟོན་པར་བྱེད་དེ། སེམས་ཅན་རྣམས་ཀྱིས་བཤད་བ་
དང༌། གཅི་བ་བྱེད་པར་ཤེས་ཀྱང་བསྐལ་པ་བྱེ་བ་ཕྲག་གྲངས་མེད་པ་ནས་བཤད་བ་དང་གཅི་བའི་འདུ་ཤེས་ཀྱང་རྣམ་པར་སྤངས་ཏེ། འདུ་ཤེས་དེའང་འཇུག་པ་མེད་དོ། །བྱང་གི་སྒྲ་མི་སྙན་ལ་ལར་ནི།
སོ་ཤིང་སྤྱོད་པ་ལྟ་བུར་སྟོན་ཏེ། སོ་ཤིང་འཆང་བར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་གྲངས་མེད་པ་ནས་ཉོན་མོངས་པའི་སོ་ཤིང་རྣམ་པར་སྤངས་ཏེ། ཁའང་ཨུཏྤ་ལའི་དྲི་དང་
ལྡན་ནོ༑ ༑བྱང་གི་སྒྲ་མི་སྙན་ལ་ལར་ནི། གདུགས་དང༌། ལྷམ་འཆང་བ་ལྟ་བུར་སྟོན་ཏེ། གདུགས་དང༌། ལྷམ་འཆང་བར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་ཉོན་མོངས་
པའི་གདུགས་དང༌། ལྷམ་གྱི་འདུ་ཤེས་ཀྱང་རྣམ་པར་སྤངས་ཏེ་ལུས་དག་ཅིང་རྟག་ཏུ་ཆོས་ཀྱི་བདེ་བ་དང༌། ཏིང་ངེ་འཛིན་གྱི་གདུགས་འཆང་ཞིང་རིན་པོ་ཆེའི་གདུགས་དང༌། པདྨའི་ལྷམ་ཐམས་ཅད་སྟེན་
པར་བྱེད་དོ། །བྱང་གི་སྒྲ་མི་སྙན་ལ་ལར་ནི། ཁྲུས་བྱེད་པ་ལྟ་བུར་སྟོན་ཏེ། ཁྲུས་བྱེད་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་ཁྲུས་ཀྱི་འདུ་ཤེས་དེ་རྣམ་པར་སྤངས་ཏེ། མདོ་དུ་
མ་ནས་བྱུང་བའི་ཆུས་རྟག་ཏུ་ཁྲུས་བྱེད་ཅིང་སེམས་ཅན་ཐམས་ཅད་ཀྱི་མུ་སྟེགས་སུ་གྱུར་པའང་ཡིན་ནོ། །བྱང་གི་སྒྲ་མི་སྙན་ལ་ལར་ནི། ནད་ཀྱི་རང་བཞིན་ལྟ་བུར་སྟོན་ཏེ། སྨན་ལ་སྟེན་པར་སེམས་ཅན་རྣམས་
ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་ཉོན་མོངས་པ་ཐམས་ཅད་དང་བྲལ་ཞིང་ནད་རྣམས་བསལ་བ་སྟེ། སེམས་ཅན་ནད་ཀྱིས་ཐེབས་པ་རྣམས་དང༌། འདོད་ཆགས་ཀྱི་རང་བཞིན་དག་ལས་ཀྱང་གསོ་
བར་བྱེད་དོ། །བྱང་གི་སྒྲ་མི་སྙན་ལ་ལར་ནི། གྲང་བ་དང༌། ཚ་བ་ལ་སྟེན་པ་ལྟ་བུར་སྟོན་ཏེ། གྲང་བ་དང༌། ཚ་བ་ལ་སྟེན་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ལ་སོགས་པ་ནས་གྲང་
བ་དང༌། ཚ་བའི་འཇིགས་པའང་རྣམ་པར་སྤངས་སོ། །བྱང་གི་སྒྲ་མི་སྙན་ལ་ལར་ནི། བཀྲེས་པ་དང༌། སྐོམ་པས་སྲེད་ཅིང་ཞེན་པ་དང་ལྡན་པར་སྟོན་ཏེ། བཀྲེས་ཤིང་སྐོམ་པ་ལ་སྐོམ་པས་གདུངས་བར་སེམས་ཅན་
རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་བཀྲེས་པ་དང༌། སྐོམ་པའི་འདུ་ཤེས་ཀྱི་འཇིགས་པའི་ཀླུང་གི་རྒྱུན་ལས་ཀྱང་རྒལ་ནས་རྟག་ཏུ་བཀྲེས་པ་དང༌། སྐོམ་པས་སྲེད་པར་གྱུར་པའི་འབྱུང་པོ་ཐམས་
༄༅། །ཅད་ཀྱི་ཁ་ཟས་སུ་གྱུར་ཅིག །ཅེས་ཟེར་རོ། །བྱང་གི་སྒྲ་མི་སྙན་ལ་ལར་ནི། སྦྱིན་པའི་ཕ་རོལ་ཏུ་ཕྱིན་པ་སྤྱོད་པ་ལ་བརྩོན་པ་ལྟ་བུར་སྟོན་ཏེ། ཀྱེ་མ་སྦྱིན་པ་ལ་བརྩོན་པའི་སེམས་ཅན་
ཡིན་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་ཀྱང་ཕ་རོལ་ཏུ་ཕྱིན་པ་དུ་མ་རྟག་ཏུ་སྤྱད་པས་ཕ་རོལ་ཏུ་ཕྱིན་པ་བཅུ་པོ་རྣམས་ལ་སེམས་ཅན་རྣམས་སྡུད་པའི་རྒྱུར་གྱུར་ཏོ།
བྱང་གི་སྒྲ་མི་སྙན་ལ་ལར་ནི། འཁོར་ལོས་སྒྱུར་བའི་རྒྱལ་སྲིད་ཀྱི་ཚུལ་སྟོན་ཏེ། འཁོར་ལོས་སྒྱུར་བའི་རྒྱལ་པོར་སེམས་ཅན་རྣམས་ཀྱིས་ཤེས་ཀྱང་དེ་འཁོར་ལོས་སྒྱུར་བའི་རྒྱལ་པོ་པལ་གྱི་སྤྱད་
པའང་མི་སྤྱོད་དེ། རྟག་ཏུ་ཕྱིར་མི་ལྡོག་པའི་ཆོས་ཀྱི་འཁོར་ལོ་བསྐོར་བའི་རྒྱལ་པོ་བྱེད་ཅིང་སེམས་ཅན་ཐམས་ཅད་ཀྱང་བྱེད་དུ་འཇུག་གོ །བྱང་གི་སྒྲ་མི་སྙན་ལ་ལར་ནི། དེ་ལྟ་བུའི་རྒྱལ་སྲིད་ཕུན་སུམ་
ཚོགས་པ་ཤིན་ཏུ་རྒྱ་ཆེ་བ་དག་ཀྱང་རྩ་བཞིན་དུ་བོར་ནས་རབ་ཏུ་བྱུང་བའི་གཟུགས་དང༌། མཚན་མ་སྟོན་པར་བྱེད་དེ། ལ་ལར་ནི། རབ་ཏུ་བྱུང་བ་ལྟ་བུ། ལ་ལར་ནི། རབ་ཏུ་མ་བྱུང་བ་ལྟ་བུར་སེམས་ཅན་
རྣམས་ཀྱིས་ཤེས་སོ། །བྱང་གི་སྒྲ་མི་སྙན་ལ་ལར་ནི། ཡ་མཚན་ཅན་ཐམས་ཅད་ཀྱི་རབ་ཏུ་བྱུང་བ་ལྟ་བུར་ལྟ་བ་ངན་པ་རབ་ཏུ་འབྱུང་བ་ལ་རབ་ཏུ་བྱུང་བར་སེམས་ཅན་རྣམས་ཀྱིས་ཤེས་ཀྱང་ཡ་
མཚན་ཅན་ཐམས་ཅད་དང་མཐུན་པར་རབ་ཏུ་བྱུང་བའང་མ་ཡིན་ཏེ། དེ་དག་ངེས་པར་བསྒྲལ་བའི་ཕྱིར་རབ་ཏུ་འབྱུང་ངོ༌། །བྱང་གི་སྒྲ་མི་སྙན་ལ་ལར་ནི། དེ་བཞིན་གཤེགས་པའི་རབ་ཏུ་འབྱུང་བར་རྩོམ་
པ་ལྟ་བུར་སྟོན་ཏེ། དེ་བཞིན་གཤེགས་པ་རབ་ཏུ་འབྱུང་བར་རབ་ཏུ་འབྱུང་བར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་དེ་བཞིན་གཤེགས་པའི་རབ་ཏུ་འབྱུང་བའི་བྱ་
བའང་མཐར་ཕྱིན་པར་བྱས་སོ། །བྱང་གི་སྒྲ་མི་སྙན་ལ་ལར་ནི། སྦྱངས་པའི་ཡོན་ཏན་བཅུ་གསུམ་ཡང་དག་པར་འཛིན་པ་ལྟ་བུར་སྟོན་ཏེ། སྦྱངས་པའི་ཡོན་ཏན་ཅན་ཡོ་བྱད་བསྙུངས་པ་ཡིན་པར་
སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་སྦྱངས་པའི་ཡོན་ཏན་རྫོགས་ཤིང་རྟག་ཏུ་མཉམ་པར་བཞག་པའང་ཡིན་ནོ། །བྱང་གི་སྒྲ་མི་སྙན་ལ་ལར་ནི། བྱང་ཆུབ་ཀྱི་སྙིང་པོར་
རྩྭ་བཏིང་བ་ལྟ་བུར་སྟོན་ཏེ། བྱང་ཆུབ་ཀྱི་སྙིང་པོ་ལ་འདུག་པར་སེམས་ཅན་རྣམས་ཀྱིས་ཤེས་ཀྱང་རྟག་ཏུ་བྱང་ཆུབ་ཀྱི་བྱ་བ་མཐར་ཕྱིན་པར་བྱས་པའང་ཡིན་ནོ། །བྱང་གི་སྒྲ་མི་སྙན་ལ་ལར་ནི། བསམ་
གཏན་དང༌། ཏིང་ངེ་འཛིན་དང༌། སྙོམས་པར་འཇུག་པ་ལ་སྙོམས་པར་ཞུགས་པ་ལྟ་བུར་སྟོན་ཏེ། བསམ་གཏན་དང༌། ཏིང་ངེ་འཛིན་དང༌། སྙོམས་པར་འཇུག་པ་ལ་སྙོམས་པར་ཞུགས་པར་སེམས་
ཅན་རྣམས་ཀྱིས་ཤེས་ཀྱང་རྟག་ཏུ་སྙོམས་པར་འཇུག་པར་སྤྱོད་པ་དུ་མ་སྤྱོད་པའང་ཡིན་ནོ། །བྱང་གི་སྒྲ་མི་སྙན་ལ་ལར་ནི། ཡན་ལག་དགུའི་མདོ་འཆད་པ་ལྟ་བུར་སྟོན་ཏེ། བཅོམ་ལྡན་འདས་ཀྱིས་
ཡན་ལག་དགུའི་མདོ་གསུངས་པ་འཆད་པར་སེམས་ཅན་རྣམས་ཀྱིས་ཤེས་ཀྱང་རྟག་ཏུ་མདོ་དུ་མ་ལ་སོགས་པའང་འཆད་དོ། །བྱང་གི་སྒྲ་མི་སྙན་ལ་ལར་ནི། བསླབ་པའི་གཞི་ཚད་ངེས་པར་བྱེད་པ་ལྟ་
༄༅། །བུར་སྟོན་ཏེ། བསླབ་པའི་གཞི་ཚད་ངེས་པར་འཆའ་བར་བྱེད་པར་སེམས་ཅན་རྣམས་ཀྱིས་ཤེས་ཀྱང་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་མདོ་དག་ཀྱང་རྟག་ཏུ་བྱེད་ཅིང་
བསླབ་པའི་གཞི་དུ་མ་དག་ཀྱང་རྟག་ཏུ་འཆའ་བར་བྱེད་དོ། །བྱང་གི་སྒྲ་མི་སྙན་ལ་ལར་ནི། བྱང་ཆུབ་ཀྱི་ཤིང་དྲུང་དུ་བདུད་འདུལ་བ་ལྟ་བུར་སྟོན་ཏེ། བདུད་ཀྱི་སྡེ་ཕམ་པར་བྱས་པར་སེམས་ཅན་
རྣམས་ཀྱིས་ཤེས་ཀྱང་བདུད་ཀྱི་འདུ་ཤེས་གཅིག་ཀྱང་མི་འབྱུང་སྟེ། ཉོན་མོངས་པའི་འདུད་དང༌། ཕུང་པོའི་བདུད་ལ་སོགས་པ་བདུད་བྱེ་བ་དུ་མ་དག་ཀྱང་རྟག་ཏུ་ཟད་པར་བྱེད་དོ། །བྱང་གི་སྒྲ་མི་
སྙན་ལ་ལར་ནི། རྒྱུན་དུ་ཞུགས་པའི་འབྲས་བུ་ལ་སོགས་པ་འབྲས་བུ་བཞི་ཐོབ་པ་ལྟ་བུར་སྟོན་ཏེ། འབྲས་བུ་བཞི་ཐོབ་པར་སེམས་ཅན་རྣམས་ཀྱིས་ཤེས་ཀྱང་འབྲས་བུ་བཞིའི་འདུ་ཤེས་ཀྱང་མི་
འབྱུང་སྟེ། འབྲས་བུའི་བྱ་བ་དུ་མ་དག་ལའང་སྤྱོད་ཅིང་ཕྱིར་མི་འོང་བའང་མ་ཡིན་ལ་སེམས་ཅན་རྣམས་ངེས་པར་བསྒྲལ་བའི་ཕྱིར་རྟག་ཏུ་སྲིད་པའི་ཡན་ལག་རྣམས་སུའང་འོང་ངོ༌། །བྱང་གི་སྒྲ་མི་
སྙན་ལ་ལར་ནི། ཡོན་གནས་ལྟ་བུར་སྟོན་ཏེ། འཇིག་རྟེན་ན་ཡོན་གནས་ཡིན་པར་སེམས་ཅན་རྣམས་ཀྱིས་ཤེས་ཀྱང་ཡོན་གནས་ཀྱི་ང་རྒྱལ་ལའང་མི་སྤྱོད་དེ། ནམ་སེམས་ཅན་ཐམས་ཅད་བླ་ན་
མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོན་གནས་སུ་གྱུར་པ་དེའི་ཚེ་བདག་ཡོན་གནས་ཀྱི་འདུ་ཤེས་ལ་འཇུག་གོ་སྙམ་ནས་མ་གོས་པའི་སྤྱད་པ་སྤྱོད་དོ། །བྱང་གི་སྒྲ་མི་སྙན་ལ་ལར་ནི།
དགེ་འདུན་གྱི་དབྱེན་བྱེད་པ་ལྟ་བུར་སྟོན་ཏེ། དགེ་འདུན་གྱི་དབྱེན་བྱེད་པར་སེམས་ཅན་རྣམས་ཀྱིས་ཤེས་ཀྱང་སྔོན་གྱི་བསྐལ་པ་གྲངས་མེད་པ་ནས་དགེ་འདུན་གྱི་དབྱེན་སྔོན་ཆད་ཀྱང་མ་བྱས་ཏེ།
དགེ་འདུན་ལ་ཕན་པར་སྒྲུབ་པ་སྤྱོད་པ་ཡིན་ནོ། །བྱང་གི་སྒྲ་མི་སྙན་ལ་ལར་ནི། དེ་བཞིན་གཤེགས་པའི་ཞབས་ཀྱིས་རེག་པའི་རྡུལ་གུད་དུ་འདོར་བར་བྱེད་པ་ལྟ་བུར་སྟོན་ཏེ། ཀྱེ་མ་དུར་སྨྲིག་ཙམ་
འཆང་ཞིང་མི་ཟད་པའི་ལས་བྱེད་པ་ཞིག་ཡིན་པར་སེམས་ཅན་རྣམས་ཀྱིས་ཤེས་ཀྱང་དུར་སྨྲིག་ཙམ་འཆང་བའང་མ་ཡིན་ཏེ། སེམས་ཅན་ཐམས་ཅད་ལ་ཕན་པ་དང༌། བདེ་བ་སྟོན་པའང་ཡིན་ནོ། །
དེ་ལ་སོགས་པ་གཞན་ཡང་དེ་བཞིན་གཤེགས་པའི་ཞབས་ཀྱི་དྲུང་དུ་ཆོས་ཉན་པ་ཐོས་པ་ནས་ཀྱེ་མ་དགེ་སྦྱོང་གཽ་ཏམ་ནི། བརྡ་ཕྲད་དཀའ་བ་ཤ་སྟག་ཟེར་རོ། །ཞེས་བྱ་བ་ལྟ་བུར་སྟོན་ཏེ། ཀྱེ་མ་གཡེང་
པ་ཤེས་རབ་རྟུལ་པའི་དགེ་སློང་ཞིག་ཡིན་པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་དེ་བཞིན་གཤེགས་པ་སེམས་ཅན་ལ་ཕན་པ་དང༌། བདེ་བ་བྱེད་པའང་ཡིན་ནོ། །བྱང་གི་
སྒྲ་མི་སྙན་ལ་ལར་ནི། དེ་བཞིན་གཤེགས་པ་ལ་ཟས་དུག་ཅན་འབུལ་ཞིང་བསླབ་པའི་གཞི་དང༌། ཕམ་པའི་འགལ་བ་བྱེད་པ་ལྟ་བུར་སྟོན་ཏེ། ཕམ་པ་ཅན་དུ་སེམས་ཅན་རྣམས་ཀྱིས་ཤེས་ཀྱང་སེམས་
ཅན་ཐམས་ཅད་ཀྱི་ཚུལ་ཁྲིམས་ཀྱི་སྡོམ་པ་སྐྱེད་པར་བྱེད་པའང་ཡིན་ནོ། །བྱང་གི་སྒྲ་མི་སྙན་ལ་ལར་ནི། དེ་བཞིན་གཤེགས་པ་རྣམས་ཀྱི་མཛད་པ་མང་པོ་སྟོན་པ་ལྟ་བུར་སྟོན་ཏེ། ཡང་དག་པར་སྟོན་པ་
༄༅། །པོ་ཡིན་པར་སེམས་ཅན་རྣམས་ཀྱིས་ཤེས་ཀྱང་ཡང་དག་པར་སྟོན་པ་པོའང་མ་ཡིན་ཏེ། དེ་བཞིན་གཤེགས་པའི་རྒྱན་བྱེད་པ་ཡིན་ནོ། །བྱང་གི་སྒྲ་མི་སྙན་ལ་
ལར་ནི༑ ཉན་ཐོས་དང༌། རང་སངས་རྒྱས་ཐམས་ཅད་ལྟ་བུར་བདག་ཉིད་སྟོན་ཏེ། ཉན་ཐོས་དང༌། རང་སངས་རྒྱས་ཐམས་ཅད་ཡིན་པར་སེམས་ཅན་རྣམས་ཀྱིས་ཤེས་སོ། །བྱང་གི་སྒྲ་མི་
སྙན་ལ་ལར་ནི། ཡོངས་སུ་མྱ་ངན་ལས་འདའ་བ་ལྟ་བུའི་བདག་ཉིད་སྟོན་ཏེ། ཡོངས་སུ་མྱ་ངན་ལས་འདས་པར་སེམས་ཅན་རྣམས་ཀྱིས་ཤེས་ཀྱང་སྔོན་ཆད་གཏན་དུ་ཡོངས་སུ་མྱ་ངན་ལས་
འདས་པས་ནི། ནམ་ཡང་ཡོངས་སུ་མྱ་ངན་ལས་མ་འདས་སོ། །ལན་གཅིག་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདས་པའང་མ་ཡིན་ཏེ། ལན་མང་དུའང་ཡོངས་སུ་
མྱ་ངན་ལས་འདས་པས་ཡོངས་སུ་མྱ་ངན་ལས་འདའོ། །ལན་གྲངས་བྱེ་བ་ཕྲག་བརྒྱད་ཁྲི་བཞི་སྟོང་དུ་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར་བྱེད་དོ། །ལན་བྱེ་བ་
ཕྲག་ཉིད་ཁྲི་ཆིག་སྟོང་དུ་འདོད་ཆགས་ལས་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར་འགྱུར་ལ་འདོད་ཆགས་ལ་བརྟེན་ཏེ་ཡོངས་སུ་མྱ་ངན་ལས་འདའ་བའང་མ་
ཡིན་ནོ། །ལན་བྱེ་བ་ཕྲག་ཉི་ཁྲི་ཆིག་སྟོང་དུ་ཞེ་སྡང་ལས་ཡོངས་སུ་མྱ་ངན་ལས་འདའོ། །ལན་བྱེ་བ་ཕྲག་ཉི་ཁྲི་ཆིག་སྟོང་དུ་གཏི་མུག་ལས་ཡོངས་སུ་མྱ་ངན་འདའོ། །ལན་བྱེ་བ་ཕྲག་ཉི་ཁྲི་ཆིག་
སྟོང་དུ་ཆ་མཉམ་པ་ལས་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར་བྱེད་དོ། །རྣམ་པ་བཞི་པོ་འདི་ལྟ་བུས་ཡོངས་སུ་མྱ་ངན་ལས་འདས་པ་ཆེན་པོར་ཡོངས་སུ་མྱ་ངན་ལས་
འདའ་བར་འགྱུར་ལ། འདོད་ཆགས་དང༌། ཞེ་སྡང་དང༌། གཏི་མུག་དང༌། ཆ་མཉམ་པ་ལའང་མི་སྟོན་ནོ། །དེ་ལྟར་ཡོངས་སུ་མྱ་ངན་ལས་འདས་པ་ཆེན་པོ་བཞི་པོ་དག་གིས་བསྐལ་པ་བྱེ་བ་ཕྲག་
དུ་མ་ནས་བྱ་བ་མཐར་ཕྱིན་ཏེ་འདུལ་བའི་དབང་གིས་ཡོངས་སུ་མྱ་ངན་ལས་འདའ་བ་ལྟ་བུར་སྟོན་ཏོ། །མི་དགེ་བའི་ཕྱོགས་ཇི་སྙེད་ཡོད་པར་ཡོངས་སུ་མྱ་ངན་ལས་འདས་པའང་དེ་སྙེད་དེ། རྟག་ཏུ་སྐད་
ཅིག་དང༌། ཐང་གཅིག་དང༌། ཡུད་ཙམ་གྱིས་ཡོངས་སུ་མྱ་ངན་ལས་འདའོ། །དེ་བས་ན། རྣམ་པ་མང་པོ་དག་གིས་ཡོངས་སུ་མྱ་ངན་འདས་པར་བྱེད་ལ་གཏན་དུ་ཡོངས་སུ་མྱ་ངན་ལས་འདའ་བའི་མིང་
ཡང་མེད་པའི་ཕྱིར་ཡོངས་སུ་མྱ་ངན་ལས་མི་འདའོ། །བྱང་གི་སྒྲ་མི་སྙན་ལ་ལར་ནི། བདུད་ཀྱི་ལས་བྱེད་པ་ལྟར་བདག་ཉིད་སྟོན་ཏེ། བདུད་སྡིག་ཅན་ཡིན་པར་སེམས་ཅན་རྣམས་ཀྱིས་ཤེས་ཀྱང་བདུད་ཀྱི་
ལས་ཀྱང་མི་བྱེད་དོ། །འདོད་ཆགས་དང༌། ཞེ་སྡང་དང༌། གཏི་མུག་གི་འཇིགས་པ་ལ་སོགས་པ་མི་དགེ་བའི་ཕྱོགས་ཇི་སྙེད་པ་དེ་སྙེད་ཀྱི་བདུད་ཀྱི་ལས་རྟག་ཏུ་བྱེད་ལ། ཤིན་ཏུ་གཅོད་པར་བྱེད་པའི་བདུད་
ཀྱི་ལས་ལ་རྟེན་པའང་མ་ཡིན་ནོ། །ཛམྦུའི་གླིང་དང༌། བྱང་གི་སྒྲ་མི་སྙན་ཇི་ལྟ་བ་དེ་བཞིན་དུ་གླིང་ཐམས་ཅད་ལའང་སྦྱར་བར་བྱའོ། །རྒྱལ་ཆེན་བཞི་ལ་ལ་དག་ཏུའམ། དེ་བཞིན་དུ་སུམ་ཅུ་རྩ་གསུམ་
༄༅། །པའི་ཚོགས་ཀྱིས་ཡོངས་སུ་བསྐོར་བའི་ནང་དུ་ལྷའི་དབང་པོ་བརྒྱ་བྱིན་ལྟ་བུར་བདག་ཉིད་སྟོན་ཏེ། ལྷ་རྣམས་ཀྱི་དབང་པོ་བརྒྱ་བྱིན་ཡིན་པར་སུམ་ཅུ་རྩ་གསུམ་པའི་
ལྷ་རྣམས་ཀྱིས་ཤེས་སོ། །འཇིག་རྟེན་སྐྱོང་བ་བཞི་ལའང་དེ་བཞིན་དུ་སྦྱར་རོ། །སྲིད་པ་ཐམས་ཅད་དུའང་སྲིད་པ་ཐམས་ཅད་ཀྱི་ཚུལ་དུ་མངལ་དུ་སྐྱེ་བ་རྣམ་པར་སྟོན་ཏེ། སྲིད་པ་ཐམས་ཅད་
ཀྱི་སེམས་ཅན་རྣམས་རང་རང་གི་གཟུགས་དང་འདྲ་བར་སེམས་སོ། །དེ་བཞིན་དུ་སྲིད་པའི་ཡན་ལག་བཅུ་གཉིས་ཀྱི་རང་བཞིན་ཐམས་ཅད་དུ་བདག་ཉིད་སྟོན་ཅིང་སེམས་ཅན་ཐམས་ཅད་
ཀྱང་ཁམས་ཀྱི་འདུ་ཤེས་ལ་འཇུག་པར་བྱེད་ལ། སེམས་ཅན་གྱི་ཁམས་ལའང་མི་གནས་ཤིང་ཆོས་ཀྱི་དབྱིངས་ཡིན་ལ། རྟག་ཏུ་ཆོས་ཀྱི་གཏམ་བྱེད་པར་ཡང་སེམས་ཅན་རྣམས་ཀྱིས་
ཤེས་སོ༑ ༑སྤྲིན་ཆེན་སྙིང་པོ། དེ་བས་ན། ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་ནི། འཇུག་པའི་གནས་ཀྱི་གཞི་གཅིག་
ཏུ་ཆད་པ་མེད་དེ། ཉན་ཐོས་དང༌། རང་སངས་རྒྱས་ཀྱི་ཡུལ་གྱི་རྒྱུ་བ་ལ་རྒྱུ་བར་མི་བྱེད་དོ། །འཇིག་རྟེན་དང་མཐུན་པར་འཇུག་པའི་བྱ་བ་དུ་མ་དང༌། སེམས་ཅན་ཐམས་ཅད་ངེས་པར་བསྒྲལ་བའི་
ཕྱིར་ནི༑ རྒྱུ་བར་ཡང་བྱེད་དེ། རྟག་ཏུ་འཇིག་རྟེན་ཐམས་ཅད་དང་མཐུན་པར་འཇུག་ཅིང་གང་དང་གང་དུ་གདུལ་བར་བྱ་བ་རྣམས་སྣང་བ་དེ་དང་དེར་ཡང་བདག་ཉིད་སྟོན་ཏེ། དེ་བས་ན། མཚན་
མ་མེད་པའི་འདུ་ཤེས་ལ་སྤྱོད་པ་ཞེས་བྱའོ། །གང་གིས་མཚན་མའི་དངོས་པོ་ངན་པའི་འདུ་ཤེས་མཐོང་བ་དེས་ནི། ཡང་དག་པར་མཐོང་ངོ༌། །ཞེས་ང་སྨྲའོ། །ལྷ་མོ་དྲི་མ་མེད་པའི་འོད་འདི་མཚན་མ་མེད་
པའི་ཡེ་ཤེས་སྟོན་པ་དེ་བཞིན་དུ་དེ་བཞིན་གཤེགས་པ་ཐམས་ཅད་ཀྱང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་འདི་སྟོན་པར་མཛད་དོ། །དེ་ནས་སྤྲིན་ཆེན་སྙིང་པོས་གསོལ་པ།
ཀྱེ་མ་བཅོམ་ལྡན་འདས། ལྷ་མོ་དྲི་མ་མེད་པའི་འོད་འདི་ནི། ཤིན་ཏུ་མཁས་ཏེ། ཕྲ་བ་ཤེས་པ་དང་ལྡན་ཞིང་མཚན་མ་མ་མཆིས་པའི་ཡེ་ཤེས་ཀྱི་ཡུལ་བསམ་གྱིས་མི་ཁྱབ་པ་ལ་སྒོམ་པར་བགྱིད་
དེ༑ ཤིན་ཏུ་ལེགས་པར་ཡང་དག་པར་མཐོང་བ་ལགས་སོ། །དེ་ནས་དེའི་ཚེ་བཅོམ་ལྡན་འདས་ཐམས་ཅད་མཁྱེན་ཅིང་ཐམས་ཅད་མཁྱེན་པ་དང་ལྡན་པས་འཛུམ་པ་མཛད་ནས་འོད་འཕྲོ་བ་སྔོན་པོ་
དང༌། སེར་པོ་དང༌། དམར་པོ་དང༌། དཀར་པོ་དང༌། ལེ་བརྒན་དང༌། ཤེལ་དང༌། དངུལ་གྱི་ཁ་དོག་ཅན་བཅོམ་ལྡན་འདས་ཀྱི་ཞལ་གྱི་སྒོ་ནས་བྱུང་སྟེ་འཇིག་རྟེན་གྱི་ཁམས་མཐཱ་ཡས་མུ་མེད་
པར་འོད་ཀྱིས་ཁྱབ་པར་གྱུར་ནས་ཚངས་པའི་འཇིག་རྟེན་ལ་ཐུག་པའི་བར་དུ་སོང་སྟེ་སླར་ཡང་ལོག་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ཀྱི་སྤྱི་གཙུག་ཏུ་མི་
སྣང་བར་གྱུར་ཏོ། །དེའི་ཚེ་ས་རྣམ་པ་དྲུག་ཏུ་གཡོས། རབ་ཏུ་གཡོས། ལྡེག། རབ་ཏུ་ལྡེག་པར་གྱུར་ཏེ། རིགས་ཀྱི་བུ། དཔེར་ན། བྱང་གི་སྒྲ་མི་སྙན་གྱི་གླིང་རྟག་ཏུ་ཤིན་ཏུ་བརྒྱན་ཅིང་ཁོ་ར་ཁོར་ཡུག་ནས་
༄༅། །ཡོངས་སུ་མཛེས་པར་བྱས་པ་དེ་བཞིན་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལེགས་པར་བརྒྱན་པར་མཐོང་ངོ༌། །དེ་ནས་དེའི་ཚེ་བྱང་ཆུབ་སེམས་
དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་
སྐད་ཅེས་གསོལ་ཏོ། །བཅོམ་ལྡན་འདས། དེ་བཞིན་གཤེགས་པ་ནི། དོན་མ་མཆིས་པར་འཛུམ་པ་མི་མཛད་ན། འཛུམ་པ་མཛད་པའི་རྒྱུ་གང་ལགས། རྐྱེན་གང་ལགས། ཅིའི་སླད་དུ་ནི།
འོད་ཟེར་རྣམས་བྱུང་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། འདི་ནི། སྔ་མའི་ཚེ་ནུབ་ཕྱོགས་ནས་བྱང་ཆུབ་སེམས་དཔའི་མར་གྱུར་པའི་འོད་ཆེན་པོ་བྱུང་བ་མཐོང་ནས་ཁྱོད་
ཀྱི་ཡིད་ལ་ངོ་མཚར་དུ་གྱུར་ཏེ། བཅོམ་ལྡན་འདས། འདི་སུའི་སྔ་ལྟས་ལགས་ཞེས་ཟེར་བ་དེ་ཉིད་ཀྱི་དོན་དང༌། སེམས་ཅན་ཐམས་ཅད་ལ་ཕན་པའི་ཕྱིར་ང་འཛུམ་པ་མཛད་དོ། །གསོལ་
པ༑ བཅོམ་ལྡན་འདས་ཀྱིས་བྱང་ཆུབ་སེམས་དཔའ་མི་མཆོག་དེ་མཆི་ཞིག་པར་བཀའ་སྩལ་དུ་གསོལ། བཀའ་སྩལ་པ། བྱང་ཆུབ་སེམས་དཔའ་འདི་ནི། ནུབ་ཕྱོགས་ན་དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཅེས་བྱ་བ་འཇིག་རྟེན་གྱི་ཁམས་བདེ་བ་ཅན་ཞེས་བྱ་བ་དེ་ན་ད་ལྟར་འཚོ་ཞིང་གཞེས་ཏེ་ཆོས་ཀྱང་སྟོན་པའི་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེས་བཏང་སྟེ་བཅོམ་ལྡན་འདས་ཤཱཀྱ་ཐུབ་པ་འཇིག་རྟེན་གྱི་ཁམས་མི་མཇེད་ན་ད་ལྟར་ཛམྦུའི་གླིང་པའི་མི་བསོད་ནམས་
ཆུང་དུ་རྣམས་ལ་ཕན་པ་དང༌། བདེ་བ་དང༌། ཡིད་དད་པ་སྐྱེ་བར་བྱ་བའི་ཕྱིར་སྤྲིན་ཆེན་པོ་ཞེས་བྱ་བའི་སངས་རྒྱས་ཐམས་ཅད་ཀྱི་ཚུལ་གྱིས་ཆོས་ཆེན་པོ་སྟོན་གྱི། སོང་ལ་ཏིང་ངེ་འཛིན་འདི་ཟུངས་
ཤིག་ཅེས་གསུངས་སོ། །སྤྲིན་ཆེན་སྙིང་པོ། ཁྱོད་ཀྱིས་འདིའི་རང་བཞིན་གྱི་ལུས་མཐོང་ངམ། གསོལ་པ། བཅོམ་ལྡན་འདས། འདིའི་རང་བཞིན་གྱི་ལུས་ཀྱི་ངོ་བོ་ལ་དཔག་ཚད་ས་ཡ་ཕྲག་
དགུ་དང་དགུ་འབུམ་མཆིས་ཏེ། ལུས་ཆེ་ཞིང་སྣང་བ་ཆེན་པོར་གདའ་བ་མཐོང་ལགས་ན། བཅོམ་ལྡན་འདས། ཀྱེ་མ་བྱང་ཆུབ་སེམས་དཔའ་ལུས་ཆེ་བ་འདིའི་མིང་ནི། ཅི་ཞེས་བགྱི། གལ་
ཏ་ཐ་མལ་པའི་ལུས་འདི་འདྲ་བ་ལགས་ན། བསྒྱུར་བའི་ལུས་ཅི་འདྲ་བར་འགྱུར། ཇི་ལྟར་སེམས་ཅན་ཐམས་ཅད་ལ་སྨན་པའི་སླད་དུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་
ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་འོད་མཐའ་ཡས་ཞེས་བྱ་བ་ཐབས་ལ་མཁས་པ་འདི་ནི། ལྷ་མོ་དྲི་མ་མེད་པའི་འོད་འདི་ལུང་བསྟན་པ་ཡོངས་སུ་གཟུང་པ་དང༌། སེམས་
ཅན་ཐམས་ཅད་ཡིད་དང་བར་བྱ་བ་དང༌། སེམས་ཅན་ཐམས་ཅད་ལ་ཕན་པ་དང༌། བདེ་བར་བྱ་བ་དང༌། ངེས་པར་བསྒྲལ་བ་དང༌། ཏིང་ངེ་འཛིན་འདི་ལ་མཆོད་པའི་བྱ་བའི་ཕྱིར་འོངས་སོ། །གསོལ་
༄༅། །པ༑ ལྷ་མོ་དྲི་མ་མེད་པའི་འོད་གང་དུ་བུད་མེད་ཀྱི་ལུས་ལས་ལྡོག་པར་འགྱུར་བ་བཅོམ་ལྡན་འདས་དེ་བཞིན་གཤེགས་པས་ལུང་བསྟན་དུ་གསོལ། བཀའ་སྩལ་པ།
སྤྲིན་ཆེན་སྙིང་པོ། བུད་མེད་ཀྱི་ལུས་ལས་གང་དུ་ལྡོག་པར་འགྱུར་ཞེས་དེ་ལྟར་མ་ལྟ་ཞིག །གསོལ་པ། བཅོམ་ལྡན་འདས་འོ་ན་ཇི་ལྟ་བུ་ལགས། བཀའ་སྩལ་པ། འདི་ནི། བུད་མེད་མ་ཡིན་
ཏེ༑ ལྷ་མོ་དྲི་མ་མེད་པའི་འོད་འདི་ནི། བསྐལ་པ་བྱེ་བ་ཕྲག་གྲངས་མེད་པ་ནས་བྱང་ཆུབ་སེམས་དཔའི་བྱ་བ་བྱེད་པ་ཡིན་ཏེ། སེམས་ཅན་འདུལ་བའི་དབང་གིས་བུད་མེད་ཀྱི་ལུས་འཛིན་པས་ན།
འདི་ནི༑ ཐབས་ཀྱི་ལུས་ཡིན་པར་བལྟའོ། །ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། རྟག་ཏུ་ཐབས་ཐམས་ཅད་ལ་འཇུག་པའི་ཕྱིར་སེམས་ཀྱི་སྨོན་ལམ་
གྱིས་སྨོན་པར་བྱེད་དེ། འདོད་བཞིན་དུ་བུད་མེད་ཀྱི་ལུས་ཀྱི་འདུ་ཤེས་ལ་འཇུག་གོ །དེ་ལྟར་བུད་མེད་ཀྱི་ལུས་སྒྲུབ་པའི་བསམ་པ་ལས་འཇུག་ཀྱང་འདོད་པའི་སེམས་ཀྱིས་གོས་པར་མི་འགྱུར་ཞིང་
འདྲེས་པར་ཡང་མི་འགྱུར་རོ། །གསོལ་པ། སེམས་ཅན་ཐམས་ཅད་ཀྱི་དོན་གྱི་སླད་དུ་ལྷ་མོ་དྲི་མ་མེད་པའི་འོད་ཀྱི་ལུང་བསྟན་པ་རིགས་དང༌། གྲོང་དང་བཅས་པར་ཆོ་ག་བཞིན་དུ་བཅོམ་ལྡན་
འདས་ཀྱིས་འདིར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་དྲི་མ་མེད་པའི་འོད་འདི་ནི། ང་ཐབས་ཀྱིས་ཡོངས་སུ་མྱ་ངན་ལས་འདས་པའི་འོག་ཏུ་ལོ་བདུན་བརྒྱ་ལོན་པ་
ན་ལྷོ་ཕྱོགས་ཀྱི་རྒྱུད་དུ་ཡུལ་འཁོར་མུན་པ་ཅན་ཞེས་བྱ་བ་ཞིག་འབྱུང་བར་འགྱུར་ཏེ། ཡུལ་འཁོར་ཆེན་པོ་དེ་ན་ཆུ་ཀླུང་ནག་པོ་བཟང་ཞེས་བྱ་བ་ཞིག་ཡོད་པ་དེའི་ལྷོ་ཕྱོགས་ཀྱི་འགྲམ་ན་གྲོང་ཁྱེར་དཔལ་
ཡོན་ཅན་དེས་པ་ཞེས་བྱ་བར་ཁམས་ཀྱི་རྒྱལ་པོ་རྒུད་པ་གསོ་བ་ཞེས་བྱ་བའི་རིགས་སུ་འབྱུང་བར་འགྱུར་ཏེ། ཁམས་ཀྱི་རྒྱལ་པོ་དེའི་རིགས་རབས་གསུམ་ལོན་པ་ན་རྒྱལ་པོ་དཔལ་འཕེལ་ཞེས་བྱ་
བ་ཞིག་འབྱུང་བར་འགྱུར་ཏེ། རྒྱལ་པོ་དེའི་བུ་མོ་སྙིང་དུ་སྡུག་ཅིང་བྱམས་ལ་ཡིད་དུ་འོང་བ་དང༌། གནང་བ་དང༌། མཆོག་ཏུ་མཛེས་ཤིང་གཟུགས་བཟང་ལ་རིགས་ཀྱི་སྤྱོད་པའི་ཚུལ་ཕུན་སུམ་ཚོགས་
པ་སྐྱོང་བའི་རང་བཞིན་དུ་སྐྱེ་བར་འགྱུར་ཏེ། དེའི་ཚེ་དེའི་དུས་ན་བུ་མོ་དེ་ཇི་ཙམ་དུ་སྐྱེས་པ་དེ་ཙམ་དུ་བདག་ཉིད་ཀྱི་རྒྱལ་པོའི་ཕོ་བྲང་འཁོར་འཕེལ་བར་བྱེད་དེ། རྒྱལ་པོའི་ཕོ་བྲང་འཁོར་དེ་འབྱོར་ཅིང་རྒྱས་པར་
འགྱུར་རོ། །དེ་བཞིན་དུ་མུན་པ་ཅན་གྱི་ཡུལ་འཁོར་ཡང་དེའི་ཚེ་འབྱོར་ཅིང་རྒྱས་པར་འགྱུར་ཏེ། སྐྱེ་བོ་མང་པོས་ཀྱང་གང་བར་འགྱུར་རོ། །འབྲུ་རྣམས་ཀྱི་ལེ་ཏོག་ཀྱང་ཤིན་ཏུ་ཕུན་སུམ་ཚོགས་པར་འགྱུར་
རོ༑ ༑མི་རྣམས་ཀྱང་བདེན་པར་སྨྲ་བར་འགྱུར་རོ། །ནང་མེད་པ་དང༌། འཇིགས་པ་མེད་པ་དང༌། བདེ་བར་ཡང་འགྱུར་རོ། །དེ་ནས་བུ་མོའི་ཕ་རྒྱལ་པོ་དཔལ་འཕེལ་གྱིས་བདག་ཉིད་ཀྱི་བསོད་ནམས་ཀྱིས་གྲོང་
ཁྱེར་དང༌། ཡུལ་འཁོར་འབྱོར་ཅིང་རྒྱས་ལ་ཡུལ་གྱི་མི་རྣམས་ཤིན་ཏུ་ལེགས་པར་འཁོད་པ་དང༌། འབྲུ་ཤིན་ཏུ་ཚོགས་པར་མཐོང་ནས་བདག་ཉིད་ཀྱི་བུ་མོའི་མིང་ལོ་ཏོག་འབྱོར་མ་ཞེས་ཡོན་ཏན་དང་
༄༅། །མཐུན་པའི་མིང་འདོགས་སོ། །དེ་ནས་རིམ་གྱིས་རྒྱལ་པོ་དཔལ་འཕེལ་རང་གི་བསོད་ནམས་ཟད་ནས་འཆི་བའི་དུས་བྱེད་པར་འགྱུར་རོ། །དེ་ནས་གྲོང་ཁྱེར་དང༌། གྲོང་
རྡལ་དང༌། ཡུལ་གྱི་མི་རྣམས་འདུས་ཏེ། གཞོན་ནུ་རྒྱལ་པོ་ནུས་པ་འགའ་ཡང་མེད་ཀྱི། ལྷ་མོ་ལོ་ཏོག་འབྱོར་མ་འདི་ཉིད་རྒྱལ་པོར་དབང་བསྐུར་ལ་རྒྱལ་པོའི་ཕོ་བྲང་དུ་དེ་འདྲ་བའི་གཞོན་ནུ་འགའ་
ཞིག་མིང་ཁྱེར་ཙམ་དུ་བཞག་སྟེ། དེ་ལྟར་བྱས་ན་ལེགས་སོ་སྙམ་མོ། །དེ་ནས་ལྷ་མོ་དེ་དང༌། རྒྱལ་བུ་གཞོན་ནུ་དེ་རྒྱལ་པོ་བྱེད་དུ་བཅུག་སྟེ། ཕོ་འུད་ཏི་མོ་འུད་ཏི་བཞིན་དུ་སྙད་བཏགས་ནས་བདག་ཉིད་
ཀྱི་ཡུལ་དུ་བདག་ཉིད་ཀྱིས་བུད་མེད་ཀྱི་གཟུགས་ཀྱིས་རྒྱལ་སྲིད་ཆེན་པོ་ཡོངས་སུ་སྤྱད་དེ། མུ་སྟེགས་ཅན་ངན་པའི་སྡེ་མངོན་པར་འདུལ་བར་བྱེད་ཅིང་ཛམྦུའི་གླིང་གི་ས་གཞི་ཐམས་ཅད་དེ་བཞིན་
གཤེགས་པའི་མཆོད་རྟེན་གྱི་མངོན་མཚན་ཅན་དུ་བྱས་ནས་བཀུར་སྟིར་བྱེད། བླ་མར་བྱེད། རིམ་གྲོར་བྱེད། མཆོད་པར་བྱེད་དེ། རིན་པོ་ཆེ་ཐམས་ཅད་ཀྱི་གདུགས་ཆེན་པོ་དང༌། རིན་པོ་ཆེ་ཐམས་
ཅད་ཀྱི་བ་དན་རྣམས་དང༌། རིན་པོ་ཆེ་ཐམས་ཅད་ཀྱི་རྣམ་པར་རྒྱལ་བའི་བ་དན་རྣམས་དང༌། སྤོས་ཐམས་ཅད་ཀྱིས་བསྒོས་པའི་ཙནྡན་གྱི་ཕྱེ་མ་དང༌། སྤོས་དང༌། མེ་ཏོག་ཐམས་ཅད་དང༌། རྔ་པ་ཊ་ཧ་དང༌།
ཁར་རྔ་དང༌། རྫ་རྔ་དང༌། པི་ཝང་དང༌། གླིང་བུ་དང༌། སེལ་སྙན་བརྒྱ་ཕྲག་ཐམས་ཅད་ཀྱིས་མཆོད་པ་བྱས་ནས་ཛམྦུའི་གླིང་ཐམས་ཅད་བསྐོར་ཏེ་དགེ་སློང་ཚུལ་ཁྲིམས་དང་ལྡན་པ་དང༌། ཡོན་ཏན་དང་ལྡན་
པ་རྣམས་ལ་ཆོས་གོས་དང༌། བསོད་སྙོམས་དང༌། མལ་སྟན་དང༌། ན་བའི་གསོས་སྨན་དང༌། ཡོ་བྱད་རྣམས་དང་ལྡན་པར་བྱས་ཏེ་ཕ་རོལ་ཏུ་ཕྱིན་པ་བཅུའི་སྤྱད་པ་སྤྱོད་ཅིང་རྟག་ཏུ་བསླབ་པའི་གཞི་ལྔ་བཟུང་ན་
དབུལ་པོ་ལ་སོགས་པ་ཁྱིམ་བཀོལ་གྱི་སེམས་ཅན་ཐམས་ཅད་གང་དང་གང་ལ་ཅི་དང་ཅིས་དོན་དུ་འགྱུར་བ་དེ་དང་དེ་ལ་དེ་དང་དེ་བྱིན་ནས་འདུ་ཤེས་བཅུའི་བསྡུ་བས་བསྡུས་ཏེ་སྤྱོད་པར་བྱེད་ཅིང༌། སེམས་ཅན་
བྱེ་བ་ཕྲག་མང་བོ་དག་རིམ་བཞིན་དུ་བརྟུལ་ཏེ་སེམས་ཅན་དེ་དག་གི་དགེ་བའི་རྩ་བ་ཡོངས་སུ་སྨིན་པར་ཤེས་ནས་སྤྲིན་ཆེན་པོའི་མདོ་འདི་ལ་སོགས་པ་དེ་བཞིན་གཤེགས་པ་ཐམས་ཅད་ཀྱིས་གསུངས་པ་
མཚུངས་པ་མེད་པའི་མདོ་རིན་པོ་ཆེའི་དམ་པའི་ཆོས་བསྟན་པ་འབྱུང་བར་བྱ་བའི་ཕྱིར་ཅིའི་ཐབས་ཀྱིས་ཀྱང་མཚུངས་པ་མེད་པའི་སྒྲ་སྒྲོག་པར་བྱེད་ཅིང༌། མཚུངས་པ་མེད་པའི་གླེགས་བམ་བྲིས་པའི་སྣོད་
སངས་རྒྱས་ཀྱིས་གང་དང་གང་དུ་བྱིན་གྱིས་བརླབས་པའི་གནས་རྣམས་སུ་འཇོག་པར་བྱེད་དེ། དེ་ལྟར་མཚུངས་པ་མེད་པའི་ས་བོན་བསྐྱེད་ནས་དེའི་འོག་ཏུ་འཆི་བའི་དུས་བྱེད་པར་འགྱུར་རོ། །དེའི་ཚེ་ལྷ་
མོ་ལོ་ཏོག་འབྱོར་མ། ཤེས་རབ་ཆེན་མོ། ཐབས་མཁས་པ། ཟབ་མོ་ཤེས་པ་དང་ལྡན་པའི་ལྷ་མོ་བུད་མེད་ཀྱི་ལུས་ལས་ལྡོག་པར་འགྱུར་རོ། །སྤྲིན་ཆེན་སྙིང་པོས་གསོལ་པ། བཅོམ་ལྡན་འདས། ཅི་ལྷ་
མོ་འདི་སེམས་ཅན་ཐམས་ཅད་ཀྱི་དད་པ་བསྐྱེད་པའི་སླད་དུ་ཆོ་འཕྲུལ་ཆེན་པོ་བགྱིས་ནས་ཡོངས་སུ་མྱ་ངན་ལས་འདའ་བར་འགྱུར་རམ། བཀའ་སྩལ་པ། སྤྲིན་ཆེན་སྙིང་པོ། ཅི་ལྷ་མོ་འདི་ཆོ་འཕྲུལ་ཆེན་པོ་
༄༅། །བྱེད་མི་ནུས་ཞེས་ཁྱོད་སྨྲའམ། བཅོམ་ལྡན་འདས། དེ་ནི། མ་ལགས་སོ། །བཀའ་སྩལ་པ། སྤྲིན་ཆེན་སྙིང་པོ། ལྷ་མོ་འདི་ཆོ་འཕྲུལ་ཆེན་པོ་སྟོན་མི་ནུས་སོ། །
ཞེས་དེ་སྐད་མ་ཟེར་ཅིག །འོན་ཀྱང་འདུལ་བའི་དབང་གིས་ནི། མི་འདོད་དོ། །དེ་ཅིའི་ཕྱིར་ཞེ་ན། ཛམྦུའི་གླིང་འདི་ན་ལྷ་མོ་འདི་ལ་སོགས་པ་དགེ་སློང་ངམ། དགེ་སློང་མ་ཚུལ་ཁྲིམས་དང་ལྡན་པར་
གྱུར་ནས་ཡོངས་སུ་མྱ་ངན་ལས་འདའ་བར་མི་འགྱུར་བའི་སེམས་ཅན་དེ་གང་ཡང་མེད་དེ། དེ་ནི། གནས་མེད་དོ། །སྤྲིན་ཆེན་སྙིང་པོ། དེ་བས་ན། མ་འོངས་པའི་སེམས་ཅན་བསོད་ནམས་ཆུང་
དུ་ཐམས་ཅད་ཀྱི་དད་པ་བསྐྱེད་པའི་ཕྱིར་མདོ་འདི་ལས་བྱང་ཆུབ་སེམས་དཔའ་རྣམས་ལུང་སྟོན་པར་བྱེད་དོ། །ཞེས་ང་སྨྲའོ། །སྤྲིན་ཆེན་སྙིང་པོ། དེའི་ཚེ་ལྷ་མོ་འདི་བུད་མེད་ཀྱི་ལུས་ལས་ལྡོག་ནས་དེ་
བཞིན་གཤེགས་པ་འོད་དཔག་མེད་ཀྱི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བ་ལེན་པར་འགྱུར་ཏེ། འཇིག་རྟེན་གྱི་ཁམས་དེར་བདེ་བ་ཉམས་སུ་མྱོང་ནས་རིམ་གྱིས་སངས་རྒྱས་སུ་
འགྱུར་རོ། །གསོལ་པ། བཅོམ་ལྡན་འདས། ཐབས་ལ་མཁས་པ་དང་ལྡན་པའི་ལྷ་མོ་འདི་ཡུན་ཇི་སྲིད་ཅིག་ན་སངས་རྒྱས་སུ་འགྱུར། འདིའི་མིང་ཡང་ཇི་སྐད་ཅེས་བགྱི་བར་འགྱུར། བཅོམ་ལྡན་འདས་
དེའི་འཇིག་རྟེན་གྱི་ཁམས་ནི། ཅི་འདྲ་བར་འགྱུར། བཀའ་སྩལ་པ། ལྷ་མོ་འདི་ནི། བསྐལ་པ་གྲངས་མེད་པ་ཕྲག་ལྔ་བརྒྱ་འདས་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་བླ་ན་མེད་
པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་
པ༑ འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་གཙང་ཞིང་བདེན་པའི་མཚམས་འཕེལ་བར་མཛད་པ་ཞེས་
བྱ་བར་འགྱུར་རོ། །འཇིག་རྟེན་གྱི་ཁམས་མི་མཇེད་འདི་ཡང་འཇིག་རྟེན་གྱི་ཁམས་གཙང་མ་སྦྱོང་བ་ཞེས་བྱ་བར་འགྱུར་རོ། །བསྐལ་པ་ནི། གཙང་ཞིང་བདེན་པའི་མཚམས་ཞེས་བྱ་བར་འགྱུར་ཏེ། འཇིག་
རྟེན་གྱི་ཁམས་གཙང་མ་སྦྱོང་བ་དེ་འབྱོར་བར་འགྱུར། རྒྱས་པར་འགྱུར། བདེ་བ་དང༌། ཉམས་དགའ་བ་དང༌། ལོ་ལེགས་པ་དང༌། སྐྱེ་བོ་དང༌། མི་མང་པོས་གང་བར་འགྱུར་ཏེ། འབྱོར་ཅིང་རྒྱས་པར་
གྱུར་པ་དེའི་ཚེ་ཛམྦུའི་གླིང་འདིར་གྲོང་ཁྱེར་གཙང་མ་བསུང་ལྡན་ཞེས་བྱ་བ་ཞིག་འབྱུང་བར་འགྱུར་ཏེ། གྲོང་ཁྱེར་གཙང་མ་བསུང་ལྡན་དུ་མི་བྱེ་བ་བརྒྱ་སྟོང་ཕྲག་དགུ་བཅུ་རྩ་བརྒྱད་འབྱུང་བར་འགྱུར་རོ། །
དཔེ་མེད་པའི་གྲོང་ཁྱེར་དེར་ར་བ་དང༌། ཡང་ཐོག་དང༌། བླ་འཚོགས་དང༌། འོབས་དཔེ་མེད་པ་དག་འབྱུང་བར་འགྱུར་རོ། །དག་ཅིང་ཉོན་མོངས་ཞི་བར་བྱེད་པའི་ཆུའི་ཀླུང་ནག་པོ་བཟང་ཞེས་བྱ་བ་ནི། དེའི་ཚེ་
གཙང་མ་བཟང་པོ་ཞེས་བྱ་བར་འགྱུར་ཏེ། འགྲམ་ཕ་རོལ་ཚུལ་རོལ་དཔེ་མེད་པའི་ཤིང་ལྗོན་པའི་ཀུན་དགའ་ར་བ་ཉམས་དགའ་བ་དང་ལྡན་པར་འགྱུར་རོ། །འཇིག་རྟེན་གྱི་ཁམས་གཙང་མ་སྦྱོང་བ་དེ་ཡང་
༄༅། །འདི་ལྟ་སྟེ། དཔེར་ན། དགའ་ལྡན་གྱི་ལྷ་རྣམས་ཀྱི་ལོངས་སྤྱོད་དང༌། ཡོངས་སུ་སྤྱོད་པ་བཞིན་ཏེ། རི་དང༌། རྡོ་དང༌། བོང་བ་དང༌། གྱོ་མོ་དང༌། གསེག་མ་ལ་སོགས་པ་
མེད་པར་འགྱུར་ཞིང་མུ་སྟེགས་ཅན་གྱི་མིང་ཡང་མེད་པར་འགྱུར་རོ། །ཉན་ཐོས་དང༌། རང་སངས་རྒྱས་ཐམས་ཅད་ཀྱི་མིང་ཡང་མི་གྲགས་པར་འགྱུར་རོ། །སྐྱེས་པ་དང་བུད་མེད་དག་གི་བྱང་ཆུབ་
སེམས་དཔའི་དགེ་འདུན་ཡང་འབྱུང་བར་འགྱུར་རོ། །དེ་ན་ཉན་ཐོས་དང༌། རང་སངས་རྒྱས་ཀྱི་ཤེས་པའི་གཏམ་གྱི་མིང་ཡང་མེད་དེ། ཐེག་པ་ཆེན་པོའི་མདོའི་གཏམ་རྒྱས་པར་སྟོན་པར་འགྱུར་
རོ༑ ༑བདུད་དང་ཕྱིར་རྒོལ་བ་བཅོམ་པའི་སེམས་ཅན་རྣམས་འབྱུང་བར་འགྱུར་རོ། །དག་ཅིང་བཟོད་པ་ཆེན་པོའི་རྙེད་པ་ཐོབ་པ་དག་འབྱུང་བར་འགྱུར་རོ། །ས་གཞིའང་ནོར་བུ་རིན་པོ་ཆེ་ཐམས་
ཅད་ལས་གྲུབ་པར་འགྱུར་ཏེ། ཛམྦུའི་ཆུ་བོའི་གསེར་གྱི་མེ་ཏོག་དང༌། པདྨ་ཐམས་ཅད་ཀྱིས་སྤྲས་པར་འགྱུར་རོ། །དེ་བཞིན་གཤེགས་པ་དེའང་ཚེ་དཔག་ཏུ་མེད་པར་འགྱུར་རོ། །དེ་བཞིན་དུ་མི་རྣམས་
ཀྱི་ཚེའང་ཚད་མེད་པར་འགྱུར་རོ། །དེ་བཞིན་གཤེགས་པ་དེ་ནི། གྲོང་ཁྱེར་གཙང་མ་བསུང་ལྡན་དུ་བཞུགས་པར་འགྱུར་རོ། །བཅོམ་ལྡན་འདས་དེའི་སྨོན་ལམ་གྱི་ཁྱད་པར་གྱིས་ན་མ་འོངས་པའི་
སེམས་ཅན་གྱི་ཚོགས་མང་པོ་དག་གིས་དེ་བཞིན་གཤེགས་པ་དེའི་མཚན་ཐོས་པ་ཙམ་གྱིས་རང་གི་ལུས་ལས་ཤི་འཕོས་མ་ཐག་ཏུ་འཇིག་རྟེན་གྱི་ཁམས་གཙང་མ་སྦྱོང་བ་དེར་གྲོང་ཁྱེར་གཙང་མ་
བསུང་ལྡན་དུ་སྐྱེ་བར་འགྱུར་ཞེས་ང་སྨྲའོ། །ངན་སོང་བཞིའང་དེ་དག་གི་སྤྱོད་ཡུལ་གྱི་སར་མི་འགྱུར་རོ། །སྤྲིན་ཆེན་སྙིང་པོ། །དེ་བས་ན། ད་ནི། བཅོམ་ལྡན་འདས་འཇིག་རྟེན་གྱི་ཁམས་གཙང་མ་སྦྱོང་བ་དང༌།
བསྐལ་པ་གཙང་ཞིང་བདེན་པའི་མཚམས་ཞེས་བྱ་བ་དང༌། དེ་བཞིན་གཤེགས་པ་གཙང་ཞིང་བདེན་པའི་མཚམས་འཕེལ་བར་མཛད་པ་ཞེས་བྱ་བའི་ཡོན་ཏན་གཟུང་བ་སྨྲའོ། །དེ་ནས་འཁོར་ཆེན་པོའི་ནང་
ནས་ལྷ་དང་མིའི་ཚོགས་ཚད་མེད་པས་བཅོམ་ལྡན་འདས་ལ་མཆོད་པ་ཆེན་པོའི་ལས་བྱས་ཏེ་གར་བྱས། གླུ་བླངས་ནས་བཅོམ་ལྡན་འདས་དེའི་བྱང་ཆུབ་སེམས་དཔའི་སྤྱོད་པ་ལ་སེམས་བསྐྱེད་དོ། །འདི་ནི།
མ་འོངས་པའི་སེམས་ཅན་བྱེ་མ་སྙེད་དག་ལུང་སྟོན་པ་སྤྲིན་ཆེན་པོའི་མདོ་ཚེག་དབར་བརྒྱད་པར་སྦྱར་བའི་ལེའུ་འབུམ་པ་ལས་ལུང་བསྟན་པའི་རྒྱུད་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་
ནས་སྤྲིན་ཆེན་སྙིང་པོ་ལ་སོགས་པ་ལྷ་དང༌། ཀླུ་དང༌། གནོད་སྦྱིན་དང༌། དྲི་ཟ་དང༌། ལྷ་མ་ཡིན་དང༌། ནམ་མཁའ་ལྡིང་དང༌། མི་འམ་ཅི་དང༌། ལྟོ་འཕྱེ་ཆེན་པོ་དང༌། མི་དང༌། མི་མ་ཡིན་པ་རྣམས་ཡི་རང་སྟེ་བཅོམ་
ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སྤྲིན་ཆེན་པོ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་སུ་རེནྡྲ་བོ་དྷི་དང༌། ཞུ་ཆེན་གྱི་ལོ་ཙཱ་བ་བནྡྷེ་
ཡེ་ཤེས་སྡེས་ཞུས་ཏེ་གཏན་ལ་ཕབ་པ།
Copyright © 2012 by the Asian Classics Input Project. All rights reserved.